跟團去台灣真的太好, 俾我認識了綠茶多多,
飲完綠茶多多後, 我覺得真是見效呀！
可惜香港没有綠茶多多賣, 如果唔係可以每天都買來飲,
下次去台灣的話, 都要買多幾枝綠茶多多黎飲, 與及帶多d錢去買嘢,
我諗諗下, 如果下次去台灣, 買埋包綠茶粉回香港, 自己沖綠茶多多來飲,
其實真是好想去多次台灣的, 如果老闆肯俾我請假的話,
我真的唔介意扣人工, 而且我覺得上次去台灣的時間過得特別快,
如果下次去, 可以再多留幾天, 就認真正啦 ~
期待下一次的旅行中,

下午五點幾的時候, 媽媽打電話叫我放工後, 去舅父家食晚飯,
順便拿埋台灣d手信給他們, 食完晚飯後,
我就去左家慧屋企樓下拿返d碟, 因為之前借左d台劇給她,
所以今晚去拿返d碟, 她好勁, 她對我說她重看了幾次,
我覺得認真厲害, 因為我睇完一次,
就再没有心情再看多一次 (元暢飾演的台劇除外), 而且她不只看了一次,
而是看了幾次, 所以我覺得她很厲害, 不過她真的很喜歡看台劇,
記得以前做冒險的時候, 我唔記得係聖誕節還是新年了, 哪時家裡没有人,
我們每天都要返工, 放工後, 佢就來到我的家煲碟, 而且還煲通頂,
我個時因為太累, 就去睡覺了, 因為明天還要上班嗎？
所以我覺得佢超厲害 ~ 勁呀！

今日早上搭爸爸的車返工, 因為佢要去我公司後面的工廠大廈送貨,
所以我要幫佢睇車, 而佢就上去送貨, 好彩都趕得切返工

下午的時候, 同成班冒險的人係到msn chat,
原來家慧也同我一樣喜歡元暢吖 . . ., 她還想加入元暢的fans club,
跟住我地就係到勁講元暢, 呵呵 . . . 超攪笑,
家慧話 “元暢以前唔靚仔, 而佢的前女友亦都唔靚女”,
跟住 chris就好攪笑咁話”佢以前唔靚仔?....咁我都有機會變靚仔喎”
接著就話 “執執都有可能吧, 買返件靚衫先”
跟住家慧話 “元暢細過chris (指年紀)”, chris話 “我都知”,
家慧話 “係咩 . . . 哈哈”, chris話 “我呢d老人家了”, 以上的對話超攪笑呀！

今日要上班了, 玩了4天, 真是有d唔捨得, 覺得d時間好快過,
開心的時間總是過得特別快, 唔知幾時又可以去旅行呢？
其實我覺得去旅行仲累過上班, 我昨天在家裡休息, 還是覺得很累,

今日帶了手信回公司, 回到公司, 同事己經搶空 , 速度驚人, 而且還有點嚇人,
中午的時候, 約了陳杏儀同學食 lunch, 順便拿埋d手信給她,
我們去apm的美食廣場食飯, 食完飯後,
我們去三聯書局看看有没有 “令你振驚的健康真相” 這本書,
原來這本書有兩冊, 每本60元, 最後我没有買到,
因為我諗住等特價時, 才買這書回家看,
之後我們在萬寧行了一會兒, 就回去上班了

