今日老闆終於幫我 set 返部電腦 login id, 同埋個 email, set 好晒, 個 shipping 阿姐 (connie) 和 account 阿姐 (mandy) 就開始 pass d 嘢俾我做了, 部電腦整好, 變左要處理的工作也多了, 今晚 ot 到 8點半左右, 就同埋個 shipping 阿姐一齊走人, 好攪笑咁知道原來個 shipping 阿姐是住是我隔離個座大廈, 於是佢話遲d 可以約左一齊返工放工。

今日 lunch 同 h.r 的同事 (catherine) 一齊去觀塘廣場食車仔麵, 這間車仔麵真的很不錯。飯完飯, 我同 catherine 上左 d 工業大廈睇精品開倉大減價, 最後買了一本簿回公司做 notes。

今日同 connie一齊 by mtr 回家, 原途中講開我之前舊公司的客人, connie 同我講老闆請左我後, 同佢講 "我做左 mango 4-5年, 好熟 mango 出貨的嘢, 又話你之前個份工是你第一份工作", 聽完佢咁講後, 覺得老闆對我咁高的期望, 死啦 . . . 真是好大壓力喎!!!但其實 mango 我只是做了一次咁大罷, mango 出貨我真的不熟, 之後 connie 就答一句 "唔怪得知啦 . . ."佢講呢句說話是因為佢之前 pass 左 mango d invoice 和 packing list 俾我打, 但 invoice 我打錯了一點內容, 因為我之前公司的打法唔是咁打, 呢間公司又有另一個打法, 所以變相打錯了, 所以我覺得佢講這句話的意思是覺得同老闆講的說話有點出入, 算啦 . . . 希望過到試用期啦 . . .

今日收到 agent 通知, 之前九龍灣見個份工, 想約我 second in, 這間公司是我 in 咁多份之中最鐘意的公司, 13日大假, double pay + bonus, 返五天, 真的超喜歡。 agent 話這間公司好大機會請我, 問我邊日可以去得 interview, 我現在返了新工, 請假去 interview 不是太好, 但是又好鐘意這份工, 於是問佢可唔可以等我放工去 in, 點知間公司個 manager 話只可以等到我下午 5:30, 經過一輪掙扎, 最後選擇留在這間公司, 因為 garment 的前途點都好過 bag 這個行業, 為左前途, 只好放棄自己鐘意而又人工高, 福利好的公司。

lunch mandy 問我同唔同佢地一齊食, 佢地打算買外賣回來食, 於是我就跟大隊買外賣, 我們 total 5個同事叫左3個上海客飯 + 上海粗炒, 諗住大家 share 來食。外賣送黎後, 我們就在一個小圓枱上食飯, 因為唔夠椅的關係, 所以我搬了我個位張椅去坐。點知老闆經過我個位的時候, 發現我張椅唔見左, 老闆好大反應問 connie "佢去左邊呀！(老闆指著我個位來問) 點解張椅唔見左的？", connie 話我企在她的旁邊, 跟住我同老闆 say hi, 我在這裡呀！我心想, 我唔做點都會同你講返一聲, 更不會搬埋你張椅走的, 你放心好了, 我唔做都要拿返呢幾日返工的人工啦 . . . 超白痴的, but 我覺得好攪笑囉 . . . 拿走你張椅仲咩先？都無用啦 . . . 勁低能, 之後 connie 話駛唔駛咁大反應呀！咁驚我唔做, 跟住食飯途中, d 同事問我選左星期六輪休的邊一更 (共分 a和 b 更), 我話我要做夠一個月先有得輪, 佢地話我咁好, 返一個月就可以開始輪, 佢地話 iris (公司個 designer) 要做夠三個月先可以輪, 跟住有 d 同事話老闆係睇人嫁 . . . 最後被一班同事玩, 話我做夠一個月後, 以後都是返短週 (即是個個星期六不用上班), 我無長短週, 我都想, 但是唔得呢？

今日第一天上新工, 感覺滿好的, 幾滿意自己個位, 夠大 . . . 第一天上班不算太多工作做, 只是看一些出貨 guideline, 我感覺這份工不用成日ot, 放工時間應該好穏定的。

這間公司大部份同事都好年輕, 而且好多都好靚女, 而我個老闆望落去好似大我幾歲咁囉 . . .

今日老闆仲未有時間幫我 set 公司部電腦 login id, 所以暫時要用 admin. 個 password 登入部電腦, 感覺無電腦用真的超不方便。

第一天返工, shipping 個阿姐問我想跟邊個客出貨, 我心諗我都不知你公司有咩客, 我只好話你分配好了。最好佢叫我跟返 mango 的客人 . . . oh my god, 黎到新公司都是擺不脫這個客人, 超討厭的 . . .

