今日9點幾就起身了, 之後執好行李後, 我先退我們的房間, 將行李放到鴨仔姨的房間, 因為鴨仔姨是酒店的 vip客人, 可以遲d退房, 之後我, 阿大, 三妹和蕭同學一齊去洗頭, 而六妹, 五妹和她的男友就逗留在鴨仔姨的房間。

洗完頭, 大約四點幾, 我們就執埋行李去食飯, 蕭同學帶我們去了一間食拉麵的舖頭食拉麵, 哪間拉麵店 d 拉麵頂呱呱, d 麵很好味呀！食完麵, 我, 三妹, 六妹和蕭同學坐下午5:15分的火車到樟木頭, 而阿大, 五妹和她的男友就直接坐火車回深圳。由石龍坐火車到樟木頭只需要 15分鐘, 我們到了樟木頭就去cd舖掃貨, 六妹今次大豐收, 她買了很多套台劇, 而我們每人都有買碟, 最後就搭8點的火車回深圳。

回到屋企留下, 買了一個 mcdonald's 餐食, 返到屋企己經10點幾了。

今日約左阿大, 三妹, 五妹和她的男友, 六妹, 蕭同學和鴨仔姨一齊返石龍, 其實今次返石龍是有一個目的, 就是要幫三妹慶生了。

放工的時候, 點知有間工廠在國慶節裝櫃有問題, 急著要處理, 拖到1點40分先可以走人, 之後就去 join 埋六妹一齊去上水會合大家。

五點幾上到石龍, 我們先回到酒店放下行李, 之後一行8人去餐廳食飯, 好有旅行團 free, 食完嘢, 阿大, 三妹, 蕭同學和鴨仔姨去做推油, facial和畫甲, 而我, 五妹和她的男友, 六妹去買生日蛋榚和開 party的食物, 我地終於搵到一間見得下人的蛋榚店, 我對哪職員講 "我想買廚窗的生日蛋榚", 職員話 "廚窗的生日蛋榚不賣", 要買廚窗的生日蛋榚就要訂, 心諗要訂, 咁咪趕唔切今晚開 party 用, 你知一平時香港訂生日蛋榚都要等2-3日, 咁我地問佢如果訂生日蛋榚最快幾時有得拿, 好彩佢話等半小時就有得拿, 我地訂完生日蛋榚, 就去逛附近的商場, 夠鐘我們就回去拿生日蛋榚了。之後我們四個就去酒店附近的超市買開 party的食物, 買左勁多嘢食, 買單都唔過 130元, 實在太便宜了。

三妹佢地推完油, 就打俾我地叫我們落去食宵夜, 我和蕭同學原本諗住食完宵夜去洗頭, 洗完頭先回去開 p, 但三妹話她很眼訓, 所以我地決定明天才去洗頭, 先回酒店開 p。我們先叫三妹沖涼, 之後我就打電話去她的房間, 叫她過來我們的房間, 佢一開門, 我們就拉炮和吹 bb, hehe ^0^, 我最鐘意生日玩拉炮 + bb和帶生日帽, 我覺得咁樣先有生日的氣氛, 一定會令個 party 的氣氛好好, 大家都會玩得很開心, 我們今晚的計劃非常成功, 希望這一切會為三好帶來一個難忘的生日 party 啦 . . . 之後大家都玩都瘋左, 還影了很多相, 最後我們 7個人聊天聊到5點才去睡覺。

今日 OT的生涯要開始了, 好多嘢做, D 嘢做多到做唔黎, 即使同佢 OT都零晨12點幾, D 嘢做都會做唔晒, 因為公司今年接了很多單回來, 多左嘢做, 己經開始出貨囉, 得兩個 Shipping, 根本做唔晒 d 工作。我要努力加油, 完成手頭上的工作, 安安心心去做手術, 等你無機會話我成日請假。今晚 ot 都 8點幾, 都不算 ot 得很久, 明天就要返大陸 (石龍)玩了, 但今晚無咩心機執明天返大陸的行李, 因為工作壓力很大, 回到家食完飯, 我就去看 "哪小子真帥"的韓國電影, 睇到 12點幾, 之後同蕭同學和五妹 chat左一陣 msn, 先去執行李。

