今日在公司由早上玩 msn玩到下午, 下午同三妹和六妹玩緊 msn之際, 突然手提電話響起, 原來是哪個劉醫生 (即是第一次幫我做手術的哪個醫生) 打俾我,

他第一句笑笑口對我說 "我是劉醫生, 幫你做過腳班底手術的劉廣有醫生呢？你記唔記得我呀？"

(心諗 - 點會唔記得呢？實記得你啦 . . . 是你害到我現在咁樣的, 點會唔記得你呢？化左灰都記得呀！), 我話 "記得" (=_=^ 我語氣冷淡的回答)

他話 "你最近入左醫院, 再照腳班底, 吳醫生 (即是今次安排我入院照腳的醫生) 都為左呢件事打過俾我, 講左你的情況俾我聽, 現在我不在法國醫院做, 所以你搵唔到我, 我現在在出面開了一間診所, 不如我俾一俾我診所的地址你, 我再同你講返第一次手術唔幫你割的原因啦 (>_<" 佢想解釋理由, 然後就去 "染" 釋幫我割漏呢個事實, 其實想安撫返我個情緒, 想我唔好告佢), 到時你和你的屋企人一齊上黎我診所, 我在解釋返俾你地聽, 仲要記得帶埋第一次和第二次的片上來 . . . "

我問佢 "咁樣見你, 點樣收費", (心諗 - 如果要收我診金, 搵鬼上呀！攪到我現在咁, 仲要我俾錢睇你, 如果要俾錢, 我就唔上去, 等你驚成世 hehe ^0^)

他笑笑口話 "你是我的舊病人, 關於之前的病, 唔會收你錢啦, 你上黎, 我們當傾下計, 講返腳班底個問題", >_<" 邊有咁好死呀！驚我告佢, 驚我告佢, 驚我告佢 . . . 佢每日都會黎望下我, 又無咩講嘢, 只是問下今日點呀？之後就閃人, 咁就算是巡房, 咁樣每日黎一次, 就有 500元落袋, 我的意思是, 呢 d 巡房錢咁好搵, 佢唔會唔搵, 但現在竟然唔收我錢, 所以我咪覺得佢邊有咁好死, 梗是知衰啦 . . .如果仲收我錢, 驚我實投訴佢

後來唔知點樣講開, 他就話 "第一次照到出來, 我唔幫你割的原因, 是因為個位置太深, 所以我先唔幫你割？"

我開始有點火 "你第一次同我講話照唔到呢粒嘢, 呢粒唔是, 所以唔幫我割, 但今次我再入院照, 吳醫生話今次照個粒, 其實第一次己經照到出黎, 個粒嘢同第一次的位置和 size都一樣？你點解個時唔同我割埋呢？"

他被我問到口啞啞 "你拿埋 d 片上黎先, 到時我地慢慢傾, 當是普通傾計一樣"

我想 cut 佢線, 我話 "咁樣 bye bye啦 . . ."

他好似仲唔想收線 "到時你上黎, 先搵護士預約先, 到時上黎我地當傾計一樣, 咁我fax 我張咭片俾你先啦", 他很強調上來當普通傾計一樣

隔了一會兒, 他都未傳到他哪張咭片給我, 心諗 - 好, 你唔好傳過來, 我唔上去見你, 等你驚死罷就, 隔了很久, 我終於收到他哪兩張傳真, 隔了一會兒, 他親自打電話來給我, 問我 "有没有其他傳真號碼, 因為一直都fax都唔到俾我?", 我話 "我己經收到你兩張傳來的fax了", 他話 "咁到時見", 我 就 cut 線了。

晚上約了阿大和三妹去游水, 我也告訴她們這件事, 她們也覺得我應該要上去找哪個醫生。  

老闆己經睇我不順眼中, 日子還是要過, 棲慘在倒數中 . . .

