襯著午膳的小小時間, 開始補寫我的日記先, 因為呢幾日都很忘, 己經很少上來寫日記了

今日下午我還是没有去in 都哪份工, 下午的時候, 又有另一間公司叫我in,
個份工是做 shipping clerk, 人工有8500元, 每一個月的頭一個星期六要返全日,
其他星期六都不用返, 而且ot有津貼, 呢份工都好似幾好,
原來佢話係尖吵咀返工, 但是佢叫我返屯門, 問我考唔考慮,
因為太遠的關係, 所以我還是推掉了

我想我暫時都唔會搵嘢做了, 因為我打算安頓好我隻腳, 攪掂好晒,
我先為我的將來作出打算 . . . 無奈中

昨天send了一份resume出去, 是account的工作, 佢今日下午打電話俾我,
叫我上去見工, 份工在尖沙咀, 返5天, 但是我唔知佢有没有雙糧,
我同佢講, 可唔可以放左工後先去in, 跟住佢有點不滿 "話你仲返緊工嫁",
我己經係份 resume寫明我要一星期後才可以上班,
跟住我聽得出佢的口氣好似想壓我價, 話"你上黎in 後, 我要睇下你match唔match我地公司的要求, 之後先決定係唔係俾 7500元給你",
跟住我問爸爸 "我明天見個份工, 近唔近地鐵站?", 佢話 "唔近",
跟住爸爸知道明天個份工只有 7500元, 比宜家呢份工人工少,
佢叫我唔好去in, 因為我隻腳排在係今年7月見政府骨科醫生, 佢話d時間差唔多啦,
如果到時隻腳 check到有咩事, 新工又唔方便咁快處理, 佢叫我等5月份個時,
宜家呢份工會加幾多錢人工給我, 我爸爸就叫我 "最好攪掂隻腳先走",
加上聽日 interview是5 p.m., 佢話如果係放工的時間咪試下上去in,
但是返工的時間 in, 又要請假, 佢唔建議我去 in,
其實我宜家都 1516, 就唔知好唔好上去in, 因為我唔知用咩藉口請假,
加上在電話裡的人好惡, 語氣和態度都唔係咁好, 如果佢請左我, 到時我驚我都做唔長 

阿頭今日通知我去聽 one port那個講座, 之前又話唔俾人去,
宜家又叫人去, 真是五時花六時變, 最攪笑的是叫埋 account同事去,
我們聽的哪個講座在下午 5:00-6:30, 心想如果早下課, 就直接收工了
阿頭原本話4:13就由公司去九龍灣, 但我手頭上還有很多工作,
於是佢等到我4:30, 我們就過九龍灣了, 搭地鐵的時候, 我見到有招職拿,
於是我襯佢地唔覺的時候, 拿了一本, 快快的放落袋中,
點知個會計又拿, 而且佢還拿多一本給我阿頭,
我個時真是傻眼, 我唔知話會計單純好, 定係是一個不懂事的人,
竟然拿招職給我阿頭, 我阿頭打死都唔會離開呢間公司,
佢竟然問我阿頭 ”你條件咁好, 又無諗住轉工”, 聽到後, 是我傻眼 ,
(不懂英文, 也不懂普通話的人, 加上一把年紀, 好難再去出面搵到阿頭的職位做),
所以我都不知會計是單純, 定是攪不清楚狀況,
而阿頭的答案, 更令我嚴重傻眼, 總之真是一班奇怪的同事,

上課上到差唔多6:30, 之後就搭車回家了

今日心情真的很好, 但到食完 lunch 後,
我的心情一轉直下, 非常不爽,
老闆的妹妹正一攪屎捧, 我 頂你呀！不停係咁狗吠, 咬住我唔放,
為了小小的事, 就係到嘈生晒, 又無禮貌,
係電話裡不停大聲向我吠, 震到我耳膜到爛,
我真的非常不爽, 無事真的別找我了,
在我呢一段心情唔好的期間, 最好少搵我,
因為我真的很想扁人呀！

下午繼續開始煲碟, 我己經没有再搵工了,
我開始俾藉口自己, 遲d先搵工啦, 反正我宜家都有一份工作,
唔駛心急啦, 慢慢搵, 一定會搵到一份好工的,
跟住我就開始煲我的韓劇了, 我由第3集看到第12集,
我都好佩服自己的煲碟速度,
我覺得男配角仲要帥過男主角, 我己經深深愛上 男配角了,
睇完韓劇, 真的很想去韓國, 我下一個目標就是韓國了,
我要去韓國看雪景, yeah ~ 我要努力儲錢去韓國呀！
韓國你等我呀!!!

