今日約左一班舊公司同事一齊食晚飯, 有我, 台灣同事 cher, fanny, david & patrick, 我放左工, 就上去龍皇拿位, 之後其他人 7點左右就到了。

今晚由david 發板點餸, 由魚, 蟹, 鴨 . . . 超豐富的晚餐, 而且 d 餸好好味, 正 ~ 離開公司後, 再見返 d 舊同事, 發覺大家勁多嘢講, 大家都講都興起, 今晚的氣氛真的不錯。舊公司同事一路申公司 d 嘢, 好慶幸自己咁早離開呢間公司, 因為舊公司越黎越變態, 每日要寫做過 d 咩, 並且要向老闆報告, 除些之外, 阿頭同我講, 佢的日子好難過, 佢話宜家 d email, 老闆叫佢諗掂點用英文回履過客, 唔會幫佢履英文的 email, 而 d 普通話的電話, 則話暫時會幫佢接, 但遲d 都要阿頭自己一個接返。

大家今晚都講左好多好多嘢, 大家都不願離開, 直到個 waiter 要我地買單, patrick 同 fanny 先走人, 而我, cher 同 david 傾多一陣才離開。當我地三個人傾過時, 我同 cher 好攪笑咁, 崇湧 david 離開呢間公司, 而且我公司請緊 merchandiser, 於是我地兩個叫佢黎我公司試下, 但david 話要諗一諗先 ~ 駛咩諗呀!!!呢間公司都就黎接, 仲要諗咩先得

今日是我的大日子 ~ 我的生日!!!

原本今日幾位姐妹幫我慶祝我的生日, 但放工前接到工廠的 packing list, 話今日落貨黎香港, 因為這個客人的 packing list 好麻煩, 又要幫佢分埋運去邊個國家同埋運去邊一個分店, 所以 d packing list 好多頁, 實有排打, 心諗 "今晚實去唔到食飯", 當場超級唔開心, 有諗過打俾佢地話 "取消今晚的食飯", 因為工廠一落貨, 我 d 嘢一定要做晒先可以走。最後狂打 d packing list, 終於在 1個多小時完成 50頁的packing list, 但是又未補料, 又未 check d packing list 有無打錯, 好多嘢都未做, 但最後我終於忍不住問過阿姐, d工作可不可以明天回公司才處理。因為覺得生日還要留在公司加班工作, 真的很慘 ~ 個阿姐見我問得咁嚴肅, 最後佢先放我走。

7點幾走人, 就趕出尖沙咀 join 佢地。到逹海港城後, 同佢地講講下, 就忍不住哭起上來了。因為我真的很不開心, 我晚晚都要 ot, 我唔想連我生日個日都要 ot, 一個人孤獨地在公司工作, 然後放工回家休息, 我不想要這樣 ~ 我要同家人朋友一齊慶祝, 諗諗下, 就會忍不住流淚, 但我真的不想這樣, 是有返工無放工的事件令我在這個大日子陪加難過, 可能没有人能明白我此刻的心情。

哭了之後, 令我真的有點累 ~

我們逛到 9:30, 她們終於帶我到今晚食飯的地點 "金域假日酒店食宵夜 buffet", 我們去到就掛住出去拿食物, d 嘢食唔多, 無咩選擇, 最後大家都以食甜品為主。之後就是收生日禮物的時候, 真是好多謝你們的生日禮物, 可能受到之前的情緒影響, 所以無咩表情, 其實我好鐘意今年的生日禮物, 因為好實用, 而且自己真是想買一個袋, 估唔到竟然會收到一個袋做生日禮物。當我問完蕭欣 laneige邊左護膚品好用, 因為有個朋友過韓國, 諗住託個朋友買, 但真的太巧了, 隔一會就收到另一份 laneige 的water sleeping pack plus, 真是好多謝你地。

d 禮物真是好岩用, hehe ~ 諗住下年新年過新加坡, 就可以帶埋份生日禮物 (袋) 一齊去拍返輯寫真集, 哈哈 ~ 袋都有感情劇, 好似惡作劇之吻粒牛丸一樣 (笑) . . .

多謝咁多位好姐妹 ~ 覺欣, zoie, 小敏, 阿古和蕭欣

我的生日禮物 ~ 身上的袋


今年的生日, 有個遺憾就是没有收到生日蛋榚, 因為這樣就没有得許願了 ~ 可能是上年去多左個願望, 所以上天今年不准我在許願望了 ~ hehe, 只好留待下年了 . . .  

