今朝一早起身dl惡作劇之吻, 咁樣放工一返到屋企,
就可以即刻開黎睇, 唔駛再等, 哈哈. . . 我實在太心急了,
因為這套惡作劇吻實在太好看啦 . . .

今日帶左飯, 食完飯之後, 就同fanny 一起行去裕民坊,
fanny要去銀行打薄, 而我就要去sa sa買d嘢,
回公司之前, 我們還去McDonald’s 買左杯雪榚食,
因為食完雪榚, 覺得人也開心d, 可能覺得有一種忘記所有煩惱的感覺,
好似小朋友咁, 没有煩惱開心地食著雪榚. . . 這種感覺真好,
但是fanny話唔好唔開心就食雪榚, 唔係咁樣會肥死的,
哈哈. . . 我覺得一次半次無所謂啦 

今日係屋企繼續煲我的"豪傑春香", 終於睇晒啦. . . 我覺得呢碟好好看呀,
之後我就可始睇日劇"流星花園", 之前dl左, 但是一直無開黎睇,
覺得日本拍的"流星花園"無台灣拍得咁好睇, 唔知係唔係先入為主呢？
感覺日劇"流星花園", 戲裡面的演員, 一點都唔似漫畫的人物,
道時寺個頭唔是鳯棃頭, 而美作又唔是長髮負離子, 因為漫畫人物是咁,
所以覺得台劇"流星花園", 劇入面的人物真是似足漫畫入面的主角,
日劇"流星花園"入 面的f4, 我只是覺得花澤類比較靚仔, 而杉菜亦幾靚女,
所以我始終都是覺得台劇的 "流星花園" 好睇d

另外我亦dl左阿rain主演的 "這該死的愛" 和 韓劇"我愛金三順",
哈哈. . . 咁多劇集, 睇黎我都有排煲 . . .

今日放工陪小敏去觀塘廣場買 cdrw, 我們放工後, 去左apm的味千拉麵食lunch,
之後我地係apm行左一陣, 就去觀塘廣場, 順便睇吓新年去台灣的團費出左未,
只有永安出左新年團的資料, 旅行社的職員話己經有人報左新年團啦 . . .
佢話早d報名, 團費會平d
而其他旅行社則要遲多一兩個禮拜才有新年團的資料,
買完碟, 拿完資料, 我們就各自回家,
返到屋企, 未放地d嘢, 阿媽就叫我陪佢去鑽石山荷里活廣場,
今日的行程真的很緊密 . . .

今日中午終於落左樓下K-2 買左個件衫, 我想試下中碼的綠色, 但是佢中碼無綠色,
中碼只有紫色, 哈哈. . . . 覺得好似整定咁, 我同紫色實在太有綠啦 . . .
最後買左件紫色的衫 . . .

原本約左六姐妹佢地聽日返大陸, 但是三妹屋企有D事, 五妹生病,
所以我地明日返大陸的計劃也取消, 改為下個月17和18號返大陸,
覺得整人返會好玩D, 哇. . . 我下個月, 己經FULL BOOKING啦,
朋友如果想約我出街的話, 哈哈. . . 要提早預約啦. . .
我的行程己經排到下年1月的第一個禮拜了, 哈哈. . . 真是行程緊密呀

今日放工原本約左阿六去行apm, 因為我係apm K-2 睇中左件衫, 想佢幫下眼,
因為個件衫有三種顏色, 有我最愛的紫色, 藍色和綠色,
都唔知買邊件好 , 我覺得三件都好似幾好, 但是因為我太多紫色的衫, 我唔想再買紫色啦 . . .