今日返工同老闆請假去做手術, 換來老闆的黑面, 老闆點都會唔鐘意 d 員工請假去做手術, 但都没有辦法, 佢話你要做手術都没有辦法, 問我幾時可以出院？佢的意思是出左院就好快d返工, 唔好好似上次咁休息咁耐, 佢並要我10月3日前要攪掂好手頭上的工作, 及請假個段期間的工作 . . . .>_<"

假期接著落, 今日請了假和屋企人都迪士尼玩。因為迪士尼請晒香港旅遊業界的員工免費到迪士尼遊玩, 而且准與這些員工以半價門票的優惠帶多三位屋企人一同前往。由於弟弟在酒店工作, 所以他可以免費入迪士尼玩, 而我和鎷媽則用半價的價錢購票入內。

我們9點出門口, 之後就搭地鐵去欣奧站, 再轉迪士尼列車, 架迪士尼列車很靚, 我們不停係咁影相, hoho ^0^ 落車後, 我以為我們在月台上去, 就是購買迪士尼門票的地方和迪士尼, 原來不是耶, 還要行一段很短的路才到迪士尼, 迪士尼車站真的很靚, 所以我才誤會車站是迪士尼。

我們10:06分到了迪士尼門口, 於是我們在貴賓購票處買票入內, 原來迪士尼現在可以俾人帶水入去, 因為弟弟的同事前幾天去過, 所以我們知道現在可以帶水入去, 所以我們也自備了水。

入到去迪士尼, 真的很靚, 而且我還在小鎮大街見到 Mickey & Minnie, 我們一邊逛迪士尼的商店, 一邊行入去玩機動遊戲的地方。我見到有 d 好靚的 Minnie 頭 cool, 我都很想買, 但最後都没有買回來, 只帶著哪個頭 cool 來拍照。

我們今日大部份的遊戲己經玩過, 只欠没有坐迪士尼火車遊迪士尼一周, 我都很認同洗同學的講法 "俾想像中好玩", 明日世界的 "飛越火山" 是過山車來的, 雖然没有海洋公園個d 咁激, 但佢都很恐怖, 恐怖的地方是是一個漆黑一片的地方玩過山車, 你即使淨大眼睛, 也看不見四周, 而且這架過山車開得很快, 而且佢轉很多灣, 有 d pow的感覺, 坐完個刻真時有d 暈, 我未試過黑夜中坐過山車, 繼台灣之行後, 又一坐過山車的感受。

而另一個米奇老鼠狂想曲也很好看, 是一個 3D 的動畫來的, 很好看, 超好看, 勁好看, 個畫面有食物出現, 你就會嗅到食物的味道, 當畫面去到下雨的時候, 就會有水噴向你, 真是很好看的一個 3D動畫。

仲有馳車天地也很好玩, 超好玩。

最後, 看完晚上的煙花, 逗留了一會兒, 我們就去鑽石山食完飯才回家。

迪士尼真的很好坃, 因為身處在迪士尼, 我感到以前小時候的童真, 忘記了一切現實的苦惱, 盡情是咁玩, 迪士尼的 LOGO真是形容得很貼切, 為你帶來奇幻難忘的旅程。

P.S. 今日我同 MICKEY, MINNIE, 高飛狗, DONALD DUCK, 和兩隻松鼠的卡通人物影了很多相, 這些己經令我值回票價。原來 MINNIE 好攪笑, 她摸我弟弟的肚腩, 而且還擺出一個很攪笑的動作, 簡直笑死我了。而 MICKEY看見我帶了 MICKEY mouse 的頸錬, 佢就想摸我條頸錬, 開頭我唔知, 我還以為佢想摸我邊一度, 最後佢指著我條頸錬, 我先知佢原來想拿我條頸錬來看, 真的嚇死我了, 害我虛驚一場。

