今日約左 kora 3點在竹園巴士總站一齊搭 103 巴士去銅鑼灣 join 蕭欣和阿六, 車駛到了樂富, 阿大上埋巴士, 我們就開始旅程囉 ~ 出發 ~ go go go ~

我們齊人後, 就先到惠康買水, 然後她們也在惠康找到她們的 halloween 道具, 買完水後, 我們就逛了一陣玩具反斗城, 點知發現這裡有很多好靚好靚的 halloween 道具, 我們下次可以去玩具反斗城買 halloween 道具啦 ~

接著我們一齊去了茶餐廳食點東西, 點知呢間茶餐廳的沙嗲牛肉面超騎呢 ~ 沙嗲牛肉面入面落蒽, 其次就有菠蘿, 真的超騎呢 ~ 食完嘢後, 我們就在時代廣場搭的士去海洋公園囉, 沿途阿大俾了幾個很冷的 iq 題給我們估, 這樣玩玩下, 就到了目的地。

我們去到首先玩了第一間鬼屋 <東瀛凶間>, 我們排了半小時左右, 這間鬼屋真的有點恐佈, 是咁多間之中, 最好玩的一間。

接著就玩第二間鬼屋 <冥通大靈堂>, 排隊的時間俾第一間還要耐, 呢間鬼屋唔算太死佈, 我同阿大同隻鬼 say hallo, 點知隻鬼叫 "你地快 d 向前行啦", 接著見到一 d 紙紮公仔, 我以為是真的紙紥公仔, 點知原來係真人扮的鬼, 真的被他嚇親, 他的化妝真是好掂, 化到同真的一樣, 接著當我見到第二個紙紥公仔時, 我對阿大說 "呢個是人黎嫁", 點知個隻鬼幫我地打開門簾給我們出, 超攪笑的。

從第二間鬼屋出來後, 有一些紙紮擺設給我們影相, 點知有個白痴仔坐左落張紙紮椅到, 即時跌左落地下, 簡直笑爆, 難道佢以為真是木椅一張, 笑死人啦 . . .

接著我們就玩第三間鬼屋 <鬼旅途生>, 這間鬼屋, 我們差不多排了三個小時, 真是排到條腰到緊左, 由於太耐的關係, 所以我和阿大去了旁邊玩了一個 360度旋轉的摩天輪, 接著再回去 join 返她們。這間鬼屋一 d 都唔恐佈, 因為佢是滑浪飛船裡+鬼屋, 兩隻鬼企係船落斜前的地方, 跟本就没人理佢, 超無聊的, 玩完這間鬼屋, 成個身都濕晒。在排這間鬼屋的途中, 大會宣佈由於強風的關係, 所以暫停纜車服務, 此時的心情真是有受這件事的影響, 由於我太耐都没有來過海洋公園, 我今次來到, 很想坐纜車哦, 點知佢又暫停 . . . 不過唔理啦, 到時先算

玩完三間鬼屋, 己經 11點了, 我們就快點去 <越礦飛車> 哪裡排隊玩過山車, 由於 kora是第一次玩過山車, 她重來都不玩機動遊戲, 所以我陪她坐在過山車的中間位置, 而阿大因為没有人陪她坐車頭, 所以她也只好坐在中間位置了。

點知玩完過山車後, 大會又宣佈纜車重開, 超開心的, 原本又無變有, 此刻的心情實在太開心了。接著我們就玩埋第四間鬼屋 <瘋醫生解剖室>, 由於差不多 11:30, 所以很少人玩這間鬼屋, 我們很快入去, 又好快玩完出來。

玩完後, 我們原本諗住玩埋摩天輪才搭纜車回去, 點知摩天輪己經唔開啦 . . . 只好搭纜車回去了。

回到海洋公園正門, 影了一陣相, 我, 阿大和 kora 就搭巴士回旺角, 而阿六和蕭欣就搭巴士回金鐘。回到旺角, 我地三個人就坐亡命小巴回家, 回到家, 沖完涼, 己經 2:30左右, 今日真是玩得很累, 但玩得很開心。haha . . . 下次都要再去玩過。

呢隻鬼係唔係好恐佈呢？好多人爭著和他影相哦 . . .


