今日終於排到見政府醫院骨科醫生了, 今日發生的事, 實在一篇布咁長, 都唔知由邊到講起好。

昨天放工前向老闆請今天的病假, 今日下午媽媽和弟弟陪我去看醫生, 我和媽媽 2p.m. 入房見醫生, 睇左 1小時 10分鐘才走出醫生房。我向醫生講完我腳班底現有狀況後, 醫生再看我腳底的情況, 與及再看我之前做手術前的 x光片及血管瘤報告, 佢研究左我隻腳好耐, 又再翻看 x 光片和血管瘤報告, 我問佢到底腳班底個粒係咩？佢回答 "咩都有可能, 係現在的情況下, 我真是唔可以肯定答到你", ok, 我接受這個答案。佢話有可能係血管瘤, 也有可能係做手術時, 切斷神經線, 所以生左粒嘢出黎都唔定, 我向醫生否定佢第二個講法, 因為做手術前, 個粒嘢己經存在, 所以無可能係手術後型成。

我同佢講 "之前幫我做手術的醫生話我成隻腳都是血管瘤, 如果割, 就要割左成隻腳", 醫生講述如果血管瘤分佈的範圍廣, 則要做大型的手術, 不是普通手術咁簡單, 要大範圍割清晒d血管瘤, 可能當中會涉及肌肉和脂肪層, 到時個d都要一起割, 割左出黎, 佢唔會自己生返出黎, 咁你隻腳班底就會空晒, 要從其他身體地方割出來去填補腳班底做手術的地方, 聽到都好大工程。

之後佢繼續研究我隻腳, 隔了一會兒, 佢就左出醫生房, 佢叫我地坐係到等佢。我和媽媽係房內坐了很久, 他都未回來, 我開頭以為佢要去尿尿, 所以要咁快離開。等了很久, 他終於回來了, 他帶了他骨科部門的最高主任來一齊研究我隻腳, 高級主任看完x光片後, 再按我腳底個粒嘢, 高級主任就問我 "係邊到做的手術", 我話是法國醫院, 佢話邊個醫生幫我做今次的手術呢？, 我話係 "劉廣有", 我聽得出他的語氣是覺得個醫生係幫我割漏左, 很想知道是哪個醫生幫我做這次手術的, 高級主任要我照多次滋力共振光片, 到時再看腳班底的情況, 是不是要再做多次手術, 醫生約我 9 月11日返去履診, 到時再見另一個醫生, 我覺得佢叫我見這個醫生, 呢個醫生一定好勁和對呢方面更有認知。

宜家我排政府照滋力共振, 就要排到下年的年尾, 如果佢轉介去私家醫院照會比自己去照平好多, 宜家我和媽媽還未決定去哪兒照, 因為去私家醫院照, 真的很貴。我就想去私家照, 因為想快 d解決左腳班底的問題, 即使 cam 公司份保險, 我自己也要付 2000-3000元, 對我來講, 真的有點負擔, 因為我真是一次過拿唔到咁多錢, 宜醫院則要我是 8月11日前俾答案他們。

醫生講述的不只以上的事, 佢還講了很多嘢, 個d我就不在這裡細說了。覺得政府醫院的醫生好細心, 同埋好認真研究我的病情, 所以我很相信他們會幫我, 原本去醫院時有d驚和緊張, 但睇完後, 我安心好多, 没有唔開心, 我會堅強面對之後發生的一切, 因為唔開心之前做完手術後己經唔開心過, 可能個時的唔開心, 己經做好準備和接受要做多次手術的事實吧!!!可能因為一切己經有好大的肯定, 所以知道未來會點, 就没有不安和唔開心的情緒吧!!!我會支持下去, 不會再掉眼淚的, 因為我己經長大了。

今日中午帶了飯, 點知就無得好食, 因為食一兩口, 就俾老闆叫左去做嘢, 真是十萬個頂, 連我的食飯時間都想扼殺, 佢自己唔食飯就好啦, 攪到人地到無得好食, 食一兩口, 又同佢做嘢, 食一兩口, 又有事問我, 超過份, 一小時是我的私人時間, 變左在工作中渡過, 真是用人用到盡, 所以我唔鐘意帶飯, 就是咁解啦, 我唔想連自己的一小時時間, 都要俾埋公司。

原本晚上約左大姐和三妹去游水, 但佢地都唔得, 所以我就自己一個人去左九龍公園游水, 因為明天請左假, 不用上班, 所以好想去游水。游水可以減輕壓力, 因為明天就要去醫院見骨科醫生啦, 也是知道要不要再做多次手術啦, 有點緊張, 也有點壓力, 所以今晚一定要去游水, 減輕壓力呀 . . .

