今日係香港傳遞奧運聖火的大日子, 原本想去看, 但要返工的關係, 所以好可惜最後都没有去到。

Lunch 叫了外賣回公司食, 我們一班同事排排坐在reception, 一邊食飯, 一邊看電視直播傳遞聖火的最新情況, 我們由星之子(陳亦希) 哪兒開始看, 當火鉅上到龍舟上, 有一刻火鉅熄了, 我們都嘩然, 接著又著返, 我們又興奮地叫出來, 而隔離公司的職員看見我們咁多位同事集中係reception 個位, 就偷偷看我們在做什麼, 超攪笑的。

當火鉅手跑到去馬場個一 part, 其中一個火鉅手 (咩咩集團的總裁之類的)好好笑, 他拿著火鉅在原地做出跑步的姿勢, 而且仲擺 v 字手勢, 我地一班同事都笑死左, 哪個火鉅手發生什麼事, 為什麼要原地做出跑步的姿勢？超攪笑的

當火鉅去到馬場, 火鉅手騎著馬去傳遞聖火的一 part 都好好睇。當馬跑到最後終點時, 火鉅手燃點起火盤時, 隻馬超攪笑的, 隻馬好驚, 以好快的速度側著身彈開, 隻馬的動作十分惹笑, 笑死我地一班同事。

我的同事話陪火鉅手跑的藍衣人, 有一個好靚仔, 但是我不知道她們是講哪一位藍衣人, but 這些藍衣人跑晒全程, 他們真的很厲害耶 ~

看完馬場個 part, 差不多又要上班, 我們又繼續工作, 當張學友跑的哪一棒, 我, iris, virginia和太子爺都走出來看電視, 我們一起討論咁多位火鉅手的跑姿, 當輪到霍振廷跑的哪一棒, 太子爺超攪笑, 他扮霍振廷的跑姿, 笑死我地, 太子爺名明為 <霍振廷急尿跑姿法>, 我只覺得霍振廷跑到好似一隻企鵝咁, 而且又跑得慢, 他旁邊的藍衣人都係行路姿勢, 我們就討論, 其實他不用扮跑的姿勢, 他基本上和行路没有分別。我們幾毎個人一路睇到最後一棒, 好彩太子爺和我們一起看, 所以才不覺得我們再偷懶。

原本家慧今晚約了我去跑步, 但因為她要陪她同事去買生日禮物, 最後都 cancel 左這次跑步, 而我就在家看 <銀樓金粉＞, 這套劇集很好看, 現在每一晚都在追看, 不用跑步, 今晚又可以看回今日火鉅傳遞的重温片段。  

今日晚上約了阿大, 阿三, 阿六, 蕭欣和 蕭欣個FD (ECHO) 一齊去九龍公園室內體育館打羽毛球。

我和阿三, 阿六& 蕭欣約了6點係寶靈街等, 之後就一齊去了 <小蜜蜂>食晚飯。食完飯, 我們就去體育館, 換完衫差不多 7:30, 又蝕左半小時。我們幾個人輪流打, 打左好耐, 流了很多汗, good ~ 之後阿大, 我, 阿三和阿六去了休息, 到蕭欣和她的朋友落場打。我們休息期間, 不停在影相, 阿三部相機真的不錯, 尤其是哪個 <美肌功能>, 影到我們每一個人的皮膚好似雞蛋咁又白又滑, 年輕左又漂亮左, 哈哈 . . . 真的很不錯, 而且還有沙龍的效果。如果帶呢部相機去旅行影相, hehe . . . 每一張都會好攪笑, 去國外拍沙龍系列, 我們的照片再不是普普通通的, 每一張都是美美的, 好似帶了一個專業的攝影師跟我們去旅行一樣。

打到9點就走人lu, 因為我没有帶沖涼用品, 所以在更衣室等她們洗澡完畢, 才一齊離開。

在九龍公園裡見到奧運倒數的牌, 我和阿六 and 五隻福娃在這裡影相, 留低最有紀念價值的一刻。

P.S. 好多謝阿三的同事幫我在北京帶了五隻福娃回來, 真是辛苦晒 ~ 五隻福娃都好靚, 好鐘意哦 ~ 今年的奧運由於是北京舉辨, 所以我覺得特別興奮和開心, 而且今年奧運的吉祥物好有中國色彩, 好鐘意哦, 所以叫阿三的同事幫我買五隻福娃回來, 留為紀念。今年的奧運, 日子越來越近, 我的心情就越黎越興奮, 中國加油!!!北京加油!!!支持今年的奧運, 今年的奧運會, 我有很多運動都很想看, 游水, 跨欄, 排球, 馬術 . . .

