昨天晚上食完個橙就開始肚痛, 於是就食了保濟丸,
但是個肚依然好大痛, 於是開始痾 x 2, 之後我都訓唔到覺, 超辛苦呀！
零晨3:21分, 我又下床食止痛藥, 食完藥, 我就即刻上床忍著痛訓覺,
到早上起身的時候, 好想嘔 , d食道好似被 火燒咁, 不過個肚就無咁痛了,
今日年初三, 没有醫生睇, 我又唔想去醫院睇急症, 因為感覺新年初去醫院, 無咁好,
加上個肚己經無昨天咁痛, 於是只好等初四去看醫生吧！ 

好想快d 好返 . . . 因為真的很辛苦

今日終於睇晒 "極速傳說 II 愛的奔馳", 覺得呢套劇開頭個幾集有D悶, 但最後個幾集就幾好睇,
看到我還哭, 爸爸也看了小小這部台劇,
他覺得有D似韓劇, 不過他認為都好睇, 因為是由賽車的情節的關係, 所以才認為好睇

到晚上的時候, 我就下載 "惡作劇之吻的春節特別節目", 好快就下載完,
於是我開來看, 哇 . . . 笑到我死, 小熊維尼好 攪笑和抵死,
感覺看完D攪笑節目, 人也開心D, 加上在這新年的節日裡,
惡作劇之吻就黎大結局啦, 有D唔捨得添, 哈哈 . . . 因為看唔到元暢啦!!!

睇完惡作劇之吻的春節特別節目後, 我就看日劇 "在世界中心呼喚愛",
這套日劇我看了兩集, 覺得佢都幾好睇, 我想個故事會好感人, 我相信此片應該是 悲慘的日劇,
哈哈 . . . 感覺新年好忙, 因為有很多劇集等著我看

今日舅父來我們家, 於是在我家坐了一會兒, 就落樓下新花酒樓食飯,
好彩我們早去, 所以等了一會兒就有位了,
暢談中, 我地講起我的工作, 轉工與及俾幾多錢家用,
於是我告訴我的嘢後, 舅母聽到我俾咁多家用屋企,
佢兩眼發大對著表妹說 "你出黎做工, 一定要好似你表姐咁, 俾咁多家用回家",
我相信我的舅母會與我媽媽不相百仲,
嘆 . . . 真的對唔住我的表妹, 希望我表妹唔會我俾咁多家用, 而害佢也一樣俾咁多的家用啦,
舅母話我是一個乖孩子, 佢話表妹成身都是名牌來的, 成身貴嘢, 咪識做嘢, 就開始追求名牌,
當舅母數佢身上物品的價錢, 我真的傻眼,
件衫 X 2, 300幾元 (差唔多四百元), 條牛仔褲700幾元,
個袋300幾元, 對鞋 800幾元, 電髮388元, 手提電話3000幾元, DHC護膚品系列幾千元,
我表妹只是一個中六的學生, 宜家買的嘢都咁貴,
我相信第時佢出來工作, 買的嘢一定超貴,
呢D價錢對我們出來社會工作的人來說, 可能不算是什麼,
但對一個没有兼職的學生來說, 真的很貴

今日返到公司, 好忙, 早上的時候, 被老闆叫了入房,
於是佢就同我review返今年的工件表演, 佢問我:
1. 宜家身體點呀？
2. 做得開唔開心？
3. 同d同事合作得愉唔愉快？
4. 同d廠溝通得o唔ok呢？
問完問題後, 我就一一回答, 只是應酬的回答她的問題, 做得開心, 和同事合作很愉快, 同d廠溝通無問題,
之後老闆就話其實我覺得你做得好好 (>"< 心想好, 仲唔另我人工 >"<), 跟d文件跟得很好, 但是同d廠的溝通就要改善下, 溝通技巧要好d, 我唔明我同廠的闗係一直很好, 我叫佢地做的嘢, 他們都可以按時交給我。如果他們不能在指定的時間完成給我, 他們都會誠實的向我回報, 並保證什麼時候可以把它完成給我, 我唔明我同廠的溝通還有什麼問題呀？我只好默不作聲, 之後佢又話宜家租金好貴, 我地要改善公司的image, d 客complain得少d, 咁我地的生意就會多d, 生意多d, 我就會請多個人回來幫你們 (心想你這句話, 我都聽過不少篇了, 由我第一年入公司做, 你就這樣講, 講到宜家, 咪又是得我同fanny兩個人), 之後我一直都没有作聲, 只有一直讓佢講, 跟住佢話我可以出去了, 於是我開門出去之際, 佢叫住我了, 於是叫我聽佢講多幾句 . . .