今晚泳池好多人, 我周圍走, 室內室外, 1.2米, 1.4米和下面淺水的泳池都游過, 因為多人都没位游, 當我去到下面淺水的泳池, 落到水即刻聞到 d 巴基士坦人身上的氣味, 我唔知道佢地係印尼 or 巴基士坦人, 有一種國籍的人, 咪身上好大浸味道的, 佢地一大班人係個度游水, 游了一會兒頂唔順個浸氣味, 就走返上室內池游水。覺得今晚都算有進步少許, 因為我規定自己要游五下先可以起身, 如果五下後仲可以繼續的話, 就一直游, 今晚游一個室內池大約要起 4 - 5次身, 希望下次可以一口氣可以游晒一個池啦, 這個就是我的目標, 我會向這個目標進發的 

昨晚發了一個超讚的夢, 所以今日超開心耶 . . . 哈哈, 我夢見我和媽媽, 弟弟一齊去了韓國旅行, 而且仲要見到我想見到的人 (朱智勲和尹恩慧), 仲要一齊拍照, hoho, 實在太棒啦, 連發夢都夢見我最想去的韓國, 實在太好, 太正啦 . . . 早上7點半的時候, 起左一次身, 但再繼續訓返都是逗留韓國旅行的夢境 . . . hoho, 韓國你等我呀!!!

今日晚上要上游泳課, 話咁快, 今晚己經到了第 6堂游泳課了 . . .

上堂前, 約左三妹去信和買 she演唱會的相, 哈哈 . . . 我今日收獲真不錯, 除了買 she的相, 我還買了 vanness和李準基的相, yeah!!!逛了一會兒, 我們就去佐敦 join埋六妹, 我地一齊食完晚飯, 就提早入游池練水, 點知游游下, 有人係池裡嘔吐, 於是我地就移左去室外池游水。

阿 sir今晚要我地用蛙式游 20 個池, 我地和 jolly都没有計過己經游左幾多個池, 我地游左好耐, 都很累, 於是 jolly話當游完, 實的太好了!!!阿 sir 原本話今晚會教大姐和三妹學自由式, 因為她們己經學識了蛙式了, 六妹其實都學識了蛙式, 阿 sir也准她學自由式, 但我呢 . . . 阿 sir成日話我游得唔啱, 要大執, 我都唔知到底有幾多動作要大執, 佢又唔講清楚, 攪到我好迷茫???阿sir己經把我踩到腳底了。今堂阿sir話我己經算游到, 但是只要再改善下隻手的動作就 ok, 之前俾佢踩到跌左落谷底, 宜家同我講我游得 ok, 我有點疑惑, 我真的 ok嗎？但點解我游游下, 當我個頭再落返水底, 覺得成個人跌到很落, 很近池底呢？仲有我游三至四下, 上上落落換氣的時候, 我覺得好辛苦, 我覺得我再没有力氣繼續游下去, 我就會成個人企返起來, 難道這些問題, 都算游得 ok 嗎?因為之前俾佢踩到落谷底, 所以我己經無咩自信了, 我真是好疑惑, 我真的學識了嗎？

阿sir話可以俾我開始學自由式了, 真的可以嗎？於是今堂我地四個,就學自由式的踼腳, 之後再落去 2.5米池學踩水, 第六堂就這樣完結。  

今日放工約左阿玉去游水, 因為佢都想學游水, 所以我地約左放工後, 去九龍公園游水。哇 . . . 今晚超多人游水, 而且仲要分批放人入去泳池, 真的有點誇張耶 ∼ 我們等了一會兒, 才入到去泳池, 點知落到泳池己經迫爆, 超多人呀!!!無咩位游水, 到9點幾的時候, 才無咁多人, 於是我就好努力親呢段時間, 練習下蛙式的動作。

今晚 S.H.E. 演唱會開籮了 . . .

