唔知點解屋企部電腦成日都上唔到網, 攪到好鬼悶,
於是我宜家的娛樂就是打pc game啦, 宜家玩緊“青春學園”,
覺得佢d人物都幾靚, 於是就買回家玩,
個game有d似大富翁, 要讀三年的課程, 係呢段期間, 你要完成校長的給你們的任務,
和追女仔/男仔, 到畢業後, 就要同愛人告白, 之後個結局就轉到去十年後,
睇你做咩職業和能唔能夠同心愛的人結婚or 還是單身?
哈哈. . . 我己經玩左呢隻game幾日, 終於玩完, 呢個game有d似求婚365日,
不過我覺得呢隻game麻麻地好玩, 始終都是覺得求婚365日好玩d 

今日成班FD約我去鑽石山睇 "HARRY POTTER", 原本都有諗過好唔好去呢？
因為 "HARRY POTTER" 的第一和第二集我都未看過,
擔心第三集會唔會連住第一二集的劇情, 聽FD講係分開一個個獨立的故事,
所以最後還是同她們一起去看電影,
睇完之後, 覺得呢套電影好好睇, 值得一看,
睇完電影, 我們就一齊起鑽石山的泰棧食 LUNCH, 佢D嘢食麻麻,
之後思紅和小豬去唱K, 問我地去唔去?
食完飯, 我們又走左去唱 happy hour, 我地去九龍城個間neway,
今日去九龍城neway唱k超正, 我地由兩點幾唱到8點幾,
買單只是68元, 包下午茶餐, 兩杯無酒精的飲品, 和加1服務費,
neway職員話happy hour去到六點, 如果無人就可以繼續唱,
我地唱到8點幾, 大家都要回家食飯, 於是就買單了,
如果我地唔買單還可以一直唱下去 . . .

今日同d fd唱k, 按新歌推介, 哇 . . . 發現我無一首識唱, 真是
而我d fd就點新歌, 我只好在旁聽她們唱新歌, 而我就點舊歌來唱

今日bovia約左小敏食飯, 她們兩個都有叫我去join去地,
不過我最後還是推掉, 因為這個星期晚晚都出街, 所以今日要乖乖的留在家裡,
做個乖乖女, 免得阿媽蛾,
加上我仲要補追日記, 補追看你們的日記, 煲碟, 打機和冬眠,
我要好好享受我這一天的假期

今日是出糧的大日子, 今日就知道有没有花紅了,
點知個結果令我好失望, 今年無花紅和雙糧, 轉工的念頭即時出現在我的腦海,
但是轉工呢個問題唔是話轉就轉, 我仲要考慮好多的問題, 就是我隻腳怎麼辦???
如果唔係隻腳唔聽話, 我真是一早轉工了, 之後我就開始擔心去台灣旅費的問題,
我原本死老定佢今年應該都會出花紅給我們, 我就靠花紅個筆錢去台灣,
唉. . . 睇黎我呢幾個月都要慳d, 不可以亂花錢

放工小敏等埋我, 然後我們一齊搭mtr去太子,
然後我和六妹先到新世紀的美食廣場搵位, 之後阿玉就到, 其後緊接著135,
我地食完飯, 己經8:10分, 我們就即刻趕去紅磡,
因為我們今晚要去睇twins演唱會, 心認為今晚的演唱會一定會好好睇,
因為睇過佢“零四好玩演唱會”, 覺得好好睇, 我諗今次的演唱會應該蠻好看的,
但看完整個演唱會覺得有d失望和唔多好睇, 因為成個演唱會無咩氣氛,
相比起f4 的演唱會還是差很遠, 記得f4演唱會的時候, 我同我個fd都玩都癲左,
f4的演唱會的氣氛超正, 會帶俾你一種感覺, 睇完一場還會想睇多一場,
總之覺得twins個演唱會麻麻,
今場的表演嘉賓有蔡一傑, 謝廷鋒, Kenny, 容祖兒, 覺得容祖兒唱live好好聽,
如果容祖兒開演唱會, 我都想去睇她的演唱會

睇完演唱會, 回到家己經12:15a.m.左右,
返到屋企媽媽還未訓, 我就同佢講我今年没有花紅, 也没有雙糧,
媽媽就叫我轉工, 佢話轉份人工高d, 有雙糧的工, 唔好再做呢份工了,
我唔係唔想轉, 只是我要考慮我隻腳???真是令人煩惱的問題

請了一天的病假, 回到公司, 有好多積聚的事要等著我去處理 ,
發覺原來唔好係放假後第一個上班日請病假, 因為當你第二天返到公司,
見到要等著處理的事情會覺得好恐怖, 但是我都無後悔請病假,
因為去完澳門回來, 我的身心真很疲累, 覺得需要一些時間整頓下 . . .