淡水 - 台北機楊

早上我們食完早餐, 大約9:30, 我們就搭的士到國父紀念館捷運站, 然後我們再轉捷運到淡水, 坐了一個小時的捷運, 我們終於來到淡水了。我們買了一些手信, 逛了一會兒, 我們就去食阿給和魚丸湯, 之後我們就看見阿婆鐵蛋和阿媽的酸梅湯, 跟住我們買了阿媽的酸梅湯, 一路行一路飲, 之後我們走到碼頭旁, 哪裡很多嘢買, 我覺得我很有興趣行這些店舖多過商場, 行行下, 我見到一間買飾物的商店, 好似惡魔在身邊也拍過這兒, 這間店舖就是賀軍翔與未婚妻來到淡水, 賀軍翔買介指給楊丞琳的店舖, 於是我們就走入去看看, 哪些飾物很好看, 我買了一隻介指, 一條頸錬 和 一條手錬, 之後我們就看到有在惡魔在身邊出現過的很長雪榚, 於是我們買了一杯來食, 我們食完雪榚後, 繼續逛淡水, 跟住我們看見了巧克力草莓串, 我們買了一串食, 之後就往淡水捷運站, 我們逛到2點就搭車回酒店, 因為我們的集合時間是3:45分

回到國父紀念館捷運站, 我覺得由捷運站行回酒店是很近, 因為由酒店到捷運站只是直路, 而我身上只剩 10元的台幣, 由怎能能夠我搭的士回酒店呢？曾媽媽也話很近, 只是一條直路, 於是我們走回酒店。返到酒店, 我還要重新整理我的行李, 執完都差唔多3:45分, 3:45分我們就上車離開酒店往台北機場。

我們坐7:20分的飛機回香港, 到逹香港後, 我的爸爸來接我回去, 於是我順便車埋大姐回家, 而小敏就再樂富下車, 轉乖地鐵回家。回到家裡樓下, 爸爸幫我行李上去, 因為很重, 而我隻手又很痛。爸爸幫我拿完行李回家後, 就立即去接媽媽下班。媽媽回來的時候, 我執返我d行李出來, 媽媽看見我買回來的手信後, 佢話仲咩買咁少回來, 仲咩唔買多d返來, 又話我俾左錢你去, 你就換多d錢啦, 攪到宜家唔夠用, 買咁少手信回來, 我都唔知點送俾人 (我很無奈), 跟住媽媽話我唔應該買靈芝回來, 咁就夠錢買手信啦, 俾媽媽話了一輪後, 她就叫我唔好執行李了, 趕快去訓覺。 

天祿藝術中心 - 鼎泰豐 - 九份 - 自由活動

早上食完早餐, 我們就到天祿藝術中心, 哪裡是賣狓獶, 我們聽完講解後, 哪些人就幫我們睇名格, 哪些職員看見我個名後, 話我個名是好名來的, 看得出是有高人幫我改過姓名, 佢話我個名有4格 (金, 土, 火, 木), 佢話共有五格, 我己經有4格, 所以係一個好名來的, 我就立即問我的健康, 佢話我的健康比較差, 而下一年仲會勁差 (因為下年我犯太歲), 而與豬, 兔, 羊的人最合, 而與牛, 蛇, 雞最唔合, 而最旺我的顏色是白, 黑和綠, 他還叫我畫埋屋企的圖給他看, 我覺得哪個人幫我睇得好仔細, 佢又幫我睇埋姻緣, 到最後就是叫我買, 我覺得佢有d "格硬" 來的成份, 最後我和小敏都買了一隻狓獶。

下一站就是鼎泰豐, 我們11點半就到鼎泰豐食飯, 每人限兩個小籠包, 一隻餃子, 一隻菜肉餃, 一個豆沙包, 還有一些酸辡湯, 和炒飯。

食完飯, 我們就上九份了。坐車的途中, 我和小敏覺得有點頭暈, 我覺得好唔舒服, 可能在車上寫字 (因為要填訂鳯梨酥的表格, 可能一路開車, 一路填, 加上佢不停咁轉彎, 所以會覺得好唔舒服和頭暈), 去到九份, 我們就開始行入去, 一路上, 我聞到杏仁味, 我覺得超想嘔, 行了一會兒, 感覺好些, 没有聞到哪些杏仁味, 感覺好多了, 一路上都有很多嘢食和東西看, 我們走到九份的最尾, 然後開始拍照, 因為哪裡可以看到整個九份的風景, 超美呀！我們影完相後, 己經是4點, 而我們的集合時間是4:45分, 之後我們就拿拿臨去吃賴阿婆芋圓, 哪些糖水很好味, 我們食得很趕, 之後我地再去食九份傳統魚丸, 哪些魚丸很大粒, 很好味, 之後就拿拿臨買完手信, 就上車了。

