今朝早諗諗下都是去睇醫生, 雖然無咩大病, 但是諗諗下早d醫返好個病,
食完藥好好襯著這個星期六和日在家休息, 養足精神, 等待中秋節個日同幾位姐妹好好癲返晚,

仲有之前我阿媽話我晚晚磨牙, 諗住還掂睇醫生, 順便問埋醫生係唔係生蟲？
我咁多病痛, 肚痛, 肚瀉, 想嘔, 頭暈, 磨牙, 一次過睇晒醫生, 非常抵睇啦 . . .
如果只是晚上磨牙, 我係唔會去睇醫生, 而家咁多病, 一次過睇晒, 哈哈. . . 我賺左. . . 咁又可以慳返一筆錢. . .
睇完醫生, 醫生話我係腸胃炎, 磨牙唔一定係生蟲, 佢話生活緊張都會磨牙,
聽完佢咁講之後都覺得好d, 唔係蟲, 因為覺得有條蟲係體內, 覺得好恐怖吖. . .
我想可能是工作壓力太大, 成日驚做錯嘢, 加上公司工作的氣氛不是太好,
可能無形中俾左d壓力自己, 連我自己都察覺唔到這些壓力和我自已原來平時生活係咁緊張,
睇黎我明年的新一年大計, 就係唔好俾咁多壓力自己, 儘量去調節和減少呢d壓力 . . .

今日返工遲到, 我九點半先返到觀塘, 出左地鐵站, 要搭三條扶手電梯先至上到大廈的大堂, 我就跑上扶手電梯, 望上去第二和第三條扶手電, 一排人都係跑緊上去, 個時我真是覺得好攪笑, 無人係企起條扶手電梯到, 個個都係跑上去, 個種場面真是覺得好攪笑, 我地成班打工仔都係遲到, 大家都係努力跑緊返公司, 好似我地參加左馬拉松一樣, 大家都好努力跑去終點 . . .

今日好唔舒服, 肚痛, 肚瀉, 又想嘔, 同好頭暈, 成個人都好累,
頭暈我想是因為最近唔夠訓的緣故吧, 所以會頭暈,
所以今日係公司都好辛苦,
中午個時, 同ivan和patrick去花園餐廳食,
近排都唔見個鬼佬返工, 諗緊老闆上次介紹俾我地認識個時, 我係唔係聽錯呢？佢唔係我公司的同事呢？
今日襯著食飯, 就問下Patrick點解最近唔見個鬼佬返工, 佢係唔係唔係我地公司的同事黎嫁？patrick話佢係我地的同事黎, 佢宜家返左西班牙, 到九月底就會個黎呢邊返工,
哇. . . 當時我覺得有一種好勁的感覺, 覺得佢上次黎公司, 只係睇下間公司, 執下自己個位, 整頓香港公司的嘢之後, 就返去西班牙, 到期就返黎香港上班. . .
我問patrick佢黎香港住邊？佢話好似老闆租左間屋俾佢住 . . .
我好掁驚呀. . . 哇噻. . . 睇黎佢的來頭都唔嘢小, 我又問patrick佢係我地公司做咩position？patrick 話佢係marketing manager, 公司己經幫佢印好左咭片. . .
其實同d同事出去食飯都幾好, 咁樣就可以八到一d 公司的消息,可以知道更多公司的嘢. . .
最後Patrick 補充一句“個鬼佬d英文其實唔係咁好”,
個時我只好默不作聲, 呢d嘢真是不予置平. . .
食完飯返到公司, 個肚超肚痛,
我們中午食飯己經遲左十分鐘返公司, 但是我個肚都好痛, 於是我都唔理得咁多,
走入厠所解決, 又瀉多一次, 瀉完之後, 個肚己經無咁痛呢 . . .
開頭我以為係食左d唔乾淨的食物, 但我諗諗應該唔係食錯嘢,
於是我只是食左一粒幸福傷風素後, 成個人好返d, 但係食完藥, 就好眼訓 ,
諗住今晚要早d訓, 唔好再咁夜訓,
諗住早d訓, 休息多d, 明天會唔會仲係咁頭暈,
如果仲頭暈, 明天就去睇醫生. . .

昨天晚上, 阿媽十一點幾回到家, 她就立即打電話俾星加玻玉蘭姨媽,
安慰她叫她不要太傷心, 我姨丈五年前患過淋巴癌, 五年前己經治癒好,
最近我姨丈發燒左三天, 佢又無睇醫生, 又無理佢, 之後就暈左係屋企,
送到醫院, 入到深切治療部, 一直都無醒過, 一直陷入昏迷狀態,
訓左三天, 就離開左呢個世界. . .
玉蘭姨媽話佢一句說話都無交低就離開左呢個世界, 阿媽一路聽一路安慰著佢,
阿媽問玉蘭姨媽：『姨丈的屍體怎樣處理？係唔係己經放左返屋企？』
玉蘭姨媽話己經搬左返屋企, 擺在係屋企的花園(因為姨媽屋企係獨立洋房, 有花園, 獨立私家車位, 所以就將屍體放在花園裡), 直到下葬為至
傾傾下, 玉鳯姨媽又同我阿媽傾電話, 我阿媽話想電滙白金給玉蘭姨媽, 玉鳯姨媽話幫我們出住白金先, 到時黎香港, 我地再俾返佢都得. . .
安慰完玉蘭姨媽, 又處理好白金的問題, 我們就收線了 . . .

