今晚約左WINNIE一齊食飯, 7:15分係黃大仙地鐵站等,
我地今晚去左黃大仙廣場的大家樂打邊爐, 我們兩個叫左一個肥牛雜錦火鍋,
食完之後, 我們又去 McDonald’s食雪榚,
我食完個杯雪榚後, 個肚又開始痛 ,
返到屋企又開始痾,
嗯 . . . 睇黎我真係要注意飲食啦 . . .
嗯 . . . 我諗我呢排到係唔好食壽司和打邊爐啦 . . .
因為腸胃不是太好啦 . . . 成日都痾

P.S. 今日原本放工約左C 先生拿埋左碟, 但是佢竟然 . . . . (如有興趣知道這件事件的話, 請到我的MSN Space觀看)

之前我開msn, 解除對c先生的封鎖, 因為我要追佢拿返隻碟,
順便同佢講埋我個fd己經有左男朋友,
點知佢聽到我個fd有男朋友, 佢好"鱷"然, 話咩咁快手的,
(>"< 哈哈 . . .好嘢當然個個都想要 >"< 唔通係到等你釣呀 . . . 咪傻啦 . . .)
佢問我是幾時的事？我話係最近的事啦,
佢問我個fd的男朋友是咩類型的？(心諗咩你咁煩嫁, 佢個男朋友係咩類型都唔關你事啦!!!宜家叫你查家宅呀 . . . )
我真是未見個有個男人好似佢咁煩, 仲煩過我阿爸, 真是唔係講笑的 ,
我一直都避開佢呢個問題, 我一直再追問佢”我隻碟幾時先還返俾我”,
佢竟然話唔記得隻碟存在, 又話唔知擺在係邊, 佢話搵返隻碟先call 我,
之後佢仲想問我個fd的嘢, 我就即刻話要食飯, off-line, 之後再封鎖佢,

剛剛佢突然打電話俾我, 我都有諗過好唔好聽佢電話,
最後我都聽左佢電話, 我知我無論點避都避不過,
佢今次打黎係話我知佢搵返隻碟, 約我出去拿返隻碟,
其他關於我個fd個d 嘢佢都無問, 講完還碟的嘢之後, 我們就掛掉電話了,
我約左佢明天放左工係地鐵站拿返隻碟,
我諗住拿完就即刻走, 有咩消息, 我會在這裡祥細報導的. . .
欲知後事如何 , 請留意我的日記吧 . . .

公司的會計rainbow辭職唔做啦, 而佢手頭上的工作全部都pass返晒俾我,
而家我變得好多嘢做, 希望唔好好似上年咁, 晚晚OT到11點幾12點幾,
咁樣做我真是會死得嫁啦. . . 我都好偑服自己上年是怎樣牚過來的,
人工又無得加, D嘢做多到做極到做唔晒, 晚晚OT又無加班費,
呢個就是一個打工仔的生活. . . 慘,
死啦. . . 我宜家見到我個黑眼圏一天比一天黑 , 點算好. . .
好想快D到新年, 我要去旅行呀. . . 我想過左新年, 我會得到解脫,
因為去完個旅行, 就會開始我的跳槽大計,
我一定要跳得比宜家呢份好, 哈哈. . . 我係抱著這一個心態的

我要去台灣浸温泉, 去KTV, 買碟, 食嘢& 買嘢, 台灣你等我呀. . . 我好快就來啦,
你只要等多我四個月, 你等我啊!!!
我相信我們幾位姐妹一齊去台灣, 到時我們一定會玩到很癲的,
奇待著台灣之旅 . . .

感覺今日同返工無咩分別, 因為今日只是將d工作搬回家做,
不過我寧願係家中做, 好過假日都要返寫字樓做,
因為係家中做可以一路聽歌, 一路完成我的工作, 心裡的感覺會好d,
如果假日仲要返寫字樓完成我的工作, 咁我會覺得自己好慘,
見到其他人有得放假, 而自己則要留在公司工作, 心裡上一定會有d唔開心,
好彩我唔係後者啫. . . 呵呵

昨天踏了一天的單車, 被太陽曬到兩手通紅, 超痛呀. . .
攪到昨天晚上訓覺個時, 痛都都訓唔著, 感覺隻手好興和好熱,
今天還好呢. . . 肌肉没有出現酸痛的現象, 只是感到曬傷的痛楚,
中午食完飯就落左樓下萬寧買左枝曼秀雷敦薄荷膏黎塗, 感覺舒服多了, 正!!!
下次再去呢d活動真是要做好防曬的措施(例如著長衫, 塗防曬油),
引用昨天泰國餐廳待應的說話"今次我都唔咁笨", 我改為"下次都唔咁笨",
哈哈. . . 個待應昨天講呢句嘢個時真是好好笑, 個時我聽到都不知覺得幾攪笑,
好彩我的忍笑功夫勁, 無笑到出聲, 如果唔係佢都幾尷尬,

