今日放工後, 去左九龍灣找六妹, 因為佢有東西要給我,
我到了九龍灣後, 六妹還未到, 於是我去了 fancl 買了枝 hand cream,
因為之前做冒險炸爆谷個時, 整損左隻手, 當一乾燥的時候, 隻手就很痛,
真是要買d護膚品補返佢 ∼
六妹來到後, 我們再逛多了一會兒 fancl, 就搭車回家了

P.S. 真是很多謝六妹送了我一份很特別的復活節禮物, 我很喜歡, 是一個與別不同多功能的 大口仔復活蛋, 六妹, 謝啦 . . .  

                   

今朝早9點幾, 我就打電話俾游泳教練 (葉sir), 問下佢有消息未？
跟住佢話有消息了, 聽到實在太開心了, 終於可以開始我們的大計,
嘻嘻 . . . 咁多位寶貝, 要加油哦!!!我們一定要逹到目標的,
我們五月的活動簡直非常充實, 有學水, 練水, 和踏單車,
感覺好似學生時代一樣, 一到暑假就學呢樣和個樣咁,
大家一齊努力吧!!!

今日12:45分就開始整頓行裝, 準備 1點準時閃人,
之後就即刻搭 mtr去荔枝角, 去到荔枝角差不多 1:40分,
於是我就即刻上九龍廣場見個份工,
這份shipping 人工 9.5k - 10k, 雙糧, 銀行假, 7天有薪假期,
上到去, 我看見這間公司很細, 做嘢的枱都堆滿很多東西, 我感覺有點頭暈,
填了份申請表後, 有位職員幫我 photocopy我的 cert. 後, 就開始 interview,
in我的哪個人, 我想應該是老闆的女兒, 全程都有廣東話 in,
佢首先問我宜家工作的工作範圍要做 d 咩, 跟住我講左我要做的嘢後,
佢就講佢間公司的 shipping 要做 d 咩, 我聽到佢講完佢個 shipping做 d咩後,
即駛佢請左我, 我有點唔係好想做呢份工,
我還一路想如果佢請左我, 我用咩理由推掉這份工作呢？ 
跟住佢就開始問我問題, 問我識唔識做 "出口的export licence", 我話識,
佢又問我 "知唔知咩 material要出邊一類型的 quota",
我答 "我只知道 pants要用 cat.6, 因為我公司出口的全都是 pants",
佢話唔緊要, 到時再教我, 之後又問我 "識唔識份 d material?", 我答 "唔識 ",
佢話呢d都好簡單, 到時都可以教我分,
之後就是我發問的時間, 我問了佢好多關於工作上面的嘢後,
佢就一直回答, 雖然我唔會做呢份工, 但都要問下佢問題的,
跟住佢又問返我d個人資料, 簡直問家宅,
"屋企人做d咩工作, 屋企都有d咩人, 係唔係同屋企人住, 結婚未 ???", 簡直一大堆問題,
我覺得佢講都好似請我咁, 我個時有d驚佢話請我, 叫我簽合約,
好彩佢最後話, 因為佢仲要見多幾個應徵者, 決定請我的時候, 會打電話通知我的

我唔想做呢份工的原因如下:
1. 規定多多, 做夠7日才有人工, 做唔緊7天則没有人工, 7天至29天呢段期間辭職, 則當日薪計算 (星期六和日不計算在內)。如果成日遲到和曠工, 則要賠一個月人工給公司 (呢條規矩真的很有問題, 我很不滿這一點), 仲有幾點, 我己經不太記得了。

2. 要上料, office隔離就是倉, 我驚要點貨, 如果要點貨, 我會死得的, 因為以前做冒險點過貨, 點到我己經有點想死, 同埋要執倉, 佢話唔需要做粗重嘢, 但是覺得上料很麻煩。

3. 佢話星期六即駛放左工, 也要在放工後, 不斷跟進工廠上落貨的問題, 例如打電話給工廠

4. 呢間公司唔做 lc, 全部都是出票, 即是學的嘢少左

5. 呢間公司其實是廠來的, 佢d文件還要給另一間香港 agent 跟 (即係好似小敏個間公司咁)

6. 又唔駛我履海外客人的 email, 即是英文唔會有進步, 雖然我都害怕寫 d好難的英文, 但是我還是想履 email.