今日早上, 我們一家人到廣開酒店飲茶, 之前因為這間酒樓裝修, 所以一直要去其他酒店的酒樓飲茶。飲完茶, 就去逛商場, 没有回樟木頭一陣子, 樟木頭有點變化, 多了一個新起的商場, 新開了一間台灣的阿宗麵線 (但唔知是唔是真是台灣個間阿宗, 很想試, 但細佬話唔想食, 所以最後都没有去試), 逛完街, 再回家睡了一覺, 到6點就拿埋行李出門, 我們經過一間維修手提電話的舖頭, 爸爸叫我拿部 inno 30去整, 因為部電話星期六早上又壞了, 個 mon都是有問題, 而哪個人話維修要 60元, 半小時有得拿, 於是我和爸爸就在店裡企半小時看他維修, 點知半小時又半小時, 還是未修理好, 其實我覺得哪個人唔是好得, 最後佢都話修唔好, 佢話如果我地唔介意擺部機俾佢, 到下次返大陸先來取, 當然不行啦, 我睇佢修手機己經好唔掂, 仲要擺部機係佢到, 到時我部機實無緊都得。我叫佢拿拿臨同我裝返好部手機, 我話我拿返香港, 下次返黎, 再黎俾佢修, 今次錢當然唔駛俾啦, 因為他都没有修理好。

食完飯, 我們就坐皇崗大巴回香港, 今次是我第一次在皇崗過關, 過關超快, 之後爸爸就去皇崗拿車, 車我們回家。

p.s. 今次用了 e道過關, 真的很方便, 而且很攪笑, 部機好似食左你張身份證咁, 隔了一會兒, 部機就會嘔返張身份證俾你, 覺得超攪笑的。

今個星期六和日一家人返了樟木頭渡假, 爸爸, 媽媽, 婆婆和弟弟先回樟木頭, 而我就放工後, 自己一個人返上去 JOIN 佢地。我 2:30p.m. 己經上到深圳火車站, 點知火車站職員話要 4:30 p.m. 才有火車, 要等咁耐, 當然唔等啦 . . . 於是就去羅湖城搭大巴上樟木頭, 搭大巴上樟木頭要1小時, 搭大巴上去一定會早過等火車上到去, 我費事太遲上到樟木頭, 屋企人以為我有咩事, 所以還是搭大巴上樟木頭。

到左樟木頭, 首先醫飽個肚, 之後就回家了。今晚因為時間的關係, 所以没有逛到商場, 而晚上我們就去了弟弟同事介紹的一間餐廳食飯, 個間餐廳d嘢食都幾好味, 叫左6個餸1個飯, 都是 120元買單, 而且d 餸仲要是食唔晒, 超抵食。

食完飯, 就去逛我的至愛 – cd 舖, 見到有 "愛情魔法師", "深情密碼", "我們結婚吧", "天空之城", "終極一班", "女王的教室", 老闆娘話日本電影真人版小丸子仲未出, 要遲d先有貨, 而我找了很耐的韓國電影 "王的男人" 終於有貨了, 當然要買囉 ^0^ 因為有李準基嘛 >"< 我今晚只買了一套 "愛情魔法師", 韓國電影 "王的男人", "與百萬富翁的初戀", "那小子真帥" 和 "狼的誘感" (之前在書展時, 我己經買了這本小說), 現在大陸的 cd 舖有很有韓國的電影賣, 真的太好了, 也找到我最想看的韓國電影, 實在太捧耶

今晚, 我還叫老闆娘幫我訂台劇 "愛在星光燦爛時", 她話會幫我拿貨, 下星期天上來拿, 真的太好了, 希望有貨啦 . . . hehe >"<

媽媽很夜到髮廊整頭, 於是我和弟弟先回家, 到零晨 2p.m. 我和弟弟才去髮廊接媽媽回家, 今晚很夜才訓覺。

今晚好努力打份辭職信, 諗下點樣寫, 上網 search 下, 終於寫完我的辭職信了 . . . hoho, 打定辭職信, 如果下星期二同老闆講入院做手術, 如果老闆唔 like的話 或者 閙我的話, 就當場遞上辭職信, 實激死佢。

今日下午時, 叫我去做 model個間公司打俾我, 佢話睇過我 second in 的表現幾好 (什麼好呀！我一點都不覺得好喎, 行 catwalk 個時, 我還是呼敷行下, 咁都話表現好, 不要開玩笑了), 所以她們想選我去做這次比賽的 model, 睇在有外快份上, 可以值得考慮當這次 model。她約了我下星期二上去她的公司, 講解當日比賽的流程及要注意的事項, 諗住星期二上去聽完佢講 d 咩, 先決定當不當這次的 model.  我有點怕當日比賽要行 catwalk, 我會很不自然, 因為我不擅長表逹自己, 這個問題, 真的很苦惱。

