yeah . . . 我終於換到 m 記開心樂園餐的公仔了, 分了幾次食開心樂園餐, 終於換了三隻回家過肥年囉 . . .

己經將我的至愛掛係袋了, 下次帶埋佢一齊去游水先
 

 隻鱷魚覺得很得意, 所以換了回來了

今日 lunch 的時候, 去觀塘廣場大家樂食飯, 食完飯, 就順便睇下 she香港版演唱會賣幾錢, 因為真的很想買來看, 諗住新年放咁多日, 可以慢慢係屋企睇。睇完價錢後, 就打俾阿三問佢在出面睇到係唔係呢個價？最後阿三因為今日出開旺角, 所以幫我去大眾買埋 she 演唱會的 dvd, 真是唔該晒阿三, 可以用一個平價錢買到一個特別版, 真的很開心呀!!!

今日約左阿六陪我一齊去配眼鏡, 原本諗住係 apm 的眼鏡 88配的, 但lunch 個時問旺角的眼鏡 88, 他們話今日唔駛預約配 con, 所以今晚放工出旺角配 con。阿六因為放4點, 所以佢先出旺角 join 阿三。我放工後, 就去新世紀 join 她們, 首先我們先去配 con 先, 因為佢收 9點半, 原本只是諗住配一樣先, 但點知最後都配左一幅 con + 一幅眼鏡連架, 最後買單的價錢對我來講真的有點貴, 好彩有得簽咭, 為由等 3月出左糧先找咭數, 而阿六也配了一幅鏡片, 但阿六的價錢比我平很多, 因為她的近視比我淺很多。好奇待帶 con 的一刻, 呵呵 . . . 新年後, 就有新 look 見大家啦 . . .

配完眼鏡, 就去 food court 食飯, 食完飯, 我們在新世紀逛了一會兒就回家了。

p.s. 今晚真是唔該晒阿三和阿六幫我選眼鏡框, 因為我真的睇唔到帶框後個樣係點 (我的近視太深了 >_<), 同埋個框襯唔襯我, 好彩有你們幫我選。我唔帶眼鏡真是咩都睇唔到, d 嘢係懵查查的。

今日是情人節, 祝大家情人節快樂!!!

今晚屋企做節, 所以放工要回家食團年飯。食完團年飯, 就落黃大仙 join 136, 阿六的家姐和她的朋友去逛年宵, 大家原本以為龍騰坊的年宵是在黃大仙, 點知原來係樂富摩士公園, 於是我地一齊行過樂富。個場很快就逛完, 最後就各自回家了。

p.s. 今晚收到一份情人節禮物, 多謝你哦  

今晚公司食團年飯, 6點我, david, patrick, cher, rainbow 就係公司走人, by taxi 過尖東潮州城。到左酒樓後, d 同事就急不及待築四方城, 而我就自我娛樂打 ndsl。7點, 所有老闆都到齊, 等到 7:30先開席, 今晚的飯局認真無聊, 悶到死, 食到10點幾就食完, 之後同成班同事行返出去搭巴士和地鐵。 

今日放左工, 回家拿埋 D cert. 就出旺角 join 阿三, 之後我地去左元綠食 lunch。下午我和阿六去了中心報英文 course, 報完 course, 就 join 埋阿大。原本諗住今日去配 con, 但因為眼鏡 88 d 職話要預約驗眼, 大約要在新年後才有得配, 所以最後都没有配到 con。跟著就去睇香水, 唔知係唔係因為我 d 皮膚酸性高, 所以噴了很淡的香水後, 皮膚都會出現很濃的味道, 是變左另一隻味道的, 原本想買的哪支香水, 因為這個關係, 最後都没有買到, 好彩最後都買到另一枝香水。

買完香水後, 大約8點左右, 我們就到了德興打邊爐, 之前聽講德興有得打叉燒包, 覺得滿有趣的, 一心諗住可以試玩這個新玩意, 點知伙計話這間没有叉燒包供應, 只好等下次再打過了。今晚就在德興食完我們的團年飯了。

