| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2006 年 5 月 31 日 星期三 
| 端午節 - 183 club 簽唱會 |
今日同阿 mon去左
183 club的簽唱會, 去到奧海城超多人耶,
因為太多人的關係, 所以我們站在較後排的位置,
原本是 2p.m. 開始的, 但是佢遲左半小時才開始,
成個場的咪都好唔掂, 好少聲, 聽唔到台上的人在講什麼,
而佢又唔開大電視, 身在後排的我們, 簡直一d都睇唔到,
企係我們前排的阿豬媽
 勁賤格, 佢地自備椅子, 然後企上椅子上, 築起圍場,
企起身都又你, 仲要一個貼一個的, 組成圍牆,
攪到我地後排的人眼光光, 真是等天光, 令我最頂唔順
 的,
就是有一個男人, 仲要同佢的女朋友一齊企在椅子上一齊影 183 club,
堂堂男人, 就咪鬼企上去, 留返俾我地d女士啦 . . .
183 club出場啦, 他們叫我們教他們講 “他們的廣東話名字”,
明道超
 可愛, 佢的發音好狗笑, 他真的比以前帥了很多,
教完佢地講廣東話, 之後他們就唱了一首真愛, 唱完歌後,
我都唔知發生咩事了, 因為睇唔到個台, 我淨係聽到有人話佢地除左件褸,
然後就拋下台, 仲會落台同我地近距離接觸, 不過都無我地分啦, 我地企咁後,
佢地落左台下一會兒, 好快又上返台, 因為台下的朋友簡直失控,
之後, 佢地就可始幫人簽名, 而我們亦在呢段時間閃人,
接著我同阿 mon出左旺角逛街, 逛到差不多 7點,
阿 mon 就趕回家看 “東張西望”, 而我亦回家了
我覺得
183 club好鐘意 show 佢地的肌肉, 我覺得佢地很狗笑,
因為佢地的 mv又是除衫, show 肌肉, 濕身, 他們都會離不開做這些指定動作, 所以我覺得他們很狗笑呀
 !!!!
|
想知道更多我的事，快D登入啦。刊登時間︰2006-06-01 12:46 PM [ 訪客留言(1) ] [ 編輯日誌 ] [ 分享至FACEBOOK ]  |
2006 年 5 月 30 日 星期二 
| 耳仔發炎 |
昨晚訓訓下突然右耳很痛, 令我痛都到訓唔著,
於是決定今日上班前去看醫生, 醫生話我耳仔發炎,
睇黎我呢排都唔可以去游水住
公司同事的衣著又回復以前一樣, 實在太好了,
我梗是跟大勢所趨啦, 呵呵 . . . 真是理佢咁多呀！
今日老闆心情唔好, 我今日就成為佢的出氣公仔, 由早上鬧到下午,
我就好似蠟筆小新入面裡, 莉莉媽媽係廁所狂打的哪隻出氣公仔 (無記錯好似係兔仔)
oh . . . 被扁到成個人都扁晒, 當中還要幫阿頭食死貓 =.=lll,
我被老闆扁完一頓後, 阿頭以為我哭, 其實唔是我哭,
只是我游完水臉部出現敏感, 之前成塊臉都好紅,
今日好左d了, 只是兩邊眼蓋紅左, 所以阿頭咪以為我哭了,
之後佢就對我不知幾好, 可能擔心我唔做掛, 我都不是太清楚了
今日被 D/A 90天煩死, 因為未做過, 所以唔識, 又唔知駛唔駛填D咩申請表俾銀行???
