今日無帶飯, 諗住今日係ivan的last day同佢一齊出去食lunch,
點知老闆叫左佢出去做嘢,
所以今日只好同patrick, fanny and rainbow落去樓下的御泰坊食飯,
嘻嘻 . . . 開頭大家都無嘢講, 唔出聲, 個種氣氛好尷尬,
唔知點解patrick and fanny單獨同我一齊食飯個時好多嘢講？
但當有其他同事一齊食飯, 佢地就會變得唔講嘢, 佢地好奇怪吖. . .
(我諗可能佢驚其他同事會講返個d嘢出去掛. . . 所以唔想講咁多嘢) . . .
可能佢地覺得我係一個值得信任的人. . . 呵呵>.< 自己在讚自己>.<
最後, 都終於有d話題, 個氣氛才不至咁悶, 因為在講減濕笑話, 大家都不知笑得多麼的開心  . . .

下午, 阿ming (ivan的上司)話叫外賣糖水和買一個蛋糕返黎, 當係幫ivan攪返個farewell,
ivan和jenny落樓下apm美食廣場入面的滿記買糖水,
買到返黎公司, 我地班同事停晒手頭上的嘢, 走去meeting room一齊食嘢,
個蛋糕都幾好味, 但是d糖水我覺得唔多好味,
老闆話到時去飲raymond個餐買個雪糕蛋糕食 , 心諗唔係掛,
我覺得我老闆好似當你自己擺走咁, 喜歡做咩就做咩, 一d都唔尊重下主人家,
我老闆係一個講得出會做得到的人, 所以有d擔心個日同佢坐埋同一張枱會很丟臉的. . .
唉. . . 希望佢個日唔好俾d驚喜俾我地啦. . .
食完嘢, 緊係要繼續工作啦. . .

放工返到屋企, 食完飯, 就睇台劇“惡作劇之吻”, 睇睇下, 家慧打俾我,
想約我拿返之前我幫佢買的碟, 於是等佢放左學返到黎竹園, 我就拿落樓下俾佢,
佢問我有無其他台劇可以借俾佢睇？我手頭上只有一套"真命天女", 於是我就拿埋呢套劇俾佢,
"真命天女"真是好好睇 . . . yeah!!!

昨晚煲台劇 "真命天女", 煲到差唔多兩點, 所以今日很累,
訓到八點幾, 阿婆叫我起身, 她話 "夠鐘啦 . . . 仲訓, 你返工要遲到啦!!!",
好彩我仲記得今天是星期天, 我對婆婆說今天是星期天, 不用上班的 . . .
於是再訓過, 點知訓唔著 . . . 唉 . . . 好無奈 ,
於是起身再追我的真命天女, 我今日終於睇晒真命天女啦 . . .
真命天女好好睇呀 . . . 睇到我都忍不住流淚 ,
呢套劇d男主角好帥吖 . . . 由其是係梁正浩和蕭亞為,
我覺得梁正浩有點似王合喜, 由其是側面真係好似王合喜的,
開頭個幾集真是覺得好悶, 睇到第七集之後, 就非常好睇, 忍不住會繼續看下去,
用左三日時間睇晒, 真的太好了, 個結局好好, 都幾滿意個結局,
真命天女電視原聲大碟個d歌好好聽, 嘻嘻 . . . 我己經dl 晒黎聽,
呢套劇真是好好睇, 不過要用電腦睇, 睇到隻眼到好累,
我始終喜歡用電視機黎睇, 因為隻眼無咁累, 同埋用電視睇個熒幕會大d, 睇得耐隻眼都唔會覺得太累,

晚上, 我們一家人去左九龍城廣場的pizza hurt食晚飯,
我們點左一個嘩鬼套餐黎食 (因為係萬聖節的關係, 所以d嘢食和套餐都改晒名, 我覺得佢都幾應節), 其中入面有四杯飲品,
我和爸爸都點了一杯飲品 "孔雀石綠", 因為我見個杯嘢好靚, 又藍又綠的 . . . 個杯飲品好好飲, 值得一試呀 . . .
食完飯, 返屋企睇春日啦 . . . 嘻嘻

早上返工的時候, 見到apm一早有人唱歌, 於是走去睇下,
原來係新城舉辦的“新城慈善唱k 大晒馬拉松”,
個活動由星期四個日一早直到星期日晚10點,
只要俾30元就可以上台唱歌, 就可以同DJ 或者歌星一齊唱歌
早上見到又啤梨同其他DJ, 而啤梨一班FANS陪佢係APM通宵,
哇. . .佢D FANS 真是勁 . . .