阿媽講完電話, 我問阿媽點解要將屍體放係屋企？而唔放係醫院或者賓儀館？條屍放係屋企咁咪會腐爛和發臭？
阿媽話星加玻的醫院唔停屍間, 個邊又好似無賓儀館, 所以個邊d 人死左之後就會拿返屋企放, 如果住是大廈, 條屍就會放係樓下大堂, 由家人來守候, 通常會放係大堂三日, 直至下葬為至,
d 屍體會打枝針, 等佢唔好咁容易腐爛和發臭,
我覺得放條屍係屋企好恐怖, 可能我睇得鬼片多, 一諗係都會今我毛骨悚然. . .
我們應該好慶幸香港的醫院有停屍間和賓儀館, 等屍體可以存放在這些地方. . .

轉個話題先, 之前拿左個度身訂做的鞋墊, 著左一天, 右腳好痛, 於是就開始停著,
今日放工約左做鞋墊的彭生七點, 所以一放工就要即刻趕去銅鑼灣. . .
拿返個鞋墊俾佢整. . .

今日又被老闆罵, 又是無嘢黎罵搵嘢黎罵, 好 . . . 我忍你 . . .
我當是一種生活的磨鍊和訓練, 訓練我日後被人罵也不會留一滴淚,
反而佢呢兩日罵我, 我没有為呢件事而唔開心和悶悶不歡, 我的心情和平時一樣, 没有太大的分別,
没有將佢罵我呢件事而放在心上, 因為我將佢罵我的事當没有事發生過,
可能我己經不太在乎, 我己經無咩心機留係呢間公司繼續工作 . . .

放工回家, 星加玻的親戚 (我公公的哥哥)打電話來, 他告訢我們：『姨丈死左, 係病死的 . . . 』
聽到呢個消息, 覺得有d唔開心和傷心 , 我的心好似唔知點咁, 個種感覺唔知怎樣形容,
我姨丈唔係好老, 佢個女即是我表妹只有十四歲,
我公公的哥哥話, 我表哥前幾天從澳洲回星加玻, 好彩我姨丈死個時仲見到個仔,
我姨丈昨日食食下飯, 之後就暈左, 送去醫院己經死左,
我姨丈五年前患過癌病, 後來佢去到澳洲醫治, 係澳洲個邊醫治好先返星加玻,
昨天因為是癌病復發, 痛到個人暈左, 之後就死左, 點解會咁嫁？唔係醫好左咁耐, 又無復發, 應無事才對
記得佢上年十二月黎香港, 我們和他們一家仲有其他親戚到鯉魚門食飯, 我覺得好似昨天發生的事一樣,
因為我覺得佢好好人, 佢好幽默, 講嘢好攪笑, 好樂觀, 十二月黎香港個時, 都唔覺得佢之前係有個癌病的病人,
佢個時仲同我講, 話第時我去星加玻, 帶我地去食海鮮, 又話帶我地去星加玻蒲 club, 叫我地要學識飲酒, 到時識返個玻仔玻妹 . . .
聽到佢死的消息, 個心情有d down down 地, 希望姨媽, 表哥和表妹也不要太傷心

覺得唔好的事都在呢個月發生, 人好化學, 每一天都唔知將來會發生呢事, 所以我宜家要珍惜每一刻每一秒, 做自己想做的事 . . . 好想同六姐妹去旅行, 留下一些美好的回憶 . . . 我在想如果我有病個時, 諗返起去旅行的趣事, 所拍下的相, 會帶俾我一些鼓勵和支持, 勇敢對抗病魔 . . .

今日超不爽吖. . . 又被老闆罵, 之前開會又話教人開LC, 令人歡喜奇待,
點知又是我自己摸摸下, 自已填份LC, 冇人教我填, 咁我咪自己試下填,
填完俾佢之後, 又話要多兩張紙, 我又未開過LC出去, 咁我又唔知道要D咩文件,
咁咪問佢, 佢就罵我, 咪呢兩張, 講極都唔知邊兩張,
人地又未開過LC, 點知要D咩文件, 咁樣就被佢罵,
我問佢呢兩張嘢, 係唔係要問銀行拿？佢話唔係, 總之就是要呢兩張嘢
(佢無講明個份文件係點樣樣的, 只是話就是兩張紙, 紙咩紙先得嫁？)
我都係唔知要邊兩張嘢, 因為佢無講到明要咩嘢, 咁我鬼知佢要d咩,
最後被佢罵完之後, 就話呢兩張嘢我會俾你, 到時你就連同開LC的申請表一齊入BANK
心諗”咁你一開始就唔好叫我俾多兩張紙你啦, 個兩張紙係你手上,
叫我俾D咩你啊!真是諗嘢都唔用下個大腦, 正一白痴”
你應該同我講“俾份開LC的申請表我簽完名之後, 再拿埋呢兩張紙一齊入BANK”,
我覺得佢真是好白痴, 張紙係佢手, 仲叫我俾個兩張紙佢, 玩嘢咩？
咁唔願意話我知, 又罵我, 咪開啊!!!笨. . . . 真是好激氣. . . 太可惡啦!!!無端端被人罵,
佢心情唔好就拿我地黎出氣, 咁樣做, 遲早人都癲. . .
我宜家只好忍, 如果我要走, 我都要做埋下年的新年, 拿埋筆花紅先會走,
仲要去埋個新年旅行, 放埋個有薪大假先會走,
好. . . 我宜家忍你 . . .