佢話今年的營業額提高的話, 會在四月份, 我的人工將會有所調整 (心想你營業額提高的定義是什麼呀？) 之後佢又講句, 雖然你地宜家唔駛ot, 但是我地都會在四月調整你們的薪酬, 之後講一大堆員工唔同佢開ot, 都照加人工俾佢地, 講到自己有多麼的偉大, oh . . . 這些是什麼理論來的？難道要同你開ot, 你才會加人工俾我地嘛 . . . 你別傻, 我以前晚晚同你做到11點至12點, 星期六也是如此, 你有加人工給我嘛 . . . 没有呀！還口口聲聲講你哪些愇大的理論, 聽到都想作嘔呀！我覺得佢係鐘意員工同佢開ot, 開ot才是一個勤力的員工, 唔開ot就不是一個勤力的員工。不過我想佢應該會在四月份會加人工給我, 但唔會很多, 我會期待著五月的來臨 . . .

突然有一種迷惘和迷失的感覺, 不知如何是好添？

今日是最後上班日, 超忙, 有個supplier申請左10幾份export licence給我,
但當我一看到, 真的傻眼呢？！為什麼會這樣, 我看到後, 成個人發瘋,
出正本export licence的時候, 我幫他們對好所有內容才叫他們出正本出來,
但是出正本出來的時候, 又是另一回事,
有的打漏了 h.s. code, 有的打錯了貨品名稱, order no., item no., 我人都快要瘋了,
哪班船是1月18號開, 我要在新年放假前, 寄出所有文件給客人,
否則客人就趕不切清關, 如果再重新申請, 哪二月中才拿到正本, 然後才寄給客人,

原本六姐妹今晚行年宵, 我是去不到的, 但是最後我應該可以去到,
我中午的時候, 還打俾阿大告訴她, 我可能今晚可以出到黎, 叫佢唔好話俾其他人知,
等你們今晚見到我, 會很surprise,
點知最後為呢件事 (export licence), 攪到我很頭痛和很累, 所以我最後還是没有出去與你們行年宵, 真的不好意思啦 . . .

因為阿大初五去澳門, 所以想問我借澳門遊個本書,
但是今晚我屋企要做節, 所以今晚出唔到去, 於是我問阿大介唔介意來到我家留下取,
於是佢今日放工就來到我家留下取那本書和碟

原本今日莫石約我放工出尖沙咀買衫, 因為我無錢, 所以推掉她哪個約會,
但是昨天食團年飯的時候, 經過尖沙咀的時候, 見到d衫好靚, 而且減價,
所以今日還是去看看吧！點知四點幾的時候, 莫石打俾我cancel今晚的約會,
因為雞皮今晚唔得, 而佢剛剛買到佢要買的衫, 所以cancel了,
而我就同阿玉講, 問佢今晚仲出唔出去？
於是今晚我就同阿玉出左旺角食飯和睇衫, 我們放左工就去金太郎食拉麵和壽司,
今晚個餐飯都不會很貴, 食完飯我地就去逛女人街, 朗豪坊, 旺中 . . .
逛到10點幾, 我們就各自回家了