放工後, 同ivan, fanny & rainbow落樓下apm的紅螞蟻食lunch,
大家講起raymond結婚的事,
ivan 同我地講"老闆個日同我講話raymond結婚個日, 帶埋無俾邀請的同事一齊去" ,
聽完佢講呢句之後, 覺得咁都得. . . 唔係掛,
人地都無請個d同事去, 老闆就話帶埋無俾邀請的同事去(心諗宜家又唔係你擺酒, 唔係你想點就點, 如果raymond係想請佢地去飲的話, 都會派帖俾人地啦. . . )
我覺得我老闆真是有d問題的, 帶埋無被邀請的同事去, 係唔係你俾埋佢地份人情呀?
ivan話老闆個日一定會去, 因為佢話要去睇下個新娘靚唔靚?
嘻嘻 . . . 之前raymond俾過新娘張相俾我睇, 我覺得個新娘都幾靚,
rainbow問我個新娘靚唔靚? 我話個日影d相返黎俾佢睇, 到時咁你咪知個新娘靚唔靚. . .

食完飯, 同rainbow係apm行左一陣, 之後我就出左太子睇中醫 

昨天晚上 raymond (以前的舊同事) 打俾我同我傾左好耐, 之後佢就同我講佢返聽日返黎公司,
我以為佢又好似rainbow咁, 老闆叫佢返黎做, 我問佢 "咩你返黎做呀?",
佢話 "唔是, 我下個月27號要結婚了, 我聽日返黎係派請帖俾你們的"  . . .
O my god!!!睇黎我買波鞋的計劃又要延遲啦 . . . 有d 唔開心添,
人家儲左好耐的錢才可以買到波鞋, 宜家只好將儲落黎的金錢作為禮金啦 . . .
不過我都想去飲的, 因為覺得 raymond 好好人, 同佢都幾好傾, 所以無論點無錢, 我都會去的

今日早上返到公司, 我就同fanny講起昨天raymond同我講的嘢,
fanny話 "佢都唔係呢間公司做, 做咩要返黎派帖俾我地呢？
覺得佢唔係呢間公司度做, 仲要返黎派帖俾我們, 覺得佢呢個人好奇怪吖",
之後fanny就話 "死啦 . . . 無衫去飲添, 點算好？" 
---->呢頭話完人地怪, 呢頭就話唔知個日著咩衫去飲 . . . 唉 . . . 女人真是善變,
之後fanny問我 "宜家做人情的公價是幾多？因為太耐無去飲, 所以唔知係幾多",
我話俾佢聽, 宜家公價是500元,
隔左一陣, 九點半, raymond就返到黎公司, 佢去左老闆的房間傾左好耐,
之後佢就出黎派帖俾我地, 佢俾請帖我個時,
佢同我講左一句好 攪笑的嘢, 佢話記得個日帶相機 (我心諗我帶相機去影相, 好奇怪的, 因為你地到時都有攝影師, 我拿住部數碼相機出黎影相, 感覺怪怪的), 我同佢講, 我個日帶相機黎影相, 好似好怪, 佢答返我"有咩好怪啫, 我唔覺得喎", 我隔離出現左三條橫線

中午同patrick落去apm的茶薈食 lunch, 講開raymond結婚的嘢, raymond無請佢飲, 我安慰著佢 "咁咪仲好, 唔駛俾人情", 我覺得patrick係想去飲的, 可能raymond人緣太好啦, 個個都想飲佢個餐 . . .

