今日，一大清早就起左身，因為我地要去探爺爺∼（又有利是收嘍！）
爺爺住喺沙田，搭車過去，時間仲長過去葵涌，坐喺車度，一邊聽MP3，一邊比架車震到好似個搖籃咁
我終於敵不過周公，喺車度訓著左．．
終於到左沙田啦，爺爺住既係舊式屋村，即係果ｄ得廿幾層既樓,,樓齡都幾高下
去到爺爺屋企，開著電視，先知道獎門人重播，雖然幾好笑，但係最尾都有少少感動
家姐同佢男朋友一齊去左睇煙花，仲話睇煙花要愈凍愈好，氣氛先夠勁喎..乜呢個年頭有ｄ咁既潮流呀？
呢兩日冇左靖靖喺耳邊吱吱喳喳，好似有ｄ唔係好慣，少咁ｄ野
可能就係因為習慣左有佢把聲既關係呱~~
 呵呵
我又學識左一種整Banner既效果啦.....仲識整斜紋添（原來好簡單,,只係我蠢既關係..所以以前一直都唔識）
ＰＳ同ＵＧＡ真係好好玩~~我好似已經玩上癮.............
|
