老闆今日成日都不係公司, 所以今日好鬼 free . . . 呵呵 ,
非常得閒, 有無嘢做, 等我上黎寫返篇日記先,
今日早上莊醫生打電話俾我, 佢話份驗血報告出左,
證實没有肝炎, 佢話如果食左 d 藥都唔得的話, 就要再上去覆診,
到時再安排入醫院 check,
其實我覺得食左佢d藥好左少少, 不過宜家食完飯, 個胃無咁脹,
不過食嘢落去個時, 我唔知係個胃定係食道刺痛, 仲之覺得痛,
我諗住如果情況再好少少的話, 再轉返睇中醫,
希望快d好返啦 . . .

昨天有個新人來上班, 今日己經唔見佢的踪影了,
我想佢己經頂唔順, 所以無做啦 . . .

下午的時候, 有人來見工, 咁樣就證明我的推斷無錯了,
昨天那個新人無做了, 我相信都好難有人頂得順哪個位了 . . .  

今日有個新人返工, 是請之前 carmen的位,
個病也是老樣子, 所以下午請假去看 bovia 介紹我睇的莊醫生,
之前我都有搵過佢睇隻腳, 佢係一個有醫德的醫生,
我預約了下午4點, 我1:50分就離開公司, 之後就走了去書局逛,
逛到2點幾, 我就搭地鐵去銅鑼灣睇莊醫生,
莊醫生開了一些藥俾我, 佢話如果食完 d 藥都唔得的話,
就要入院照, 我宜家唔擔心個病, 只驚到時我有事時, 老闆個邊的臉色會很難看,
因為我今日同佢講下午請病假的時候, 佢有些不悅,
如果今次有咩事, 我到底好唔好辭工先, 安心養好過病呢？

個病還是老樣子 . . .

今日繼續追看韓劇 "宮", "宮"這套韓劇是在韓國最高收視的,
"宮"是拍自韓國的漫畫 "我的野蠻王妃", 阿玉同我講 "宮" 還會開拍第二輯,
真的令人很奇待第二輯, 因為這套劇真的超 好看, 拍得住 full house,
很多謝阿玉銷左一d "宮" 的 ng 片段給我, 真的非常感謝玉,
我覺得我睇左幾套韓劇後, 己經認識多了韓國的演員和明星,
"宮" total有24隻, 我每睇完一隻, 就簡真很想追看下一隻,
睇黎我會很快睇完 "宮"

今日要拋家中的組合櫃, 所以要在家中執拾,
執返 "誰搬走我的乳酪"一書, 執完嘢後, 我看返 "誰搬走我的乳酪一書",
令我得到一些新的啓法, 睇通左一d嘢,
個本書有好多都講得好啱, "恐懼只會令情況更糟",
"真實的情況没有比想像中的情況糟",
"改變帶來的恐懼, 只會是一段時間會遇到困難, 過了這段時間就可以找到你的乳酪" 
我覺得勇敢面對才是最大的難處, 但是我睇完這本書後, 覺得好大的勇氣,
我唔怕我宜家個病, 我真是想快d尋找方法去醫返好最近個病,
即使是什麼？我都會接受, 我覺得我好似上年決定去做手術一樣,
覺得我決定左的嘢, 我就會勇氣無限去面對和解決,
我覺得五月好似係我的難關一樣, 上年也是五月做手術, 差唔多一年的時間了,
最近個胃真是非常唔舒服, 我覺得反胃 , 胃部好似有d嘢壓住我咁,
我深呼吸後, 我覺得呼吸困難, 我宜家還飲緊中藥, 如果飲中藥還是唔好的話,
我會轉睇西醫, 我宜家真的唔害怕, 我只知道我很辛苦, 我根本食唔到嘢,
我食比半碗飯還少的飯, 我都要用了 45分鐘才食完, 我好鐘意食嘢,
我覺得食嘢係人生的一大樂趣, 我宜家竟然失去這種樂趣,
我想快d醫返好我個病,