話說係咁樣的, 我地叫左一個冬蔭功的湯, 湯爐下面有一個位俾你放d很小的火爐入去,
個小火爐需要點著佢, 然後放入個湯爐下面的某一個位把湯興熱,
因為個條友真是勁白痴, 點著火, 先放落個湯爐下面, 白痴都唔會咁做啦, 諗到諗到,
緊係先放左落去個湯爐下面個位, 先再點火啦 . . .
個小火爐咁熱, 你點擺入去個湯爐下面的某一個位呢？真是勁白痴. . .
個時我在諗, 唔通你以前都係咁樣放入去, 所以唔怕熱, 所以我當時没有出聲, 只有睇住佢點整,
佢條友點著左火之後, 我feel 到個小火爐己經好熱,
佢就左手轉右手拿住, 右手轉左手拿住,
佢當時個樣都勁騰雞, 唔知點算好, 成個樣變晒, 好攪笑,
個時佢企係我隔離, 幾驚佢拋下個小火爐啊！

因為佢企我坐, 如果佢拋落黎, 我都幾大鑊, 我一定走唔切,
好彩佢都無拋落黎, 不過佢個d火焰碎石跌左落黎我件衫到 ,
好彩個粒火焰碎石没有著火, 如果唔係燒著我件衫咁點算, 到時真是死得咁滯,
佢仲有一d小火焰就跌左在桌面上, 小火焰還會著火的, 好恐怖吖. . .
佢條友就不停整熄桌面上的小火焰, 當時個情況都幾恐怖. . .
當小火爐熄左, 要換個另一個的時候, 又係佢走過來同我們換,
佢就係我隔離好細聲講左一句"今次我都唔咁笨",
之前個情況, 見到佢騰雞個樣, 加埋呢句說話, 簡直令人笑爆,
咁多位朋友, 如果你覺得平時食飯好沉悶, 没咩新創意, 不妨到這間餐廳試試吧,
這間餐廳會為你帶來無比的歡樂, 當中可能還會有一些刺激的新體驗,
當然呢個待應唔係呢間餐廳做的話, 相信都唔會再有呢D新體驗帶給你們,
哈哈 . . . 有興趣的朋友再話我知啦. . . 到時我再向你們介紹呢間餐廳吧. . . 呵呵 . . .

今日約左一d ESA班的同學 (四位姐妹, 陳杏儀, 冼麗萍, 布穎緻) 踏單車和 bbq,
我們約好了10: 30 a.m. 在大埔墟火車站等, 之後就一齊食早餐, 然後再到大美篤踏單車和bbq,
大約10:15分的時候, 阿五打電話給我, 話佢己經到左大埔墟火車站,
我同佢講, 你知唔知我地今日約左幾點呀？佢話唔知, 我話我地今日約左10: 30 a.m.
阿五以為約左10: 00 a.m., 嘻嘻 . . . 阿五只好辛苦你多等一會兒啦 !

我們食完早餐之後, 就搭 75k入大美篤,
到左大美篤的時候, 我們去左旺記租單車舖租單車,
呢間租單車舖的人都幾有趣和好攪笑, 佢話見我地咁多個人租單車, 會俾一個"電視框"給我們,
我同佢地講, 唔該俾一個大d的"電視框"給我們呀 . . .
我們都係租單車舖待了很久, 因為我們選車選得耐,
之後我們都選到一部識合自己的單車後, 大約中午12點幾, 我們就開始我們的踏單車之旅,

係呢次的踏單車之旅中, 只有三個人懂得踏單車, 其餘的人都不懂,
我們租了五輛兩輪單車, 一部家庭裝單車,
我們在大美篤的堤壩踏單車, 當中我們遇到一d奇人奇事, 十分野笑,
阿大係學踏單車的途中, 不幸跌了三次, 幸好没有太大的損傷,
阿大和阿三己經學識了踏單車, 還成功踏到去另一面的堤壩, 真是太好啦 . . .
她們只用了半天的時間, 就學懂了踏單車, 真的好叻和好厲害吖 . . .
哈哈 . ..  等佢地踏多幾次單車, 我們遲d就可以比賽啦 . . .

