今朝早同 fanny講, 我有套單成一億幾港元, 今日下午要 ot, 她聽到一億港元後, 嚇到傻左, 跟住我地兩個再重新計過套單。最後發現原來是我部計數機之前 d record 未洗, 所以加埋就有一億, 其實得 8百幾萬, 8百幾萬都算多, fanny 話 8百幾萬就差不多, 一億太誇張了。

今日 ot 到下午5:30, 都唔算太夜了, 放工後, 就去左九龍灣 fancl掃貨。掃完貨就回家, 先播返之前的 "玻璃面具" 卡通片來看, 之後就等睇肥田大結局

呢幾日心情真是很 down, 一來工作出現很多狀況, 二來工作忙得讓我喘不過氣來, 每日返工就好似同時間競賽, 三來每日都提心跳膽怕做錯嘢俾老闆罵, 如果係咁忙的日子, 仲要俾老闆罵, 我覺得 d 日子好難 "燦" 下去, 四來這份工作真的很大壓力, 每日都怕收到銀行傳真過來的 discrepancy fax, 五來我做完手術後到現在, 都没有出外逛街, 又無買過任何東西 (如衫, 特意的嘢等), 我己經屈了很久, 快憋不下去。

最近好忙, 真的無咩心情上來寫日記, 只好集中幾日一齊寫啦 . . . 今日返工fanny 同我講, jacky 無做了, jacky 是在我手術期間請回來的, 估唔到佢咁快就唔做了, fanny 話佢頂唔順, 所以無做了。

之前銀行話我有套單出現discrepancy, 終於俾我拗羸左, 套單無 discrepancy 出現, 個客好快接受我地 due date, 而另外一套單, 話我入漏左 co 的 photocopy, 所以出現 discrepancy。其實我真是唔記得有無入過, 因為套單是 10月18日入單, 每次入單都會有好多文件入, 而且是上個月的事情, 隔了這麼久, 我真的不記得。呢套單, 我都拗唔掂, 老闆只好幫我同銀行拗, 所以我現在很怕收到銀行的電話。而重點是老闆好肯定入左, 而銀行一口咬定我地無入, 如果老闆 check 到我無入, 我實大鑊啦 . . . 因為套單成 5百幾萬港元, 如果真是有 discrepancy 出現, 個客實好遲先 pay 錢給我們, 做 LC 單壓力真的很大, 這件事真的壓到我喘不過氣來。

老闆星期日飛去上海出 trip, 要下星期四先回公司, 但有幾套單等著佢簽名, 所以要係佢出 trip 前俾佢簽名。total 四套單, 合共港元 1億 1千4百幾萬, 這套單令我壓力仲大, 因為銀碼大, 如果出現 discrepancy, 個客遲 pay 錢, 我實完蛋啦 . . . 而宜5百幾萬套單, 老闆都咁緊張, 更何況呢套 1億1千4百幾萬的單, 真的不是開玩笑耶, 是 1億 1千 4百幾萬, 你們無看錯, 我的人生都未必可以擁有 1億, 現在工作竟然出現我人生中接觸的第一個 1億, 你地話大唔大壓力呀！如果有咩差池, 我實死得, 我預左明天放工要 ot, 我要 check 多幾次這套 1億幾的單, 同埋 filing, 希望唔會 ot 到很夜。

我真的憋了很久, 唔是話可以隨便揾個廁所解決就可以, 我諗要慢慢釋放吧!!!哈哈 . . . 當然不是放屁啦 . . . 今日知道 jacky 唔做個刻, 我都很想好似佢咁, 我都好想唔做, 但我一想只要再等多三個月, 就到新年, 我一定要挨到新年。只要想著三個月後的來臨就好了, 期待三個月後的來臨 . . .  

