每天放工回到家都很累, 所以呢幾日好小上黎寫日記。

呢幾日上班都限制自己唔好飲咁多水, 因為飲得水多, 去廁所也多了, 而公司的洗手間要行好遠, 要走到公司外才有洗手間, 有時喉嚨都幾乾, 只好食香口膠吧!!!

呢幾日不停清理請病假時, 堆積在我桌上的文件, 今日終於差不多清理完我手頭上的工作, 真的有點開心, 所以上黎留言先。呵呵 . . . 咁我遲D 就可以多 D 時間, 在 office hrs msn 啦 . . . 最近有 d fd 問我, 點解呢排咁少見到我 online？因為公司真的很忙, 有時真的忙到連 online的時間都没有, 即使 online, 也没有時間和你們交談。哈哈 . . . 不久, 我就可以回復正常了 (指 msn online)

呢幾日返工, 真的讓我很累, 做手術的腳一早己被當掉, 我真的覺得很辛苦。每日拖著受傷的腳返工放工, 真的很累, 加上公司繁忙的工作, 真的讓人很累。爸爸和媽媽都見我這麼累和辛苦, 都有叫我再請病假休息, 但一諗起如果再請假, 之後再次上班的日子仲難過, 所以最後硬橕回去上班, 其實個心裡一直嚷著不要去上班。

今日返工時間, BOVIA打俾我, 我聽到電話後, 同佢講我好忙, 遲D 揾佢, 因為個時阿頭企在我隔離, 同我講一些工作上的事, 所以我就拿拿臨推掉 BOVIA的電話。BOVIA最鐘意在人家 OFFICE HRS打電話來。

現在我覺得每日的日子好快過, 返工放工, 返工放工, 每當我訓醒時, 都覺好快又要再上班。我真的很累, 呢幾日覺得好似唔夠訓咁, 所以真的讓我感到很累,很累, 很累 . . .

我所預料的嘢終於發生了 . . .

今日老闆下午五點幾回到公司, 我問佢墨西哥的貨想出一張 ANNEX III or 兩張, 之後順便同佢請埋假, 因為下星期一要回醫院拆線, 佢話好, 之後我走出佢間房後, 佢又問返我, 係唔係下星期一？之後佢就即刻打直線同大老闆講呢件事。預料的事在半小時後發生, 佢藉故找公事成機罵我, 個刻真的很唔開心, 而且被阿頭發現我的淚光, 今日老闆心情唔多好, 佢也有同佢細妹吵架, 而且吵得很大聲, 老闆回來公司後, 公司的氣氛真的很恐怖。被罵完後, 老闆又打直線問我墨西哥的貨的事, 跟住佢話咁你自己跟返, 因為做手術時, 突然有墨西哥的貨要出, 所以老闆幫我跟住先, 到現在就叫我自己跟返。

被佢罵完後, 我真的覺得我自己又無做錯, 點解要白白受人氣, 我真的很不服, 我個刻真的有辭職的衝動。今日真的很唔開心, 但我靈光一閃, 我唔可以再諗住剛剛發生的事, 因為這樣會影響我腳底的傷口, 唔可以為左呢 d 事, 而影響我健康就唔值啦, 就當剛剛發生的事是一種磨練吧!!!人地在深山修練, 而我只是在這兒修練而己, 而且我臉皮很薄, 咪當是在這兒學變得怎樣變得臉皮厚 d, 又當是修練個人的容忍力, 睇下自己的極限去到邊, 睇下自己可唔可以再忍多四個月, 四個月後, 我就可以做一隻自由的雀仔, 鍾意飛去邊就飛去邊, 到時就是名副其實的 "我是一隻無腳的雀仔" 啦 . . .

腳腫一直還没有退, 今日隻腳真的超痛, 我覺得返工後, 令我腳痛都多了, 回家後, 頂唔順都要食粒必理痛, 我自從出院後, 一直都没有食止痛藥, 因為腳没有出現太多的痛楚, 但今日真的不行了, 還是食藥吧!!!

真的不想不想不想上班 . . . 很想繼續請病假, 但我知道我唔可以一直逃避唔返工, 因為我知道我紿終有一天都要面對, 只是遲和早的問題。只有呻下唔返工啦 . . .  

昨天晚上10點幾阿頭打我手提俾我, 但因為無電, 所以聽唔到佢電話, 當電話充電完畢後, 我再開機, 就聽到她的留言, 我再打返俾佢, 點知佢己經關機了, 害我擔心了一個晚上, 唔知佢打黎做咩, 星期日今夜打俾我, 一定唔會係好嘢, 我開頭諗會唔會佢想同我講 "你聽日返工, 你就會大獲啦 . . .", 真的有點驚; 或者老闆叫佢打俾我是想叫我明天不用來上班, 今朝早未回到公司前, 打俾我阿頭, 佢話等我返到黎公司先講, 個d嘢唔急, 我心諗, 唔急就唔會昨天晚上 10點幾打俾我啦 . . .

