今日bovia睇中醫, 咁佢順便幫我拿埋籌, 因為個中醫收7點, 所以我一放工就即刻趕過去太子,
過到去太子己經係7點,
好彩bovia幫我拿定籌, 所以一上去就可以睇, 真是時間剛剛好呀. . . .
個中醫又按下我個肚, 佢話一連串硬嘢個個位係子宫和卵巢, 佢叫我黎清晒個d 嘢, 去照一照,
我問佢去邊到照, 佢話去化驗所到照, 因為覺得好奇怪, 中醫都有得照嗎？
死啦. . . 中醫同西醫都叫我去照下, 咁我係唔係即係有事啊？
我真是想去照, 但因為保險的原因,
如果我係呢段時間去照的話, 有咩事, 我就無得cam保險啦. . . . 所以有d煩,
個中醫叫我唔好咁驚, 因為驚的話, d癌細胞就無咁容易打敗佢,
平常心去面對, 佢話身體唔知d咩(`唔記得左, 好似係白血球個類嘢)抵抗力會強d, 容易打敗病魔,
點解佢會講癌細胞???癌細胞. . . 正常人聽到呢個名都會驚啦, 一時到會無法接受,
睇完之後, 阿媽叫我唔好擔心, 話我無事, 成日都係自己嚇自己, 無事都變有事呀. . .
你們都唔明白我, 因為有個一次血管瘤的經驗, 一次做手術, 一次訓醫院, 做完手術後個種痛苦, 你們是會唔明白, 個種經驗係好害怕, 做完手術後的痛苦簡直令我刻骨銘心, 無法忘記那種痛苦, 所以身體有事上黎, 我會平常人驚, 我唔係驚死, 我而是驚痛苦的折磨, 痛苦的折磨會令我想死。可能你地會話做過手術唔代表一切, 但是我個種心情真是好難話俾你們知, 因為你們没有這種經驗, 舉個例子：一次去旅行, 夜晚零晨時分, 四周一遍漆黑, 忽然人有三急, 要去廁所, 唔好彩俾你見到個d嘢, 你當時會好驚, 之後會唔知算好。當下一次去旅行個時, 又是夜晚零晨時分, 四周一遍漆黑, 你好急, 因為上次去旅行見到個d嘢的關係, 所以你會唔夠膽去廁所, 寧願死忍, 直到早上才起身去廁所。就是類似這種經驗, 當你有左一次經驗, 你下次再遇到同一樣的事, 你會無法面對, 呢種經驗真是好難同你講, 可能你地没試過呢種經驗, 你們根本無法明白我宜家的感受。

我知道我宜家的感受是好悲觀, 我都想睇開d, 但是我無法控制個腦唔去想。我覺得我需要時間, 俾一段時間我去接受一切的事物, 我相信我的感受和看法一定會改變, 一定是會變好和變得更勇敢, 就好似我之前決定左做腳底手術一樣, 當然還要多謝身邊的朋友一直支持和鼓勵, 令我勇氣無限, 決定左的一切都會變得更堅定。我覺得我會是由悲觀演變成樂觀去受, 想一想, 咁樣都幾好, 即是證實左有咩病個時, 以平常心去面對, 咁抵抗力都會好d 去對抗病魔, 而唔是由悲觀一直悲觀下去, 咁樣就真是死得, 哈哈. . . 我諗嘢就係會咁奇怪的. . . 俾一點時間我吧. . .

以下兩個閃字係送俾阿三的：

尋晚惡魔在身邊大結局啦. . . 今晚放工早d返屋企 dl
我一直奇待的惡作劇之吻己經係台灣播放啦. . . 唔知有冇得dl呢 . . .
好想睇到鄭元暢的演出, yeah . . . 勁愛元暢啊 ！

遲d再無”may紙”, 改用電子碼頭收據, 全部走電子化,
因為我灺公司登記左呢個服務, 所以佢有一d系統操作培訓班俾我地上,
哈哈. . . .老闆叫我, fanny 同rainbow 一齊去上堂,
yeah . . . 超開心啊 ！星期五上午唔駛係公司返工, 出去上堂, 成個人零舍開心和醒神,
超奇待個日的來臨吖. . . .
上課的日期係 9月30日 , 上2個小時 (9: 30 a .m. – 11: 30 a .m.),
不過要走到去葵涌一號碼頭貨倉大廈第二期十二樓現代貨箱碼訓練中心,
雖然有點遠, 但是只要不用留係公司, 幾遠都無所謂,
哈哈. . . 我實在太不喜歡留在公司, 所以可以出去做嘢係超好開心呀 . . .

