皮膚敏感仲未好返 . . . oh, no, 原本左眼的眼蓋無紅, 今日連左眼的眼蓋都紅左, 同事問我發生咩事, 之前無紅, 宜家連左眼的眼蓋都紅左, 我都唔知點解釋了 . . . 無奈

放工就立即回家看西醫, 睇完醫生, 真是想打鑊佢, 都唔知咩醫生黎嫁, "你認為是什麼就是什麼？"真是 . . . 醫生話我皮膚發炎, 俾d藥膏我搽和俾d藥我食, 希望食完d藥會好d啦 . . .

呢幾日, 屋企部腦 short short 地, 15分鐘就會自己關機, 襯今日係公司得閒, 等我補追返前幾日的日記先啦 . . .

今日媽媽休息, 所以和婆婆在屋企包餃子, 我覺得媽媽和婆婆包的餃子是最好味的, 還要比出面賣的餃子還要好味, 可惜我唔食得, 因為她們放了蝦, 而我又皮膚敏感, 所以唔識得餃子。oh . . . no, 為左我塊臉著想, 我還是忍口吧!!!她們食餃子的時候, 我就入房整理我的東西, 等她們食完, 我才走出客廳, 好想塊臉快d好返, 咁樣我就可以食到餃子和可以去游水了

今日早上起身, 右眼突然腫起來, 很痛耶!!!右眼看上去, 腫到好似得返一條線似的, 很恐怖, 我己經立即搽藥膏。回到公司, 阿頭問我點解隻眼腫成咁？我話今朝起身發現隻眼腫起來, 她叫我今天不要去影身份證, 腫成咁, 影出黎都唔靚, 於是一早 cancel今日下午的 booking。

放工後, 就立即去看中醫了, 醫師話我感冒底未清, 而且塊臉明顯發炎, 點解會咁嫁？oh . . . 咁點去游水呢？我好驚我下次游完水, 塊臉腫都好似豬蹄咁, 我還有7堂的游泳課耶, 怎麼辦才好呢？ 

今晚約左三妹和六妹去牛頭角個邊洗牙, 入房見醫生的時候, 有點害怕。洗完牙後, 覺得没有想像中那麼痛和怕, 整體來講, 都唔是太痛。醫生話我做唔到 cool 牙, 因為我天生比人少了很多隻牙齒, oh . . . no, 醫生話我只可以用 1200元 的牙科膠水黏返門牙的隙縫, 問我做唔做？呢個問題, 真是要諗吓 . . . 醫生話我有兩隻蛀牙, 下次要再去補回兩隻的蛀牙

我們洗完牙後, 去淘大食車仔麵, 之後再到計留山食甜品, 我們今晚的晚餐真的很豐富。再逛了一會兒淘大, 我們就回家去了   

回到家追看今晚的電視節目, 今晚的東張西望有 vanness & 安七玄, yeah . . . 簡直讓我尖叫呀!!!他們真的很型, 而他們唱的一首普通話歌很好聽哦, 而他們的訪問內容也很攪笑, 簡直暈得我一陣陣 . . . 呵呵, 下星期還有元暢的訪問, 真的要努力盯著東張西望, 越來越喜歡東張西望這個節目

今晚約左d舊同事 (cory & vera ^.^ 六妹話 vera似阿雅的哪個)食飯, 差不多有一年没有見過她們了, 她們真的變了很多耶, 她們都瘦了, 而vera看上去比以前年輕多了, 而且靚左。整晚我聽她們離開公司後, 遇到的遭遇及經歷, 使我獲益良多, 她們比以前開心了很多, 她們很喜歡宜家做緊的公司, 因為老闆對她們很好, 而且待遇也不錯, 我也替她們開心。她們也叫我做完腳部的手術才好離開這間公司, 因為出到去其他公司, 再做手術未必會咁好, 現在我只好等7月見政府醫生的時候, 睇下醫生有咩建議啦, 到時再決定做手術的問題吧！


   

今日早上到樂富睇醫生, 醫生話我塊臉是皮膚敏感 + 少少發炎 + 感冒菌入腸,
oh . . . 太多病痛了, 醫生叫我暫時唔好游水住,
而且仲要介蝦, 蟹, 唔可以食肥膩的食物, 又唔可以用 "反梘"洗臉,
而且更唔可以用熱水洗臉, 而温水也盡量唔好用,
唔知幾時先好返了???