今日是手術後的第一天上班, 腫著腳橕著去上班, 真的有點辛苦。因為爸爸車我返工的關係, 而爸爸返9點, 所以我也很早到公司, 我在apm的肯德基食完早餐就回公司, 行回公司這段路對我來講, 真的很慢長, 用了很多時間才回到公司。回到公司, 阿頭跟我講, 老闆叫佢星期六打俾我, 問下我是唔是星期一返工, 昨天晚上就是為了這件事打俾我。

今日返到公司, 感覺有很大轉變, 首先多了一個新請回來的員工, 是跟garment的嘢, 我開頭以為 cher唔做, 阿頭話cher唔是唔做, 這個新來的男仔是跟 garment, 之前老闆亦請了個女仔做 shipping, 但個 shipping 真的好唔掂, 老闆叫佢 send invoice and packing list俾公証行, 點知個女仔同阿頭講話聽唔明老闆講咩, 同埋老闆教完佢的嘢, 佢就即刻同老闆講, 如果有咩唔明, 我係唔係可以問老闆和 fanny (即是我阿頭), 阿頭形容得佢好唔掂, 個女仔到 lunch time 打電話回來辭職, 話 d 嘢太難做, 覺得份工唔係咁適合自己。老闆話唔緊要, 之後就從老闆房走出來, 氣沖沖走去我個位拿返 d file, 有點很重要一提, 老闆當時叫佢坐我個位做嘢, 我的大口仔水杯都拿到一邊擺, 所以女仔走了, 老闆就在我位子上拿回 file入房, 入房後, 仲要大發雷霆, 阿頭形容當時情況很恐怖, 老闆真的是揾人頂我個位呀！最後, 就是我枱上的文具唔見晒 (兩枝營光筆 + 塗改液 + 釘書機)。

今日日記比較會長了一點, 因為發生了很多事, 我有很多嘢想講。回到公司, 我看到我枱頭堆積的文件, 真的有點想暈過去, 太多文件, 阿頭和老闆幫我跟到一半, 我都不知道要如何處理這大堆文件, 而且仲有好多 email等著我 (由請入院個日到今日為止)。於是我決定續一續一執返好和處理文件。當我整理一份空運的文件時, 發現有很大問題, 我請假前交代阿頭叫佢收到正本提單後, 就可以把所有文件寄客, 但阿頭竟然寄漏左 d export licence的影印本出去, 但正本我一早己寄了給客人, 問題是因為 d export licence的數量好麻煩, 要左扣一張右扣一張export licence的數量才得出今次出貨的數量, 如果佢無寄 export licence的影印本出去, 個客係唔知會在哪一張 export licence扣數, 所以都幾大問題, 咁我將呢個問題告訴佢, 佢的答覆是不如唔好理佢, 當無事發生, 我話咁樣唔得喎, 到時個客 send email 過來問呢件事, 俾老闆知道就大件事了, 親宜家解決得到, 就解決嗎？之後佢叫我攪掂好晒, 佢再幫我拿去 copy。這件事真的很有問題, 但她竟然想不了了之, 我真的有點想暈過去。

今次回到公司, 阿頭對我無咩嘢, 反而對我好左, 一返去, 問駛唔駛幫我斟杯水, 我話不用了, 因為我帶了水樽上班。佢話如果我要 fax or 影印可以叫佢幫我, 但是實際我要 fax or copy都是我自己行去。午膳時間, 都講下我做手術的嘢, 同埋佢以前住醫院的經歷。我去廁所時, 從我個位行去廁所要行很遠, 廁所是在公司外面, 是大廈公用式廁所, patrick會主動幫我打開公司的門。食飯時間, d 同事會幫我叮飯盒, 當食飯時間, 會計 rainbow首先去休息室盒佢自己的飯盒和阿頭的飯盒, 當時我在想, 你條死八婆 rainbow, 你幫一個行得走得的人拿飯盒, 都唔幫一個行動不便的人拿飯盒, 你有無一點同情心嫁, 真是冷血嫁, 好, 我唔駛你幫我拿, 我自己走去拿, 因為我個位行去休息室, 也是很遠, 當我行緊去休息室時, 經過 一 d 同事的位, 個個同事叫我唔好郁, 叫我返埋個位, 佢地幫我拿過來, 總算覺得 d 其他同事都不是很冷血, 只是有幾個很冷血而己。

老闆去了廣交會, 所以不在公司。佢不在公司, 當然要準時踏正走人啦 . . . 一日的工作終於完結。

今日行了很多路, 隻腳行到腳底有點興, 有點痛, 有點累, 行得耐, 停下的時候, 腳掌會不停發震。無論點都要橕下去, 努力, 加油!!!