而下一站就是回酒店放下行李, 今晚是入住五星級力霸皇冠飯店。而今晚個餐是食自己, 但是我們還有一個景點 "珍珠養殖場" 未去, 因為"珍珠養殖場"俾我們的觀光時闁是8點, 所以d時間位好尷尬, 於是導遊問我們有没有興趣參觀"珍珠養殖場", 如果整團人都無人想去, 就會cancel這個行程, 於是我們整車人都表示cancel這個行程。於是我們放下行李, 就到了京華城逛, 我們先到京華城的美食廣場食飯, 我和小敏點了二人套餐, 而大姐和曾媽媽就點了麵來食, 之後我們就再商場逛了一會兒, 我無咩心機逛這些商場, 因為覺得入面的嘢好貴, 我買唔起, 因為我此時身上只剩1000元台幣, 我覺得我唔應該買靈芝的時候, 付台幣, 攪到我宜家無晒錢, 今日到九份買手信的時候, 我也開始 "就住, 就住", 我想如果我哪時不付台幣, 哪我宜家就可以豐豐富富食返餐, 唔駛就住就住來買嘢, 所以這一些商場, 我不太感興趣逛。我們原本計劃去完京華城, 再去士林, 但是我們感到行累, 還是取消這個行程, 回酒店, 而回酒店的途中, 我和小敏到便利商店買杯麵來做今晚的宵夜。

北投伊豆温泉 - 山地農產中心 - 温泉產 - 美麗華摩天輪 - 故宫博物館 - 圓山飯店 - 石頭餐 - 龍山寺 - 西門町 - 天成飯店

由於昨天晚上兩點半才睡覺, 今天早上 7:45分起, 所以覺得很累。我們拿拿臨梳洗完後, 就下去酒店食早餐, 9點就出發, 今日真是很慶幸没有下雨, 也没有昨天那麼冷。

我原本以為今日導遊會帶我們上九份, 點知第一站就是浸温泉, 我覺得很奇怪, 一早就浸温泉, 我通常覺得浸温泉是下午或是晚上的時間去浸, 跟住我們就去到陽明山的北投伊豆温泉。由於曾媽媽唔浸温泉, 呵呵 . . . 於是我們三個就走入去浸光脫脫温泉, 我們攪完一大輪, 就除晒衫, 去沖身, 就落去温泉, 下去的時候, 覺得d水超熱, 跟住其他團友叫我們拿拿臨快d落水, 因為時間無多, 我們10:45分就要上車了, 哇 ∼ 超正, 環境很美, 很像日本的温泉, 而我們浸哪個温泉是硫磺水, 原本以為味道會很臭, 但是聞唔到有硫磺的味道, 感覺超好, 大約浸了20分鐘, 我們就上水喝水和休息, 上水的時候, 我和小敏都覺得有點頭暈, 坐了一會兒, 感覺好多了, 之後我們就沖身走人。

下一站就是去山地農產中心, 哪個地方是賣靈芝的, 講完佢講解後, 覺得d靈芝好似幾好, 於是曾媽媽, 我和小敏都買了哪些靈芝, 因為知道我今次來台灣應詃買唔到惡作劇之吻回香港, 所以有d擔心d台幣用唔晒, 所以我就用了台幣買靈芝。