今日係公司痾左四次, 痾到腳仔都軟, 痾到成個人快虛脫似的,
希望快d好返啦 . . . 等我得閒要摸多d隻 "狓獶" 先得

中午lunch時間, 落左樓下買了枝 "蛾羅立英"來搽臉,
返到公司, 就去洗手間洗臉, 然後就搽藥膏,
oh . . . 有點 "拿"耶, 我己經輕輕將藥膏搽上去, 還是感覺有點 "拿",
很擔心唔知幾時先影到身份證, 又擔心唔知幾時先可以再去游水,
我驚因為我的關係, 而影響到你們上游泳課的進度,
實在很對不起你們哦!!!有點內疚

今日同三妹講, 我們不如訂一個目標, 就是我們學識游水後, 就去一個短途旅行, 如珠海, 澳門等,
一來訂下一個目標給自己, 作為一種更大的動力去推動自己快點學識游泳,
有目標, 有方向, 咁樣我們就會為著我們的目標前進,
二來當獎勵自己學識游水,
三來放鬆下自己, 而且還可以去 留倩影, 哈哈 . . . 我們要親年輕留多d倩影嘛,
我們要努力向我們的目標前進, 先來前菜: 短途旅行, 去住珠海, 澳門的地方游住水,
主菜: 出國游水, 如浮羅交怡, 泰國, 馬來西亞的美麗沙灘,
諗起到令人興奮 ,

今晚東張西望有元暢呀!!!超開心, 還是一樣咁 帥,
其後有一些楊丞琳, vanness和安七玄的小片段,
主持人話明天會有楊丞琳, vanness和安七玄的報導,
大家記得明天要鎖定東張西望吖

今日上第三課游泳課, 感覺自己無咩進步, 不過我會努力的,
我見到大姐, 三妹和六妹都可以游到了, 我也替她們高興,
阿 sir見到佢地差唔多識游, 也很開心, 我也要努力,
游完水後, 成塊臉敏感, 雙眼紅腫, 塊臉很紅, 而且很 痛耶,
之後, 136就陪我去萬寧買 "蛾羅立英", 可惜萬寧關門了, 最後都没有買到,
回到家, 洗完臉, 就立即搽藥膏, oh . . . 點解會這樣的,
在這段重要期間, 竟然又再度皮膚敏感, 咁我點去影身份證呢？
很擔心唔知道什麼時候好返, 都唔知要等到幾時先可以去影身份證

今日老闆坐早上9點的飛機去 manila, 10點幾佢係飛機上打電話俾我,
佢話叫我同 manila間工廠講 "佢班機 delay 1至2個小時",
到下午2點個時, 老闆打電話返黎公司, 話佢宜家返緊黎公司,
我心想 "唔係掛!!!你都上左飛機, 點解宜家又返黎公司呢？",
老闆同 fanny 講班飛機飛到上空不停係咁 du (唔識打哪個中文字),
係上空轉左好多個圈先降返落香港機場, 所以佢今日出 trip出唔成了, 真掃興 . . .

今日有個新的女同事 cher 返工, 佢頂steve個位, 佢都幾靚女,
不過有d cool, 我今日中午問佢 "一唔一齊食 lunch, 跟住佢話買外賣回公司食",
之後我就自己一個人出左去食 lunch

放工的時候, 係寫字樓大堂撞到以前冒險的舊同事 mania, 她現在在apm寫字樓大堂做服務員,
與她聊了一會兒, 我就走人了

今日突然唔見一位同事返工, 我同 patrick 估 steve 可能唔做,
steve做左一個月左右, 開頭我同patrick都估佢會長做,
點知???咁快突然消失, 之後有人來 interview, 我們先確定原來 steve己經唔做,

事緣是因為昨天老闆兇兇的罵 steve, 如果我是 steve我都頂唔順,
老闆大致罵佢 "咩你咁蠢嫁, send埋 d email問埋d白痴嘢, 我都未見過有人好似你咁蠢嫁,
你問埋的問題正一白痴低能, 邊有人會咁問嫁, 仲有我唔明你呢條問題問d咩 (條問題是中文來的,
因為其後老闆讀埋條問題出黎, 所以我知道是中文來的), 我都唔知點解你呢d白痴問題都問得出,
都唔知你之前有無做過 merchandiser嫁", 可憐的 steve跟係唔出聲啦 . . .
之後今日就唔見佢返工了 . .  .