眼球串燒 ~ 見過未呢？係唔係好恐佈呢？

今日放左工, 我和媽媽弟弟出去深水埗龍寶酒家飲茶, 飲完茶, 我們就去了旺角銀行中心逛旅行社, 因為弟弟做夠一年以上, 所以公司送了一張中旅社的旅遊 600元禮卷給他。陪他和媽媽到中旅社看看, 最後媽媽和弟弟決定去長隆歡樂世界玩。點知 10月11和12號都没有團, 於是她們就報了康泰的廣州團。我又勸過媽媽, 自己去長隆好過跟團, 但媽媽覺得跟團平 d, 所以她們喜歡就好了, 反正我要返工, 都去唔到 . . . 最後連張中旅社的旅遊禮卷都没有用到, 真是 . . .

食完晚飯, 就去了上跳舞堂。今日 miss 教了很多新的舞步, 有的有點難, 因為太多舞步, 所以很難記, miss 還要我們跳得很有感情的。落堂前, 我們要分開 P 晒兩隻腿在扶手欄上, 之後 P腿中, 還加入一個平衡動作, 一個不小心, 我隻手界到金屬, 皮也被界出來, 還流血, 落堂後, 就去洗手間清理傷口。

換完衫, 我們4個人就商議明天的 HALLOWEEN 活動的時間和集合地點, 由於阿三生病了, 所以她明天去不到 HALLOWEEN, 我們 4個人就企在學校門口前不停打電話找人去海洋公園 HALLOWEEN 頂阿三張飛, 我們4個人把大家都識的都找過晒, 洗麗萍, 梁惠珍, 古雪兒 . . . 最後阿六話找陳杏儀一齊去, 唔好玩啦 . . . 萬一她 . . . 我就 . . . 唉, 於是我就找了一些中學同學, 點知 kora 無問題, 她就幫我頂左張飛, 實在太好了, 終於找到人了, 超開心的。     

今日放工約了阿三和阿六去買 halloween 的道具, 我和阿三先到花園街, 於是我們就上去看看先, 我們不停把哪些道具帶上身, 然後續一影相, 超攪笑的, 好彩無俾 d 職員發現。最後我選了一個魔鬼頭 cool, 阿三選了一頂吉卜賽的帽, 而小敏就選了一頂海盜帽。





買完道具, 我們就去食山東拉麵, 這間的拉麵很不錯。食完後, 我們就逛鞋店, 因為我想找找有没有一對適合我的 boot, 試過幾對, 著上後, 感覺鞋底好硬, 著得不舒服, 最後決定不買了。之後去了新之城逛了一會, 才回家。

今日自己一個去了觀塘廣場的大家樂食 lunch, 食完 lunch 見時間有早, 就在觀塘廣場逛了一會兒, 看中了一對 boot, 試過後, 覺得對 boot 很舒服, 尤其是鞋底唔太硬, 而且個小腿位還有點鬆, 真的很喜歡這對 boot, 但聽到價錢後, 打了一個突, 成 899元一對, 她見我這麼猶豫, 就話平 d 俾我, 折完都要 750元一對, 覺得有點貴, 還是回去考慮買不買這對 boot。

買這對 boot 有好多的考慮因素 :

1. SALES 話這對 boot 是真皮, 但我又不識分真皮與假皮的分別？如果用咁多錢買回來後, 最後
   才發現不是真皮的話, 哪我豈不是買貴貨了嗎？

2. 又擔心在別的地方找不到一對我又覺得舒服, 而個鞋款也是我喜歡的。

3. 自己大腳, 而且小腿又粗, 加上腳底做過兩次手術, 己經很難找到一對有自己碼數的鞋。

打算回到公司再問一問阿三的意見, 最後我, 阿三, 阿六 & 蕭欣傾 msn 傾了一個下午, 最後決定遲點去葵芳看看, 如果找不到合心水的 boot, 之後才回觀塘廣場買哪對昂貴的 boot 吧!!!

中秋節快樂!!!