問老闆, 佢又唔肯教我, 只是不停咁罵我,
佢只是話 "都話 D/A 90天咪 D/A 90天啦!!!駛鬼同間廠講咁多", 之後佢就 cut 埋我線,
我很 =.=lll, 今日佢就是為了這件事而罵了我一個上午,
之後只好問間廠明唔明咩是 D/A, 好彩佢知道, 我同佢講, 因為我唔識, 所以我都唔清楚要點樣做,
哪間廠好好人, 佢解釋俾我聽咩是 D/A 90天, 而且我還問了身邊的朋友識唔識咩是 D/A 90天,
最後問題解決了 . . . |
| 想知道更多我的事，快D登入啦。刊登時間︰2006-05-30 10:05 PM [ 訪客留言(0) ] [ 編輯日誌 ] [ 分享至FACEBOOK ] |
2006 年 5 月 27 日 星期六
| 游水的大擊 |
今日終於上我們的游泳課第二堂, 因為今日唔是咁舒服,
所以在家裡訓了一個下午, 起身的時候, 己經是 6:15分左右,
於是拿拿臨食完飯, 就去樂富 join 埋阿大一齊去九池,
阿sir今堂同我講, 我可能上完10堂識游水有d “忟”,
但是就會有游水的基本概念, 其實可能佢覺得我上完10堂都未必識游,
所以佢就咁婉轉咁同我講, 我承認我的表現真的很差勁,
因為當我游游下, 就會好驚, 開頭游水是無咩嘢, 但游游下,
當我唔夠氣, 吸唔到氣, 或者飲池水的時候, 我就會腦中出現我小時候,
在池裡遇瀝的畫面, 我就會很驚, 我記得小時候, 我快要在池裡窒息,
當時我真的有快要死去的感覺, 死啦 . . . 我宜家游游下, 己經很驚,
咁我點完成 10堂呢？我真的很驚,
我真是很想學識游水, 我亦都很想克服呢d陰影,
我知道如果我唔克服呢d陰影, 我係唔會學識游水的,
我覺得想和做都是兩件事來的, 我叫我自己放膽d去游啦 . . .
但是游游下的時候, 遇到唔夠氣, 吸唔到氣, 或飲池水我就開始驚,
之後就没有辦法去完成指定的動作, 我都唔想咁,
我真是很想學識游水, 咁樣第時我都唔驚會浸親,
去旅行又可以享受陽光與海灘
當阿 sir同我講呢件事的時候, 真是有小小大擊,
但後來我覺得佢咁講唔是一件壞事, 使我要努力再學好蛙式腳, 換氣,
我覺得只要我努力去練水, 等自己信心大d, 就一定會練到,
我相信這只是時間性的問題, 如果我真的在10堂內還未學識,
到時只好靠我的妹妹們指導我吧!!!
現在我覺得我先要克服和面對小時候的陰影, 這樣才能學識游水
|
| 想知道更多我的事，快D登入啦。刊登時間︰2006-05-29 03:58 PM [ 訪客留言(1) ] [ 編輯日誌 ] [ 分享至FACEBOOK ] |
2006 年 5 月 26 日 星期五
| 在泳池裡還到噁心的事 |
今晚約了大姐, 三妹和六妹去九池練水, 而六妹就帶多兩個同事一齊來,
六妹有位同事唔識游水, 但是佢落到池, 就自己用蛙式游來游去,
佢真是勁 ~ 我真是要多多向佢學習,
其後六妹係裡發現一對狗男女做埋一D超噁心的嘢 (大家諗下係咩啦)
之後我, 三妹和六妹不斷係池邊大笑, 其實係在講那對狗男女,
狗男女一直都是哪個 POST, 没有郁過, 即使小朋友走到他們的附近踢水,
狗男女都是唔郁, 之後狗男女可能知道我們笑緊佢, 佢地再逗留一會兒,
就走人了, 諗起他們的行為, 真的超噁心,
其間可能救生員也有留意到這對狗男女, 於是就播
”請勿污染池水 . . . 不要在池裏大小便 . . . “,
而這段廣播的重點是叫他們唔好污染池水, 當我們聽到呢段廣播的時候,
我們就忍不住大笑, 因為真的太好笑了 |
| 想知道更多我的事，快D登入啦。刊登時間︰2006-05-29 03:57 PM [ 訪客留言(1) ] [ 編輯日誌 ] [ 分享至FACEBOOK ] |
2006 年 5 月 25 日 星期四
| 太多的不滿 |
最近屋企部電腦有d問題, 加上無咩心情寫日記,