今日自己一個去了觀塘廣場大家樂食 lunch, 這間公司 d 同事有 d 就叫外賣, 有d 就帶飯, 有 d 就唔食, 所以今日自己一個去食飯了, 真的有點悶, 原本諗住黎到公司, 同其他同事一齊出去食下飯, 收下公司的料, 但現在只好自己一個行事啦 . . .

新公司的座位, 還有一部私人打字機 , 椅的後方還有一個放文件的儲物櫃, 真是好鐘意個位

今日好開心, 我終於揾到新工了, 而且還是觀塘區, 實在太開心了, 等我上來補追返日記, 講返咁多天見工的情況先 . . . hehe

兩星期揾工中, 總共 in 左 10分工, 其實不只 10分叫我 in,因為當我抄下個地址後, 我唔鐘意個區, 我就選擇唔去 in, hehe . . . 這個就是我了, 揾過另一份工, 當然要選自己鐘意的嘢啦 . . .

16/5: 九龍灣 interview: 這間公司是做汽車零件的, 聽到己經唔太想做, 對汽車一 d 認識都無, 而且加上無興趣, 點知個 manager 話我返工的地點係在觀塘區的汽車維修中心返工, 聽到後簡直傻眼 . . . 更加對呢份工無興趣, 請我到不打算去做 . . .

17/5: 早上過了金鐘 interview: 原以為這間是一間 garment 公司, 點知原來係幫人揾工的 agent, 最後是我 in 完晒之後, 我先知這間公司是幫人找工作的 agent。in 完後仲要做 test, 考打英文, 與及在 5分鐘內打一篇中文, 之後仲要做一個 excel 表出來。in 完成個人都散晒。

in 完中環, 就直接過尖沙咀揾另一個幫人找工作的 agent, 這個 agent 是阿六介紹的。上到去, 阿 cat 幫我模擬 interview 一次, 因為明天要 in k-mart 這間大公司, 所以就幫我來個簡單 interview 過程。模擬 interview 後, 我就去了吉野家食 lunch, 食完 lunch 就過了書局逛了一會, 就直接去荔枝角 in 另一間公司, 今日的行程簡直香港九龍走透透。

3點去了荔枝角 interview: 是做運動用品, 主要做 d 出名的品牌 (nike, puma, addidas, outdoor . . . . . .), in 完 h.r., 再 in 埋個 shipping manager, 個 shipping manager 講到好似請咁, 佢話個 g.m 唔係到, 明天等佢回來再回報俾 g.m 聽, 到時再叫你返工。

18/5: 早上10:30過了金鐘 in k-mart, 我都好想入這間公司做, 這間公司有 400名員工, 因為福利好, 我諗大公司應該俾得起高 d 人工掛。等左一會, 有個女人帶我入房 in, 經過 office, 嘩 . . . 好似 <流星花園 2> 入面杜明寺的公司咁, 場面好壯觀。入到房, 個女人就講了一大段英文, 之後就展開一輪英文 interview, 整個 interview 的過程, 大部份用英文, 個女人好少講英文, 好彩都應付到 d 對答, 而且没有食螺絲, 感覺滿好的, 希望佢會叫我 second in la . . . in 完後, 就回家食飯。

下午 5點去九龍灣 interview: 這間公司是做小朋友d 教學電腦, 即是玩具反斗城買個 d 呢, shipping manager 没有考我英文和普通話, 但她 in 完後, 竟然要我做晒成套 full set export shipping documents, 而且仲要寫出黎, 不是打出黎, 豈不是要花很多時間寫字, 她要我半小時內完成, 我想怎麼可能, 又要睇份 lc, 又對呢間公司的嘢唔熟, 點都需要多一點時間, 最後花了 45分鐘才完成, shipping manager 話要幫我睇一睇份文件, 有咩消息會再通知我。

19/5: 早上到荔枝角 interview: 其實我不是太喜歡荔枝角這個地方, 因為覺得這區太舊了, 可能對上個份工 (即是做左半個月的哪份) 留下一個不好的印象, 所以對這個地方有點保留。上到去, 己經唔太鐘意間公司, 這間公司又是做運動用品 puma, nike 等, 最後老闆睇佢個款就知唔請, 我份 resume 己經寫到明, 我只識做 full set export document, 佢話一定要識入口的做法, 心諗你就不要叫我上來見工啦 . . .浪費我時間和金錢 . . .

21/5: 下午去了九龍灣 interview: 這間公司我蠻喜歡的, 做手袋, d 工作 duties 同我以前觀塘個份工差不多, 而且福利很好, 返五天, double pay + medical + 12日大假, 我見完 h.r. 後, 再 in 埋 assistant shipping manager, 之後要等通知再 second in, 超想入這間公司做呀！希望佢會叫我 second in la . . .