7. d 有薪大假要新年一次過放晒, 而且佢話無必要, 就唔好請假, 佢話因為很忙 (心想如果我突然要做手術, 咁佢一定唔批)

8. 得我一個做 shipping, 又咩唔識要問太子女, 而且佢話有時d同事係深水 "po" 買完貨, 我要去幫手拿, 即是做阿四。

哇 . . .數數下數左咁多點, 睇黎呢份工真是唔係好得 . . .  

見完第一份工, 己經是2:40分, 跟住我趕緊去見下一份,
今日認真繁忙, 我2:56分己經上到另一間公司, 但我是約了3:30見工,
仲之就唔咁早上去個間公司, 我坐到3:40分 都未 in,
坐係個間公司門口, 又唔知做d咩好, 佢又唔俾份申請表我填住先,
呢份 shipping 人工 10k, 14天有薪大假, 雙糧, 銀行假, 返五天半,
呢間公司很大, 我見到佢有好多個位, 好整齊, 呢間公司的員工還要比我宜家做緊呢份工多員工,
我坐了很久, 最後有位30-40歲的女人見我入去 in, 而同一時間, 又另一個女仔 in完出黎,
呢份工, 其實我覺得佢請我的機會唔大, 因為佢要求要識做 full set import/export 的 doc.
唔理咁多啦 . . . 見左先算, interview全程是用廣東話,
又是要我講下我宜家份工要做d咩, 之後佢就講返佢d shipping要做d咩,
很奇怪, 佢唔駛我填申請表, 而且我俾 d cert. 佢睇, 我覺得佢很隨便睇, 
而且又唔 photocopy 我的 cert., 佢好少問題問我, 唔同第一間公司咁多問題問我, 
而且佢又唔問我點解唔做宜家呢份工, 我一入到房, 佢就問我辭左份工未,
係唔係一個星期通知就可以辭都職, 我話是, 
佢無咩問題問我, 有時個氣氛很靜, 我覺得有點尷尬, 佢有時還對住我笑,
跟住佢問我有無問題問佢, 我當然有啦,
我問佢關於佢公司工作的嘢, 與及shipping dept. 有幾人,
問完一大堆問題後, 我就問佢有幾日大假, 有無醫療津貼,
佢話有14天大假, 而且過左試用期有醫療津貼, 感冒睇醫生和做手術都有得 cam,
非常好, 有醫療津貼, 其實我好鐘意呢份工, 如果佢肯請我的話, 我即刻辭左宜家呢份工,
不過宜家 in完後, 我覺得佢請我的機會唔大, 呢份不抱咁大的希望了,
宜家只好等消息了 . . . 

如果唔請我, 我會好好安心做住宜家呢份工先, 因為我們還要去學水,
我怕轉左新工, 要 ot, 咁樣會影響我學水的進度

見完工後, 我覺得成個人都好有衝勁, 好開心, 唔知點解會有呢種感覺呢？
我想可能成個人輕鬆晒, 所以才會有開心的感覺,
回到家, 我在樓下的 mcdonald's食埋我的午餐就回家了,
我未試過咁夜才食我的午餐,

馬仔 . . . 加油, 加油, 你要加油呀!!!

下午6:10分準備收拾行裝, 準備 6:30就即刻走人,
點知職業介紹所的高生打電話俾我, 話個間公司 in 我哪個人有d事,
要取消今晚的 interview, 問我想改邊一天與及時間,
我話星期六吧！但高生話我個日要 in 另一份, 如果再選埋星期六會唔會唔係咁好,
因為有d人介意一天 in 兩份工, 我話我唔介意, 因為兩份工都在荔枝角,
我想一次過 in 晒, 唔駛走來走去咁麻煩, 跟住佢安排我星期六下午3:30,

原本臨放工的時候, 超緊張, 因為我覺得呢份工幾好, 我好想佢請我,
但聽完呢個電話後, 我輕鬆了很多, 放下了心頭大石,
於是爸爸等埋我放工, 接埋弟弟, 我們就去了深水 "po" 食晚飯,
之後爸爸就車我去聽日見工的地方睇下, 因為佢驚我明天找不到方,
哇 . . . 去到 14天大假個間公司樓下, 個間公司的大廈很靚,
而去到另一間公司樓下, 個間公司的大廈比較舊,
我比較喜歡14天大假個間公司,
之後我們就回家了

