| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2005 年 12 月 24 日 星期六 
| 聖誕party & 睇燈飾 |
公司今日放工後開party, 成個party只是得個食, 無抽獎無禮物, 有點悶,
食食下, 老闆就開始"對"人飲紅酒, 我都被佢 "對"左半杯的紅酒,
我真的不想飲, 因為我今晚還約了六撞聾, 我怕到時候, 支撐不住,
但老闆幫你飲埋紅酒, 又唔可以唔飲, 於是飲了大量的香檳和紅酒,
之後又玩埋d白痴遊戲, ming同supplier玩估下粒朱古力有無杏仁,
如果估唔中的話, 要飲一杯紅酒, 於是我還要幫阿 ming頂酒, 因為佢係manager,
manager叫你頂酒, 你又唔可以唔頂, 所以最後幫佢頂左一杯紅酒,
最後攪到成肚水和氣, 有點辛苦, 好彩最後都無事,
老闆話 "wing, 你宜家要飲多d紅酒, 咁今晚就會平安的, 宜家練定酒量, 今晚就唔怕被人灌酒"
吓 . . . 咁都得, 當場呆了
party完後, 就出旺角搵六妹, 之後陪佢去睇相機和食嘢, 之後三妹和五妹也來到,
於是我地係旺角行左一陣, 就出佐敦食晚飯,
今晚大姐還帶埋她的細細妹來, 於是我地食完飯, 係條街玩左好耐, 不停係咁影相, 玩到瘋左,
之後我地就進軍尖沙咀, 一路行一路影相,
點知有個老外看到我們
 可愛的頭飾 (聖誕鹿頭 cool), 就拿出部 dv拍我們,
我們還同佢講 "merry christmas和 happy new year" 呵呵 . . . 真是有趣,
因為尖沙咀太多人, 警方都封晒路, 最後我們都没有睇到燈飾,
差唔多踏正12點, 我們還在尖沙咀, 於是我們倒數完, 才搭車回家
p.s. 今晚收到兩份禮物, 真是好多謝三妹的 mi mi和六妹的馬拉松 100元現金劵
|
想知道更多我的事，快D登入啦。刊登時間︰2005-12-26 03:05 PM [ 訪客留言(2) ] [ 編輯日誌 ] [ 分享至FACEBOOK ]  |
2005 年 12 月 23 日 星期五
| 肚痛 |
今日早上係KFC飲完杯奶茶之後, 個肚就一直開始有D痛
 ,
之後就拉肚子, 條腰還有d痛, 我想我可能感冒了, 每逄感冒, 我條腰都會感到痛,
唉 . . . 好辛苦吖,
去廁所的時候, 遇見清潔廁所的阿豬媽, 佢話我對鞋好大對, 還問我著幾多號?
佢這樣問我, 我覺得有少許尷尬
 , 我同佢解釋是因為我做完手術, 腳骨變左形,
所以要買大一點的鞋, 阿豬媽也很同情我的遭遇 . . .
今日放工還約左大姐和三妹, 因為要還返d碟俾佢地, 我們約好了在樂富地鐵站等,
俾完d碟佢地, 我就同三妹上吉之島買左d嘢, 買完嘢後, 我地就各自回家了 |
| 想知道更多我的事，快D登入啦。刊登時間︰2005-12-23 11:34 PM [ 訪客留言(0) ] [ 編輯日誌 ] [ 分享至FACEBOOK ] |
2005 年 12 月 22 日 星期四
| 冬至 |
今日冬至好多人都可以早收工, 但是我仍是放 6:30P.M.,
六妹今日早放, 於是佢上黎我間公司拿返之前係大陸買的碟, 佢大約五點20分上到來我的公司,
我俾完D碟佢後, 我地一齊去埋洗手間, 我就送佢離開,
今日我地成班同事準時踏正6:30P.M. 走人, 點知老闆個細妹不滿,
佢同老闆講, 佢地成班人趕住走, 真是好憎佢細妹, 正一攪屎棍,
阿頭話人地有得早放, 我地無得早放, 我地宜家 6:32分走人, 俾多兩分鐘佢, 仲想點?