放工時, 媽媽對我講了一件事, 真的讓我覺得 bovia好唔掂。bovia最近應該好唔掂, 揾唔到生意, 四周圍叫人幫佢買保險, 佢今日見到我媽媽, 叫我媽媽幫佢買住院, 媽媽話唔買, 有咩事去政府醫院, bovia就話佢有個客最近因為身體有 d 問題, 入去私家醫院做手術, 最後都全數 claim 得返, 佢話唔怕老實同我媽媽講, 其實是阿欣的媽咪, 當然仲唔只我以上簡單的描述, 佢仲有講了很多, 有描述阿欣媽媽身體出現 d 咩病況, 如臉色黃 . . . 仲有好幾樣, 做左 d 咩手術, 阿欣媽媽幾多歲等, bovia真的很口疏, 我阿媽話佢好過份, 為左做生意咩都做得出, 最過份就是人家的私穏周圍同人講, 最後媽媽堅決話唔買, 跟住佢就轉移目標在我細佬身上, 當然我媽媽梗是話唔知佢自己有無買, 咁樣有成功避開她的追問。之前我有同過阿六講過 bovia很口疏一事, 阿六唔是太相信, 因為今次她真的很過份, 所以我一定要講出來, 所以我現在不想同佢講我咁多我私人嘢, 希望大家唔好透露我大多事俾佢知, 我費時佢同我周圍唱, 最驚佢同我阿頭講, 所以我唔鐘意在佢面前談及公司發生的事。佢過份的事, 不只這些, 她還欺騙我媽媽, 話份家居保會保火險, 如果份家居保真是保火險, 張單張就會寫埋出黎, 無寫出黎, 即是唔保啦, 所以媽媽話佢騙她, 無同佢買份家居保。其實唔只以上的嘢嫁, 等有機會再告訴大家吧!!!我覺得 bovia隨處漏留別人的私穏, 真的很過份, 試想想如果佢最唔想俾人知道佢結了婚未一事被別人漏留出去, 佢也會覺得漏留這件事的哪人會很過份, 點解唔調轉頭想想如果佢的秘密俾人漏留出去, 佢的心情會點呀！她真的很過份耶

今日弟弟沖完涼後, 弄到浴室門口附近的地方有點濕, 我路過的時候, 不小心 "仙" 了一腳, 但好彩没有成個人跌在地上。之後行路, 腳址公的骨有點痛, 到晚上隻腳有點腫起來, 還有點痛, >"< 鳴 . . . 好想哭, 其實是想起明天要返工, 有點想哭, 加上隻腳有點腫, 真的有點令我難過。希望咁樣返工, 唔會影響個傷口惡化啦 . . . 鳴鳴鳴, (哭著說) >_< 我明天真的不想上班耶 . . .

(咁多隻腳址有點腫了起來, 感到隻腳腫了起來, 真的不好受)

今日媽媽放假, 所以她今日陪我到樂富健康院洗傷口。我們食完早餐, 就搭巴士去樂富, 而樂富巴士站距離健康院有一段路, 這段路對我來說, 真的有點辛苦, 花了很多力氣和時間先去到健康院。

洗傷口時, 我叫護士俾我看一看傷口, 護士開頭唔俾我看傷口, 最後還是俾我看了一回兒傷口, 洗傷口時, 傷口真的有點痛, 洗完後, 護士幫我重新包紮傷口, 並話我傷口埋得很靚, 叫我放心。護士要我下星期二要再回健康院洗多次傷口, 但我唔諗住回健康院再洗傷口了。因為下星期一我要回公司上班, 如果星期二又請假, 好似無咁好, 算啦, 洗一次傷口就 ok 了。

洗完傷口, 就陪媽媽逛了一會兒吉之島和 uright, 之後就搭巴士回家了。

(手術後, 右腳包了很厚的紗布和綿花, 走路才會覺得無咁痛, 覺得政府醫院包傷口包得好過私家醫院)


(今日去健康院前拍的, 還未洗傷口前)

我覺得每日都會收到公司電話, 我覺得我自己好像顧客服務熱線咁, 今日也不例外, 收到阿頭的白痴電話, 佢今日問的問題超白痴, 滙豐銀行通知有份 LC Amendment到, 銀行 fax了份 LC 過來, 要我地俾 100元手續費, 咁阿頭就打電話去銀行, 叫銀行 Copy 一份 LC到觀塘滙豐分行俾我地, 點知銀行職員話唔經佢地, 即是佢地無收過份正本 LC。阿頭就打俾我, 問我點算好, 平時我會點樣處理？真是白痴嫁 . . . 我咪叫佢同銀行講 "唔經你地, 咁你地點有套 LC Amendment fax過來給我們呀？再叫銀行 d 職員 check 清楚 d", 我聽完阿頭講完呢單嘢後, 都有點火, 我唔明阿頭點解咁簡單的嘢都處理唔到, 以前她也是這樣處理過的, 為什麼現在出現少少問題, 就不懂處理, 真是有問題的。