今日做錯嘢, 好出奇地, 會計阿姐没有罵我, 原本打算是否應該離開這間公司？現在還有待觀察中 . . .

今日原本約了 chris, 家慧和 sally 去唱 k, 但 sally 因為有 d 事無黎到, 而 chris 同佢兩個 fd 睇完早場電影來 join 我們, 最後變左我, 家慧, chris, tommy, ming 去唱 k, 我們去了九龍灣的 green box 唱, 由於家慧有學生證, 所以唱 k 可以平 d, 真是太好了 ~ green box 真是有好多新歌, 連 she 的五月天, 謝謝你的温柔, boom 都有. . . 真是好多新歌唱呀！

唱到 3:45分, 我們就過左德福機舖打機, 我地五個人一齊玩左隻 game, 超好玩的, but 玩完隻手有點酸軟, 再玩賽車 game, 槍 game . . . 之後就搭的士過 mega box, 開頭以為 mega box 只得 4-5層的商場, 點知原來唔是, 是有 18層的大型 shopping mall, 於是 chris, tommy, ming 就開玩笑的話 "人家18層地獄, 而這裡就是有 18層地獄的 shopping mall", 我地上到最頂個層, 再逛返落最底, 最後我地幾個去左一層兒童天地玩, 影下相, 最後家慧肚餓, 於是我陪左佢去惠康買嘢食。

6點幾, chris 同 tommy和阿明先離開, 因為他們還有下場節目, 我就和家慧在 mega box 睇孫燿威, 關楚耀, 張敬軒表演, eric 真人勁靚仔, 而且佢 keep 得好好, 而且 eric 梗是我面前近距離行過, 如果是元暢多麼的好呢？but 都好開心, 因為佢真是勁靚仔, 同埋佢笑起上來簡直迷死人, 超掂的 ~

eric 真人真是超靚仔呀~

今日原本開開心心搭車去尖沙咀 join 阿五, 之後再去中環 join 埋阿大和阿六, 但點知收到舊公司阿頭打電話來, 佢話有件事想同我講,

佢話老闆突然有日對她說 "阿 wing 最近揾到嘢做, 而且仲係觀塘區, 你宜家仲有無同佢聯絡呀？"

阿頭好醒水話 "我己經没有再同佢聯絡了, 你又知佢揾到嘢做的？而且又知佢係觀塘區返工的？"

舊老闆話 "我梗是知啦 . . . 我識佢老闆的, 阿 wing 又是做返 mango 單 . . . "

她和老闆的對話就此完結, 聽到呢個消息, 原本由好開心的心情開始變得有 d down down 地, 好無心機, 因為我驚佢係我宜家個老闆面前唱衰我, 同埋驚佢地講及我人工個時, 會穿幫 . . . oh 點算好 ~

由於塞車和没有巴士的緣故, 所以遲到了, 最後趕不上 2:15分的船, 只好搭 2:45分的船入長洲了。

入到長洲先去茶餐廳食 d 嘢, 之後就一路掃街邊小食, 再逛埋沙灘, 由於還有很多時間, 所以我們決定去踏單車。我們五點幾就行去租單車, 租單車個老闆原本話 15元租到 7點, 但登記個時, 佢話平 d 俾我地, 收我地 10元, 真是太好了 ~

我們踏到另一個小型的提霸, 就開始玩自拍, 係咁不停影相, 擺出一 d 攪笑的 post, 而我同阿大都好攪笑, 我地帶埋太陽眼鏡影相, 一張相有帶太陽眼鏡, 另一張就不帶太陽眼鏡影相, 發現咁樣可以 double 影相, 可以影得多 d 相出來哦 ~ hehe, 咁樣玩, 玩都咩都唔記得晒, 由原本好 down 的心情都變得好開心, good~

晚上我們就去海岸邊 d 餐廳叫小菜來食, 食完飯, 阿大想食雪榚, 我們在 mcdonald's 買完雪榚, 逛了一會特色商店, 就搭船回中環了。

今天在島上的駛費真的很便宜哦, 我們每人都只是 73元, 而且仲還得咁開心, 放假去離島玩真是一個不錯的選擇 ~

今日拍的攪笑照片~

我們諗住擺出 cool 的 post ~ 但影左出黎的效果好攪笑


這張好似好享受大自然的樣子 ~

好耐己經没有上來 update 了, 因為一來忙, 二來很累, 三來很懶, 6月 - 7月發生很多事情, 但一一都没有記綠, 有些也忘記是什麼時候發生的, 所以決定不上來寫日記囉!!!