Yeah . . . 整返好部電腦啦. . . 細佬搵到嘢做, 佢原本話要等佢放假先幫我整部腦,
諗住呢排我都會悶死 ,
之前電腦壞左, 我同細佬講, 佢開頭好生氣, 話唔理我, 叫我自己攪掂返部電腦佢,
因為佢宜家返酒店, 好辛苦, 佢收夜晚12 p.m., 我等佢放工返黎, 佢個樣好攰,
我都唔夠膽煩佢, 我話你得閒先幫我整返部電腦啦. . . .
之後佢話下星期二放假, 到時先幫我整,
無諗過佢今朝早幫我整好部電腦, 真是太好啦. . . 真是唔該晒我弟弟 . . .

今日放左工, 出左去太子睇中醫, 呢個中醫係bovia介紹俾我的, 佢都係睇呢個中醫,
佢話呢個中醫幾好, 佢有一個朋友有婦科病都俾佢醫返好, 咁我今日咪試下去睇下,
個中醫都摸到我個肚有粒嘢, 肚臍下方都摸到一連串的硬嘢,
佢開左三服藥俾我, 佢話希望我喝左呢d藥幫我打散個粒嘢, 令個粒嘢細d,
返到屋企我就即刻煲黎飲, 個碗藥好苦呀. . . 飲飲下有d想嘔的感覺 ,
好辛苦. . . 終於將呢碗藥飲晒. . .

屋企部電腦壞左. . . . 好慘呀!!! 返到屋企, 無電腦用,
宜家只好係公司寫我的日記啦. . .

昨晚同個上海supplier 趙靜玩緊msn之際, 部電腦就死左機, 人家真的很想談下去,
但是. . . 呼. . . 太可惡啦, 部電腦死左機,
有d 唔開心, 因為我星期一就download唔到惡魔在身邊的大結局和惡作劇之吻,
之後我就打俾chris問佢點整返好部機, 佢個時唔得閒, 我只好打俾家慧,
整左一輪chris再打返俾我, 之後我駁3-line俾佢地, 佢地教完我整之後,
佢地就開始講拍拖理論, 男同女對拍拖的看法, 哇. . . 昨晚的談話簡直令我嘆為觀止,
好似上了一堂拍拖理論課一樣 . . . =.="

我又病了. . . 唉. . . 今日勁流鼻水, 有點發燒, 諗住聽日放左工去睇中醫 . . .
我諗最近休息唔夠, 所以人也容易生病 . . .  

昨晚, 發了一個好攪笑的夢, 夢見一個我好開心的生活地方俾惡魔侵佔, 整個世界變得黑暗,
而嗰個惡魔竟然化身人類, 要我做佢的部下,
我好記得個惡魔是女人黎, 佢仲帶埋佢班男惡魔一齊黎我工作的地方欺負我,
女惡魔唔知仲咩事病左, 心諗咩惡魔都會病的咩,
之後, 仲俾我發現佢原來好怕光 (即係見光即死個隻),
等我諗緊點樣消滅佢的時候, 我弟弟就叫我起身, 弟弟:『你夠鐘返工, 仲訓, 你”忍”住遲到。』
真是好想發埋個夢佢, 好想打敗個隻惡魔先醒,
個隻惡魔實在太可惡, 竟然在夢中欺負我,
發呢個夢的時候, 個腦可能不停係咁用, 無休息過,
所以今朝早起身覺得好頭暈, 有d想嘔的感覺, 我覺得直頭好似無訓過咁, 好辛苦吖 . .. 我諗可能唔夠訓的關係吧!!!
真是衰, 連發夢都夢見俾人欺負, 唉 . . . 都唔知點解會發埋呢d咁的夢,
可能工作壓力太大, 連發夢都夢見俾人欺負又或者睇得太多惡魔在身邊, 所以發夢都會發一d同惡魔有關的惡夢, 但是此惡魔不同彼惡魔, 我鐘意惡魔在身邊的惡魔, 嘻嘻 . . . 因為佢比較帥
呢隻惡魔攪到我今朝早暈駝駝, 忙記帶飯盒出門口, 怪我今日中午要出街食 lunch,