呢幾日都很忙, 所以都没有上來寫日記了。記得每一天都有些事情發生的, 但現在忘記晒我個日所發生的事情, 只好將記得的寫出來吧!!!

今日LUNCH 我, Peggy, winnie, virginia, iris, angel 和chris 去了觀塘廣場食上海嘢, 今日不算太多人, 所以不用等好耐就找到位了。食到2點才買單走人, 我們回公司途中, 我在公司樓下撞到以前舊公司的同事 - keilam, 他都離開了公司很久, 想不到會在這兒撞到他, 原來他現在和我是在同一幢大廈上班, 真的好巧, 他問我拿了電話號碼就走左, 而我也趕著回公司了。

今日天氣好好, 終於出陽光了, 而且還很熱耶 ~ 原本仲擔心今日會下雨, 今天就去不成 bbq 了, 每次和同事一齊去玩, 都是這樣, 前幾天都會下大雨, 當到我們的活動日子來臨就會陽光普照, 上天對我們真好, 讓我們每次的活動都舉辨得成功。

放工前幫 iris 試左條牛仔褲, 之後係公司玩左陣。我, virginia和peggy 就去觀塘地鐵站 join winnie, 我們等齊人後就出朗豪坊 join 埋peggy 個fd (阿儀) and grace。2點幾係旺角出發, grace 帶我們去搭小巴入小纜燒烤樂園。

去到先要俾錢買飛入場, 之後就有人推住個爐跟我們人去, 我們選好放爐的地方, 就可以開始了。我們分工合作, 我, virginia和winnie 先去租麻雀枱和麻雀, 而 peggy 和阿儀就去拿食物回來, 接著我和winnie 又去拿埋d 飲品回來, 就開始我們的bbq 了。由於我們幾個 lunch 都没有食飯, 所以很肚餓。我們開頭勁燒d 腸仔, 之後就開始進攻排類, 這裡的雞翼, 豬排,  牛排, 牛仔骨, 叉燒都好好味, 呢間燒烤場d 食物真是好好味哦 . . . 下午4至5點見到好多人入黎, 呢個場真是好多人黎哦, 我想一來價錢平 78元, 二來又唔限時間, 三來d 食物好好味。virginia 話佢之前同d fd 係到由早玩到夜晚, 早午晚三餐都係到食, 好鬼攪笑, 食足三餐都係bbq。

燒左一輪, grace, winnie, virginia和阿儀就開始打牌了, 而我和peggy 幫佢地燒埋d 嘢食, hehe . . . 燒好後, 我續個續個餵她們食。virginia 和grace 打到 7:30就走人, 而我地就繼續燒, 燒到 9點幾, 我們就走人。

我同winnie 坐小巴回旺角, 回到旺角, 我和winnie 去了 H&M逛。我們一到 H&M 逛了一陣, 就播 <H&M 就來關門, 請儘快付錢 . . . >, 我們兩個人用極短的時間去逛, 竟然俾我們買到很多嘢, 我買了兩個手鐲, 而 winnie 買了一條裙 + 1 個袋。我們買完嘢後, 就各自回家了。

P.S. 今晚 winnie 話覺得我同佢同virginia 差唔多大, 佢話覺得我似 85 . . . 哇哈哈, 年輕了2年, 咁即是今年 23 歲

今日好多嘢做, 己經没有太多時間 online, 只是間唔中有些空檔才會online 見下人 . . .