p.s. 做 LC 單真是做都人都癲, 有幾多錢都醫唔返, 我下一份工, 我唔想再聽到 LC 這個字。

今日放工陪爸爸去大角咀睇跌打, 醫師話 "印" 帶斷左睇跌打, "印" 帶自己會生返, 如果唔係就要做手術, 朿條朿條駁返。勸爸爸去醫院睇醫生, 始終都勸唔掂, 他話睇跌打就可以了, 雖然好得慢, 但咪由佢慢慢好啦, 仲話駛咪做手術, 我真的拿他没有辨法。

今日早上阿爸話黎接我放工, 下午的時候, 阿爸打電話俾我, 話佢整親隻腳, 隻腳好腫, 宜家去睇醫生, 叫我自己搭車回家, 我真的很擔心他。放工踏正就閃人趕回家, 想快 d 回家睇下阿爸, 回到家, 見到阿爸小腿腫得很厲害。他不是去看西醫, 而是去看跌打。醫師話他 "印" 帶斷左, 我就有好多疑問"印"帶斷左, 睇跌打會好得返嗎？不用做手術嗎？"印"帶會自己連返埋嗎？阿布都好似腳的 "印" 帶斷左, 阿布都要動手術。難道睇跌打真的醫返好嗎？

阿爸因為工作的時候, 推d重物件落斜路, 佢話揾隻腳食力的關係, 可能咁樣整斷條 "印" 帶, 他話當時好似被人用棒嘔了一下隻腳, 佷痛 . . . 我見他隻腳腫成咁, 點樣開車, 我叫他請病假, 他又不肯, 堅持要返工, 我都拿他没有辨法, 我最擔心他這樣開車易發生意外, 我真的很擔心他。我叫他如果明天隻腳都是咁, 要去醫院俾醫生看看。他還回答我 "看情況啦 . . . ", 真的讓我很無奈。其實我知我爸爸很怕醫院, 我亦都遺傳了他害怕醫院的性格, 因為他有一個恐怖的經歷, 所以以後就很怕入醫院, 他更試過一次工作的時候, 唔小心剔親手, 見到骨, 佢都唔去醫院縫針, 只是搽藥膏了事, 這一次我真的拿他没有辨法。

所以呢排我都唔可以出街了, 放工回家做家務, 做個乖乖女, 費時阿爸又整親, 隻腳越黎越腫, 我真的唔想阿爸有事呀！他現在真的讓我很擔心。

p.s. 六姐妹唔好意思呀！星期五的飯局, 我去唔到了, 只好等下次再約過食飯了, 我想回家照顧我的爸爸, 不想阿爸太操勞了。這次事件感到阿爸老了很多, 突然好感足, 感到要珍惜眼前人, 不然會有一天會感到後悔。 

最近公司好多嘢做, d貨等住出, 連飲水的時間都無, 所以每日放工都會很累, 也少上來寫日記, 平時在公司也比較少 msn online, 因為真的很忙, 每日過著好似打扙的生活, 所以每日放工回家的娛樂, 就是會看無綫的電視節目 "樓住有情人" and "肥田喜事", 講返呢排發生的大事先 . . .

1. 遇見她, 她對我的態度真的讓我有點意外, 我估唔到佢會咁對我, 話晒一場朋友, 她也做得太過份了吧!!!我不只遇見她一次, 接著幾日我都遇見她, 竟然佢都咁, 我又可以點呀!!!

2. 公司in 緊人, 阿頭話是請多一個shipping clerk, 但是得一個人上黎 in 過, 之後就無左下文。公司多了一個新客 mango, 聽講 mango呢個品牌是名牌來的, 唔知老闆點解會揾到呢個新客回來, 老闆話 mango在香港也有專門店, 多了一個新客回來, 又做死我地啦 . . .