最近心情不太好, 加上星期六放工去晒相的一事後, 令我心情更 "蚊",
我原本想襯星期六下午的時間好好上網搵工的, 但晒相一事拖延了我的時間,
回到家己經食晚飯了, 今日原本去開以前晒相的舖頭晒相, 點知佢關門大吉,
於是我就去左快圖美晒相, 唔晒由自可, 一晒就激死你,
佢將我d相晒到一塔糊塗, 令我非常 "蚊",
令我見到d相後都有點眼冤, 我以後都唔會快圖美晒相的,

由於我的心情真的不是太好, 所以我唔可以俾我的心情繼續惡劣下去,
於是我選擇了在電腦煲碟, 之前問阿玉借了一套韓劇回家,
而哪套韓劇郁都未郁過, 於是諗住今晚就睇呢套韓劇吧!!!
今晚睇了三集韓劇, 男配角超帥, 我覺得佢有著 vanness的影子,
而且還是 單眼皮的, yeah ~ 加上呢套韓劇超攪笑, 我的心情也好轉了些

今日早上carmen 問我有没有帶飯?我話有, 跟住佢同我講今日係佢 last day, 
我無諗過今日係佢last day, 因為佢昨天同我講做埋下個星期, 
中午食完飯, 我就落左去apm行, 2p.m. 返到公司, 做做下嘢我才發現我枱面多了一盒糖,
跟住我就問fanny盒糖係唔係佢的? 佢話唔是佢的, 跟住佢就問我咩事,
我話我一返黎, 就發現枱面多了一盒糖, 而且還未開過,
唔知係邊一個同事放在我的枱頭上, 我想幫呢盒糖搵返佢的主人,
跟住經過一輪搵失物的主人後, 突然我收到一個sms, 原來係carmen買給我的,
佢話請我食, 攪到我都有點唔好意思, 因為我同佢食過一頓飯, 做了五日的同事,
但是都唔係咁熟, 佢竟然買了一盒糖請我食,
盒糖雖然唔明貴, 但是個份心意, 真是令人 (唔知點去形容個種感覺, 唔知算唔算係感動呢？)
攪到我非常唔好意思, 跟住send返個sms多謝佢,
其實我真是很唔捨得佢, 因為佢同我所講的嘢, 令我明白到一d嘢, 令我有一d啟發

這是哪盒糖果:
         
 

新黎的同事 carmen下午打內線給我, 話佢唔做啦, 因為第二份工請左佢,
人工高過我們的公司, 所以佢唔做我們的公司, 問我應該要向邊個遞辭職信?
跟住我叫佢遞俾佢阿頭, 佢做了4天, 就己經覺得呢間公司唔適合佢,
佢話呢間公司簡直唔係人留的地方, d同事騎呢, 個老闆又奇怪,
佢覺得老闆唔肯放d嘢俾佢做, 無咩嘢學, 呢點我都好認同,
我地老闆信唔過人, 所以好多嘢都唔肯放俾我地做,
所以我覺得我宜家留係呢間公司己經無嘢學了, 從搵工中, 我發現我好多嘢都唔識,
又唔識入口, 英文又唔好, 又唔識報關, 開 LC 又唔熟, 我發覺自己好唔掂 ∼ 死啦, 點算好
我覺得我自己在留係呢間公司做, 我個人就會越黎越懶, 我真是唔想咁,
我覺得唔轉下工, 我真是發現唔到我有咁多的不足之處,
呢排我真是 無咩心情, 因為有一間公司打俾我, 唔請我而且又批評得我一文不值,
我頓時覺得好似跌左落谷底, 如果我心情好, 而且得閒, 我先搵工,
我真是唔想再留係呢間公司, 但是我覺得我自己搵工好似抱著一種隨緣的心態,
我真是唔鐘意咁樣的我, 我宜家覺得好矛盾,
我宜家己經唔敢叫價了, 因為俾哪間公司批評到一文不值後, 我宜家唔只搵 Shipping 的工,
其他類型的工, 我都有搵, 我現在覺得人工唔高唔緊要, 最緊要間公司俾到好多嘢你學,
再做多幾年, 有經驗, 我相信一定再能叫價, 我宜家真是好想搵一間咁的公司,
寫了很長搵工的嘢, 終於可以發洩 我呢幾日搵工的壓力, 其實寫日記都幾好,

最後 carmen 叫我俾d心機搵工, 佢話今年係轉工的好時機, 應該會好快就會搵到工,
我要加油呀!!!!  