之前個幾日都好忙, 好多嘢做, 但是今日己經無咁多嘢做,
因為我將手頭上的工廠 pass俾另一個同事rainbow負責,
rainbow是公司的account, 但是老闆要佢做埋 shipping,
因為老闆話佢好得閒, 無嘢做, 咁就做埋shipping, 幫下我地, 又可以學多一樣嘢, 都不知幾好,
我宜家己經陸續 pass 我手頭的工廠俾佢跟, 所以我現在不會很忙, 而新一季的訂單又未開始走貨,
所以我要好好享受現在不用 ot 的放工時間, 唔係到時ot就會好似以前咁, 晚晚 ot 到 11點幾 or 12點,
我同工廠講, 如果現在關於佢地工廠走貨的嘢, 要搵rainbow, 宜家由rainbow負責你們工廠走貨的事,
我講完之後, 工廠的人以為我唔做, 佢話好唔捨得我, 因為己經同佢合作好耐 (嗯 . . . 我都好唔捨得佢地啊!!!因為大家都合作左咁耐, 做落都會有d感情)
我同佢\講我唔係唔做, 只是老闆將工作重新分配, 我唔會再負責佢地工廠的嘢, 我要負責另外其他工廠走貨的嘢!!!!
我只好說一句 "將來應該會再有合作的機會" . . .
她也回應一句 "奇待著那一天的來臨。希望現在的安排只是暫時性" . . .

其實我己經無咩心機做呢份工啦!!!我己經無咩心機做手頭上的文件, 個人有d down down 地,
我覺得有d 嘢唔好知得太清楚, 因為會令自己唔開心,
反而知少d嘢, 人也會開心d, 無咁多嘢諗 . . .
我覺得我是為生活而去打工, 無奈的上班和下班, 每一天的日子都是這樣過 . . . 活在無奈之中 . . .
我會想到底呢份工適唔適合我？到底有咩工才適合我去做呢？
到底幾時先賺到我的第一桶金, 二桶金, 第三桶金, 第四桶金, 第五桶金 . . . .
到時唔駛做, 咁就可以好開心去展開我的環遊世界之旅 >"< 哈哈 . . . 在發夢中 >"<

今日約左一個幼稚園兼小學兼中學同學 Carmen一齊食飯, 我亦搵多兩個中學同學仔一齊食飯,
約左中午兩點係旺中門口等, 點知無人出現, 於是打俾佢地,
carmen在屋企吃完飯先至黎, 雞皮電話一直打唔通, 阿玉仲未放工,
嗰時真是好肚餓, 於是自己一個人走去食飯先, 飯完飯, 我再打俾雞皮, 佢個電話終於通啦 . . .
雞皮宜家放工, 出緊黎旺角, 叫我行住先, 3點幾佢先出到黎,
之後雞皮話去朗豪坊食嘢, 佢同阿玉坐在係吉野家食嘢, 而我同carmen唔食嘢, 我地兩個係朗豪坊行住先,
等佢地食完嘢, 先join返我地, 佢地食完嘢, 我地幾個係朗豪坊行左一陣,
離開個時, 我地搭好長個條扶手電梯走人, 個條扶手電梯好長, 好恐怖吖 !!!

我地第二站, 就去左信和, 因為楊丞琳的cd 9月9 日出, 佢隻cd仲有惡魔在身邊的大結局40分鐘片段送,
諗住去睇下有冇得訂, 落到信和最低個層的cd舖, 問佢有冇得訂呢隻碟, 佢話有台版和香港版,
我問佢有d咩分別, 佢話台版多d嘢送, 我問佢楊丞琳個隻碟有冇惡魔在身邊的大結局40分鐘片段送, 佢話有,
於是打俾阿六問佢訂唔訂, 阿六話訂, 咁我就訂左兩隻台版的cd,
佢話有貨就會通知我去拿, 好想快d拿到楊丞琳的cd, 超奇待吖 !!!!

