傷風 . . . 勁流鼻水 . . . 好辛苦啊!!!

昨天和六妹食飯影的相, 暫時都無咩心情舖上網, 影的相唔多, 加上很累, 哈哈 . . . 我懶得就懶,
成個人都唔想郁, 成個人軟懶懶的, 唔知係唔係因為傷風的關係,
等我得閒先post上網 . . .
今日都好遲起身, 因為昨晚同六姐妹吃完飯返屋企, 沖完涼, 就睇返錄影的節目 (香港小姐), 成二點幾先訓,
所以今日十一點幾先起身 (係俾阿媽吵醒, 如果唔係仲有排訓), 起左身之後, 就開始攪我部新買回來的mp3,
吃完午飯, 就開電腦一直打機, 打到有d悶, 就轉打psp, 近期愛上打 psp, d遊戲幾好玩 . . .

今日請左假無返工, 去攪一d保險的事, 今日超大雨, 成條褲, 鞋, 襪都濕晒, up住晒好唔舒服,
早上約左bovia 9點30分係太子地鐵站等, 佢陪我去銅鑼灣 cut左保誠個份保險,
上到保誠分行, 同d職員 (鍾小鉏) 講話我想cut左份保險, 她問我點解要cut左佢,
我話你張合約寫保我血管瘤呢個病, 但是入面有一條條文寫唔保我呢個病,
咁我咪打上去你個客戶服務部問佢, 咁我呢個情況保唔保,
客戶服務部的人 (林生) 幫我打過去賠償部問過, 我咁的case保唔保,
賠償部的答覆是如果再有血管瘤呢個病, 而又是五月份做手術個次引起的話, 咁就唔保,
做手術個個位附近又有血管瘤, 或者血管再增生出黎而弔起呢個病, 都唔保,
咩情況下才會保埋我呢個病呢？林生話做完手術, 睇醫生份報告點寫, 到時再又賠償部決定賠唔賠.
聽完林生咁講, 覺得你呢間公司又無攪錯, 你唔保就唔保, 係碼清楚知道保唔保呢個病,
咁到時再有血管瘤, 我係碼有一個預算, 到底去唔去私家醫院到做手術,
一陣做完手術, 你公司唔賠償俾我, 咁我咪大失預算 . . .  >"< 真是好激氣 >"<
鍾小姐就叫我地等一等, 之後佢就打電話上總公司, 同總公司d人講我呢個情況而cut保單,
我聽到鍾小姐與總公司的對話, 鍾小姐同總公司講你份保單唔係話保埋佢呢個病咩,
總公司d人講如果之前的呢就唔保, 係之後發生的呢就保,
鍾小姐唔想俾我地聽到佢地的對話, 叫我地去另一邊坐,
之後她極挽留叫我地唔好 cut 單, 開頭d服務都 ok, 我地話諗過都是cut左佢, 之後一輪的苦戰,
她話你都是擔心唔保呢個病啫, 之後我地舉左一個例子問佢, 我地問佢如果我大脾又有一粒血管瘤,
d血液是流通, 咁你地都時可以話係又腳班底的血管瘤又血液流動到上大脾, 佢即時唔識答,
之後佢就黑面幫我地寫封退保信, 她寫完退保信, 我簽完名之後, 就copy左一份留底,
之後我就同bovia離開呢間公司 . . .

我決定買宏利, 因為宏利是大公司, 信譽好, 加上佢d條文寫得好青楚,
保就保, 唔保就唔保, 咁到時我做手術都有個預算, 所以今日宏利安排我驗埋身,
之後我就同bovia一齊上去診所, 間診所又是係銅鑼灣,
上去診所後, 佢幫我度高, 量體重, 驗尿, 個醫生幫我做問卷, 我講左我個case俾佢聽, 呢個醫生都幾好人,
佢話幫我睇下腳班底個粒嘢, 佢睇完之後, 話好大機會都是血管瘤,
我話之前做手術個時, 個醫生話是枕, 所以唔駛割, 佢話d x光片照唔到個粒係咩, 所以唔會幫我割,
之後我就俾左d x光片俾個個醫生睇, 佢睇完就話真是照唔到呢粒嘢係咩, 佢話又時就是咁神奇, 又粒嘢又照唔到係咩,
佢話我呢血管瘤好細, 所以部機照唔到, 佢一直同我講, 話如果唔痛, 就唔好埋佢, 唔好走去割左佢,
因為你個粒嘢無事的話, 無斷走去做手術, 攪到入面d嘢, 個時無事變有事, 就唔好啦!!!
個醫生一直叫我唔駛擔心呢粒嘢, 所以我覺得呢個醫生都幾好,
之後佢就幫我量血壓, 量完血壓, 我就問佢我的血壓正唔正常, 佢話血壓低, 不過都正常, 佢問我係唔係好緊張,
我話是, 我好驚睇醫生, 之後佢又按下我個肚, 聽下心跳, 佢就話找平時的生活都比較緊張 . . .