lunch 我, virginia, winnie and chris 去了m記食, yeah . . . 今日終於試齊咁多包唔同味道的shake shake 粉啦 . . . 韓國泡菜味的shake shake 粉味道有點怪怪的, 最好味都是紫菜味, 而我叫了一個mc 樂雞餐, 今次選了 <日本芥未醬>, 這個醬好好味哦, 下次可以再試, 真的很不錯, 我覺得哪個 <菠蘿芝麻醬>會怪怪的, 所以一直都没有試哦, but winnie 見我這個 <日本芥末醬> 咁好味, 她想下次試下哪個 <菠蘿芝麻醬>, haha . . . 我話下次一齊去m記再試, 和同事一齊去m 記食有一個好處, 就是可以試暈晒所有唔同醬, good ~

晚上放工就即刻回家, 食完晚飯, 9點就和家慧係屋企行落樂富摩士跑步。我們去到, 家慧首先帶我去行一次我們要跑的地方, 嘩 . . . 行完之後, 真的有點驚, 因為要跑個圈都幾大, 差不多跑暈晒成個摩士公園, 而且家慧話我們最少要 20分鐘 non-stop 咁跑, 我都唔知頂唔頂都 20分鐘。我們行完後, 就做左一輪熱身, 9:26開始起步, 一開始跑還 ok, 但當跑到 10分鐘後, 開始喘氣和口乾, 好努力好努力咁跑, 終於都頂不順, 一路行一路抖氣, 直至覺得ok, 又開始跑, 之後就開始跑下停下咁, 真係無鬼用。跑左 2 個半圈就没有再跑, 之後就一直行路。而家慧好勁, 佢真是non - stop 咁跑, 没有停過, 她total 跑了4個圈, 真是好勁。

今晚雖然有點涼, 但是我都跑到一身汗, haha . . . 我要努力, 我要減肥, 我要整走個肚腩, 我要瘦。

我們跑到 10點, 接著又行返一個大圈, 之後我們就去玩哪些熱身器材, 當中個一個扭腰設施, 這個很好玩耶, 真是玩都唔捨得走。家慧就話去玩鞦韆, 於是我們一路玩一路聊天, 我己經很久没有玩過鞦韆了, 一邊玩鞦韆一邊聊天, 哪種感覺很好, 哈哈 . . . 傾到 10:30 我們就行路回家了。

今日返工唔記得帶公司咭, 攪到一朝早返到公司無得入門口, 咁啱撞正SANDY 返黎, 我才有門口入。今日無帶咭, 所以無得打咭, 希望佢唔好扣我人工啦 . . .

今日好忙, 好多嘢做, MANGO 開始大量出貨啦 . . . 今個星期四總共有 40個 portion 的貨要出, 星期四就有 40幾份packing list 和 invoice 等著我打, 又要補料, 又要send 文件給客人, 己經預料到星期四和五好忙。一想到這裡, 想起星期五晚的飯局, 有點不想去耶 ~ 打算遲多一至兩天先告訴他們不去了。點知check email 發現, 原來這次飯局, 阿mon (冒險個舊同事) 都會去, 而之前阿mon 話有一個 7仔印花俾我, 我在係msn 問左阿mon 多一次？她去, 所以哪天晚上還是出去食飯吧!!!!

今日公司拜神, 又有燒肉和生果食, 正~

今日要準時收工, hehe . . . 因為今晚要回家見我的直樹, 成個禮拜没有見到佢, 好掛住佢哦 . . .

今日早上搭 10點的大巴回羅湖, 12點幾就回到家了。回到家, 我就去訓覺, 訓到 2點幾, 就落樓下買M記食, 買了一個 MC樂雞餐食, 選了一個星加坡的蜂蜜芥末醬 + 紫菜粉, 這個芥末醬感覺有點似腐魚 + 芥末味, 哈哈 . . . 和我平時公司拜神食到燒肉點的芥未醬差不多。等我遲D 試埋其他唔同味道的醬先。