今日rainbow又返黎公司做, fanny一早返到黎公司同我講,
rainbow返返黎公司做, 佢話昨天老闆打電話俾佢, 叫佢返黎公司做, 會加返人工俾佢,
rainbow今日會返工,
中午食完飯個時, 我問rainbow "昨天老闆打電話俾你, 叫你返黎公司做呀？",
rainbow話老闆昨天打去佢屋企, 佢個時唔係屋企,
佢阿爸聽電話, 老闆就同佢阿爸講搵到嘢做未啊？佢阿爸都唔知我地老闆搵邊個,
因為rainbow有幾位兄弟妹, 所以佢阿爸都唔知佢搵邊個, 佢阿爸又肯答我老闆個下先攪笑,
佢阿爸就話佢唔係到, 老闆就留底公司名, rainbow返到屋企, 佢阿爸就同佢講返呢件事,
(哈哈. . . 我覺得我老闆同rainbow個阿爸的對話內容好攪笑,
個老闆仲攪笑, 打去rainbow屋企, 而唔打rainbow手提)
之後rainbow就打返電話俾老闆, 我老闆叫佢返黎做, 會加返佢人工(好羡慕, 有人工加),
我係公司最低人工的一個, 而工作量卻多過高薪的同事,
唉. . . 我係到諗, 如果我唔做的時候, 老闆話加我人工, 如果加到9000元俾我,
我會心郁繼續留係呢間公司多一會, 因為人工實在太吸引了,
但是如果係呢間公司多留一會, 我怕我出到去會唔適應新的工作,
我個心真的好矛盾, 不過到時先算啦. . . 如果佢加我人工的話,

今日fanny好攪笑, 佢問我"係唔係你攪大左個冷氣？",
佢覺得好冷, 大風左, 但是我個刻真是覺得唔凍(唔通我抵抗力好左 . . . 嘻嘻)
咪傻啦. . . 我先唔會攪大個冷氣, 我平時凍得要命,
係公司仲要著好多件外套, 我邊到會開大個冷氣啊！
佢話唔係你開大？咁係邊個開大左啊？(佢的語氣係懷疑我???佢覺得係我開大)
之後佢就走去關左個冷氣, 返回佢自己個位時, 佢同我講, 原來個冷氣一早關左,
點知佢隔左一陣, 開返個冷氣, 仲要開埋風扇, 我頂 . . .
你之前又話好凍, 好大風, 點知隔左一陣去開冷氣和風扇, 你係唔係有d問題呀？
我覺得我公司d同事真是好奇怪吖. . . 好恐怖吖. . . 都唔知係咩人黎嫁 . . .

今日差唔多臨收工的時候, 老闆叫fiona入佢房,
fiona出到黎同fanny講, 剛剛老闆炒左佢, 叫佢返埋今日, 聽日唔駛返工,
fanny之後再同我講返呢件事,
fiona唔係呢間公司做, 我一定會悶死的, 好唔捨得佢走 呀. . .
後來, fiona係厠所同我講, 老闆同佢講, 佢唔符合我地公司的要求, 返埋今日唔駛返,
佢講講下, 眼有淚光, 我見佢忍著淚水 , 佢話未試過俾人炒, 今次係第一次,
佢好傷心和唔開心, 我只好安慰著佢, 因為佢之前返左幾日工, 佢就同我講想唔做,
我咪話宜家公司幫你做左個決定, 唔駛咁煩, 因為佢星期一放工後, 係觀塘工業中心大廈見工,
個間印刷公司即刻請左佢, 叫佢星期三返工, 即是明天, 佢都諗緊做唔做個份工,
佢今日中午仲同我講, 我地個層第二間公司叫佢聽日去interview,
個間公司就係我地隔離, 真是好巧,
佢原本都擔心在放工時間去隔離公司見工, 會撞到我地公司d同事或者老闆, 始終無咁好,
宜家都唔駛擔心呢個問題, 希望聽日隔離個間公司肯請佢啦. . .
因為隔離公司d條件好好, 攪到我都想去隔離公司到做,
隔離個間公司返九點放五點半, 星期六長短週, 我平時見到個間公司五點幾己經關晒燈,
隔離公司真是幾好, 仲要大過我地間公司,

如果我係fiona, 我都會好傷心, 因為未俾人炒過, 心一定會有 唔開心,
我諗如果我係佢, 我都會忍不住流淚,
佢同我講, 佢唔明佢無做錯嘢, 點解會俾人炒？佢話個時好想問我老闆,
佢話想問老闆, 點樣先算係符合公司的要求呢？但最後都無問到老闆,
我覺得唔好問會比較好d, 因為如果佢想炒你, 老闆會用任何一個理由炒你, 所以我覺得問黎都無用, 我覺得如果佢真是問左老闆, 到時的氣氛仲會好尷尬 . . .  