我地睇完醫生之後, 就上左去 bovia的公司簽申請書, 傾左好耐有關保險的嘢,
攪掂之後, 就坐車返屋企放地d x光片,
今日約左六姐妹一齊食飯, 我唔想拿住d x光片周圍走, 因為個份x光片都幾大份,
返到屋企坐左一陣就出去join佢地, 因為我出到旺角好早, 佢地幾個仲未出到黎,
於是我就去左百老滙睇mp3, 無諗過今日會買mp3, 純粹是睇下, 點知最後都買左一部 mp3 返屋企,
之後阿大, 阿三, 阿五和阿六出到黎, 我join埋佢地之後, 就一齊去左新世紀廣場行左一陣,
之後我地就去左一間食泰國菜的泰國餐廳食嘢, 個度好多大口仔的嘢, 飲品的杯是大口仔, 個杯超靚啊!!!
個間餐廳d嘢食都幾好味, 價錢都ok,
食完飯之後, 時間尚早, 個陣時是9點30分, 於是我地去左潮特到行,
我灺一輪傻傻癲癲咁, d時間過得好快, 行到差唔多11點20分, 之後就各自歸家,
而阿五就要努力繼續返工 . . .

今日覺得很累. . .

屋企部電腦壞左, 開唔到機, 開機磁碟又唔見埋,
而家返到屋企無電腦用. . .
所以宜家現在公司時間寫下我的日記,
昨天所發生的事, 真是令我太激氣,
我一定要寫出來, 發洩我的感受. . .

今日超唔開心. . .

公司d同事做錯嘢唔認, 屈我吃死貓, 呢死貓好大隻, 好難食得落,
我好憎呢d人, 呢隻死貓一定要我吃, 我没有反抗和掙扎的餘地,
佢害我被老闆狠狠的罵, 所有的同事都看著他狠狠的罵我,
罵我的時候, 我没有出聲, 因為我根本就唔可以出聲,
一出聲反駁, 我的下場仲會死得很難看,
我只有忍著淚水, 希望你快些罵完,
老闆罵完我之後, 我的淚水不斷湧出, 我唔想被d同事見到我哭,
於是我走左入洗手間, 在厠格內, 我忍唔住哭出聲來,
哭了一會兒, 我行出厠格, 然後洗臉,
我看見鏡中的自己, 雙眼通紅, 整返臉都好紅,
我唔想塊臉咁紅, 然後走返入公司
我要快d平復自己的心情, 但我一諗起個件事,
令我心情無法平復, 淚水自自然然流出,
因為我逗留在洗手間很耐, 我怕到時候返到公司,
又俾佢地話我唔知去左邊, 成機偷懶,
之後我就回到公司,
返到公司, 我老闆叫我打個電話俾大陸的廠商, 叫間廠fax一d嘢俾我地,
咁我唔可以等一陣再打電話俾佢地, 因為老闆會覺得佢交俾我的嘢是最急,
一定要即刻同佢做好佢,
咁我就打電話俾個間廠, 我一路說話, 講講下, 己經講唔落去,
因為我[的淚水己經不斷湧出, 聲音己經變左, 說話個把聲己經好震,
趙靜聽到我把聲咁震, 哭著在跟她說話,
她問我咩事, 係唔係又俾老闆罵？她一路安慰一路叫我不要哭,
她問我係唔係因為佢間廠而俾老闆罵？我說不
她又問我係唔係做錯單証而俾人罵？我說不
我一會兒没有出聲, 我跟她講, 話我一陣再打俾佢,
之後我又走左入洗手間, 我再洗臉,
之後我就再返回公司, 因為我唔可以再逗留在洗手間太耐,
老闆今日罵我的時候, 己經是下午五點半, 我的淚水間中會不斷湧出直到下班,
那時我好想好想快些下班. . .
 