買完靈芝, 我們就食温泉餐, 所謂的温泉餐是指係温泉附近的餐廳食的温泉餐, 覺得呢一餐都幾好味, 之後我們就去美麗華摩天輪, 我們去到就立即去買門票坐摩天輪, 買門票的時候, 被我們看見有些人在拍劇, 於是我們就走去看看, 還影了一些相, 哪些職員見我們拍照, 還叫我們不可以拍照, 不可以用閃光燈, 於是我們就拍了幾張照片, 就上摩天輪了。點解唔是元暢呢？如果俾我在這裡遇到元暢就真的太好了, 我只是想想而己。上到摩天輪的風景真的很美, 我們不停走來走去影相, 影過不停, 真的很忙碌, 呵呵, 跟住我們就去商場逛了一會兒, 我們還看見惠康 (台灣叫頂好), 於是我們就去惠康逛了一會兒, 我們見到有罐飲品叫 "不爽", 於是我們幾個被這個 "不爽"的名稱吸引著, 因為小敏唔飲奶類飲品, 於是我們就買了兩罐來飲, 還拿著這兩瓶飲品來拍一些 "我很不爽"的照片, 玩完一大輪, 又夠鐘上車。

下一個景點就是故宫博物館, 這裡收藏了很多古代的文物, 簡直令我大開眼界, 由其是哪粒欖核, 原本我們一大班團友跟住導遊, 但聽到一半, 其他團友就自己逛街, 而我們4個人, 一直跟著導遊聽佢講到最後, 原本以為得我們4個人, 導遊會叫我們自己逛, 點知没有, 反而帶我們4個人去看一些值得去看的文物, 而且還很詳盡的講解, 最後行到過了原定的集合的時間, 香港的領隊同導遊講 "過了原定的集合時間", 而導遊就話 "其他的團友唔會咁準時嫁啦", 我想那個導遊為我們介紹到興起, 所以要講晒佢要講的嘢, 所以覺得呢個導遊都幾好。上車往下一個景點的時候, 佢同我們講了很多有關蔣介石和宋美齡的一生, 真是覺得獲益良多, 加上這個導遊風趣幽默, 攪笑抵死, 所以都唔會好悶, 而且加上團人都好攪笑, 當中有4個師奶, 導遊稱佢地為 4大美人, 而呢4大美人就好鹹濕, 跟住導遊就攪笑講了一句 "4個淫賤師奶俏導遊" , 跟住有一個男團友就話 "點解我咪睇過呢一輯劇？", 導遊就話 "好快開怕呢嫁啦！", 成班團友都好攪笑, 超抵死, 所以原途都笑聲不斷。

之後我們就去圓山飯店, 逗留了一會兒, 影了相, 我們就離開了。

我們之後就去食石頭火鍋, 我未試過咁早食晚飯, 哪時是4點幾, 哪個石頭火鍋很好味。

食完飯後, 我們就去了龍山寺, 曾媽媽, 大姐和小敏都没有興趣拜神, 於是我就自己一個拜神, 扣聖杯, 與及問神贊唔贊成我再做多一次手術, 點知一扣就扣出贊成的符號, 之後香港領隊叫我們去拜下月老, 於是我們就搵埋大姐, 看她有没有興趣去拜月老, 之後我們4個人就走去拜月老, 拜完神, 買完一些紀念品, 影了一會兒相, 我們再往下一個景點進發, 就是西門町, 我們去到西門町食了阿宗麵線, 炸熱狗, 煎蛟子, 之後我們就逛了西門 116, 玫塊唱片舖, 也是没有惡作劇之吻dvd賣, 於是我就買了惡作劇之吻原聲大碟, 而且還有poster送, 仲算以還買唔到 dvd的失落, 之後就去了誠品買書。由於明天去九份, 所以導遊話司機要早點回家休息, 我們逛完就自己行路或搭車回酒店, 於是我們選擇了搭捷運, 我們只是搭了一個站就下車了, 回到酒店, 己經很累了。

六福村 - 中正紀念堂 - 101大樓 - 士林夜市

今日終於出發去台灣了, 早上四點幾就起身, 一早起來還是未訓醒, 然後爸爸就車我到樂富接埋大姐和六妹一起去機場, 去到機場大約6點, 而距離我們集拿的時間還有半小時, 我們先check in先, 然後7點半再到大堂集合, 因為仲有1個多小時, 我們就到McDonald's食早餐, 然後再會合領隊。我們入到等機室, 才知道我們班機delay到9:25分, 我們只好坐在等機室等候上機, 在等待上機的途中, 我的肚子又開始痛, 我想係早上飲了一杯可樂的原故關係吧！