中午食完飯, 我就打俾陳杏儀約佢搵日出去食lunch,
點知佢話呢幾日都好忙, 都唔知幾時先得？我叫佢得閒先打俾我, 再約食lunch的時間,
佢問我搵佢食飯, 係唔係有嘢同佢講或者有咩事？
我話幾位姐妹諗住12月去燒烤, 想問下你有無興趣一齊去bbq？
佢話佢有好多fd都係12月生日, 唔知到時得唔得, 佢問我12月幾多號？
如果我無記錯的話, 好似是12月的第一個禮拜,
佢話點解d行程咁密, 因為剛剛踏完單車無幾耐, 宜家又話去bbq,
我就解釋話因為上次無燒到嘢食, 所以咪再攪多次bbq,
我同佢講, 如果你到時想去bbq的話, 就打電話俾我,
跟住我就問佢, 踏完單車個幾日有無痛, 佢話佢踏完單車第二日, 就開始腰痛,
佢開頭以為呢d係好正常, 因為太耐冇做運的原故, 呢幾日肋骨就開始痛,
我問佢之前唔係腰痛, 點解宜家會肋骨痛？佢話踏單車個日撞到,
我問佢踏單車個日佢俾人撞還是你撞到人？佢話兩樣都無. . .
佢話呢幾日都睇醫生, 又睇西醫又睇跌打, 睇笎跌打, 條肋骨仲比之前痛,
我叫佢唔好再睇跌打,
因為d肋骨無事都變有事, 咁樣俾d跌打師傅”卒”, d骨唔碎都俾佢”卒”到碎,
我話咁嚴重, 不如去照x光, 佢話睇下呢幾日點先, 我話如果痛就唔好再拖, 咁樣手尾仲越長,
佢話因為呢件事俾阿媽罵到飛起, 點解踏單車都會踏成咁？
之後佢就同我講佢宜家好似老人家咁樣, 要好少心,
我叫佢好好休養, 唔得就要快d去睇醫生, 唔好拖. . . 希望佢無事, 快d好番啦 . . . .

今日放左工, 諗住出太子睇中醫, 因為覺得睇完呢個中醫, d臉色好左好多,
覺得飲完中醫的藥, 成個人感覺好好多, 宜家個肚好似摸唔到硬嘢,
yeah . . . 我真的好開心 , 因為之前個中醫話試下用中藥幫我打散粒嘢, 宜家真係得左,
所以現在超開心吖 . . . 我宜家都無咩點理個肚, 個肚只是偶爾一兩次肚痛 ,
希望繼續飲中藥, 可以幫我減少肚痛的次數,
呢個中醫真是好多人睇佢, 我誠意推薦呢個女中醫, 一句 “超掂”,

睇中醫前, 先同fanny落去apm紅螞蟻食飯, 食完飯, 我就立即去太子,
因為如果晚了去哪兒, 就要等很久才可以看中醫,
上到去等左一陣, 好快就有得睇,

睇完中醫之後, 我就去波鞋街睇波鞋, 因為我想買波鞋, 其實我很早之前就想買,
不過一直没有時間去睇, 所以一直都没買,
我睇中左幾對波鞋 (puma & nike) 都好想買, 但唔知買邊對好,
自己一個人去shopping真是唔好呀, 當自己猶豫不決的時候 , 又無人俾d意見自己,
所以我還買到波鞋呀 . . .
人家諗住買左新波鞋, 同幾位姐妹下個月返大陸, 到時就可以穿新波鞋上 . . .