今日身體好了點, 没有成日出現頭暈, 個樣睇落去都無咁病, 總算有返 D臉色, 因為呢幾日, 我由朝訓到晚, 我也很佩服自己可以訓咁多, 到晚上睡覺時, 也可以訓得著, 呢幾日我不斷訓覺, 有時會覺得訓到好似失去知覺咁, 真的有點恐怖耶。下星期一要上班囉, 真的不想上班, 可能放了咁耐假己經唔想回去了, 其實我預料上班後, 一定會有 D 恐怖的事等著我去面對。

訓醒第一件事, 我就立即致電回公司, 阿頭有幾條問題問我,

1. 士耳其是不是出三款 po？這三款 po 是不是和墨西哥的貨一齊出貨？
2. 墨西哥 d 貨幾時通知 BV公正行來驗貨?通知人來驗貨先 or 先訂倉先?
3. 收到上海出的正本 Export licence, 要點樣處理？我唔識, 俾晒老闆跟。

我一一解答她的問題, 第三題問題, 因為d export licence有d麻煩, 阿頭有講得唔清唔楚, 於是只好早上 msn online同工廠聯繫, 弄清楚到底是什麼回事？我費時到我上班時, 會有大鑊嘢發生, 所以點都要攪掂好佢。最後工廠直接打我手提, export licence的事終於解決了, 而工廠叫我同阿頭講, 叫另一間工廠快 d 俾 d packing list俾佢地, 於是再打回公司交代一切。export licence呢件事麻煩到老闆跟, 心有點害怕, 下星期一回公司上班實俾老闆話。

呢幾日, 覺得公司好似發生左好多事咁？出現在很多問題, 等著我回去處理, 真的會為我帶來一點壓力 . . . 害怕上班, 我真的有這種感覺出現, 真的不想上班耶

現在身體還是一樣差, 不時會感到頭暈, 媽媽話因為是我缺乏運動的關係, 於是每日一定拉我到屋企樓下的商場走走, 她話咁樣 d 筋會無咁緊, 要行多 d。她話我整天訓在床上是不行的, 要多走多運動, 但我對她說是醫生叫我不要行咁多, 因為仲未拆線, 她都不知如何回應我了。 

哈哈 . . . 諗起有套劇, 有個男仔成日話 "我是一隻無腳的雀仔", 而我則是 "一隻用單腳行路的雀仔", hehe, 更令我諗起阿布, 他也是拿著手杖出席公開活動耶, 我們也很相似, 加油ar 阿布, 我地要快 d好返

阿頭打了兩通電話給我, 一通在我食午飯時候打來的, 問我士耳其多款貨號俾一個 invoice no 俾佢, or一款 PO 一個 invoice no呢？爸爸聽到後, 話咩你阿頭唔識的咩？呢d都係佢教你做的, 無理由連呢d都唔識, 要問返你轉頭, 你阿頭是不是有病呀？第二通電話, 則在下午3:44分打來, 因為我訓著了的關係, 所以聽唔到電話, 我在晚上 11:30關手提時, 才看見這通來電, 她留言給我, 她叫我得閒先回她電話, 我想晚上11:30回她電話, 她都訓著了, 還是明天早上才回她電話好了。

出院己經幾天了, 不時會感到很暈, 暈的感覺並不好受, 好像天旋地轉一樣的。

今日早上10點打電話回公司向老闆交代病況及告訴佢什麼時候可以上班, 點知没有一個老闆在公司。11點幾, 我還在床上休息的時候, 我最不想聽的電話終於來臨了, 是老闆打來, 是我婆婆聽, 我婆婆問老闆 "你是佢同學還是佢公司同事？", 媽媽聽到後, 即刻叫我起身和叫婆婆俾我聽電話,

老闆第一句說話 "你點呀？幾時返得工呀？因為現在公司非常時期, 公司正值出貨期, 而你又去左做手術, 唔返得工, 我想打個電話問下你, 睇下你幾時返得工？睇下我駛唔駛請多個人返來幫手 or 叫住其他同事幫忙處理下你 d 工作, 因為公司咁忙, 得 fanny 一個人會做得很辛苦的"

我照阿三教我的說話跟老闆講 "我出左院了, 因為做完手術後, d 麻醉藥仲未過, 所以現在感到很暈, 想嘔, 隻腳很痛, 我休息多一個禮拜, 就下星期一會回來上班的"

老闆用不信我的態度問 "你10月4日做手術, d 麻醉藥咁耐都未過？"

我回答 "我是10月5號做手術, 10月4號入院, 佢今次做手術落重左 d 麻醉藥, 我做完手術, 己經嘔左幾次, 都食唔到嘢, 仲要掉鹽水, 現在做完手術, 成日都感到很暈"

