今日早上起來後, 咳得很厲害, 喉嚨還很痛, 還咳了很多痰出來。當我望一望的時候, 發現痰中有血絲 . . . oh, 怎麼辨, 有血絲耶 ---> 驚慌中 >_<" 到底好不好去看一看醫生呢？因為咳出來的所有痰都有血絲, 不是一舊, 而是所有都是這樣。想想, 還是算了吧!!!我想應該是咳傷喉嚨, d痰才有血絲, 買包喉糖食, 希望快 d 無事啦 . . .

到下午, 咳的情況好了一點。晚上放工就和小敏一齊搭巴士去上課的地點, 到了課室, 己經差不多 7點了。放學後, 我們就去了旺角食手攪麵, 食完拉麵就各自回家了。

今日喉嚨和腳都有 d 痛, 臨食飯前 15分鐘, 老闆叫我拿份文件去銀行, 又話好 urgent, 又話一定要快d送去, 佢話我如果我唔得閒, 就叫 rainbow 幫我去銀行。我同 rainbow 講, 佢話就黎食飯, 一定要宜家去嗎？我話是老闆要求宜家送過去, 佢唔肯拿去銀行, 於是我只好自己送過去, 真是氣 ~

今日真是好忙, 到諗放工的時候, 又被老闆拉住左, 叫我 reply 埋死芒果的 email 先好放工, 其他同事己經個個走晒了, 得返我一個, 於是拿拿臨 reply 完埋 email 就走人了。

回到家, 己經好累, 所以無埋會明天上堂要交的功課。休息了一會, 我就看轉角遇到愛第10集, 點解俾我係 you tube 揾到第 11集, 但台灣都未播, 於是我由 click 黎睇下, 點知真是 11集, 我再 click 12集, 又有, 於是我今晚只看了第 10集和第11集, 遲 d 再看第 12集了。睇到差不多 11點, 我個頭真的很痛, 很辛苦, 個頭好熱好似發燒一樣, 於是被細佬趕我上床訓覺。我想還是好好休息吧!!!

上禹哲個 bolg 見到佢話今日會去AIA冬季環球嘉年華, 加上阿三又話想約埋一齊去玩, 於是我就建議今日一齊去玩, 一黎可以玩, 二黎又可以見到帥帥的南學長, 三黎希望可以在冬季嘉年華見到尊尊, 真的是一舉三得 ~ hehe, 一張票價可以做到三樣嘢, 真是物有所值。點知個 fd 零晨 send 左個 sms 俾我, 話禹哲會取消去嘉年華, oh . . . 仲諗住可以見下南學長添, 宜家無望了, 希望下次有機會見下佢真人先, 呵呵 . . .

早上先去樂富 join 埋阿大, 之後就一齊 by mtr 去金鐘地鐵站 join 埋阿三, 六和蕭欣。我地在大快活食完早餐, 11點幾就入場玩了。由於食得太飽, 所以不宜玩 d 激的機動遊。

我們首先玩了飛毯機動遊戲, 這個遊戲一d 都唔激, 我都唔明白點解 d人仲會係到叫, 我是坐在飛毯的第二排, 我看見第一排人的表情很痛苦同埋尖叫, 但真是唔明有咩咁恐怖, 又無 360度旋轉, 開得又唔快, 我坐在上面簡直傻笑。

之後我們就去玩了一個無 360度旋轉而且感覺隻腳會卡住在過山車架上的過山車, 過山車去到某些位會開得好快, 去到某些位就會覺得隻腳會卡在過山車架上, 我同小敏都一齊擺出一個 L 字型的坐姿, 個坐姿認真爆笑。

過山車完後, 就去玩跳樓機, 呢部跳樓機真的有 D 恐怖, 因為落黎個下, 成個人飛起, 完全掂唔到張椅, 只是握著安全帶和扶手下來。

之後就再去玩濕身的船 (類似海洋公園的機動遊戲), 一個開得勁快的摩天輪, 一個會濕身的旋轉船, 一個上下左右郁動唔激的機動遊戲 . . . . .

接著我們玩了一個令蕭欣耳仔流血, 令我隻腳撞瘀的機動遊戲 – 米奇轉轉杯, 因為一個轉轉杯只可以坐四個人, 所以阿大和阿三同唔識的人坐一架, 而我, 阿六同蕭欣坐一架。這個轉轉杯的安全設計做得非常唔好, 一架4個人, 一個安全 Block 會 lock 兩個一齊坐的人, 蕭欣同小敏一齊坐, 轉得快時, 蕭欣耳仔撞埋遊戲機的杯邊, 而我因為一個人坐的關係, 我坐係左邊, 飛左去右邊, 成個人撞埋左去機動遊戲的杯邊, 由於撞力大, 我隻腳己經撞到很痛, 我在整個過程裡, 不是在尖叫, 而是猛叫 "好痛" 直到下車為止。回到家更發現一大片瘀傷。