下午用了一整天的電腦, 補回我的日記, 玩到 7點幾, 就落樓下買飯盒食。今晚的奬門人麻麻地, 睇完電視, 打左陣機就訓覺 LU ~

今日短週不用上班, 家慧原本約我下午和阿傑一齊去 high tea . . . 但今日媽媽休息

早上9點, 媽媽就叫我起床, 她想我陪她一齊回大陸按摩和逛逛, 但是還掛著 3 號風球, 她的心情超好, 無損 3 號風球返大陸一事, 看見她這麼有興致, 就做一做孝順女, 陪一陪她!!!於是我們兩個人快速執行李, 而我就好快send 了一個sms 通知家慧, 之後就落樓下提款和食早餐, 就坐小巴去九龍塘搭火車, 中途反雨傘數次, 最後終於去到火車站, 覺得繼台灣下超大雨玩過山車, 這次又另一壯舉, 懸掛 3號風球都要回大陸。

回到深圳買了 12點的火車票回樟木頭, 上到火車, 公司個運輸打電話給我, 這些電話不可以不接, 萬一他們今天不幫我送貨到船公司, 哪就很麻煩, 最後事情都解決了, 也安心繼續我的旅程。

12:25分己經到了樟木頭, 我們首先去兌人民幣, 接著就去洗頭 + 按摩。點知這間salon 超唔掂, 我以後打死都唔會再去這間舖頭光顧。她們真的很過份, 首先洗頭時, 用手指甲勁大力抓我的頭皮, 我叫她要輕力點, 我的頭很痛, 之後好了一點, 但是她又開始大力返, 我猛咁叫佢細力。之後她抓到我額頭附近的頭皮隠隠作痛, 真的超痛耶, 我叫她不要再幫我抓頭, 我要去沖水, 就在這時, 她弄到哪些沾著洗髮泡的頭髮掂到我的眼睛, 我隻眼睛超拿, 我叫她快點帶我去沖水。

接著另一件讓我火大的事就發生。她没有問我水温會不會太熱或是太凍？就開著花灑向我的臉上沖水, 10萬個頂頂頂頂, d 水熱死我, 我立即起身, 就駡她。之後有一個高級職員走個來, 駡了她幾句, 之後就遞上紙巾給我抺去臉上的水, 之後我就訓返低, 個死仆街又揾花灑淋我塊臉, 我頂 . . . 之後高級職員就一邊駡一邊拉開左佢, 高級職員猛向我講對不起, 高級職員d服務態度超好, 呢d 先叫今時今日的服務態度。

沖完手, 個高級職員幫我按摩, 之後就去吹頭。我弄好頭後, 媽媽還未得, 因為她還焗油, 所以還要等多一會兒。最後付錢, 我就找salon 的老闆出來, 於是我就向老闆投訴哪個洗頭妹, 我告訴老闆我下次都不會再黎光顧, 個老闆猛咁向我陪不是, 當走出門口, 一班人仲叫歡迎下次再來光顧, 我打死都不會再來光顧, 揾鬼黎光顧你啦 . . .

被哪個洗頭妹弄一弄, 我的心情很差, 於是媽媽就帶我去食 lunch。食完 lunch 我們去了火車站的商場逛, 因為這間商場買的衣服很不錯, 所以媽媽想去看一看, 最後都看不中。於是我們就去 <天和百貨公司> 買零食, 之後就回家了。

晚上 7 點就出去食飯, 超級大雨, 我們就坐車去 <大家樂> 食飯。我們去到商場, 首先去百佳逛了一會兒, 才去 <大家樂> 食飯。食完飯, 我們就去逛 apm 和另一個商場, 之後就行路回家。雙腳都濕了, 回到家, 兩對襪全濕, 這種感覺不是很好。

公司呢排開始出貨, 多返工作, 暫時未算去到很忙, 還是可以 ONLINE . . .