阿頭講起都有d嬲, 之後無人再理會攪屎棍, 我地拉大隊閃人
返到黎屋企, 食完飯就忙於舖個日係樟木頭影的相上網,
點知以前用開個個網站, 我的戶口過左期, block左我, 令我無得放相上網,
於是我就用五妹用個個相網, 佢有免費100mb的分享空間, 實在太好了,
呢個網站都幾易用, 大家如果想搵網站 post d相上網, 呢個網站可以值得考慮,
講住咁多先, 我要去煲我的韓劇啦 . . . |
| 想知道更多我的事，快D登入啦。刊登時間︰2005-12-22 10:48 PM [ 訪客留言(0) ] [ 編輯日誌 ] [ 分享至FACEBOOK ] |
2005 年 12 月 21 日 星期三
| 等待放假的我 |
今日食完 lunch好無聊, 於是走去觀塘廣場行,
行行下, 於是走入旅行社問三月去台灣的團費出左未,
點知得永安出左, 其他都未出, 永安的職員話三月係淡季,
我之前睇永安有一團行程都幾好, 但新年去要 4699元, 宜家呢個團只是2699元,
同一個團, 係唔同時間去, 團費差好遠, 所以淡季去旅行真是著數好多,
好快都下個星期了, 終於可以放假了, 期待己久的假期,
感覺好似好耐都未放過假, 我要好好享受
這個假期了 |
| 想知道更多我的事，快D登入啦。刊登時間︰2005-12-22 12:05 AM [ 訪客留言(2) ] [ 編輯日誌 ] [ 分享至FACEBOOK ] |
2005 年 12 月 20 日 星期二
| 買到twins演唱會的門票了 |
昨天幫唔到阿玉買twins演唱會的飛, 良心己經過意不去了, 和很內疚,
於是昨天晚上回家就立即上城市售票網 hold住張飛,
點知好似唔得, 於是今日打電話去城市售票網,
問佢我地隔離仲有無坐位? 佢話仲有一個, 實在太好了,
於是我叫那個人幫我 hold 住張飛, 那個人叫我今日或聽日到任何一間通利拿飛,
買到飛啦 . . . 真是好開心呀, 我就立即打電話同阿玉講返呢件事,
哈哈 . . . 買到飛我才不會自責, 心也會好過一點,
~~~ 大家要開開心心去看演唱會呀 ~~~
|
| 想知道更多我的事，快D登入啦。刊登時間︰2005-12-20 11:18 PM [ 訪客留言(0) ] [ 編輯日誌 ] [ 分享至FACEBOOK ] |
2005 年 12 月 19 日 星期一
| 密碼 |
密碼係大姐, 我, 三妹, 五妹和六妹的手提電話號碼最後一個數字 |
| 想知道更多我的事，快D登入啦。刊登時間︰2005-12-20 11:20 PM [ 訪客留言(0) ] [ 編輯日誌 ] [ 分享至FACEBOOK ] |
2005 年 12 月 19 日 星期一
| [ 此日誌受密碼保護 ] |
|
| 想知道更多我的事，快D登入啦。刊登時間︰2005-12-20 11:14 PM |
2005 年 12 月 18 日 星期日
| 返大陸 |
今朝早十點起起床, 去洗手間,
出到黎, 大姐和三妹都訓醒了, 於是我們就坐著聊天等六妹和五妹起床,
因為我們昨晚没有把生日禮物給兩位主角, 於是我們扮聖誕老人, 把生日禮物放到她們的床邊, 等她們醒來, 發現自己的生日禮物,
我們好順利把生日禮物放到六妹的床邊, 但五妹就 . . .
我們三個把生日禮物放在五妹的床邊, 五妹突然開眼, 我們被她嚇到, 我們即時呆了
當没有發生任何事走出她的房間, 之後再走回去看看她, 發現佢又訓返,
於是我們坐在廰聊天, 等她們起床, 隔了一會兒, 六妹起床並發現她的禮物,
之後我們等佢梳洗完畢後, 我們就叫五妹起床出街食早餐,
我們首先到火車站個邊買火車票, 之後去 kfc食兒童餐, 因為兒童餐有一隻我最喜愛的大口仔公仔, 而大姐想去喝茶, 於是我地決定買一個兒童餐, 食完後, 末去喝茶,
我們中午1點55分去到花園酒店的酒家, 點知佢話没有點心叫, 只可以叫炒粉麵食,
嗯 . . . 好失望呀
 . . . 我地於是叫了一個套餐, 食完飯, 我們再逛了一會兒天和百貨,
之後就回家收拾行李, 準備起程回香港,
返到香港, 回到家己經係晚上7點幾, 我回到家就開電腦 dl 日劇的流星花園,
我就一路看我的韓劇, 等dl完日劇, 我就立即看完, 覺得佢仲會開拍流星花園,
因為佢最後寫 see you again, 而且個結局好似欠缺一d嘢咁, 覺得好似唔知點咁,
睇完日劇己經係晚上11點40分, 於是太累, 就上床睡覺了 . . .