今日阿玉帶左明星志願 3的 pc game給我, 真是唔該晒阿玉呀！
聽佢講呢個game超好玩, 佢告訴我佢簽了兩個男仔做明星,
遲d加多兩個男仔, 幫佢地改返個組合名叫 "花樣男兒", 哈哈 . . . 聽到覺得好攪笑 ,
佢話我都可以新返一隊組合叫 "F4", 真的很有趣, 我會考慮下佢的提議,
哈哈 . . . 有呢隻GAME陪我渡新年, 我一定唔會悶的

今日一早要影印幾份好厚的文件 , 點知影影下食紙,
於是今日一大早就做左維修工人 , 盡力搶救張紙出黎, 搞左大約一小時, 成功將紙取出,
之後部影印機又唔知發生d咩的問題, 之後我都唔識整了, 於是只好叫人上黎維修,
全公司陷入一片不能影印, 不能PRINT文件 , 不能SCAN, 和不能收FAX的狀態 , ,
好彩個維修工人好快就上到黎公司整返好部機,

Lunch的時候, 食完嘢, 就走左去馬會買六合彩, 因為今期的六合彩有六千多萬,
所以諗住下運氣, 哇 . . . 如果中左, 就真是新年發大財啦, 呵呵

六點半, 老闆走出房間, 宣佈關電腦閃人, 於是我地成班同事就拿拿臨關機走人,
有d同事坐老闆的車去潮州城, 而我, fanny, rainbow, patrick & david就搭車過尖沙咀潮州城,
老闆包了一間房, 房入面只有一圍很大的桌, 總共有18個位,
今晚食飯真的很big, 所以d菜就係另一張桌上分好每一個人的份量才上, 
食到差唔多的時候, 有現金抽獎, 人人有份永不落空,
哈哈 . . . 我今天真的很幸運, 竟然被我抽到大奬 (是500元), 
大奬是500元, 中奬是100元, 小奬是50元,
有得抽奬好過無得抽, 食到10點幾, 就各自回家了,
回到家, 同媽媽講我抽到大奬, 媽媽聽到還以為份大奬好大份, 點知我同佢講只有500元,
佢話我個老闆太吝嗇了, 竟然大奬500元都俾得出, 於是媽媽就話就當呢份為花紅好了 

今日約左幾位姐妹到沙田食團年飯和逛旅行社, 我1:20p.m.就係公司閃人,
六妹諗住放工後我們一齊搭車入沙田, 但我打俾她的時候, 她還未下班,
於是我諗住係apm行一陣等埋佢放工, 
我行入apm的時候, 很吵和很多人圍觀, 於是我就走埋去看看 . . .
哇 . . . 我見到一班覆雨翻雲的演員 (黃宗澤, 阿佘, 郭羡妮, 陳敏芝 . . . )再宣傳該劇,
於是我就走埋去看, 一邊看一邊等六妹放工,
今日我有帶相機在身, 所以我影了好多張相, 但是有d唔係好清楚,
差唔多完的時候, 阿佘走向我個邊派覆雨翻雲的電話繩,
佢係我面前經過添, 佢還派了一條電話繩給我, 佢真人真的很 漂亮, 而且還很瘦,
之後佢地就返入後台休息, 我就打俾六妹, 看她收工未？

六妹放工後, 我就同佢一齊搭車入沙田, 最早到是阿大, 我們入到沙田, 搵埋阿大,
我們就去了 kfc食lunch, 食完lunch, 我們三個就先到旅行社看台灣資料,
逛完旅行社, 我們就去了書局看一些台灣的旅遊書, 之後三妹和五妹亦都到沙田,
逛了一會兒, 三妹陪六妹配眼鏡, 而125就在商場外等候她們,
之後我們就去左一間叫雪國的餐廳食晚飯, 食完晚飯, 我們再商量了一會兒台灣之旅的事情,
我們再到西田逛, 我們今天還遇見三妹的哥哥和大嫂,
之後我同六妹一齊搭車回家了

p.s. 今日我還收到一份禮物, 真係好多謝五妹 >"<

下午的時候, bovia打俾我話阿大想買個部手提電話無貨, 因為阿大想買個部電話宜家斷市,
要2月頭才有貨, 於是我打電話同阿大講呢件事, 但是阿大的舅父又趕著要這部電話,
於是我同阿大講如果繼續搵我個fd買的話, 哪就要今晚決定要唔要貨,
因為要貨的話, 要hold貨, 最後阿大話今晚覆返我,