今晚約了1356出黎食飯, 順便俾埋係澳門買回來的手信給她們,
下午的時候, 打電話問 WINNIE "我去澳門用的錢 CAM 返出黎咪?",
她說 "CAM返出黎了", 於是我就約佢今日放工後拿埋筆錢,

放工後, 阿六等埋我放工, 然後一齊搭車出去食飯,
到黃大仙站, 阿六就陪我上去拿返筆錢, 之後我地就旺角JOIN 135,
我地今日去太子食素, d嘢食都幾好味,
餐廳的人對我地D年輕人都來食素都感到好奇, 哈哈 . . . 好攪笑呀
之後, 我就同佢地幾個分享我今次澳門之旅的經歷,
食完飯, 就是派手信的時間,
本來係澳門睇到好多好靚和好好味的食物, 好想買返黎給你們,
可惜我的行李實在太重, 所以無法買咁多的手信給你們,
嗯 . . . 下次有機會再去的話, 我一定會拿行李箱去的 . . .

從澳門回來候, 身心都很疲累, 加上係澳門凍親,
返黎香港己經病倒了, 所以今日没有上班, 告了病假,
回想前三天所發生的嘢真是好難忘, 估唔到係新的一年裡會. . .
有一種不祥的預感, 覺得會由年頭衰到落年尾,
可能係年頭發生左D唔好的事, 所以我才會有這種想法吧,
不過我唔希望這個想法真的會實現在我的身上, 好運你快D降臨在我的身邊啦, 

                                          >*.*< 兩眼發光的向上帝禱告著>*.*<

希望係新的一年裡, 大家開開心心的生活著

返黎香港啦. . . 好掛住香港呀,

原本我們買了5:30p.m. 的船票回來香港, 但winnie想提早回來,
於是我們搭3:30p.m. 的船回來香港,
回到香港, winnie就搭地鐵回家,
而我因為行李太重 , 行一陣, 停一陣, 此刻我真是有想死的感覺,
而中港城距離我要乖車的巴士站太遠了, 如果拿住三大袋行李到巴士站,
我相信我會死得, 於是係尖沙咀企左一陣, 最後決定搭的士回家,
這是我第一次人, 咁豪的坐的士回家, 不過我都覺得值得, 因為我真的太累,
回到家, 兩手好似快要斷掉似的, 好痛呀. . .

不知又哪裡說起, 只知道我過得很好, 便己經足夠了 . . .

大家知道我過得很好, 便己經足夠了 . . .

今日放工搵埋小敏就上去太子飲中藥, 而bovia亦都上去睇中醫,
之後我地就去左新世紀廣場食飯, 食完飯, bovia就同六妹講返份計劃書, 而我就在旁邊聆聽,
其實六妹買個份保險同我一樣, 只不過佢買的銀碼細d, 而我就買得大d,
佢地傾傾計, winnie打俾我與我商談明日澳門遊的嘢, 同佢傾左好耐,
winnie見到我地幾個係聖誕節的相, 佢話隻鹿角好靚, 叫我帶埋去玩, 同埋拿黎影相,
但是我覺得過了聖誕節, 還帶鹿帽, 會唔會好奇怪呢？
竟然咁興起, 就一於帶去玩, 順便影一輯攪笑的相吧！呵呵 . . .
但是我得一隻鹿角, 於是我就打電話問大姐借鹿角,
回家的時候, 我就去大姐屋企留下會鹿角,大姐真是唔該晒你借你隻角俾我,
等我返黎的時候, 再還返隻角給你, 我想我們下次見面的時候, 應該係我們睇twins演唱會,
今日聽小敏講聽日想搵六姐妹一齊出去倒數, 哈哈 . . . 你們要玩得開心d啦  

今日一放工就趕去太子飲藥, 又是踏正6:30p.m. 走人,
飲完藥, 就同弟弟去深水埗食埋飯才回家
今日個肚好唔舒服, 好辛苦, 個肚感到好脹 , 唉 . . . 點算好, 好無奈 . . .

估唔到聖誕假就這樣結束了, 有點不捨得, 我覺得自己好像没有放假似的,
很奇待下一個假期的來臨, 只要返多三日工, 又可以放假了,
有點唔開心, 覺得做完手術後, 我的健康差勁了很多,
希望藉着澳門的旅行, 忘記我的唔開心啦,
睇了一套劇集, 它講“死亡並不可怕 . . . 而呢個世界最不幸的人是没有回億的人,
而幸運的人, 即使面臨死亡, 但是他們也有回億伴隨, 感覺也死而無憾了”
我覺得呢句說話很有意思, 我在想, 我算是一個不幸的人還是幸運的人呢？
我想我的答案是我是一個幸運的人, 因為我有好多好多美好的回億,
家人, 朋友的聚會, 旅行, 行山的回億, 好多好多我們第一次的回億 . . .  
所以我覺得我們要珍惜現在, 創造好多好多我地美好的回億,
因為無人知道明天會發生咩事, 
我突然諗到一D嘢 “呢個世界最幸運的人, 就是擁有健康的人, 而最不幸的人, 就是不能擁有健康的人”, 我真是好想做一個健康快樂的小寶寶 >”<