22/5: 下午去了荔枝角 interview: 這間公司也是做 garment, 我入到這間公司就不太喜歡這間公司了, 員工人數少, 計埋老闆, 全公司都是得 6個人, 而且還要我做埋 account 的工作, shipping 又得我一個人, 老闆 in 完後, 佢就叫會計同我講埋 d 細節嘢 . . . 講到好似請咁, 到最後走個時, 個 account 話會再 contact 幫人揾工的 agent 再通知我幾時返工。

以上的 interview 都是在 15號和 16號 send 出去的, interview 的行程就排到 5月22號了 . . .

23/5: 今日是爸爸的生日, 媽媽和弟弟也請了今日休息和爸爸 celebrate birthday, 我和媽媽一早收拾屋企, 到下午, 我午就出去逛街了, 逛到差不多 6點幾, 我們就去深水埗大排檔食飯, 食完飯, 我們就去了樂富吉之島逛街, 玩到 10點幾, 就回家了, 今日的行程很緊密, 好快就過完一天了

24/5: 今日是公眾假期, 所以公司放假, 我也放自己一天假, 明天再找工作吧!!!

25/5: 早上起來就開始努力揾工作了, 我要加油, 努力找工作, 其實我都有擔心自己找不到工作, 我在想之前 in 咁多份工, 都没有一份有消息, 我想是不是我有問題呢？ 係唔係我叫價叫得太高呢？所以咁耐都未有消息呢？於是今日叫價減 500元, 所有 shipping 的工作叫 9500元, 睇情況再決定吧!!!

中午有人打來叫我去尖沙咀見工, 這間公司我未入公司門口, 己經超不鐘意, 因為佢好似 d 屋企咁, 關左到木門, 木門上掛著公司名牌名, 按鈴入去後, 間公司超細, 加埋老闆都得 6個人, 間公司是做燈飾的, 不鐘意這一行, in 完後, 個女人講到明唔請, 但又揾籍口, 因為我以前間公司所有貨都只有出口, 唔會入口黎香港, 所以唔識入口個部份, 佢就話我想請個人返黎就是負責做入口個部份, 唔駛做出口, 頂 . . . 咁你就唔好叫我黎見工啦, 我份 resume 己經寫到明我只識 full set export document, 如果我識入口個 part, 就會寫埋落去啦 . . .好快 in 完, 就搭巴士回家

回到家, 剛剛除完 con, 坐低一會兒, 有間公司打俾我叫我宜家去觀塘 interview, 而且還要 6前趕到去, 我簡直傻眼, 因為我和她的對話時間在 5:30分, 邊有咁快過到去呢？仲要換衫, 又要行落黃大仙 mtr 站, 實趕唔切 . . . 最後佢話隔一會再打俾我, 我就在此時打俾爸爸, 問爸爸得唔得閒車我去觀塘見工, 好彩爸爸得, 佢再打俾我話可以 6:15分上到去, 於是我就拿拿臨趕去, 因為幅 con 浸緊, 我就帶著眼鏡去見工了, 超狼狽的。

這間公司很大, 看見是做 garment, 都覺得 ok, in 我的男人, 我想佢大我幾歲吧!!!我心想他應該不是老闆吧!!!也不是 shipping manager, 個男人好攪笑, 佢話我見你以前間公司又是做 woven, 我才叫你上黎 interview, 跟住我講下以前間公司 (即是 apm 個間) 的工作 duties, 個客是 zara和 mango, 佢一聽到就話好啱, 我地公司的客都是 mango, 仲有 espit 同埋其他名牌子, 跟住佢問我舊公司係邊, 我話係 millennium city 5 (apm 樓上), 佢又話咁啱的, 係佢公司附近, 佢又問我點解要轉工, 我話上 widen experience and 得到晉升機會係其他公司, 佢問我 widen experience 是指邊一方面呢？我話是 product 方面, 接觸其他唔同產品 e.g. 手袋, household, 電子零件等 . . . 佢好攪笑話我地無做電子零件, 咁你有興趣, 我話超有興趣, 跟住又問我點解？我話因為又是做 garment, 而且又是可以接觸到 account 上面的工作, 這正是我符合我轉工的目的, 接觸不同的嘢, 之後就傾人工, 同埋 offer d 咩福利俾我, 這間公司提供的福利很不錯, 有 double pay + 五天半工作 (做夠一個月, 星期六則會變為長短週) + 睇醫生有津貼 (去指定的醫生, 只需要支付 10元, 如果要去你睇開的醫生, 則支付 30元就 ok) + 銀行假 + 7日有薪大假, d 福利真的不錯, 我要努力工作, 點辛苦都要做落去, 因為我覺得揾工其實是一份很麻煩的事, 希望這份工的工作適合我啦  . . . 因為我想揾一份工可以 stay 耐一點, may be 2-3年 

好耐己經没有上來寫日記了, 因為要追回太多遍日記, 所以没有心情上來寫, 現在没有工作, 有空了, 就上來補追日記吧!!!

