今日 she黎香港朗豪坊開簽唱會, 於是我, 三妹和六妹 12點去到朗豪坊排隊, 點知去到無人排隊, 於是我地就去吉野家食d嘢醫肚, 因為我們要挨到 she簽唱會後, 才有嘢食, 但是她們的演唱會 3:30才舉行。食完嘢, 我地就開始排隊, 但是點知個d職員話she只會幫有 pass個d人簽名,  無 pass的係唔會幫你地簽, 於是我地就唔理, 一於照企。

she終於出場了, 她們唱了 "ring ring ring" 和 "觸電" 這兩首歌, 之後就開始簽名了, 簽到最後, 司儀話因為仲有限額, she可以幫無 pass個d人簽名, 於是我地幾個又立即走去排隊, 我實在超開心耶 . . . 終於搏到佢地幫我地簽名, 我實在太開心, 因為可以近距離見到佢地, 仲可以同佢地握手和講嘢, 感覺超棒 . . . 終於到我上台了, 好緊張耶 . . . 排在我前面的小女生, 她送了一份禮物給 hebe, hebe同她講 "公司不准我們收 fans的禮物的, 你下次不要再送我們禮物啦 . . . ", 小妹妹只好收回禮物, 而我又可以望多 hebe多一會兒, hebe真人好靚, 皮膚又好, 接著我就跟 hebe握手, 我對hebe講 "你真的很漂亮", 其實我緊張到唔知自己想講咩, 而且又要用普通話講, 我驚她們不明白, 此刻的感覺, 我覺得好像發夢一樣, 之後我就同 ella握手了, 嘩 . . .我最鐘意的 ella耶, 我對 ella說 "你們要再來香港開演唱會", 她回答我一句 "好的", 其實我仲想繼續跟她說下去, 但是職員叫我向前行, 攪到我唔記得要同佢講咩啦, 之後個職員俾返本她們己經簽好名的歌書給我, 於是我就没有同 selina握到手, 真可惜。

最後我地三個講返在台上發生的事, 阿三原本和我一樣, 没有和 selina握手, 我們都感到很可惜。希望下次仲有機會啦 . . .

我今日真的很開心, 我終於可以咁近距離見到佢地, 同佢地講嘢和握手, 實在太棒了, 真的很喜歡she 呀！

游泳課第 8 課 - 自由式

因為我地前個排都無去泳池練自由式, 所以我地今日決定早點去泳池練水。下午我在尖沙咀剪完頭髮, 就 join 埋阿大和阿三去食飯, 我地食完飯, 六妹就 join埋我地一齊入泳池。

我地幾個原本在室外的 1.4 米池練自由式, 練左一陣, 我地就入左室內的 2.5米池游蛙式。我還是有點害怕, 於是我叫大姐和三妹在我旁邊睇住我, 又咩事就即刻救返我上黎, 咁樣我會游得安心d, 最後我好努力游到 1.8米, 踏入2.5米, 我就開始害怕了, 我就唔夠膽游入去了, 我需要時間去練好我的腳和換氣, 我才夠膽游 2.5米池, 加油!!!今晚真是好多謝你地睇住我, 指出我哪裡做得不對的地方, 我會想辦法改善呢d問題。

8點夠鐘上堂, oh . . .體力在成人池游水己經耗盡晒, 無力在做自由式的踢腳, oh, 又被阿 sir 罵了, 之後我們走到室外上堂, 點知游游下, 我小腿又抽緊, oh, 又被阿sir罵, 佢罵我點解游游下, 又停下, 我個時痛到出唔到聲, 我即刻起返身, 跟住佢就無再罵我了。今晚阿sir的心情唔太好, 因為我們個個都不是狀態下來學水, 所以佢的心情不是太好了, 他今晚只是教了我地自由式手, 下堂前, 他叫我們下次不要太早來游水, 攪到無晒力去學嘢。

今日游水發生一件趣事, 當我們上課的時候, 我第一個游返目的地的時候, 突然有個阿豬媽走過黎問我 "可唔可以借塊浮版俾我游一圈?", 我都唔知點答佢好, 於是我同阿豬媽講 "我地宜家上緊堂, 要用塊浮版, 借唔到俾你", 跟住阿豬媽就同佢的女兒講 "佢話佢地上緊堂, 借唔到呀！你唔好用浮版啦 . . .", 跟住 jolly同我講, 哪個阿豬媽真恐怖, 真是咩人都有, 我只覺得超攪笑