早上mandy 俾了很 6 盒羅拔臣啫喱粉和1盒布丁粉給我, yeah . . . 可以返屋企整來食, 好耐都無做過啫喱食了。在這間公司做, 真是好多嘢拿回家, 除左食物, 還有褲 + 裙, 前幾日, angel 也俾了條 mango 的牛仔裙給我, 現在拿返黎的褲真是多都著唔晒。

食飯前, angel 個team 得罪了sandy, sandy 很生氣, 而angel team 人打算下午請食下午茶, 希望化解這件事, 但是sandy 不肯叫下午茶, 只得angel 個team 人點, 可能angel 覺得不好意思, 就叫我地shipping 和 reception 一齊叫, 全公司的下午茶都是angel team 人請, 最後我也點了一杯紅荳冰。

今日大老闆回來了, 發覺大老闆一行去mandy 個位, 就會望下我做緊咩？攪到我鬼咁唔自然, 唔通佢覺得加左我人工, 睇下我有無交返咁多的成績出來。

今日早上去了 7 仔買早餐 + 雜誌, 買夠 40元, 加埋之前買嘢的兩個印花, 終於夠 5 個印花, 換了一隻bear bear 啦 ~ 回到公司, 一打開, 原來是 <古著bear bear>, 唔是我最想要的哪隻, 不過不緊要, 我一定要換到 <型格bear bear> 回來的。

lunch 叫了外賣回公司食, 我們一班同事去了show room 商討5月31號的遊船河活動, 由於今日是最後一天報名, 所以我們商量到底我們要不要去。最後結果是一致決定唔去遊船河, 而 Lion 就提議將遊船河的錢改為食 buffet or bbq。她打算向太子爺反映, 但是最後也無左件事。

最後我也没有報名參加遊船河的活動。

今日原本約了阿大, 阿三和阿五去行山, 但天氣真的不好, 還下雨, 所以最後還是去了唱 k。

我約了她們 10:50分在家樂等, 只有我和阿五最準時, 於是我們去拿位先。接著阿三和小敏姐黎到, 而覺欣差不多12點才到, hehe . . . 佢又少左1小時唱k 的時間了, 蝕左!!!

唱到2點15分左右就走人囉 . . . 之後我們去了m記 high tea, 5個人叫了三個餐share 食, 我地講起 <2波變 4波> 和 <肚兜好孩兒> 的事情, 笑到碌地, 估唔到呢個世界咩人都有, 全程high tea 係咁笑, 真是笑到肚痛呀!!!

之後我們就去花園街逛, 一黎到花園街, 行第一間舖頭就睇中了一件背心, 好快手就買了回來。之後又買多一件連身裙, 呢排都無點買過衫, 所以一次就買了兩件, 好滿足哦 ~

逛到 6:30就坐巴士回家食飯, 還以為今天晚上有掌門人做, 點知做金像奬典禮, 所以上網同人msn, 見到 carmen online, 於是同佢傾左陣, 她講她在學校教書的事, 宜家d 中學生真是 . . . 傾了一會兒, 家慧就打俾我, 講返佢今日去班仔屋企打機發生的事, 同佢傾左好耐, 她還告訢我, 班仔約我地 25號去食晚飯, 嘩 . . . 我睇返d schedule, 呢班仔都約得幾密

4月4日-5日 - 唱通宵k + 飲早茶
4月13日 - 阿南屋企打 wii
4月25日 - 晚上食飯

我睇到呢d 約會, 就想會不會太密？今個 4月差不多每一星期都會見面, 我在想我同我班姐妹都無見得咁密 (除非一齊返學), 否則都唔會一星期見一次面。我覺得班仔是有d嘢, 但是唔明個男主腳仲唔主動約個女主腳單獨出街呢？ 

今日著了Angel 俾我的哪條mango 牛仔褲返公司, angel 覺得這條褲很適合我, 條褲的長度 + 顯得雙腳很幼, 望落去個人都瘦d, 哈哈 . . . 我都很鐘意這條牛仔褲。

放工就去了旺角 join Kora 和斐均, 我們三個人首先去元綠找位, 隔了一陣, 其他人也到齊。今晚約了以前中學的同學一齊食飯, 有的真的很久没有見面了。今晚total 有 8 個同學來到這次聚會, 有我, kora, 斐均, tracy, 小豬, 秋華, 思紅, 阿ling。

今晚先知阿ling 好勁, 她日間是一個會計文員, 但晚上就化身為順勢治療法醫生, 她真的很厲害耶 ~ 她現在晚上讀一些營養師的課程, 她話完成課程後, 她就可以不用做日間的工作, 晚上就幫人睇症了。聽完她的工作後, 簡直傻眼耶 ~ 她真的真的超厲害耶 ~