之後休息了一會, 食完 lunch, 玩下攤位遊戲, 再玩埋打鞦韆的機動遊戲, 己經開始入黑了, 之後阿大和阿三就去玩一個超激又恐佈的機動遊戲 g force, 而我, 阿六同蕭欣就在下面等她們玩完。玩完 g force後, 蕭欣就回家, 我地幾個就去佐敦食 dinner, 食完就各自回家了。

計上次台灣大雨玩機動遊戲後, 今次又一體驗。

3月我覺得好似没有放過假一樣, 返工返學的, 連星期日的一天假期都出去玩, 這個3月真的過得很充實, 同樣也覺得蠻累的。3月真的很忙, 連日記寫到哪一天也不是很記得了, 今日襯在公司有空, 就上來補追日記吧!!!

放工後, 同小敏一齊去旺角 join 阿三一齊食 lunch, 食完 lunch, 就行回上課的地點, 而阿大今日擺展, 所以没有來上課。放學後, 我就去樂富吉之島逛, 因為我今日要去揾一本靚靚的筆記本, 用來上堂抄 notes 用的。逛了很久, 没有心水的筆記本, 打算去大眾睇下, 點知樂富間大眾唔見左, 原來執左好耐, 於是返回吉之島再看看, 見到一本蠻厚的筆記本, 雖然個 cover 唔是太靚, 但勝在好過一樣 formal 的筆記本, 而且價錢合理, 哈哈 . . . 所以就買了回家了, yeah . . . 我有新筆記本用啦 . . . 為左返學, 我真的增添了一些返學用的文具, 間尺, 原子筆, correct pen, 筆記本, 擦膠, 原芯筆, 買文具個時真的讓我很開心, hehe ~

今日6點就離開公司, 同小敏一齊搭巴士過何文田上堂。返到課室差不多 7點了, 好彩無遲到。

其實我好驚 miss 叫我答問題, 因為我的英文太差勁了, 因為有 d 生字唔知點用英文講, 跟住就答唔到佢問的問題, 所以佢一叫我答問題, 我就會好驚, 跟住個腦就會一片空白, 開始就會講錯d英文, oh . . . 因為今日 miss 上堂講左一 d 嘢, 令我諗到一d 嘢, 跟住我就傻笑, 之後被 miss 發現, miss 就話見我笑得咁開心, 就叫我答問題, oh . . . 仲之忍著笑啦, 咁樣就唔駛答問題了 >"<

之後我答完問題後, miss 就問阿大問題, miss 誤會左阿大的答案, 之後阿大解釋, 點知 miss 越講越攪笑, 阿大有工作, miss 就誤會佢是無業遊民, 跟住攪清楚阿大又嘢做後, miss 又話 actually 其實間公司是阿大自己開的, 超攪笑, 跟住就在一片笑聲中完結我們這一課。

上完堂, 我地就行返出旺角的樂園粉麵店食晚飯, 食完飯, 就各自回家了。

p.s. 多謝三妹的 ndsl 筆哦

david 早上去洗手間時, 見到我們公司個層的空置單位, 被紅十字會租借一天為捐血流動站, 於是老闆就話中午食完飯, 拉大隊過隔離捐血。

lunch 回來後, 全公司的同事都集合, 一齊過去捐血站, 我同老闆個妹妹都食過一些藥, 但哪些職員話捐得, 於是就去捐血囉 . . . 而且相士話豬年的朋友今年會有血光之災, 要靠捐血, 洗牙去化解呢個血光之災, 咁我今日捐埋血, 咁我的血光之災亦都化解, >”< 迷信的我又開始發作, 嘻嘻, 簡直配合天時地埋人和, 捐血捐血捐血 . . .

因為捐血個時, 要填公司名, 老闆話多 d 同事去捐, 就會證明我地公司好有聲勢, 因為成張 form 佔了一半都是我們公司個名, 簡直令我傻眼, 捐血也要出風頭。哪個職員要 check 返我以前的資料, check 到原來我對上一次捐血是在 2002年, 我己經不太記得了。

我捐了大約 10分鐘就捐完, 很快, 我今次捐了 450 cc的血, 其實我覺得是辨公時間去捐血非常好, 因為呢排無嘢做, 咁我捐血個時, 可以躺在椅上休息一會兒, 加埋填捐血 form, 抽血, 休息, 飲美綠食餅乾的時間, total 都約一小時, 咁我就賺左, 呵呵, 開心到發笑當中 o^.^o

到下午4點時的時, 老闆突然暈低係公司, 好彩 david 立即扶佢起身, 由於老闆是第一次捐血, 因為捐前的驚慌 + 捐後的不適, 最後暈低在公司, 所有同事上前看看佢還有無事, 最後佢的臉和唇己經變青和白, 於是我地就去捐血站找護士過來, 最後護士開了一張床給老闆躺, 隔了一會兒, 護士帶了老闆過捐血站留意佢的情況。