中午同ivan & patrick 去左 kfc食, patrick食完之後, 就話返上公司先, 因為佢要上去訓返個午覺,
而我就同 ivan 就繼續食, 我同 ivan 食完之後, 時間仲有早, 佢話係apm行下,
咁我問佢你想去邊間舖頭睇嘢, 佢話 2%, 因為 2%減價, 佢想買d衫,
我話你買衫俾你老婆呀？佢話係,
佢真是好愛佢老婆, 因為好少見到d男人會買衫俾老婆著,
上到2%我睇中左一件 T-shirt, 可惜佢只有細碼, 因為係減價貨的關係, 己經斷晒碼,
ivan睇完一輪之後, 就走過黎搵我, 佢都睇到呢件T-shirt, 佢都認為好靚, 於是佢就問我意見,
呢件T-shirt好唔好, 我話幾好, 因為我都睇中左呢件, 可惜佢無我個碼,
之後佢就搵個sales問佢呢件T-shirt有無加細碼,
個 sales問 ivan: 『你著啊？』心諗個件 T-shirt咁女仔, 一睇都知唔會係 ivan 著啦!!!
個 sales問埋d問題都幾攪笑, 明知故問,
我就幫 ivan 答:『佢買俾佢老婆著。』
sales回答:『哦 . . . 原來係咁, 呢件T-shirt只有細碼和中碼, 無加細碼, 不過宜家只有細碼, 咁你要唔要呀？如果要拿件新的俾你呀？。』
ivan話:『你俾件新的我。』
呢個時候, ivan 叫我買一件背心, 佢話呢件幾好睇, 我話呢件唔係好啱我, 因為個件衫太過女人,
我覺得個件衫比較適合一d比較成熟的女人著,
我叫佢買俾佢老婆著, 佢話佢老婆好衰, 唔鐘意著呢d衫,
嘻嘻 . . . 我叫佢買左之後, 同老婆講出街唔好著, 淨係係屋企著俾ivan睇,

Ivan話佢老婆一定唔會著, 就算佢係屋企都唔肯著, 咁買黎都無用, 費時浪費金錢,
之後ivan睇睇下, 又睇中左一件襯衫, 佢就拿多件牛仔褲係到拼, 拼下睇下咁樣配搭, 襯唔襯,
之後個個sales走買黎又話又是買俾老婆呢？ivan回答:『係啊！』
最後 ivan 係 2% 買左兩件衫俾老婆, 哈哈 . . . 我未試過同男人一齊行2%買衫, 而佢買衫都會問我的意見

早上返到公司, patrick帶左一盒Disneyland的餅乾請我們吃,
原來佢中秋個日去左迪士尼玩, 好羡慕佢啊！
佢話個日迪士尼唔係好多人, 不過佢覺得迪士尼比想像中還要細,
原本以為Disneyland所有的嘢, 都會有mickey & minnie做logo,
但是patrick買返黎的餅乾, 没有mickey & minnie個樣,
只有個包裝袋印有Disneyland的字眼, 覺得佢好“握”錢,
不過真是好多謝佢的Disneyland餅乾. . .