放工約埋六妹一齊去紅磡, 我地勁攪笑, 我地掛住傾計, 竟然忘記在九龍塘站下車, 我地坐到太子站才發現我們忘記下車, 然後我們坐回頭車回九龍塘, 之後我們再轉火車到紅磡, 我們又再次發揮我地的攪笑功能, 我們竟然上了去羅湖方向的月台, 當我們上到月台時, 我發現唔對路, 因為返大陸先在這個月台等車, 而紅磡同羅湖是相反方向, 我們上錯月台了, 跟住我們就拿拿臨去返往尖東方向的月台等車 . . . 呵呵, 今晚我地兩個認真攪笑。

我和六妹在都薈的 food court食完飯, 就去紅館搵埋三妹和佢個 fd, 我們入到去一會兒, 個show就可始了, s.h.e. 演唱會真的超正, 我們坐第五行, 好近個台, 而 ella成日都走過黎我地個邊, 我想因為我地坐個邊有d台灣 fans, 所以佢地成日走過黎我地個邊, 正呀！影了好多 ella的大頭照, 佢有很多的表情和動作, 佢真是很可愛。而selina真的瘦了很多, 我覺得 hebe很cool, 佢無咩出聲和很靜。今晚d表演嘉賓都好正, 有周杰倫, tank和張智成, 我覺得今晚個演唱會超抵睇。我成場演唱會都係企係到欣賞, 不斷揮動營光棒和影相, 真的超累呀！今晚的演唱會真的超好看, 實在令人回味, 我最喜歡就是she唱 super satr, 因為全場的人都係企身, 一齊唱, 一齊叫, 一齊跳, 一齊揮動營光棒, 感覺超正呀！

睇完演唱會, 我去車站JOIN埋家慧一齊搭巴士回家, 佢也覺得這個演唱會很好看。返到天馬苑的回旋處竟然三架車連環相撞, 攪到塞左好耐, 我們架巴士郁都唔郁, 等了好耐, 交通警黎到, 我地架巴士先可以斷續開。回到家己經很夜了。沖完涼, 陪媽媽一齊睇埋法證先鋒就訓覺了。

由於星期六零晨3點幾先訓, 而星期日玩左一日, 而且個晚成二點幾先訓, 今日起身覺得超累, 原本計劃今日請病假唔返工, 加上媽媽話我 21號又要請病假去睇骨科 (腳班底個粒嘢), 如果今日唔返工, 就唔是咁好, 於是就刷牙洗臉準備上班, 但點知媽媽早上起身又同我講, 問我係唔係真係好攰, 我話係, 跟住佢就話, 反正你都要睇醫生拿轉介信 (睇政府醫院骨科需要提供轉介信)順便拿埋請假紙, 如果真是攰咪唔好返, 俾佢講講下, 又唔想返, 哈哈 . . . 最後都請左病假了, 没有上班, 之後即刻上床繼續訓覺。

9:30就落樂富睇醫生, 醫生話我感冒, 而且佢順便幫我睇埋隻腳, 佢話我腳底個粒好大可能都是血管瘤, 之後佢就幫我寫了埋轉介信和病假紙。聽到醫生話我腳班底個粒好大可能都是血管瘤, 我没有太大的感覺和唔開心, 因為我預左好大機會都是血管瘤, 也預左要做多次手術, 只是到時再痛苦多一次而己。

下午舖完d相上網, 覺得很累, 可能加上食完藥, 會覺得很累, 於是訓了一個下午, 訓完一大覺, 覺得精神好很多, 今日無返工, 真是一個明緻的決定, 呵呵 . . . 因為我己經唔太緊張呢份工, 覺得你睇我唔順眼炒左我都無所謂, 因為我對呢間公司都有很多不滿, 所以我宜家一踏正 6:30p.m., 就即刻閃人。 

今日約左大姐, 三妹, 五妹和六妹入南丫島玩, 並且幫阿大慶祝生日, 我們坐1:30 p.m.的船入南丫島。到左南丫島, 我們在島上逛了一會兒, 大姐, 我和三妹在一間商店都買了一條 "sa long", 原本睇中左一條紫色的 "sa long", 點知最後俾人買左, 我只好買了一條橙色的 "sa long", 之後我們在島上買了一些串燒和雪條食, 沙灘席和沙灘波, 之後我們就到沙灘游水了。今日個海很大浪, 我們幾個係到玩跳浪, 今日我們真是玩到瘋左, 最後我們玩到差不多 8 點先離開沙灘, 我們洗完白白, 就立即坐船出返中環, 再轉船去尖沙咀。到左尖沙咀, 我們就到海港城的 pizza hurt醫肚, 食完飯, 我們傾回以前讀書時發生的趣事, 真是笑到 "爆、破、裂", 接著送完生日禮物, 我們就走人了, 回到家己經 12點幾, 今日真的很累呀!!!  