我覺得老闆係罵走d員工, 我覺得 steve個位, 無論再請人返黎, 哪些人都會做唔長,
因為成日被老闆咁罵, 係人都驚左佢啦 . . .
之後我聽到秘書和阿頭講 steve做嘢唔得, 呢樣又唔得, 個樣又唔得,
呢個社會就是咁啦 . . . 咁現實

p.s. 今日突然生左一粒 大暗蒼, oh . . . 點算好, 人家還要去影身份證的

最近隻腳很痛, 睇黎真是多d游下水先得 . . .

呢排有d感冒, 還痾了三次, 宜家成隻腳都有D軟懶懶,
死啦 . . . 星期六都唔知點上堂好,
因為公司的冷氣依舊還是咁凍,
有幾次我見到冷氣開到 10度 , 哇 . . . 你地係唔係真是咁熱呀！
阿頭仲勁, 仲要開埋風扇, 係路唔係路呀!!!真是 short short地,
我覺得咁的工作環境, 簡直是一年都只有一季, 哪一季就是冬天了,
5月份的時候, 有個同事因為頂唔順, 而著羽絨背心,
我都唔知阿頭是咩構造的, 咁凍的環境下仲要開風扇 . . . 無奈

今日很大懵 , 竟然唔記得帶銀包出門口,
你地係唔係很懷疑我無銀包, 點樣返到公司呢？
因為爸爸早日在我工作附近做嘢, 所以佢順便車埋我返工,
因為爸爸今日返9點, 所以我8:30就要趕著出門口,
今朝因為遲左起身, 所以拿拿臨整好晒, 就趕出門口了,
中午的時候, 才發現自己没有帶銀包, 死啦 . . . 放工點返屋企,
於是問阿頭借了 20元坐車回家,
oh . . . 没有帶銀包上班真的很不方便, 我真的很大懵,

今日諗諗下, 都是打多次電話給阿 sir, 我驚佢無聽到留言,
又以為我地今個星期三上得堂, 到時佢去到泳池又見唔到我地,
又以為我地玩佢, 思前想後, 都是打過電話給他吧!!!
響了一會兒, 終於接聽,

我第一句問佢: “我昨天留言俾你, 你收唔收到？”
佢話 “我仲未聽, 你再講”,
心諗 “好彩我打多次給你, 到時唔是又發生多一次誤會”
我話 “想約你今個星期六6月10號上第三堂, 8點鐘是泳池見”
佢話 “ok, 不過個日你地要準時 8點係泳池裡面等, 你地個日去到, 入室內泳池搵我”
我話 “ok, 咁個日 8點係泳池見”
之後就收線, 佢今日無咩點, 咁都好 d,

佢話要去室內泳池, 我即刻開始有d擔心 + 驚 + 緊張,
室內泳池 – 我驚個泳池好深, 隻腳掂唔到池底, 我會很驚的,
當我見到個池底咁深, 我會好驚好驚, 我會諗返起我的童年陰影的

以前我讀幼稚園 bb班 or 低班, 媽媽帶我到泳池游水,
我在小童池玩了一會兒, 發現唔見左媽媽, 於是就落左去大人池 (1.4米高的池) 搵媽媽,
點知一落到去, 因為掂唔到地, 我很驚, 我就開始沉落池底,
我飲了很多池水, 我又叫過, 但無人理我, 我好驚好驚,
我用力想上返去池邊, 但是我一直掙扎, 上唔到去,
我只見到我頭頂上有很多很多隻腳, 很恐怖,
你地試試聯想吓, 幾10條蚯蚓垂直係水面郁,
而你則在水底望上去, 場面很壯觀, 不過很恐怖,
對於當年年紀小小的我來講呢個簡直是一個恐怖的噩夢,
所以希望個日學游水個池唔好咁深啦, 唔是我實會驚死, 係個池邊唔敢郁