我們11:30就到了台灣機場, 跟住就要過台灣海關, 哪些海關真是慢吞吞, 我們排了很久, 條隊還是無郁過。出閘後, 見到有很多fans來接機, 我很想知道有哪一個明星會出現, 原來是崔智友。之後就去join台灣的導遊, 佢介紹完自己之後, 就告訴我們我們的第一站是六福村, 心想 "不是嗎？我剛剛下機, 你就叫我地玩過山車, 唔係咁激呀？加上這一天是最冷的一天, 係強風下玩過山車, 咪反啦！" 出了機場後, 哇噻 ∼ 不是嗎, 竟然下大雨, 之後我們坐了一個小時多的車程到六福村, 然後我們就在六福村旁的餐廳食午飯, 食完飯後, 大約1點幾, 我們就入六福村玩, 我們先玩旋轉木馬, 接著就是笑傲飛鷹, 跟住就玩激流, 最後就玩旋轉啤酒杯, 玩完激流的時候, 我成條褲己經濕晒, 玩激流的時候, 我覺得好似係颱風下, 在大海中飄流, 此刻我們幾個真的有這樣的感覺, 在狂風暴雨下玩過山車, 激流 . . . 真是令我畢身難忘。3:45分我們就要離開六福村去下一個景點, 下一個景點就是中正紀念堂, 逗留半個小時, 我們就往下一個景點進發, 就是101大樓, 逛了一會兒, 有夠鐘上車往下一個景點進發, 就是士林夜市, 我們首先買了一塊豪大大雞排食 - 哇, 超好味呀, 之後我們就買了兩個冰淇淋泡芙 - 這個也超好味, 跟住我們就點了一個蚵仔煎 - 覺得這個麻麻, 之後我們就去買飲品, 大姐點了個苦瓜汁, 我就點了草莓雪泡, 唔記得六妹點了什麼了。跟住我們在士林夜市附近逛, 9:30我們就回酒店了。

回到酒店, 我們放下行李後, 我們就行去新光三越逛, 那時大約10:30, 到處都很寧靜, 很多商店都關門了, 新光三越和光南 cd舖都關門了, 而光南cd舖附近有一間cd舖, 於是我就走入去問有没有惡作劇之吻 dvd買, 他說全市缺貨中, 好多cd舖都向廠商要貨, 但是廠商也没有貨, 所以他也不知道什麼時候才有貨,嗯 . . . 好失望呀！之後我們就搵餐廳食宵夜, 找了一會兒, 我們就找了一間酒吧食宵夜, 我們叫了一些小食吃, 之後就回酒店了。

今日真是唔是好想影相, 因為下著大雨影相, 我覺得是一件很麻煩的事。 

今日真的超累 我覺得成個人好似就黎死咁, 好辛苦,
我想我真的要好好休息, 否則加上台灣之旅, 我會死得,
下午的時候, 我同阿頭講我這個星期三要去台灣旅行,
佢的反應無我預期想像之中咁差, 佢無咩表情和反應,
因為我同佢講的時候, 可能說話時有些疑重, 可能佢以為我唔做,
我是這樣跟她說 “fanny, 我有d嘢想同你講” (我的態度很認真),
可能佢以為我要同佢講的事, 是我辭職, 所以佢的表情有點驚慌,
跟住我同佢講 “我呢個星期三會去台灣旅行”, 跟住佢個樣好似放心了似的,
跟住佢就回應我一句 “有什麼事情要交底給佢?”, 非常好, good ar,
竟然問我有咩交底俾佢, 非常好,
有進步, 起碼唔會講一句 “做晒d嘢你先好去旅行”