今日返工撞到陳杏儀同學, 同佢搭埋同一嫁 "車立", 開頭見唔到佢, 最後見到佢, 同佢閒聊左幾句, 佢又轉左新型象了, 佢電了頭髮, 嗯 . . . 都幾好, 但是佢覺得好阿姐 feel。呢排都好耐無撞過佢, 亦都無搵過佢食飯, 睇黎得閒都要搵下佢食飯, 八下睇下佢知唔知黃錦珊同學生左個女件事 . . . 呵呵

今日己經開始病病地, 留鼻水和腳仔軟懶懶, 今日返到公司, 阿頭繼續黑面, 我都費事理佢呀！跟住我就係佢面前特登用力伸鼻水, 等佢知道因為佢的任性, 攪到我生病了, 佢最後都知衰, 今日唔夠膽開大個冷氣。我同佢嘈完後, 同佢一句話都無傾過, 今日佢主動問我d工作上的白痴嘢, 咁咪理下佢啦, 不過我覺得佢任性的一面, 遲早也會出返晒黎。其實昨天發生的事, 以前也發生過, 只是主角不是我, 而是秘書小姐。秘書小姐也關掉過一次她頭頂的冷氣機, 她也被阿頭話, 阿頭叫佢唔准關掉冷氣, 但秘書小姐就忍佢, 無關掉部冷氣和同佢嘈, 而今次的主角則換了我, 我實在睇唔過眼, 佢做得實在太過份, 我關掉冷氣的時候, 佢就即刻跑過黎開返個冷氣, 就算你再開返冷氣, 你都唔好做到咁出面, 隔一會再去開返, 佢唔是, 反而我一關, 佢就即刻走過黎開返, 實在太過份, 一定要同佢嘈。

放工的時候, 爸爸告訴我 "姑婆死左!!!", 我覺得好突然, 因為我三月尾去醫院探過佢, 佢還好地地, 爸爸話佢 90幾歲, 生老病死是好正常的事, 希望我星期六陪佢去世界殯儀館送埋姑婆最後一程, 但是媽媽就唔想我和弟弟去, 因為我和弟弟差唔多生日, 媽媽覺得我地去送殯唔多好, 媽媽同爸爸仲再商量緊俾唔俾我和弟弟去送殯？媽媽就唔想我地去, 而爸爸就好想我地一家人一齊去, 因為佢話姑婆好疼愛他, 希望我地成家人送佢最後一程。問題出現了, 就是我到底上唔上星期六的游泳課呢？因為媽媽同爸爸都未肯定俾唔俾我地去, 所以都唔知上唔上到星期六的游泳課。到時我打算如果上唔到課, 就等 136去上課, 到時等她們再教返我上堂的嘢。  

今日超忟, 勁忟, 就黎要火山爆發, 實在太過份了, 我真是忍唔住, 要即刻上黎記下今日所發生的事, 即使很多嘢做, 我還是要上來記下今天所發生的事, 如果我唔上黎呢到發洩, 我驚我遲D谷到爆, 大家要係青山見我了

事綠都是公司的冷氣, 大家都知道我公司的冷氣是一個雪房, 猶如北極, 阿頭成日開大個冷氣, 我都又你啦, 仲要開埋風扇, 我都忍你啦, 為由自己著多幾件衫, 但是佢宜家越黎越過份, 人地係的天氣己經著了二件褸 + 1件衫, 但是真是好凍, 我關了一會兒的冷氣機, 諗住等我好返D, 再開返, 點知阿頭就開始發爛渣和有點不爽, 開始 "頂"文具 & 文件 (你估你還是小朋友呀!!!真是十萬個頂), 你 "頂"我又得你 "頂", 理得你咁多, 我以前己經好就你, 著多幾件衫, 宜家我只是關一會兒冷氣就開始發爛渣, 好我都忍你。