7/5: 約了阿玉食晚飯, 順便拿回她幫我在台灣買的台劇 <花樣少年少女> 和 <白色巨塔>。今晚好難得不用 ot, 6點幾就下班了, 就出旺角 join 阿玉, 我們去了金太朗食晚飯, 講下我一 d 新公司的狀況,與及辭職的決定。食完飯, 就去了逛街 (兆萬和旺中), 今晚我和阿玉的有收獲, 各買了一件褸。今晚收到一大袋手信, 多謝阿玉!!!

9/5: 向老闆提出第二次呈辭, 好成功地, 老闆終於批准我的呈辭, 但要我做埋這個星期, 待她請人回來頂我的位子。

11/5:老闆下午出去了, 不在公司, 大約下午 5點幾, 老闆打電話來叫會計通知我做埋今天, 明天就不用來上班了, 很好, 但可惜今日要上料, 很多東西等著我完成。個運輸晚上 8點幾先來到我公司, 我就搬6箱貨下去給他, 然後再回公司打埋剩下兩張香港的司機紙, 就在此時, 老闆回到公司, 她叫 coco 今日幫我清晒我手頭上處理的事情, 她想我快 d 離開這間公司, 但我的工作還没完成, 我是不會離開的, hehe . . . 因為我是一個有責任感的員工, 做到差不多 10點才離開公司。

12/5:今日不用上學, 約了阿三出旺角, 俾回之前幫她在台灣買的 <白色巨塔>, 之後我, 阿三同蕭欣去左朗豪坊逛街, 因為我要買一對婆仔鞋 for 下星期一見工用, 我原本在 i.t. 睇中了一對鞋, 但阿三同蕭欣都覺得哪對鞋不適合見工用, 只好再另覓另一對好了。蕭欣話想去旺中買一點東西, 點知俾我在這裡找到一對適合見工用的婆仔鞋, 真是太好了, 價錢又平宜, 而且個款也不錯。之後我們就去逛花園街了, 逛了一會兒, 阿六和她家姐也來到, 隔了一會兒, 我就先行離開, 因為我約了阿大8點到摩士 swimming, 但哪時己經7點幾, 最後只好打俾阿大取消 swimming。

13/5:今日帶星加玻的親戚入長洲玩, 因為她們想入離島, 所以我就介紹她們入長洲玩好了。我們下午 3:30才入到長洲, 食下 d 小食, 四周逛下, 之後就去揾今晚食飯的餐廳。點知好多間食海鮮的餐廳都 full 晒, 好彩最後有一間話有位, 最後先食到我們今晚要食的海鮮餐。我們坐 8點的船回中環, 回到中環碼頭, 有一間 queen's cake 的格仔餅, desmond 話好想食, 因為 66元6件, 如果單買一件就很貴, 所以我們買了 6件, 1人1件, 我點了個朱古力味的格仔餅, 因為實在太甜, 而且吃不下, 是勉強吞下去, 到最後, 我想吐和嘔出來, 因為食到我很辛苦, 但是又唔可以俾 d 親戚發現, 所以我做了一件很嘔心的事, 就是用水沖 d 拗碎左的格仔餅落肚, 最後休息了一會兒, 好了點, 就繼續坐船回尖沙咀。回到尖沙咀碼頭, 竟然撞到阿 mon 同埋 一 d 佢話識我, 但我又唔識佢的冒險同事, 傾了一會, 就送親戚回酒店了, 回到家己經11點幾了 . . . oh 明天還要見工, 怎麼辨才好呢？

14/5: 今日早上 10:30去了尖沙咀新港中心第二期 interview, in 左成個半小時, 見左三個不同部門的阿 head, 最後她叫我回去等消息。我離開這間公司, 就過去酒店 join 星加坡親戚和媽媽, 再酒店聊了一會兒後, 媽媽提議去 neway 唱 k, 於是我們就拉大隊去尖東 neway 唱 k, 唱到4點幾, 親戚就回酒店, 而我們亦回家了。到晚上 7點, 我們就搭車去酒樓 join 星加坡 d 親戚食飯, 因為媽媽再酒樓訂了一圍宴請親戚食飯, 舅父一家也有來。今晚餐飯的菜譜真是好似人地去飲咁, 乳豬全體, 魚翅, 石班 . . . . . . 。食完飯, 就帶 d 星加坡親戚去松記食糖水, 其實己經很飽, 但都要食, 因為如果唔食, d 親戚會覺得唔俾面, 同埋係唔係唔開心, 最後都要食。到星加坡親戚回到星加坡後, 和 desmond 玩 msn, 佢同我講"i feel bad though that u guys dont get to eat much at the restaurant", 我都不知怎樣回答好了, 因為我英文太差, 好難表逹我的意思, 我心想, 如果我食很多東西下肚, 我會變一很肥很肥的死肥豬。因為他們的食量真的很驚人, 我真的没有辨法和他們一樣, 請原諒我吧!!! 