放工的時候, 原本約了小敏拿返旅行袋,
但我放工的時候, 佢還未放工, 於是我叫她明天放工再給我,
返到屋企, 坐了一陣, 阿大就黎到我屋企留下拿返d旅遊保,
我俾完佢後, 陪埋佢等車, 就回家了

晚上我就開始執我的行李, 總是覺得很多嘢執,
我執到一半, 覺得很累, 還是明天才執吧！
於是就拿拿臨上床訓覺了

我覺得今次的澳門之旅, 真的令我很累, 我原本打算今天不上班的,
但媽媽話唔好, 因為呢排請左咁多日假, 唔是咁好,
於是我還是上班了, 我覺得去完澳門後, 要俾我訓返一整天, 我才有足夠的精神,
我反而覺得返大陸都無這次去澳門這麼累

我們訂了 package過澳門, 而package送了一個酒店的自助早餐給我們, 所以我們早上8點下去酒店餐廳食早餐。食完早餐, 我們就搭巴士到大三巴, 我們逛了大三巴和哪咜廟, 逛了一會兒, 媽媽看見木槺布丁就買來食, 因為佢昨天没有食到木槺布丁, 所以今日一定要買返個木槺布丁來試試。逛到11點幾, 我們就搭車回酒店 check out了, 把行李又寄存在酒店後, 我們就邊行邊找一間餐廳食lunch, 行了很久, 我們最後選了食餃子, 這間餐廳d嘢食唔多好食, 多油而且又鹹, 食完飯, 我們就搭巴士到新橋區逛, 我們主要係來買鹹切酥和印尼小食, 因為媽媽上次吃過我買回去的食物後, 她話很好味, 所以今次一定要來買。我們在新橋區逛了超久, 主要係搵路, 這時整個人覺得超累, 我們終於買了鹹切酥, 我們找了很久, 才找到印尼小食的店舖, 但佢竟然没有開門, 我們很失望就離去, 因為我們行了很多路, 才找到這間印尼商店, 佢竟然没有開門, 我們當然很失望。

之後我們就搭車去旅遊塔, 因為個度有 hello kitty的景點, 媽媽話想去看, 我們再旅遊塔影完相後, 就回酒店拿行李回香港了

因為今天行了很多路的原故, 所以我覺得雙腳快要斷掉似的, 很辛苦, 整個人很累, 回到香港, 在屋企樓下食完晚飯, 就回家洗澡, 回到家裡, 己經播緊施公奇案大結局尾聲, 緊住拿拿臨洗澡, 然後看青蛙變王子。看完青蛙變王子後, 我就再追回今晚施公奇案的大結局, 看到12點40分, 就立即訓覺了。

今日早上8:15分就出門口了, 我原本以為到尖沙咀搭船過澳門, 點知媽媽話唔是去尖沙咀碼頭, 而是去上環搭船, 因為我們在中旅社買票的關係, 所以一定要在上環上船, 總結在尖沙咀與上環坐船的經驗, 香港個邊的船, 無咁 “拋”, 而尖沙咀的船就很 “拋”, 因為上次坐完尖沙咀的船, 覺得有點暈, 而香港個邊的船就很穏, 所以你地下次去澳門的話, 記得搭香港個邊的船。

到了澳門大約10點半, 於是我們就行去漁人碼頭, 行了一會兒, 我們就行去酒店拿房, 因為我們訂個間酒店很近碼頭, 我們去酒店前, 先到附近吃了點東西, 大約12:45分, 我們己經到了酒店拿房, 但那個職員話要2點後才有房, 於是我們把行李寄放在酒店內, 然後我們就出去逛。