早上9:30返到公司, 又是昨天個間公司打俾我,
我今日先知原來昨天打俾我的哪個人是和星期五打俾我的哪個人, 都是同一間公司的,
她說星期五佢同事打俾我, 問左我d details, 跟住 mark低叫佢 in 我 
跟住佢今日打俾我, 就係話會安排個 interview給我,
不過佢講明人工只有 11k, 問我接唔接受？
如果佢肯請我, 我一定 ”lu 飯應啦”, 有雙糧, 12日大假, 醫療津貼, 包午膳,
聽完呢個電話後, 我真是超開心, 但是又有點擔心,
因為我驚份工d嘢做好難做, 到時唔過試用期, 咁我又無左宜家呢份工,
我驚到時有排先搵到嘢做, 到時無嘢做, 無家用俾, 我也無收入,
睇黎我唔洗出街都得, 總之轉工真是一大堆問題,
我又會開始諗, 唔知到時佢會問我d咩問題呢？
我宜家真是要準備好佢會問我的問題, 與及中英文版答案,
到時如果佢請我的話, 我再告訴大家啦!!!
不過佢宜家仲未約實我 interview的時間和地點, 總之有咩消息, 再告訴大家!!!

中午同新來的同事 carmen一齊食飯, 我覺得佢的人都幾率直,
她告訴我昨天下午去第二間公司interview的事, 佢話搵到工就唔做呢份,
我也告訴佢我搵工的事, 因為我覺得佢都信得過,
她告訴我要襯年輕就好轉工, 因為宜家我們仲有條件, 就是年輕,
宜家轉下, 搵一間好的公司, 呢點我都好認同,
我覺得她很厲害, 一眼就可看得出我們公司的人好與壞,
己且還睇得很準, 她還建議我去 JOBS DB 搵工, 佢話JOBS DB個d工會好d,
而Job Market個d工, 份份都是衰工, 叫我千祈唔好去 Job Market 搵工,
我們食完飯後, 時間還有早,
我們就坐在公園傾左好多關於搵工的嘢, 超攪笑 ,
不過與佢聊天後, 我真是獲益良多

下午的時候, 又有一間公司打來問我宜家做緊的嘢,
與及佢公司的 shipping都要做d咩?跟住就開始談價錢,
佢問我有無得再減, 我接著話 “如果請的話, 價錢都可以商量”,
之後佢問我係唔係做 full set I/E document,
我話我公司没有入口, 所以全部都是做 full set 的 export document,
跟住佢問我識唔識用 tradelink報關？
我話因為我們都没有貨入口香港, 所以我們唔需要用 tradelink來報關,
跟住佢就話想請個人主要負責 tradelink報關, 如果唔識, 請的機會唔大,
我的心開始往下沉, 我接著講 “我上過 tradelink個邊學報關, 而且還有一張 tradelink的證書, 但因為公司唔需要用 tradelink報關, 所以我對報關唔熟”,
跟住佢就話明白, 接著問我 “係唔係都識開LC?”,
我回答了一句 “我識 (我心想在無人教我的情況下, 我都試過開過一份 LC出去, 我想應該都算識掛”,
佢就問我 “有無邊d地區係唔考慮 (指佢公司)?”,
我話 “香港和新界, 其他都OK”
佢就舉例 “例如灣仔, 銅鑼灣, 長沙灣, 大角咀呢d地方都唔考慮”
心想唔通呢間公司好大, 好多地方都有 office, 跟住我回答 “香港個邊唔考慮, 但長沙灣, 大角咀呢d地方, 我無問題, 我可以去呢d地方返工”
跟住又是叫我等佢消息,

從今次的對話中, 我覺得自己好多嘢都唔識, 點同人地競爭呢？
而我開的人工又好高, 我覺得佢實唔請我,
我諗緊我係唔係應該再調低我的人工呢？我的心情從呢個對話後, 一直往下沉,
我覺得搵工很難, 我開始己經聯想到我的將來, 我真的很驚 ,
自己d英文己經唔好, 加上呢樣又唔識, 個樣又唔識, 點同人爭呀!!!
我覺得我宜家呢份工己經再俾唔到其他嘢我學了,
所以宜家的工作很死版, 而且有點沉悶, 做黎做去都是同樣的工作,
其實我最近己經無咩心情搵工, 因為最近忙東忙西的,
總之我今日真是無咩心情

今日有個新同事來上班, 她很靚女, 我想她的年紀和我差不多,
而她的職位是 garment merchandiser, 聽 patrick 講其實佢地個dept.無咩嘢做,
所以我都唔係好明老闆請多個人返來做咩,