我地的第三站, 就是家樂廣場, 經過西洋菜街, 雞皮話要買飲品, 我叫佢去7仔買,
忽然阿玉見到條街有人派雀巢檸檬茶, 咁我地又走去排隊拿飲品, 條龍好長吖,
哈哈 . . . 咁樣我地又可以節省買飲品的錢,
拿完飲品, 我地就去到家樂廣場, 家樂廣場有一間買名牌手袋的店舖, 佢係門口睇左好耐,
阿玉問雞皮嗰個手袋個牌子叫咩名, 雞皮話叫 "vivian food", 係周慧敏個英文名 "vivian"
吓. . .  我心諗點解嗰個名牌改埋d咁奇怪的名呢？vivian的食物 . . . 我地三個都好奇怪和好攪笑 . . .
咁我地三個跟佢讀左一次 "vivian food", carmen話係 vivian後面加 's就係 vivian的食物,
睇睇下見到一張名牌袋的 poster, 就是阿玉問雞皮嗰個牌子名, 上面寫着 "viviness westwood",
雞皮話你睇下咪係叫 "vivian food" . . . 超爆笑 . . . 我話嗰個 "viviness" 同 "vivian"串法唔一樣, 兩個應該唔同讀法
雞皮話差唔多, 哈哈 . . . carmen一直係咁笑 . . . 行行下係到笑 . . . 話 vivian呢個食品都幾攪笑 . . . 我都覺得超攪笑吖 . . .

一輪的爆笑之後, 我地的第四站, 就是旺角中心, 雞皮今次出黎旺角主要係買一些返工的衫和鞋,
行行下, 雞皮問呢到係唔係有一間 a+abc . . . 吓 . . . 我心諗我未聽過呢間舖頭名, 佢講嗰間會唔會係 b+ab呢？
carmen話係唔係 b+ab呀!!!雞皮話係呢間啦 . . .  又一輪爆笑聲 . . . 呢個真是超爆笑 . . .
carmen話呢間 a+abc係邊個開, 雞皮話係佢開 . . . 咁我地叫佢開左之後, 一定要送d靚衫和俾 discount我們 . . .
雞皮今日真是大放笑彈, 真是帶俾我地無窮的歡樂 . . .  "vivian food" & "a+abc"
之後我地陪佢上左去 i.t.睇衫,
去到旺中, 雞皮買左一對鞋, 之後我地就去食晚飯, 因為行左好耐, 己經好累 . . .

我們的第五站係 life cafe, 嗰度有嘢食, 有一杯飲品, 仲有 uno, 波子棋, 層層叠玩,
嗰度食嘢都唔會好貴, 四十五元一位, 不過勝在可以坐得耐, 嗰度真是幾好, 提供埋d棋俾你玩, 真是一個唔錯的地方 . . .
今晚傻傻癲癲咁又一晚, 返到屋企己經係十二點幾, 回到家俾阿媽罵, 話我咁夜先返屋企 . . .

今日中什約左陳杏儀一齊食 lunch, 我地去左apm的御泰坊泰國餐廳食飯,
好多人去呢間嘢食飯, 所以我們等到一點三十五分先有位,
坐地左之後, 我同佢都點左個海南雞飯, 都幾好味,
下次可以帶六撞聾去個度食 . . .
因為等位等得耐, 所以搞到今日食lunch都遲到, 幾驚老闆唔 like . . .

下午請左兩個半小時去睇醫生, 下午4點45分約左 bovia係銅鑼灣的地鐵站等, 她陪我去睇莊醫生,
我約左莊醫生五點鐘, 莊醫生係上次我買宏利保險佢幫我驗身嗰個醫生, 覺得佢幾好人,
諗住上去問下佢：
1. 有無係我個份保險申請表度填寫我腳班底仲有粒嘢
2. 我諗住下年復活節做手術, 想割埋個粒嘢出黎。如果五月做嗰個腳班底手術, 個傷口仲未康復, 咁下年四月再做多次腳底的手術會唔會無咁好 (可能會郁都之前個傷口的嘢？), 建唔建議我去做多一次手術, 俾d意見我。我同佢\講我宜家個份保險唔保我下半身的血管瘤, 但是我公司個份就保我呢個病, 我想係我唔做呢份工之前, 攪掂呢粒嘢, 割左佢, 咁就無後顧之憂。到三年之後, 我個保險 agent再幫我同保險公司提出保埋我下半身的血管瘤, 咁到時保險公司就會保埋我下半身的血管瘤。如果我等痛嗰時先割左佢, 咁我己經唔係呢間公司度做, 咁我就無得 cam 公司個份保險, 加上三年之後, 如果保險公司要我去驗身, 咁見到我腳班底仲有粒嘢係到, 咁咪會繼續唔保我下半身的血管瘤？咁我到底好唔好下年的復活節去做多一次手術呢？咁我諗住襯年輕越早做手術就就越好, 因為年輕d, 個傷口也會快好d好番。個醫生聽到呢句係到笑 , 望著我講你宜家己經好好好年輕, 唔駛咁快擔心老左, 復原力慢, 因為30幾歲至40 幾歲都算係年輕, 所以我仲有大把時間考慮什麼時候做手術才是最好？邊一段時間才是適合做手術的時機？  
3. 血管瘤割左係唔係就會無事嫁？會唔會再生到去上半身？如果生到去上半身, 會唔會由腳班底延伸到上半身？
4. 腳班底的血管瘤割左之後, 會唔會再是附近生返出黎？