踏到六點幾, 我們就還車到單車舖, 各人都很疲倦, 所以我們取消bbq的活動,
係大美篤的泰國餐廳食晚飯, 我們連係飯店到遇到奇人奇事, 真是十分爆笑,
哈哈 . . . 真是攪笑 的一天,
食完飯之後, 7點幾, 陳杏儀, 冼麗萍和布穎緻趕著回家, 她們乖搭較快的交通工具 (小巴) 出市區, 而我地五位姐妹梗係選擇最便宜的交通工具 (巴士) 出市區啦 . . .
我地五個出到市區, 再到 McDonald’s坐了一會兒, 再分返我們之前所影下的貼紙相,
大約9:30 p.m., 我們就搭車回家了 . . .

中午12點半個時, 我從雪櫃裡拿出所有同事的飯盒出黎叮,
我實在太”輪盡”, 竟然把我的飯盒弄跌在地上 ,
(我心諗好彩係弄跌自己的飯盒, 而不是其他同事的飯盒, 如果唔係都幾大鑊)
害我今日要出街食飯, 算啦 ~~ 唔緊要, 反正今日出糧也要出去提款交家用,
順便交埋電話費, 點知觀塘個間smart tone關門大吉,
睇黎都係要去鑽石山的smart tone交電話費了 . . .

昨天痾左四次, 個肚好脹攪到我個肚好唔舒服 , 於是今日一放工就即刻去太子睇中醫,
我講左我的情況俾中醫聽,
我問佢駛唔駛去照下, 佢話叫我食多幾服藥, 睇下個情況, 先再決定駛唔駛去照,
佢叫我要睇多幾次中醫, 於是拿左三服藥回家食,
睇完中醫, 細佬又差唔多放工, 於是等埋佢就一起回家了 . . .

今日中午食完飯打電話俾陳杏儀, 問下佢昨天去飲精唔精采, 影得多唔多相？
佢話佢影左幾十張相, 哇. . . 好, 越多越好,
點知佢同我講佢影左幾十張, 但是張張都影得唔好,
佢話佢影個D相好濛, 不過都有十幾張好清楚, 我話十幾張都夠, 最緊要我地係睇男主角,
佢話佢影左一對新人結婚相的沙龍照, 影個D結婚相是好貴的,
我問佢我地個班同學有幾多個去飲, 佢話只有六個, 陳杏儀, 余麗珍, 方偉燊, 陳玉連, 袁凱文, 仲有一個唔記得左是邊個啦 . . .
佢話佢連開十幾席, 陳杏儀同我講話我地班同學仔覺得個新朗哥好掂. . . 掂????
我問佢點掂呀？係唔係高大威猛, 有型靚仔啊？
佢講掂, 攪到人家好想快D睇下個新朗哥係嘜樣, 睇下到底佢有幾掂. . . 哈哈  
我問陳杏儀佢到底點掂法？佢話個新朗有六呎高, 比想像中靚仔, 個樣都幾好, 都幾大隻, 但是個種大隻唔係肥個種大隻, (心諗唔通是筋肉人), 哈哈. . . 佢話佢個種大隻是近乎肥膏與肌肉之間, 聽到佢咁講, 覺得陳杏儀呢種描述方式都幾攪笑,
我叫佢快D將D相舖上網, 等大家一同分享佢昨天所拍下的照片嘛. . .
佢話佢宜家都唔知點樣POST 出黎俾大家睇, 因為佢都唔知用咩網站,
我叫佢用我宜家用緊嗰個相網, 佢話考慮下用嗰個, 不過佢話佢想搵下有無其他更好的網站 . . .
陳杏儀你快D POST出黎俾我地睇啦. . .   真是超奇待吖. . .

今日是媽媽的生日, 我昨天訂了一個 兩磅 的生日蛋糕,
媽媽話打算嗰個 兩磅 的生日蛋糕作為今日的午飯,
但是我地最後到無以生日蛋糕作為我們的午餐, 我們反而煮一些即食的食物作為午餐. . .

我今日用了半日的時間, 終於睇完”天堂之吻”這五本漫畫, 個結局點解唔係個男主角同個女主角係埋一齊嫁？好想個結局係男主角同女主角係埋一齊 . . .