老闆質疑我的說話 "咁你有無問醫生點解要落咁多麻醉藥呀？同埋你宜家做完手術後, 出現呢d 咁的情況, 係唔係手術後的後遺症呢？"

我回答 "我無問過點解要落咁重麻醉藥, 但手術後, 出現呢 d 情況, 我問過醫生, 醫生話是麻醉藥的關係"

老闆講 "因為我想了解你現在手情況, 幾耐先返得工？如果你唔返得工呢段期間, 我駛唔駛請多個人回來幫手？"

我回答 "我在做手術前, 己經打好晒所有要出貨的文件出來, 仲之我知道的, 有資料俾我去打定出來的, 我都全部打晒出來, 到時出貨數量有改, fanny 只需幫我在電腦上修改一下, 就 ok了, 我 d 文件己經預備到 23號了, 與及我己經詳細寫左張紙俾 fanny 要點做" 

老闆疑惑抱著不可置信的問 "咁我一陣問下 fanny 係唔係有咁的事先？如果有咩出貨的事和問題, 咁我叫 fanny 直接打電話俾你, 問你, 你一定要聽電話。"

因為我驚老闆打電話俾我, 所以我出院後一直關了手提電話。我感覺老闆其實很想炒我, 但佢呢段期間做唔到 d 咩出黎, 佢不斷強調請人回來接手我的工作。我接完電話後, 媽媽問我老闆對我講了些什麼, 我一五一十話俾媽媽知, 我同媽媽講, 我覺得我返工後, 佢實會炒我, 媽媽話咁你下星期一返工, 佢會炒你囉？我話佢應該唔會在下星期一炒我, 因為我的病假去到 23號, 係炒我, 都要等到我病假過了, 佢先炒得我, 如果唔係佢會犯法, 佢咁精, 實唔會做呢 d 咁傻的事。

媽媽話叫我到時返工, 睇下佢對我 d 態度點？如果唔好的話, 咪成機唔做, 搵過另一份囉, 媽媽問我有没有唔開心？我話如果佢為左呢件事而炒我, 我唔會唔開心, 因為我一直都唔想做呢份工, 一直都是為了這隻腳而繼續做這份工, 宜家隻腳攪掂好, 我就唔駛怕啦 . . .轉工, 轉工, 轉工 

p.s. 其實我原本打算這個星期四回公司上班, 但阿三話唔好, 休息多一排, 先回公司上班, 因為她給與我的意見, 所以我決定下星期一先回公司上班。其實我一直擔心和害怕, 手術後不久就回公司上班, 回到公司要 OT, 我實會以淚死臉過日子, 我很害怕 OT的日子, OT是一個非一搬的日子, 很苦, 我很害怕要 OT都 10-12點, 我是一個病人, 還要為這份工作而努力去 OT, 没有休息, 這樣會令我很不開心的。因為以前晚晚 OT 到 11-12點, 我己經有恐懼了, 加上現在做完手術, 如果還要過這些日子, 我一定一定會超唔開心的

媽媽今朝早對我說, 希望我今天出院, 因為她每天黎醫院探我很辛苦, 想我早一點出院, 佢唔駛走來走去。

今朝早唔知係邊到冒出一個陳醫生出來, 佢話唔俾我出院, 我問佢點解, 佢首先話我昨天做完手術嘔左幾次, 又無胃口食嘢, 仲要掉鹽水, 加上腳班底做完手術, 個傷口會好痛, 行唔到路, 所以想我住多一晚醫院。我話同我做手術哪個黃醫生話 "今日好大機會都俾我出院喎", 陳醫生問我 "咁你宜家仲有無邊到唔舒服？", 我當然話無 (其實我當時很暈, 但媽媽又唔想我住多晚, 所以只好回答無唔舒服), 如果我答有, 個醫生實唔俾我出院, 跟住個醫生走左去, 又唔同我講到底我今日出唔出到院。

隔了一會兒, 護士走過來, 我對護士說 "我想下床走走", 護士唔肯俾我下床, 她要我待在床上待物理治療師來, 如果行得好的話, 醫生先俾我出院。

又隔了一會兒, 幫我做手術個黃醫生經過病房, 我與他聊了一下病情, 我問他 "第一次做手術的傷口, 今次開刀, 到底個傷口入面仲有無存在血管瘤的出現？", 他回答 "没有血管瘤的出現, 只剩下第一次手術的線頭線尾", 我問 "咁 d 線頭線尾遲d 自己會唔會溶？", 他回答 "我今次己經幫你抽出第一次手術時留有的線頭線尾出來, 所以你放心好了", 他叫我下床走走, 我話護士唔肯俾我下床, 我要我乖乖待在床上等物理治療師來哦。