有個好消息耶 - 我超開心耶 - 我部手提電話好返了, 個 mon 終於有返畫面了, 實在太好了, 慳回一筆修理手機的費用。 爸爸原本帶算星期一幫我拿部手提電話去深水埗整, 因為深水埗個邊整會平 d, 所以再開機, 看看有没有電, 點知一開機, 己經有回以前的畫面, 實在太好了, 不用拿去修理。這件事使我知道, 原來手提電話也需要休息的時候, 當牠們有充足的休息後, 就會回復正常了, 手提電話也有抗議和表示不滿的時候, 害我之前還這麼不開心, 真的耶, 睇黎我以後要俾返星期日的一天假期佢了, 否則牠又向我抗議, 到時我真的拿牠没有辦法了

之前 lunch time 出街去食飯的時候, 經過觀塘地鐵站, 突然有個人走過黎對我說 "想搵我做化妝 model", 我開頭己經推三推四, 話唔得閒, 其實佢很阻住我食飯, 最後佢話因為有一個化妝比賽, 想搵我去幫手做 model, 我問佢比賽日期是幾號？佢話10月2號, 我很堅決拒絶佢, 因為哪天是我媽媽生日的日子, 幫唔到佢, 其實有 d 驚佢係 d 騙財的人, 跟住我就諗住轉身離開, 跟住佢講 "如果被選中做今次比賽的 model, 會有報酬哦, 到時候會俾返一筆錢你, 你又可以賺下外快", 被佢這句話吸引了, 之後繼續聽佢講埋下去, 這次的化妝比賽分四組唔同的組別 "青年組", "高貴組", "彩繪組", 同埋一組唔記得叫咩名啦, 佢話首先要上佢公司 interview, 如果 in 完第一 round ok的話, 就會叫你in 埋第二 round, 如果第二 round都 ok的話, 就會選你去做 model參加這次比賽, 被人化妝, 所以今日放工就趕去佐敦 second in, 其實之前同阿大, 三妹, 六妹游水個日, 己經上去 in 過一次, 其實我都是諗住試下, 諗住都未必會選中我啦, 咪去試下囉, 點知佢前幾日打電話叫我去 second in。

上到去, 首先影一張未化妝前的相, 之後就化妝, 我是由一個阿豬媽幫我化的, 個妝都 ok, 唔會好濃, 但佢幫我 set 個頭超唔掂, 連帶影響個妝好唔得, 化完妝後, 又要再去影相, 仲要試行 catwalk, oh my god!!!之後佢竟然唔幫我落妝, 我只好帶著這個妝 + 佢 set 好個頭 + 唔帶眼鏡走人, 出到去, 我想快 d 找個洗手間洗走個妝, 我醒起不如去九龍公園的洗手間啦, 因為個間公司很近九龍公園, 嘩 . . . 沿途不知引起很多人的側目, 當我怪物來看, oh, 我心諗唔通個妝真的很嚇人, 因為佢幫我化完, 我一直無帶過眼鏡, 所以唔知道個妝化成點, 所以一去到洗手間我首先帶回眼鏡看一下, 嘩, 真的很嚇人耶, 實在不敢看下去, 我在洗妝前, 首先在躲在洗手間影左 d 相, 之後才洗掉這個妝

1. 這張相, 己經俾我拆去佢幫我 set 個頭, 回復我本來個頭, 但是個妝仲未洗掉, 變回原來的髮型感覺自己才回復少女的氣息, 佢幫我 set個頭真的超唔掂 >_< 有機會的話俾你們看看吧！

2. 我幾鐘意佢幫我化雙眼, 因為我是單眼皮的關係, 所以隻眼望落去唔靚和唔突出, 但佢幫我化妝後, 雙眼明顯很突出和感覺精神 d,

公司拖年三年的官司, 今日終於完結, 我們並獲得勝利。其實三年前, 我們落左 d 單俾一間公司生產, 己經簽晒合約, 但最後這間公司竟然到交貨期同我地講, 無生產過這一批貨, 也没有接到我們的訂單和合約, 但我地之前己經訂好晒 d 掛牌和箱貼紙的費用, 我們己經付了錢, 所以我們最後連這筆錢也拿不回來。最後老闆決定告這間公司, 老闆之前是請了一個律師幫我們處理這件案件, 但最後覺得呢個筆師唔掂, 所以轉了用大狀來幫我們打這單官司, 阿頭也要被傳召上庭作証。