我宜家好 down呀！無咩心情, 呢件事對我打擊真是好大, 剛剛阿頭同我講 cher 問老闆我地筆花紅幾時出, 因為 cher 唔知是在三月份出, 所以就走去問老闆, 老闆話我地筆花紅會在 4月份 個期糧出, 是 4月份 大家都無聽錯和睇錯, 是4月份, 我整盤計劃都被大破, 我真的很想哭, 為什麼會這樣子的, 4月份出, 我豈不是要等到 4月份先可以職 . . . 阿頭話 "頂, 4月5號清明節先出花紅, 有無攪錯", 我聽完我真是深受大擊, 我所有的計劃將要重新作出調整, 2月份還打算去報英文 course, join gym, 找咭數, 真的要重新計算銀行戶口能否有足夠的錢去應付以上的開支, 我真的有種想死的感覺, 家用又唔可以少俾, 層樓又未供完, 而且又要為 8月份交保費的事而擔心, 加上辭職後又未必咁快揾到嘢做, 無收入, 又暫時揾唔到嘢做, 而8月份又要交保費, 咁點算, 我 8月份的保費要交 8500左右, 我何來有咁多錢俾, 我真是很煩 (在留眼淚中 >"< 我要去一去洗手間整理我的心情), 我真的很 down . . . down . . . down . . .  

今日婆婆收到一個電話, 是媽媽的姑媽, 和媽媽的姑媽的媽媽最近死了, 婆婆接著帶給舅母, 點知又接到一個很不好的消息, 舅母的舅父也死了, 點解會咁嫁？覺得三個親戚最近都死了, 個心有 d 唔舒服, 加上許瑋倫也在最近死了, 覺得生命的脆弱, 要好好珍惜現有的一切哦, 要去做自己鐘意和開心的事。

下午繼續看我的韓國電影 "fly, daddy, fly" 是李準基主演的, 所以一定要看哦, 這套電影的內容真的很不錯, 其實被這部電影的內容所吸引, 加上又我最愛的李準基主演, 所以己經很想看這套電影。內容主要是講一個爸爸為左保護他的女兒, 他的女兒遭一個抬拳高手打到入院, 為左保護個女, 爸爸就跟李準基學抬拳, 最後爸爸就找哪個抬拳高手比賽, 是一套很好看的電影哦 . . . 韓國的電影真的不錯

今日放工回家真的很悶, 除了打機外, 還看了一套韓國電影 "聖誕出逃記" 因為這套電影女主角是 "宮" 的女主角所演, 所以對這套電影有興趣, 雖然這套電影的男主角不帥, 但不過這套電影超攪笑, 笑到我死, 估唔到韓國 d 電影咁地死的。

今朝早好想食 m 記早餐, 而且返工前還有時間, 於是去買了一個魚柳包餐食, 點知俾我見到今期的開心樂園餐公仔有大口仔公仔同埋其他系列的公仔, 大口仔哪個要下星期五才有貨, 所以只好等下星期才去換囉 . . .

今日我問阿頭知唔知今年有無花紅出？如果有, 又幾時出花紅呢？點知阿頭叫我今個月慳 d 駛, 唔好亂買嘢, 佢話老闆己經同 account 講左, 3月份先會出我地的花紅, 哪間公司真是cheap 精, 花紅梗是新年出嫁啦, 都唔識出 d 出等 d 員工開心吓, 不過今年有得出己經算好了, 遲出總好過無, 只好等待 3月的來臨吧!!!

下午阿玉 msn 問我, 我 send 了兩封 email 俾佢做什麼的？我話我没有 send email 出去, 是什麼 email 來的, 我真的很好奇, 她話是用我 email account send 出去的, 我真的感到很奇怪, 原來不只她一人收到, 而是我hotmail 所有聯絡人都收到封 email, 開始有 d 驚, 點解會咁樣嫁, 我同我個 fd 在討論會唔會俾人入侵我個 hotmail account 呢？我真的好驚, 阿玉和阿六都叫我開一個新的 account, 但我如果轉左新 account, 哪個人會唔會是我現在用緊的 account 又做 d 其他嘢出黎呢？擔心中 . . . 真的不知道怎麼辦才好, 最後三妹替我想了一個暫時應付的方法, 如果還是不行的話, 我就要開一個新 account 了

媽媽昨天晚上兩點回到家, 因為她們太嘈, 所以被嘈醒了, 之後就睡不著, 所以今日很累。

今朝早上媽媽起身第一件事, 就話我知我部相機壞了, 攪到有很多好靚的景都没有影相回來, 哈哈, 是好時機去換相機囉 . . . 之後媽媽就拿泰國買回來的手信給我, 我臉都未洗, 就去折開這些手信, 媽媽在珊瑚島上買了五條頸錬俾我,  每一條都很靚, 我很喜歡, 有一條還有一個很大的貝殼, 很靚的, 超喜歡。其次仲有一個手 “握”, 手錬, 耳環, 拖鞋等, 哇 . . . 超開心的, 一早就收到咁多禮物, 每一件都很喜歡哦 . . . 之後聽了媽媽講了一些去泰國玩的事, 己經差不多夠鐘出門口, 於是很快手去洗臉, 就立即出門上班了。聽完媽媽講去泰國的事, 覺得去唔到, 超遺憾的, 因為媽媽講得超好玩, 加上爸爸, 媽媽, 細佬三個人只是用左 4000元就買到很多嘢回來, 手信 + 食嘢 + 玩樂, 每人平均都是用左 1000元多 d, 就可以買到咁多嘢, 玩和食到咁多嘢, 而且佢地是豪食, 他們三個人自己走去食魚翅 + 燕窩 食左港幣 800元, 媽媽話如果不是食這一餐, 她們可能還有更多錢去買其他東西回來。