阿大話銅鑼灣champion, puma . . . 開倉, 想去睇, 因為佢想買件champion的衫,
於是我地今日就無去到apm, 而去左銅鑼灣的時代廣場,
我地七點半先上到去, 阿大搵到佢想買個件衫, 但是無佢想要的顏色,
而我呢. . . 睇到一對puma的波鞋好靚, 我試著左之後都ok, 原本諗住買,
但是左腳個邊嗰隻波鞋唔知去左邊, 個度個d人幫我搵過, 但都搵唔到有我要嗰個size,
最後八點鐘, 個度要關門, 佢又幫我搵唔到我想要的size, 我只好放棄了,
我覺得個隻鞋波真是好靚, 哈哈. . . 因為元暢都是用puma, 所以我都想買對puma的鞋,
哈哈. . . 睇黎我己經中左元暢的毒, 而且好深添 >"<

之後我地就去左kfc食嘢, 食完嘢, 我們就去行化妝品專門店,
阿大係dhc買左支香水, 而我就是卓越買左支潤唇膏, 阿六就買左支唇掃和裝香水的瓶,
之後我地幾個就去左sogo睇嘢, 最後行到sogo關門, 我們才離開銅鑼灣 

今日開始睇阿玉借俾我的韓劇 "豪傑春香", 一開始是古裝版, 我睇到都不太感興趣,
但是過一會兒就轉返時裝, 哈哈 . . . 都唔知發生咩事, 見到係時裝才繼續收看下去,
d碟好清, 好似睇緊正版咁, 我覺得呢套劇有點似 "浪漫滿屋", 不過呢套劇好好睇,
睇到第五集和第六隻的時候, 己經不停流眼淚, 個故事太感人了,
睇完一隻繼續想收看下一隻, 睇到12點幾, 開始覺得隻眼有點累,
於是就去刷牙, 看到鏡中的自己, 那個超大的黑眼圈又現形, 好恐怖吖. . .
所以都唔好睇咁夜, 訓覺先得, 如果唔係個黑眼圈越黎越大就幣家火,
個男主角和女主角都是 帥哥和美女, 呢套劇超正, 我誠意推介,
如果喜歡看 "浪漫滿屋" 的人, 我相信佢地也一定喜歡看這一套劇,
諗住返大陸個時, 睇下有無呢套碟買, 因為用電腦睇實在睇得太辛苦了. . .

今日同阿雞慶祝生日, 我地晚上去左易牙妙手食飯,
食完飯, 我們就去影貼紙相,
影完貼紙相, 我們就搵左一間茶餐廳飲嘢和聊天,
我地係茶餐廳逗留差不多兩個多小時就離開, 各自歸家了. . . .

係茶餐廳我們遇到一件趣事, 莫石吸煙, 佢點起火後,
個waiter就拿起個煙灰缸站係佢後面污低身唔出聲, 我同阿玉就發現呢個騎呢的人,
之後莫石也發覺這人的存在, 佢另轉身同個waiter講, 你放低個煙灰缸得嫁啦. . . .
之後我地話個個人有無攪錯, 因為莫石剛剛點起枝香煙, 應該没有煙灰跌落地下, 而個個人就係點在後, 就即刻企係佢後面, 覺得驚死我地整污衊佢間餐廳咁,
我覺得佢企起莫石後面擺嗰個post好攪笑

之後我們傾傾下講起黃錦珊同學結婚的嘢, 因為雞皮個日係做姐妹的,
雞皮話個新郎哥同伴郎好似出黎行, 而新郎哥的爸爸都是出黎行古惑,
仲是擺酒個日臨走之時發生血紅事件, 真的不吉利,
雞皮話黃同學將佢結婚個日所影下的相都俾左雞皮, 我見雞皮下次帶出黎俾我地睇,
到時就會有d清楚的相睇了,
我問雞皮知唔知道黃同學在哪裡拍婚妙相, 因為可以將唔靚影到咁靚,
佢話原來係新郎哥的爸爸識人, 搵熟人同佢影所以先影到咁靚,
所以雞皮話黃同學執到 . .  .

今朝早勁繁忙, 勁多嘢做, 做到我好蚊 ,
首先大陸的船公司打電話黎問我點回覆客人的EMAIL, 第二就是被銀行煩住晒,
第三就是馬尼拉今日裝櫃, 又話無提供counterbalanced fork-lift truck俾佢, 佢拿唔到櫃,
第四, 就是我阿頭(fanny) 叫我幫佢同個客講, 要amend份LC俾我地,
一個早上就是被呢D嘢煩住晒, 做到勁蚊, 呢個又話急嗰個又話急,
我得一對手點可以同一時間完成俾你地呀. . . 最煩就是馬尼拉出貨的嘢, 它令我好不爽,