跟住其他同事就話, 有捐血的人, 快 d 食d東西, 飲 d甜的飲品。差不多5:30老闆無事回來了。

這就是我今日在公司發生的一則捐血事件

原本今日約左阿大和阿三早上10點去九龍公園泳池游水, 但我遲到了, 於是她們去食早餐, 之後我就在泳池門口 join 佢地。點知去到門口, 入閘位寫著滿額, 估唔到3月都咁多人黎游水, 入到泳池換好泳衣都差不多 11點, 泳池入面真是好多人, 都無地方游, 於是我們過了 2.5米池游。我們要盡量爭取游多d, 由於還是很害怕, 所以知道游到掂唔到泳底的地方, 我都會停係度, 再游返轉頭。但其實我覺得我己經游得好過之前, 起碼唔會成日企起身囉, 希望快 d 可以游到去 2.5米池個邊啦 . . . 努力中

3月3號開學囉 . . . 恭喜阿大, 阿三和阿六, 我地又一次成為同學啦 . . .

放工就立即過旺中 join 阿三和阿六, 之後我地就拿拿臨去大家樂食 lunch, 之後阿大也到達。食完飯都差不多2:30, 但我地上課的時間是 2:30, 我們等了很耐也没有小巴, 只好by taxi 去上課的地點, 嘻嘻, 第一天上課我們就遲到了。2:45分我們就進入教室, 所有同學己經到齊了。今堂主要是 oral, 5:30就落堂, 之後就過左新世紀眼鏡88拿 con, 等了一會兒, 才到我自己試帶 con, 打了一陣還是帶不進去, 眼皮都紅左, 於是休息了一會兒, 阿六就教我帶, 之後就好快帶入左一隻, 另一隻 con, 職員還未拆開給我, 所以等好佢做好手頭上的工作, 再幫我處理另一隻 con, 很快就帶入左了。終於成功帶入對 con, 個職員叫我先周圍望下, 睇下帶左一陣慣唔慣, 之後先再教我除 con。學完除 con, 洗con, 就在新世紀等埋阿五。

之後我們落花園街 join 埋蕭欣就去太子食素, 食完飯, 我地過先逹買了 d 嘢後, 就去了兆萬睇扭蛋, 俾我們發現了 ndsl 的袋, 於是我, 阿三, 阿六和蕭欣都擰了一粒, 再逛了一會兒, 我們就各自回家了。

今日終於上班了, 休息了咁耐, 真是唔是好想去上班。因為之前新年假, 我的生活是日夜顛倒, 要去返工了, 唔知怎樣的, 晚上就是睡不著, 擔心明天不知醒起身去上班, 於是今日返工就没有精神。

今年的開工利事俾上年多左 50元, total 100元。由於第一天上班, 所以要處理返新年時堆積的文件, 所以比較忙。

原本打算放工時, 同老闆講我要去讀書一事, 星期二晚要提早走人, 點知阿頭跟的哪間工廠出了些狀況, 害老闆要遲收錢, 所以老闆心情不太好, 罵工廠, 於是只好等下次講好了。

放工個時, 覺得個胃很不舒服, 食了一些成藥, 希望快 d 好返啦 . . .

由於細佬呢排成日咳, 所以媽媽叫我今日接細佬放工, 帶佢去睇中醫, 因為細佬一直嚷著不去看醫生, 所以媽媽要我捉細佬去睇中醫。

今日我首先出花園街逛, 到下午3點就過酒店接細佬放工, 之後就帶佢上去看中醫, 點知個中醫去左進修, 要五月先開診, 最後没有看到中醫, 就直接過黃金拿返部 wii, 同埋買左幾隻 wii 的 game。

回到家, 就急不及待叫細佬開隻 cooking mama 俾我玩, 我玩了整布丁, 搓壽司, 整壽司拼盤, 鰻魚串燒等, 我覺得幾好玩, 如果打爛隻蛋, 手掣會掁動。我亦都買了超執刀, 但未玩呢隻 game。我覺得如果玩超執刀實好攪笑, 用 40吋大電視幫人做手術, 唔錯唔錯。

今日媽媽同細佬都放假, 我們下午就拿了部 wii和 x-box360 去黃金改機, x-box 360今晚有得拿機, 而 wii 就要等到明天先有機拿。於是我們就去了旺角逛街, 因為細佬要買一個返工用的袋, 我們先逛女人街, 但睇唔啱, 於是去了旺中逛, 終於買了一個兩用袋。現在旺中多了很多兩用袋買, 好多都很靚。