放下行李後, 我們搭巴士到氹仔, 到了氹仔, 我們四周圍逛逛, 行行下, 我見到有木槺布丁, 於是我就立即買來試試, 因為上次去澳門的時候, 我己經很想試, 但可惜没有這個機會, yeah, 食到木槺布丁終於還我一個心,願了。下午2:30, 我們就到大利來食豬排包, 這間大利來豬排包是全澳門最出名的, 每日只限買500個, 買完就無, 連電視台也訪問過這間店舖, 因為這間豬排包是用炭爐 “巷” 出來的, 之後在手信街逛了一會兒, 就回酒店了, 回到酒店己經5點幾, 我們休息了一會兒, 就去新馬路食晚飯, 食完晚飯, 我們再到議事亭逛了一會兒就回酒店了, 放下手信後, 大約11點, 我們又到金沙賭場逛, 逛了一會兒, 我們就回酒店了。

我覺得今次澳門之旅, 簡直是增肥之旅, 不停係咁食, 食, 食 ~ 去完今次的澳門之旅, 我塊臉包了很多, oh , 我 不要呀！. . . 隔多三天還要去台灣, 一想到我的體型不斷暴脹, 實在難以想像我從台灣回來, 身型會變成什麼樣子呀！

今日一早返到公司, 因為昨天給老闆的請假紙, 佢仲未簽好俾我,
我估佢一早會放在我的枱頭, 或是叫我入佢房拿返張請假紙,
我驚如果佢擺在我枱面上, 我阿頭會拿黎睇, 我唔想俾佢蛾,
於是我諗住今日一早返公司收返好張請假紙, 我係第一個返到公司,
其他同事仲未返到,  yeah ~ 超正 ,
哪張假紙己經在我預料之中, 放在我的枱面上,
跟住我見老闆簽完名後, 在上面remark 請核實是否有薪假期,
跟住我就拿拿臨俾人事部, 人事部要幫我check下仲有幾多天有薪假期,
到時再話我知, 不過我計過, 我新年扣淨只有3天的有薪假,
而我澳門請了一天, 而台灣請了4天, 我要俾佢扣2天的人工,
我覺得扣人工唔係一個問題, 只要你肯批我d假就 ok了,
3月有31天, 所以扣人工都唔會扣很多, yeah ~ 覺得好似好快過台灣似的,
因為我只要返多三天的工, 就出發了, 呵呵, 超開心,
加上係去台灣前, 又去澳門玩,
工作了兩年多, 我覺得今次好似放晒兩年的暑假, 呵呵,
我要將平時在工作上屈屈埋埋的怨氣, 好好在這次旅行釋放出黎,
yeah ~ 我,要好好 享受這個假期
今年的人生真是超豐富 ~ 我相信一定是難忘的一年

我諗住下個星期一才告訴我阿頭, 我去旅行的事,
我咁遲通知佢, 會唔會好過份呢？
不過我覺得我早d講俾佢聽, 佢蛾我的次數會多,
哈哈 . . . 其實我唔想咁早就聽到佢一大堆怨言, 與及有骨的說話,
我唔想因為呢d嘢而影響我出發前的心情, 最後攪到掃興就無謂啦

下午的時候, 星晨打電話通知開茶會的時間和地點,
是這個星期六早上11:30a.m., 地點: 灣仔,
但是我個日9:30a.m. 要過澳門了, 所以去唔到呢個茶會

由於老闆出左trip, 之前老闆叫我開個份LC, 今日銀行打黎話有D問題,
於是我就打電話同老闆講, 點知又被佢兇兇的罵了一頓,
之後將D責任推晒俾我, 又話明明叫我照住客人的正本LC咁開出去,
點解唔聽佢講, 跟住又罵我仲咩要入埋客人給我們的LC入銀行,
不停係咁罵, 跟住我都忍唔住了, 我好大聲同佢回答佢,
因為佢實在太過份了, 開LC之前, 我己經俾佢check過晒,
而且佢check過二次都無問題, 佢才叫我入bank,
宜家出左d咩問題, 就賴在我的頭上, 很過份耶,
真是令我很生氣 , 不停罵我咁樣做係錯 (佢的語氣很兇很大聲),
佢罵完我一頓後, 跟住我就亦好大聲同佢解釋,
到最後才話我, 這樣做係啱, 無錯, 跟住佢就叫我等佢回來公司,
再處理這件事, 總之我覺得開LC是一件超麻煩的事