中午同PATRICK落去樓下APM的美食廣場食飯, 佢原本話要去裕民坊個邊食,
但是我行動不方便, 所以唔想走咁遠, 我想係樓下食, 唔想俾隻腳太累, 令個粒嘢增大,
食完飯, 我就去左TRENDYLAND到睇下有D咩公仔,
哈哈 . . . 因為我真係好想要隻公仔陪吓我, 俾我攬吓, 於是我就買左兩隻公仔,
其實我係想買一隻公仔陪下我, 原本我只是想買豬仔,
個隻豬仔做緊特價, 好平69元, 不過好細隻, 諗住豬年的人緊是買返隻豬仔陪吓,
但是另一隻公仔POOH, 好大隻好好攬好舒服, 我都有D想買,
於是佢話我買兩隻的話, 有好多嘢送俾我, 有新天地的攝影禮卷, 20元現金卷, 一套MICKEY MOUSE的茶具, 真是好多嘢送, 哈哈. . . 於是就買左兩隻公仔返屋企陪我啦 . . .

   hi . . . 大家好, 我叫大寶

  hi . . . 大家好, 我叫小寶

今日我行路好慢, 有d柺柺下, 當好痛 的時候, 我就會停係到, 休息一會兒,
被同事發現我腳痛, 中午同fanny出去食的時候,
佢問我隻腳係唔係好痛？係唔係個傷口仲未好？
我同佢講左個醫生割漏我腳班底個粒血管瘤的事, 我有d後悔話左俾佢聽,
佢聽到後, 好無同情心講左一d嘢, 我覺得個d嘢好hurt人, 都唔知係唔係人黎嫁？
竟然講出個d嘢, 佢唔鍾意我做多次手術(佢即時個樣係變左, 好唔like個隻),
話我再去做手術個時, 公司會好忙, (心諗有幾忙？四月公司都無貨走, 個段時間咪又係返公司坐)
佢叫我如果做的話, 最好係新年做, 因為年初一至年初六, 有6天假期,
個時人人都要放假, 又唔影響公司的日常運作, 又唔影響其他同事,
如果復活節去做手術的話, 得4天休息, 我頂頂頂頂 . . . 這是人講的說話來的嗎？
我同佢講我都時諗住請假扣大假, 佢即時無聲出,
一點同情人都無, 只是顧著自己,
我心諗如果唔係因為隻腳的問題, 我過左新年就走, 鬼留係呢間公司咁耐呀. . .
一個有病的人, 是意志最脆弱的時候, 佢竟然講咩呢d唔係人講的說話,
我覺得我公司的同事好無情, 係非常之無情,
個時我入左醫院, 都無話打過電話黎問候我, 更加唔駛旨意佢地會黎探我,
我好記得個時我訓係醫院, fanny打電話黎問我公司的嘢, 佢收左封email, 唔識用英文點回覆,
我就係醫院幫佢完成封英文email . . . 我係呢間公司做左咁耐, 咩都心淡啦 . . .

因為之前訂做的鞋墊唔啱, 所以今日放工約左彭生7點整鞋墊,
由於今日老闆唔係公司, 所以可以準時6點半收工, 然後即刻趕去銅鑼灣,
彭生睇過我隻右腳, 佢覺得我腳班底個粒嘢比之前大粒左, 同埋右腳有點腫,
佢話個粒嘢的面積範圍大左, 好似附近有多幾粒, 佢認為我應該去做多次手術,
佢同我講一d做手術的笑話, 係真人真事來的, 但是我一點也覺得唔好笑 ,
佢替我不值, 認為我去私家醫院做手術, 應該是得到最好的服務,
宜家仲要做多次手術, 好唔值, 佢覺得我個主診醫生好唔掂,
佢話個醫生做錯嘢, 是可以掉銷牌照的,
我今日真是好down, 搭地鐵返黃大仙的時候,
我雙眼不斷眼有淚光, 我差點真的忍不住 哭了出來,

拿完鞋墊就去winnie屋企幫佢整d嘢, 因為佢最近買左一部新的手提電話,
怛是佢唔識點樣係部電腦過歌落去手提電話到, 於是我就上佢屋企教佢點用,
我地約好係黃大仙廣場食完飯, 才上佢屋企,
教完佢點用後, 我就幫佢係msn space到整埋個留言版, 整完佢就送我去搭車,
行去搭車的途中, 我右腳好痛 , 我行唔到, 我休息一會兒才繼續行, 而winnie就係我隔離扶住我,
winnie都認為我要去做多次手術, 因為佢話痛的話, 做多一次手術都没有辦法. . .