3. 老闆去了一星期西班牙出 trip, 工廠有 d貨期要延遲, 但是延遲貨期又會過了客人的貨期, 所以一定要問老闆點樣處理, 我又唔可以打電話俾佢, 因為佢話電話一鐘收費好貴, 而email佢又唔 check, 因, 點知間工廠叫我用 msn問老闆, 工廠在早上的時候, 還對我說見到我老闆 msn online, 這件事真的讓我很意外和驚訝, 我心諗 "咪老闆佢都會玩 msn的咩?", 我真的覺得很出奇, 最後向阿頭查證呢件事。阿頭也有老闆的 msn, 佢問我要不要, 我心諗 "不要開玩笑, 萬一俾佢睇到我個 msn space 點得嫁, msn space我寫了公司的嘢係到嫁嘛, no, 一定唔得", 我俾公司同事的 msn是另一個 account, 而工廠則是我成日用開的哪佪 account。

4. 收到兩張 hk bank 的fax, 話我做的兩套單出現 discrepancy, 心諗俾老闆知道實死, 因為老闆現在要我地做 LC 單唔開以出現 discrepancy 出來, 因為一套單出現 discrepancy 出來, 就會影響 DUE DATE, 老闆就最著緊收錢, 如果出現 discrepancy 影響佢收錢, 實斬死我都有份, 所以我現在做嘢真的很大壓力。其實銀行 CHARGE 我的 discrepancy 有問題, 因為份 LC寫明唔需要入 courier receipt, 但是銀行就話我唔入, 所以導致出現套單出現 discrepancy, 所以現在我還在同銀行拗緊這點, 我一定要銀行收回這個discrepancy。

5. 11月9號 - 我開始著返波鞋, 因為傷口没有再揾紗布包著, 只找了一塊藥水膠布包著, 所以包得薄左, 波鞋也著得落。放工回家, 隻腳有點腫, 我想是因為焗了一天的關係, 所以會有點腫。

6. 昨天收到六妹的 sms, 她約我們食飯, 哈哈 . . . 我地太耐無見啦, 終於可以係個日見到咁多位姐妹啦 . . . 奇待約會中

7. 今日公司拿了一盒美心西餅請全公司的同事食, 哈哈 . . . 有個甜品下午茶都幾好, 食完甜嘢, 心情也變好哦 . . . hoho, 同蛋糕影返張獨照先

 <- 心型的楊枝金靈蛋糕, 食完, 心情都變好耶

今日没有拿枴杖返工, 公司 d 同事都很嘩然, 他們都望住我, 問我唔駛用枴杖啦 . . . 他們覺得好出奇, 其實我覺得没有什麼大驚小怪的, 因為我始終有一天都不會用到枴杖的。我咁快唔用枴杖, 其實有另一個原因的, 是因為我覺得用枴杖康復得慢 d, 唔用枴杖會康復得快 d, 我想快 d 好返, hehe, 所以就不用枴杖了

弟弟今日休息, 所以我們一家人早上去了深水埗飲茶。弟弟點了一碟椰汁紅豆榚, 當伙計送來的時候, 我真的有點傻眼耶  . . . 大家看一下照片就知道發生什麼事

                            
(這碟就是椰汁紅豆榚, 為什麼是呈鯉魚形狀呢？我們平常去茶樓吃到的椰汁紅豆榚是四四方方一件件的, 但這一碟紅豆榚, 真的令我傻眼耶, 大家又點睇呢？) >_<"

下午, 我和弟弟去了 mcdonald's 食下午茶, 我見到 mcdonald's 開心樂園餐在換緊邪流丸公仔, 所以我也點了一個開心樂園餐食。不過我想要個隻邪流丸公仔己經換晒, 所以我今日換了第二隻邪流丸公仔

 <-- 這隻邪流丸公仔會彈結他和會發出聲音的, 很攪笑

之後, 我再去逛百佳, 點知百佳門口貼了一張告示出來, 令我很失望。百佳告訴客人之前預訂的企鵝沙灘袋生廠商己經不在生產, 所以可以拿回之前的印花換取今期的印花。真的讓我很失望, 原本打算換這個沙灘袋, 下次游水就可以用, 但現在没有得換, 令我有點興趣想買之前阿三返石龍的袋, 因為哪個袋真的很大個, 游水用超正, 去旅行也可以。