下午的時候, 媽媽和細佬打俾我, 佢地竟然去睇 DC 了, 聽完電話後, 覺得傻眼耶, 我叫他們不要咁快買, 等埋我先好去買, 加上如果買, 揾 BOVIA 幫我買會便宜一點, 最後被勸服等埋我才去買。

放工後, 打俾 BOVIA 問 DC 的價錢, 點知 BOVIA 買機的價錢仲貴過我細佬今日係 CMK 睇到的價錢, 媽媽話貴過駛咩揾 BOVIA 幫我地買, 細佬話明天出去雅蘭睇下 D 價錢。

P.S. 真的超想去旅行哦 . . .

這五條頸錬, 媽媽在珊瑚島買給我的, 每一條的價錢都不便宜哦 . . . 媽媽駛出殺價本色, 最後便了一點給媽媽, 不過五條頸錬都很漂亮, 我都很喜歡哦 . . .




我意想不到, 媽媽會買一對拖鞋給我, 她話這對鞋有些 "朗朗" 幾特別, 我試過著上行路後, 係咁出聲, 超攪笑的, 好似 d bb 仔著得 d 會發聲的鞋一樣, 呵呵 >"<  

今日係公司真是悶到抽筋, 無嘢做, 上網上到有 D 悶, 由早上上到下午, 而且我仲要明目張膽在上網, 因為我要俾我老闆知道, 你唔俾我請假, 我回來公司也是上網無嘢做, 激死佢。

今日 lunch 去左 apm food court 食 mos-burger, 平時這間餐廳條隊很長, 要等好耐才買到, 但今日不是太多人, 所以就試下這間很出名的burger, 我點了一個雞排 burger, 但是覺得麻麻地, 個 burger 唔是好大個, 但食完都覺得很飽, 但唔知點解咁出名呢？

臨放工的時候, 發生了大鑊嘢, 雖然唔關我事, 但難逃被老闆罵的一劫, 全公司的同事都為左這件事 (包括有做錯和無做錯的) 都要被罵, 老闆今日真是好兇和非常生氣, 今日簡直是公司的大地震。

媽媽晚上 9點幾在泰國打長途電話來, 告訢我們航機 DELAY, 所以還未上機。原本諗住等媽媽回來的, 但因為真的太累, 所以就去訓覺了。

差不多出完貨, 所以我己經唔忙了, 得閒上來寫我的日記。

今朝早睇報紙, 知道許瑋偷死了, 真的覺得很噩然, 覺得她死了很可惜, 因為覺得佢好靚女, 是一個不錯的演員, 而且又年輕, 死了真的很可惜。只覺得世事難料。

今日 Lunch 的時候, cher 同我講 “佢向老闆請假, 老闆己經批左佢, 佢請了 3月1日 至 3月3日 ”, 我覺得超唔公平, 我1月份請五日假, 我要求扣我人工去放假, 但都唔批, 仲話放左俾我的話, 我成個 2月都無返工, 又話我請五天假, 加埋ｄ新年假放咁多日唔太好, 咩都佢講晒, 宜家個同事接著新年假期繼續請假, 又唔話放得多, 又唔話佢成個2月無返工, 簡直不可理喻, 欺人太甚。我現在條氣超唔順, 勁唔服, 根本就是唔公平, 我己經是等公司唔忙的季節去請假, 咁都唔肯俾我請, 我一定要走, 真的激死我。我現在返工己經無咩心情, 好想快 d到新年。

今日放工先去旺角 meet 阿大拿返把梳, 之後阿大就回家, 我就去旺中 join 阿玉, 同佢食完 lunch 後, 我們去了先逹逛, 因為阿玉想將佢部 ndsl (淺藍色) 機貼晒膠套, 我見佢部 ndsl 有了幾個月, 打開蓋後, 變得黃黃地, 所以佢想去貼晒全部機。最後佢都没有貼到, 而我就買多個袋俾部機, 雙重保障嘛 . . . 呵呵, 因為覺得個套好靚, 加上阿玉佢都是用雙重保障, 講講下, 就買了回家囉。經過某幾間的買遊戲機的舖頭, 都有我地想揾個隻馬利奧筆賣, 但没有單獨買, 要買就要買一 set ($128六枝筆, 有磨菇頭, 星星, 花花, 磚頭, 金幣, ? 的圖案), 哪裡還有動物之森係列的筆, 這個可以分開買一枝, 但每一枝的價錢都不同, 亦都有一 set 買, 但没有問到價錢。