但今日真是好想上來寫下嘢, 但又唔知寫咩好, 唔知係唔係呢幾日考試 + 其他活動, 攪到很累, 今日返返下工, 突然有一種感覺湧出來, 就是没有心機在這間公司工作, 一年怎樣待下去呢？

下午 shipping 阿姐 connie 成日望下我做緊咩？有種俾監視的感覺, 我真是有嘢做, 做緊自己嘢, 也没有開 msn 啦 . . . 間唔中就要望下我做緊咩 . . . 我真是好無心機做嘢, 原本今日唔算太多嘢做, 6:30 走人應該是没有問題, 但臨放工的時候, 她不停留意下我做緊咩？所以打算係公司磨多半個鐘先走人 ~ 無奈

雖然同幾位姐妹 plan 定下年去旅行, 偶然想想去旅行的事也蠻開心的, 好奇待這次的旅程, 今日計算我宜家每個月要開始儲幾多錢 for 旅行用呢？希望儲到多 d 錢啦, 一黎又要去旅行, 二黎又要睇返交保費個度, 真是要計劃一下儲錢大計了 . . .

好唔開心, 元暢黎香港, 無去見到佢, 而東張西望有佢的訪問都看不到, 每次都是綠唔到佢個 part, 勁灰, 今日係公司同家慧係 msn chat 左陣, 佢話佢個 fd 有去荃灣愉景新城睇佢, 而且仲要拿埋記者 pass 入去後台跟元暢一齊影相, 當場勁羡慕, 我都很想跟元暢合照哦 . . . 而且還要看看他本人, 見唔到佢真是有 d 唔開心, 下次佢黎, 我一定要去~去~去!!!

這張相是家慧個 fd 同元暢的合照 (家慧個 fd 企在元暢的旁邊), 羡慕死人
這張相依晨拍得很美呀!!!
 

俾我係到發下癲啦 . . . 否則我會好唔開心~好唔開心~好唔開心!!!

今日係我在這間公司滿一個月的日子, 但唔開心的多過開心的 ~ 晚晚都要 ot 到 9 點至10點, 真是很辛苦, 己經很少上網, 亦追貼唔到潮流, 最新的話題。表哥唔是飛輪海的歌迷, 佢都知道飛輪海要出 dvd, 問我知唔知道呢件事？講真我真是不知道, 連一個唔是飛輪海的歌迷都知道佢出 dvd, 可想言知, 我 out 左好耐了 ~

工作唔開心, 少上網, 我己經好耐無上來寫日記, 加上無心情, 我對上個篇日記己經是 6月8日的事情了~

今朝早超唔開心, 因為我覺得我阿姐講嘢好過份, 我覺得有一個阿姐己經好麻煩, 宜家仲要加多一個, 可想言知, 我的日子多麼的難挨。

今朝會計阿姐 mandy 要我 filing 返佢地有一月份出貨的 documents, 因為太多, 加上有好多唔同的客人, 所以會很花時間, 其實之前佢己經叫我 filing, 但之前趕著出 mango d 貨, 所以之前的 filing 做到一半, 宜家就要 filing 埋其他的。阿姐就乾涉我的 filing 做法, 問我點解咁 file, 因為之前是佢叫我用硬皮紙隔住每一份 documents, 咁我咪照做, 當然我無出聲, 佢仲要話我唔是叫你咁 filing, 佢話要用由 A-Z 的隔頁紙, 但是佢 d documents又亂, 而且又要d invoice no 又要順序, 可能開頭順序, 但執執下就會變左, 突然殺出一份 document 插在中間, 變左 d a-z的隔頁紙又要重新執過, 我覺得很花時間, 跟住我同佢講 "我諗住 . . . " 佢就打斷我的話, 唔俾我在講落去, 仲要好惡彈左句 "唔好你諗住, 你諗住是無用 . . . ", 佢都唔聽我講埋落去, 我諗住先用紙皮隔住先, 到時等個所有文件順序返晒, 我先再插入 d a-z 隔頁紙。個刻我真是有想唔做的衝動, 我個刻閃出一個念頭, 就是等考完個公開試, 試下去考海關。家慧有幾個朋友都考到海關, 我就問左一 d 考海關的資料, 原來考海關關員中五會考五科合格, 到時 interview + 考試 + 考體能 pass就可以入學堂接受 23個星期的訓練, 但人工就 13,000元, 家慧叫我諗清楚先好去考。