今日第一天上班, 就收到南京 SUPPLIER趙靜寄來的禮物, 有食物和絲巾,
好多謝他們的一番心意

中午bovia打俾我, 佢話今日可以陪我地去買相機, 問我地今日得唔得閒, 但是我今日放工要去睇中醫,
所以我去唔到, 於是六妹就同左我個fd兩個人去買相機, sorry ∼ 六妹陪唔到你去買相機

放工, 我踏正6:35分閃人, 趕到太子, 己經6:56分, 真的好趕, 我是最後一個睇病的,
我真係好驚, 我問中醫我駛唔駛去照, 佢話呢d係正常, 不過好少人會有呢d情況,
但是都會有人會係咁？佢叫我唔駛擔心, 食下d藥睇下點,
睇完醫生, 我才無咁驚, 但是還是有點擔心,
我唔知信唔信得過, 因為我驚好似上次法國醫院個位醫生咁,
總之好矛盾 . . . 我真是唔想有事, 我唔想係一年開兩次刀, 好驚呀！

今日一早起身, 同媽媽和弟弟食完早餐, 我們就去左灣仔的亞洲遊戲展,
今天弟弟不用上班, 而媽媽就要上班,
我地早上9點半己經去到會展, 而佢開10點, 等左一陣就買門票入去,
今日都唔算多人, 仲還左好多game,
哈哈 . . . 發覺自己正一打機白痴, 只會打埋d 白痴 game,
我地首先去試玩 psp的 game, 之後就去左睇 play station 3的試影會,
哇 . . . play station 3 的game d場景好真實, 好多賽車game, 好似好好玩的, 
弟弟話等 play station 3 出的時候, 就會去買, 我的弟弟真是有錢呀！
之後, 我就同媽媽入公主島玩, 因為公主島只是 for 女性才可以入場,
入去後, 有兩個game都幾好玩, 一個係 eye boy, 一個係太鼓之逹人,
媽媽勁愛玩那個太鼓之逹人, 佢玩到唔捨得走, 我地己經返轉頭玩過幾次,
之後媽媽決定買太鼓之逹人黎玩, 我地還需要買一個鼓,
我開頭叫佢唔好買, 因為買一個鼓要 238元, 但是佢話真的好好玩, 好想買,
媽媽考慮後, 決定買鼓, 而弟弟就買左幾隻 psp的game回家,

行完後, 大約1點10分, 媽媽話想去花園街買佢昨天買唔到的嘢回家,
於是我們就去花園街, 弟弟話我一連三天都在花園街渡過,
開間舖頭開了, 但媽媽最後都無買, 因為佢睇唔啱,
之後, 我們就去食 lunch, 食完lunch, 媽媽就上班, 而弟弟就陪我去睇電話,
因為南京的supplier想買 nokia 7370, 佢叫我幫佢問下幾錢部？
問完價錢, 我就同弟弟回家了 . . .

回到家, 爸爸問我地買左d 咩？我地話買左個鼓和幾隻 game,
跟住爸爸話屋企己經無咩地方, 仲買個鼓返黎, 跟住佢就話我,
我話你攪錯了, 這個鼓不是我買的, 是媽媽買的, 因為佢話好好玩, 所以買回來,
之後爸爸就話媽媽真攪笑 . . . 呵呵 

今日一早被媽媽叫醒, 佢叫我陪佢去花園街買嘢, 買完嘢佢就去上班,
我地10幾己經去到花園街, 點知個間舖頭還未開, 於是我地行其他買衫的舖頭,
睇睇下, 買左一件褸, 到11點幾, 個間舖頭還未開, 於是我地唔等了,
因為媽媽要夠鐘返工了, 於是我地就離開花園街 . . .

返到屋企, 玩左一輪電腦, 就去訓覺, 因為覺得呢幾天d行程無停過, 覺得很累,
訓完覺, 人也覺得精神點, 我要儲足精神留待去澳門癲過 . . . 呵呵

因為星加玻的親戚最近黎左香港, 所以今日約左佢地飲茶,
於是我, 媽媽, 婆婆, 表妹和表弟先到酒樓搵位, 然後爸爸就去酒店接他們來酒樓,
飲完茶, 我地成班人就去松記食榶水,
之後香港的表妹和表弟約左人, 於是佢地走先, 我就帶我星加玻的表弟表妹到黃金買 game,
佢地見到d正版game好貴, 問我邊到有翻版買, 當場被他們考起,
因為我弟弟會比較清楚, 於是我們等埋我弟弟放工才去買game,
最後佢地都搵到佢地想要的psp game和 pc game, 呵呵 . . .
之後爸爸, 媽媽, 婆婆和弟弟都要回家, 我就陪姨媽到花園街買她們想要買的東西,
買完嘢, 表弟嚷著食 mcdonald's, 我就話一場黎到香港, 當然要試下香港的嘢食,
於是我和爸爸帶她們去食雲南米線, 她們食了之後, 讚不超口, 她們還說下次自己再去食,
食完晚飯後, 我就和爸爸送她們回酒店了