今日爸爸和他的朋友上了深圳, 所以他幫我拿了我部手機上深圳維修。花了兩小時, 我的手機終於修理好, 部手提電話終於有返畫面, 實在太好了, 咁我暫時都不用買新手機了, 慳返一筆錢, yeah, 我真的很開心, 因為隻腳的康復進度咁好, 加上又不用花錢買新手機, 感覺好事不斷有和發生 (好事要繼續發生呀!!!), 所以我真的真的真的很開心。拿手機返大陸維修, 真的很便宜耶, 只花了 80元人民幣就修理好, 真化算。

 

今晚媽媽包餃子, 正!!!食完晚飯, 就陪媽媽逛超級市場, 重點是我己經可以不用枴杖輔功我走路, 我也可以行得很好, 不過只是行得比較慢而己, yeah >"< 加油, 我覺得自己的康復進度很快, 記得第一次做腳底手術, 我都花了個半月的時間, 行路才行得好, 現在康復得咁快, 我也很開心, 這感覺真的很棒!!!媽媽話因為第一次是兩隻腳, 所以康復得較慢, 而今次只得一隻腳, 加上遇到一個醫術好好的醫生, 所以今次可以康復得咁快。

p.s. 六姐妹 - 我差不多可以約你們出來食飯啦 . . . 我都很久没有見過你們了, 好掛住你們耶 >"< hehe . . . 你地有没有掛住我呢？

今日再次同老闆講唔去今晚的飯局, 佢不知幾順攤, 而且無再追問原因, 實在太好了。今晚可以返屋企睇肥田。

今晚沖涼開始俾有傷口個隻腳掂水, 沖完涼後, 拆開紗布來看, 嘩 . . . 隻腳好多老泥 (由10月5日到現在, 右腳都無掂過水, 實多老泥, hoho, dirty ar), 之後用清理傷口的藥水洗傷口, 手術疤不斷出現白泡 >"< 佢嘔白泡, oh . . . 之後再塗藥膏在手術疤上面, 再貼上藥水膠布, 再加紗布, 洗傷口就大功告城了。

p.s. 有一條手術疤己經埋好, 但有一條手術疤仲未埋好, 還有一些隙縫。我要快 d 好, 我要快 d 行得好。其實現在不用枴杖行路, 還 ok 啦, 不過比較行得慢和要間中行一會兒休息一會兒。 

今日一返到公司, 我就入了老闆房, 推掉明晚飯局一事。點知老闆唔接受我的理由, 實在激死我了。

我對佢講我不去的理由是 “我行動不方便, 想放工早點回家休息, 而且加上拿著枴杖去飯局會很麻煩, 你們玩得開心 d “

點知佢話唔接受我個理由, 激死我啦 . . . 佢話 “如果你去到個度, 坐左一陣, 好累要回家休息, 呢個理由我都接受, 但你宜家呢個理由我就唔接受”, 激死我, 激死我, 激死我啦 . . .

我繼續找理由支持我唔去的原因, 我話 “我又行得慢, 又要持枴杖, 行動不方便, 我都唔想令大家掃興, 你地玩得開心 d”

佢又 charge 我呢個理由話 “我會揾司機分批車你們到酒家門口, 所以唔駛覺得麻煩, 而且仲很方便”

我話 “但是回家的時候, 很不方便”

佢話 “叫你阿爸黎接你咪得囉”

我話 “但我唔知我阿爸個晚有無嘢做, 黎唔黎到接我？”

佢話 “咁一是你搭的士回家”, 我真的傻眼

痴線佢痴線嫁, 佢話因為公司之前打羸官司, 加上賀之前公司新入伙 (痴線嫁, 都入左伙兩年了, 仲賀咩鬼入伙呀!!!), 所以個晚想每一個同事都出席。佢叫我考慮多一晚, 明天才答履佢。