今天就寫到這兒吧!!!因為我真的很累, 要去睡覺了, 等明天繼續上來補寫吧!!!

今朝告知阿三我打算辭職了, 今天對我來講是大日子, 又要辭職又要考試。阿三話我咁的情況需要打一份辭職信, 於是拿拿臨係公司打份辭職信, 由於覺得自己封辭職信的內容寫得不太好, 四出向人請教, 我這樣寫法有没有問題。見到表哥 online, 於是立即向佢請教, 最後佢幫我改過 d 內容, 我就再 send 多次俾阿三睇, 最後没問題, 才 print 出黎。真是唔該阿三和表哥的幫助。

由於今日要上料, 我下午是去不到考試, 但秀雯話會幫我, 所以我才可以去考試, 但我要在1:30前弄好晒所有上料的文件。但由於有兩批毛我又唔知發生緊咩事, 咩成份, 所以我 hold 起哪兩批毛, 做左其他物料先。

大約12點幾, 我同 coco講我做埋今日唔做了, 我問佢辭職需不需要1個月前通知, 她叫我問會計。會計話不需要, 會計問我為什麼不做, 我照直講了公司存在的問題, 於是會計勸我不要辭職, 但我心意以決, 没有人可以阻礙我。

老闆1:15分開完會出來, 我1:30弄好文件給秀雯, 就入老闆房遷辭職信,

我對老闆講 "唔好意思, 我決定辭職唔做了"

老闆講 "剛剛會計告訢我了, 你為哪些小原因而不做, 其實哪些是很小意思, 好容易解決, 這些問題交給我, 你繼續留係公司, 好嗎？唔好走啦, 你考慮下啦 . . . ", 老闆講完呢番話後眼紅紅的, 眼睛有泡淚水, 只是未流出來, 我聽完這番話後, 反而我被她早哭出來, 因為一黎我又急著趕去學校, 二來我唔做, 你就唔好阻住我啦 . . .

詳細的對話內容唔在這裡打出來, 因為很多內容, 最後我同佢爭持左一斷時間, 我話今日要考試, 趕著回學校, 佢就拿拿臨叫我快 d 去考試先, 再好好考慮辭職一事, 回家再慢慢考慮清楚。

今日 lunch 前, 也忍不住哭了起來, 但這次没有被人發現, 真的太好了, 其實是公司 d 資料太亂令我没有辨法繼續做下去, 哭了後, 工作還是要做, 於是想想還是趕快弄出來好了。因為老闆己經吹我 send 給客人了。因為今日的工作, 讓我完完全全了解這份工作不宜久留, 於是放工回家同屋企人商量過後, 他們都很支持我辭職, 再找過另一份工作吧!!!得到屋企人的支持, 於是決心明天回去辭職！成個人感覺輕鬆了, 舊大石都唔見左, 見到一片曙光 . . . 哈哈, 形容得有點跨張, 但此刻的心情真的讓人很愉快。 

今日終於忍不住, 在公司哭了起來。今日上料到工廠, 其中有些毛是阿 bell 的, 我問她這批毛的成份是什麼？她實知道毛的成份, 因為她是公司的跟單, 所以不會不知道, 但她郤偏偏不回答我, 叫我 "你揾返 d purchase order, 未有資料囉 . . .", 其實她不只一次留難我, 試過有幾次也是這樣, 我之前己經忍了好幾次, 但今次因為趕著五點前俾資料給大陸報關員, 公司 d 資料又亂, 我找了一會兒, 都找不到, 而且還摸不著頭腦是哪一批毛, 於是我就哭了出來。最後 coco同秀雯發現我哭了, 她們走過來安慰我, 幫我找哪批毛的成份。

食完飯, coco 就拉左我落下, 我想佢是想開導我吧!!!但我真的無事了, 過去了 . . .

今日早上 8:15分去家慧屋企留下, 等埋佢一齊行過去鑽石山 join chris, 家慧約了 chris 8:30在巴士站等, 最後我們兩個人都遲到了。之後一班人就搭巴士入西貢碼頭食完早餐, 就上船了。

大約10點, 我們就上船了, yeah . . .今日架船是西式遊船。我地上到船, 不停係咁影相, 影左一輪相, 玩左一陣後, 我們就到逹睇珊瑚的地方, 要落水睇珊瑚的人就要再轉另一隻小的駁艇入去, 其實我都好想去睇珊瑚, 但家慧話唔想落水, 所以只好陪佢好了。雖然唔玩, 但還是很想跟著去看看。於是我跟著 chris一齊坐駁艇去睇珊瑚的地方。他們看了一會兒, 就上水了, 於是我們就回大船休息, 再輪到下一班朋友再去看珊瑚。