今日早上 9點幾醫生就來巡房, x光片出了, 但實際 x 報告未出, 於是醫生同我講解 x 光片, 照到腳底有粒嘢, 但實際是什麼還不知道, 醫生初步估計也是血管瘤, 我還問了醫生很多問題, 醫生叫我等埋聽日報告出, 再進一步講解我的情況, 醫生原本不打算給我出院, 他要我一直 stay在醫院裡, 我話公司最近開始出貨很忙, 明天要去上班, 想今日出院, 於是醫生才準我出院。我覺得無必要 stay多一晚, 就是為了留份報告出, 因為會花多一晚房錢 + 醫生巡房費, 我覺得唔值, 於是我答應星期一返醫院拿報告及履診。

媽媽來到後, 醫生還未走, 剛好我還有問題問醫生, 於是和媽媽一齊找醫生。媽媽話現在只到這粒都是血管瘤, 都唔明之前的醫生點解唔幫我割埋, 害我們要痛多一次, 與及花多一次錢做手術, 覺得個醫生好唔專業, 媽媽講此話的時候, 有 d 激動, 醫生話 "我都解釋唔到點解佢唔同你割, 可以會唔會有其他原因, 他唔幫你割呢？至於專唔專業, 我唔可以答你, 我只是當聽過這件事, 如果你真是想知道哪個醫生唔幫你割埋, 我可以聯絡這位醫生, 向他問清楚這件事, 或者你可以直接再找這位醫生, 媽媽的語氣還是有點激動, 我就插嘴問醫生, 如果佢幫我做這個手術, 要多少費用?醫生話要等報告出左, 先可以告訴我價錢。

早上 10:30就離開醫院, 今次住院花了 10416元, 真的很貴耶 . . . 不過覺得今次個醫生都幾好人, 佢話驚我 claim 唔到保險, 佢有部份的資料先唔幫我填, 叫我拿返第一次做手術份 claim form, 睇第一次醫生點填份 claim form, 到時再幫我照住之前第一份 claim form 去填, 希望可以 claim 返這筆錢啦, 否則我真的無這麼多錢付這筆費用。

今次住院, 有得到多一次體會, 思想及對人生都有獲益, 思想也成長了很多, 加油ar, 馬仔實得的, hehe ^0^

回到家, 下午就開始玩畫甲, 之前買了指甲貼圖案很久, 但一直等照完磁力共振, 才可以玩, 今日出院了, 當然急不及待去玩畫甲這玩意啦 . . .哈哈, 以一下是小妹妹今天的畫甲成果, 很滿意耶, 覺得很靚耶 . . . .hehe, 自己再誇讚自己

今日早上9:30去到法國醫登記入院手續, 到10:30末拿到房, 護士告訴我中午 12:30要去照磁力共振, 點知到1點先叫我去照, 於是媽媽陪我落去, 她然後就去上班了。

換好病人袍, 等一會兒就入房照。今次安排我入院的吳醫生, 佢要我照磁力共振時, 打一枝顯影濟的針 (作用是可以照清楚 d, 與及睇到d 血管分佈情況)。入到房, x 光醫生對我說 "先會幫我照下先, 如果照唔到的話, 才幫我打哪枝針。因為照一隻腳的關係, 所以只可以放右腳落機器裡, 令一隻左腳我只好程屈膝狀態, 照了很久, 我想照了40分鐘左右, 我都是擺同一個 post, 真是麻庳死人啦, 而右腳又唔可以郁。我一路照, 一路驚, 因為我驚唔打個枝針是不是真是可以照到呢？, 因為上一次照磁力共振, 都要打哪枝針才可以照度出來, 今次唔打針是不是真的照到出來呢？如果照唔到, 咁我咪浪費5600元, 另外再要照多次, 咁咪要花多 8300元。於是有個護士走入黎, 我就即刻問護士 "我想問下, 唔打個枝針是唔是真是可以照到出黎", 她回答 "就是因為照唔到, 所以現在我入黎同你打枝針", 心想 "照唔到, 就早 d 入黎打針啦, 攪到我 hold 住個 post 咁耐, 真是麻庳死人耶 . . . 而且打針後, 又要再擺返個 post 和 未打針前一樣耐的時間, 真是浪費晒 d 時間, 最主要是個 post真的讓人很累", 我只好一路死忍, 死忍, 因為如果我郁左, 就會浪費照磁力共振的錢了。