仲有一件事, 五妹係樟木頭個時, 送了一份聖誕禮物給我們, 就是每人一瓶燕窩,
~~~~ 五妹好多謝你 ~~~~ |
| 想知道更多我的事，快D登入啦。刊登時間︰2005-12-19 10:54 PM [ 訪客留言(1) ] [ 編輯日誌 ] [ 分享至FACEBOOK ] |
2005 年 12 月 17 日 星期六
| 返大陸 |
今日放工同幾位姐妹一齊返大陸, 我們約左二點係上水火車站等,
等齊人後, 我們就開始我們的樟木頭之旅,
到逹樟木頭後, 我們去金豪食我們的lunch, 而我同三妹就去兌換人民幣和買生日蛋糕,
食完飯, 我們就返屋企放下行李, 休息一會兒, 然後就到出面逛,
我們先去睇碟, 哇. . . 我們很厲害, 買了360元的碟, 而六妹是買得最多,
之後, 我們就行天和百貨, 要去買我們今晚開party的嘢食,
買完嘢食, 我們就去食晚飯, 個時己經10點幾, 我們去椰林閣食飯,
個間餐廳的氣氛原本是好好的, 但是被賣唱的人破壞成間餐廳的氣氛
, too bad ~
食完飯就返屋企, 之後大家輪流洗澡, 首先是大姐, 我, 三妹, 六妹, 而五妹在廰睡著了,
我, 大姐和三妹襯六妹洗澡的時候, 我們就準備今晚party的用具,
我們係我的房間帶定開生日party帽, bb, 之後襯六妹未出黎前, 我們玩自拍,
那些相
 超攪笑的, 哈哈. . . 未開生日party前, 三個人己經玩到傻左,
時間差唔多, 我們關了廰的燈, 拿著孖寶蛋糕點起生日蠟燭站著洗手間門口和五妹的旁邊,
當六妹走出洗手間, 我們就吹起bb和說聲"生日快樂",
嘻嘻. . . 五妹被bb聲嘈醒, 而我們等五妹洗澡完後, 就開始我們今晚的party,
影相, 自拍, 扮香港小姐, 大家己經玩到癲左,
最後她們個個玩到累了, 就去睡覺, 而我就在廰睇我的韓劇,
到早上五點幾的時候, 我都頂唔順
 , 於是就走去睡覺了 |
| 想知道更多我的事，快D登入啦。刊登時間︰2005-12-19 10:48 PM [ 訪客留言(1) ] [ 編輯日誌 ] [ 分享至FACEBOOK ] |
2005 年 12 月 16 日 星期五
| 執行李 |
今日一朝早無咩嘢做, 就同阿玉係到玩msn, 哈哈
 . . . 因為佢都無嘢做,
感覺今季的走貨己經少過上年, 有好亦有唔好,
好的地方就是我唔駛ot了, 而唔好的地方就是少生意就唔駛望加薪和有花紅,
出黎社會做嘢就是咁, 人工與工作量成正比, 唉. . . 只能概嘆生活中的無奈,
明晚食“仔” 左, 好辛苦, 中午食小小己經覺得很飽,
食完飯, 走左去觀塘廣場逛, 其實要去觀塘廣場買一些嘢, 呵呵. . . 最後都俾我搵到,
行到廣場, 見到有好多買聖誕用品的舖頭, 感覺呢一個聖誕好有聖誕氣氛,
真是好, 又到聖誕, 又到聖誕 . . .
今晚要執明天返大陸的行李, 哈哈 . . . 超開心, 我今年的生日禮物終於可以大派用場了,
有新袋用, 心情也特別開心 . . . 嘻嘻, 我仲要多謝咁多位姐妹送我這份很棒的禮物
執完行李之後, 就可始煲我的韓劇, 哈哈 . . . 我宜家亦愛上睇韓劇, 因為實在太好看了,
我好多謝阿玉借左咁多套韓劇俾我睇, 我己經睇晒 ”豪傑春香”, “我叫金三順”,
宜家煲緊 “對不起, 我愛你”, 我睇到第四集, 呢套劇都好好睇, 好感人, 佢的故事好慘,
哈哈 . . . 呢三套韓劇的男主角都很帥,
我認為 “豪傑春香” 和 “對不起, 我愛你”是最好睇的
|
| 想知道更多我的事，快D登入啦。刊登時間︰2005-12-16 10:02 PM [ 訪客留言(0) ] [ 編輯日誌 ] [ 分享至FACEBOOK ] |
2005 年 12 月 15 日 星期四
| 同朋友打邊爐 |
今晚同阿玉, 雞皮去黃大仙中心的五十嵐打邊爐,
哈哈. . . 今年係入冬以來, 第一次去打邊爐,
今日的天氣很凍, 最適宜打邊爐,
食到中斷, 我同阿玉己經好飽, 最後雞皮包底,
食到9點幾, 雞皮亦食唔落, 於是我地就買單走人啦. . .