之後就回黃金拿 x-box 360, 回家放好部遊戲機, 就去深水埗的大排檔食晚飯。今日的行程很豐富, 所以時間過得特別快。

原本今日無約人出街, 收到家慧的 message, 2點就同她一齊由屋企 by 巴士出旺角, 點知搭巴士的途中, 家慧弄斷了鏡架, 於是家慧決定換過一幅新的眼鏡, 於是我地兩個就去了新世紀的眼鏡 88, 因為這間眼鏡舖是最近我們的一間, 我提議家慧去 alook 配眼鏡會平 d, 但她覺得眼鏡 88 好 d。我們在眼鏡 88 逼留了很久, 昨天幫我帶 con 的職員己經認得我, 佢走過黎同我 say hi, 而個 manger又問我幅眼鏡帶得慣唔慣等, 原本家慧配一幅眼鏡, 但最後佢送多一個架給她, 所以她最後都配了兩幅眼鏡, 佢買單的價錢是我買膠框 + 鏡的價錢, 所以我覺得己經很平宜了。

之後我們就去掃街, 由花園街掃到旺角西洋菜街, oh . . . 又肥了, 睇黎要去游多 d 水才得。之後去兆萬再看看有没有軍曹的 ndsl 筆, 終於俾我見到了, 但佢竟然加價起來, 由原本的 10元加到 15元, 我扭個時, 只剩返3個扭蛋在機內, 但是我好想要  tamama 的 ndsl 筆, 所以最後還是扭了一枝, 最開心的是竟然俾我扭到 tamama, 開心死我, 我太幸運了。

扭到我想要的嘢後, 我就同家慧去影貼紙相, 這部貼紙相機真的好好玩, d 圖案好靚的。之後就再逛家樂, 潮特, 信和, 最後就回家食飯了。

p.s. 家慧覺得我帶左新配的眼鏡後, 我隻眼變細了, oh . . . 我隻眼己經夠細了, 再細的話就不好看了, 唔知點解, 我帶了新的眼鏡後, 我就覺得好眼訓, 家慧也話我, 覺得我帶這幅眼鏡無以前帶的哪幅咁精神, 其實我也認同她的講法, 只好等多兩年  再換過另一幅新的眼鏡架啦 . . .

這就是我今天的收獲了 . . .

今日約左阿大, 阿三和阿六和我一齊去新世紀拿眼鏡, 同埋試 con。我總共試了三對 con, 試到隻眼都有點累。之後我們一齊食埋 lunch, 就去兆萬睇有無軍曹的 ndsl 筆, 因為之前表妹話我知見到兆萬有軍曹的 ndsl 筆扭蛋, 所以大家一齊去看有没有得扭, 因為有些舖頭都還未開, 只好等下再去看看好了。我們就行去油麻地 by mtr 去九池游水, 時間真的很趕, 因為九池下午 5點關池, 而我們差不多3點才 by mtr 過去的。

今日泳池不算多人, 但太耐無游水, 己經唔是好記得點游, 游了一會兒, 才熟返。游到 4:15分我就上水沖身, 因為覺得個鼻有點不舒服, 可能用鼻飲了很多泳池水, 所以還是早點上水休息。游完水, 我就不停留鼻水, 我想可能是剛剛游水時凍親, 因為係游池起過兩次身去更衣室, 可能這時凍親了。

游完水, 回到家, 成個人己經很累, 食飯前先食一粒感冒藥, 希望食完藥無事啦 . . .

大家有無留意這張相有咩唔同呢？
換左新 look 後, 感覺怪怪的 >"<

今日年初一, 舅父, 表妹, 表弟來我家拜年, 我們一齊在家食完午飯, 就輪到我們去他家, 因為今日是舅父生日, 所以入去沙田同佢慶生。我們先去西田逛, 之後婆婆有點累, 表妹就帶我地去了一個沙田新城市好有  情調的公園休息, 哪個公園真的很靚, 我想夜晚黎仲會更靚, 之後休息一會, 等埋舅母收工, 拿埋生日蛋糕, 就去舅父家。

去到舅父家, 同表妹, 表弟, 舅父玩左一陣四方城, 就切生日蛋糕食, 食完蛋糕, 就係到睇電視, 因為表妹家收到台灣電視台, 但今日台灣台都没有什麼好看的節目, 好看的節目是好夜的時間播, 所以都睇唔到。食埋晚飯, 我和婆婆就搭巴士回家了。

這張相是用手機拍的, 覺得這部手機拍相片也不錯, 這裡就是好有情調的公園, 還有搖搖椅哦 >"<


表妹家的公仔好靚哦, 同我今日件衫好襯, 等我同佢一齊影返張相先

新年了 . . . 祝大家新年快樂!!!

最緊要身體健康, 有健康, 就有開心, 快樂, 事業, 愛情, 財富 . . . 希望大家係新一年, 開開心心, 健健康康的生活下去, 豬年快樂哦  ^(00)^