因為對公司有很多很多的不滿, 咁又點呀！咪又是要忍,
受到衣著的批評, 不滿老闆和阿頭專等 6:29 p.m. 才俾嘢我做,
其實佢地d工作可以一早被我完成, 但佢地好鐘意等人放工的時間先俾人做,
其次不滿老闆和阿頭不用大腦諗嘢, 搵著我來攪, 即是煩死我啦 ~
其後的不滿就是阿頭開冷氣開得大, 而且還要開風扇,
宜家係公司我己經著了一件 t-shirt + 兩件褸, 我覺得自己有點誇張,
我著咁多, 有時都覺得有點冷,
秘書小姐同我一樣都頂唔順d冷氣, 而秘書小姐就著了一件 t-shirt + 1件褸, 於是秘書小姐就去關掉自己個邊的冷氣,
於是阿頭就即刻話 “你唔好關掉個冷氣, 會好焗, 宜家我都覺得好焗,
你關左冷氣, 我會覺得很辛苦”, 但是阿頭只是著了一件很薄的衫,
秘書小姐話 “個冷氣開到咁大, 又咁凍, 我個位己經凍到我做唔到嘢, 而且我只是關我自己個邊的冷氣, 對你個邊不大影響”
真是很偑服秘書小姐同阿頭嘈, 我覺得只有秘書小姐同我一樣都是正常人一個,
一班企鵝的同事, 一個北極的工作環境, 教人如何工作呢？
真是超多不滿, 人工加得少, 而且又很多不滿, 宜家我都很少同佢 ot,
我一踏正放工, 就即刻走人, 因為我己經不在乎老闆點睇我了
因為被批評衣著, 所以這星期很多同事都著得很 OL,
男的恤衫 + 西褲, 女的 OL上衣 + 裙
成班同事突然著到咁, 都有點嚇親 |
| 想知道更多我的事，快D登入啦。刊登時間︰2006-05-29 03:56 PM [ 訪客留言(1) ] [ 編輯日誌 ] [ 分享至FACEBOOK ] |
2006 年 5 月 21 日 星期日
| 買生日蛋糕 |
今日原本諗住下午在到九池游水, 但天公天做美, 整天下著雨,
最後還是没有去游水, 就只好乖乖的待在家裡,
下午的時候, 就到美心訂了一個 2 磅的生日蛋糕,
因為下星期二就是爸爸生日了, 也是我手術後的一週年,
我記得我做手術哪天, 也是爸爸生日的哪一天, 所以這一天對我來講, 很特別,
恆生信用咭訂生日蛋糕有八折, 個生日蛋糕原本要 298元, 宜家折左後平了很多,
因為爸爸鐘意食的哪個生日蛋糕没有1磅買, 所以一買就要買兩磅了 |
| 想知道更多我的事，快D登入啦。刊登時間︰2006-05-21 03:13 PM [ 訪客留言(0) ] [ 編輯日誌 ] [ 分享至FACEBOOK ] |
2006 年 5 月 20 日 星期六
| 遇到四妹和教練 |
今日繼續約了三妹和六妹去練水, 我們今晚選擇去返九池,
因為我們覺得這裡比較好游, 始終還是覺得九池好,
下午4點左右, 我們三個人先去旺角逛街, 因為我同三妹都想買條裙,
所以我們約了在花園街等, 逛完花園街, 我們就到旺中,
點知俾我們係旺中撞到四妹, 開頭我和三妹都没有看見, 只有六妹看見,
之後六妹就追出去叫住四妹, 而我同三妹都覺得很尷尬, 考慮到底好唔好走過去,
之後我和三妹都走過去了, 四妹同以前一樣, 身型還是己舊, 長長的直髮, 斜斜的留海,
當時我們四個人也很尷尬, 之後四妹問六妹有無玩 msn, 之後佢地交換左 msn後,
我地就離開了, 最後六妹同四妹講 "得閒搵我們吧!!!" 因為大家都尷尬都唔知講咩好,
之後我們三人就逛了一陣潮特, 就去佐敦 join埋蕭毅欣,
因為三妹今日叫埋蕭同學一齊游泳, 我們四個係佐敦食完飯,
就入九池了, 點知我們係泳池邊遇到教我們游水的教練 (阿褀),
阿褀開頭不停咁叫我, 但是我一直都没有聽到, 所以我一直都没認佢,
加上我又無帶眼鏡, 我睇唔到d人的樣, 只見到有個人型,
跟住後來三妹同我講又人叫我, 我就係到搵哪個人, 之後先發現係阿祺,
佢問我地 "又話今日上堂唔得的？點解你地又會來的？",
三妹解釋因為有一個人唔得, 所以今日咪見到我們三個來,
之後佢就話我地咁勤力來練水, 梗係啦 . . . 我們要快d學識游水嘛 . . .