當佢幫我插入針管後, 再注入顯影濟到我身體內, 我感覺有一浸很涼的物體流入身體內, 之後就去到我的另一隻手, 照了一會兒後, 又話唔夠顯影濟, 要再注入多少少入我體內, 隔了一會兒後, 我感到哪些顥影濟己經留到我的右腳, 照了一會兒後, 我覺得很唔舒服, 我想是注入了顯影濟的關係, 照了很久, 終於照完。護士話我塊臉很紅, 我對她說很不舒服, 她叫我休息一會兒, 隔了一會兒, 我換好自己的衣服, 護士就幫我拆掉手上的針管, 之後就有一個阿嬸帶我回病房。

照完磁力共振己經是 3 點了, 足足照了兩小時, 還要比我第一次照得耐, 我第一次只照了四十分鐘左右, 今次照完, 手手腳腳都庳晒。

今朝早入院前只吃了一個早餐, 回到病房我就吃帶來的蛋糕作午餐, 到晚上爸爸 "渣" 車來到醫院買了一碗麵給我, 我落留下拿完碗麵回病房後, 就去醫院餐廳買了一罐檸檬茶, 就可始我今晚的晚餐了, 晚上睇完新秀比賽後, 看埋小說 12點就睡覺了。

今日早上返到公司即刻向老闆請假 (因為護士要我明天早上10點入院), 而老闆聽到我要請假入院到無嘢。

放工的時候, 老闆打直線電話俾我, 佢同我講有款訂單仲未叫個客人 amend張 LC 過黎, 叫我星期一返黎好攪掂佢。老闆通常叫我做的嘢, 我都會第一時間整俾佢, 費時又俾佢話, 於是我就拿拿臨, 計下份LC需要 amend 的銀碼, 金額, 件數, expiry date和 delivery instructions, 之後就寫封 email 叫佢客 amend, 當然唔可以 send出去先, 要俾老闆過目。老闆同我講, 份 LC amend没有問題, 星期一才 send出去, 於是我咪關機走人啦 . . . 點知關完機的哪一殺哪, 佢走出來同我講, 叫我張封 EMAIL forward 俾我阿頭, 叫阿頭明天幫我 send出去, 於是我又要再重新開電腦, 真的很麻煩耶, 又唔早 d 講, 等我關左機先講。

之後, 阿頭就問我 "你明天請假呀？"
我回答 "是的"
阿頭又問 "請假去玩定去睇隻腳？"
我回答 "睇隻腳"
阿頭又問 "去邊到睇？", 阿頭驚死我入院, 到時又唔返工,
我話 "入醫院照磁力共振, 只是照嘢"
阿頭又問 "咩你宜家隻腳仲痛咩?", 心諗 "唔痛駛鬼去睇醫生耶, 就是痛才要去看醫生, 邊有人唔痛就去睇醫生咁浪費金錢耶, 真是吖, 你估我想隻腳痛嫁, 我都唔想再做多次手術的, 但是無辦法都要再去做"
我回答 "痛嫁", 且佢都知個醫生同我割漏呢件事, 個時佢仲叫我新年入院做手術, 宜家又扮無件事, 真是頂佢唔順。

因為我真的很忙, 於是佢没有再問下去, 我原本唔想讓我阿頭知道我明天請假的事, 點知放工老闆又講左出黎, 於是又要同阿頭解釋明天請假, 因為我最主要唔想俾阿頭知道聽日請假的事, 與及睇佢臉色。

到最後, 改好晒份LC, 老闆又叫我今日 SEND 埋出去, 於是我同阿頭講, 聽日没有嘢要佢幫我做, 於是佢回答 "咁就最好啦 . . . ", 之前老闆叫佢明天幫我 SEND 個封 LC amend的email出去個時, 臉色有多難看, 我話我己經帶好晒整封 email的內容, 你只要幫我按 "傳送" 這個按鈕就 ok 了, 臉色還是很難看。