今晚放工後, 就開始忙於舖台灣旅行的相上網, 唔是msn space哪個網站,
而是我另一本相簿網站, 因為太多相的緣故, 所以花了很多時間舖上網,
大家如果有興趣, 可以到以下網站觀看我的相片:
http://www.fotop.net/wingma/taiwan2006

今日約了成班冒險人唱k和食晚飯, 大家都好耐無見啦,
我們約了一點半在九龍灣地鐵站等, 等齊人後, 我們就去green box唱k,
唱到7點, 我們就要交房了, 於是我們就去食晚飯,
我們決定在附近的 “鐵匠” (食日本嘢的餐廳) 食飯,
因為大多人的緣故, 所以我們在門口等位,
在等位的時間, 我們幾個女生就開始拍照,
而 chris就負責等位, 真是辛苦 chris啦 . . .
其中有一個女仔很高, 我們都爭著要和她影相, 她有 183, 而她亦喜歡 183 club,
跟住家慧對我說, 元暢有188高, 咁即係仲要高過阿 mon,
我就開始想, 我同阿mon差一個頭的話,
我想我站在元暢旁邊, 我的高度只會到元暢肩膀落d的位置,
如果有機會能站在 元暢的旁邊, 我實在太幸福了 >”< 我己經在自我聯想了
呵呵 . . . 我想太多啦, 家慧對我說, 如果她能做到元暢的女朋友, 就太好了,
不過她覺得元暢如果選女朋友的話, 會選一會很漂亮的女生做女朋友,
我和她己經墮入元暢的深谷裡,

食完飯, chris話想食雪榚, 於是我們每人都點了一杯雪榚來食,
食完雪榚, 我們就開始聊天了, 聊了一會兒, 我們就買單閃人了,
回到黃大仙, 我同家慧一齊在細雨中漫步走回家 (但是我們都没有帶傘),
回到家, 沖完涼, 就開始追看返之前播的 “王子變青蛙”

今日答應媽媽幫佢去鑽石山晒相, 所以放工回家食完飯,
我就開始執返台灣影的相, 順便選一些相拿去晒,
執了一會兒, 我己經没有心機執, 因為我覺得很累 ,
於是我最後還是没有幫媽媽去晒相, 而且還在家睡了一個下午,
因為我真的太累了, 當我訓醒的時候, 己經食晚飯了,
從來都未試過像今天一樣, 一訓就訓了這麼久, 感覺真好

今日約了1356到旺中的元綠食壽司, yeah ~ 我今晚終於可以吃到我的冷麵啦,
一直都很想吃冷麵, 但是因為生病的原故, 所以一直都要忍口,
宜家個病好返, 我一定要去食冷麵呀！
好多謝你們也贊成食元綠, 我才可以食到冷麵,
今日我們邊食邊講返我們去台灣旅行發生的事,
而五妹好攪笑講出問月老的問題, 笑到我們死 ,
五妹無見一排, 真是風趣又抵死左, 我想是開始約會的緣故, 人也開心d,
食到10點半, 我們打算買單走人, 各自歸家, 但是俾我地發現五妹一d嘢,
跟住我地就拉左五妹去食糖水, 在我們迫供下, 佢終於講出那個秘密,
對於你那個決定, 只要你認為是對的, 我們會無限量支持你的,
如果遇到開心及唔開心的事, 一定要話俾我地知呀！
唔好屈屈埋埋, 因為我們會很擔心你的
食到12點, 我們就買單閃人了

今日去了KFC食 lunch, 排隊買嘢食, 俾看見一個大帥哥,
呵呵 . . . 帥哥當然望多兩眼啦, 他的曲髮和元暢的一樣,
所以我覺得佢等別帥,
而今日呢間kfc又拍廣告, 所以今日kfc好多人,
拍攝的地方附近有一張枱, 而個張大枱就没有人坐,
我買完後, 逛了一個圏都找不到位,
於是迫於無奈坐在拍攝的地方附近的一張枱, 我拿拿臨食完嘢,
因為我唔想攝上鏡, 如果唔係到時全香港的人都會見到我的,
我才 不要吖 . . . 好彩我食完, 佢都未開始拍,

食完飯後, 我就係apm逛了一會兒, 就回公司上班了

放工的時候, 我約了六妹拿佢個張 sd咭, 因為她家中電腦壞了,
所以我就拿佢個張咭回家, 過返台灣旅行d相落電腦,
返到屋企, 睇返小敏影個d相,
哇 . . . 見到我的黑眼圏超黑和大, 真是
嗯 . . . 下次都要養足精神才留倩影, 宜家睇返d相, 簡直俾個d黑眼圏嚇親,
唔講啦 . . . 我宜家要去執下小敏d相啦