由於下個星期六和日, 成家人到澳門玩, 但是為獨我一個人要返半日工,
媽媽計劃一早到澳門, 而她就叫我放工後才到澳門找她們,
oh ~ 竟然拋下我一個人, 於是我就想請年假去,
因為覺得佢地入去先, 而我放工後入去, 好麻煩, 到時都唔知去邊到搵返佢地,
媽媽叫我到時係酒店等佢, 但是始終覺得唔太好,
(可能經過上次的失散慘痛經歷, 我唔想再發生了 ~ 我唔要 ,
如果再發生多一次咁的經歷, 我以後都唔會再踏入澳門了)
於是我問老闆 “如果我請星期六, 扣有薪大假, 會扣半日還是一日？”
聽到佢的答案後 ~ 傻眼, 佢話 “照正常來講就扣一日, 但是有時我就會扣半日”
聽到後, 咁即是要睇你個日心情啦,
如果你心情好就扣半日, 如果心情唔好就扣一日,
無一個明確的規定, 我好難請假, 呢個答案簡直是無 “寧” 兩可,
咁即係叫我點呀！請又唔係, 唔請又唔係, 咁即係要睇下自己好唔好彩,
撞唔撞得正你個心情, 我覺得自己有d似買緊大細, 賭一舖

其實我唔介意扣糧的, 但是今個月扣糧真是好唔抵,
今個月只有28天, 而我公司的計糧法, 係將薪金 ÷ 28天 X total返左幾多日工,
即是 8000元÷ 28天 X 27天 (仲要扣 mpf), 即是我請一天假期, 要扣286元,
如果其他月份請假會著數好多, 因為有30天 OR 31天,
咁樣除返開, 一天都唔會扣很多錢,

我有想過請病假, 但是一個月病了兩次, 有好似請得太多病假, 有點兒過份,
因為請病假, 我只需要付上170元, 而請病假是最化算, 最後還是打銷這個念,
唔理咁多啦, 還是扣年假了便是, 費時咁麻煩嘛 

今日己經無咳得咁厲害了, 感覺好多了,
我諗我個病應該差唔多好返, 真的太好了,
yeah ∼ 到時去台灣, 我就可以食盡 台灣的美食了

晚上繼續我的明星志願 3, 哈哈 . . . 個fd send左d攻略俾我,
所以我成功簽了四個藝人, 並組團了,
呢隻game真是好好玩, 希望能夠打羸呢隻game 啦,
由於時間的關係, 寫住咁多先, 我要去打機了

下午媽媽打電話問我, 我們book個間澳門酒店送唔送埋早餐,
跟住我阿頭就聽到我同我媽媽的對話內容,
因為我阿頭坐在我的後面, 所以佢一定聽到,
真是超唔想俾佢知道我去旅行的事, 因為佢一知道又會變臉和俾說話我聽,
跟住佢問我 "咩你去旅行咩?幾時去?" (當時佢係變了臉問我這個問題),
跟住我話我星期六下午過澳門, 絶對唔會影響我的工作, 佢聽到後才放心,
之後就俾說話我聽 , 去旅行當然復活節假期去嘛, 有咁多日假期,
我仲未同佢講我去完澳門隔兩天會到台灣旅行的事,
因為我估到佢的臉色一定會超難看, 說話就一定難聽, 所以我暫時都唔想俾佢知道我去旅行的事, 我現在只好等個團firm實左, 我同老闆請假的時候, 才告訴佢

晚上約了136食飯, 因為三妹要俾返馬來西亞的手信給我們,
我們就到太子食素, 我們食完飯後, 坐在餐廳聊了很久才買單閃人,
之後去左花園街逛了一會兒, 就各自回家了

p.s. 很多謝三妹送我們的一朵 玫瑰花 (>"< 嘻嘻 . . . 咁大個女, 第一次收花呀！我會好好保存這枝花的>"<) 和手信

今日是情人節耶 ~ 祝大家情人節快樂

距離去旅行的日子, 仲有14天, 時間過得很快,
唔知成唔成團呢？好想旅行社快D通知我們交尾數,
交得尾數就一定成團的,  咁我就可以向公司請假了,
每一天都不想上班, 我想可能是我厭惡這份工作的關係吧！
今日我問老闆係唔係開 BACK TO BACK LC給南京的工廠,
點知佢很兇的對我說 “我一早同你講開LC給南京”,
但是LC都有幾種, 我點知你想開邊種俾supplier呀？
我唔知我當然問多你一聲, 以免出錯,
問多你一聲也不願回答, 這樣我好難繼續我的工作,
到最後, 佢回應我一句 “開普通的LC出去就可以”,
聽到後, 我有些擔心 , 因為我從來都未開過普通的LC,
我只開過 Transfer LC 和 BACK TO BACK LC,
我擔心我開錯了, 又不知被佢 K 幾多頓 ~ 傻眼
這個連我阿頭都未開過, 心想這次我死定了, 没有人幫我,
我只好硬著頭皮開出來吧 ~ 真的不想上班 . . . 無奈 >”<