今晚從她們口中得知, 我中一的班主任有癌症, 而且是後期, 她們話哪位老師仍然回學校教書, 直至某一天没有來上課, 之後就没有消息了。聽了之後, 覺得很可惜, 因為哪個miss 真的好好人。之後就講到我中五的班主任和人類生物阿sir, 她們打算約這兩位阿sir 出黎行山, 而且她們叫我做領隊添 ~ 如果帶她們去行西貢, 我真的有點怕, 因為只是得我一個識路, 如果下錯車, 怎麼辨才好呢？

發覺和她們的話題係隨著年齡而有所轉變, 以前讀書時, 聊的話題是將來的工作, 而現在出來社會工作, 話題就轉了幾時結婚？有没有拍拖？有無男仔介紹俾她們認識？ . . . 我想如果我們全部結婚了, 將來的話題就會轉了談及自己的子女和老公吧!!!

食到 10點幾, tracy 約左人打麻雀, 所以我們就買單走人了。我, kora和tracy 去了旺中逛, tracy逛到 11點就走人, 而我和kora就再行多一會兒, 才去搭巴士回家。

這個日記原本在星期日晚打的, 但因為屋企上網的速度實在太慢, 好耐都上唔到呢個網站, 最後選擇放棄, 還是等平日再上來補追吧!!!

今日早上同媽媽落樓下食完早餐, 買完餸就回家睇叮噹和海猿。Lunch 食完飯, 上網 online 見到阿明, 佢問我下午 join 唔 join 埋佢地一齊去影相？因為我下午約了細佬去睇戲, 所以推掉了。

細佬提早一小時放工, 回到家, 休息了一會兒, 我們就坐車去朗豪坊的 UA 換電影戲飛 (之前我阿姐俾了兩張 <嚇死你> 的電影戲飛的換領套票給我, 而細佬亦鍾意江若琳, 所以就和他一齊去睇)。3點去到朗豪, 換了 3:50 p.m. 的戲飛, 之後在旺角行了一陣, 就去睇戲了。

成套戲, 分了三個單元故事, 而李燦森的哪個故事是最好看, 江若琳演的單元簡直唔知做緊咩？完全唔知佢想表達d 咩？而第三個單元都算可以 . . . 最好笑的是, 坐在我們後邊的男生, 嚇到尖叫了三聲, 全場都聽唔到有女生尖叫, 只聽到個男生叫左三次, 簡直笑爆 . . . 呢套戲算唔算恐佈？我覺得我接受到, 我諗細膽 d 人就可能會驚的, 而江若琳在戲裡面没有化妝, 是素顏的演出, 原來化妝和没有化妝, 真的很大分別。睇完這一套電影, 我和細佬都覺得唔好看。

之後我們去了西洋菜街行左一陣, 就回家了。

今日早上8點先回到家, 回到家, 婆婆和弟弟己經起了身。我打了一陣NDSL 才上床訓覺, 訓到 11點, 媽媽就叫醒我, 因為舅父今天放假, 所以過來黃大仙找我們去飲茶。

訓得 3 個鐘 + 今朝早己經同佢地飲左茶, 宜家隔左三個鐘又飲多次, 真是唔想去囉 ~ 一來不想行落黃大仙, 二來不想等位, 三來個頭真的很痛 ~ 但是最後還是挨著身子下去黃大仙酒樓找位 . . .

等了一陣, 找到位子了, 舅父一家也到了, 飲到 1點, 表弟就跟我們回家, 而舅父就出了旺角買袋, 表妹就約了朋友去街。

回到家, 休息了一會兒, 我就去午睡, 而細佬和表弟就打機。

訓到食飯, 我就起了身, 舅父也來到。他們食完飯, 坐了一會兒, 就回家了。今日媽媽還約了舅父一家這個月的 20號去掃墓, 因為舅父和媽媽的放假時間都不一樣, 所以只好等 20號等埋一齊去掃墓了。