下班的時候己經是六點五十分, 我第一時間走入洗手間,
看看自己的臉還有没有紅？没有紅, 我就離開公司,
下班的時候, 我己經覺得很累, 很累, 很累. .
但是我今日放左工約左個宏利保險agent – bovia, 她是媽媽的朋友,
媽媽叫佢睇下我保誠的保單有没有問題？之後我地去左apm的肯德基傾呢份嘢,
佢幫我圏出保單邊到有問題, 然後一一同我解釋,
我發現保誠份保單真是好有問題,
我同bovia講過我之前係想買宏利, 問過我公司的宏利 agent,
公司的宏利agent話一定唔會保我呢個病, 仲話會有99.9%唔保,
所以我先至買保誠,
之後bovia幫我做左一份宏利的plan, 佢再同我解釋,
係買保險之前, 我己經鐘意宏利個d plan多個保誠個d plan,
但是因為保誠保埋我血管瘤呢個病, 所以我先至買保誠,
如果唔係的話, 我一早就買左宏利,
佢解釋完, 我真是覺得宏利d plan好好,
Bovia話宏利又可能會唔保我呢個病, 亦可能保我呢個病,
到時都要睇下公司核保部的決定, 所以可以幫我問下核保部, 我咁的case會唔會保我呢？
Bovia話我公司個個宏利agent唔是好掂, 明知我有病, 就叫我買左保險先去做手術, 而唔係做完手術先去買,
我覺得bovia呢個agent都幾好, 講d嘢好仔細, 好detail,
諗住如果宏利保我呢個病, 我就轉過去宏利, cut左保誠,
十點三十五分才傾完, 差唔多講左四個鐘頭,
傾完之後, 我們就係肯德基吃完嘢先返屋企,
返到屋企己經是十二點,
沖完涼, 同阿媽傾返今日同bovia的嘢,
差唔多兩點才去訓覺
 

今日才知道哭過原來要花去許多體力, 成個人會很累,
一下子釋放體內的力量出來, 個種累不同做完嘢而很累的累,
總之成個人覺得鬆左,
我覺得我是一個眼淺的人, 很容易流淚,
今天真的很累, 很累, 很累. . .

今日放左工返到屋企, 就立即開電腦dl 惡魔在身邊第八集和海豚愛上貓第六集,
吃完飯, 阿婆話唔舒服, 有d發燒, 就陪佢落樓下睇醫生,
差不多睇左個半小時,
返到屋企己經是九點, 個兩套劇集己經dl完,
哈哈. . . 於是急不及待睇惡魔在身邊,
呢集超好睇, 睇完之後, 好想快d睇到下一集(超期待哎)

今日阿婆生病了, 今日一早六點半佢就叫醒阿媽陪佢睇醫生,
佢成身都生了水泡, 阿媽就同佢去左Q醫睇急症,
醫生話佢生蛇,
早上十點幾先返到黎屋企, 我問阿媽點解阿婆唔叫醒我同細佬陪佢睇醫生的？
她話阿婆知我有醫院恐懼症(he he . . . 我好似好無用哎, 竟然怕醫院), 所以無叫醒我陪佢去睇醫生. . .

早上細佬update返d嘢落部電腦, 發現我們裝好左個 200G Hard disk竟然只有 127G,
點解會咁的, 唔通俾人騙>"<
諗位住再拆返個Hard disk出黎拿返去換, 我突然諗到,
不如打個電話問下個度個d人點解會咁. . .
佢地話要上網update返先可以去到 200G , 好彩我地無再拆個Hard disk出黎,
唔係又要再裝返都幾麻煩. . .

中午吃完飯, 就拿返d空白cd碟去換
 

晚上再上網update返個hard disk, 點知update 唔到,
細佬話要用正版的window才有個個program去update返個hard disk,
最後我們都update唔到個hard disk . . . 無奈. . .

今日放左工, 返屋企吃完午飯,
同細佬出左去深水埗的高登廣場買 Hard Disk,
因為屋企部電腦己經無咩SAVE 的空間, 哈哈. . . 因為最近勁DL BT的原固
行左一陣, 我們決定買200G 的HARD DISK, 個HARD DISK 要745元,
呢間舖頭的價錢己經是最平,
今個月我簡直大出血 à 己經用晒今個月的糧

唉. . .  要努力儲錢啦!!!唔係新年就無錢去旅行了. . .
之後落左去黃金買空白的CD碟, 買完之後, 就立即回家啦!!!
 