死啦 . . . . 我係唔係有病呢？公司D人都癲線, 公司的冷氣己經好涷,
仲要係我座個位附近開風扇, 超凍呀 . . . 吹吹下, 我不斷打 ”黑痴”, 之後開始肚痛 ,
我己經帶左三件褸放係公司, 我著左二件褸和一件T-SHIRT, 一件褸就遮住隻腳,
部冷氣機的風口位對正我, 吹到應, 我己經帶多幾件衫放係公司, 諗住涷就拿來著,
諗住大家同事之間互相遷就下, 佢地攪大D個冷氣, 咁我咪帶多幾件衫放係公司,
D同事大過份啦 . . . 縑個冷氣唔夠凍, 仲要係我個位附近開多個風扇,
我己經凍到塊臉都白晒 , 佢地仲係咁開, 到底有冇諗過我嫁？
佢地淨係識得諗自己, 你地到底有冇諗過坐係風口位下面的我呢？
我又唔可以搵D嘢封位個風口位, 因為咁樣又俾老闆話,
我一直只有死忍和帶多幾件衫返公司著,
我覺得我著咁多件衫好變態, 自已好似好誇張咁, 我都唔想著咁多件衫,
我覺得我公司的坐位不利於我, 坐左呢個位之後, 就成日病,
得閒要執下公司個位, 擺返個風水鎮先得,
今日個肚痛到好犀利, 於是我忍無可忍 , 我關掉冷氣機一會兒, 成個人都開始曖返,
個肚亦開始無咁痛, 其中我亦有飲D熱水, 個肚先至好返D,
死啦 . . . 我都唔知係唔係有病, 我宜家好怕凍, 冬天點解好呀？夏天你唔好走呀 . . .

今日中午fiona陪我去 McDonald’s 食, 哈哈 . . . 因為今日換邪流丸印章,
所以我今日要去McDonald’s 食開心樂園餐換公仔,
原來邪流丸印章個個公司佢識得變臉, 好得意呀 . . . 超攪笑 . .  .
想換邪流丸印章的朋友仔, 記得快d去換啦 . . .

今日朝早有份文件入bank, 我宜家開始多嘢做, 因為開始走貨啦 . . .
我諗住等一陣有同事去開銀行, 幫我入埋, 我交地左俾jenny, 之後隔左一陣,
佢大聲話"阿wing, 你個份入bank文件, 我叫 ivan幫你入" . . . 我有冇聽錯呢 ？ivan???
我即刻係個位企左起身望向ivan坐的位, 我見到ivan,
我真的冇聽錯係ivan, 幾驚我的撞聾程度嚴重左, 好彩唔係我聽錯啫 . . .
之後ivan佢幫我出去入bank, 但是我好好奇, 點解佢今日仲返黎的???
佢出去bank個時, 打電話俾我同我講點解佢今日仲返工的原因,
原來阿ming (manager) 唔知佢昨天係最後last day, 亦唔知ivan唔做,
因為阿ming去左廣州的廣交會個幾禮拜, 而大老闆又無同佢講ivan唔做的事,
於是昨天阿ming返黎香港, ivan揸車去接佢的時候, ivan 同佢講今日係佢的last day,
阿ming先至知佢唔做, 於是阿ming問公司又冇幫佢攪farewell？
ivan話只是同d同事出街食飯farewell, 於是阿ming同ivan 講叫佢做埋今個月,
所以宜家ivan要返到月尾, 佢同我講話好唔開心, 因為原本諗住今日唔駛返工,
諗住原原全全得到解脫, 點知 . . .

我覺得阿ming應該會幫ivan係公司攪返個farewell party,
不過都係中午叫外賣返黎公司, 全部同事一齊吃飯, 無咩特別,
之前rainbow走的時候, 公司都無幫佢攪farewell, 佢就係咁靜悄悄的離開呢間公司 . . .
我聽人講好多公司, 如果有新人係第一天返工, 個間公司會請全部同事一齊出街食飯,
而嗰個同事唔做的話, 會幫佢攪返一個farewell,
我覺得我間公司好奇怪, 無呢d咁的嘢,
唔知我走個日, 公司又會唔會為我攪返一個farewell 呢???