之前搵一份會計的工作, send了一份履歷表到某間公司,
但原來個間唔是請我的公司, 而是一間職業介紹中心,
佢在網上登廣告, 託個間公司搵合適的應徵者, 而我 send了份履歷表給他們,
所以佢有我的資料, 佢收到我份履歷表後, 佢打黎問我, 你宜家做shipping的人工咁高,
而做account的人工反而仲比宜家個份少咁多, 你都願意做呀！
嗯 . . . 因為我没有經驗, 叫價太高會無人請的, 跟住佢話會幫我搵shipping和 account的工,

今日個間職業介紹中心打電話俾我, 話有一份 shipping的工想約我 interview,
問我今日放工 in得唔得?但是我今日没有帶 certificate, 所以推掉了,
於是佢幫我約了今個星期六下午兩點 interview,
個份工在荔枝角返工, 人工有 9.5k - 10k, 銀行假, 有雙糧,
而且佢的職責是要負責出入口, 因為我唔識做入口, 所以我有興趣 in 這一份,

中午我一個人都 kfc 食lunch, 哪間職業介紹中心又在打俾我, 話又有另一份工想約我 interview,
呢份工也是 shipping來的, 也是在荔枝角, 也是做出入口單, 人工也是 9.5k - 10k,
銀行假, 有雙糧, 重點這份工有14天大假 ( >"< 即刻 劉口水了),
職業介紹所知我要放左工先 in到, 所以佢先前己問定哪個公司, 如果平日可以等到我幾點 in,
哪間公司話星期五, 最遲可以等到我8點, 於是我約了7:45分,
我覺得一是無人叫你 in, 一是就是同一個時間會有人叫你去 in,

好啦 . . . 我諗住去 in下, 即使無醫療津貼, 到時住私家無得 cam, 就睇政府吧！
我純粹諗住去拿下 interview的經驗, 因為我真是無咩 interview的經驗,
努力吧！我要賺多d多d錢去做手術, cool牙, 去旅行, 馬仔 . . . 你要加油呀!!!

今日是重陽節, 有得放假, 真是太好了 . . .

下午我去了樂富的吉之島逛, 原本是想去樂富買牛仔褲的,
但最後牛仔褲没有買到, 反而買了很多文具回家,
因為那些文具很漂亮, 於是忍唔住手就買了回家,
之後我就去穿耳, 因為之前右耳的耳洞埋口了, 所以再去補訂,
今日我去逛文具店, 想搵下有没有游泳浮版賣, 點知搵了好幾間都没有得賣,
最後買埋六合彩就回家了, 今期的六合彩有金多寶呀!!!

今日落樂富的途中, 經過摩士公園, 見到己經有人游泳了,
我都很想快些 學會游泳呀, 咁我今年就可以過一個涼浸浸的夏天了,
期待中 . . .  

我發現公司班同事有問題, 冬天就開大個冷氣, 宜家咁的天氣就關掉冷氣,
而且還要關掉三部冷氣機, 個三部冷氣機都在我的座位附近,  
我開頭都唔知佢地關掉個冷氣, 到後來, 我覺得很焗, 有點空氣唔流通,
呼吸有點困難, 之後我開返個冷氣, 而且還開到22度,
成班人都痴線有病的, 我在想難道佢地在培養冬天唔怕凍, 夏天唔怕熱
我只好無奈工作中 . . .

今日整天都在家, 下午的時候, 煲左一陣碟, 我就去煲我的靈芝水,
今次我煲了紅棗, 我只放了兩小舊的冰糖下去,
煲好後, 哪些靈芝水唔甜, 只是有甘甘地的味道, 也不苦, 
感覺没有上次煲得那麼好, 飲完後, 隔了一會兒, 我個肚就開始肚痛了,
我想佢是發揮佢的功用了, 不過飲完靈芝水後, 真是覺得成個人唔同左,
以前成日留鼻水, 成日都會唔舒服, 但是飲完之後, 覺得宜家留鼻水也少左, 也無成日病了,
我覺得我是去完旅行返來, 成個人己經無咁易病, 去旅行真管效,
如果有病的時候, 去下旅行, 等返來的時候, 病也會好返,
真的很神奇哦 . . .  