回到家, 裝完個HARD DISK之後,
就試下燒碟, 睇下D 碟O唔OK,
我燒左四隻碟, 四隻碟都是死碟, 而我燒個四隻碟都是同一個檔案,
點知四隻都燒唔到, 真是激死人,
好彩又問佢燒唔到, 可唔可以換,
佢話可以換, 諗住聽日再去黃金換返D碟. . .

今日超唔開心 . . .

早上一返工就俾老闆罵，他個樣很凶，好似當我是佢的殺父仇人一樣，佢個樣真是好恐怖。佢由我踏入佢的房間，一直係到罵，佢個口無停過，好似一輪機關槍向我不停發子彈，我就好似一個人肉箭靶，俾佢射到一個個子彈洞，簡直體無完膚。我一直強忍淚水，好彩没有在他面前流下淚水，否則. . .

之後我就拿左份文件去銀行，去銀行之前，我走到洗手間，我的淚水己經不斷湧出，己經無法控制，當時我真是有股衝動想唔做呢份工，但是我一想到我暫時唔可以無左呢份工住，因為我缺錢，我要每個月都俾家用、手術費的分期付款、朋友食飯、自己買嘢和新年同朋友去旅行的錢，樣樣都需要錢，如果我無嘢做，屋企就會俾好大壓力我，我一定會承受唔住，我一定要搵到第二份工先辭去宜家呢份工，我覺得我是為生活而去打工和受人出氣。我在厠格內哭了一會兒 ，我整理好我的心情，走出厠格，望見鏡中的自己，己經哭到雙眼通紅，於是我就立即洗臉，再到銀行。我行去銀行時，我的淚水不斷湧出，我無法控制到，一想到俾佢罵，我個心就好痛. . . 我一邊抺去我的淚水，一邊的途人在望着我。當我行到裕民坊的McDonald’s的時候，我的淚水己經停了

中午吃飯的時候，我無咩胃口，我個飯盒只吃了 一兩 ” 擔”，就整個飯盒俾我倒掉。我就快速洗完個飯盒，離開公司，去左觀塘廣場行，係觀塘廣場我四周圍行，不斷睇嘢，梗係觀塘廣場買左十隻的空白cd 碟。回到公司，我的心情己經平復左好多。

今日我在想，到底我應該係呢間公司做到幾耐好呢？二年定是三年？而我辭工的埋由，我己經想好，就是身體健康為由辭去shipping 一職，因為腳底要做多一次手術，我唔想妨礙你公司的運作，加上上一次做手術為你公司帶來咁多不方便，所以要辭去shipping 一職。我覺得呢個理由非常好和掂。今晚要回到屋企打定封辭職信。如果有一日，我真是忍受唔到的話，就立即遞辭職信。我覺得我而家係呢間公司做只是斷練我的忍耐力，當是一種磨練吧!!!

我俾佢罵的經過：
第一件俾佢鬧的事
由於7月20日歐盟向中國實施貨物出口配額制，限制某些貨物從中國出口的數量，而我們亦要提供export licence 給客人清關用。客人之前有個email過來，要我們肯定出口的數量要第一時間通知他們，因為他們他要申請入口許可證。我有兩款褲是需要cat. 6，我在 7月22日 己經告訢客人我們實際出口的數量，並給予export licence給他們確認。我們 8月4日 走這款貨，今日收到supplier寄來給我們的正本提單和co，但是欠缺正本的export licence，我己經立即打電話問supplier，為什麼不寄出正本的export licence給我們？他的答案是：中國政府規定他們不可以寄出正本給客人，個份export licence可能隨時都會有變動和要統計中國出口的數字，如果他們寄出來給我們，他們給政府發現會有好嚴重的後果，所以他們不可以寄給我們。