我好想買一個好大的公仔, 我好想攬住隻公仔, 抱頭痛哭, 我好想將唔開心的嘢講出黎,
咁樣我的情緒會好過d, 唔好屈住屈住, 我覺得我此時是需要一隻公仔,
我覺得我真是遇人不淑, 攪到宜家隻腳咁, 所以我覺得以後每做一件事都要三思而後行,
唔好衰一時的衝動, 如果我個時好小心去搵一個好醫生, 我就唔會攪成宜家咁,
所以朋友們你們要三思去做每一件事, 唔好即時作出決定, 要仔細考慮 . . .

右腳的腳班底仲有一粒血管瘤, 宜家每日都痛, 我覺得仲衰過未做手術前,
以前未做手術前, 隻腳只是偶爾痛, 但是我現在每天都痛, 我真的覺得有點兒辛苦 ,
呢幾天再想, 我到底好唔好去再做多一次手術呢？. . . 好煩,
攪到我無咩心情 , 我爸爸話我腳班底個粒血管瘤好似大左, 我望望下, 都覺得粒嘢大左,
爸爸話做完手術後個粒嘢好細粒, 宜家個粒嘢望落去, 好似比之前大左,
我真是覺得行路好辛苦. . . 我諗我都唔會買boot, 我唔想粒嘢越來越大粒,
我只希望我隻腳唔痛, 我就會好開心,
為左腳班底個粒嘢著想, 我唔會胡亂買鞋, 我諗我隻腳只識合買一d 跑步型的波鞋,
唉. . . 真是羡慕d人可以著高跟鞋, 薄底的波鞋, boot . . .

放工之後, 我就立即去睇中醫, 因為隻腳有點腫和痛,
希望睇中醫可以幫我去腫和減輕腳部的痛楚啦. . .
個中醫話可以飲中藥幫我減輕腳部的痛楚 . . .
睇完中醫, 就等埋細佬放工, 一齊食埋飯才返屋企

中午食完飯, 落樓下的apm行, 點知行行下chris打俾我, 問我宜家係邊？
我話宜家係apm行緊, 跟住佢話佢都係apm, 之後佢就話黎搵我 ,
個時1點48分, 佢仲未食飯, 於是我就陪佢去左美食廣場食飯,
差唔多兩點, 我就返公司,
佢同我講"家慧和她的男朋友散左, 問我知唔知呢件事", 我話唔知, 佢無同我講,
講講下, 佢又問我阿大的嘢, 我覺得佢約我出黎, 純粹都是問阿大的嘢,
我己經不斷 轉第二些話題, 點知佢都係轉返回阿大身上,
話未識就無左, 真可惜, 我覺得佢真是好煩, 佢問我, 阿大宜家同佢男朋友點呀？
我話佢地好好, 我話阿大覺得呢個男朋友好適合佢, 阿大己經認定左呢個男仔了,
我話如果佢真係好想識女仔, 搵女朋友的話, 不如上網識, 佢又話唔得,
咁我叫佢去個d聯誼會都識, 一定會搵到的, 佢話個d係30年歲個d人先會搵呢d幫手 ,
我猛咁叫佢上網識或者參加聯誼會, 之後佢就問我另一個fd的嘢,
呢個fd係我的中學同學(阿玉), 佢地原本唔識,
是因為阿玉屋企部電腦壞左, 所以佢上去阿玉屋企幫佢整電腦才認識的
佢問我最近阿玉點呀？我話佢最近屋企部電腦整返好,
跟住佢話我 九唔搭八, 佢話佢有時見到阿玉online都會hi阿玉

返到公司, 我同阿玉係msn講返呢件事, 佢話唔係掛, 佢有點擔心佢下一個目標就是自己,
因為佢讚過阿玉幾靚女, 幾省鏡, 嘻嘻. . . 阿玉, 你要小心d啦 . . .
阿玉同我講, chris之前係msn問佢一個好攪笑的問題, ”點解成日都唔見我online?”
阿玉話我好忙, 所以咪見唔到我online, 好彩之前同阿玉單聲先, 如果唔係俾佢知道我block佢,
真係未見個一個男仔好似佢咁煩 . . .