今晚努力繼續執相, 終於執好我自己和三妹影的相了, 己經重新 post左係我的 msn space和我的相簿網, 而且我還 post左個日同 bovia一齊食飯影的相上我的 msn space, 大家得閒去睇下啦 . . .

bovia話之前寄左張生日咭俾我, 但我一直都没有收到。今日當我打開信箱的時候, 我終於收到她寄來的生日咭, 當場真的, 因為我己經過左生日了, 不過, anyway, 都多謝佢的生日咭。

晚上好努力執返幾位姐妹同我慶祝生日影的相, 因為個時實在太可惡, 生了一粒該死的暗蒼, 所以我要用 photoshop 整走我個粒暗蒼, 執返我自己影的相, 三妹影的相和六妹影的相, 今晚因為時間的關係, 只執了六妹影的相。我想快d執返好d相, 快d舖返去我的相簿網。大家密切留意我的相簿啦 . . . .

今日約左 bovia, 阿大和阿六到九龍灣食晚飯, 原本諗住去 "和民" 食晚飯, 點知大多人的關係, 所以我地又去左 pizza hurt搵位, pizza hurt同樣都很多人, bovia就叫我地過淘大的椰林閣食飯, 最後我地決定去 "別府" 食晚飯, "別府" 的嘢食都 ok, 下次我們可以再帶其他 fd試下。

今日正日生日, 又大一歲了, oh . . . 又老了

今朝6點幾的時候, 收到一個冒險的fd的一個短訊, 真的讓我有點意外, 估唔到佢會記得我今日生日, 真的讓我有點感動。大家唔好誤會哦 . . . 哪個冒險 fd是女生來的。

早上媽媽問我 “你估你老闆會唔會同你慶祝, 買個生日蛋糕給你?”, 我好肯定回答佢 “我老闆一定唔會, 佢唔會屎忽痕, 自己走去買生日蛋榚的”, 就算知道我今日生日都扮唔知, 因為佢的必殺技就是 “側側搏, 唔多覺”。以前做冬, 好多公司都放早, 個日我地無得早放, 佢仲要係放工後, 同我地講一句 “咩咁日係做冬呀？各位同事, 如果做晒手頭上的嘢, 就早d 返屋企啦 . . . “ , 你正一白痴精, 都是放工的時間, 你唔講, 大家都要趕返屋企做節啦, 咁我阿頭就同我彈左一句 “咁老闆的意思即是, 做唔晒手頭上的嘢, 即是唔好走啦 . . . “ 我即時心諗 “咪傻啦 . . . 鬼同你做, 都放工時間啦”, 所以我好肯定回答我媽媽, 老闆是不會幫我慶祝生日, 我老闆己經把不得我去死, 仲會咁好心同我慶祝, 除非佢傻左啦。

唔知點解, 覺得今日的生活和平常一樣, 没有充滿生日的喜悅, oh . . . 唔通我有問題。中午的時候, 自己一個人落左 apm的 food court 食 lunch, 因為諗住生日流流食餐豐富d, 所以我括出去, 走左去食梨花園的韓國石頭飯, um ~ 超好味的, 食 lunch個時, apm超多人耶, 因為今日有歌星和藝人的 function, 有方力申, 鄧麗欣, Fiona, 鄭溶, 黃宗澤, 吳卓 “希”, 呢function唔知叫 “咩 xxxx 生日派對”, 撞正我今日生日, 真的很巧。食完飯, 睇左一陣, 就去書局睇書, 見到 “深情密碼”的小說己經有得賣了, 小敏你要快d去買啦 . . .  

晚上放工, 一家人去左深水埗食飯慶祝生日, 我地唔是叫左好多嘢食, 因為諗住留返個肚去食松記糖水 ∼ 松記糖水真是好好味, 正呀!!!

   

今日無約人出街, 所以繼續在家裡狂煲我的小說。之前 “哪小子真帥1 和 2” 和 “狼的誘惑 1” 己經睇完了, 宜家我在看 “狼的誘惑 2”, 經過一輪的努力下, 差不多看了一大半, 仲有好少就看完, 但隻眼真的太累了, 最後選擇睡覺了。

覺得 “哪小子真帥” 是好看過 “狼的誘惑”, 繼續加油, 好快就看完的。

今日晚上 VANNESS & KANGTA黎APM舉行簽唱會, 原本打算出去這個簽唱會, 但因為要等到晚上7:30P.M.先可以見到佢地, 加上有點腰痛, 所以最後都没有去到簽唱會。