之後我地四個人就落水游泳了, 點知游游下,
三妹上了池邊, 問我們要唔要浮版？三妹話阿sir話借d浮版俾我地, 我地用完就還返俾佢,
跟住我同六妹就游過去三妹哪邊, 開頭我以為係隔離泳班的教練借d浮版俾我地,
我心諗 "唔通隔離泳班的教練見我地游水差, 所以借住俾我地用住先???"
原來不是, 而是我們的游泳教練 (褀) 佢係泳池外面問我們要唔要浮版,
最後我們拿了浮版, 但是我們覺得反而没有浮版會浮得更好, 最後我們都没有用到浮版,
今晚我們超狗笑, 我地四個人係泳池裡講一些真人真事,
哪些事, 真的笑死我們, 我日游水真的很開心 . . . |
| 想知道更多我的事，快D登入啦。刊登時間︰2006-05-21 02:42 PM [ 訪客留言(1) ] [ 編輯日誌 ] [ 分享至FACEBOOK ] |
2006 年 5 月 19 日 星期五 
| 大角咀泳池練水 |
今日放工約左三妹和六妹去大角咀泳池練水, 因為今日我遲左放工,
所以比原定的時間遲左少少到大角咀, 我同六妹行去大角咀的途中,
我看見一個好似吳嘉敏的人, 佢d頭髮長左好多, 塊臉好似肥左少少,
但我覺得哪個人真的很似吳嘉敏, 之後我同三妹講返呢件事,
佢話佢都係呢頭好似見個一個類似吳嘉敏的物體出現過,
我們三個人食完飯, 就上泳池了, 大角咀的泳池和更衣室真的很細,
今晚池水真的很冷, 我們三個人落到水, 凍到
 打冷振,
過了一會兒, 我們才覺得好了一點, 之後我們就抓緊時間學游水,
呢個游池分四條線, 每條線都有識得游水的人係到游,
而我們今晚就好似玩過馬路咁, d人打直游, 而我們三個就打橫,
超攪笑呀！
今晚我上演左很多次遇瀝記, 好彩d救生員無跳下水救我,
因為當我上起返身, 我企唔穏, 所以做出一個遇瀝的動作,
如果d救生員真的跳下來救我, 我真的會覺得很
丟臉,
嗯 . . . 我真是要努力去學識游水, 我唔想再係泳池丟臉啦 . . . |
| 想知道更多我的事，快D登入啦。刊登時間︰2006-05-21 02:06 PM [ 訪客留言(0) ] [ 編輯日誌 ] [ 分享至FACEBOOK ] |
2006 年 5 月 18 日 星期四
| 同 chris 食 lunch |
一點的時候, chris打俾我, 佢話佢宜家係apm附近返工, 所以想搵我一齊食飯,
開頭佢話黎我公司留下等我 (聽到佢咁講真是有d
), 後尾我叫佢係美食廣場等,
於是我同佢去左美食廣場食飯, 佢食完一碟飯後, 話仲有點肚餓,
佢想係美食廣場再買點食物, 我叫佢不如去吉之島買嘢食,
因為apm的美食廣場食嘢都唔平, 所以我提議佢去吉之島買嘢食,
跟住佢突然話想食雪榚, 我就同左佢去吉之島買雪榚,
我地玩轉個雪榚櫃, 開頭佢諗住買雪米糍, 因為 11元三盒,
我話買雪米糍 - 好, 佢一個人食晒三盒 - 實飽, 因為糍米粉會很飽的,
之後我們搵到另一個雪榚櫃, 個度仲多雪榚, 而且仲有很多種類,
最後佢放棄買雪米糍, 而轉買維記雪榚杯, 而雪榚杯就10元三杯,
我叫佢買一杯, 因為買三杯, 驚佢食唔晒, 而且會很快溶,
佢叫我拿返公司俾同事食 (咪反啦 . . .), 我叫佢拿返佢公司請人食好了,
我同佢開玩笑, 我叫佢打開晒三杯雪榚, 每杯輪流食一口, 咁又唔驚d雪榚溶,
嗯 . . . 的確是一個好方法, 當然佢叫我咪傻啦 . . . 呵呵, 諗起個情況都會好攪笑
 |
| 想知道更多我的事，快D登入啦。刊登時間︰2006-05-18 08:13 PM [ 訪客留言(2) ] [ 編輯日誌 ] [ 分享至FACEBOOK ] |
2006 年 5 月 14 日 星期日
| 母親節 |
今日是母親節, 所以游泳休息一天, 加上今天凍左, 所以俾個籍口自己休息,
哪幾日我都唔會去游水住, 聽講 "珍珠" 吹襲, 呢幾日都會好凍,
所以休息休息 . . . 等天氣回暖再去游吧!!!
