另一 team 的 leader 亦都辭職唔做, 宜家公司簡直踏入非常時期。最後老闆由說個 team 的 leader 放假一個月, 之後再作辭職的決定。

現在公司非常時期, 踓然我個team 終於請返一個女仔黎幫手, but 我的工作依然没有減少過。我除了shipping, customer service外, 宜家仲要撈多飯全權處理公司客人委托我地公司做的 catalogue, 工作量越黎越多。

今朝早, 老闆叫左我入房開會。當每一次, 同事上完工廠驗完機, 我要負責寫返一份全英文的 report 出黎, 講返宜家進度去到邊等等 . . . 我d 英文不是太好, 而且還要寫機器配件的深入英文字詞, 真的有些考起？but 我會盡力的

之後老闆就同我講宜家公司非常時期, 希望我幫得幾多得幾多, 而且他還保証會免費請我去北海道旅行 . . . 是北海道免費旅行耶, but 佢請我去, 我又揾邊個同我一齊去呢？北海道旅行咁貴, 好多 fd 都未必會去啦 . . . 所以佢話請我去, 我没有太大的興奮 ~ 

以前公司的咭片都由我一人處理, 由於太多工作, 所以我將呢個工作交由阿龍去做。今日lunch 時, 老闆叫阿龍幫我和我個team 新黎的女生 (perrie) 整咭片。當時我行開左, 返到位個時, 阿龍話幫我整咭片, 當時我還不知道是幫我出咭片, 我仲佢好, 咁你幫我整俾印刷廠啦 . . . 阿龍知道我可能 get 錯, 佢話係幫你出你的公司咭片 . . . haha, 原來我攪錯左 ~ 於是我就問阿龍, 我張咭片上的 title 是什麼？ . . . customer service officer . . . haha, 我終於有我自己的咭片了 ~ 

今晚 ot 到 7:10 先放工, 其實現在每晚差不多都係呢d 時間放工, 己經習慣了, but 其實今晚仲有好多嘢都未做完, 因為今晚 book 左上 8點的 funky mtv, 所以7:10分就拿拿臨走人。放工後, 去左m 記食麥樂雞。食完飯, 就坐車去油麻地上堂了。

今晚得我自己一個人去上堂, 原本我是book 了星期五, 但星期五要返大陸工作, 擔心趕唔切返學, 所以才改今晚上堂。今晚得 6個同學仔, 成個課室有很多位置。當 misuki 見到我一個的時候, 佢問我其他人呢, 得你自己一個黎上堂嗎？ . . . yes, 我d 堂上唔切耶, 所以今日自己一個人過黎上堂 . . . 

我發現我自己唔like 跳 funky mtv, 因為一黎多舞步, 還要比平時 funky dance 多舞步, total 有 11組動作, 而且全堂都係播個一首歌, 而且舞步的動作不會大起大落。當我上完堂後, 發現我没有點出汗, 還要比上 jessica 堂留的汗少很多。

原本打算上完 misuki 的堂去沖涼, 但無咩點留汗, 所以最後無沖涼就閃人了。

最近無咩心機寫日記, 因為工作太忙, 很累 . . .

今日 6:45 分起身, 7點出門口, 原本打算到羅湖過關, 但是今日背上一件很重的行李 (手提電腦一部 + 插頭電線) . . . 件行李真的真的太重了, 最後還是放棄在羅湖過關, 改去紅磡坐直通車過關吧!