因為信用咭的 Cash dollars 7月31日到期, 所以諗住今日放工逛下 APM, 睇下有D咩買, 順便用埋D cash dollars。其實之前係 Trendyland睇中左條手錬, 一直覺得太貴, 所以無買到。但宜家又有cash dollars可以用, 所以諗住今日放工去買哪條手錬。點知俾錢時, 職員話無得扣 cash dollars, oh . . . too bad, 於是最後還是買哪條錬回家, 當作自己買給自己的生日禮物。我好攪笑, 出來社會工作後, 由上年開始, 每逄到我生日, 我會買一件禮物送給自己, 而且個份禮物是我一直都想買的, 而我一直無去買到。

d cash dollars用唔到, 於是我就逛其他商店, 點知都没有想買的東西, 於是逛到去 catalog, 因為之前係 catalog見到一對波鞋都想買, 而 catalog又俾用 cash dollars, 所以索性試下對波鞋, 點知佢無我想要個隻色, 佢話買斷晒, 因為個對波鞋是 puma 限量版, 個對波鞋真的好靚 (白色 + 灰色 + 粉紅色)。跟住我試左另一隻色 (黑色 + 紫色), 感覺著上去怪怪的, 鞋頭好尖, 攪到唔似一對波鞋, 但望落去個鞋頭係唔尖的, 最後都是無買到 puma的波鞋。個sales就介紹左另一對 nike的波鞋俾我, 是修腳型粉紅色的波鞋, 著上去後, 覺得呢對波鞋都 ok, 起碼我無加鞋墊下去, 我隻腳班底還感覺好舒服, 而相對 puma的波鞋, 我覺得 nike的波鞋舒服d。哈哈 . . . 於是就用左 cash dollars 換左呢對 nike波鞋, 今日真是太出血, 買完嘢後, 就搭車回家了。

今日放工的時候, 遇 patrick一齊離開,

佢就問我 "游水游成點呀？"

我話都算學識蛙式了, 宜家學緊自由式, 我覺得自由式超難學, 隻腳成日做唔啱, 俾阿 sir話"

佢問我 "阿sir教左你地自由式換氣未呀？"

我 " . . . . 佢教左我地一邊換氣, 但未教另一邊, (我的意思是d手要調黎調去, 個頭要左擰右擰上黎吸氣)"

接著佢就好攪笑話 "只是需要一邊上黎吸氣就得, 另一邊是唔駛做吸氣呢個動作"

我話 "係咩, 唔知呀！我見d人個頭左擰右擰上黎水面吸氣, 所以以為兩邊都要上黎吸氣換氣, 哇哈哈 (以笑 "借" 醜先) hoho, 咩都唔知咩都唔知"

我問佢 "識唔識踩水?"

佢話個人企起水裡 (隻腳係點唔到池底的), 兩手做蛙式手動作, 個人就可以係水面吸氣了"

同佢傾左一陣, 大家就各自去搭車了

今日約左阿 sir上堂, 所以我地幾個放左工後, 食左d嘢, 就去學水了, 今堂係自由式的第二堂, 我們一開始上課, 阿 sir就要我地游 1.2米室內池, 佢要我地游四個池, 因為食得太飽的關係, 我游得很辛苦, 頂住左, 游游下又 “逗”唔到氣, 攪到成日游游下, 就停左係到, 最後仲要俾阿sir話, 死啦 . . . 咁辛苦, 點游呀！當我游緊第二個池的時候, 隔離遇見三妹, 佢話是要游 8 次, 即是游來回才當一個池, 不是嘛, 我死得嫁啦, 我仲有6次, 點算好。最後大姐和三妹率先游完, 阿 sir話當我地游完晒 4 個池, 其實我只游了兩個池 4次, 哇哈哈 . . . 真是唔該晒大姐和三妹咁快完成, 你地真抵錫!!!

之後就開始教新嘢, 自由式踢腳 + 自由式呼氣 + 自由式換氣, 因為我的資質實在太差, 人也較蠢, 所以做極都做唔好踢腳 (其實是用錯力的關係), 自由式呼氣 + 自由式換氣都 ok, 但是我好攪笑, 當我係水底上黎換氣, 我又唔記得左踢腳, 只是掛住上水面吸氣, 哈哈, 超攪笑的, 仲要不斷重覆呢個動作, 攪到我仲要俾阿 sir話我 “點解你游緊水, 咁多嘢諗, 你諗緊 d 咩?”, 而jolly以為我游游下沉左落水底, 但隔了一會兒又繼續踢水, 所以個動作都幾攪笑。其實我是手腳不栛調啦, 唔知做緊咩咁, 我想因為前兩晚都兩點幾訓覺, 攪到無咩精神, 人也有點頭暈, 所以阿sir又話我成個人呆呆的，無俾反應佢，睇黎下次上堂前都唔好咁夜訓，攪到第二日無咩精神上堂。