下午另一個 shipping 阿姐 connie同 mandy 細細聲講, 我知佢地話緊我, 而且仲迫我食死貓, 之前批 sample 用 forwarder 出口, 張 invoice 有問題, 俾客人的 invoice 亦都有問題, 但是呢批貨出口個時, 我都未黎做, 鬼知, 跟住宜家 shipping 阿姐將 d 責任推晒落我到, 仲要同 mandy 話點解咁做嘢？都唔知咩人, 連 invoice 都打錯, 收少個客錢, 宜家仲要麻煩到我, 我真是十萬個頂, 關我屁事呀！

其實唔止以上的事, 之前己經發生左好多 d 阿姐唔 tur 我的事件, 但有苦自己知。宜家 d 阿姐越黎越唔 tur 我, 我覺得最衰都是我老闆, 如果老闆唔同佢地講咁多嘢, 我就唔會攪到宜家咁。

我今日真是好唔開心, 好無奈 . . .

我宜家在工作上, 真是有一種迷失的感覺, 我唔知點算好, 去考海關, 還是在留在這間公司工作好？好苦惱

晚上阿爸問我考慮成點？又問我返工返成點？跟住我就講左 filing 個件事俾佢聽, 講講下, 己經哭左出黎, 阿爸就叫我堅強 d, 唔好太眼淺, 但是我都唔想, 我只是唔訓氣而己。

講住咁多先, 實在太無心情

昨天放工後, cher (以前舊公司的台灣同事) 打俾我, 同佢傾左好耐, 俾我知道更多舊公司的嘢, 聽完後, 我只覺得 "走得快, 好世界, 走得慢, 挨世界", 呢間公司真是好鬼變態, d 人陸陸續續己經辭職了, 舊公司加埋老闆只剩下 5人了, 由 11個人走剩 5個, 可想而知呢間公司真是好唔掂, d 公司好似就黎要接埋咁, 不過我走了, 都唔關我事, 因為我覺得我現在這份新工一定會做得開心過舊公司的。

同 cher 講講下, 佢話佢都想黎我新公司工作, 問我公司請唔請人？因為我間公司現在擴充緊, 所以一直都請緊 d merchandiser和 designer 回來, 這星期己經有一個新的 merchandiser 來上班, 跟住我早上俾左個人事部的 email 俾 cher, 跟住好快就有回履了。

catherine 約了 cher 下星期一下午 3點上來見工, 我覺得請 cher 的機會超大, 一黎台灣同事好靚女, 二黎佢 d 學歷超勁, 應該機會很大的, 如果佢入到黎這間公司, 到時有可以有伴去食飯了, hehe . . .

下午5點幾有個人上黎見工, 開頭以為佢 in merchandiser 呢個 post, 個女仔都幾靚女嫁, 有年輕, 最後 g.m 叫個 designer 去 in 哪個女仔, 我才知哪個係 in designer post, 呢間公司個老闆真是好肯花錢去請人回來, 因為老闆想發大黎攪, 宜家見到這間公司都好似有 d 前景咁, 繼續留守, 有待觀察中 . . .

今日 8:30左右, 終於做晒手頭上的嘢, 問 mandy 仲有無嘢要俾我做?佢無嘢再俾我打, 我就可以收工了, 今日算是最早一日收工了。

個病仲未好返, 由感覺演變成咳, 我己經咳損喉嚨了, 還咳出血來, 現在喝水還有點痛, 真是要慢慢調理個身子, 加上慢慢都要 ot, 真的很累 . . . 還是早點休息吧~

宜家每日最開心的時間, 就是同 catherine 一齊出去食飯的時間, 覺得同佢都幾啱傾, 佢帶我四周圍食飯, 試唔同的嘢食, 蠻開心的, 覺得 d 食飯時間唔是好夠用, 如果再多一點食飯時間就好了, 咁樣就可以傾多 d 計 . . . hehe

宜家晚晚都要 ot, 每晚 8:30-9:30就是我下班的時間, 真的太累了, 所以很少上網。現在上黎補追日記先 . . .

昨天請了一天的病假休息, 今日回到公司就有大事發生, 俾 account 阿姐 (mandy) 插到飛起, 佢一路話我, 我就一路流眼淚出來, 我都唔想哭, 但我真的忍不了, 好似無返一份新工, 做唔夠幾日就哭了, 對上個份工是因為太辛苦, 而今次則是俾人插。

Mandy 話老闆同佢講 "阿 wing 對 mango 出貨的嘢好熟, 點知同老闆講的嘢是另一回事, 完全都唔是老闆講個會事, 到底你有無做過 mango?點解做過 mango 都會做錯 d 嘢"