同事之前話我知 8:20a.m. 有一班火車由紅磡開出到廣州, 但我搭個架巴士也實在開得太慢了, 7:55a.m. 才到紅磡火車站, oh my god ~ 得返25分鐘, 趕唔切食早餐添 ~ 因為銀包唔夠錢買火車飛, 所以趕去提款機禁錢 -> 買火車飛 -> m 記買早餐, 大堂宣佈 8:20a.m. 開出的火車, 將在 5分鐘後停止入閘, oh . . . 死啦 . . . 趕唔切, 買完 m 記早餐, 買入閘過關先 ~ 過完關, 就即刻上火車。

9:30左右己經在廣州路途中, admin 打黎俾我的第一句 <你去到邊呀？>, 我心諗 <唔係化, check 我行踪, 好彩我 on the way 途中> . . . 差不多 10點多到達廣州, 跟住就行去地鐵站坐 mtr 入工廠, 點知身上得大紙買唔到車票, 於是去左 7仔買嘢飲, 唱左d 散紙買車票, 之後就踏上我的廣州之旅。

在地鐵轉了 2條線, 坐了 10多個站, 終於來到工廠區附近。

出閘後, 死啦 . . . 唔知自己去左邊, 因為四周都在整路 + 工程 + 圍了鐵板, 我完全唔知自己去左邊, 只感到無奈中 ~ 唔夠膽周圍行, 於是打電話俾工廠同事, 工廠同事叫我坐巴士入工廠, but 要行去巴士站需要行 15分鐘, but 問題係工廠同事講完個巴士站係邊, 我都唔識行過去？最後放棄搭巴士, 因為連廠同事都驚我唔知行左去邊 . . . 工廠同事叫我坐的士入廠, 我好努力截的士中, 但奈何呢度實在太少的士經過, 等左一陣間, admin 又打黎 <你返到工廠未?> . . . 未喎!!! . . . admin 又打黎係咁問我入到廠未？我又截唔到的士入廠?我又唔知自己個位置？ . . . 此刻的我感到很無助 . . . 完來自己一個人返工廠的咁的 ~

等了好耐, 有一個女人騎著電單車到我面前, 她問我要去邊？ . . . 我以前佢教我點行入工廠, 點知原來佢黎兜售生意？ . . . 到底我好唔好上車呢？admin 又係咁打黎問我返到廠未？背包的手提電腦也很重？ . . . 講真我真係唔想上電單車, 因為我真係好驚坐電單車, 因為一黎架電單車好高, 加上之前一次不好的經歷, 超超超唔想坐電單車囉 ~ 但如果唔坐電單車, 我要等幾耐先入到廠呢？ . . . 最後迫於無奈, 死死地氣坐上電單車 . . .

on the way 工廠途中, admin 又打黎:你宜家係邊呀？上左車未呀？返到工廠未呀？
坐在電單車上面的我, 拿著手提電話無奈答: 我宜家坐緊電單車入工廠, 好快到 . . .
admin: 你講笑渣 . . .
我無奈的說: 唔係講笑, 如果我唔坐電單車入工廠, 我唔知要等幾耐先入到工廠 . . .
admin: 吓 . . . 你仲咩唔截的士入
我: 我等左好耐, 截左好耐車都無的士
admin: 咁你自己小心d, 我唔同你講住, 你到左工廠再打俾我啦 . . .

中午 12點, 終於順利黎到工廠。由早上 7:10a.m. 的巴士至到達工廠, 足足花了 5 小時。

回到工廠, set up 返手提電腦後己經 12:30, 同事就話一齊去食 lunch ~ 與同事一齊去酒樓食飯, 食到 1:45p.m. 我地先返工廠工作。

其實我今次黎工廠係認真勁無聊, 因為今次係 admin 要我返廠睇實d 同事。上到去無嘢做, 又上唔到 facebook, yahoo hk, 勁無聊, 連呢d website 都上唔到, 只好係 msn cn 睇新聞。無聊左一段時間, 終於揾到少少嘢打發時間, 而且時間還過得特別快。