今日老闆上庭, 由上午打到中午, 到12點幾的時候, 老闆打了個電話回來公司, 話這場官司我們嬴了, 到時搵日請我地食餐勁的。下午, 公司好少有請食甜品, 老闆還說要擺返一位去賀這場官司勝利, 老闆的心情非常之開心。

今日約了三妹和六妹一齊食埋晚飯, 才入九龍公園泳池游水, 而大姐差不多8點到泳池找我們。今晚她們要上游泳課, 她們去上堂的時候, 我找了一個離她們較遠的位置來自己練習, 她們去上課的時候, 我感覺 d 時間過得很慢, 可能我一個人不停係咁游, 係咁游, 等她們下課的關係吧！今晚我主要練習自由式, 我感覺自己比上一堂游自由式有進步, 也蠻開心的, 因為我上來水面吸氣的時候, 鼻子没有吸入水, 好成功吸到氣, 感覺滿好的。

當我正在努力練習的時候, 突然有個男仔走過來對我說 "小姐, 你游自由式, 隻手要抬高 d, (佢當場有示範個動作給我看), 我看你游的時候, 見你隻手係水面插水", 嚇死我啦 . . . 突然有個男仔走過來踏傘, 教我游自游式, 我回他 "真的唔該你耶, 多謝你的指導 (當時我跟住佢的動作做了一次) 我現在在練習緊自由式, 等我試下先", 其實這個男仔, 之前在我旁邊游了一段時間, 當時我覺得佢有點阻人, 我當然没有理他啦, 點知我游游下他走過來踏傘, 他著哪件泳衣是潛水衣, 我覺得他應該有可能是游泳教練來的。但奇怪的是, 佢咁得閒走過來踏傘, 唔駛教其他小朋友游水, 真是 . . . .咁得閒的。不過都好多謝他給我的意見, 咁樣慳返一筆學自由式的錢, 今日都有得著的, 哈哈, 不過我覺得好攪笑囉

游了很久, 雙腳己經開始抽筋, 於是休息了一會兒, 改變游水方式, 游過對面池邊游蛙式, 游回去對面池邊則游自由式。正當我游緊狗仔式過對面池邊時, 阿 sir 叫住我, 他話 "阿 wing, 見到我, 都扮見唔到我, 實縮一角游水", 我呼冤耶 "不是啦, 只是我没有俾錢來上課, 游過你們上課的哪邊, 不是太好了", 他說 "傻啦, 點會呀！", 接著他對阿大她們說 "下次上課見啦 . . .還有下次上課記得要拉完筋才好上課"

嗯. . .我下次游水前都要拉筋, 因為我游自由式, 我雙腳很易抽筋。

今日中午突然收到一通電話, 當時我去了洗手間, 没有接到哪通電話, 而哪個打來的人則留了一通留言給我, 我聽完留言後, 真的覺得很愕然。因為以前讀中二的一個同學, 只是和她玩過一陣子, 之後就一直没有聯絡和同班, 她問我記唔記得她是誰？不要開玩笑啦 . . . 我怎會記得中二同學的名字呢？更何況只和她玩過一陣子, 我真的不記得她的名字, 你問返我 esa班的同學名, 我都不是記得很清楚耶 >_< 要我猜她是誰？真的有點難度。

於是我回了她一個電話, 她問我記唔記得她是誰？我話 . . . T __ T (支吾以對), 她話我是張文麗耶, 真的不記得我嗎？我開始有點印象, 於是問佢中二是不是做班長, 和她一齊踩過一次單車？答案是對的？她說她最近從澳洲回來, 找回以前讀中學時的電話簿, 想約回以前中學時的同學聚一聚。我不知道她是何是去了澳洲, 於是問了她何時去了澳洲？與及她的心臟仲有没有問題, 心臟個病好 D 未？記得以前上上下堂, 她突然心臟病發, 整個人跌在地上, 失去知覺, 嚇得我們班同學都不知點算好？好彩個時教人類生物的阿 SIR同佢做心外壓, 保持個心臟繼續跳動, 直到送院為止。否則她有可能死掉耶, 很恐怖耶, 所以問她的心臟病好了D 未？