我同呢個醫生都傾左好耐, 佢都好好人, 佢仲好細心一一解答我的問題, 佢一點也没有覺得我不耐煩, 還同我開玩卑1叫我不用擔心, 所以我覺得佢好好人, 好了解病人的心理狀況, 安慰病人。因為我平時睇醫生, 入到去都唔夠五分鐘, 就話你可以出返去。我同莊醫生都有二十五分鐘上,
佢回答我的問題：
1. 佢没有幫我係申請表到申報呢粒嘢, 因為佢話我之前嗰個主診醫生認為係枕, 所以無幫我割左佢, 而x光片有睇唔到呢粒係咩？唔肯定的嘢, 佢地唔會寫落去, 佢地的職責只是寫肯定而屬實的嘢落去。
2. 佢就唔建議我去做多一次手術, 因為唔痛, 行路又唔痛, 對我的生活都唔會造成什麼大影響。我同佢講, 你按我個粒嘢個時, 有d痛。咁佢就話唔好按佢咪得, 咁就唔痛 (哈哈 . . . 我覺得呢個答法都幾攪笑, 一黎安慰下我, 二黎令我無咁擔心個病的情況)
佢就話如果佢係我, 腳班底生左粒嘢, 唔痛就唔會割佢, 因為割腳班底, 做完手術後是一件蠻痛苦的事, 起碼要一個月個傷口先無咁痛, 唔建議我做完手術無幾耐再做多次。不過如果腳班底痛的話, 就一定要割左佢。
佢話咩幫你做手術嗰個醫生見到你有粒嘢, 都唔同你割埋出黎, 痛一次好過痛兩次, 因為你還掂都係要痛, 點解唔一次過痛晒佢呢？我回答, 嗰個個醫生話d x光片照唔到呢粒係咩黎, 佢診斷呢粒嘢為枕, 所以佢唔會幫我割左呢粒嘢佢, 佢話割黎都無用, 堅持唔割呢粒嘢, 咁個時醫生話係枕, 咁我緊是相信醫生講的嘢, 醫生話唔割咁咪唔割。到做完手術, 返去覆診, 再問醫生呢粒係咩, 佢就話枕, 之後又話我成隻腳都係血管瘤, 如果要割的話, 就要剖左隻腳佢。
莊醫生聽到我講的嘢之後, 佢就話其實個醫生都心照, 都知道自己割漏左, 即使有可能係血管瘤都話唔係, 所以強烈話係枕, 如果唔係佢就好大鑊。莊醫生又再按下我個粒嘢, 佢話佢按到入面係有粒嘢, 個位都幾深, 佢認為是水腫瘤, 因為水腫瘤係照唔到出黎嫁, 但是它會突起有粒嘢, 因為我無照過 + 未割出黎化驗, 所以佢都唔可以肯定話俾我聽呢粒係唔係水腫瘤, 佢亦唔排除都有可能係血管瘤。
bovia話個時我做手術, 唔識得d醫生, 所以就搵左醫院入面d醫生幫我做呢個手術。
莊醫生話醫院入面d醫生無咩料, 加上好多病人, 好多病的案件, 都唔會記得我的案件, 所以佢係睇到x光片有咩就割咩, 照唔到的話, 就一於唔理佢, 所謂多做多錯, 唔做就唔會錯, 莊醫生話嗰個醫生一定是無按個我呢粒嘢, 所以就唔知道我我呢粒嘢, 仔細按, 係會感覺到係好深的位, 有粒嘢係度。
我話佢只係好輕輕按過一次, 好快就無再埋會呢粒嘢的存在, 反而著重係其他的血管瘤上。
莊醫生話佢只是輕輕幫我一按, 加上又照唔到係咩, 佢\緊係唔會埋個粒嘢的存在。
3. 血管瘤割左出黎之後, 就會無事嫁。佢話最驚就係生係個腦入面, 因為會死人, 生係腦入面真是好大件事, 生係其他器官反而無咁大件事, 因為唔會死人, 佢之前有病人都照到個腎, 肝都有血管瘤, 不過生係個度個d 血管瘤無咩嘢, 唔會對生命有什麼影響。佢話我腳班底好難延伸到上半身, 機會好微。
4. 血管瘤係一出世有幾多粒, 就會有幾多粒, 唔會將來自己增加。

總括我睇完呢次醫生, 我的心情有d 輕鬆左, 覺得心裡的大石也放下, 宜家我諗住三或者五年都唔好理佢, 等保險公司保埋我下半身的血管瘤, 到時先去做手術。

睇完醫生, 我就上左去 bovia間公司, 因為我約左彭生七點拿鞋墊, 時間尚早, 所以就上左去佢問公司,

6點30分, 我同佢一齊離開公司, 之後我就上去彭生個度拿完鞋墊, 之後我地就去左黃大仙搵埋個同事 fanny一齊食飯。因為 fanny想買保險, 佢知我買左宏利, 於是佢叫我介紹我個 agent俾佢認識, fanny 話宏利個d plan都幾好, 個agent都幾好, 所以幫bovia買保險, 約左明天去驗身。