4:25p.m. 我正在出 email 途中, 工廠同事叫我快d 走人, 因為 4:30有一架巴士回地鐵站, 於是我拿拿臨出埋email, 就趕落樓下。點知因為整路大工程, 以前的巴士站己經唔見左, 加上我行錯路, 己經錯過了巴士。於是沿路問途人有什麼車回地鐵站, d人話無車, 叫我截的士, 鬼唔知咩?但方源都無一架的士, 勁無奈的我, 美碌之神又再次眷顧我 la . . . 最後憑搭電單車的印象, 慢慢行返個條路線, 行了 20分鐘, 終於見到一架巴士站, 問巴士職員哪一架車可回地鐵站？職員回答每一架巴士, 落車後都要再行 15分鐘的路程才到地鐵站。又再一次考驗我, 到底坐唔坐巴士好呢？萬一落左車, 我唔識行去地鐵站咁點算好呢？最後我決定坐巴士回地鐵站。

幸好我上了巴士, 完來巴士站行去地鐵站都蠻遠, 之前真的有諗過由工廠行路回地鐵站, 我諗如果由工廠行去地鐵站應該要 40分鐘, 大約由我屋企行去土瓜灣的路途咁上下。落左車, 好彩順利找到地鐵站, 超累的我回到廣州火車站己經 6點, 買了 6:15 p.m 的火車票回深圳, 7點多回到深圳, 差不多 9點才回到家。

今日一個人的旅程, 令我有很多感受, 唔知我上海的旅程唔知會唔會又係咁呢？ . . .

今日老闆約左我, pacino 和 judy 一齊返大陸工廠開會。早上 8:30a.m. 在公司樓下等, 之後老闆就車我地到上水站, 放低架車, 我地就過關上廣州。

上大陸前, 老闆問我下年好唔好攪上海的展覽? . . . 因為之前一直都有擺開, 所以我俾的意見係下年再擺, 最多租細d 個擺位。

原本我地買左 9:55a.m. 的火車飛, 點知老闆心急, 所以我地坐早一班火車上廣州, 當然無位坐啦 . . . 企足 1個多小時, 差不多 11a.m 才到廣州, 之後再轉的士入工廠。點知坐的士都蕩失???haha . . . 係車令我回憶起在 KL 美碌的情景, 跟住就笑了起來, haha ~

差不多 12點才到工廠。老闆叫工廠的同事一齊去食 lunch, 我地去了附近一間茶樓叫餸食飯, total 10 個人, 叫了 9碟餸, 最後買單先係 rmb 189元, 抵到爛 ~

食完 lunch 就回工廠開會, 北京的同事 tina 也飛了過來一齊開會, 可想言之, 這個會的重要性。

今次開會主要傾 jeremy 離開公司後, 我地幾個點樣接手佢的工作。老闆也教我們認識公司的新產品及教我們的銷售技巧。開完今次的會後, 我覺得老闆俾很多機會我, 原本旅行回來後, 真的有想過辭職, 但是開完今天的會議後, 我唔想放棄這份工作, 我想繼續做下去, 至於哪個公司賤人, 我決定還擊對付佢, 明天我決定找 jeremy 和 judy 開會, 坦白講出一切, 與及關於工作上關於賤人的嘢, 我都唔想再跟。

4p.m. 開完會, 老闆就吹著要走人。我們就坐的士回廣州火車站, 再坐火車回深圳。

6點幾就回到羅湖, 之後我決定出旺角買我睇中個對 nike 高筒限量版波鞋。我去返之前睇中個間舖頭, 問 sales 有無 39號??? . . . 個 sales 話得返 36號, omg ~ 於是我又再找一遍波鞋街, 找到大少少 size 38.5, 所有舖頭都無晒 39號 >________<  . . . . . . 最後還是不死心去朗豪坊找找看, 都是没有哪對波鞋, 唉 . . . 我諗我同呢對波鞋無緣了, 我真的有點後悔星期六無買到, 現在想買, 卻買不到了。我真是好鍾意個對波鞋 . . . 唉 . . .只好認命吧!!!只能安慰自己下次見到自己好喜歡好喜歡的波鞋, 有碼就要襯早買。

其實原本諗住等下個月尾才買, 但因為工作真的很不開心, 每日俾賤人折磨, 所以想早一點買來tum 自己開心, 獎勵下自己 (haha . . . 其實俾藉口自己去買嘢 . . . )