回到船上後, 我就和其他朋友去 k 房唱 k, 這裡的歌很新, 有 <七夕>, <離家出走>, <我不是好情人>, <我很想愛她> . . . . . 我們上船前, 還估船上的 k 歌是陳年的 k 歌, 上到船上, 看見這麼新的歌, 真的讓我意想不到, good ∼ 差不多1點, 我們就上沙灘食東西, 未試過在沙灘上以到會形式食東西, 真的很特別。食完東西, 就和其他人打沙灘排球, 好耐都未打過排球了, 真的讓人懷念。玩了一會兒, 我就和其他人去埋 cyber 隻腳落堆沙到, 好攪笑的, 最後我也逃不過被人埋腳的厄運, 好彩都不是埋得很深。玩到下午 2點, 船家就開駁艇接我們回大船。

跟接就是精采的遊戲 - 香蕉船和 "wayboard", 望落去好似幾好玩, 好想玩呀！之後望其他人玩左一輪後, 我就同其他未落水的人玩啤牌。之後家興就不停表演跳水, 佢好攪笑, 佢跳完又走上船再跳過, 佢攪到好忙咁, 笑死我地, 佢跳左 10幾次後, 其他人都玩完所有的遊戲上船。

下午4點幾回程了, 我們就拿 cindy 自己整的蛋榚出來食, 她真的很棒, 哪個蛋榚整得很好味, 我們食完蛋榚, 有些人就玩四方城, 有些人就影相。當我睇左一陣 chris 佢地打牌後, chris 無心機, 叫我頂佢個位, 我同其他人起好四方城, 點知又被 chris 叫去影大合照, 四方城只好棄置一旁好了。影完大合照, 點知差不多到岸, 起好的四方城玩唔到了, 等我地仲起好晒, 真是太浪費了。

上岸後, 我, 家慧, 阿詩, evin, 世傑, tommy和阿俊一齊出左旺角食飯, 飯到10點幾, 就買單走人, 因為明天還要上班, 唔可以再玩得咁夜了, 真的好想明天不用上班。

今日超唔開心, 因為一早收到司機的電話, 話我昨天上毛料的哪批貨, 現在被海關查車。我很害怕是我報錯資料俾大陸的報關員, 導致今天早上海關查車, 加上我今天有很多急著處理的事情, 我的心情勁 down。我問 coco 今日查車, 我下午需不需要留在公司提供什麼文件給報關員和司機, 她知我今天要上學, 所以叫我上學去, 這些事理等她幫我處理, 真的讓我很感動, 於是我1:25分離開公司, 去旺角 body shop join 埋小敏一齊食 lunch, 就回學校上課, 而阿大因為擺展, 所以没有來上課。

放學後, 我和阿三去逛街, 因為我想買一個新杯上班用, 於是我們去了潮特。上到潮特, 我同阿三都同一時間睇中左 d t-shirt, 於是我們兩個各自買了一件 t-shirt。没有想到, 我們都可以這麼快買到東西, 之後阿三在潮特買多一件 t-shirt 和耳環, 而我也在潮特買多了一件 t-shirt和 海師公仔電話掛頸繩, 逛到最後都没有合心水的水杯, 卻買了一些別的東西。買東西和逛精品店真的讓人心情愉快, 早上的不開心都一一而去, 這感覺真好。

之後我們再戰兆萬, 因為我想看看扭蛋公仔。之後我在兆萬買了一對耳環 + 一隻耳環, 扭了兩個扭蛋公仔, 而阿三就買了一對耳環。逛到最後, 錢散盡了, 身上只剩下 4元, 阿三也是這樣, 我和阿三很久也没有試過好像今天一樣, 痛痛快快去買晒我們喜歡的東西, hehe . . . 最後看到一些很漂亮的 t-shirt 也没有走進商店逛, 只是 window shopping, 逛到 7:30, 我和阿三都各自回家食晚飯了。

lunch 一行 8人去好彩飲茶, 飲完茶, 己經兩點, 我就跟太子女, 會計回公司, 而其他人就去飲涼茶。

7:30老闆同太子女離開了公司。8點幾, 阿 bell (merchandiser) 叫我同 coco 拿 d 公司的衫板回家給媽媽, 阿 bell 俾了我們一人兩件同款不同色的衫板給我們, 在我們選衫板的過程中, 阿 bell 要我們細聲一點, 因為公司裝了一部錄音機, 害怕會被錄音下來給老闆發現, 這下我真的傻眼 . . . 為什會有一間這麼奇怪的公司呢？

ot 到 9:30就回家了, 我真的很累 . . . 這幾天加班, 我每朝都不知醒起身, 所以每天上班也遲到。今天回到家, 我真的不想休息, 否則我覺得我每天都重複在上班下班的動作, 人生就失去了樂趣, 所以我選擇重看 <惡作劇之吻>, 讓我看看元暢最帥的一面, 減輕我工作上的壓力, 哈哈, 這就是一個打工仔的生活了。  