早上我打電話bovia, 同佢講我宜家個肚的情況, 問一下佢的意見,
因為我雖然買左保險, 但是醫療(一個月) 和危疾(三個月) 都有等候期,
過左等候期份保單才能生效, 但是我仍在等候期的時間,
佢話如果我驗出有d 咩, 保險公司係呢段時間都唔會作出賠償,
即是我宜家驗出有d咩, 保險公司以後都唔會保我個個病, 到時有咩事就要睇政府醫院,
佢建議我如果唔係好痛的話就等多幾個月先去驗,
佢話如果即使過左等候期都唔好咁快入醫院做手術,
因為咁樣好樣眼, 買左保險, 保單生效日, 就入醫院做手術, 每一間保險公司都會懷疑你會唔會有欺騙佢的成份, 若果有d病無係買保險前申報,
之後保險公司有可能會再進一步查我以前的資料,
佢話如果好痛的話, 就唔好等, 一定要去睇醫生, 唔好為左保險而攪到自己個病越黎越嚴重,
我講左我個情況俾佢聽, 佢認為我是m黎之前肚痛,
佢話我太過緊張, 佢認為無事, 因為醫生都話無嘢, 只是想check清楚d先叫我去驗,
佢叫我等多 一兩 個禮拜看看情況再決定係唔係再去照,

我覺得有得驗個時, 又唔想去驗,
無得去驗個時, 我個心又好想去驗, 人往往就是咁,
因為我己經拿左好多勇氣出黎, 個時真是好大的決心諗住去驗,
好似之前決定做手術咁, 我決定左的嘢, 就會勇氣無限咁去做, 無有一些猶豫,
我將呢個情況話左俾阿玉知, 佢都認為再等多 一兩 個禮拜再決定去唔去驗,
因為都唔知呢d係唔係黎m之前的肚痛,
所以我宜家都好麻惱. . .
我覺得如果我d朋友想買保險的話, 真是要趁無事個時快d買,
買左仲有等候期, 我唔想你地好似我咁, 宜家唔上唔落, 好無奈. . .

中午個時同ivan, patrick & fanny去左apm的御泰坊食lunch, 好難得咁多同事一齊出去食飯. . .

今日約左chris放工後上阿玉屋企整電腦,:
chris話返屋企食完飯, 之後再黎, 因為佢同阿玉屋企都係在彩雲, 咁我就約左chris 8:30p.m.,
我就約左阿玉7p.m.係彩虹地鐵站等, 之後我就同佢去左彩雲的美心食飯,
哇. . . 我地見個鐵板餐好正, 於是我地兩個都叫了個鐵板餐來吃,
一路食飯, 一路傾計都幾開心, 哈哈. . . 佢有睇我呢個日記網,
佢問我日記網提及嗰個黃錦珊係唔係我地以前中學嗰個黃錦珊, 我話係同一個人黎嫁,
哈哈 . . . 我地就講返佢以前中學的威水史, 佢以前係中學己經出晒名, 好多人識得佢,
因為佢實在太過前衛, 係中學上課個時, 可以係上課時間同阿sir展開罵戰, 簡直無人不知,
我地成班同學就看著這場罵戰, 我地就好似走入戲院睇戲一樣, 簡直精采,
我地食完飯之後, 就搵埋chris上阿玉屋企,
上到阿玉屋企, 就問左佢借一d戲集來看, 我問佢借左”豪傑春香” 和“對不起, 我愛你”,
佢話呢兩套戲都好好睇, 咁咪問佢借黎睇, 不過我最想睇個套戲就是”我愛金三順”,
上到佢屋企之後, 佢個媉女好喜歡同我玩, 個個小妹妹真是好可愛,
攪左一大輪, 終於是晚上10點幾整好,
整好左之後, 我就幫阿玉裝埋個整閃字的程式, 順便教埋佢點整閃字,
整完之後, 我同chris就回家了, 阿玉就送我落地鐵站,
返到屋企己經十一點幾啦!!!

唱到早上六點幾, 我地離開旺中 neway, 哇 . . . 無試過咁早係旺角街頭出現,
之後我們就各自搭車, 我同六妹一齊搭地鐵回家,
坐車個時, 阿六勸我早一點睇醫生,
我明你的意思, 我會去照超聲波的, 突然唔知何來的勇氣 . . .我覺得好似無咩怕,
早d照左, 早d知道結果, 早d醫治, 我己經作了一個最壞的打算了 . . .