7點幾, 我落樓下美心拿返個生日蛋糕, 因為美心收8點,
拿完生日蛋糕就返屋企, 接著我們等埋細佬放工, 就出街食飯,
媽媽有個朋友介紹鑽石石有一間杭州菜館D菜幾抵食, 咁阿媽就話去呢間餐廳試下,
食完埋單要603元, 我覺得唔好食而且又貴,
不過又佢啦, 一次半次, 下次我都唔會再去呢間嘢幫襯！

食完飯, 返到屋企己經11點, 我們仲有一個 兩磅 的生日蛋糕等著我們回來. . .  食,
呢個生日蛋糕成為我們今晚的宵夜, O . . . 一定肥死, 仲要係臨訓前食一件咁大件的甜品,
睇黎如果要減肥的話, 我相信都有排減啦 . . .  
我的體重一直係咁增加, 但是我的收入就一直没有增加,
想增加的嘢而唔增加, 想唔增加的嘢反而郤增加. . . 哈哈

今日約左d fd晚上食飯, 係出去旺角之前,
落左樓下美心訂生日蛋糕,
因為明天就是媽媽的生日, 我訂左一個兩磅的生日蛋糕,
之前媽媽食個那個生日蛋糕, 佢話那個生日蛋糕好好味,
但是個個生日蛋糕没有一磅買, 是起碼一定要訂兩磅,
難得咁開心的日子, 哈哈 . . . 就訂兩磅啦,
哈哈 . . . 媽媽話那個生日蛋糕就當明天的午飯, 咁我們唔食其它嘢, 我們一定食得落,
我想食這麼一件的大蛋糕 (甜品), 一定肥死啦 . . . 到時減磅真是有排減啦 . . .

今日早上要到葵通貨櫃碼頭個邊上堂,
早上約左fanny 8:40分係黃大仙地鐵站等, 而約左 rainbow 9點係荔景地鐵站等,
早上起身無食早餐, 就勿勿忙忙趕落去地鐵站, 唉 . . . 今日變相提早左返工, 真是辛苦吖 . . .
去到貨櫃碼頭, 哇 . . . 入面好大啊 . . . 門口的保安間我地係唔係黎上培訓班,
我地話是, 所以佢先至俾我地入去,
上到去課室, 見到好多人都黎上堂,
聽完個講師講完之後, 真是覺得”may”紙走向電子化, 真是好方便,
11點半就上完堂, 之後就要回公司了, 哈哈 . . . 我地去到地鐵站差不多12點,
於是我們決定回公司黎個地鐵遊,
我們坐到油麻地地鐵站, 之後再過對面轉車, 轉返調景嶺線回觀塘,
回到公司12:37分, 哇 . . . 返到黎公司好多嘢做啊！
yeah  . . . 我係短短的時間, 把手上的工作做完, yeah . . . 剛剛好又到食飯時間,
同 fanny, rainbow & patrick落去apm的茶薈食飯, 哇 . . . 今日唔知仲咩事, 間間餐廳都好多人,
patrick話可能出左糧, 所以今日好多人出黎食飯,
我就話可能係10月1日回歸, 聽日唔駛返工, d人開心, 就出黎食返餐飯,
1:40分d嘢食仲未黎, 我地己經吹左好多次, 但是佢都係未黎,
之後 fanny好勁, 走去搵個間餐廳的經理, 同佢講d嘢食仲未黎, 等左好耐, 再唔黎就走,
嘻嘻 . . . 等左一陣, d 嘢食終於黎啦 . . . 我地就用10分鐘的時間把食物食晒,
哇 . . . 食完個餐飯, 超辛苦吖 . . . 因為好似把飯倒落個肚到, 頂到好辛苦啊 . . .

另外一件事, 個鬼佬今日返工啦 . . . fanny話佢企起部影印機前望黎望去, 好似好無奈咁 . . .
我話之後個鬼佬點呀？佢話個鬼佬左望望右望望, 之後 patrick就走過去敎佢點用部影印機,
因為我個時唔係公司, 我去左洗手間, 所以睇唔到呢個情景,
我覺得個鬼佬有d似戇豆先生, 係佢d動靜好似, 我見到佢真係好想笑 ,
佢今日係部影印機前面左望望右望望, 我會諗當時的埸面一定好攪笑, 因為佢真係好似戇豆先生,
可借我睇唔到呢個埸面, 哈哈 . . . 我好似有d衰, 咁樣話我的同事, 但佢真是好攪笑,
哇 . . . 老闆今日同個鬼佬同事兩個人去食飯, 宜我地以新人的身分入黎呢間公司做,
老闆都無話過同我地出去食飯, 老闆對呢個鬼佬真是與別不同 . . .