物理治療師見我行路都 ok, 她還教我點上落一級的樓梯, 最後我做左幾次上落樓梯的動作, 佢認為滿意, 先准我出院。我在行路和練習期間, d 護士好攪笑話 "15號床你要加油呀!!!你的目標是務必今日要出到院, 要行好 d 呀！", 最後物理治療師都認為我行路和上落樓梯都 ok, 所以最後都可以出院了。

今次住院, 覺得政府醫院 d 醫生和護士都好好人, 今次做手術, 我覺得自己遇到一個好醫生, 他還在手術前安慰我, 真的很感動。而d護士都好好人, 我覺得自己今次真的很走運, 遇到一班咁好的人, 我覺得比什麼都要幸運。

p.s. 覺得今次做手術没有第一次做手術咁痛, 只不過回到家裡感到成日暈, 好多謝咁多位朋友的關心, 我無事耶, 我會努力面對的, 我現在最想解決的問題, 不是我腳痛的問題, 而是我頭暈的問題, 希望快 d 康復啦 . . .

因為今日要早手術的關係, 我由昨天晚上12點開始到今朝早做手術, 都不可以飲水和食東西。早上8點幾的時候, 護士己經派了做手術時要穿著的衫俾我, 並告訴我排在第三個做手術, 大約9點至10點會入手術室, 到時會通知我更換衣服。9點幾的時候, 護士通知我要換衣服, 手術床己經推緊上病房接我下去做手術, 媽媽今日請假陪我, 媽媽陪我一齊去到手術室門口, 我入到手術室入面的停手術床的地方, 手術室護士話可以准我媽媽一齊入去, 讓媽媽多陪我一會兒, 此刻我的心情都有點緊張, 我怕做完手術後, 會像第一次做完手術後, 隻腳痛不慾生, 之後手術室護士在安慰我, 被她的說話弄哭了, 心情平靜了一會兒後, 我在手術前, 還有問題想問醫生, 於是護士幫我叫了正在手術室準備的醫生出來, 我問醫生左腳有粒硬嘢, 唔知個粒係唔係都是血管瘤呢？醫生話唔是, 醫生話我很緊張, 媽媽對醫生說 "她平時都很緊張", 之後我就被推進手術室了。

手術室裡有幾盞很大圓型的手術燈照著訓在床上的我, 醫生和麻醉師首先幫我量血壓, 量完血壓後, 醫生對我說 "不駛咁驚, 放鬆 d 啦, 緊張一定會有的, 如果現在訓在手術床上的是我, 我都會驚和緊張, 每個人都是一樣的, 放鬆d, 放鬆 d", 之後他們幫我打鹽水針, 接著有3個手術室實習生幫我貼上心駁儀器, 弄好這一切後, 醫生俾了一個氧氣罩給我, 他套在我的臉上, 開頭有點香氣, 之後我就聞到一股麻醉藥味, 我聞了幾下都未訓著, 醫生就叫我大力d用力d吸, 於是我很用力用力吸, 我感覺到我差不多進入麻醉狀態, 醫生話做得好好, 繼續用力吸, 之後我就訓著了。我被推出手術室的停手術床的地方, 護士叫醒我, 我很似很難淨開眼睛, 最後用力燦開眼睛, 護士話我 "咪你個樣咁的, 是唔是很痛呀？", 此刻我感覺唔到隻腳痛, 我只感到有 d肚痛, 護士話我個樣好似好唔開心咁, 天呀！哪有人做完手術會出現一個很開心的樣子呀！拜託耶, 會不會有點誇張耶, 在這個地方停留一會兒後, 護士推我回病房, 我做完手術真的很累, 回到房間, 我還是很眼訓, 我想 d 麻醉藥未過, 我9點30入手術室, 11點半才出手術室, 做了兩個小時的手術, 我叫媽媽先去食 lunch, 下午先來看我。

於是我由 11點半訓到2點半, 在睡覺其間, 我覺得自己整個人失去知覺似的, 口腔還留有很大浸麻醉藥味, 真的很辛苦。媽媽這時買了一碗粥俾我食, 但我食了兩口, 就很想吐, 但一直吐不出來, 真的很辛苦, 媽媽叫我飲水沖去口腔的麻醉藥味, 我飲完水後, 仲更加辛苦, 於是我同媽媽講想飲一些有味道的飲品, 媽媽就去 7-11買了一枝利賓納提子味道的俾我飲, 媽媽要我飲完一整枝, 我很努力飲, 最後都飲了一大半, 隔了一會兒, 護士要媽媽離開病房, 我繼續訓覺, 訓了一會兒, 我就嘔了, 嘔到我胃都反埋出黎, 真的很辛苦, 嘔完, 坐了一會兒, 我繼續訓覺, 跟住我感覺想嘔, 於是拿了載嘔吐物的容器, 斷斷續續嘔了3次, 容器都快要載不下去了, 我嘔出來的全都是整枝提子味的賓納, 開頭我以為自己嘔血耶, 但看到利賓納的樽後, 我回想起, 我嘔出來的應該是利賓納, 此時我一路嘔一路叫護士, 而媽媽也走進病房, 當我嘔完後, 媽媽幫我拿走容器, 護士小姐見到後, 叫媽媽交低容器俾佢, 護士看到容器後, 即刻望住我, 問我 "你嘔血呀？", 我話不是血呀, 是利賓納來的, 護士小姐聽完後, 放心的說 "嚇死我啦, 我還以為你嘔血耶！", 因為容器有點滿的關係, 所以倒瀉了一點。