今日下午六點幾, 南京的Supplier Jane send 左佢最近影的結婚相俾我睇,
我覺得佢影個d結婚相好靚, 俾大家過過目先:
 |
| 想知道更多我的事，快D登入啦。刊登時間︰2005-12-15 10:13 PM [ 訪客留言(2) ] [ 編輯日誌 ] [ 分享至FACEBOOK ] |
2005 年 12 月 13 日 星期二
| 勁 "蚊" |
今日起身個頭己經很痛, 返到公司, 一早就被阿頭激死, 勁 "蚊" 呀 . . . 咁申請正本CO要在走貨前一個星期給政府, 申請後, 政府官員才淮我們
心諗, 就算forwarder安排到我上這個星期六的船, 但是d文件都申請唔切, 政府都唔俾走啦, 心諗你咁遲通知我走貨和 hold住d文件, 唔通留黎拜山用呀
 ？
俾老闆知道呢件事實鬧佢死我啦 . . . 好無奈, 超 "蚊",
我阿頭己經擺明唔會肯呢件事係佢錯,
佢同我講, 一早己經通知左我, 並且俾晒d 裝箱單和文件給我, 我頂
 . . .
我同佢講, "我無收過, 如果有都係到",
佢唔信我, 佢話"我明明俾左你", 跟住就找我的桌面和文件夾,
之後佢找唔到, 就死死地氣話 "我俾多次裝箱單給你",
之後我就拿拿臨 booking, 希望趕得切走貨啦 . . .
真是好蚊, 於是lunch食完飯, 就去左三聯睇旅遊書, 心情才好一點,
最後, 還買左一本澳門遊的書, 本書介紹左好多澳門的小食, 好正, 睇到我都留口水了,
個邊d小食唔會好貴, 四色厚吐司, 阿伯蛋茶, 朱古力榚, 金錢餅, 三文治雪榚, 基記麥芽糖, 黑糯米芒果榚, 椰汁芒果榚, 芒果豆花 . . . . . .
以上的小食每一款都好似好好味的, 哈哈
. . . 好想澳門之旅快d到 |
| 想知道更多我的事，快D登入啦。刊登時間︰2005-12-13 10:10 PM [ 訪客留言(2) ] [ 編輯日誌 ] [ 分享至FACEBOOK ] |
2005 年 12 月 12 日 星期一
| 無辜被罵 |
今日無端端俾老闆鬧, 都無做錯嘢, 咁就俾佢鬧, 真是很
 不爽呀 . . .
因為有個廠上星期send左份正本invoice給我們, 叫我們找數給他們,
我收到發票, 只需要對下發票的件數與實際出貨數量是否相同,
而價格就唔需要我們對, 我對完張發票, 交俾老闆 check銀碼,
點知老闆check完後, 發現間工廠多收, 於是是張發票上寫下正確的銀碼並叫他們修改,
修改後再要傳回給我們核對, 於是老闆叫我張這張 invoice email給工廠,
我email完之後, 將那張發票原封不動交回老闆, 之後佢就在上個星期交給會計,
並吩咐會計, 要工廠照佢的意思修改, 然後給佢過目, 過目完無問題, 才可以找數,
今日間廠追找數, 老闆話要佢地修改後才回找數, 間廠話無收過, 叫我們再fax俾佢,
於是個會計手多多, 係個張發票上面寫著 "請修改 貴司公司名的抬頭和更改 consignee add"
(因為間廠有兩間公司名), 個會計真是自作聰明, 以為叫佢改實啱, 但是個間廠一路都用開個間公司出發票給我們, 我都唔明個會計發咩癲, 害我俾老闆痛罵,
間廠改返正確的 invoice給我們後, 會計就將新invoice和舊的invoice一同給老闆,
老闆看完後, 眼火爆打直線給我 "阿wing, 你同我入黎", 說話的語氣很凶, 心知不妙,
入到去佢間房, 佢就不停係咁罵我, 没有停過, 說道:
"我咪同你講, 只是叫佢修改銀碼咪得, 其他嘢唔駛改, 你仲咩叫佢更改公司名抬頭和 consignee address呀?"