今日約了1356食晚飯, 我和小敏放工後, 就去新世紀廣場 join 阿三,
我們在新世紀食完 lunch 後, 就去了朗豪坊, 因為小敏要買生日禮物給她姐姐,
行左一陣, 小敏終於買到佢份生日禮物給她姐姐,
買完禮物, 我們就去潮特, 逛了一會兒, 我們就去金太郎食晚飯,
我們點了很多嘢食, 買單的時候, 五個人 total都是食了 250元, 都幾抵,
今餐由六妹妹請客, 真是多謝六妹妹,
我們都食都很飽, 於是我們行去太子某間 cafe, 找個位子繼續聽埋五妹的故事之 part 2,
我們坐到11點左右, 五妹的男朋友就來接佢, 於是我們在坐了一會兒就買單走人了,
走的時候, 還見到五妹的男朋友,
哈哈 . . . 五妹真的是大個女了

中午的時候, 我落左apm美食廣場的黎花園食石頭飯,
黎花園是食韓國菜, 我點了個雞肉石頭飯, 很好味呀!!!
原來食石頭飯是要有技巧的, 佢就好似煲仔飯一樣,
開始的時候, 要不停係咁攪, 避免飯 “痴” 底,
如果唔係食到最後, 就會成煲飯焦, 石頭飯真是好好味呀!!!!
我點哪個餐還附泡菜, 我覺得d泡菜很辣, 而且很濕,
唔知真正的泡菜係唔係真是咁濕呢？
哈哈 . . . 今日F4陪我食 Lunch, 因為商場內的大營幕播放著F4在APM的活動, 所以我一邊食飯, 一邊看著他們, 呵呵 . . . 超開心吖

食完飯, 我就去三聯睇一本叫 “最新韓語旅遊全攻略”的書,
我有d想買這本書, 它還附上兩隻光碟, 這本書要60元,
我覺得都算平宜, 最後我還是没有買這本書,
因為我諗住等書展個時才買, 呵呵 . . .
哪本書的作者是韓國人, 她會說廣東話, 普通話, 而且學歷都好勁,
她現在在香港韓語教育中心當主任, 我有d興趣去哪間中心學韓語,
但是要1980元學費一期, 我計過1小時只是99元, 其實很平宜,
但是我宜家的收入, 真的付不起這個費用, 只有有心無力了
我實在太多嘢想學和想做, 我還想學游泳和日文,
睇黎我真是要積極付諸這些活動了

我好耐己經無玩icq 了, 最近要send d file俾朋友,
如果用icq send會方便d, 於是今晚心血來潮就裝返個icq,
我裝了icq 5 版本, 裝完後, 發現宜家icq多左好多功能,
有icq skin, 公仔圖案, 遊戲, 整到好似msn咁,
睇黎我都要慢慢掌握佢有d咩功能, 和有d咩玩,
大家以後也會在icq看到我的

晚上我見三妹online, 我見到佢張msn照片是阿旭,
而且還很大頭& 很清楚, 於是佢send了幾張在演唱會時候影的相,
我看到後簡直尖叫, 超大頭也很清楚,
有一張vanness 扁嘴, 這張相vanness的表情很 攪笑,
三妹影的相超掂, 簡直唔駛去信和買相, 真的謝謝你了,
三妹還告訴我佢影了很多vanness的video, 三妹真的辛苦你了 . . .

這張相, 我覺得 vanness的表情好攪笑                                      (photo by 三妹)

而這一張相片, 我覺得 vanness好型和很帥, 有點似 na na的造型         (photo by 三妹)

昨天三妹借了王子變青蛙的dvd給我, 因為很多人等緊佢盒 dvd,
於是我今日整天在煲王子變青蛙, 由早上煲到晚上,
簡直機不離手, 由第4隻碟睇到第9集碟, 我都很佩服自己睇碟的速度,
我想我這個星期應該可以還返盒dvd給三妹,
王子變青蛙真的很好看

整天我的身邊都圍繞著 F4, 首先就是唱k, 然後就是晚上的 F4演唱會了,

我約了大姐和小敏放工後去唱k,
放工的時候, 我首先到九龍灣搵小敏, 之後我們去fancl買了一些護膚品,
原本諗住好快買完, 點知我同小敏都逗留了很久,
最後我和她都買了一大袋戰利品, 之後就抓緊時間去會合阿大,
阿大, 真的不好意思, 讓你久等了, 齊人後, 我們就搭車去九龍城唱k,
我們首先開了楊丞琳演唱會, 接著就是twins演唱會, 最後就是 F4了,
唱到6:30 p.m.我們就買單閃人, 之後我們找了一間車仔麵的餐廳食飯,
食完飯己經是7:40分, 而我們約了阿三 8p.m.在紅館門口等,
死啦 ~ 趕唔切, 如是我們唔搭巴士, 而搭的士趕往紅館, 我覺得我們都幾豪,
不過唔緊要啦 ~ 一次半次無所謂了, 最緊要開心嘛,