痴線嫁, 坐的士回家, 如果坐的士錢可以入公司數就話同你去啫, 又唔是入公司數, 鬼同你去。

以上的對話, 真的我講咩, 佢都有得反駁, 一句講晒要人去, 真是有佢講無我講, 最令我激氣和傻眼, 就是我不去的理由充分恰當, 而且容易接受, 佢竟然話呢個理由佢唔接受, 實在激死我啦 . . . 我認為食飯幾時都可以食啦, 我今次去唔到, 咪留返下次先去囉, 佢講的理由我更加唔可以接受。我而且在這段期間有醫生紙, 我的病假去到 29號, 我肯同你返工己經好好啦, 仲要迫人去埋佢 d 飯局, 我有權唔去佢的飯局。

我之前也有同媽媽提及過這件事, 佢話唔想去咪唔好去。今日打俾媽媽同佢講老闆唔接受我唔去的理由, 媽媽就話咁都没有辦法, 照去囉, 我真的唔想去, 無奈 >"<

今日早上老闆叫會計 Rainbow星期五晚訂枱, 我就覺得有可疑。於是隔了一會兒, 我問 rainbow 是唔是公司請食飯?rainbow隔了一會兒就 send eamil俾所有同事, 通知我們今個星期五晚公司請食飯。

E-mail 內容如下：
致各位同事:

本星期五晚謹訂於九龍灣鴻星海鮮酒家晚飯, 特此通告.

日期:	27/10/2006 (星期五)
時間:	放工後
地點:	鴻星海鮮酒家
地址	九龍灣淘大花園2期

Best Regards,
Rainbow

我睇完 email後, 超唔想去, 是九龍灣淘大食飯, 又唔近地鐵站, 我宜家行動又不方便, 仲要去埋 d 交通唔方便的地方食飯, 一句講晒, 唔方便, 超唔想去。其實唔想去的原因不只以上這些, 還有以下:

1. 我唔想成為焦點。所有同事, 得我一個咁突出, 一隻腳穿波鞋, 一隻腳穿石膏鞋, 又要行得慢, 又要持枴杖。我更唔想到時食飯, 我會變為飯局的其中一個話題 (指手術一事和隻腳)。

2. 要同事咁多個就我一個, 會害我不好意思。加上我又行得慢, 又拿枴杖, 超麻煩的一件事, 費時影響佢地開心的心情。

3. 食飯起碼都會食都 10點幾, 回到家又要沖涼。現在我手術術沖涼己經好麻煩, 比平時沖涼還要花很多時間, 而且第二日又要上班, 會很辛苦的。

4. 這個飯局悶, 老闆講咩, 我們都要附和, 而且返工時間己經對左成班同事和老闆咁耐, 放工亦都要對照佢地, 真的超唔想。我唔去飯局的話, 我可以回家看電視。

5. 我現在還要介口, 雞蛋, 牛肉, 蝦 . . . 呢 d 食物都唔食得, 如果佢點的菜有呢 d 食物出現的話, 我都唔可以食。到時我唔食, 又會俾佢話。

唔想去飯局, 實在有太多太多的原因。我決定唔去, 今日好努力諗點同老闆講唔去的理由是最好。

放工搭升降機落 2 樓大堂的時候, 被我在 2樓大堂遇見陳杏儀和她的同事。因為我同陳杏儀相差一段距離, 我隻腳又行動不便, 所以亦没有追上前去打招呼。我原本以為佢無係創紀五期做了, 相信有綠的話, 都有機會再撞到佢。

拆左線, 所以要學返平時咁行路, 放平腳班在地上行路, 有時會有點痛, 但還 OK啦 . . .

今朝早原本諗住兩隻腳都著上波鞋去上班, 但因為做手術的哪隻腳腫了起來, 連鞋都著唔落, 於是繼續一隻腳穿波鞋, 一隻腳穿石膏鞋去上班囉 . . . 我真的很想穿一雙鞋去上班, 我想快 D 好返, 我想快 D行得來去自如, 不用枴杖行路, 因為用枴杖行路真的很麻煩。

工作了一整天, 到放工時間, 隻腳腫到不堪入目。因為昨天護士話我腳的傷口仲未完全好, 所以隻腳要等多兩三天才可以濕水。現在我沖涼都是包著有傷口隻腳沖涼, 手術後, 沖涼對我黎講都好麻煩和好大陣杖, 又要搬椅子又要拿枴杖一齊入去沖涼, 所以比平時會沖涼花很多時間。

右腳腫了, 穿不下波鞋 >"< oh my god!!! >_<"

今日拆線啦 . . .