真的快樂嗎？真是的我想要的結果嗎？

轉工後, 雖然人工加左, 老闆同事都好好, 工作氣氣也很好, 有很多東西學, 又有彈性上班時間, 下班後, 還可以用 earset 聽音樂, 一切看似很好的, 但我的工作量也多了, 還要搬貨給運輸 (雖然不多貨, 但每箱都很重), 返了一個多星期的工, 没有一天可以準時下班, 放工時間由 6:30不斷增加到 7:30, 8:30, 9:30, 現在不是公司走貨最忙的季節, 都要 ot 到這些時間, 很難想像公司旺季出貨, 我什麼時候才可以下班呢？

這個星期, 都是我自己一個人去應付公司所有出貨的事宜, 教我做事的同事也很忙, 己經没有時間理會我, 全公司的同事己經無理會我, 不停指派我幫她們完成工作, 我還未熟悉公司的運作情況下, 要我一個人完成所有的工作, 未免有一點難度, 我真的很想哭 . . . 返了幾天工, 我己經很想離去, 我不想待在這間公司了, 因為我真的很害怕我做錯事, 而引起很多風波出來。我只好一直安慰自己可能未熟悉公司的運作才會這樣, 過多一陣子, 就會好多了 (真的是我想像的哪樣嗎？)如果我連這些都不能橕過去, 去到下一間公司都會遇到同樣情況, 到底選擇跨越這些困難還是選擇逃避呢呢？

自己一人處理全公司的船務 = 當學習獨立工作, 挑戰難度,
搬貨 = 當做 gym, 鍛鍊體魄, 不用花錢就可以減肥的活動,
ot = 當訓練耐力的時刻,
工作量大增 = 當是訓練用最短時間去完成所有工作,
遇到不懂處理的文件 = 當是一種挑戰, 一一去處理面對,

我真的真的不快樂, 但現在選擇去面對, 我想知道我可不可以跨越這些困難, 很没有意義的一篇網誌 . . . 我純粹想吶喊而己 . . .

因為這份工作, 我真的做到快要瘋了

今日第一日返新工, 8:45 a.m. 就返到公司, 等到9點還未有人開門, 心諗不會吧!!!會不會有點兒哪個呢 . . . 等到9:10分終於有個阿嬸回來, 於是跟了她入公司, 入到公司後, 她就帶我參觀了一遍公司, 公司出面有個大廈洗手間, 但阿嬸話我們公司有自己的洗手間, 不要出去, 全公司員工共用一個洗手間, 而老闆亦有私人的洗手間, 我們員工是不可以用老闆專用的洗手間, 這點覺得很攪笑, 連老闆都有個專用洗手間。之後我在看一下閉路電視的裝置, 原來它只是影住某一個地方, 不是影住員工們工作時的情況, 終於放心下來。

到了9:40分, 教我的人 (COCO) 終於回來, 她給了一本出緊貨的文件給我看, 不會吧!!!今天要裝櫃, 要 20號進倉, 21號開船, 我什麼都未熟悉, 就叫我做, 真的傻眼 . . . 之後 COCO 大約講解一些給我聽, 我就可始做 P/L, 這間公司的 P/L 很麻煩, 不用以前舊公司。我正在打緊 P/L 的時候, COCO 又話急著要做上料的文件給大陸的報關員, 因為我没有做過, 所以她就教了我做, 就在此時收到阿三的 sms, 但因為太忙了, 所以没回 sms 給阿三, 不好意思哦。在此時, 我與她一路聊天, 一邊弄文件, 好彩今日老闆不在公司, 回了大陸。原來 COCO剛剛出黎社會工作, 她在這間公司工作一年了, 當我接手 shipping 的工作時, 她就會轉做 a.m., oh my god, 豈不是得我一個做 shipping, 於是立即問她, 平常要 ot 都多夜？她說她大約每晚 ot 到晚上 8點, 聽到才放心 d, 她最後補充了一句, 要睇你個人的工作效率了, 如果快做完, 準時放工是没有問題, 但如果不行的話, 則要完成才可以離開, 當然老闆不會要我們開 ot, good∼

這間公司 d 同事都很年輕, 個個都好像剛剛出來社會工作, 而且覺得呢間公司個老闆好肯放 d 嘢俾員工跟, coco 同我講, 這個老闆好肯教人做事, good ∼ 但老闆想請一個做得長的 shipping . . . oh, 總諗住 . . .