由於今個月花了很錢去看醫生和交保險年費, 加上手機又壞了, 我今個月真的要慳 D, 原本阿三佢地約左星期日出來唱 K Lunch, 都打算會去的, 但因為這通電話, 我決定撥這筆約會錢, 見這個從澳洲會來而很久不見的朋友, 希望大家諒解啦 . . . 其實我今個月真的不想出席太多約會, 因為我可能面臨做手術前, 向公司辭職, 我想留多一個錢傍身, 因為呢d 不穏定因素, 我真的真的 . . . .想留多一點錢, 到時無嘢做, 都起碼會有 d 錢在身上。 

阿 Mon 因為想問我借台劇, 所以今晚約埋 Elaine一齊食晚飯。我們7點到了太子, 然後就去花園街探 vita, vita真的變了很多, 我都認不出他來。阿 mon 話由一個男仔變到現在成個大叔樣, 真的變化很大。我們都以為他不會認得我, 但點知佢還記得我, 還響我全檔, 與他聊了一會兒後, 我們就上新世紀廣場的 food court 食晚飯, 食到10點幾, 就各自回家了。

生日願望實現了 . . . hehe ^0^ 超開心的

今日請了一日病假去見政府骨科醫生。早上9點出門口, 先到銅鑼灣交保險年費, 之後就去搵 bovia, 俾返之前幫佢拿的贈品, 和拿埋自己及小敏的家屋寶回家, 同 bovia傾到 11點半, 就 by mtr到旺角 join 媽媽和弟弟, 12點半回到家, 拿埋 d x 光片, 在屋企樓下食埋 lunch, 就入大埔拿打素醫院見醫生, 今日的行程很緊密。

之前骨科高級主任轉介我今日見一位 kc wong 醫生, 護士之前話 "如果 kc wong 醫生很落黎見你, 你就睇這位醫生, 如果佢唔落黎見你, 你則要睇其他醫生" (護士咁講即是代表這位醫生很有權威和份量, 一定是位很 top 的醫生), 我今日的覆診時間是 2:30p.m., 但等左好耐都未入房, 於是護士對我說 "你見的哪位黃醫生仲未黎到, 所以要等多一陣", yeah >"< 個刻真的很開心, 因為哪位醫生會黎睇我這個病, 咁我的生日願望真的成真耶 (我是不是很無聊呢？生日願望竟然會許埋呢 d 咁的願望, 我希望今日覆診, 哪個 kc wong 醫生肯見我 . . . hehe, 我就是一個咁攪笑的人, hoho)

終於入房見醫生啦 . . . 哪位醫生比我想像中要年輕, 是一個30幾歲的醫生, 但聽得出佢很 pro, anyway, 佢話痛就要做手術, 佢問我咁你想唔想做呀？媽媽即刻幫我答 "梗是做啦 . . . (媽媽真的很攪笑, 她好像玩一些搶答遊戲節目一樣, 答問題速度驚人)", 詳細的 details 唔講咁多了, 醫生話 "這個病有機會復發, 但機會唔大", 聽到醫生這一句話, 咁樣我都放心和安心去做多一次手術, 所以我決定做埋這次手術, 我決定摶一摶。

生日的願望, 我還希望 kc wong 醫生幫我做今次的手術。我問醫生 "今次手術是唔是醫生你幫我做的？", 醫生答 "我地會有一 team 醫生會幫你做呢個手術, 你放心, 佢地都很 ok, 這是一個小手術而己, 他們都可以應付", 但我心裡還是很想這位醫生幫我做這次手術, 隔了一會兒, 醫生走出房間拿了一本筆記入來, 他看了很久, 我開頭不知道這本是什麼來的, 之後, 他說 "10月5日有一個空位, 可以安排我個日入院做手術, 先幫我 booking 左 10月5日先, 如果10月5日個日唔得, 會再打電話俾我, 再告訴我改期做手術的時間。如果 10月5日唔得, 要排到很後做手術了, 可能要等到下年了", 但我感覺上好像佢會幫我做今次的手術。