醫生4點幾來看我, 我很想知道到底第一次做手術哪個傷口, 再出現的硬嘢是血管瘤 or 針線？醫生話是針線來的, 所以我也很開心, 不是血管瘤的出現。我對醫生講, 我很唔舒服和又嘔, 醫生話是麻醉藥的關係, 我覺得今次做手術的麻醉藥俾第一次做手術的麻醉藥份量還要多, 因為我做完手術後, 絲毫感覺不到一點兒痛楚, 而腳底還是感到没有感覺和很痺, 這個情況一直維持到晚上12點幾。

5點幾的時候, 護士替我打了枝止嘔針, 如果今晚食唔落嘢, 還是想嘔, 就要掉鹽水了, 其實做完手術回病房後, 我己經掉了一包鹽水, 而且我整個人感覺有點暈, 於是我繼續訓, 訓到7點, 整個人好了一點, 己經没有想嘔和覺得這麼累了。但就是没有胃口食嘢, 最後食了1/4的蛋糕。

零晨的2點38分, 護士叫醒我叫藥, 我話我唔想食止痛藥, 唔食得唔得, 護士話唔痛唔食都得。

5點被叫醒起身洗臉, 醫院的生活真的是早睡早起。

今日入院啦 . . .

今日要早上9點入到大埔拿打素醫院登記辦理入院手續, 我和媽媽早上 8點 51分己經辦理好晒手續, 之後阿嬸就帶我地上骨科病房, 原本以為一上去, 護士就會俾床我, 點知要等一大輪。我突然記得我昨天 send 漏一個 email 俾 manila 工廠, 於是打電話返去叫阿頭幫我 send 出去, 點知阿頭問我個封 email是不是save在我部電腦的 email 草稿箱上面, 我話我昨天唔記得打出黎, 個封 email的內容仲未打, 聽得出的語氣唔多好, 有點唔鐘意, 因為哪篇是英文 email 哦, 於是我叫佢拿枝筆, 寫低我在電話裡講出黎的英文, 然後佢就按我講的, 續個續個字打返出黎, 其實封 email 很簡單, 只是同間廠講老闆10月6日會過 manila驗貨, 早上10點會到 manila, 叫間廠到時派人去接老闆, 封 email 的內容就是咁, 於是續個英文讀出來給她, 最抵死的是, 句子之間有句號, 佢不是太清楚, 問我駛唔駛加句號, 於是我講 email 的內容, 亦需要在電話中講埋 d 標點符號俾佢聽, 唔是佢就唔知點加上去。之後阿頭有話有封客人的 email 睇唔明, 問我點算, 哇塞, 我的天耶, 我話你讀出來給我聽, 段英大有長, 佢有 d 字有唔識讀, 佢串出黎俾我聽, 聽到我一頭冒水, 佢最後講了一句, 咁我再研究下先, 一陣再打俾我。隔了一會兒, 佢打俾我, 話個客要在墨西哥 annex III 上更改一些內容, 因為這些內容會涉及影響 LC上面的條款, 佢咁我要點打好, OH MY GOD, 我手頭上有没有文件, 點知你第幾欄 AND 第幾欄呀！我話我手頭上没有文件, 我唔知你講緊個欄係邊一欄, 我叫佢先按客人的意思打出來, 先俾客人 CONFIRM 一次, 如果没有問題, 到時再同老闆講出會涉及 LC 的問題, 睇下老闆會唔會叫個客改份 LC, 阿頭很灰的講 "咁好啦 . . . .(聽得出佢很無奈)", 我心想, 到底你是阿頭還是我是阿頭, 呢 D 嘢仲要問返我點做, 呢 D 嘢應該係你自己諗掂佢, 仲要我教返你點做, 你有無問題耶