回到家己經是早上七點幾, 之後就即刻上床訓覺,
訓到早上十一點半就起左身, 阿媽問我, 你訓得咁少, 你唔眼訓啊？
我真是唔眼訓吖 . . .
起左身之後, 就上網 dl 台劇惡魔在身邊 . . .

今日一早陪阿媽去街市買餸, 返到屋企食完個早餐,
食完藥, 就陪阿媽去樂富吉之島買冰皮月餅,
晚上約左三妹, 五妹和六妹一齊睇戲 "摯愛", 9:30p.m.係新世紀廣場等, 我地買左 10:10的戲票,
因為時間有早, 所以我地去影貼紙相, 哈哈 . . . 好耐都無影過貼紙相啦 . . . 等下次齊人再去影過先,
我覺得呢套摯愛有些似台劇鬥魚的感覺,
睇完戲之後, 我們去旺中唱k, 我地 book 左一點,
攞到房間之後, 我地唱唱下, 個間房忽然滴水, 於是我地要求換房,
個d職員都肯換俾我地, 去到第二間房有三盤 nuts未開過, 
嘻嘻 . . . 我地等左一陣, 見neway過d人唔黎收返佢, 我地唔客氣開左黎食,
唱到四點幾, 三妹和六妹己經很累, 於是我同五妹就繼續努力唱歌,
我同五妹勁唱 twins的歌, 哈哈 . . . 好似開一場小型的演唱會一樣 . . .    

睇完醫生, 醫生到摸到我肚下方有一連串的硬嘢,
因為我肚下方一連串硬嘢, 佢話嗰個位是子宫和卵巢黎,
佢寫左一張嘢, 叫我去化驗所做超聲波, 佢話都唔肯定是咩,
佢話最好照下, 照下無咁擔心, 如果無事的話, 就最好,
我聽到佢咁講, 有D擔心, 好似好嚴重咁,
我真是有D驚, 唔夠膽去照超聲波,
我驚個結果出到黎, 我無法接受得到,
一班朋友都鼓勵我去照下, 但是我宜家個心情真是好複雜,
仲未決定去唔去照 . . .

最近個肚好肚痛, 阿媽叫我摸下個肚, 咁我就試下,
點知我摸到肚入面有粒嘢, 我好驚, 點解我會咁多病的, 我真是好想哭 ,
我真是好驚, 我驚係大腸癌, 又驚係血管瘤,
我的心情簡直跌到谷底, 我真是無咩心情, 本來今日約左六姐妹食晚飯,
但是我都無去, 因為我決定去睇醫生, 睇下個粒到底是D咩,
中午個時, 我吃了兩口飯, 我開始覺得有想嘔的感覺, 我吐左我食的第三口飯,
之後我就無再食嘢, 因為食飯時間仲有早, 所以我去左觀塘廣場行,
之後就阿大打電話俾我, 問我點？佢叫我睇完醫生再出黎食飯,
但是我真是無咩心情出黎食飯, 就讓我一直繼續沉下去吧. . .

下午個時, 我一D好耐冇見的中學朋友打俾我約我聽日去游泳, 我真是無咩心情去,
我同佢講, 我最近病, 腸胃炎, 個肚好痛, 我都是唔去啦. . .
雖然班朋友仔好耐冇見, 我其實真是好想去的, 不過我真是無咩心情去, 都是唔好去好d,
你們就讓我玩自閉吧. . . 等我心情好d, 我再約你們食飯吧 . . .

中午同陳杏儀去左apm 的御泰坊食lunch, 今日掛住傾, 攪到食飯遲左二十分鐘,
我就即刻打返公司話俾老闆聽我要遲d返公司, 嘻嘻. . . 我講左一個大話,
話我宜家係銀行排緊隊, 好多人, 要遲少少先返到黎,
我覺得佢聽完之後, 唔多鐘意我遲返, 語氣唔多好,
緊住我就拿拿臨食飯, 好似倒水咁倒落個肚到, 之後就即刻買單走人. . .

今日陳杏儀話我廋左呀 . . . 好開心吖 . . .
不過我諗應該同以前一樣, 没有廋到, 我諗可能最近病病地,
可能感覺上會瘦左, 但是其實没有瘦到,
不過, anyway, 女仔點都係鐘意人讚嫁啦 . . .