我覺得fanny都好勁, bovia解釋完成份計劃書俾佢之後, 佢就咁快可以決定幫佢買, 完全唔駛再考慮其他公司的保險計劃。fanny話之前叫我灺公司個agent幫佢做一份計劃書, 點知個agent只是做左 cover個頁, 没有詳細的資料俾佢參考, 又無解釋份計劃書俾佢聽, 一d都唔專業。佢話bovia解釋俾佢聽, 解釋得好青楚, 加上望落去(指她)都幾順眼, 咁就定幫佢買。我叫佢考慮多幾間保險公司才決定買邊一間, 點知佢話唔駛再考慮, 覺得呢間好好, 真是好衝動去買一樣嘢, 我唔想佢買完之後後悔, 因為買保險唔同買棵菜, 唔係話買就買, 都需要考慮好多的因素。 

食完晚飯, 回到家己經係十點幾, 今日的行程真是緊密和累 . . . 

今日有個鬼佬黎左公司, 我同d同事以為個個鬼佬是我地公司的客人,
因為一返工, 老闆同佢傾左好耐 (係用西班牙文來談話), 唔知佢地講咩, 只是知道佢地講緊的是西班牙文,
因為我公司的客人大部份都是西班牙人, 所以都聽得出佢地是用緊西班牙文聊天 . . .

下午的時候, 個老闆同我地講：『介紹個新同事俾你地識 . . . 』
個老闆帶住佢行去每一個 dept., 然後向他續一介紹每一個員工,
當他行到我個 dept.個時, 老闆就同佢講：『呢個係 shipping dept., 呢個叫阿 wing.』
跟住佢就走過黎同我握手, 講：『nice to meet you』
我也回應一句：『 nice to meet you.』

覺得個老闆真是好勁, 都唔知佢係邊到請個西班牙人返黎,
好彩個鬼佬識講英文, 因為我老闆講唔係個個西班牙人都識講英文,
個鬼佬d發音好彩都唔會好難聽, 因為有外國人講英文, 好難聽得出佢講緊咩, 要諗多一諗先至知道佢講咩,
跟住我個dept.同事同我講, 無端端請個鬼佬返黎, 唔知點同佢溝通, 好彩佢唔係我地個dept., 唔係到時就真是雞同鴨講, 到時佢唔知我講咩, 我又唔知佢講咩, 咁就真係丟臉死人啦!!! 

今日上網睇, 話阿 rain 會十同黎香港開演唱會, 我都好想去, 可惜我没有 city bank 的 i.t.信用咭,
因為佢的演唱會要有這張信用咭才可以訂演唱會門票, 太可惡啦!!!
真是勁想去啊!!!
我覺得自己是愛一些跳舞好勁的小伙子, 有跳舞慾的人, 覺得佢地好型!!!

今日個肚好痛, 下午好辛苦 ,
好想落樓下買藥, 但是老闆睇到實, 落唔到去買藥,
諗住只好忍痛, 到放工個時先去買藥 . . .

突然 . . . 諗起陳杏儀 . . . 咁就打電話問佢有無止痛藥 . . .

佢話佢有止痛藥, 於是佢就拿左藥d落黎俾我, 咁我就係廁所等佢,
覺得真是好啊！有個同學係自己公司附近返工, 有咩事都可以搵幫手,
感覺真是好啊！佢就好似神仙打救我似的 . . .

返到公司食左藥, 隔左一陣, 個肚己經無咁痛, 真是好感激陳杏儀的藥丸 . . .