我己經將申請出來的export licence copy一齊夾係文件入面，之後我就拿成套文件入老闆房俾佢簽名，並告知佢呢件事。佢即時話無可能，唔可以咁樣，佢話自己再問supplier, 咁我就出返去佢間房。隔了一會兒，佢打內線叫我入去拿返份文件，入到去就可始俾佢罵，佢罵我點解唔即刻話佢知呢件事，等佢可以一直追supplier寄正本export licence給我們。我同佢解釋，我都是剛剛收到文件才知道，己經立即話你知。佢就話8月4 日開船，你就該 8月5日 話我知，而唔是等到現在。我同佢解釋，我收到文件才知道呢件事，我唔問supplier佢地都唔講，加上我以為佢會同提單一齊寄出黎俾我。佢又鬧，點解我地咁耐先收到提單，一定要一開船就要寄出黎俾我地啦!!!我同佢解釋，因為船公司他要印提單，印完提單後，又要寄給supplier，個度到需要時間，supplier在星期三收到，星期四寄出，我們就星期五收到。佢話咁耐先收到文件一定同佢講，等佢追supplier。心諗你猛咁追佢，佢都是要咁耐寄出文件給我們，因為是寄件的時間問題。船公司寄提單給supplier，需要用兩天的時間，supplier寄出黎給我們大概要用 一兩 天的時間，所以你點追都是要用咁耐的時間，我覺得呢個問題真是好白痴，咁就為左呢件事俾佢罵左一大輪，其後，又有兩件事俾佢罵。

第二件俾佢鬧的事：
都是export licence的問題，佢話現在西班牙禁運cat.6，如果你有cat.6在手都無用，客人都清唔到關，佢就話客人清唔到關會有好大的問題，成班貨都要退回中國。首先，我唔知西班牙現在禁運cat.6，你知你又唔同我講，我貴知啊！我又唔知禁運cat.6，即使我們有quota在手，也清唔到關。

 我對呢件事有好多問題：

問題一：西班牙話禁運cat.6，咁點解宜家中國政府仲分配cat.6俾工廠。咁話禁運，有quota係手都清唔到關，咁中國政府分配cat.6俾我地有咩用？咁有quota都無用。我真是唔係好明，你西班牙己經停止禁運cat.6，咁中國政府就唔好分配cat.6啦!!!

問題二：個客話我們知道實際走貨數量，就要立即通知佢，咁佢就立即申請import licence，咁有左呢張import licence就可以清關。咁我一早通知( 7月22日 )左你申請import licence, 即使禁運，你都己經申請左張import licence，咁你應該清到關才是，而我只是晚一點寄出export licence俾你。

我真是唔是好明以上呢兩個問題，所以佢罵我呢部份的時候，我一粒聲都無出，就活生生，俾佢指著罵，我好無奈. .

第三件俾佢鬧的事：
就是佢找回以前的事來罵我，個件事是８月９日，個日是我請假睇醫生個日，個日銀行通知我們有份文件要入bank，咁我個同事就俾呢份文件佢簽名，簽完名，佢就問我個同事點解個supplier咁遲先將d文件入bank。我們公司是收到supplier寄來的正本提單和co後，我們會寄一份入bank文件給supplier入bank，佢地入完bank後，佢地間bank會叫我地間bank通知我們入bank。呢個supplier係我跟，所以我個同事都唔係咁清楚呢件事。個班船是7月16日開船，我7月22日寄文件給supplier入bank，supplier7月25日才收到文件，7月29日下午才入bank，8月9日我們銀行通知我們入bank。佢就話差唔多一個月先入bank，我就一直是咁俾佢罵，罵我唔識得追d supplier幾時入左bank未啊？

我承認呢件事是我疏忽，因為我之前寄文件俾supplier之後，個supplier都好快入bank，無諗過佢今次會咁耐先入bank，supplier的解釋是我們俾左入bank文件佢之後，佢都要配好多好多的文件才可入bank，個間supplier 的公司都幾大，我個supplier會配好所有的文件交給他公司的單証部門，個單証部門核對入bank的文件後，會退回給我個supplier入bank，如果文件有錯的話，又要退回給我個supplier更正，更正後，又要再給單証部門核對，即到核對正確才可以入bank，supplier話個度用左幾日時間，加上部電腦又壞左，所以咁耐才入bank。我將呢件事的經過一五一十同我老闆解釋，佢覺得呢個解釋唔是解釋，佢又一輪發動機關槍向我不停發子彈，咁樣我就死左 à 是俾佢罵死左"."

今日我的心情真是好down和 好激氣 . . .