今日要回醫院履診及拆線, 履診時間是下午3:30, 但履診前先要去照 X 光, 所以媽媽和我2點就到了醫院。去到照 X 光的部門, 職員話之前 D 護士攪錯左張照 X 光履診紙, 要我們去門診叫醫生開過另一張俾我們。去到門診, 我們同護士講完後, 隔了一會兒, 護士就叫我入醫生房, 幫我做手術的哪位醫生叫我座下, 之後就問我 "腳仲痛唔痛?", 我原本以為等醫生開完張照 X 光的紙俾我們, 我們照完後, 先見醫生, 點知醫生話是護士攪錯了, 我不用照 X 光的, 所以見完醫生, 揾護士拆埋線, 就可以走得。我的履診時間是下午 3:30, 但醫生竟然肯咁早見我, 俾我下午 2:15份見佢, 唔駛等咁耐, 真是好。醫生來來去去都是問過 D 問題, 與及講解化驗報告的結果。最後我叫醫生開假紙俾我, 醫生好攪笑咁問我 "你想要幾多日假期呀?" (通常政府醫生是唔會問病人要幾多日假, 而是佢地認為我要休息幾多日, 先開幾多日的病假俾我), 我都唔知點答佢好, 我正想同醫生講 "你認為我需要幾多日假, 就開幾多日假俾我", 媽媽搶先我一步, 對醫生講 "開一星期的病假俾我個女先, 到時有需要時先拿黎用", 之後我在想 "如果我叫醫生開一年的假期俾我, 唔知醫生聽到後, 會不會傻眼呢？不過我會覺得好攪笑, 唉 . . . 我真是蠢左"。離開醫生房前, 我送了一張感謝咭俾醫生和一張感謝咭俾手室術的護士, 醫生收到我張咭後好開心, 不停多謝我, 佢對我講了很多聲謝謝, 害我都不好意思, 我地就開始雙方不停互相講多謝, 當時場面超攪笑, 其實我覺得最攪笑的是醫生為什麼要同我講多謝呢？送一張咭俾佢, 只是我小小的心意, 不駛講咁多句多謝, 我只好回他, 其實應該講多謝的是我才對, 多謝佢幫我完作呢個手術。幫我做手術的哪個醫生真的好好人, 所以我能做的只是送一張感謝咭俾佢。

之後就去診療室揾護士幫我拆線, 點知我最不想的事終於發生了。個護士都唔知識唔識拆線, 拆到我鬼死咁痛, 仲痛過做手術, 佢拆了第一針, 我的眼淚就不斷流出, 還叫了一聲, 因為真的超痛。點知俾佢罵, 叫我唔准哭, 佢話 “你又唔是小朋友, 小朋友唔明先會哭, 我咁大個應該明白線一定要拆出來, 你唔好再喊啦 (護士很兇的講這一句說話), 快 D 同我抺乾淨 D 眼淚, 你痛的話就咬著你的咀唇, 忍到拆完線為止”, 拆到第三針, 我真是忍唔到了, 腳底不停振, 佢又罵我 “你驚就唔好望啦, 你望住又要哭”, 痴線嫁, 鬼得閒望, 我只是痛到張開眼睛望了一眼, 就話我望住你拆線, 真是有病嫁。拆下, 停下, 拆下, 停下, 終於拆了 9針線出來, 拆完線後, 個護士好奷, 佢叫我抺乾淨 D 眼淚先好出去, 如果唔是出面 D 人以為你入左黎呢間房後唔知發生過 D 咩事, 以為我對你做過 D 唔知D 咩黎？我拆線, 足足用了3張紙巾抺去淚水, 真的很誇張, 但真的很痛。拆完線, 哭都眼都紅腫了, 出到去, 媽媽問我發生咩事, 仲咩咁的？我話拆線好痛, 跟住佢護士即刻走出來對我媽媽說, “你個女唔忍得痛, 所以先哭成咁”, 我真是好討厭呢個護士, 是間房入面就兇巴巴, 出到黎就變回一個天使咁。