大家如果有咩諗唔通, 大家也看看 "誰搬走我的乳酪", 因為佢會幫你諗通一d嘢,真是一本好書,

之後我就追看我的韓劇, 之前阿玉介紹我看這套劇 "宮", 所以我買了 "宮" 的 dvd,
睇了兩隻, 覺得佢開頭有點台劇 "流星花園" 的感覺, 不過睇了兩隻, 都覺得幾好睇,
呢套劇係攪笑的, 所以睇完都幾開心, 佢地的表情很逗笑 ,
如果你們有興趣睇的話, 等我看晒再借給你們看,
我呢排覺得d韓劇好睇過台劇, 睇完真的很想去韓國,
韓國 "你俾兩年時間我, 我一定會來的"

近排身體唔多好, 有些 唔開心, 因為真的很辛苦, 我未試過病得咁辛苦的
首先是覺得食道和喉嚨有嘢um住, 個喉嚨唔多舒服,
西醫話係“感冒性濾膜炎”,
呢幾日, 有又第二度唔舒服,
我有一天lunch 食完apm 美食廣場的印度餐就開始唔多舒服,
呢幾日唔舒服到我想哭 出來, 我未試過這麼辛苦,
我食完飯後個胃脹到很辛苦, 隔了一會兒, 我個胃才好了一點,
呢幾日, 我每次食完嘢, 我個胃都很脹, 很辛苦, 好像壓住我,
今日在寫字樓, 我感到胃部 唔舒服得要命, 於是我忍著等放工去看中醫,
呢幾日真的唔太想食嘢, 因為每次食完都非常唔舒服,
咁唔食嘢咪唔會唔舒服, 但是唔食嘢又唔得, 於是只好吃一點點,
放工就拿拿臨去睇中醫, 好彩都趕得切, 個中醫無話咩, 只開了藥給我 

點解會咁的, 病開有條路, 病跟呢樣嘢, 其他的病也連同一起走出來,
我真的很辛苦

我的天空今天有點灰   我的心是個落葉的季節
我不知道如何度過今夜     所有的燈    早己經全都熄滅

真的很想買這隻公仔陪我, 我第一眼看見這隻公仔,
己經超喜歡牠, 牠很可愛, 又漂亮, 但是這隻公仔在香港賣得很貴,
這隻公仔源於韓國, 韓國買這隻公仔會平宜多了,
我真的很想帶牠回家

李嘉敏約我星期日逛旺角, 而莫石約我星期日 bbq,
不好意思, 我都推掉你們, 因為呢排真的很手緊,
我4月份的糧己經用晒, 己經無錢出來跟你們約會了,
希望你們不要生氣啦 . . .  
覺得要用到很多錢都發生在這幾個月的日子裡, 我的錢就一下子 無晒了,
學游泳, 整牙, 買組合櫃, 付保險年費, 今年保險年費差不多九千元一年,
哇. . . 聽到要交九千元, 真的有點 擔心,
怕到時候, 不知道拿不拿到這九千元出來,
我真的要避免出街, 減少約會, 盡量不要亂買東西,
否則我的保險費則會完蛋,
做了二年半, 還是一樣窮, 諗過想找多一份兼職來做,
到底我應該要找哪一些類型的兼職來做呢？
到底有d咩兼職是平日可以做幾小時, 而星期六和日也可以做幾小時呢？
而且每小時的收入也不錯呢？這些兼職一定很難找的

我想這幾年我暫時都不會去旅行了, 雖然我是很想去,
但是我要俾我的銀包休息一下,
正如孝天所說的“給兩年時間給我, 我一定會 . . .  
(孝天是減肥成功, 而我就是再會去旅行)“,
孝天為了逹成我們的目標, 我們一齊 努力吧!!!加油哦. . .