今日係Ivan的last day, 所以今日無帶飯, 同佢同埋fiona中午一齊去景福酒樓飲茶,
食飯個時, 大家都講公司的嘢, fiona同我講話佢想唔做, 因為無人教佢做嘢, 佢好驚,
因為佢之前做個份工, 都有其他account教佢嘢, 而且佢之前個份工, 只是負責一部份的account,
宜家黎到呢間公司得佢一個account, 而且又是做晒全盤數, 佢唔識, 加驚和做錯嘢,
佢覺得我老闆請人請得好倉促, 佢話佢都唔駛等通知, interview個時就請埋佢,
我同ivan俾佢的意見就係如果覺得呢份工唔適合自己, 就應該考慮係唔係繼續做？

我同ivan講”你就好啦!!!明天得到解脫 . . . “
fiona聽到之後, 佢話我地點解講到呢間公司咁恐怖 ,
我話你係呢一間公司做一排, 就會明白我地講咩嫁啦, 每一個員工入到黎, 到走個時, 每一個員工都有著這樣的感受- 『唔做個刻會有一種解脫的感覺,。』
ivan就解釋俾fiona聽, 入到黎呢間公司就好似坐牢咁, 下下俾人監視, 没有自由, 當離開呢間公司, 就好似放監一樣, 獲得自由, 得到解脫, 身心都會釋放, 個種感覺係多麼的開心。Ivan話你係呢間公司做一排, 就明白我們現在的感受. . . 我覺得ivan形容我們的工作環境非常貼切, 佢的形容簡直可以好容易講出我們宜家的心聲. . .

嘻嘻. . . 今日同fiona 講開, 完來佢大我一歲, 我同佢講我覺得我們的年齡應該差唔多, 所以同佢都幾好傾, 我都好希望佢係到繼續做, 咁我就無咁悶, 如果佢唔做, 我會有d唔捨得佢, 因為覺得佢係一個幾funny 的人. . .

之前個account (rainbow)做埋昨天就不用上班, 而今日有個新account(Fiona) 黎返工,
Fiona同我一樣大, 我覺得佢好funny, 都好可愛,
佢今日要傳真一份嘢俾人, 佢對住部傳真機講 "你開fax機呀", 當場d人都呆在 望住佢,
因為通常我地叫人開傳真機, 係會打電話叫佢開,
而唔係企係部傳真機面前叫大叫 "喂 . . . 你開傳真機", 所以覺得呢個account都幾funny,
於是我地同佢講, 要fax嘢俾人要打電話同人地講, 叫個d人開傳真機,
佢做呢份工之前, 係其他公司做過一年的嘢,
一定會有用過傳真機, 但是我真是未見過人地咁叫人開傳真機, 所以覺得佢好funny,

今日中午無帶飯, 同ivan & funny的account去左apm的御泰坊食lunch,
funny的account問左我地好多呢間公司的問題,
唔知係唔係打探多d公司的消息, 再決定係唔係繼續留係呢間公司？
唔知呢個account會做幾耐呢？
因為我地公司盤數好亂, 所以個個account黎到我地公司都做唔長 . . .

中午食完飯, 去左觀塘廣場幫個家慧買孫燕姿的CD,
家慧話觀廣場的CD平過出面賣的, 所以叫我幫佢睇吓觀塘廣場個度買幾錢,
上到最頂有兩間買CD的舖頭, 一間買78元, 一間買75元, 價錢相差無幾,
於是我再打俾家慧駛唔駛幫佢買埋, 佢話又咁多嘢送, 叫我幫佢買埋,
買完碟後, 時間有早, 於是我係觀塘廣場行左一陣,
我入左一間文具舖睇嘢, 見到一個大口仔的公仔, 是毛巾質地,
而大口仔公仔最底(即是PAT PAT個位有個洞) 好似可以伸隻手入去,
個公仔百幾元, 都一般大, 我諗過好唔好買呢？但是佢個樣又唔多靚,
我只係覺得呢個公仔係毛巾質地幾好,
哈哈 . . . 我最後都係無買到呢個公仔,
我諗住第時睇啱先再買啦 . . .
因我仲有好多公仔都想買, 大口仔, XO, Melody, 唐老鴨, 同埋winnie the pooh 個隻豬仔 . . .