今日放工約左家慧和 chris 食晚飯, 我地約好左7點係太子地鐵站等,
點知chris打俾家慧話佢黎唔到食晚飯, 於是我就同家慧兩個人出左太子食飯,
到左太子, 我地就即刻搵餐廳食嘢, 因為家慧己經好肚餓,
哈哈 . . . 於是我們就搵左一間食日本的餐廳食飯,
食完飯之後, 我就同佢去左朗豪坊行, 因為佢想去某一間買衫的舖頭睇衫,
哇 . . . 入到去個間舖頭, 件件衫都好貴呀,
一條褲都要399元, 外套799元, 哇 . . . 真是好貴啊 . . .
之後就去睇波鞋, 因為我同佢都想買一對波鞋, 但是最後都睇唔啱, 唔合心水,
行到九點幾, 家慧想去兆萬買耳環, 於是我地就個去個邊,
哈哈 . . . 行行下, 興起話影貼紙相, 於是我們就去左銀城影貼紙相,
影完貼紙相之後我們就去兆萬睇耳環, 個間舖頭的老闆娘好好人,
家慧是個間耳環舖頭的熟客仔, 所以都同老闆娘好 fd,
嘻嘻 . . . 我都買左一對耳環, 我見到個對耳環幾靚, 但是佢是唔防敏感的耳環,
我開頭無諗住買, 但是個老闆娘好好人, 佢話換個對防敏感的耳環俾我, 唔需要另外加錢,
哈哈 . . . 咁我就買左對耳環了, 而家慧亦買左一對佢摯愛的葉型耳環, 佢隻耳環也很漂亮,
之後我地又再去潮特, 家慧話想買銀包俾佢的男朋友, 但是最後都唔啱心水, 所以無買到,
行到11點幾, 商埸己經開始關燈和冷氣, 於是我們要行後門走,
之後, 我就同家慧搭巴士回家, 回到家己經接近十二點了,
今日真是玩得好開心, 哈哈 . . . 因為太耐冇見家慧了,
我們又去左影貼紙相, 又買左對耳環, 今日我同佢都覺得玩得好開心 . . .

P. S. Chris黎唔到的原因是因為他媽媽生病了, 他要在家照顧媽媽,
他真是孝順了, 所以佢今次就出唔到黎, 哈哈 . . . 不過不緊要, 仲有機會嘛 . . .

另外一件事：嘻嘻 . . . 我最近終於無俾 C 先生煩啦, 感覺真好呀, 因為佢家裡有事,
呢幾天我無見佢 online, 佢亦都没有打電話俾我, 我真是太開心了,
開心的程度高達10級, 哈哈哈哈哈哈哈哈哈哈哈哈哈哈 . . . .
呢幾天佢無打俾我, 我都覺得有d出奇,
因為佢每日都會打來煩我, 一係就是我是公司開msn個時, 佢就不停咁煩住我, 他真的令我很反感, 佢實在做到我唔係msn封鎖佢唔得, 因為未見個一個男生咁煩, 死纏住唔放, 我阿爸都無佢咁煩呀 . . .
佢成日講黎講去又是講個d嘢, 佢唔厭我都覺得煩呀 . . .
最近 . . . 從朋友口中得知佢屋企有事, 所以我覺得有種 “nut” 難的感覺 ,
嘻嘻 . . . 唔駛俾佢煩住晒, 超開心吖 . . .

今日放工陪陳杏儀去買數碼相機, 我叫埋bovia出黎一齊去買機,
因為bovia 識得九龍灣百老滙的人, 買嘢可以平d, 所以咁就叫佢陪埋我地一齊出去買相機,
陳杏儀買左canon 50, 部相機原本要2800幾元, 宜家只是2560元,
雖然是平好少, 但是佢送佢好多贈品俾我地,
有成6件贈品, 有相機腳架X 2, 抺相機鏡頭布X 2, 相機形幕保護貼, T-SHIRT,
真是覺得搵埋bovia同我地一齊去買相機有好多著數,
哈哈. . . 等我下次換相機都搵佢幫我買先得,

買完相機之後, 我地就去左茜廊食飯,
陳杏儀話我今日個樣好病, 佢問我係唔係好唔舒服, 佢話見到我個樣面青口唇白, 好似好辛苦
我照下鏡子, 我見到我塊臉真是好白& 口唇也是白, 我只是覺得有點頭痛而己,
估唔到望落去個樣這麼恐怖, 唉. . . 我真是要好好休息, 盡量都是唔好出街,
食食下, 陳杏儀話黃同學結婚個日, ESA班劉班長會做姐妹,
我叫陳杏儀個日一定要影多d靚相返來哦. . .
食到9點幾就回家了. . .