早上同阿媽落樓下食早餐, 阿媽話我右腳有點腫 ,
而右腳腳址尾個舊骨紅左, 有點痛 , 我諗可能係昨天試個對波鞋的關係, 整到我隻腳咁,
嗯. . . 昨天阿三叫我考慮唔好買住, 好彩我聽佢的建議, 最後無買到個對波鞋,
唔係到時買左黎唔著, 咁就真是浪費金錢啦. . .

winnie聽日返新工, 所以今日去佢屋企幫佢補補excel, powerpoint 和word,
我地約左係黃大仙廣場的McDonald’s等, 之後一起食埋lunch就上佢屋企,
教完excel的基本嘢後, 就幫佢整整佢個日記網, 因為佢想整d歌上日記網,
點知佢個日記網好有問題, 簡直是騙錢的, 咩嘢都無,
又唔可以整歌上去, 又唔可以自己upload d公仔上個日記網,
我叫佢用我嗰個日記網, 又唔錢, 又可以整d歌上網, 又可以upload d 公仔上去,
最後佢都是決定係msn開返個msn space, 於是教佢點整自己個msn space,
哈哈. . . 終於msn space開網成功 . . .
走個時, winnie爸爸叫我係佢屋企食埋飯先走, 她爸爸真的太客氣啦. . .

原本諗住教完winnie之後, 就出去鑽石山荷里活廣場買條褲,
但因為太累, 最後都無出去買就返屋企,
返到屋企, 坐左一陣, 大約五點半, 阿婆話落樓下食晚飯,
因為今日印尼d親戚黎左香港, 印尼d親戚慣左早食飯, 所以今日係我有史以來最早食飯的一晚,
估唔到我印尼都有親戚, 我今天才知道的, 我覺得好攪笑. . .
嘻嘻 . . . 咁都幾好, 唔同地方都有d親戚, 咁去旅行就會省回不少酒店費用, 真的太好啦 . . .

今日約左阿三, 阿五和阿六出旺角睇波鞋,
放工後, 我地幾個去左新世紀廣場的美食廣場食LUNCH,
食完嘢之後, 我地就陪阿五去借畢業袍, 因為佢學校明天舉行畢業典禮,
借完袍後, 我地去左波鞋街睇波鞋,
嗯. . . 有D失望 , 買唔到波鞋,
我其實是睇中左一對波鞋, 但是個SIZE唔啱, 最後都無買到,
我隻腳太大, 睇黎我都好難買到合心水的波鞋啦. . .
算啦. . . 唔緊要, 我慢慢睇, 我唔信搵唔到一對我喜歡的波鞋, 而又有我個SIZE,
行左太耐, 大家都很累, 於是我地就去食晚飯,
我地去左一間食台灣嘢的餐廳食飯, 食完飯, 行左一陣, 阿五唔舒服, 於是佢就返屋企先,
我, 阿三同阿六就繼續行旺中, 行完旺中, 我們都回家了 . . .

今日真係辛苦大家陪我去睇波鞋, 真係唔好意思啦. . .

今日有回鄉咭拿, 於是一早出去觀塘中旅社拿回鄉咭,
8: 30a .m.到左觀塘, 而中旅社開9a .m., 於是就去食返個早餐先,
食完早餐, 中旅社剛剛開門, 等左一陣, 就有得拿,
我拿到回鄉咭之後, 覺得張咭好假, 張相有d打格仔, o my god!!!!
我真是覺得張回鄉咭好假, 我見到張咭就好想笑 , 真是太假了. . .
返到公司, 我拿俾fanny睇, 我問佢覺唔覺得張回鄉咭好假, 佢話係咁嫁啦,
我話張相打格仔, 佢話張相有d花紋係到, 所以咪影得好似打格仔,
哈哈. . . 今個月返大陸就可以用新的回鄉咭啦, he he, 唔駛再用冬菇頭的回鄉證了 . . .