今朝早勁多嘢做, 要對三份 co, 九份提單, 又要趕住補料俾船公司, 忙到死,
今朝早一返到公司, 打開個email account收到客開俾我地兩份的LC Copy,
我都忙都唔得閒理佢, 諗住做完個d急的嘢先對, 點知係我對緊提單, 唔可以分心的時候,
老闆話兩份LC都有錯, 要我SEND個EMAIL同客講, 叫佢 AMEND,
因為叫個客AMEND, 我要做好多嘢, 如果個客有幾款貨的ITEM無開LC, 咁我地要佢加返個幾款ITEM落LC到,
LC的銀碼己經增加左, 咁我又要花好多時間計算返多左幾多錢出黎, 因為有好多個ITEM要加返落去LC,
你知老闆叫你做的嘢, 你要等一時間做好俾佢, 之前開會, 佢叫我們要係開船前對好D提單,
我今日趕住對提單, 因為明天船開, 所以都幾急對好俾船公司, 但是佢又叫我叫個客AMNED LC,
於是我就同佢做左AMEND的嘢先, 佢叫我搵返晒份LC有咩錯處, LIST晒出黎, 寫埋個EMAIL內容出黎 (但是唔可以SEND出去住, 要等佢睇過無問題, 先可以SEND出去),
因為我好快D做完呢個AMEND的嘢, 所以做得好快 (因為驚老闆話我做少少嘢都要做咁耐, 佢一追我, 我就會覺得佢好煩, 佢追人係每十五分鐘追一次, 我好怕佢追我, 因為我唔想聽到佢碎碎念的聲音, 當我覺得煩的時候, 我就會成個人做嘢好亂, 咁又會做錯嘢)
我好快做完僌佢過目, 佢話我有個ITEM無加落去, 我同佢講份LC己經又個個ITEM, 所以唔駛AMEND, 咁佢就話再睇下, 之後又話我無AMEND件數, 又話我呢樣個樣, 之後佢係我個份 AMENDMENT寫低仲有D咩要AMEND, 我就按佢寫的嘢而去AMEND, AMEND完之後，又再俾佢睇, 佢睇完之後, 要我再改, 我改左幾次之後, 我個頭己經覺得好痛, 好暈 . . .
改左幾次之後, 佢拿住份AMENDMENT出黎同我講, 叫我對多一次個銀碼正唔正確, 並且重新打過一份整齊的AMENDMENT俾佢睇, 睇過無問題, 就可以SEND . . . 我今次重新做過兩份AMENDMENT, 我並對得好仔細, 所以用的時間亦多左, 因為我唔想再改啦!!!今次再拿入去佢間房俾佢睇, 佢亦睇左好耐, 才走出黎話可以SEND出去俾客人啦!!!

返到屋企成個人己經很累了 . . .

中午同 ivan 和 patrick 落左去apm一樓的 "紅螞蟻" 食lunch,
我叫左個自製魚丸米線, 點知佢落錯單, 黎左個髮線麵, 廢事叫佢改, 咁就試下呢個麵啦,
食落的第一口的感覺唔多好味, 唔好味都要照食, 因為唔可以浪費食物嗎 . . .

阿爸今日早收工, 佢話收工之後可以車到我去銅鑼灣,
放工搭正六點半就即刻收工走人, 因為約左彭生七點十五分, 驚唔能夠準時去到個度,
放工落度去, 成家人己經坐在車, 阿媽話今晚唔煮飯, 出街食, 諗住做完鞋墊係香港個邊食埋飯先返屋企

阿鎷陪我上去診所, 上到去我覺得個度好似酒店咁, 個度d公司得一度木門, 木門掛着一個號碼牌, 好似酒店的房門,
我按門鈴, 彭生就好快開門俾我地入去, 我覺得幾攪笑, 睇醫生要按門鈴, 個醫生就會走出黎開門俾你入去,
入到去, 佢問我腳班底個粒嘢的情況, 駛唔駛做多次手術,我講左俾佢聽我宜家的情況後,
佢話如果我將來再做手術, 對鞋墊都唔會有好大影響 (因為我個鞋墊仲未做好, 今次上去就是佢幫我做返好個鞋墊)
我話如果影響唔大, 咁今次就做埋個鞋墊佢,
佢今次又要重新幫我倒腳型的模, 因為做鞋墊是按照返我正常的腳型去做,
首先要我印腳, 睇下我走路個時, d壓力會集中在哪裡？
其次佢要按住我雙腳往海綿狀的沙到, 壓出我的腳型出來, 然後就拿著這個倒帽, 幫我做一個鞋墊出來,
之後雙腳又要用石膏崩帶做倒模, 佢好似崩帶咁包住我隻腳班底, 之後就濕d水, 等一陣, 佢d崩帶就會變左硬硬的石膏, 我覺得發明呢個石膏崩帶的人好勁, 咁都俾佢諗到呢樣嘢 . . .
做完石膏倒模之後, 成隻腳都是石膏粉, 佢倒左盤水俾我洗腳,
洗完腳之後, 又要企上一部機, 之後佢就按一個掣, 影地我腳班底,
攪完一大輪嘢之後, 佢睇個我做出黎的倒模和之前臨時的鞋墊有d出入, 佢會再重新做過對鞋墊俾我,
宜家個個鞋墊就俾我暫時用住先, 到時做左新的鞋墊, 我就要俾返呢個鞋墊佢,
呢個鞋墊要1400元, 雖然有d貴, 但是佢都做左咁多嘢, 所以我覺得個鞋墊價錢都 ok啦!!!
雖然有d貴, 但是最緊要雙腳無事, 咩都抵, 呢d錢應駛得駛, 到時雙腳無事, 再可以掙返d錢返黎!!!