做到8點幾, 做晒手頭上的嘢後, 就即刻閃人。點知由搭電梯去到apm 商場時, 阿頭又打黎問我收到份 LC 正本未？, 我唔知道佢講哪一份, 因為我手頭上有 6份 LC, 於是我問佢是哪一份, 她竟然,不知道是哪一份, 再轉入老闆房, 最後知道是哪份 LC, 老闆叫我星期一回到公司再追過客人。 

今日放去後去法國醫院睇門診, 7點去到法國醫院, 點知骨科駐院醫生得一個醫生, 而哪個醫生只睇到7點, 於是個護士就轉介我去睇另一個非駐院醫生, 而哪個醫生外面有診所, 有時會過來法國醫院看診, 睇呢 d 醫生會貴d, 要 350元, 真的很貴耶 . . . 但是没有辦法, 錢要付, 醫生也要睇, 上星期腸胃炎睇醫生己經睇左 430元, 今個月真是大出血, 加上我部手提電話在星期六壞埋, 真是衰上加衰。

等左一陣, 就入房見醫生, 個醫生 40幾歲, 我坐低講左腳班底所發生的狀況後, 個醫生即刻問邊個幫我做呢個手術, 我話劉廣有 (大家一定要記得佢個名呀！), 佢睇完我隻腳, 己經判斷我隻腳個粒也是之前的血管瘤, 佢對我講, 無必要, 就唔好做手術, 腳痛的話, 選d軟熟的鞋來著, (聽到佢咁講, 覺得自己今次遇到一個好醫生, 起碼會話無未要就唔好做手術, 令我對佢的印象 - 好), 佢解釋血管瘤的成因, 點樣先會痛, 佢又話血管瘤有機會會復發, 如果幫我做完手術, 都有機會生返出來, 没有得斷尾, 所以唔痛, 真的唔好做手術, 因為佢覺得做完都無謂, 又唔值 >"< 真是一個好醫生耶, 之後佢話開 d 藥俾我食, 睇下會唔會好 d, 睇佢個款唔幫我安排做手術及照磁力共振, 於是我覺得我俾左 350元, 就是要入黎照, 我點都要同佢講我要照。於是我話如果我諗住做手術的話, 駛唔駛照? 佢話一定要照過, 先可以再做手術, 咁我回答, 幾時安排到我院做手術, ^0^ 我的奷計得逞了, 佢又問我, 你 claim 保險呀！我話對, 接著佢問我, 你要問清楚係唔係有得 claim, 我回答 "我己經問清楚了, 有得 claim, 安排這個星期六入院, ok嗎？", 醫生於是就安排我今個星期六入院住一晚 >"< 哈哈, 咁樣我先覺我個 350元没有白費。

我有以下的問題問醫生:
1. 如果成隻腳都是血管瘤, 駛唔駛成隻腳割左佢?有無一個辦法, 可以令血管瘤斷尾?
    醫生的回答 : 如果成隻腳都是血管瘤, 唔駛割晒成隻腳, 你放心啦。因為 d 血管瘤好衰, 有機會
    復發, 在生返出黎, 根本就没有一個方法可以杜絶佢, 即使你宜家割左出黎, 遲d 佢會生返出
    黎。唔痛的話, 真的唔好郁佢, 因為你宜家個粒嘢位於腳班行路最食力的位, 即使做完手術, 係
    唔痛, 但是個傷口位會依然痛, 根本做唔做都會痛。做和不做, 都是痛, 又要浪費錢, 做出黎的
    結果唔大, 做黎到唔值。間唔中痛是可以接受, 咁咪選D軟熟 D的鞋來著, 但如果真是痛到行唔
    到路, 先再做手術。做這個手術有一定的難度, 因為當中血管會 "錢" 著一些神經線, 咁樣個手
    術的難度就會增加。

