好耐好耐好耐未寫了, 太忙了... 但唔知忙 d 乜..
收到你地的留言 & 電話, 謝謝你們
由於我自己都咳到死死下, 電話答唔到你地好多野, 就係呢到答啦...
阿哥入左院, 經過一輪同2間醫生的推卸後, 驗到有個發炎的血管癌壓住神經線,
所以佢2隻腳都動唔到...暫時只可以食藥等佢唔好發炎,
再一邊做物理治療, 睇下遲下使唔使做手術... 好似話最快要3個月後先得,
咁就大獲啦...仲話有機會唔可以好似以前咁...
阿哥真係好心急, 我都明, 但有時真係急唔來... 希望無事la...
見到爸媽為哥哥咁擔心, 呢排自己病到死死下都冇出聲,
除左而家咳...無計, 一定比佢地知, 但真係唔想佢地再擔心多一樣無謂野啦
有時佢地會炆阿哥, 但我會努力努力咁令佢地開心,
好努力咁做屋企的野, 做埋阿哥份, 雖然都幾辛苦, 但沒法子la!
病...真係辛苦, 醫生叫我- -無必要唔好講野, 講都唔好大聲, 沒可能...
對住屋企其實有少少炆, 比我靜下好嗎...? 好累好累... 真係好累...
|