早上打去辦台證的機構問 “拿台證需要帶備什麼文件?”,
哪個人說 “要帶護照正本, 身份證及條碼,
如果唔能夠親身黎拿台証, 就需要帶護照正本, 身份證 (copy)及條碼”

今日還是咳得很厲害, 而且還有痰, 食西藥還是不管效,
媽媽話食西藥無效, 就要轉看中醫了, 所以打算今日放工去看中醫,
下午阿三問我個病好了未？於是我告訴她還未好, 打算今日放工去看中醫,
因為阿三個病都未好, 於是佢放工同埋我一齊去看中醫,
原本睇開個位女中醫未返香港, 所有只有男中醫,
我們原本打算睇男中醫, 等了一會兒, 女中醫從大陸趕回來,
所以我們轉看女中醫, 女中醫話我面色很差 (塊面很青和黃),
希望食完d中藥會好d啦 . . .

回到家我就立即dl 惡作劇之吻第20集, 今集大結局了,
哇 . . . 我用了15分鐘就dl完, 真是好快就dl完了,
唔講住啦, 我要去看台劇了, 元暢你等我

由於屋企部電腦喇叭壞了, 下午等埋弟弟放工就出黃金買喇叭,
買完喇叭, 同弟弟食完下午茶就回家了,
今日頭很痛, 所以回到家就小睡一會兒,
晚上, 就上網辦台證, 哇塞 ~ 超快批核, 我填完send出去後,
就即時通知己批核, 還告訴我一個條碼, 到時拿證就拿這個條碼去便可以,
原本無諗過咁快辦台證, 因為距離去旅行尚有一段日子,
但是媽媽叫我早點申請, 因為她說遲早也要申請, 不要預咁遲才去申請,
怕到時申請唔到, 就麻煩了, 所以我就今晚上網申請台證了

早上返工撞到陳杏儀, 我同佢講今日約左覺欣小敏和bovia食lunch,
陳同學知道bovia黎, 所以佢就唔join我地一齊食lunch,
中午人齊後, 我們就去左apm的和民居食飯,
我地今次食飯的目的是主要買旅遊保, 食到3點幾, 曾媽媽也一齊join我地,
我地坐到和民居五點幾就閃人了,
之後同佢地行左一陣, 就各自回家食飯了

我的病嚴重了 (咳得很厲害, 而且鼻涕和咳都有痰), 我唔想再拖個病,
因為我想在旅行前養好身子, 所以決定今日去看醫生

今日早上8點起床, 梳洗完後, 就立即搭車到樂富看醫生,
原本我真的不想上班, 因頭很痛, 經過一輪上不上班的掙扎後, 我最後決定還是上班吧！
因為我去澳門可能要請假, 加上又要請假去旅行, 驚請咁多假唔是咁好,
還是頂硬上吧 . . . 唔想上班, 亦都有另一個原因,
因為我怕回到公司受寒流侵襲, 我個病仲病得更嚴重, 食完藥都没有用, 我是怕這一點

回到公司大堂, 我咳得很厲害, 周圍的人都望著我,
早上十點幾的時候, 我覺得很凍, 同事繼續開著冷氣 + 風扇,
我哪時己經穿了四件衣服 (2件衫 + 1件褸 + 1件羽絨背心), 我覺得我很誇張,
我真是頂唔順了, 加上食完藥很累, 我真的很想很想訓返一覺, 於是我決定中午食飯閃人,
1點的時候, 我就走入老闆房, 告訴佢我想請半日病假, 老闆也知道我唔舒服,
於是佢叫我將急的文件交給fanny幫我完成, 但是我根本無急的文件和嘢做,
我走的時候, 告訴fanny我請了半天病假, 而手頭上没有急的文件和嘢留底給她,
佢回應我一句 "無就最好啦", 我聽到了這句, 簡直令我傻眼,
你個時病了去旅行也留下你的工作給我幫你完成, 我也没有半點怨言,
我宜家只是請半日病假, 而且也没有任何事需要你幫我完成,
竟然講出這句話, 我也無嘢講 . . . 算了, 算了, 還是好好養好我個病吧！
反正她們是冷血的, 有時她們對我講的話有點過份, 真是令我很生氣,
我覺得大家都是同事, 講話有時唔需要太過份,