我今日要去大埔拿打素醫院到看外科醫生, 看看我腳底個粒嘢到底係血管瘤還是枕？
昨天己經向公司請了一天假, 所以今日不用上班,
 

今日我睇醫生的預約時間是下午二點半, 中午十二點幾出門口,
行落黃大仙搭75x 到大埔中心, 然後再轉71k到大埔拿打素醫院,

上到車後, 點知巴士無油, 停在鑽石山荷里活廣場,
我們要再轉另一輛巴士74x到大埔中心, 巴士駛到大埔廣福路時,
我們問司機大埔中心應該在那一個站下車？他話係總站
其他乘客問我們去邊？我地話我們要去拿打素醫院,
D 乘客好好人, 教我地係邊到落車再轉車,

於是我地落左車, 再轉的士去醫院, 因為搭的士比較化算, 我們有四個人,
我們去到醫院, 只是一點鐘, 真是好快, 於是我們係醫院大堂等到二點半,
間醫院都幾靚, 它的裝修好似私家醫院, 一句”點”,
 

見到醫生, 我話俾佢聽我做完手術後的情況,
我仲俾埋我之前做磁力共掁的x光片, x光片報告和化驗報告俾佢睇,
醫生睇完x光片後,
我說：『我呢粒嘢好痛, 係做手術前, 我叫醫生幫我割左呢粒嘢, 個醫生話呢粒嘢係枕, 所以堅持唔駛割。醫生話唔駛割, 我緊是相信醫生的專業知識, 醫生話唔駛割咁咪唔割。但是做完手術後, 個粒嘢好痛, un住我行路, 我去覆診個時, 同過個醫生講, 話我呢粒嘢好痛, 問佢會唔會又係血管瘤？佢好堅持話係枕. . . 最後又話我成隻腳都是血管瘤, 如果要割, 就要割左成隻腳。』

於是我就再到醫院的預約處預約見骨科醫生,
我的預約期己經去到 2006年7月21日

我睇完呢次的醫生, 我都無太大的感覺,
無唔開心, 不會再想太多, 因為己經證實唔係枕,
反而證實唔係枕, 我倒有一種輕鬆的感覺,
因為我討厭唔肯定、懷疑和猜測的感覺,
當肯定唔係枕的時候, 反而我決心割左呢粒嘢佢,
因為我知我一定要面對呢粒嘢, 遲早都要面對,
雖然唔想再做多一次手術, 但是我知我没有得逃避,
只好接受現實, 我只好這樣想, 我己經好過好多人,
有些人覺得唔舒服, 到底都搵唔出係咩病, 無接受治療,

有些人太遲發現自己的病, 最後連治療都無效, 只好等死,
我個病又唔係d咩嚴重的病, 我己經比那些人好好多,
看開一點, 個人的意志很重要, 除了醫生幫到你之外, 個人的意志也是幫你打敗病魔的一項重要因素。
 

睇完醫生, 阿爸又差不多放工,

於是我們等埋阿爸收工, 一家人再大埔超級城行了一整天,

到晚上我們到大埔的東江雞餐廳食飯, d嘢都幾好味,
個間餐廳很多人幫襯, 我們九點幾走的時候,
還有很多人再等位

今日中午約左陳杏儀一起食lunch, 去左apm的cha cha食飯,
個間餐廳裝修好靚, d嘢食好好味, 不過個間餐廳d嘢食都幾貴,
今日的午餐很豐富, 我和她點了個韓國雞扖飯餐,
呢個餐有南瓜湯, 饅頭, 韓國雞扖飯和花茶一杯, 成個餐要53元,

不過偶而吃 一兩 次都無所謂, 哈哈 . . . 咩都要試下嘛 . . .  

放工個時, 同老闆講我明天要請假一天, 因為我要要去大埔拿打素醫院到看外科醫生, 看看我腳底個粒嘢到底係血管瘤還是枕？
佢聽到我講話要請假, 佢非常不喜歡我請假,
佢的面色好黑, 個樣好恐怖和好得人驚,
但我最後都成玏請到假,
睇人面色做嘢真是好辛苦和好難頂

因為昨天同個FD慶祝生日, 很夜先返到屋企,
所以今天很累, 很累, 很累 . . .
今天早上十二點幾才起身, 哈哈 . . . 好耐都未試過訓到十二點幾先起身
一起身就食午飯 . . .
下午就去左剪頭髮 . . . 我的頭髮很長, 加上我上換下個新髮型,
所以決定去剪頭髮,
唉 . . . 剪完頭髮, 覺得個頭有D怪, 個髮型唔多襯我, 睇唔慣宜家的我,
佢幫我剪額頭前的陰剪得很短, D頭髮又短,
希望D頭髮快D長番 . . .