睇完己經八點鐘, 我七點去到個度, 差唔多睇左一個鐘, 睇完之後, 個肚己經很肚餓,
搵返其餘的屋企人之後, 阿爸話唔好係銅鑼灣呢邊食嘢, 因為好難搵車位,
阿爸就建議返去九龍個邊食, 阿爸突然興起話去深井食燒鵝, 阿媽訧話唔好, 去到咁遠食, 加上油錢又貴,
阿媽就建議去火炭食乳鴿, 阿爸又話唔好, 大排檔食嘢好熱,
之後阿爸突然諗到有個朋友話士瓜灣有間餐廳d嘢食幾好味, 咁我地就揸車到士瓜灣,
到左個間餐廳之後, 阿媽又話覺得呢間只不過係一間好普通的茶餐廳, d嘢應該無咁好食,
講左一輪之後, 阿爸又突然諗起朋友介紹一檔大排檔d嘢好好食, 個朋友話個廚師之前係d好出名的酒樓擔任大廚,
無做之後, 就開左呢間大排檔, 每晚都有好多人食, 星期六、日仲要等位,
咁我地聽完佢咁講之後, 我地成家人都贊成去個度食,
個間大排檔係深水埗, 我地去到個度, 都要等左一陣先有位,
個間d菜真是好好味, d菜好大碟, 佢炒個d菜好有鑊氣, 我地叫左6碟菜, 買單都只是 242元,
食都飽飽走人, 之後細佬話要去深水埗松記食糖水, 呢間d糖水超好味, 我好偑服我細佬仲食得落糖水,
阿媽話難得一場黎到深水埗, 宜大家剛剛食得咁開心, 唔好俾佢停, 食埋個糖水先返屋企,
今晚的晚餐簡直是增肥餐, 我叫左一個糖水, 食左四分一都食唔落, 阿媽叫我唔好浪費, 叫我慢慢食, 我磨左好耐, 都是食唔落, 碗糖水都是無嘢點郁過, 阿媽就話打包返屋企啦!!!我未試過食一餐晚飯食得咁辛苦 . . .  

早上打電話俾彭生, 約佢今個星期六幫我做返個鞋墊,
點知佢話佢診所星期六收一點半, 叫我明天放左工去佢銅鑼灣的診所,
我話我放左工都要七點三十分先過到黎銅鑼灣, 佢話無問題, 等埋我先放工,
咁我地就約好左明天上佢診所 . . .

中午食lunch個時, 同ivan落去流下的apm茶薈吃飯,
我同佢都覺得唔肚餓, 所以我地只是叫左麵食,
食完嘢後, 我落左一樓的 c.p.u. 買左一對birkenstock的拖鞋,
之後就勿勿忙忙趕返公司, 因為就黎夠鐘,
返到公司在睇清楚對鞋, 點知發現個鞋扣生锈,
希望放工拿對鞋返去換個時, 佢肯換俾我啦!!!

今日係做完手術的第三個月, 我左腳的傷口間唔中都會痛, 好似提醒我什麼似的 . . . 點解隻腳咁耐都未好的？係唔係做完手術都會是咁呢？周不時都會感到傷口傳來的痛楚。上次驗身個醫生同我講有時無需要去做手術而去做手術, 反而唔係一件好事, 好似我隻腳咁, 唔痛就唔駛理佢, 如果個粒嘢唔痛, 而去做手術, 往往做完手術, 都會感到傷口的痛楚, 佢話有時做完手術再痛過未做手術之前, 嗯 . . . 我現在終於明白了, 我都是咁, 我左腳的血管瘤唔痛, 個時法國醫院的醫生都話唔駛割, 但是我想割埋佢, 而家真正體會到驗身醫生的說話 . . .
 
之前俾部提款機食左張信用咭, 今日早上落返去樂富恆生銀行拿返張信用咭,
點知去到銀行要攪一大輪嘢, 開頭諗住俾張身分證佢睇就可以拿返張咭,
唉 . . . 又要簽咩簽嘜, 攪到我今日返工都遲左五分鐘,
今日都唔知發咩神經, 老闆一早搵我, 話有嘢要問我, 一返到公司就即刻打內線搵我, 我成個人都未坐低,
俾佢捉到我今日遲到, 真是無奈 . . .  平時我好早返到公司, 又唔見佢搵我, 一唔係公司就搵我, 玩嘢咩 . . .
原來佢要問我的嘢, 是一D唔急的嘢 . . . 總之今日真是斷正 . . .

保誠今日打電話俾我, 話會退返所有的保費俾我, 聽完之後都無咁驚, 因為之前驚佢唔會全數退返俾我,
好彩佢最後都肯全數退返俾我, 咁都無咁驚 . . . 因為我宏利個份保險是繳晒一年的保費, 所以最近都好手緊,
我要俾晒一年8317元的保費, 真是無咁多錢, 諗住下個月個份糧到全部交晒保費, 而家用就遲D俾返阿媽,
計一計, 我都唔知下年新年夠唔夠錢去台灣旅行, 真是有D擔心 . . . 真是要努力儲錢先得 . . . 唔係新年真是唔夠錢去台灣旅行 . . .

今日算好, 個天没有下雨 . . . 我比較喜歡見到陽光的日子 , 因為會令人覺得精神d . . .

今日對勁多份提單, 隻眼很累,
對對下有d眼訓, 就去個洗手間洗面, 面對咁多份提單, 找錯處, 真是有一種想死的感覺,
咁樣對法, 近視都加深幾度,
好期待惡魔在身邊第九集, 今日放左工, 一定要早d返屋企 dl.