1. fanny知道我腳底還有一粒血管瘤, 她叫我在新年的時候, 到醫院做埋手術, 
   因為新年有咁多日假, 做完手術, 仲可以在家裡好好休息, 而且唔會影響公司的工作進度, 
   平時咁忙, 無時間給你請假到醫院做手術, 佢當然唔想我係平時請假去做手術, 因為佢就要做埋
   我的工作, 如果係新年做手術的話, 咁樣佢就唔駛幫我

2. 佢亦唔鐘意我請假去旅行, 佢會俾一d好難聽的說話給我聽, 佢話請假最好等公司淡季先好去

總之看淡一點, 咁樣就唔會唔開心了 

早上上班的時候, 阿大致電給我, 告訢我曾媽媽也跟我們一起去旅行,
阿大想我幫佢致電旅行社報名, 於是我就立即致電旅行社,
團行社的職員表示我們哪個團還有位, 所以曾媽媽也可以加進去,
於是我中午食完lunch, 就立即到觀塘廣場新華旅行社交訂金,
報名個時, 我覺得佢職員d服務態度唔多好,
千祈唔好俾我去旅行撞著佢呀, 如果哪個人做我地個團的領隊,
領隊費我一定唔會俾多佢呀, 咁的服務態度你別妄想了,
咁的服務態度邊會吸引顧客光顧呢？呢間分行認真唔掂, 服務態度有待改進,

嚴重感冒, 成身軟賴賴, 致電給南京 Samantha 的時候, 被她發現我生病了,
她說我的聲音己經變晒, 覺得我應該患上嚴重的感冒, 還叫我多喝水和休息,
我都好想休息, 但是諗諗下都係唔好 . . . 還是頂硬上去返工吧！

下午的時候, 有點發燒, 成身發冷, 今日我己經穿了兩件衣服 + 背心羽絨,
我覺得自己著咁多件衫都有點變態, 但是無辦法, 公司真的太凍了,
我的同事繼續開大個冷氣 + 風扇, 而我就繼續包我的雲吞,
我昨天開了一卷新的廁紙, 今日己經用剩 1/4,
今日包了一大籮雲吞, 仲可以拿得出去買添 . . . 無奈中渡過,
只好慨嘆我身子弱, 成日生病

今日早上返工又手撞到陳杏儀同學, 佢原來個頭係 high light, 而唔是全頭染,
因為上次見佢個頭係全頭金髮, 所以,以為佢全個頭染,
今日佢同我講染呢個頭好貴, 不過佢無講價錢, 我亦無問,
之後, 佢話我宜家成個人唔同左 (也是和以前一樣呀！没有變呀！)
我都唔知有邊度唔同左, 我話可能佢太耐有見過我, 所以覺得我唔同左
我告訴她, 我們三月去旅行的事, 她即時的反應是記得買手信俾佢,
跟住佢話我地報哪個團很平宜, 之後佢就約我下次出黎食lunch,
我話你得閒先啦 . . . 因為我約了她幾次, 她都說很忙, 然後推掉約會,

中午食lunch的時候, 我諗住走去觀塘廣場食腸粉和魚蛋,
我行到地鐵站的時候, 陳杏儀打俾我, 於是佢今日得閒,
於是我就上返寫字樓大堂等佢, 然後我們就到紅螞蟻食lunch,
我們今日食飯勁多話題, 因為太耐無見, 原來佢之前電過髮,
覺得唔多好睇, 所以最近整負離子 + 染底色 + high light + 焗油,
整左900幾元, 真的很貴呀 ~ 而且佢還一次做咁多嘢, 頭髮好傷,
我很想見下佢電髮後的樣貌, 哈哈 . . . 好奇嘛,

之後佢同我講佢公司係海逸食團年飯的時候, 撞到陳太 & sammy sir,
而陳太& sammy sir問完陳杏儀的近況後, 就問及五妹的近況,
哈哈 . . . 睇黎sammy & 陳太都好掛住五妹,
五妹睇黎你要搵下miss & 阿sir食飯啦 . . . 俾佢知道你的近況,