今晚同舅父一家人一齊到火炭 "津津" 食乳鴿, 今晚超多人, 等了一會兒才有位,
搵到位後, 又等左好耐d伙記才來執枱, 仲之今晚就要不停係咁等,
我覺得宜家津津d嘢食麻麻, 無以前咁好食, 而且佢宜家d嘢食越縮越細碟,
total 10個人食左 658元, 個價錢都 ok
食食下, 有班印度人黎食, 都坐左 3-4圍左右, 佢地不停係咁叫,
我真是唔知佢地叫 d咩, 所有人都望住佢地,
之後佢地拿左一個好大的獎杯出來, 我弟弟見到佢好似搵個奬杯來打邊爐,
我就睇唔清楚, 咁我就問弟弟 "如果佢盒個奬杯黎打邊爐, 咁個杯底咪要擺個 gas 爐,
加上個奬杯咁高, 奬杯內的食物咪要等好耐先熟？"
弟弟話 "咁又唔知佢地啦 . . . "
最後我諗係我弟弟看錯, 我見到佢地倒 d 啤酒落個奬杯, 然後一人飲一口,
之後成班印度人大叫飲勝, 全場的人就望住佢地 |
| 想知道更多我的事，快D登入啦。刊登時間︰2006-05-14 10:54 PM [ 訪客留言(0) ] [ 編輯日誌 ] [ 分享至FACEBOOK ] |
2006 年 5 月 13 日 星期六
| 趕三場約會 |
今日的行程行 FULL, 全日要趕三場,
首先第一場, 就是放工後, 約了 BOVIA和小敏一齊食 LUNCH和買手機 (不是我換手機, 而是小敏),
我放工後, 就立即過九龍灣, 而小敏仲未放工, 我就在商場行住等佢,
隔了一會兒, 小敏也到了, 但 BOVIA話要遲一點先到, 於是我同小敏去逛馬拉松,
小敏想買一件泳衣和拖鞋, 而我也想一件泳衣,
最後小敏買了一件二件頭的上半身泳衣和一對 TRAVEL的拖鞋,
而我試完泳衣後, 覺得怪怪的, 所以我最後都没有買到泳衣,
之後 BOVIA到了, 我們就去百老滙買手機了,
買完手機, 我們就到椰林閣食下午茶, 食了嘢, 都差不多四點,
但是我約左 ELAINE和阿 MON 4點係新都城, 我實趕唔切去新都城的,
最後我就推掉第二場約會, ELAINE和阿 MON真的不好意思耶 . . .