今朝攪了8:30a.m. 起身, 禁識鬧鐘, 諗住再訓多陣, 點知訓到 9:45 分先起身, omg ~ 仲未打電話回公司請假, 於是立即起身打電話回公司請病假。

admin 聽到我要請病假的語氣唔多好, 好質疑, 但我都唔理得咁多, 鬼叫自己真係唔舒服咩？

之後就落樓下睇醫生, 等了差不多 1小時才輪到我。同醫生講左我邊度唔舒服後, 醫生話因為我感冒和鼻塞, 所以攪到耳膜腫了起來。因為耳塞, 所以聽嘢聽得唔清楚, 今次真係耳聾, 如果大家同我講嘢, 我又無反應的話, 請不要怪我, 因為一邊耳塞左, 聽嘢聽唔清楚。

睇完醫生, 回家休息左一陣, 食了一碗粥, 食埋藥, 就上床訓覺。一訓訓到下午 4:20, 再起身食藥。食完藥就開始執我個喼, 花了一陣時間, 執好所有嘢後, 又上床訓覺。

訓到媽媽7點多回到屋企, 才起身食晚飯。

今日全日訓訓訓, 訓到隻眼都腫左, 媽媽話我病得好嚴重, 聲都變晒, 所以今晚食完飯, 食埋藥要早點訓覺, 因為真係回唔到氣回來。

雖然訓了一整天, 還是感覺很累 ~

好想個病快d 好起來, 因為一路病一路返工真的好辛苦。

今日下午jeremy, pacino 和我入房開會, 傾返上海展覽跟進的嘢, 明天 pacino 還會和我上工廠驗好多堂窗簾, 因為實在太多嘢要check, 所以 pacino 乾脆叫我留在工廠一晚, 不要走, 因為即日來回都怕 check 唔晒, 所以我地都很擔心睇日驗唔晒。

pacino 還約我明天早上 7點在紅磡火車站等, 即是代表聽日早上要 5點幾起身, omg ~

今晚BOOK 左兩堂跳舞堂。

當上第一堂的時候, 跳跳下就開始流鼻水, 我想之前的感冒應該還未好得晒, 一邊跳一邊流, 人地就流汗, 我就流鼻水, 超尷尬的。可能第一堂太用力跳, 第二堂一開始己經頂唔順, 無力再跳了, 好辛苦才挨到落堂。上完兩堂後, 覺得超累。

落堂係學校吹左陣水, 就各自回家了。

今日又開始跳舞旅程, 放工JOIN 埋小敏一齊出尖沙咀。係尖沙咀地鐵站等埋蕭欣, 我地就一齊行去新港中心的 food court。隔左一陣, toffee 和zoie 都來到。

食完飯, 我們就去跳舞了。今日好用力去跳, 因為得返3個星期時間去減肥, 所以要落力d, 由於接著落, d 舞步又快, 又用力, 開始覺有d 暈暈地, 所以接著就慢慢跳, 間中有休息, 坐在地上休息了一會兒, 好了一點, 就繼續跳, 跳到第二堂, 己經無力跳, 但還是 keep 住, 唔可以俾自己停下來的。

10:25 p.m. 有二個同學就先去沖涼, 接著落堂後, 跟接小敏去沖涼, 由於得三格沖涼房, 所以我, zoie, toffee 和蕭欣都在出面等, 嗰兩個同學好早就入左去, 但係佢地沖左好耐都未出黎, 佢地兩個沖完出黎, 輪到我和 toffee 去沖, 直至我, 小敏, toffee 和 zoie 沖完涼, 個兩個同學都仲吹緊頭, haha . . . toffee 仲話下次要挑戰她們, 我地 5 vs 佢地兩個沖涼, 我地5個沖完佢地都仲未沖完, haha ~ 如果我地5個vs2個, 我諗我地要沖得好趕時間, haha . . .