今日公司請食中秋節飯, book 了 12:45分在 apm 的 <利苑酒家> 食。12:30 andy (公司的 G.M.) 叫了全公司的 merchandiser 入房開會。peggy 叫我和維珍先陪她去拿位先, 因為 peggy 話如果我地 12:45分去唔到, 間酒家就會將我地張枱給其他人, 但是我們 12:45分先從公司行過去 apm, 到了 apm 己經 1點,  好彩佢都肯俾張枱我地。

今日餐 lunch 勁豐富, 有一個8人餐, 還有 20款點心, but 我地三個人坐下後, 有個待應對我們說 "你們8人餐的湯分不到 18人的份量, 你想我點分呀？ " . . . 心想咪玩啦, 我夠知分不到, 當場 "瘀" 到爆, 我們就立即反應過來話 "老闆黎到後, 會再點多一個湯的, 等老闆黎到後才決定, 我地話唔到事" . . .

除左呢件事, 還有另一件事, 我都覺得讓人有點  傻眼的感覺。今日公司拜神, 公司買了一大盒銷肉同生果來拜神, 拜完神後, 大老闆話拿埋拿銷肉到酒家食, 真是讓人傻眼耶 . . . m 記都不俾人帶外來的食物入去食, 更何況是酒家 . . . 心想  唔通每人在枱底傳 d 銷肉放落個口咩, 咪玩啦 . . .

所有人差不多 1:30先黎到, 坐到 2:45分, 太子爺話今日的甜品就是  每人一個月餅, 咪玩啦 . . . 最後没有人理佢, 就買單走人啦 . . .回到公司 3點, 與小敏, 阿三傾了陣 msn, 4:30就放工了, 真的超開心耶 ~

今日太子爺提醒 peggy 要 search 聖誕節 buffet 的資料, 因為有好多間酒店的 buffet 己經 full晒了, but 最緊要都是睇價錢。其次太子爺話  下年的中秋會送 <半島酒店> 給各位同事, 心諗今年聖誕節都未過, 咁快講定下年送什麼月餅給我們, 下年的中秋我己經不在這間公司做了。

回到家, 就開始煲 <換換愛>, 終於看完大結局啦 . . . 都臨尾以為霍達死了, 仲有點好不滿佢個結局, 但最後 . . . 原來 . . . 到最後最後 . . .都好滿意佢個結局。

之後與星加坡表哥傾左一陣 MSN, 佢話星加坡有個新起好的遊樂場, 裡面有個摩天輪, 如果要坐摩天輪, 就要一個月前訂飛, 真的有點誇張 . . . 坐摩天輪都要早一個月前訂飛, 之後阿三 SEND 了個網址給我, 坐這個摩天輪也不便宜哦 . . .我表哥打算幫我宜家訂飛, 我連機票都未定, 宜家竟然走去訂摩天輪的飛, 咪玩啦 . . . 由於我們的行程都未定, 有好多不變的因素, 到時過星加坡, 如果有飛才上摩天輪觀光囉, 我覺得順其自然會比較好 . . . hehe, 如果今次去玩唔到, 咁咪俾個藉口自己去多次星加坡囉 . . .

P.S. 恭喜小敏己經找到工作了, 你要加油哦 . . .

這個 website 就是星加坡新落成的摩天輪了
http://www.singaporeflyer.com.sg/

昨天 P 腿完後, 今日覺得 hip 位和腰有點痛, 訓到 12點才起床。

下午一直在煲 "換換愛", 己經睇到第 13集了, 有點情節覺得有 d 似浪漫滿屋咁。晚上舅父一家人來我家食飯, 因為今晚家裡做節。

現在真的很喜歡上跳舞班, 覺得好好玩。今日上第二堂, d 骨還是太硬, 所以有些動作還是做不到, 今晚我們跳新的舞步 & 玩多一個動作, 就是要將腿放在扶手欄杆上, 我好攪笑的, 因為我著了鞋做這個動作, 所以我放上去後, 對鞋 "cake" 住在欄杆上, 攪到我放不到我條腿下來, 最後要靠蕭欣幫我拿返條腿下來。

今日 d 同事想食 kfc, 於是我地決定叫兩桶雞回公司 share 食。我和 peggy 一齊去apm 買 kfc, 之後在 apm 遇到太子爺同佢女友排隊食元氣 sushi。

由於今日要上一份正本文件給客人, 而小英下午要返大陸。於是我食完 lunch, 就出發去送文件, 因為呢排公司無貨出, 所以在公司太得閒, 有得出街做嘢, 實在  超開心。今日要去的地方是尖沙咀的海洋中心, 2點半出發, 去到尖沙咀看見賣衣服的店舖,  忍不住入去逛了一會兒, 又去 7-11打左個轉, 哈哈 . . . 我不是逛很久, 所以應該不會給同事發現我在 office 去逛街, hehe ~ 玩完就上去客人公司了。送完文件回到公司, 己經 4點20分左右。

回到公司又開始努力工作, 打 sample 證, 報關等 . . . 好快又放工, 真是好 . . . .