2. 呢個病會唔會引起其他病?
    醫生回答: 唔會, 佢唔會好似癌症擴散到其他器官, 只是一個良性瘤。

3. 咁如果我唔做手術, 一直咁擺係到, 唔理佢, 咁佢會唔會越黎越大?越黎越痛?
    醫生回答: 唔一定, 主要睇下D 血液留唔留到, 如果留唔到, 阻塞D血行唔到, 先會越黎越痛, 但
    變大的情況, 則要視乎個人而定, 唔是每個人都會發生這個情況。

4. 我告訴醫生我覺得粒嘢時大時細?
    醫生回答: 是一件好事來的, D血管瘤會時大時細, 証明佢是一粒良性的血管瘤, 如果變大, 就唔
    好了, 所以放心好了。

就咁樣, 我就安排這個星期六 10點前入院, 醫生話佢星期六唔會來巡房, 要到星期日出院, 佢先會黎, 如果到時報告出了, 就會給我報告, 如果到時未出報告的話, 覆診再拿報告。

今天没有上班, 因為生病了, 一早起身, 個肚就開始痛, 我還是硬著頭皮出門口上班, 當我行到一半的時候, 個肚痛到不得了, 行唔到落去, 於是就再折返回家。

回到家, 就不停痾, 我現在己經痾了四次, 下午約了看莊醫生, 順便約莊醫生入院照磁力共振。

原本打算今日一定要返工, 因為如果我今日唔返工, 證明我是為昨天做錯的事而不上班, 而選擇逃避, 我唔可以俾他們有這樣的錯覺, 所以肚痛還是硬著頭皮出門口, 到最後還是頂唔順, 就回家了, 因為今日要 BOOKING, 所以我才這麼堅持回公司上班。當我決定請病假, 打電話回公司, 老闆聽電話, 我同佢講我唔舒服, 想請日病假, 點知佢懶是關心我似的, 話你無事嗎？要多D休息下, 佢仲問我無覺得邊到唔舒服?我話肚痛 + 痾 + 嘔, 佢話咁嚴重呀！咁你要多點休息, 心諗昨天屈我 和 罵我, 今天又對我咁好, 媽媽話佢唔知係唔係驚你唔做呢？因為又要出貨, 而今年的訂單很多, 可能驚我唔做, 到時請個人返黎教唔切。

今日很不開心, 因為在放工的時候, 老闆屈我食死貓, 其實是老闆自己做錯, 又唔肯認, 於是屈我幫佢食左隻死貓, 於是我同佢理論, 我話個時係佢吩咐叫我去咁跟, detail d 嘢我唔想在這裡講, 如果唔是有排打出來, 跟住佢話佢無咁講過, 又話我誤解佢的意思, 之後佢叫我以後出貨多左或者少左, 都要俾佢簽名, black and white俾佢, 佢講過的嘢都要 mark 低。令我最不忿的就是我無做錯, 白白要同佢食左隻大死貓, 俾很多人話我呢嘢個樣, 公司宜家幾個老闆都不滿我, 今日發生的事, 令我不知道再去請假睇醫生, 因為我下個月將會請很多病假, 首先睇醫生安排入私家醫院照, 然後入醫院過夜照嘢, 之後就要再去政府見醫生, 在這樣的情況下, 我很難請病假。

回家等車時, 我終於忍不住, 眼淚自然就留出來, 我很努力抺去淚水, 但是留極總是留不完, 最衰今日唔記得帶紙巾, 其他路人見到我在流淚, 也不停往我這邊觀看, 但我真的很想強忍淚水, 但最後都不行, 隔了一會兒, 心情才能平復。

我真是一個眼淺的人, 我無做錯, 我覺得俾人屈, 大部份同事走過來話我的不是, 加上又俾老闆罵, 真的忍不下去。現在打這篇日記, 也是一邊打, 一邊在留淚, 我不在打了, 因為我不想再流淚下去了。