之後就去預約處拿回一張預約便條, 個日拿著病條入院, 醫生要我 10月4日早上9點入院, 10月5號做手術, 如果情況許可的話, 可以 10月6日出院。醫生話因為這次的血管瘤個位置唔是好深,所以手術大約30分鐘就可以完成, 所以叫我不用太擔心。

其實我一點都不太擔心, 因為一切己經安定下來, 我有一種開心的感覺, hoho, 我是不是傻左呢？我只擔心如果真的要 10月5日入院做手術, 因為9月尾正值出貨時間, 是公司 shipping dept. 最忙的時刻, 老闆實唔鐘意的, 如果老闆臉色很難看, 大不了我就辭職不幹, 媽媽己經贊成左我這個決定, 媽媽也很支持我這個決定, 她話大不了唔做, 做完手術再搵過份, 有了這份肯定和支持, 我做手術的決心大左, 我現在不會再理會這份工作了, 因為我隻腳和健康是緊要過這份工作, 媽媽也是這麼說。

睇完醫生, 就陪媽媽到旺角逛街, 接著就到深水埗食埋晚飯才回家, 今日一整天逛外跑了很多地方, 真的累透了。

p.s. 很對不起一班朋友, 因為之前講好 10月頭回大陸, 但我真的想不到會咁快安排到做手術, 打亂了你們的計劃。朋友們, 我睇過 schedule 如果 9月30和 10月1回大陸玩 ok 嗎？真的很抱歉 . . .   

今日上最後一課的游水課, 整個自由式己經教完, 但是我們還未全全學識自由式, 阿 SIR 話視乎我們想唔想加堂, 阿大, 三妹和六妹都選擇加堂, 但我決定唔加堂了, 因為財政出現一點問題, 最近看了很多次專科醫生, 而醫生費用很貴, 每次都要 300元, 但為了解決隻腳的問題, 這些錢都值得付的, 因為健康是無價的, 所以很貴也要照付。

今堂游泳課出現幻聽, oh >_< 點算好呢？由撞聾變成幻聽, 真是去到進化階段。我們續個續個用自由式游去對面的池邊時, 我是排到最後一個游到對面池邊, 而當我們游個對面池邊時, 阿 sir會企在我們旁邊督導。當我差不多游到接近對面池邊時, 我聽到阿 sir話有人游緊過黎, 叫我小心 d, 咁我咪企起身, 問阿 sir同我講 d 咩, 接著咪望下側邊, 驚有人撞過黎, 跟住阿 sir即刻問我仲咩事？我話咩唔是你同我講有人游緊過黎, 見我小心 d 咩？oh . . .阿 sir 其實一直都没有對我說話, 他當場被我氣暈, 而阿大, 三妹和六妹則在旁笑, 她們看見我游游下企起身, 望下旁邊, 她們覺得我個動作很攪笑, 但我一點都不覺得攪笑喎!!!之後還俾阿 sir話我找藉口企起身, 真是跳落黃河都洗唔清, 但我真的聽到阿 sir 對我說話耶 >_<

後來, 我們要上黎水面換氣時, 因為我的換氣動作超快, 阿 sir 話我上黎水面換氣其實是露下個樣, 佢講了一句很攪笑的說話, 但我唔是記得太清楚, 好似話純粹上黎露下個樣, 俾人影下相, 但呢個換氣動作唔需要做咁快, 佢話最緊要吸到氣。他哪句說話真的很攪笑, 但可惜我唔是好記得, 接著我一路游一路笑, 還被佢話 “唔好掛住笑, 最緊要上黎水面吸到氣”, 感覺阿 sir 今晚的心情都幾好, 可能佢在想 “今晚終於教完你地呢班嘩鬼, 拖左我咁耐, 終於可以完左個 course啦, 唔駛再俾呢班嘩鬼煩”

今晚搭巴士回家, 遇到一些超嘔心的事, 哪個變態男竟然坐在我旁邊, 做出這種事, 最後還害我整個人貼近埋窗, 真的很嘔心耶, 點解會被我遇到這些事情呢？有機會在和大家分享這次經歷的變態事。