之後就去逛兆萬, 我們也在兆萬看到哪些馬利奧筆, 也是要一set 買, 之後我們就去逛潮特, 信和, 新世紀, 最後一齊去買完 fancl就回家了。

 

yeah . . . 新袋 + 換埋個新 mon 圖案, 部機靚仔晒, 等遲d 買埋其他小配件, 就越黎越仔囉 . . .呵呵

晚上回到家, 阿玉 send 左d ndsl game 和 lost in blue 的攻略俾我, 其中有些 game 幾好玩的, 有網球小子, lost in blue, 泡泡龍等, 之後我 send 埋換 mon 的圖案和程式俾佢, 我就開始玩 lost in blue, 這隻 game 好好玩, 但是有難度哦, 阿玉建議我睇完攻略先玩。Lost in blue是講我地流落荒島後, 要自己揾嘢去求生, 是一個野外定向 game, d 公仔好靚嫁, 而且個 game 是中文版, 實睇得明講咩, 最攪笑是玩玩下, 會多個女孩出現, 我們玩家還要照顧這個女孩, 這個 game 真的很好玩, 值得推薦。

呢排發生太多事情, 己經無咩心情上來寫日記, 主要是公司的事情令我很唔開心, 包括請唔到假去旅行, 老闆對請假一事的批評, 員工訂飲品送到公司, 老闆細妹要check 單等 . . . 仲有太多太多的事情, 我己經不是記得很清楚了, 總之有很多很多的不滿。

今日下午, 因為死芒果套 LC 單出現 Discrepance, 令老闆遲收錢, 跟住老闆就狠狠的罵了我一頓, 我頂了佢一句 “我話套單你 check 完, 我先入單”, 接下來被罵得更慘, 淚水是強忍著的, 回到座位後, d 淚水就不停湧出, 唔想被其他同事發現, 只好偷偷抺去眼淚, 最後雙眼紅左, 有點腫, 於是立即去洗手間洗臉, 希望令雙眼無咁紅, 今日落淚個一刻, 離開的決心很大, 我告訢自己橕下去, 只要橕多一會就可以了, 況且自己都橕了很久, 還有小小的日子不會難倒我的。最後在想, 放工後, 我同幾位姐妹一齊去買 ndsl, 唔開心的事情就忘記了, 開開心心去買機。

去到黃金, 我們逛了一會, 因為我還在考慮選擇買哪一個顏色好, 因為我覺得淺藍色幾好, 但黑色又好靚, 都不知如何是好, 最後經過一間舖的時候, 看見職員用緊的淺藍色機, 可能用得太耐的關係, 所以摺位變黃, 賣相就不是太好了, 我在想, 如果我用淺藍用得耐, 都會和它一樣變為黃色, 還是跟大隊買黑色好了。其實一開始, 阿大想買白色, 阿三想買粉紅色, 但最後我們所有人都買了黑色。因為蕭欣都想買這部遊戲機, 所以加埋小敏, 我們 total 共買了五部黑色的 ndsl, 我們每入一間店問五部的價錢, 職員都有點傻眼, 還有一間以為我們買五部, 每隻顏色要一部, 聽到都幾攪笑。最後我們決定去其中一間買機, 1520美版黑色 ndsl 水貨, 包 1g  咭 + r4 + mon 貼 + 機套 + 火牛 + 20幾個 game, 我們不知不覺在哪間度企了三小時, 因為職員每部每部同我們整, 最後差不多 10 點才離開黃金去醫肚。

我們選了一間新開的餐廳來食飯, 但點知呢間餐廳真是 . . . , 我們叫餸無人理, d 伙計走左去整盤花都唔理我地, 之後仲攪笑, 我地叫 “魚香茄子煲”, 伙計問返我地幾多錢???真的傻眼耶, 之後我們每叫一個菜就要報埋價俾個伙計。食飯期間, 個女老闆不停係咁用粗口罵個伙計, 一間新開張的餐廳真是問題多多。不過最攪笑就是我們等餸的期間, 我地五個人同時拿部遊戲機出來打, 大家的  post 都是一樣, 好專注打機, 超攪笑的。