放工的時候, bovia打俾我, 佢同我講個度 d sales知佢嬲, 所以幫佢搵到阿大想買個部手機回來,
bovia叫我即刻搵我個fd, 叫阿大即刻黎九龍灣買, 如果唔係驚遲d會無貨,
於是我就一直搵阿大, 打了好幾次電話俾阿大, 佢都唔聽電話, 於是我只好留言俾佢,
希望佢聽到留言會盡快覆返我啦, 大約7:30的時候, 阿大終於打返俾我了,
我同佢講呢件事後, 我地決定宜家出去買埋佢,
bovia因為8點約了她的朋友, 所以叫我地8點前去到,
於是我就同阿大趕去九龍灣, 最後順利買完手提電話就閃人了

阿大的舅父想買一部 nokia的手提電話, 於是佢問我搵我個fd買有無得平,
於是我打電話問bovia, 佢買手提電話的價錢與在出面買的價錢一樣, 只是佢買會多d嘢送,
阿大最後決定搵我個fd幫佢買手提電話, 於是我約左阿大和 bovia今日放工去買,
點知我個fd有d事, 所以要8:15至8:30才可以過黎九龍灣,
但是阿大約約左朋友8:05分係沙田食飯, 所以就唔到d時間,
我地就取消的行程, 改約為明天,
而我放左工, 就去左吉之島行左一陣就回家了,
發現最近d衫減價, 可能係新年的關係吧！

終於知道幾時放新年假和幾時上班了,
早上一返黎, 老闆就放左張fedex的fax係我枱面, 叫我fax返俾fedex
fedex個張fax係想問我地幾時開始放假和幾時開始上班,
我看到老闆在上面寫著1月28號至2月5號,
即是我們初九返工, 我同fanny講呢件事, 佢話今年咁遲返工, 真是唔多好,
因為老闆又是扣我們的大假, 不想放都被迫放, 真是無奈,
fanny想淡季去旅行, 但是如果被佢扣晒d大假,
咁就要請假扣人工, 但是佢又唔想被人扣人工, 所以在"概"嘆著,
我就無咩所謂了, 如果佢扣晒我d大假,
到時如果我要去旅行, 我寧願請幾日假, 要假唔要錢,
你鐘意扣我人工就隨你扣, 我覺得假期是重要過金錢, 人工扣得幾多呀！

Rainbow發email通知我地23號晚公司食團年飯, 而地點就是尖沙咀的潮州城,
封email大至如下：

致各位同事,
本公司團年飯謹定一月二十三日舉行 , 該日特設餘興節目 , 詳請如下 :
日期 : 一月二十三日 ( 星期一 )
時間 : 晚上
地點 : 尖東東海商業中心潮州城酒樓
註 :     該日附設唱 K, 若有興趣 , 可自備唱片.

祝新年快樂!

Rainbow Ngai

當我看到封email的時候, 見到"該日附設唱k, 若有興趣, 可自備唱片",
心諗去neway/green box/red box or 加州紅唱k, 駛鬼帶唱片去,
心諗佢寫呢句係唔係純粹同人開玩笑 ,
之後我才知道她不是開玩笑, 佢話老闆講潮州城附設唱k設備,
但是不提供唱片, 我聽到之後, 額頭就出現幾滴汘和三條橫線

中午同patrick去食lunch的時候, 我地就講開呢一個話題,
我同佢都覺得無一個同事會做埋呢一d咁的嘢- 自備唱片, 不要開玩笑啦. . .
即使有人帶去, 都没有人唱, 就算想唱k也不是在這個時候唱,
感覺怪怪的, 總之氣氛就唔match嗰個場合