中午自己一個人到大家樂食 lunch, 點知撞到公司的秘書小姐, 她也是一個人食飯, 於是我們就一齊食 lunch了。秘書小姐問我腳底的情況如何?幾時入醫院照?幾時做手術?同老闆講左還要做多一次手術未？太多太多的問題, 我對她講, 我覺得很大壓力, 壓力不是來自做手術, 而是我不知道我如何向老闆講述我要做多次手術, 朋友們, 我真的很大壓力, >_< 點算好呀?!其實我心裡一直想好, 排政府做手術, 輪到我的時候, 就立即辭職, 呢個是我的計劃, 但媽媽昨天晚上叫我入埋私家做手術, 手術費佢會和弟弟借幫住俾我先, 媽媽想我在今年完成這個手術, 想想下, 我又想到私家做手術, 因為如果政府有可能排在下年幫我做手術, 我對媽媽講, 我下年犯太歲, 身體健康會很差, 驚下年做手術不是太好, 媽媽就話 “你太迷信了”, 我承認我太迷信, 但寧可信其有, 不可信其無嘛 >_<。

如果我去私家醫院做手術, 我不知如何對我老闆講, 我真的很大壓力, 辭工都無咁大壓力呀！點算好呀！秘書小姐同我講, 如果我同老闆講左, 佢地一定會 . . . ., 實在不禁令我聯想下去, 聽完佢咁講, 我好驚。

如果我同老闆講我手術期間, 唔駛出糧俾我, 咁樣我的良心會好過一點, 又唔駛驚佢地會對我點, 咁樣做我會唔會很傻呢？但我真的没有辦法了 >_<

我宜家只好等下星期六入醫院照完磁力共振後, 睇下個結果先再決定下一步我要點行。

神呀 *.* 請你保祐我的一切, 希望一切都可以順利

因為我同秘書小姐講, 下星期會去私家照磁力共振, 想叫佢幫我問清楚, 到底有無得 claim公司份保險, 她今日一早就幫我打電話到保險公司問。到中午, 保險公司終於有回履, 要在醫院過晚夜, 才有得 claim, 如果唔過夜, 就没有得 claim, 我己經做好準備, 決定在下星期六 8月26日到法國醫院做磁力共振。

媽媽的建議也想我快點照, 因為佢覺得遲早都要照, 咁不如攪掂隻腳唔駛煩。

lunch後, 秘書小姐問我 “反正你到入私家醫院照, 點解唔係私家醫院做埋手術呢？點解又要去政府醫院做手術呢？”, 我只好回應 “因為係私家做完, 見過鬼己經怕黑, 不但没有醫好, 反而仲要割漏, 我驚到時再發生這種情況, 我覺得政府醫院d醫生會有醫德, 所以咪去政府做”, 這個己經算是最好的回履答案了, 因為如果我宜家入私家醫院做手術, 我唔知我老闆會點樣殺死我, 即時解僱ar or “糟質” 死我, 我諗住到時照左出黎, 睇下係 d咩黎先啦, 到時先決定下一步要點樣做?我宜家己經好樂觀面對我呢個病了, 所以你們放心啦 ^0^ hoho

今日因為三妹要返大陸工幹, 所以我地今晚的游泳課也 cancel掉, 而我就約了阿大和六妹一齊去九池游水, 點知下午阿大打俾我話佢唔來, 於是我只好和六妹去練水啦 ^0^ 今晚室內池封館, 所以我們要到戶外池游水, 今晚佷多人, 而 1.4米的池有好難練自由式, 於是我同六妹就去左 =_=" 兒童池練水, 當我地好努力憋氣在水底練自由式踼腳時, 阿sir就神出鬼没的出現在我們面前, 起初我没有見到佢, 而六妹就同我講 “阿sir ar”, 我才見到他, 我的即時反應就問佢有没有收到我的留言, 點知佢話無 >_< 不是嘛, 我明明留左俾佢同 jolly, 佢都竟然没收到 =_+" 我簡直傻眼耶, 不要開玩笑啦 . . . 我於是講多一次個留言內容, 最後他竟然話佢其實收到留言, =.=" 又再一次傻眼, 阿sir真識開玩笑ar, 我只是驚佢收唔到我地留言, 到時又黑臉和不爽

佢清楚明白今晚我地唔想堂後, 佢就閃人了。而我同六妹就努力練自由式。今晚我同六妹在研究游狗仔式, 反而練自由式就很少了, 我地有時游下蛙式, 有時游下狗仔式, 有時游下自由式 (只是踼腳而己), 今樣就過左一晚了^0^

之排屋企部電腦己經有 d問題, 成日自己關機, 有晚我過完三妹在 she演唱會影的相後, 部電腦就自動關了, 之後仲要死埋, 到現在一直都開唔到, 攪到我仲未過到三妹影的其他 she的相落電腦, 三妹和六妹, 我要等部電腦整返好, 先俾到所有she的相給你們, 真的不好意思哦 =_+  . . .