之後 BOVIA就 SELL我地買儲蓄保, 我堅決左暫時唔會買,
因為我同佢講左我無錢, 又要買樓俾家用, 成份糧己經無晒,
之後佢就勁 SELL 小敏, 小敏話要考慮下, 之後佢又幫我地做一個理財分析,
做完理財分析, 己經 5:05分左右, 跟住要趕返屋企食飯,
因為約左大姐 7:30 P.M.係九龍公園泳池門口等, 所以要拿拿臨返屋企食飯,
食完飯, 6:40分打俾大姐問佢出門口未, 佢話佢宜家先食飯, 叫我去住先,
我話等佢食完飯才一齊去, 之後小敏話唔黎游泳, 於是我再打俾阿大,
問佢去唔去樂富摩士公園游, 佢話好, 因為近近地, 我們去試下呢個泳池得唔得,
如果得的話, 下次我們也可以到這個泳池游,
但是個結果係唔得的, 我地都覺得九龍公園的泳池好 D,
因為樂富個泳池, 水中有死左的飛蟻, 樹葉,
仲有一D唔知咩的飄浮物 (我見到是棕色的一小塊東西,
跟住我聽到有人講, 話見到有屎在飄浮, 但呢個我就真的不知道, 因為我没有看到 ),
而樂富個池有很多小朋友, 我們游游下, 就會有D人係隔離,
所以我們要成日望下邊到無人, 就往邊到游,
仲之我們好似在玩閃被球一樣, 我地覺得九池會好游 D,
下次都是去返九池游會好一點, 今晚游水很大風, 但落到水都 OK,
當泳池行返入更衣室, 就非常凍, 總算今日游泳還 OK啦 . . . |
| 想知道更多我的事，快D登入啦。刊登時間︰2006-05-14 12:12 PM [ 訪客留言(1) ] [ 編輯日誌 ] [ 分享至FACEBOOK ] |
 2006 年 5 月 12 日 星期五
| ABM 班同學聚餐 |
今晚約左 abm 班一班同學食飯, 原本好猶豫好唔好去,
因為同佢地唔熟, 驚到時無嘢講, 氣氛會
 怪怪的,
最後還是決定出席這次聚會 . . .
一出到旺角見到佢地, 男的西褲 + 恤衫, 女的著得很 OL, 簡直成班 I.T. 人咁, 勁
有些同學個樣真是變左, 簡直唔認得佢地, 最攪笑的是吳克權竟然唔認得蕭毅欣,
吳克權以為三妹帶多一位唔係 ABM 班的同學來食飯, 最後先知這位同學是讀 ABM班的
我們係 PIZZA HURT 等了一個小時才有位, 食完嘢, 我們就開始聊天,
方偉燊話黃錦珊同學生了 BABY, 簡直令我們成班同學好震驚,
大家都想知道她的 BABY是男 OR 女, 很想見下 BABY的樣,
食完飯, 吳克權提議去影貼紙相, 於是我們就去了銀城影貼紙相,
因為我們今日有 9 個人, 所以影出黎的貼紙相都有很多個頭,
加圖案的時候, 因為太多個人, 所以都無位加圖案,
我從來都未試過咁多人一齊影貼紙相的, 感覺都幾好玩,
之後我們很攪笑
, 我們成班人入左一部貼紙相機內, 用相機影了幾張相,
用完相機影完相後, 我們先玩個部貼紙相機 |
| 想知道更多我的事，快D登入啦。刊登時間︰2006-05-14 11:35 AM [ 訪客留言(0) ] [ 編輯日誌 ] [ 分享至FACEBOOK ] |
2006 年 5 月 11 日 星期四
學識閉氣和浮 . . . 實在太開心了  |
好開心呀!!!今晚終於學識閉氣和識得浮了, 所以超開心耶. . .
因為昨天學極都唔識閉氣和浮, 所以我決心要先學識這兩種嘢先,
於是今晚約了大姐, 三妹和六妹一齊到大角咀練水,
點知大姐因為要回家煮飯, 所以不能來練水,
不過唔緊要, 我們還有大把機會一齊練水嘛. . .