哈哈 . . . 我們還聊一些浸温泉的事, 因為我地去旅行浸哪個温泉是不可以穿泳衣,
所以陳同學話我地好勇敢, 嘻嘻 . . . 因為會俾人見到晒,
我話唔緊要啦, 你有的嘢, 我都有, 只是我多左一個 大肚腩 & 肥膏,
我們傾左好多嘢, 之後因為差唔多夠鐘上班,
於是我們就買單走人,
宜家每日在倒數旅行的日子, 只要等多 21天, 就出發了 ~ yeah

今日第一天上班, 感覺不算太忙, 有d嘢做, d時間好快過,
一返到公司, 我桌面己經放了開工利事 (100元), 老闆俾的利事 (20元),
我公司只有三個同事結婚了, 但有一個結左婚的同事, 今年則没有俾利事我們,
真可惜 ~ 咁又少左20元的收入,
不過今日有個上海supplier專程坐飛機來派大利事給我們,
我無諗過佢今年會俾咁多給我們, 600元人民幣, 往年佢只俾200元港幣,
哈哈 . . . 心諗這600元可以留來下次返大陸買碟用, 呵呵 ~
今年公司没有開年飯, 所以今日中午好多同事都没有帶飯,
唔講咁多啦 . . . 我要打機了

中午同屋企人飲完茶後, 就同李嘉敏出旺角, 因為佢想買寫字樓套裝,
佢話宜家特價, 想襯宜家入貨, 但是佢仲有兩年才畢業,
我就唔建議佢買套裝, 因為覺得太早買定, 而且著套裝去見工有d跨張,
不過佢好想買, 咁咪陪佢出去睇下,
首先去新世紀廣場, 第二站花園, 第三站旺中, 尾站朗豪坊,
今日行左好多路, 超累, 點知最後佢都無買到, 只買了一件恤衫,
總算有d收穫, 而我就没有買嘢,
最後我就同佢一齊搭車回家了

回到家, 休息一會兒, 繼續我的明星志願 3, 超好玩,
我不停係咁打, 爸爸叫我早點洗澡, 但是我没有理會, 繼續我的大戰,
10點幾我才肯關機, 去洗澡,
呢排我同我弟弟都狂打明星志願, 因為真是好好玩,
我弟弟佢己經簽了兩個歌手, 但是我玩黎玩去都簽唔到歌手,
game入面d人都唔理我 , 我只好積極培訓旗下歌手啦 . . . .

早上到舅父家坐了一會, 我們就去沙田麗都酒家飲茶,
因為舅母識人, 所以一去到就有位,
飲到1點幾, 因為媽媽要上班, 所以買單走人,
媽媽上班, 而舅父就回家了, 因為今日約左阿大和阿六3點去沙田報團,
所以我係西田行左一陣, 等她們來找我,
人齊後, 我們再逛多一遍咁多間旅行社才報團, 最後我們還是選擇新華,
今次團費加晒離境稅和雜費都只是2448元, 好抵呀！
而航班日期和時間己經出埋, 咁就真是太好了,
早上8:10分的飛機, 晚上10:45分到港,
諗起都己經令人奇待, 報完團, 我們幾個也特別開心 ,
報完團, 我們三個係沙田行了一陣, 阿大就回家, 而我同阿六就去大家樂醫肚,
8點幾, 我就同阿六一起搭車回家了

因為呢幾日掛住打機, 所以好幾日都没有寫日記了,
襯今日得閒補寫返日記先 . . . 

今日弟弟放假, 下午與他到黃金買game,
我同佢一齊買左3隻正版p.c. game, 買完game之後, 我們食完下午茶就回家了,
回到家, 我己經急不及待裝 明星志願 3, 裝完後, 就俾弟弟玩,
今晚我都無玩過隻game, 不過聽弟弟話明星志願 3 好好玩, 令我超想玩

昨天痾了4次, 很辛苦, 於是食了一點成藥, 昨天訓了一整日,
從來都未試過這樣的, 整個人很累和軟賴賴的,
今天早上起來的時候, 己經覺得好了一點, 媽媽叫我起床去看醫生,
於是我們吃完早餐, 就去看醫生了, 今日大部份的醫生也開始營業,
今日很多人來看醫生, 醫生話我是腸胃炎 + 感冒 + 胃液倒流,
叫我不要食油膩的食物, 我在診所食完藥, 就同媽媽行了一陣吉之島就回家了