今日中午的時候, 我再打電話俾阿 sir,
因為佢話每個星期日都要履實佢下星期游水的事,
所以今日打去俾佢都有少少 驚驚地, 因為驚佢還在生氣,
電話響了很久, 都没有人接聽, 之後就飛左去留言,
於是我就留了以下這段話給他:

”阿祺, 我是阿 wing, 想約返你下個星期六 (6月10號) 上第三堂,
如果有咩問題, 再打返俾我”

我諗住講晒幾月幾號星期幾, 咁佢一定唔會攪錯,
亦都唔會發生昨天的事, 希望佢會聽到我的留言啦 . . .

今日無約人出街, 所以在家睇碟渡過,
因為之前仲未睇晒“這該死的愛” (阿rain主演個套), 所以諗住今日煲埋佢,
呢套劇真是超悶, 所以之前無咩興趣煲,
但因為在家真的太悶了, 所以繼續收看下去吧!!!
睇睇下碟, 9:15分突然電話響起, 原來是游泳阿sir 打來,
我覺得很奇怪, 仲咩打俾我呢？

阿 sir 第一句同我講: “馬小姐呀！我是葉sir, 仲咩今日唔黎？” (佢的語氣很嬲, 有點兇 ),

我覺得佢呢條問題很奇怪, 我開頭以為佢唔見我地黎練水, 所以先咁問???
好似某個星期六我們在泳池巧遇佢一樣, 佢今日巧遇唔到我地, 所以就咁問呢條問題??? 
此刻我真是“r 爆頭 ”, 唔知發生緊咩事, 但諗諗吓又無可能佢會問我呢條問題的,

之後佢就彈左句“你地約左我今日, 今日仲咩你地唔黎上堂?” (佢的語氣還是很嬲),

我開始明佢講咩了, 我同佢解釋道: “我地個日幾個係泳池邊講左我地呢個星期三和星期六都唔得嫁啦, 我地己經講左唔得, 咁我以為你己經清楚我地個日唔得”

佢就立即回應"我以為你地星期一和星期三都唔得, 而星期六上堂ok, 無問題"

心諗“唔係掛, 我地個日話左星期六唔得, 仲問你星期六下午得唔得? (而佢的回覆是星期六的schedule 己經full 晒, 只有晚上)”,

之後, 我同佢係到辯論左一輪後, 佢最後講了一句"咁算啦. . . ", (佢的語氣和態度很 . . . 可能佢認為這樣辯論下去也没有意思, 其實我覺得佢己經唔想多講了, 佢好似想收線似的)

我只好回應一句“唔好意思”,

其實我没有必要和他講“唔好意思”, 我諗我們之前的溝通出現左問題, 才會出現呢個情況, 我覺得阿sir個日應該係游池邊等我地幾個來, 見我地幾個都唔出現, 以為我地玩佢, 所以生氣和嬲一定會有, 如果換著是我, 我都會很生氣。算啦. . . 我都唔想攪到咁薑, 因為我們仲要跟他學游泳嘛, 為左小小事, 而攪到面左左就唔好啦 . . .

今晚約左大姐, 三妹, 五妹和六妹食飯, 今晚我們主要出黎買一些游泳用品,
我們今晚在新世紀廣的food court 食到九點左右,
就再去朗豪坊的馬拉松買游泳用品, 大姐和三妹都搵唔到佢地想買的拖鞋,
而我亦睇唔啱d泳鏡, 我同三妹都想買多一件泳衣,
三妹睇唔啱, 而我則睇中幾件, 但可惜無我個碼,
後來我試試中碼, 覺得很貼身, 而且也搵三妹幫我睇下,
我地都認為大一個碼會比較好d, oh . . . 我真的 太肥了,
我覺得最近自己又肥左好多, 可能呢排都無去游水的緣故吧!!!又肥返,
最後三妹只買了一枝泳鏡防霧劑,
之後我們再逛波鞋街, 睇下搵唔搵到大姐和三妹想買的拖鞋,
逛了一會兒, 大姐就買了一對拖鞋, 買完鞋, 我們就各自歸家了