電腦壞了, 日記也停寫了一排, 當中發生了很多事, 大多是不開心的和令人煩惱 =_=”的問題, 是關於 (a) 我腳班底的問題, (b) 秘書小姐話claim唔到公司份保險, (c) 到底在哪兒照磁力共振, (d) 政府照磁力共振, 則要等到 2007年12月21日 , (e) 腳班底的問題, 拖礙到我轉工的時間和問題, (f) 擔心d錢周輚唔黎 (因為如果去私家照的話, 我拿交保險的錢先應付去私家照磁力共振, 而驚到時d 錢未有咁快 claim返出黎, 到時無錢交保險, 保險的年費要 8615元, 真的很貴), (g) 游泳課, 阿sir又話要加多3堂, 咁樣成個自由式的課程就會圓滿結束, 又要交多 315元, 其實真是想俾多 315元學埋, 但是d錢周轉有問題, 加上自己的進度太差勁, 覺得無可能會在三堂時間學得識, 到底好唔好加多三堂呢？仲之呢幾日好多煩惱, 真的讓我很困擾。現在擔心的不是個病, 而只是擔心無錢去醫病, 人長大後, 煩惱和問題就越多, 真的 “不想長大”, >_< 我不想我不想不想長大  長大後世界就没童話  我不想我不想不想長大  我寧願永遠都笨又傻, >.<長大後, 真的太多煩惱了

今日超唔開心, 因為今日老闆找了我一日碴, 佢點到舵舵寧, 我真是好鬼蚊, 佢原本叫人要咁樣去做一樣嘢, 點知我做好 send出去俾個客人後, 佢又打直線罵我, 又話唔知我做緊咩, 到底想點, 我真是好鬼蚊, 又是你叫我咁做, 而宜又話唔知我做緊咩, 咩都你講晒啦, 令我最唔憤氣就是我照佢的意思做, 之後仲要俾佢罵, 實在太過份, 我照實同佢講, 係你叫我咁做, 我就按照你的意思俾個客, 點知佢死都唔認, 話佢唔是呢個意思, 激死我, 佢唔只一單, 今日而是好多單, 次次都是咁, 攪到我到唔想繼續做下去。其實我老闆知道我要做多第二次手術後, 佢總找我麻煩, 我覺得佢開始有點睇我唔順眼, 但是為左我隻腳, 我都要忍下去, 我點都要照左個 x光, 我先會唔做。

我覺得呢個世界是唔公平的, 阿頭唔駛理d麻煩嘢, 佢做的嘢是好簡單, 而我就要理最麻煩的嘢, 跟最麻煩的工廠, 而人工又少過佢, 做的嘢就多過佢, 我真是無咩心機繼續做下去, 每日返工都是好盲目去處理我手頭上的文件。

唔是因為我隻腳, 我一早就唔做, 但為左隻腳著想, 點都要死 "燦" 下去。我想到當有一天, 我再 "燦"不下去的時候, 我要怎麼辦才好呢？

差不多到放工的時候, 我己經俾佢攪到我好頭暈, 眼己經開始有淚光出現, 我告訴自己唔可以俾眼淚跌出來, 我要忍, 要頂硬上, 到放工的時候, 我己經唔想再多留係公司一陣, 因為我覺得很辛苦。

原本諗住寫少少, 點知寫左咁多出黎, 呵呵 . . . 可能講起傷心事, 會一觸即發, 好啦 . . .講住咁多先, 我要去打我星期日在信和買返黎的電腦 game了