今日老闆唔係公司, 加上我呢排無嘢做, 因為走晒貨的關係,
所以呢排都好得閒, 等我在午膳前補追我的日記先

今天早上到樂富睇醫生, 因為覺得喉嚨和食道間好似生左粒嘢咁,
但喉嚨是不痛, 只是覺得很唔舒服, 好似覺得有d嘢咁,
而食嘢和飲水都好唔舒服, 害人家很擔心 ,
所以今日諗住睇下醫生, 知道結果, 令自己放心d,
睇完醫生, 成個人也開心晒, 醫生話我是 “感冒性濾膜炎”,
這個病名真的很醫學耶, 醫生話我喉嚨和食道腫了,
所以會覺得好似有嘢 un 住咁, 害人家以為 生左d唔知咩？又要做手術,
是我想太多啦 . . . 其實己經有一排時間係咁, 但我一直無理佢,
我以為是熱氣, 才會出現這種情況, 但近排情況不是很好,
令我開始有點擔心, 宜家睇完醫生, 醫生話無事, 咁就好了,
他話如果嚴重的話, 喉嚨才會痛, 無事一切都安心了

今日媽媽休息, 所以今晚很齊人食飯, 所以我們就到出面食飯,
食飯前, 我們先到九龍灣拿返D碟, 然後我們就到深水埗食晚飯
食完飯後, 我們就去睇傢私, 因為屋企個櫃爛左, 而電視機又 short short地,
所以到了換的時候, 我負責付組合櫃錢, 而弟弟就負責買電視機,
一個組合櫃都唔平, 睇黎我呢排都會窮上加窮了,
又要學游泳, 又差不多要交保險年費, 又要整牙, 我真是 無錢了,
我諗我會減少我的約會, 希望大家能夠明白啦 . . .

復活節返大陸的時候, 買了一些碟寄回來香港,
但今次哪間公司實在 太過份了, 原本哪些貨是上個星期三到香港,
佢送來的時候, 我媽媽就帶我的婆婆去唱k, 所以就無人係屋企,
於是佢叫我們去九龍灣拿碟, 第二天我們9點去九龍灣拿碟,
點知無呢間公司的存在, 公司也没有人, 我們也没有該公司的電話號碼,
於是媽媽只好回家, 之後哪個人話一直送來我家,
但一直再推又推, 話今日送貨給我們, 點知又話唔得閒,
又時又話放左工, 唔送過來, 叫我們自己去拿貨,
之後仲過份, 又話送過黎我屋企都得, 不過要付 20元的運費,
我們當然不付啦 . . . 爸爸話佢有心送, 就會送過來的,
於是我們每天只好等

今日原本放工要去 interview, 但是 cancel掉了,
因為哪間公司的老闆有點事, 所以 cancel了今日的interview,
我想他應該是不請人了, 因為他再没有約我再 interview的時間了
算吧 . . . 反正我宜家唔急找新的工作, 因為等7月睇埋隻腳才找新工作吧!!!

今日本來成班冒險人約左 bbq, 但最後因為人數唔夠, 也取消掉這個活動,
我們改了食晚飯, 我們原本打算在太子某間食日本嘢的餐廳食晚飯,
但哪間餐廳實在太細間了, 於是我們没有在等了,
chris就帶左我們去大角咀一間食日本嘢的餐廳 (富良野) 食飯, 但我覺得個度d嘢食唔好味,
今晚的飯局真是 笑到我死, 首先有 chris 的 "小學野戰笑話", "7字的笑話",
之後我地就玩互影, 同埋擺一d騎呢的 post, 超攪笑呀！
食到10點幾, chris要趕著回家, 而我們原本諗住再玩多一陣,
但大家都唔知去邊, 於是就打算各自回家了,
而我同家慧就去逛信和, 潮特, 兆萬 和 ebase,
我們在 ebase逗留了很久, 家慧佢睇中左很多件衫和裙,
家慧試完一輪後, 終於買了一件外套和一條裙, 買完衫到 12點20分,
之後我們係旺角銀行中心見到一架 1號的巴士, 於是我們就由 ebase跑去花園街,
希望趕上這班車, 因為我們不清楚這班是不是尾班車,
我們很努力跑, 最後爭四個身位就上到車了, 我們真是爭少少就上到車了,
但是個司機没有等我們, 就開車去了, 只剩下在街道的我和家慧,
好彩還有一班尾班車, 於是我們就搭尾班車回家了,
上到巴士後, 我同家慧都很嘈, 哈哈 . . 攪到隔離的乘客都要調位坐