到下午的時候, 我開始著第三件褸 + 1件衫, 我己經覺得自己很變態, 大熱天時, 仲著咁多件衫, 冬天都無咁跨張呀!!!因為阿頭教到我頭頂的冷氣機出最大的風, 簡直凍死人,我隻手己經凍到有少少薑薑地, 咁我咪關掉我頭上的冷氣機一會兒, 點知阿頭走過黎同我開返部冷氣機, 攪到我火到黎埋, 我話開到咁大, 我好凍, 關掉一會兒再開, 佢話唔得, 佢好熱, 我頂你呀!!!十萬個頂, 勁想用粗口罵佢, 最後都忍住, 跟住我同佢講我又唔是關左唔開, 我只是關一會兒, 等我好返D, 我再開返, 跟住佢又話唔得, 仲要教大D, 我真是好嬲, 之後我同佢吵左一陣, 公司D同事都望住我地兩個, 其他同事都唔夠膽出聲, 站在旁邊, 最後我話咁叫大厦D人想黎關左我個冷氣機的風口位, 跟住阿頭返埋佢個位, 又開始 "頂"嘢 (文具 & 文件 & 電話), 之後阿頭就CALL人上黎整, 整冷氣機的職員見我著了三件褸 + 1件衫, 跟住佢話你好凍呀？我話是, 佢笑笑口同我講, 咁我快D幫你關左個風口位, 其實哪個職員是見到我咁的天氣著咁多件褸 + 衫, 覺得好笑, 你笑咪笑, 我都預左俾人笑嫁啦, 我唔 MIND呢D嘢

我阿頭成日都驚我唔返工, 要做埋我個份, 但是佢又唔識諗, 你開咁大的冷氣, 凍病左我, 我唔返工, 到時咪又是你做埋我個份。不過睇死佢都唔會幫我做, 因為以前我無返工, 佢都無幫我做過, 全部都堆係枱面, 等我返黎公司自己做返, 呢D嘢我一直無要求係我唔返工的時候, 你會幫我做。佢其實驚我唔返工, 驚D普通話和英文的電話無人幫佢聽, 驚老闆要佢用英文履EMAIL無人幫佢作文, 隔左一陣間, 阿頭依然繼續 "頂"嘢, 我理佢咁多呀！我宜家仲好忟

昨天没有返工, 一返到公司勁多嘢等著我處理, 本來今日放工幫蕭同學慶祝生日, 但因為三妹唔舒服, 所以去唔到 bbq, 所以我也跟著没有去到, 我想蕭同學一定很唔開心, 希望佢今日同佢班fd玩得開心d啦, 唔是我會很過意不去的。

行程取消左, 我就約六妹, 大姐晚上去九龍公園游水, 三妹原本想約我食 lunch, 因為佢有一份神秘禮物給我, 但六妹又係公司食左 lunch, d時間唔是好就, 於是我們約了4點幾一齊逛旺角, 我和三妹先到朗豪坊買泳鏡, 之後我同三妹入 two percent 睇衫, 點知我地睇到 two percent d 裙唔錯, 因為夠長, 所以我選了三條裙來試, 而三妹就選了二條裙 + 泳衣來試, 因為太多人等著試的原故, 我先試, 當我試好的時候, 想叫三妹幫我睇吓, 原來三妹也再隔壁的試身室, 於是我打俾佢, 就出來幫我看看, 哪個職員見到我們咁麻煩, 於是叫我地用一個試身室, 俾一個試身室其他人, 於是我就搬d裙去三妹的試身室, 原本以為三妹試完, 我才入去試, 但三妹好攪笑話一齊入黎試, 於是我們兩個人就在一個小小的試身室一齊試裙, 超攪笑。最後我買了一條裙, 三妹買了一條裙 + 泳衣, 六妹買了一件背心。

因為三妺唔舒服, 所以今晚她没有去游水, 她就回家, 我和六妹就去食晚飯, 之後就去游水。就在我們分道揚鑣的時候, 三妹就俾哪份神秘禮物給我, 我未看到己經尖叫, 因為隔著個膠袋, 我己經見到入面個份禮物, 哇 . . . 超開心耶, 當我打開看見份禮物, 就不得了, 還有親筆簽名耶, 十萬個開心, 真的很多謝三妹, 我真是很surprise, 多謝你呀！三妹