之後和媽媽到 7-11買D飲品, 休息了一會兒, 就搭車到大埔超級城逛。晚上就到了深水埗食晚飯。

俾醫生的多謝咭:                                俾手術室護士的多謝咭:
  

今日早上返工, 心情還好好的, 最近在返工的時候, 我在玩 "用一隻腳 + 兩枝枴杖行路 (有傷口隻腳則提起, 不掂地)", 經過幾日的練習, 己經掌握都大約要點行先會穏, 而呢個行法令有傷口隻腳唔會太痛和太累, 而且仲行得快, 我覺得自己成個人飛起咁, 哈哈 . . . 好似一隻飛起的雀仔咁, 又有點似跳飛機咁, 都幾好玩的, 我諗可能呢 d 叫苦中作樂吧!!!從唔同的角度睇每一件事, 就會有唔同的心情, 而我就用了一個開心的心情去睇待現在行路的事, 所以即使我現在腳底有傷口去行路, 我也行得很開心, 呵呵 . . . .

早上 10點幾的時候, 我突然覺得好唔舒服, 好暈, 整個人感到天旋地轉, 我很討厭這種感覺, 而且我又要處理公司麻煩的工作, 我的心情變得不是太好, 到 12點幾的時候, 我發現我做錯了一件事, 我己經成個人好煩, 媽媽在同一時間又打電話俾我問屋企部 dvd 機點用, 我就開始發脾氣, 我真的不想這樣, 但我真的很暈, 又要快d 補救我做錯的事, 同一時間發生咁多事, 我的心情真的很差, 如果我唔是咁暈, 我諗我不會發脾氣的。

我發現我做錯的事是這個星期五老闆去菲律賓驗貨, 我竟然唔記得俾佢帶埋 "士耳其的頭箱文件" 給佢放在第一箱裡, 因為這星期開始接手返我的工作, 真的是一大片混亂, 我今日才發現這批貨是走 23號的飛機, 時間很趕迫, 但是客人的政策是要我們拿到正本 CO, 才可以俾我地走飛機, 於是今日就拿拿臨弄好張 CO DRAFT和頭箱文件寄給菲律賓工廠, 叫佢收到文件後, 幫我攪掂佢。這批貨客人要我地 11月頭交貨, 但老闆話做起就早 D 交貨, 所以即使走唔到 23號的飛機, 也不會出現很大的問題, 只是如果俾老闆知道我俾漏左D文件去驗貨, 實俾佢罵死, 希望今日可以補救得到這件事啦 . . . 

在補救這件事的期間, 爸爸和婆婆打電話俾我, 問我幾時收工, 我心情真的不是很好, 對他們發了脾氣, 但我真的唔想咁樣, 因為真的很唔舒服, 又要處理公司的煩事, 請你們原諒我吧!!!!

OT到下午 2點半, 終於可以收工, 爸爸接埋弟弟放工, 大約 3點黎到APM接我, 於是我們三個人去了深水埗食米線, 食完米線, 我們去了松記食糖水, 食完糖水後, 我的心情好返晒。在不開心的時候, 食甜品真的很有效, 由唔開心的心情即時變返好, 可能我是一個好易滿足的人, 俾我食返一碗糖水, 我的唔開心的心情就會即刻好返。

回到家後, 就等晒卡通片 "玻璃面具", 我同我弟弟覺得現在播的玻璃面具不是重播, 因為 D 劇情好似我們都未看過咁, 細佬話這套卡通片可能是延續之前播的玻璃面具, 這套卡通片真的很好看耶, 我很喜歡這套卡通片的。