好快到 lunch time, 有五餸, 白飯任裝, 原來公司是在餐廳叫餸和飯上來, 不是有阿嬸煮, good ∼ 食飯途中, 個大陸運輸拿了袋橙上來公司, 所以飯後還有生果食。食完飯, 成班同事一齊出去, 一 d 就去了銀行, 另一 d 就去飲嘢, 於是我就跟其他同事一齊去飲嘢。呢間公司就是我想要換的工作環境了, 唔知過唔過到試用期, 在擔心中 . . . 因為呢間公司個客好麻煩, 變左做事也會變得麻煩起來

下午做了搬運工人, 因為個大陸運輸不可以停車在公司附近, 所以我和 coco 搬了五箱貨, 兩大袋東西落公司, 因為大廈電梯不能直達我公司, 所以我 和 coco 要搬這些落樓梯, 之後再轉電梯下去交給運輸, 我這 9500元的人工真是有血有汗賺回來的。

我之後有留意公司的同事有無在公司玩 msn, 點知没有一個人有玩, 我 check 我部電腦, 之前都没有人裝個 msn, 朋友們, 以後不會在 office hrs 見到我 online 了, 因為真的太忙了, 加上公司部電腦竟然無裝防毒軟件, 這點真的很讓我傻眼 . . .

漏了講, 我個坐位還要比我在 apm 的位子還要大 (一個版間了一個正方型的空間, 而這個就是我的坐位了), 而且個 mon 成 20幾吋, 超大的, 個位真是超正, 真是想影返張相

哈哈 . . . 打了很多出來, 讓大家知道我第一天上班的近況吧, 因為大家會很少見到我 online 了。

下午, 舊公司個阿頭打俾我, 佢竟然問我公司裡的文件仲有没有用, 哪些 mexico annex iii form 是 2003年度, 我話你認為無用就掉, 總之所有你認為無用的都掉了吧!!!放工約了舊公司阿頭在黃大仙 mtr交還我在 apm 的大廈咭, 因為之前最後一天, 我竟然忘記帶回公司, 只好今天放工交還吧!!!見到阿頭後, 佢話你就好啦, 去左另一個天堂, 我還未死, 什麼去了另一個天堂呢？講嘢真是有問題, 去另一個世外桃園不行嗎？之後佢捉主我傾了一會兒, 佢好似唔想俾我走, 聽完佢訴苦為止, 就在此時, 爸爸問我回家未？我話回啦, 佢聽到就放我走了, 叫我在上班前約佢出黎食飯, 到時再慢慢傾, 我話好呀!!!

今日第一天返工, 己經 ot 左半小時了 . . .

今日下午收到上次復活節假前去見工的哪間公司電話, 即是有閉路電視個間公司, 佢想約我今日放工後 second in, 但我同佢講我今日什麼文件都没有帶, 佢話不緊要, 於是就約了今晚 7:15分上去 second in

放工, 上到去個間公司, 仲見到有 7至8個人還未下班, 等了一會, 有一個同我差不多年紀的女仔入黎 in我, 佢問我宜家係公司要做 d 咩？咁我講晒我大概做 d 咩後, 佢好攪笑咁問我 “其實我仲有一個問題, 是我私底下問你, 我想問下, 如果褲出口到美國要用幾多號 cat. No 的 quota?” 我答完佢後, 佢話因為呢間公司是要自己揾 d 賣 quota 的 agent 幫我地買 d 出口quota 回來？而佢最近有批貨是褲要出口到美國, 所以佢唔知用咩 cat. No, 所以就問下我, 同埋 in 我個人好攪笑, 我開頭以為佢係shipping 的阿頭黎, 但聽佢講嘢又唔多似是, 佢話佢都是最近學識用 tradelink 報關, 佢話好簡單, 都是教我。佢 in 完我後, 佢話問下老闆駛唔駛再見下我, 於是等了一會兒, 佢老闆就走入黎同我講 “我俾唔到你要求的人工, 頭 3個月, 我會俾 9500元俾你”, 咁我咪問佢過左試用期會唔會俾返我要求的人工？佢話要睇我工作表現而決定。之後佢問我, 你考唔考慮過黎返工？咁我話可以考慮, 之後佢就話, 咁約定18號你過來上班囉, 於是我就在這樣情況下, 揾到另一份工作。

其實揾到份工都好開心, 因為接著落, 唔會揾好耐先揾到工, 加上佢份工的嘢, 我有 d 都唔識, 即是有嘢學, 而且佢 d 福利唔錯, 包午膳, 有雙糧, 人工都 ok, 可以試返下幾日, 睇下呢間公司識唔識合自己。

今日約左阿大, 阿三, 阿六一齊去唱 k lunch, 我先到達始創 green box, 之後再打俾佢地, 我打俾阿大時, 佢還未訓醒, 佢話唔黎唱 k 了。於是我地三個就上去唱 k, 原本話 1:30分要交房, 但最後佢俾我地唱到 3點, 真的太好了, 而且 green box 有很多我們想唱的歌曲, good ~

唱完 k, 就過左 m 記做功課。做完功課, 去朗豪坊逛了一會兒, 就各自回家了。