平時我地5個沖完, 差不多 11:05 p.m. 己經離開學校, 但今日差不多 11:30 p.m. 先離開學校, 回到家己經12點幾, 再整理好d 跳舞用品後, 就上床訓覺了。

繼羽絨褸後, 現在間唔中都會去逛百老滙, 中原電器這些舖頭, 因為 canon 500D 跌價了, 現在 BODY + KIT 鏡賣 HKD5980, 因為真是好想買大機, 所以間唔中去 KEEP 住留意幾時再跌價, 如果可以跌到 5500左右就好啦 . . . but 我知應該無咁快跌到落呢個價, 最近出了 canon 550D, 所以看看 canon 500D 跌到落咩價, 你快D 再跌價 la . . . chris 都話跌到盡, 好快d 入貨 . . . 

每日返工都好忙, 呢排係咁計window shade 的 cost, 計到人都癲, 只要個日有 window shade 的 cost 要計, 差唔多成日都做唔到其他嘢, 變左積積埋埋好多嘢都未做, 勁唔鐘意計 window shade 的價錢。

今日得知小豬 4月30至 5月1日會在紅館開演唱會, yeah . . . 超開心耶 ~ lunch 即刻打俾小敏, 問佢去唔去睇？ . . . 我地兩個勁興奮, 我地兩個都想睇 HKD480元, 希望到時優先訂票能夠買到較前的位置啦 . . . 



之前睇新聞話 3D SHOW 舞台斥巨資建造, 小豬為左上讓演唱會個效果更好, 讓在場每一個 FANS 都感受 3D 效果, 所以會自費和賠本建一個 3D 的舞台。睇完這個新聞令我真的很奇待佢的演唱會, 等我密切留意下演唱會D 消息先。上年睇佢的演唱會, 我地都唔知原來佢叫了看演唱會的每一個 FANS 打一雙白色手套, 一齊現大型遊戲, 全場個氣氛真的超正。 

今晚 8點才放工, 但是仲有好多嘢都未做完, 又係咁積埋積埋d 嘢, 唔知幾時先清得晒d 嘢 . . .

今日令我最開心的係聽到小豬黎港開演唱會的消息囉 ~ haha . . .

由於聽媽媽講, 吉之島臨近搬遷, 所以所有貨品都有特價。

放工, 去了吉之島逛逛, 因為想睇下我想買的 <味鏡> 有無特價, 點知行暈晒成個體育用品部都唔見有, 但看見一個黑色白波點的細袋好靚, 而且 80幾元, 而且折左都係 70 幾元, 所以最後 <味鏡> 買唔到, 卻買了一個細袋回家。

今日一早入到舅父屋企, 由於舅父怕我悶, 所以就拿了佢新買的 canon 500D 出來給我玩。部機很輕, 很適合女仔用, 於是没有什麼影相經驗的我, 就拿著玩了起來, 我試前景深的效果, 没想到我也輕易拍出這種效果。之前上網睇過一些用家的意見, 指這部機的營幕的 color 特別靚, 但過落電腦後, d 色差很多, 指在相機睇的效果完全和電腦看的不一樣, 於是我襯這個機會測試下, 發現哪些用家的意見講得好啱, 係相機睇拍得好靚, 但過落電腦看又是另一回事, 不過只要用熟部機, 知道部機的邊一方面有問題, 就在影相前自己調較, 這個問題都好易解決。玩完佢部機, 攪到我都好想買 canon 500D . . . BUT canon 500D 的價錢令我有一些腳步, 6000幾元對我黎講, 有少少負擔不起, 如果 canon 500D + Kit 鏡跌到 5000幾, 我無慮即買 . . . .還是考慮下先 . . . 