今日係屋企實在太無聊 , 於是上網睇下有d咩好睇的劇集dl下來,
俾我見到有得dl台劇"真命天女", 仲是一至二十五集(全集),
於是我全部dl 下來,
但是我唔係好明台灣都未開始播, 點解網上己經有得dl,
我諗可能係大陸己經播完, 所以網上先至有得dl,
我睇完第一集, 覺得套劇有d悶 , 睇到3/4就無睇啦. . .
關了電腦一會兒, 真是太悶, 於是又開返電腦, 繼續睇埋餘下的1/4,
我好好奇呢套劇係唔係第二十五集就做完呢？於是我開了第二十五集黎睇, 我是咁飛黎睇,
我見到有d情節都幾好睇, 於是我就繼續睇第二集和第三集,
宜家睇睇下覺得呢套劇都ok啦, 我諗可能情節越後越精采,
嗯. . . 我會好努力煲呢套劇 . . .

今日無帶飯, 中午同ivan去左椰林閣食飯, ivan今日同我講佢己經辭職了,
佢係上星期六辭職的, 原本係做埋呢個星期六就唔駛返工, 但老闆叫佢做到下個星期三,
下個禮拜有兩個同事都唔做, 離開公司,
ivan唔做, 有d唔捨得佢 , 因為同佢都幾好傾, 佢好好人,
見到咁多同事都一齊唔做, 攪到我到好想唔做呀. . .

今日超多嘢做, 不斷係咁對提單, 找錯處, 攪到隻眼辛苦,
今日做嘢做到我好"蚊" , d提單draft不斷係咁錯, 對左一個下午, 改完又錯, 改完又錯,
因為我批貨係走空運, 所以只是寄空運的提單copy給客人就可以,
因為我對完空運的提單的內容無錯後, 佢就可以將內容print 係正式的提單上,
然後在提單上蓋章再email給我們就可以, 我到時再係email個度print 返出黎寄客就得,
因為批貨係今日機, 所以我要將正本co, copy的awb和其他文件一齊寄給客人清關先,
點知佢改黎改去都唔啱, 改到最後下午6點幾, 佢話佢要放工, 有咩事就星期一返黎先攪,
個時我真是好激氣, 做到我好“蚊”, 我件文件都趕唔切今日寄給客人, 我只是將正本的co寄出給客人清關先, 因為客人只需要正本co就可以清關先, 其他文件遲一點寄出也没有太太的影響,

放工個時, 我己關了電腦, 背上背包, 離開我個坐位時,
突然阿頭叫我唔好走住, 我頂 . . . 佢叫我幫佢履埋封英文email先好走,
我今日放工約左細佬食飯, 佢己經等我等得不耐煩, 問我幾時走得？
於是我同佢講攪埋少少嘢就走, 我今日真的很不爽吖. . .
人地關左電腦, 離開個時唔俾人走, 我己經做好我手頭上急的嘢, 佢竟然拉住我, 唔俾我走,
我原本之前心情都不是太好, 因為改提單改到我好"蚊", 諗住快d做晒d嘢, 快d返屋企休息下, 讓自己放鬆下, 我覺得心情不是太好的話, 最好就將d嘢放埋一邊, 讓自己冷靜一下, 宜家仲唔俾我走, 我真是無咩心情同佢履, 加上佢叫我幫佢履email的態度又唔多好, 咁叻自己履呀. . . 笨. . . 唔識求人, d態度又唔好,
阿頭叫我張個段英文寫係張紙俾佢就得, 再由佢自己send email出去,
我問阿頭可唔可以聽日返黎先幫佢寫, 佢話唔得, 一定要今日, 好. . . 我忍. . .
於是我就係走之前同佢完成篇英文作文, 我都唔知佢點做阿頭, 英文又唔得, 普通話又唔得, 佢呀. . . 做錯嘢又唔肯認, 專屈我幫佢食死貓, 佢d普通話屎到死, 佢d普通話全部都是廣東話音, 只是將個句說話轉為文言文, 例如我叫他回你電話(係用廣東話講呢句說話), 同d大陸supplier溝通唔到, 又叫我幫佢同d廠講, 大佬我都有自己的嘢做嫁, 邊到做到咁多呀. . . 你份人工俾埋我好唔好. . .
d英文email全部都係我幕後代佢履, 普通話又是我代佢講, 總之阿頭咩都大晒啦. . .

P.S. 今日又有有關C先生的事, 佢今日做左D嘢令我好驚訝. . . 仲有D恐怖吖 (有興趣知道的話, 請到我MSN 的SPACE觀看