晚上出了旺角逛了一會兒,  覺得今日搭了好多程地鐵, 好似大部份的時間, 都在地鐵裡渡過。最後在旺角買了 2對耳環 + 1 隻之前失去的耳環。

太子爺想寄 7 盒月餅回大陸工廠, 於是下午 peggy 叫我陪她去 <陶源酒家>拿月餅, 有得出街做嘢非常之開心, 首先要請示我阿姐俾唔俾我隌她去拿月餅, 得到阿姐的批准, 就出發囉 ~

我們行去 <陶源酒家> 的途中, peggy 話想去觀塘廣場買零食, 而 <陶源酒家> 好近我們的公司, 只是一個街口而己, 我們基本就不需要經過莧塘廣場的, 我地好攪笑咁左去買零食, 之後 peggy 又話一場黎到可以食返一碗車仔面, 食車仔面有未必過分了一點, 於是她提議去食燒賣, 於是我地每人食了一串燒賣, 才去 <陶源酒家> 拿月餅。我亦順便換埋公司給我的 <陶源酒家>月餅, peggy叫我將剛剛買的零食, 快點收埋在月餅袋到, 然後每人拿著四盒月餅回公司~ 今日工作時間 <偷食記> 超攪笑的

我順便問 peggy 訂了聖誕節 buffet 未？她說 “老闆叫她找一下 <日航酒店>, <Holiday in>, <都薈酒店>,  <朗豪坊> 食 buffet 的資料”, 但 peggy 還没有找資料給老闆, 我叫 peggy 快點找資料給老闆, 不然訂不到 buffet了, 哪我們的聖誕節大餐就無望了 . . . hehe

今日早上飲完維他高鈣低脂朱古力奶後, 覺得個肚有少少不舒服, 可能是最近腸道不太好, 受不了奶類飲品 ~

lunch 去了好味王食煲仔飯, 好好味 ~ 正!!!食完飯, 時間還早就去了 apm 逛, 原本打算去扭一隻馬騮仔公仔, 點知扭蛋舖没有開, 只好明天再來。接著就去了書局逛, 看一看星加坡的旅遊書籍, 看到有好多好好味的東西, 而且價錢還很便宜, 我看見有一些地方, 小時候也有去過, 但當時正在趕路途中, 所以没有停下來拍照, 那些地方很漂亮的, 如果新年有機會的話, 要再去拍照, 另外看見星加坡有個碼頭, 個名好似叫 <克拉碼頭>, 哪個地方很漂亮, 我也很想去哪兒拍照留念哦 . . .

由於好多 supplier 送多冰皮月餅, 所以我們下午就開來試食, 我試了 1/4 個美心的楊枝金露, 覺得好多粉, 麻麻地好食, 之後就試了 1/4 個大班血燕冰皮月餅和 1/4個黑芝麻荳蓉冰皮月餅, 覺得大班 d 冰皮月餅好味道 d , 因為無咁重粉, d 皮薄 d, 味道自然會好 d . . . 哈哈

晚上開了六合彩, 只中了三個字 . . . but 可惜分開來中, 不過不緊要, 下次我實中六合彩的 . . . hehe

lunch 的時候, 小敏打俾我, 因為小敏在觀塘區返工, 而且公司很近我的公司, 所以我們就一齊食 lunch, 我們去了 <金運來>食, 還遇見我舊公司的台灣同事。食完飯, 就和小敏過了 apm, 逛了一會, 就和她一齊回公司了。

2p.m. chris 的老公送來了薑醋來, 太好了, 很久都没有食過薑醋 ~ but 下午大家一齊食的時候, 食到嘴邊, 個個人的表情都有點扭曲, 因為 d 薑醋不夠醋, 又唔夠咸, 又唔夠酸, 同埋加左 d 水去煮, 真的比想像之中有點出入。