到了紅館, 我們會合了阿三, 而且還買埋營光棒就入場,
入到場, 己經超興奮, 演唱會開始的時候, 我簡直尖叫,
到 vanness表演個 part, 我不停係咁叫 vanness, 而坐我們後面的觀眾也是 vanness的 fans, 我地不停係咁叫 vanness,
yeah ~ vanness真的超型, 超帥, 佢跳舞的時候, 簡直令我著迷,
我目不轉晴, 看著佢跳舞, 佢跳舞真的好掂, 簡直愛死佢,

總括這個演唱會, 佢地個個都有進步, 而且氣氛也很好,
如果 vanness表演的時間長d仲好, 我覺得佢表演的時間很像很短,
可能見到特別想見的人, 時間過得特別快,
可能其實佢表演的時間很長, 只是我太專注佢的表演,
所以覺得d時間過得特別快,
如果 vanness自己開個人演唱會, 我一定要買到最頭位,
因為當佢走過來的時候, 我可以吃他 豆腐嘛 . . . 呵呵

今日得我自己一個人出去食 lunch, 我食完飯後, 就去逛馬拉松,
在上年的時候, 我在馬拉松看中左一對拖鞋 (是毛巾質地), 我想我隻腳著呢對鞋一定會很舒服的,
但是佢没有我個碼, 於是就没有買到了,
今日我看見類似上年的拖鞋, 所以我打算買一對, 哪一對拖鞋是比較文族色彩,
個sales問我要咩碼？我話俾最大個對我, 佢話最大是9號,
佢覺得我著9號好似大左d, 我叫佢俾我試9號,
佢找了一會兒後, 就拿了一對8號鞋給我, 當我試著的時候, 我覺得有點緊,
又是哪個右腳骨的問題, 哪個sales 也擺出一個傻眼的表情 ,
跟住佢就拿左同一個款, 但是另一隻顏的9號鞋給我試, 我試試還是有些緊,
因為哪對鞋有很多交叉的繩子, 所以我隻腳會覺得有點緊,
跟住佢叫我試另一個款, 因為佢話哪對鞋無咁多交叉的繩子, 著落去會舒服 d,
如是我就試下, 覺得真是舒服多了, 我就試埋左腳,
之後我又嘗試著返之前哪對我喜歡的鞋, 哪個sales看見我左腳著8號鞋還綽綽有餘,
但左腳就緊, 佢的表情真的有點傻眼, 攪到我也有點不好意思,
最後我決定放棄我喜歡個對鞋, 而買了一對著得舒服的拖鞋, 
自從做完手術後, 我隻腳就很難買鞋了, 我要放棄一些我喜歡的鞋, 真的 >"< 

晚上約左莫石, 阿玉和雞皮食飯, 因為最近阿玉去完日本旅行, 於是佢順便拿埋d手信給我們,
因為莫石放8點, 於是我們等埋佢放工後先去食飯, 我們今晚去了 life cafe食晚飯,
食完飯後, 我們就開始玩啤牌, 佢地個個都想玩 "鋤大d", 但是我唔識玩,
所以我們開頭玩潛烏龜, 之後佢地話教我玩 "鋤大d", 佢地話我咁大個人唔識玩 "鋤大d"點得,
於是我就努力學 "鋤大d", 玩了一陣, 終於有點眉目, 在佢地的指導下, 終於羸了一局,
超開心呀！而莫石就唔識玩波子棋, 於是我們教返佢玩波子棋,
我們玩到大約11點半, 就走人了,

p.s. 好多謝阿玉送俾我的手信 (雨傘), 超實用呀！我把大口仔雨傘, 在台灣旅行時爛左, 諗住返黎買返把雨傘, 點知佢的手信就是一把雨傘, 哪我就不用再尋覓一把靚雨傘了, 她送給我的雨傘很可愛的, 我很喜歡, 真的多謝你了