如果唔報 2300元 x 3次的跳舞 course, 就可以換一部 canon 500D, 如果唔要 canon 500D, 就可以換 2300元 X 3次的跳舞 course, 這個就是之前經濟學的某一個 concept。

今日不用出街, 所以今朝早起身, 開電腦睇下 <下一站, 幸福> 有得看未？ . . . 點知還没有, 於是我再 search <就想賴著你>, 哇哇哇 . . . 點知 pps.tv 有齊晒 <就想賴著你> 咁多集, 我想這套劇梗係在大陸出左碟, 所以 pps 先有齊晒咁多集給我們先看 . . . yeah, 今日不愁寂寞 lu ~

開頭看頭 1-2集覺得有點悶, 當一次過接住落咁睇, 發現這套劇也很不錯。阿旭今次在這套劇俾人的印象和以往的不一樣, 以前的台劇都是 cool 的, 但今次有些轉變, 想知道有什麼轉變, 哈哈 . . . 我不多講, 自己請收看 <就想賴著你>。另外, 我覺得第二男主角也很帥, 劇入面的做型完全係我 like 個類的 style 哦 ~ 呵呵 . . .

今日由第 5 集看到第 25集, 哈哈 . . . 我追劇的速度實在太驚人了, 其實一集也不是播很長時間, 所以很快看完一集 . . .

今朝早返工, 係黃大仙地鐵站撞到 raymond, 於是同佢一齊搭車返工。我地傾開佢的好朋友 edmond 的嘢, 我和 raymond 都覺 edmond 有d 問題, 佢好似癲左咁, 所以 raymond 話會打電話關心下佢, 希望 edmond 明白一些道理啦 . . .

朝早 stephanie 打內線問我有無帶飯？ . . . 因為諗住放假期一日, 唔帶飯 lu . . . 所以佢約了我和 bosco 食 lunch。由於阿頭今日亦都係自己一個人食飯, 所以我叫佢 join 埋我地一齊食飯。阿頭由於想 lunch 去買情人節禮物俾佢老婆, 所以佢想去德福廣場食, 但佢又諗唔到去德福食d 咩好, 所以最後我們去了又一田食 lunch。這間又一田 d 嘢食又貴又唔好味, 以後都唔去呢間幫襯 lu ~

今日jeremy, pacino 和阿文返了上廠, 所以我今日超忙。除了幫 jeremy 履 email 外, 全日都做埋晒超用腦的工作, 超辛苦, 未試過一日用咁多腦, 下午個頭己經開始有d 痛和累, 可能因為用腦用太多的關係吧!!!

由於今日用腦用得太多, 所以消耗好多 energy, 個人無咩精神和力氣。 

放工 join 埋小敏出尖沙咀, 今晚我地去大家樂食晚飯, 我真的不知道原來尖沙咀有間大家樂, 係小敏帶我去, 我才知道係邊？今晚我, 阿三和小敏 share 兩碟飯, 而蕭欣就和 toffee share 一碟飯。

之後陪蕭欣去 sasa睇指甲油, but 最後佢都無睇啱, 我地就行返學校上堂 lu ~

其實呢幾日條腰有d 痛, 尾龍骨突左出黎, 只要平躺在床上, 就會好痛, 因為舊骨突左出黎, 其實之前試過兩次都是這樣, 過了一排後, 舊骨又無再突返出黎, 而且又無返晒事咁, 好神奇, 唔知呢d 算唔算骨火, 所以先會咁???

今晚上 misuki d 堂, 我係無出盡全力, 因為就住條腰, 所以無咩點流汗。今堂的舞步主要以跳為主, 但因為今日工作太辛苦, 無咩心機和精力去記著每一個 step, 完全跟不上第一堂的舞步。到第二堂的時候, 完全係我有我跳, 有時唔係咁聽得清楚 miss 的指令, 因為有時d 歌好大聲, 所以我就唔理咁多, 我有我跳。上到最後, miss 又要我們做埋d 好難的動作, 完全 hea 過就算了 ~

今晚兩堂都不是太滿意自己的表現, 可能因為没有盡全力吧!!!

沖完涼, 就各自回家了。

回到家, 條腰好似要斷開咁, 己經唔太想郁去執跳完舞的用品 . . . 最後拖著超累的身體去洗嘢和處理好跳完舞的用品。

今日累爆 . . . 整完所有嘢, 就立即上床訓覺 lu ~