放工後, 就同六妹一齊去太子搵三妹, 齊人後, 我們先到大角咀食東西,
之後再到大角咀泳池, 點知上到去泳池, 哪些職員話暫停開放,
我們三個人即時
呆在原地, 泳池的職員話因為有人嘔, 所以要關池進行清潔,
於是我們在考慮到底去唔去其他泳池游泳？
因為我們離開大角咀泳池己經是8點了, 如果改去其他泳池游泳,
只有少少時間練水, 到底點算好呢？
最後我們決定搭的士去九龍公園游泳池, 我們這個決定是没有錯的,
雖然只有少少時間練水, 但我們三人也有進步,
當你見到自己真的有進步, 你會感到很開心的,
今晚真是好多謝三妹和六妹, 因為有佢地的幫助, 我才可以咁快學識閉氣和浮,
還游到半個池耶. . . 她們真的幫了我很多,
她們教我如何閉氣, 又在旁邊輔助我浮, 最後成功做到閉氣和浮, 真的超
開心耶, 多謝你們了,
我們三個人就不停係咁來來回回的游來游去,
諗起我們三個人都可以來來回回的游, 我就非常之開心,
我覺得我地好似好快就可以學識了似的, 不過我還是很不熟悉用蛙式腳,
因為覺得在水中做蛙式腳, 好似很不自然似的,
我想我們多練水, 一定會很快做到蛙式腳的,
咁多姐妹, 加油呀!!! A ZA A ZA A ZA ∼
搭巴士回家的時候, 遇到一班韓國的旅行團同我搭埋同一班巴士,
成班韓國團坐了前半截的坐位, 個導遊就係到講解
(但是我聽唔明個導遊講D咩, 只聽到佢D團友答佢“NE (是)”其他的韓文都聽唔明了)
因為成班韓國人都好攪笑, 我開頭是没有注意到他們的存在,
因為佢地成班人做埋同一個動作, 好攪笑
, 於是我就開始注意他們的存在,
他們在巴士上, 大家都拿著照相機, 同一個POST, 向同一個方向影相,
他們的POST 十分野笑, 所以就引起成車人的注目 |
| 想知道更多我的事，快D登入啦。刊登時間︰2006-05-12 01:06 AM [ 訪客留言(2) ] [ 編輯日誌 ] [ 分享至FACEBOOK ] |
2006 年 5 月 10 日 星期三
| 游泳班開課了 . . . |
奇待己久的游泳班開課了, 今日我們上第一課. . .
放工後, 同六妹立即出佐敦食嘢, 點知去到佐敦遇到大姐,
真的非常巧, 於是我們三個人一齊去食麵,
因為我們約了個教練8點係九龍公園游泳池門口等,
所以我地拿拿臨食完碗麵, 就閃人了, 之後會合埋三妹, 就直接去集合地點,
等了一會兒, 教練及其女助手就到, 於是我們就開始上課了,
這個教練教得很快, 可能佢知道我們想快D學識游水, 所以就教快D,
但咁多個之中, 我是最笨的一個, 我真的唔識用個口在水底下呼氣,
oh . . . 我真的太笨了, 之後慢慢掌握到小小的技巧,
但是我覺得很難控制, 我個口呼氣, 同時個鼻也在呼氣,
當然飲泳池水是必然的, 之後就是學在水中飄浮, 這個我也很笨,
他要我們成個頭浸在水底下, 用口呼氣, 但是因為我還是不太用口呼氣,
所以在水底下又用口呼氣, 又用鼻呼氣, 好似唔夠氣咁,
而且還有一種快要沉的感覺, 所以成日會覺得上半身可以浮, 但下半身就沉,
加上我有點緊張的關係, 因為我見到個池底,
會令我回想起以前小時候, 在池底的不愉快經歷, oh ~ 點算好呢？
唔得, 我一定要做好基本嘢, 如果唔係我一定學唔識游水,
之後就學了蛙式腳, 之前個d都未攪掂好, 所以這個也不例外, 也是笨到不行,
因為覺得係水中做蛙式的動作, 覺得隻腳很不自然,
嗯. . . 我會好好努力的, 我一定要以加倍的努力趕得上136的進度,
所以我們明天決定放工後, 再到大角咀泳池學水,
咁多位姐妹要加油哦. . .
我決定我要密集式練水, 我盡可能每天都會到泳池練水,
如果幾位姐妹邊日有興趣的話, 都可以找我呀！ |
| 想知道更多我的事，快D登入啦。刊登時間︰2006-05-11 02:01 PM [ 訪客留言(1) ] [ 編輯日誌 ] [ 分享至FACEBOOK ] |
2006 年 5 月 9 日 星期二
| 最近的生活 |
呢排真是無咩心情寫日記, 因為大多嘢發生了 . . .