同六妹係佐敦食完飯, 我同六妹先入游池游水, 點知又係門口撞到阿sir, 今次阿sir叫了六妹, 但六妹也聽唔到阿sir叫佢, 於是阿sir追著喊停我們, 我們聊了一會兒, 就入游池了, 今晚超多人游水, 我們先到我們平時游開的戶外池游, 落到池邊, 我雙手己經覺得超拿, 我就立即上水沖身, 隔了一會兒, 阿大到了, 我們就移師到 1.4米的池, 這個池很游好多, 開頭雙手有點拿, 游游下都 ok, 今晚1.4米的池很多痴男怨女, 又是連體嬰 . . . 回到家, 洗泳衣的時候, 超大浸漂白水味, 我雙手超拿和興, 而且很痛耶, 我覺得很辛苦, 我對漂白水咁敏感, 咁我點樣繼續去游水呢？我一想到我還有 7堂的游泳課, 我雙手有排拿了

今日請左假, 没有返工, 因為早上要到律師樓辦理買樓手續, 下午就要去影身份證, 所以就請了一整天的假期。我約了律師早上10:30, 媽媽, 我和弟弟 9點半到了中環, 找了半個小時才搵到律師樓, 我們就即刻上律師樓, 坐左一陣, 佢就叫我地入房, 之後有個女人幫我地整理d文件, 之後她叫了一個男人入黎解釋俾我地聽, 哪個男人著 t-shirt + 牛仔褲, 我開頭以為佢係律師, 心想點解律師會著成咁呢？t-shirt + 牛仔褲 - 唔通佢地上庭先著返西裝, 真是諗唔通, 而且成間律師樓d人都是 t-shirt + 牛仔褲, 開頭我還以為律師樓的員工, 個個都要著得很 oL, 但是呢間律師樓就唔是。嘻嘻 . . . 原來是我攪錯, 哪個男人不是律師, 哪個男人話如果文件没有問題, 我就叫律師入黎睇你地簽名, 我地簽完名, 哪個律師就即刻閃人, 最攪笑的是哪個男人話我們可以離開, 但是佢没有收我們律師費, 我弟弟同媽媽講佢唔駛收我地律師費嫁, 之後我地又折返律師樓交返D律師費, 我們全程係律師樓逗留左45分鐘就走人了。

之後同媽媽係中環逛了一會兒, 就去深水埗飲茶, 飲到1點幾就回家, 媽媽就去上班, 下午2:30我就落樓下剪髮, 剪完頭髮3:30, 回家坐了一會兒, 就去影身份證。我約了5:45分影身份證, 但是我5:00就到逹, 於是就上去填 form, 好快佢就叫我入房, 打完手指摸就影相, 我開頭除了眼鏡影, 成個人很 "潮水", 超唔掂, 哪個職員話我d頭髮亂左, 叫我帶返眼鏡睇下, 之後佢就建議我不如今張帶眼鏡影, 睇下邊個會好d, 哇 . . . 帶返眼鏡, 成個人唔同晒, 精神好多, 跟住我就選了帶眼鏡的哪張相了, 之後就要去見主任, 又要再對多次手指模, 主任話我隻手太凍, 拿唔到手指模, 叫我幫下隻手指做下運動, 初暖返隻手, 超攪笑。

晚上突然興起就搵埋阿大去摩士游水, 哇 . . . 今晚超多人耶, 我係泳池門口等阿大的時候, 見到一d攪笑又核突的嘢, 入到泳池後, 我一落水, 就見到一個奇景, 男女連體嬰游水, 佢地真是游到水, 係可以前進到, 俾個 "勁"佢, 超掂呀！游了一會兒, 覺得雙手超興, 還有點 "拿", oh . . . too bad, 最後我就立即上水沖身, 再落返水都是有點拿, 之後我就上返水, 没有再游了。

今日的行程真的超密。

中午食完 lunch後, 就去觀塘廣場買髮夾, 經過地鐵站時, 竟然被我遇到蟑螂 (將來), 開頭我見唔到佢, 佢叫 "馬仔", 我無認佢, 因為己經無咩人叫我做 "馬仔了", 所以聽到呢個稱呼唔係好習慣, 加上我當時在想會唔會係我自己聽錯呢？錯覺錯覺 . . . 嘻嘻, 最後佢好大聲叫 "馬仔呀!", 於是我就擰轉頭睇下係邊個啦, 呵呵 . . . 原來是蟑螂, 咁樣的巧遇都相當攪笑, 佢係一路講住電話, 一路追住我, 直至我認佢, 佢先同電話裡的人講 "我遇到個學生, 遲d俾電話你", 同佢傾左一陣, 佢話得閒再搵我地幾個 . . .

這次巧遇蟑螂, 覺得佢老左很多

今日覺得食完d藥, 皮膚好了點, 無之前咁紅了, 但還是很痛耶 . . .