首先要等見醫生
由早上9點等到下午1點, 我先見到醫生, 足足等了4小時, 而這4小時是無無聊聊中渡過, 媽媽陪我等到12點半就回去上班了, 只剩下我一個人等見醫生。1點, 我終於見到上次幫我安排入院的 k.c. wong 醫生, 佢首先幫我再睇多次隻腳, 佢問我粒嘢有没有變大？之後再幫我睇下隻腳周圍附近會唔會再有血管瘤出現, 點知佢按回我第一次做手術個傷口, 我很痛, 佢話摸到粒嘢, 驚都是個 d 血管瘤, 佢問我割唔割埋佢, 我當然話割埋佢啦, 即是今次手術我會在同一隻腳開兩個傷口, 最後 k.c. wong 醫生話今次的手術將會交由另一位 dr. wong 醫生幫我做, 有點失望添, 但 k.c. wong 醫生同我講會交低佢點同我去開刀做今次的手術, 所以叫我放心好了。

之後就等見另一位 Dr. wong, 佢同 k.c. wong 醫生講的嘢差不多, 驚第一次做手術個傷口遺留血管瘤, 或者有可能是線頭, 今次手術順便幫我開埋第一次做手術個傷口, 睇下到底個粒硬嘢都底是線頭 or 血管瘤

見完醫生, 又要等見麻醉師, 我1點有坐都4點, 等到我快要死掉耶, 很悶耶, 原本諗住可以訓返餐飽, 點知床有無, 仲要白白坐在椅子上等見麻醉師, 於是我問護士 "麻醉師幾點黎？", 護士話佢都唔知, 佢話一間俾左張床我地, 我地在病房等見麻醉師, 我話好的。

入到病房, 護士要我換病人服, 哇 . . . 入病人服超大件, 條 PANTS又短, 我問護士件衫有没有細件 D, 因為件衫我著到一個 DEEP V, 個胸都見到, 真的很大件耶, 護士話只有 ONE SIZE, 没有細件, 哇, 我的天耶, 於是我再配搭棉襖外套, 借住個胸, 咁樣就唔會走光啦 . . . HOHO

5點幾, 麻醉師終於黎, 因為前晚我己經開始有留鼻水, 今朝早起身喉嚨有點痕和頭痛, 因為護士話要將呢 D情況話俾麻醉師聽, 睇下咁的情況下適唔適宜做手術, 與及會影響麻醉的份量。麻醉師話如果感冒不太嚴重都可以做手術, 如果嚴重的話就唔可以做手術, 咁你又要再排過隊做手術啦 . . .咁我問麻醉師, 我咁的情況, 做唔做得手術, 做左手術, 會唔會有 D 咩影響？麻醉師話我可以做手術, 咁一切聽從麻醉師的安排吧!

點知我害怕的嘢終於發生了, 我最怕政府醫院, 間房有 D 阿婆賴屎賴尿, 弄到成間房都很臭, 很難聞, 點知我去到我張床, 隔離床個阿婆, 賴左 D 屎和尿在張床上, 很臭耶, 於是我只好忍耐, 搽一 D 裝生嬰兒油的牛奶味來聞。

到晩上我就去醫院餐廳 (大家樂) 買飯食, 晚上隔4小時, 就食自己帶來的幸福傷風素, 今日一天的行程大概如上, 不知不覺寫了很多嘢添, 大家見諒吧!!!很努力再補回做手術和出院的日記, 有點累了, 我要去休息了, 今日打住咁多日記先啦 . . .

入院前夕, 公司d嘢做都是多都做唔晒, 預左今晚 ot都很夜, 諗住同佢攪掂埋d手尾先入院做手術, 今晚所有d同事都好早走晒 (包括老闆和阿頭), 今晚公司只剩下我和一個阿叔, 因為阿叔有鎖匙, 所以今晚由佢鎖門。ot都晚上9點幾, 阿叔話要返屋企, 因為佢住大埔, 如果太夜走, 好耐先返到屋企, 所以我也被迫走人, 最後d工作都弄都 7788了, 尚久少少, 我都安心走人了, 因為唔會留好多嘢俾我阿頭跟, 咁佢的麻怨都會少 d, 今日我同阿頭講我明天要入院, 佢第一時己經變臉, 很恐怖耶, 很嚇人耶, 佢問我是不是由是隻腳要做多次手術？我話是, 咁佢即刻問我有幾多手尾要交低俾佢, 我話我大部分己經打好晒d 文件出黎, 到時出貨實際數量有變, 改返個數量, 再 send 返出去就 ok 啦, 阿頭聽完我咁講都放心 d, 只是 send 出去, 難唔到佢, 咁佢的臉色先好返一點。

今晚睇電視睇到2點幾, 因為知聽日入院都係做一 d body check,聽日大把時間我訓覺, 所以今晚幾夜訓都 ok, hoho >"<

今日是媽媽的生日, 下午拿d 迪士尼的相到鑽石山晒, 之後就去黃大仙 join 屋企人飲茶, 飲完茶後, 就回鑽石山拿相和買生日蛋糕, 之後就回家了。今晚屋企做節, 所以叫埋舅父一家人來屋企食飯, 今晚食完飯後, 除了食月餅外, 還有生日蛋糕, 今晚真是好多嘢食, hoho