最後阿 sir 叫我回家後, 要練吓自由式踢腳，嗯 . . . 我會努力練的。

今日放工約左 136去游水, 我地去返老地方游水, 今晚唔算多人, 我地今日走左好多個池, 先是 1.4米戶外池, 接著是 1.5米戶外池, 再之後就 1.2米室內池, 最後就 2.5米成人室內池。2.5米池, 我當然唔夠膽再哪兒游泳, 因為我還未游得好, 我和小敏落去練踩水, 而13就在 2.5米池游蛙式, 真是湵慕 13, 唔知幾時, 我先可以去到 2.5米池呢？真是要努力練好蛙式。之後我同阿六就回到 1.2米室內池繼續練蛙式。

我們今晚主要都係游蛙式, 到離開前10分鐘, 我們才練自由式腳。

回到家, 繼續追看 “那小子真帥 1”的小說, 睇到 2點幾就上床訓覺, 哈哈 . . . 仲有 10頁左右就看完了, 但因為真的太累, 頂唔順都是訓覺先。

p.s. 今日係公司發生左d唔開心的事, 但為左我隻腳著想, 我要忍, 加油呀！馬仔

記得公司今日發生左 d 事, 但唔記得左係 d 咩啦 . . .

今日一個山東青島的 supplier來到我們公司, 她向每個員工派發一袋茶葉和一盒唔知係咩東東的食物。

晚上因為無咩嘢做, 加上電視d節目又唔太好看, 於是就拿書展買的書出來看, 我拿了 “那小子真帥 1”的小說來看, 這本書超好看, 令我不停係咁睇, 睇到 2 點幾就上床睡覺了。今晚己經看了一大半, 明天繼續努力, 應該好快知道個結局 . . . hoho

 黃色個盒唔知咩東東的食物?!

今日約了一班 fd去書展, 奇待己久的書展終於來臨了, 因為有好多書都想買, 所以今日做足準備, 就是背背囊和穿波鞋。我約了三妹 10 a.m. 再灣仔地鐵站等, 我黎遲了, 點知呢個時候, 就俾三妹見到四妹的出現, 她依舊還是一個人, 我想她己經習慣了一個人獨來獨往的生話了。之後我回合左三妹, 就上 mcdonald’s join 埋大姐和細細妹, 原本蕭同學也一齊食早餐, 但點知佢去錯左另一間 mcdonald’s, 所以佢最後都無同我地一齊食早餐。

食完早餐, 我們就向書展進發, 我們先向兒童館出發, 三妹話兒童館有精品賣, 佢想去哪兒看看有没有佢的至愛 pc狗, 我也買了很多大口仔的精品回家, 有大口仔摺扇, 大口仔襟章, 史迪奇的化妝袋, 2007年的二鳥 schedule book (因為見到有隻鳥, 嘻嘻, 所以就買了回家), 黑豬和白豬筆, 仲有就是大口仔公仔, 嘩 . . . 己經買了很多精品回家。

行完兒童館, 我們就轉去另一個館, 嘩呢個館超多人耶, 我在這裡買了五本書, 但仲有三本書因為搵唔到, 所以就無買了。

行到 hall 2 的時候, 因為太累了, 加上成日只是食左個早餐落肚, 己經無晒力了, 加上買左咁多嘢, 個書包有一定的重量, 我己經没有心情繼續行下去。行到晚上 8點, 我就同阿大, 細細妹一齊搭船再轉巴士回家。今日足足行左9 個小時, 實在累死人了. . .

         

今日是弟弟生日, 所以中午放左工後, 我就請一家人去深水埗飲茶, 飲完茶後, 弟弟同媽媽就去旺角逛街, 因為天氣太熱的關係, 我唔太想出旺角, 而我就同爸爸和婆婆回家, hehe, 因為我要回家煲 “東方茱麗葉”, 個男主角真的超帥, 這套台劇實在太好看了。

晚上食完麵, 隔了一會兒, 就食生日蛋糕了, 因為我同弟弟的生日都好接近, 所以我地每年都會係一個生日蛋糕 for 兩個人, 但是我竟然唔記得許願 . . .oh, >”< 咁又少左一個願望啦 . . . 媽媽打開個生日蛋糕時, 覺得同佢訂的蛋糕有點不相同, 就話哪個人俾錯佢, 但是我話應該不會俾錯, 因為名牌上有我和弟弟的名字, hoho, 是媽媽買錯佢想買的生日蛋糕而己, 認真攪笑。