收到老闆幫我供 MPF的資料, 發現佢6月無幫我供 MPF,
因為我那個月做手術, 無返成個月工, 所以佢無幫我供MPF,
但佢就出返4/5的人工給我, 我真是很有
 疑問,
我叫 Account 幫我 check返哪個月的數, 佢死都唔肯幫我check,
於是我只好直接搵老闆, 同佢講呢個問題,
佢的答案很堅定 “呢個月係唔駛供的?” 跟住佢話之後講的嘢令我很無奈 =.= lll,
佢話我五月無返 11日工 (個時我係5月 23號做手術的),
佢話無估到我會咁耐返唔到工, 佢話咁都算啦,
跟住又話五月我無返11日工, 我都出足成個月糧俾你, MPF又全數幫你供,
佢話佢都算係咁啦, 所以六月就唔幫我供 MPF,
算啦 . . . 既然你都咁講, 我都無話可說, 個幾百元就又佢啦 . . .
況且自己無返咁多日工, 而佢又肯出返4/5的人工給我, 就費事同佢計,
之前老闆話會係4月調整我的人工, 即係有人工加,
5月6號出糧了, 終於知道加幾錢人工, 我一直都没有抱很大奇望,
果然, 正如我所料, 佢加得非常少, 少到我覺得加唔加俾我都没有分別,
佢加了我 300元人工, 扣埋 MPF, 實質每個月可以拿多200幾元,
開心?我又無咩特別感覺,
個陣時晚晚做到11至12點, 先加得1000元,
宜家可以準時收工, 就可以加 300元, 咁我寧願加 300元給我了,
宜家我真是唔會在同佢 OT了
對呢間公司有很多很多的不滿
, 呢排有要出貨了, 呢排到9月都會比較忙,
我宜家又很多嘢做, 阿頭佢唔想履英文 EMAIL, 打電話給大陸 (是要用普通話聯絡的),
佢就將呢D嘢推埋俾我做, D單又係咁, 跟跟下, 要遇到英艾的嘢,
又推埋俾我, 我好憎佢咁樣, 佢自己做到一半的嘢, 又唔跟,
我又唔知佢做到邊, 跟住我又要花時間再去重新整理一次資料,
我覺得你一係唔好跟, 成單俾我跟, 攪到我宜家唔知頭唔知路咁, 我最憎這種感覺了,
討厭 ~ 討厭 ~ 非常之討厭
人工高過我, 做的嘢郤少過我, 呢個世界就是咁唔公平的,
公司所有人的人工都高過我, 但有D人郤好得閒, 無嘢做, 就白白有人工拿,
真是好蚊, 好蚊, 非常蚊,
媽媽決定買樓了, 也就表示我要再交多些家用給屋企了,
姐妹們, 相信你們會很少機會再見到我了,
如非必要的情況下, 我都唔會出街了,
之前大駛慣, 宜家真是要好好學習節儉
唯一令我感到少少安慰呢？就是我個病好多了,
所以也是令我感到最大的
開心, 開心的指數還要比加人工高出很多倍,
因為之前無咩胃口食嘢, 宜家好返少少, 胃口也大了,
終於有胃口食嘢, 人也開心D, 因為我覺得食嘢會令人開心D,
OH . . . 但是也會有一個問題出現, 就是會變胖, oh ~ 我不要耶,
因為呢排勁蚊, 有很多嘢都不滿, 而且又幾天没有寫日記,
所以一次過寫晒咁多日的嘢, 這篇日記會長 d,
在這裡一次過發洩晒, 人也輕鬆多了,
明天就要學水了, 咁多位姐妹加油吧！
明天上第一課, 真是令人奇待己久的一課, yeah ~ A ZA A ZA A ZA (韓文) |
| 想知道更多我的事，快D登入啦。刊登時間︰2006-05-09 08:44 PM [ 訪客留言(2) ] [ 編輯日誌 ] [ 分享至FACEBOOK ] |
« | 32 | 33 | 34 | 35 | 36 | 37 | 38 | 39 | 40 | 41 | ... | 50 | »
|