今日的行程很緊密, 今晚要同阿玉慶祝生日,

因為班fd 8點才下班，成班fd約左晚上9點係士瓜灣食飯,

放左工, 同個同事係APM的紅螞蟻食飯,

食完飯之後, 係APM行左一陣, 入左 Catalog 買左件 T-Shirt,
之後出左去旺角

買左條腰帶, 幾件衫, 真是滿載而歸,

行行下, 撞到阿三,

佢剛剛下班,, 同佢傾左一陣就走左 . . .

之後我去左女人街, 想買一條腰帶,

我行行下女人街, 見到一個鬼佬好攪笑,

佢拿住一部好專業的影相機 (個鏡頭好長個d相機), 猛咁影個d性感的內衣 (女人街d內衣好興有毛毛),

周圍d人係咁望住佢, 佢又唔會覺得唔好意思, 一於照影, 都幾攪笑 . . .

我行左一陣, 之後就回家

回到家, 放低左d衫,
就落左樓下的聖安娜買左個生日蛋糕,
買完個蛋糕之後, 就回家,
係屋企坐左半個鐘, 就坐車出士瓜灣,
今晚我們會去一間餐廳食海鮮, 有一個fd話個度又平又抵食, 咁咪去試下,
今晚的晚餐真豐富, 有炒硯, 炒蟹, 蒸帶子, 粉腸, 通菜,
食食下, 大約9點幾, 仲有好多人黎光顧, 於是佢地要排隊等候, 才可以入去
個間餐廳真是好多人幫襯, 到我地10點幾食完, 仲有好多人係到等位
今晚的海鮮餐, 都是262元, 好抵食, d嘢食都幾好
之後我地上左雞皮屋企, 真是好羡慕雞皮,
一個人住一間屋, 有時仲可以叫d fd上去開 party
坐左一陣, 食埋個蛋糕, 就走人啦!!!因為我地幾個要趕尾班車返屋企 . . .

最近download 左『海豚愛上貓』這套台劇看,
昨天晚上看了第一集, 覺得這套劇好好看 . . .

有一套台劇叫『惡魔在身邊』, 而我最近則有『病魔在身邊』
唉 . . . 點解成日咁多病痛,
今日早上六點幾, 個肚開始痛,
痛到我都訓唔到覺, 好辛苦,
之後就開始痾，痾左兩次之後,
個肚仍有少少痛,
於是今日返工前去晒醫生,
個醫生話我腸胃炎和感冒,
返到公司, 食完d藥覺得好眼訓,
仲有 d 頭痛, 真是好辛苦 . . .

公司班人都變態, 公司己經好凍,
佢地班人仲要開冷氣開到最, 仲要開埋個風扇,
凍上加凍, 唔病先至怪啦!!!
係公司著左兩件外套 (加埋著左三件衫), 仍然覺得好凍 . . . >"<
唔通我發冷 . . .
佢地班人真是好勁, 只是著一件短袖衫,
心諗 . . . 你地班人真是咁勁，唔怕凍 . . .
睇黎好番都要做多d運動 . . . 我要去行山

今日隻腳很痛，兩邊的腳班底都感到痛楚，
無論行路和坐係到都覺得痛,
我真的好想哭 . . .
在感到痛楚的時候，我只好這樣安慰著自已，
新的肉再重新長出，難免會感到一些痛楚，
忍耐，忍耐，忍耐 . . .
應該很快就可以康復 . . .
不要再想其他的事!!!不要再自己嚇自己了 . . . 一定會無事的 . . .

中午食完飯, 去左觀塘廣場逛

he he . . .終於係觀塘廣埸買左條水晶手鏈

我問店員綠幽靈水晶手鏈係唔係 for 健康

個店員話綠幽靈係 for 事業和財運

紫水晶先至係 for 健康, 人緣, 幸運,

哈哈 . . .於是買左一條紫水晶手鏈

哈哈 . . .我唔貪心 . . .只要保佑我健康就可以啦!!!

he he . . .己經變成一個迷信的人了 . . .