今日返到公司, d同事勁望住我個頭, 我都唔明佢地,
我個頭的colour己經唔明顯, 唔係好覺我染左髮,
但是唔知點解佢地同d好奇異的眼光望住我, 心諗我染左髮啫, 駛唔駛用d咁的眼光望著我


                 

Lunch的時候, 同patrick去花園餐廳食lunch,
原本他想去棷林閣食lunch, 但因為太多人的緣故, 所以我地改去花園餐廳,
而今日同佢食飯, 我同佢的話題都圍繞著我個頭,
平時好靜的他, 今日變得勁多嘢講, 而話題就是圍繞著我染髮一事,
難道我染髮有問題嗎？公司無講明員工唔可以染髮的, 但是染了髮他們竟向我投向奇異的眼光,
難道佢地覺得我染完髮後, 好核突  ∼  oh . . . too bad
公司唔單只我一個人染髮, 還有秘書, ming, 老闆, 老闆的妹妹,
但是編編是我一個染完髮, 收到咁多人的觸目, 難道我染髮真的有問題嘛 . . .

今日同六妹放左工後, 一齊去尖沙咀 yes salon 染髮, 我地由3點幾整到7點幾,
其實等的時間耐, 做的時間就好快,
我選了金中帶啡的 colour, 隻colour 類似我上次同覺欣一齊去染個隻colour,
但唔知點解染完出黎會變左紅色, 不過隻colour都ok,
個髮型師話我個頭洗洗下, 就會變返我想要的colour, 咁神奇, 等我返去試下先,
今次染髮我都幾滿意, 之後就同六妹去旺角食煲仔飯, 食完飯, 我地行左一陣,
就去影貼紙相, 嘻嘻 . . . 染髮後的合照嘛 . . .
之後再行左一陣就回家了,
回到家, 媽媽話唔覺得我染左頭髮, 而且個colour好似d上左年紀的女人頭個d colour,
又話我隻 colour唔靚, 仲咩唔染金色, 唉 . . . 聽完佢咁講後, 有d失落 ,
我就同佢講, 我係選了金色, 但是唔知點解染完出黎變左紅色,
紅色咪當係新的一年裡, 紅運當頭, 由頭行運行到落腳址尾, 哈哈 , 咁都俾我諗到 - 掂,
我選金, 但是出黎的效果變紅, 咪註定我今年由年頭好運到年尾,
哈哈 . . . 真是覺得自己好攪笑,
媽媽聽完後, 再没有繼續說下去, 好聽的說話人人都受落嘛 . . . 呵呵

今日公司通知我地, 公司的醫療保險轉再用另一間保險公司,
我問秘書 "咁新個份保險公司會唔會保埋我血管廇個病, 咁如果我再做手術有没有得 cam?",
跟住秘書話 "好難講, 有可能唔保, 呢個問題就真是要問下", 佢話幫我問下,
點知佢最後都無幫我問, 我睇黎都要自己打去問下,
之前公司買開宏利團體醫療保險, 因為太貴, 所以才轉用宜家呢間保險公司 (唔出名的),
我第一時間諗如果新個份保險唔保我血管廇的病, 我就唔駛理咁多, 可以鐘意幾時轉工就轉工,
我轉工的煩惱亦都解決, 一想起我可以回復自由身, 我真是有d開心 , 但亦都有d失落 ,
因為覺得好似失去一個安全的水泡, 總之此刻的心情實在 難以形容

昨天媽媽叫我快d轉工, 佢叫我去做酒店, 因為酒店的福利好, 人工高,
因為係細佬的福利好和人工高的關係吧,所以媽媽才叫我去做酒店的工作,
我對媽媽說, 如果我轉做酒店的話, 哪我就要再去報讀酒店的課程,
媽媽話叫我唔好再做宜家呢份工, 如果隻腳要再做多一次手術的話, 咪自己俾錢,
好過留係呢間咁的公司, 個老闆真刻薄, 就算出500元花紅也好呀, 逗下人開心嘛 . . .
總之媽媽就好想我轉工, 嗯 . . . 我諗住睇定d才決定吧！