到下午佢從大陸趕回來公司, 我預左佢返黎又會俾佢痛罵一頓,
跟住我就立即拿個份要修改的LC給佢過目, 因為間廠等住張LC走貨,
而D貨就3月3日走, 所以D時間很趕迫,
無論點我寧願俾佢罵, 我都想快D攪掂張LC,
咁下個星期我才可以安心去旅行,

我覺得我今日好大膽, 竟然同佢嘈, 唉 . . . 真是偑服偑服
我覺得老闆的心情唔多好, 所以唔夠膽遞張假紙俾佢, 有D害怕,
但最後我在放工前把假紙遞給佢, 佢話簽完名再俾返張假紙給我,
到時我再把假紙給人事部

今日早上的時候, 新華終於打電話給我,
他說 “由於人數的闗係, 所以我地報個團唔成團” 還問我有無興趣轉其他團,
他向我推介另一團, 還保證3月1日, 一定成團,
但是哪團没有六福村, 所以我推掉哪團了,
之後他還叫我考慮之前我們報開的哪團, 他說3月3日有團,
問我地介唔介意3月3日才出發, 我深怕又好似今次咁,
又話好大機會成團, 到時打黎, 又話唔成團, 咁咪死,
於是我叫佢退回訂金給我們

中午的時候, 打電話再與大姐和六妹商量此事,
我們打算今日放工到旺角再報其他的旅行團, 希望快d攪掂呢件事,
開開心心, 下個星期去旅行

今晚約了阿玉佢地食飯, 所以報完團, 我就去join 阿玉了, 而136就去食飯了,
我同阿玉食完飯後, 就再join返136, 之後係旺角行了一會兒, 就回家了

剛剛打完機, 所以上黎寫日記先,
打完機, 心情也特別開心 , 呵呵 . . . 因為終於打羸了明星志願 3 了,
yeah, 成為國際知名的經紀公司, 呵呵 . . . 感覺超讚吖,
此刻的心情實在太開心了,
前兩天, 睡得不是很好, 不知是不是這個原因, 人也容易病,
昨晚零晨4點幾, 就開始肚痛, 痛到早上上班, 好彩最後無事了,
還是早點睡吧！親愛的寶貝們, 你們也要早點睡哦！

今日約左16再去逛多次旅行社, 因為驚我地之前報哪個團唔成團,
諗住搵定後路, 咁到時唔成團, 都唔駛荒失失,
原本約左16食lunch, 但是阿大話要同佢媽媽去飲茶, 飲完茶再join我地,
放工個時, 阿大叫埋我和阿六一齊去飲茶, 原來佢媽媽約左 bovia飲茶,
所以我地就join埋阿大與佢媽媽一齊飲茶,
我們去到酒樓, 曾媽媽, bovia與及細細妹己經搵好位,
坐了一陣, bovia就走了, 而我地幾個飲到3點半,
今日真是很多謝曾媽媽請我們飲茶,
之後我就去看中醫, 而16就去逛了一會兒, 當我看完醫生就join返佢地,
然後我們就去逛旅行社, 間間旅行社都話3月1日成團, 有99%,
當我問佢 "航班時間及搭邊間航空公司?", 佢話實際時間未出, 都唔知真定係假,
不停叫我地報團, 總之間間旅行社都叫我地報團, 間間都話好大機會,
我覺得佢地是氹人落搭, 報左名先, 到時唔成團, 又是另一會事,
我們逛完後, 阿六就打電話到新華罵哪班人,
跟住哪些職員還是推來推去, 阿六就發威, 跟住哪些職員才幫我們打去總行問下,
之後再覆返阿六,
而阿大就去尖沙咀同媽媽食飯, 我就回家食飯, 阿六就約了姐姐食飯,
跟住我們就各自離去了