之前問阿玉借了一些韓劇來看, 因為她要借給她的朋友,
所以約了她今晚食飯, 順便還返d韓劇給她,

下午的時候, 三妹給了cool 牙醫生的地址和電話給我,
於是今晚食飯前, 我到了旺中看看哪個醫生是不是還在旺中幫人睇症,
發現三妹講哪個退休牙醫還在旺中,
但是哪個醫生叫“鐘”志強, 而不是“鍾”志強,
我在想到底這個“鐘”志強是不是三妹講嗰個“鍾”志強

之後阿玉黎到旺中, 我們就去了百老滙個間金太郎食飯,
阿玉今天帶了佢去日本旅行影的相給我看, 看完佢的相後,
我都很想去日本呀！她還和日本著和服的女仔一齊影相,
哪些日本女生是在酒店參加成人禮, 她們很漂亮,
她在日本迪士尼影的相好靚好靚, 哪些日本小女孩著灰姑娘, 公主和睡公主的衫入迪士尼玩, 而且還擺了一些很可愛的post, 好得意呀!!!
日本的景也很靚, 睇完佢d相後, 勁想去 日本呀!!!

食完飯後, 我們去逛信和, 我看見有台版的惡作劇之吻dvd 賣,
價錢480元, 但是佢呢期的惡作劇之吻dvd 没有ng段和幕後花絮,
加上無咩嘢送, 我比較鍾意第一期的惡作劇之吻dvd, 因為有很多嘢送,
和有ng片段& 幕後花絮,
如果真是要買呢盒惡作劇之吻, 真是要認真諗諗. . .

公司請了個新司機回來, 我今天同fanny講這件事,
fanny 話 “老闆有錢無訂駛”, 佢聽到老闆同人講電話,
話老闆豪裝屋企, 而且還用1百萬裝修,
fanny 話 “佢有錢都唔係咁樣洗, 有錢都唔加下我地人工”
我没有作出任何回應, 我在想：
“如果你真是有錢無訂駛的話, 希望今個月加多d人工給我 . . .
不過我在想, 也没有這個可能了”

今日上班了, 覺得這個復活節假期過得特別快,
咁快又要上班, 真是有d唔捨得呀!!!
由於前幾日不眠不休煲韓劇, 所以今天整個人很累

今晚DHL特約: 向世界出發, 終於介紹泰國的長頸族女人, 大耳洞的女人和整幅牙染黑色的女人,
這個節目是我奇待己久想看的節目,
今晚終於做啦 . . . 我要好好盯實電視機,
唔講住啦 . . . 我要休息一下了

呢個復活節返了樟木頭渡假, 星期六返樟木頭, 今晚才回來 . . .

過關的時候, 哪些用智能身份證的旅客很快就能過關, 條隊也很少人,
真是很想快d換智能身份證, 咁我過關就唔駛排唔耐隊,

到逹樟木頭後, 覺得佢變左很多 (我指的是地方),
而今次返樟木頭, 我有很大的收獲,
我買了三套韓劇, 有 “天國的樹”, “宮” 和 “my girl”,
當我睇到 “天國的樹” 的時候, 我覺得佢個名好似 “天國的階梯”,
而演員也是 “天國的階梯” 的小靜書和小泰錫, 原本我是無打算買這套韓劇的, 但因為係小靜書 (美女) 和小泰錫 (帥哥) 做的, 所以我就買了這套韓劇,
我想 “天國的樹” 是 “天國的階梯”的延續吧!!!

我到書局逛的時候, 被我發現 jun ki 的書, 我見到就即刻買,
因為在香港信和很難買到 jun ki 的東西及相片, 呵呵 . . . 買到非常之開心,
其次我還買了一些韓國小說, 哪些小說個封面很像漫畫一樣,
我被哪些很靚的公仔吸引, 所以我就買了一本來看,
而且佢非常便宜, 22元一本書, 還有很多贈品送 (有兩本靚靚的簿和書簽),
哈哈 . . . 所以今次樟木頭之旅的收獲認真豐富,
最令我意想不到的收獲就是 jun ki的書, 超開心呀!!!

因為我們買了很多碟, 所以我和弟弟也爭著看,
日間我就讓他看碟, 而晚上就是我睇碟的時間,
第一晚, 我睇碟睇到零晨 3點半, 而第二晚, 我則看到 5點半,
終於看完一套韓劇 “天國的樹”, 這套韓劇很好看, 看到我都哭了,
我覺得韓劇其實蠻好看的, 有時我覺得還好看過台劇 
(這個純粹是我個人認為, 如果得罪了超愛看台劇的fans, 真的不好意思, 千萬別扁我呀!!!!)