陳杏儀同我講話布穎緻想bbq, 叫我搵埋個幾位姐妹一齊去, 咁佢再叫埋冼麗萍一齊去,
黎返一個"bbq 燒烤同樂日", 我話好呀, 無問題, 大家一齊癲返日. . .  
最好就踏埋單車, 咁就

今晚打俾陳杏儀想約佢今個星期四一起食 lunch, 與及傾下大家最近的近況,
傾左一陣, 佢同我講我地 abm 班有個同學結婚, 哈哈 . . . 大家想唔想知道係邊位同學結婚呢？
佢開頭都唔肯話我知, 話最近煩緊買咩禮物俾佢,
個位同學仔10月2日會係九龍灣擺酒, 到時仲會有另一d abm同學仔會去,
聽到呢個消息, 我真係好想知道係邊一個同學仔結婚？
哈哈 . . . 最後陳杏儀都講左俾我知, 我真係估唔到會係佢, 答案是黃錦珊 . . .
陳杏儀話佢同佢拍左好耐拖的男朋友大隻廣結婚, 即係以前係班上傳聞嗰個中年男人 . . .
陳杏儀概嘆真是快, 又話好快又輪到我, 唔好講笑啦!!!男朋友都無個, 邊樹有咁快結婚吖 . . .

早上老闆係我地每人枱面放下一張月餅換領劵, 又是潮州城的月餅,
心諗咩今年咁麻煩嫁, 要我地自己去拿月餅,
因為每年的月餅, 個間酒樓都會派人送過黎, 唔駛我地自己去拿,
睇睇下張換領劵係呢個月十五日到期, 咁即係要迫住是今個星期四前去換左佢, 但是我又唔想放左工之後去換,
佢只有兩個換領地點, 一個是尖沙咀, 另一個是長沙灣,
我同我d同事講, 有效期去到今個星期四, 我d同事話咁麻煩, 唔鬼去玩啦,
跟住佢又話個老闆有無搞錯, 俾月餅換領劵我地, 就早d俾啦, 咁過左去個個星期六或日可以去換,
宜家俾黎都無用 . . . 哈哈 . . . 我無聲出, 對呢d嘢我真是不予置平 . . . 置身事外始終好d . . .

中午同 ivan 和 patrick 食飯, 佢地兩個都唔知去邊度食,
於是我就提議去左apm的御泰坊食lunch, 個間餐廳d嘢真是幾好味,
佢地兩個都話呢間餐廳d嘢食幾好味, 哈哈 . . . 我無介紹錯呢？
ivan話個沙拉最好味, yeah . . . 我都同意 . . .
patrick換左新眼鏡, 所以我地今曰食飯的話題是眼鏡, 激光手術 . . . 
哈哈 . . . 佢地兩個講埋的笑話都幾攪笑, 可能其他人會覺得呢d笑話唔好笑,
但佢地講個陣時加上個種氣氛, 的確令人好想笑  
所以今餐飯都食得好開心吖 . . .

今日屋企做節, 阿媽叫我今日唔好約人出街, 於是我今日好乖乖留係屋企,
原本諗住唔出街, 就可以遲d起身,
點知今朝一早就要去拜阿公, 拜完阿公之後,
就去左深水埗飲茶, 飲到三點幾, 就同舅父, 表妹和表弟行黃金,
行完黃金之後, 又去左鴨療街行左一陣, 之後就走人, 返到屋企己經六點幾,
等左一陣間, 就開飯啦!!!
食完飯又無嘢做, 於是就放 "見鬼10" dvd 黎睇, 我覺得呢套戲好恐怖, 睇完都有少少驚,
但是佢又d情節都幾感動, 有d都幾攪笑,
如果好害怕睇鬼片的朋友們, 我勸喻你都不要睇呢一套電影 . . . 否則 . . .

原本諗住今日係屋企好好休息, 訓下覺同研究下整閃字,
但時間真是過得好快, 所以己經没有時間俾我訓覺和整閃字 . . .