我照事實話 mandy 知 "我舊公司個時, mango 是新客, 所以我只做過一次 mango 的走貨, 我唔知老闆點同你講"

mandy "咁你即是只是負責打文件, 咩都唔駛理呀？"

我 "唔是, 我要 booking, 打 invoice, P/L, 出 CO, 對B/L draft, prepare LC documents, 但入口個 part, 個阿頭唔俾我跟, 所以 d 報關, 同埋 d 入口文件都唔熟"

mandy "咁你唔識就要出聲, 你唔講我唔知你唔識, 宜家攪到 d 嘢做錯晒 (其實我只是打錯了 export notification 的件數), 咁呢 part 宜家慢慢黎啦 . . . "

過左一會, 我有嘢唔明, 我走去問 mandy, 跟住佢就大聲喝我, 打斷我的問題, d 態度超唔好的 . . . 好, 我忍你, 只要我拿左呢間公司的經驗, 我實會走人, 其實呢間公司 d 工作, 我覺得暫時唔會俾我感覺到好亂, d 文件都好整齊, 加上個老闆都好好人, 所以打算繼續留在這間公司發展。

今朝早起身, 周身骨痛, 個頭暈暈地, 摸下個額頭正在發燒, 一直在猶豫上不上班好呢？因為剛剛上班, 就請病假不是太好, 所以最後決定看完醫生返工, 如果真是頂唔順先早退。

醫生話我感冒, 所以導致發燒 . . . 真的覺得自己有點白痴, 在咁熱的天時, 都會發燒起來。回到公司有點想嘔, 最後還是忍了過來。食完麵包, 就食藥, shipping 阿姐 (connie) 問我咩病, 佢話病就不好來上班嗎？我解釋過後, 佢話如果頂唔順就要出聲啦 . . . 因為 connie 明天就去泰國旅行, 要下星期一才回來, 所以我要回公司, 問佢有 d 咩交低給我。

到 11點幾真是頂唔順, 因為我個位是近冷氣機風口位, d 風是頭頂吹下來, 越吹越頭痛, 而且個人仲好興, 成身軟懶懶咁, 最後同 catherine 講唔舒服, 佢俾了請假紙字我填完後, 我就離開公司回家了。

回到家, 我立即躺下來, 休息一會食完麵和藥, 就一直睡到下午, 因為真的太累了 . . . 睡到 5點幾就起身食藥, 之後就上網補追日記了。宜家公司個老闆 board 左我上網, 同 msn, 所以裝唔到 msn 和上網, 己經很少上網了 . . . 但最近 account個阿姐要我在網上報關, 老闆才幫我解返上網。

今日老闆打內線入佢房, 聽完個電話, 真的有點擔心, 因為唔知發生咩事, 仲咩要入佢房, 於是佢就叫我坐下, 俾份合約我簽, 睇完合約的內容, 佢問我有無問題, 佢解釋左一次, 我就在上面簽名了。

lunch 個舊公司的台灣同事 (cher) 打俾我, 佢問我以前辭職上的手續, 原來佢打算不幹了, 於是她話明天 lunch 一齊食飯再講這件事, 我估唔到佢會咁快唔做, 因為之前佢對我說打算做埋下年三月才不做, 聽到這個消息, 真的讓我有點意想不到。如果佢走埋, 公司得返 7個同事連埋老闆, 睇黎呢間公司真的好唔掂, 個個都爭著要離開。我當初走的決定是没有錯的。

lunch 同 catherine 去了金飯碗餐廳食飯, 點知佢對我說佢做埋今個月 14號就唔做了, 真的有 d 唔捨得, 因為終於揾到一個同事和我一齊出街食飯, 點知佢又唔做, 之後得返我一個出去食飯, 實悶死 . . .

今日公司黎左個新的 merchandiser, 佢大約 30幾歲, 但無揾埋佢一齊食飯, 因為我同佢個位相差好遠, 所以只好同 catherine 一齊出街食飯。

今日和阿大, 阿三 & 蕭欣逛西田, 因為阿三話西田做緊特價, 所以打算去西田血拼。今日收獲很不錯, 買了很多東西回家, 逛到 7點幾就搭巴士回家了

今日早上9點10幾分返到公司, 點知仲未開門, 最後等到有鎖匙的同事返黎開門己經10點, oh . . . 本來無遲到, 都變了遲到, 還要給公司扣錢, 真的很不公平!!!氣

同阿大去先達貼返張手機 mon 貼, 之後就同阿三過聯合, 因為我想買一條四個骨褲 for 返工著, 最後我都買都一條褲, 而阿三就買了一條裙, 之後就各自回家了。