回到家, 整個人己經超累, 因為我不眠不休在看韓劇, 攪到整個人很累 ~

今日有間公司打電話給我叫我去 interview, 我問佢介唔介意我放工後黎 interview,
佢話 ok 無問題, 於是約了下個星期六下午3 p.m. interview, 份工係尖沙咀,
無雙糧, 銀行假期, 無醫療津貼, 不過佢的人工有 11k-12k,
我計過如果無雙糧都做得過, 所以諗住下個星期六去 in 下,
其實我很早之前己經停左没有搵工, 這些都是很早之前 send 落的,
我只是抱著去 in 下的心態, 無諗過佢會請我, 因為我只是想拿多d interview的經驗,
加上我宜家又有份工, 如果佢唔請我, 我咪做住宜家呢份工先

下午的時候, 收到阿 will的電話, 其實我己經唔見左佢的電話,
所以我開頭接電話個時, 以為係d 公司打電話又叫我 interview,
跟住就展開一輪攪笑的對話, 佢開頭問阿古和阿欣的近況後,
就開始同我講 "明天有camp, 係 patrick和舊生會攪的, 想問下你地去唔去？，
聽日 patrick會帶你地入灣仔camp", 我話要問下佢地兩個,
我開頭一直以為佢係宿營, 原來不是, 最攪笑就是最後的對話,
阿五履唔去後, 阿大則須要考慮下, 阿大順便叫我問下佢去邊度,
隔了一會兒, 阿 will又再打電話給我, 問我到底去唔去？
我話阿五唔去, 而阿大就要考慮下, 之後我問佢 "camp site係邊, 和大約幾錢左右？"
佢話 "係西貢灣仔海下, 早上9點在西貢碼頭集合, 星期六下午1點在西貢碼頭解散,
你地去要盡快履我, 因為我要叫個同事準備d嘢俾你, 你估下阿欣可唔可以係6點前履你?"
我話 "應該 ok的", 跟住佢話因為佢個同事6點放工, 要係佢放工前, 履實去唔去,
咁我叫佢準備好晒d地 "籍" 和睡袋給你們",
我開始有疑問, 宿營唔是有被和床, 駛咩帶咩d嘢去呢？ 
我話 "我諗唔駛睡袋啦", 佢話 "如果你地唔怕冷, 都可以唔駛睡袋, 個度又洗手間好方便的, 而且可以洗澡", 心想宿營一定有洗手間和可以洗澡的地方,
跟住我話 "我話唔駛地 "籍"啦, 咩唔係個度有床咩？", 佢覺得我很奇怪 ,
佢話 "我地係去 wild camp (佢重履多一次係 wild camp)", 我話我知道了,
佢話如果你地唔怕地下冷, 唔帶都 ok, 之後我話佢履實我後, 我再打俾佢,

一直佢講緊的係 wild camp, 而我一直以為的是入營社的 camp,
因為我一開頭問佢會唔會有 d好激的活動, 怕我隻腳負荷唔到,
佢一開始話會係camp入面玩下d設施和遊戲, 唔係好激,
咁我一直都以為是宿營, 只有宿營的地方, 先有設施, 我想佢講的野外地方都有d設施吧！
最後我同阿大都決定唔去, 因為阿大撞期, 而我就怕隻腳頂唔順, 因為可能要行很多路,
都是唔好攪我啦 . . . 我覺得我同佢的對話真是很爆笑,
我覺得最攪笑就是我問佢 "咩唔係有床咩, 駛咩帶地 "籍", 宜家諗返起都覺得超攪笑,
我同阿大講返呢件事時, 我忍不住係公司大笑 出來, 因為實在太攪笑,
我和阿大都笑翻了 . . . 做做下嘢的時候, 諗返起呢件事時, 我都會忍不住傻笑,
我相信個時我問完呢個問題後, 阿 will 一定傻眼,
真是一個超爆笑的笑話