下午 d 阿姐話今期六合彩金多寶有 4500萬, 所以放工諗住去買一張六合彩 ~

--------------------------------------------------------------------------------------------------

P.S. 公司生活照分享

每日返工放工都要打手子模, 這部機器就是我們的打咭機, 而每次進入 office 都要打一次子模, 確認身份先可以入 office, 而這個機器 set 了每晚 12點就會自動 lock 死大門, 不可以進入。因為洗手間在大廈走廊, 所以每次去洗手間回公司, 都要打一打子模, 咁樣老闆就知道我們去了幾次洗手間。

公司 d 阿姐唔是咁鐘意這個裝置, 於是就好串咀話, "用 pat pat d 紋黎打咭呀 ~ 笨!!!" 簡直笑爆!!!


早前 sandy 去日本旅行, 回來就勁 sale 呢隻日本仔 <去痛去腫> 的膠布好過 <撒隆巴斯> 的膠希, 於是 kiki 又再去日本, 我和幾個阿姐都有託佢幫我們買點來試試, 原本訂了兩盒, 但 kiki 話無帶咁多錢, 所以每人只可以拿一盒。 sandy 話這盒膠布只在日本有得賣, 香港是没有得賣, 她說日本仔把好嘢留在日本, 不會出口到其他地方, 好 ~ 就讓我試試這個膠布 work 唔 work 先

昨天跳舞完後, 個胃腩個位有點痛, 而且今日還約了阿大, 阿三和阿六去游水, 原本有諗過不去游水, 在家看日劇流 2, 但是想一想, 不可以放棄我的減肥計劃, 所以最後還是去了游水。

今日游水比上次游得差, 有少少 down down 地添, 加上昨天跳舞的影響, 所以游得好少, 最後還上演一幕遇溺記,  我和她們都有被嚇到  , 真的不好意思哦 . . . 好彩有你們在, 否則我就 . . . 以後都不夠膽來游水了。

今日放工約了 Catherine 食 lunch, Catherine 是我現任公司的前任 reception, 她己經辭職没有做, 現在她在九巴 & 新巴的上市公司返工。我們 lunch 去了旺角的金太郎食 sushi, 食完 sushi, 我們就逛了兆萬, 波鞋街, 旺中 ~

 照片是用 catherine 的手機拍攝, 攝於金太郎

差不多 6點, 我就先行離開, 因為要趕回家食晚飯, 晚上還有一個很重要的約會, 登登登登 ~ 就是去上跳舞班了。回到家 7點, 拿拿臨食完雲吞, 休息一會, 整理好要跳舞的用品, 就落黃大仙 ccdc 上課了。

今晚一開始, 做了多個 yoga 的動作, 由於我 d 骨實太硬, 所以有很多動作都做唔到, 最令我印景深刻的就是哪個屈身成隻腳落地, 這個動作就好似這個符號一樣 @, a就代表我個頭, 而 c 就代表我個身, 雖然做到這個動作, 但是我個頭真的很辛苦, 所以 miss 叫我不要雙腳掂地, 這樣就没有咁辛苦。

玩完 yoga, 我們就跳現代舞, 跳現代舞真的好好玩, 有幾個舞步我覺得好型 ~ 10:10分就落堂了, 之後我們聊了一會身, 就各自回家

P.S. 多謝蕭欣送了 mami 公仔給我

今晚放工約了阿大, 阿三, 阿五, 阿六和蕭欣都 esprit 掃貨, 因為阿三的二嫂有 6 折, 所以買嘢會平 d, 今晚總算有 d 收穫, 買了兩件內衣 ~

買完衫己經 8:30, 好彩阿五和阿六先到 pizza hurt 拿位先, 我們去到等了一會, 就有位了 ~ 今晚試了新出的大蝦 pizza, 因為好耐都没有食過 pizza, 所以今晚真是要慢慢品嚐, haha ~ 最後收到蕭欣的日本手信, 樣樣都好卡娃依呢, 好鐘意佢 d 手信, 多謝你哦 ~

  

我還和蕭欣的貓貓公仔影相, 那隻貓貓真是好靚, 好得意, 勁鐘意那隻貓貓 ~
 --->找不找到那隻可愛的貓貓呢？

最後仲要多謝蕭欣幫我在日本買了一個很便宜的 agnes b 餃子袋回來, 真是勁開心 ~ 多謝你哦