我都唔知發生咩事, 只好回答 "我什麼都没有叫佢修改, 按你叫佢修改的地方 email給間廠"
老闆講 "你睇下呀 (指著舊個張舊的發票) . . . 你係張發票寫著叫佢修改這些, 唔係你仲係邊個呀?" 我頂
, 見到發票上d字, 就話係我寫, 唔俾其他人寫上去的, 一口咬定是我寫上去, (你認為女人就叫阿媽, 男人就叫阿爸, 咁你行出街,見到咁多女人, 就叫佢地做阿媽, 咁你咪好多阿媽阿爸?) 白痴, 白痴, 白痴 . . .我回答道 "這些字唔係我寫的", 佢話 "呢d字唔是你寫仲有邊個寫呀?"
心諗你白痴嫁, 除左我同你, 仲有邊一個呀? 我回答 "唔知係唔係 rainbow呢?"
佢就同我講 "你同我叫佢入黎" 語氣還是很凶, 我就照佢吩附叫rainbow 入去,
之後 rainbow就係入面俾佢痛罵,
我諗個個老闆都是這樣, 係唔係都鬧左你先?之後發現你無做錯, 就係到扮傻仔, 但是又唔同你道歉,
我覺得最近返工都好驚, 驚有無做錯都俾佢痛罵, 每日都是提心跳膽的返工,
我好害怕這種感覺, 我驚我遲d我會有抑鬱, 工作壓力實在是太大啦 . . .
所以我要係呢到講出黎, 這裏係一個好好發泄的地方, 將唔開心的嘢, 一一講出,
講左出黎, 個人才覺得好一點 |
| 想知道更多我的事，快D登入啦。刊登時間︰2005-12-12 11:10 PM [ 訪客留言(1) ] [ 編輯日誌 ] [ 分享至FACEBOOK ] |
 2005 年 12 月 11 日 星期日
| 行程緊密 . . . 好辛苦呀 |
星加玻的阿姨和姨丈來了香港, 於是我們約左他們去飲茶,
我們7點幾就要起身了, 我們先去酒店找他們,
之後齊人就搭車去深水土步飲茶, 飲到11點, 就送他們回酒店了,
因為他們今日要搭下午四點的飛機回星加玻了, 所以要趕著回酒店執行李,
他們是跟團來香港的, 他們主要想來香港的迪士尼,
他們來香港的團費很便宜, 只需要3000幾港元 (己經包括離境稅, 團費, 領隊及導遊費)
所以覺得他們的團費很便宜, 星加玻個邊放緊暑假, 所以他們帶埋他們的小朋友來香港,
同他們飲完早茶後, 我就同媽媽回家了,
下午三點幾, 我和她去樂富吉之島逛, 逛到五點幾, 我就和她回家了
到晚上, 我們等埋弟弟放工, 我們就去了深水土步的大排檔食晚飯,
食完晚飯就回家了,
我覺得我12月每一個禮拜星期六和日, 行程都排都滿滿的, 我覺得有點兒辛苦
,
好像没有放假似的, 我就好唔想返工,
睇黎我只好等25, 26和27, 才有得休息了 |
| 想知道更多我的事，快D登入啦。刊登時間︰2005-12-12 10:09 PM [ 訪客留言(1) ] [ 編輯日誌 ] [ 分享至FACEBOOK ] |
2005 年 12 月 10 日 星期六
| 生病了 . . . |
今朝早起身好頭暈和好想嘔
 , 我想我應該是感冒了, 暈都我起不了床,
原本諗住今日請假唔返工, 但是諗諗下都是唔好了, 最後還是決定上班了,
差唔多放工個時, 勁暈, 還是頂硬上 . . .
今日放工約左d fd逛街, 行行下, 俾我睇中左一隻
手錶, 我一見到就好喜歡,
於是我就買了粉紅色的 baby-g, 按手錶的燈, 個錶底還有一個女孩和狗仔的圖案, kawayi la,
he he ∼ 我比較喜歡 Q d 的嘢, 呵呵 . . . 買左手錶實在太開心了,
最後還買了一個 "斜咩"袋, 細細個的, 因為很早之前就想買一個細細的 "斜咩"袋,
呵呵 . . . 今日真是太豐收, 亦都是我荷包大出血 . . .
今日同個朋友買嘢個時, 做左一d白痴嘢出黎, 哈哈 . . . 呢個笑話實在太攪笑
, 這是我和她之間的秘密, 不能在此公開 |
| 想知道更多我的事，快D登入啦。刊登時間︰2005-12-10 10:04 PM [ 訪客留言(1) ] [ 編輯日誌 ] [ 分享至FACEBOOK ] |
« | 40 | 41 | 42 | 43 | 44 | 45 | 46 | 47 | 48 | 49 | ... | 50 | »
|
