今日返工好忙, CONNIE 的心情非常差, 佢好恐佈, 罵人罵得很兇, 好彩今日無俾佢罵。

下午幫PEGGY 打一封中文MEMO, 通知同事幾時食團年飯？幾時開始放春節？新年後, 幾時上班？與及新年後, 第一天的注意事項。

今年新年後的第一天上班, 9:30要回到公司, 接著就開始拜神, 到10:30才准我們開電腦用。認真多規舉。

 今朝早起身好凍, 有個念頭就是不想上班, 不如請病假好了。其實肚不是很痛, 上班應該是没有問題, 但我今天真的好想多睡一會兒, 不想在暖暖的被窩起身, 於是就實行請病假大計。

訓到9:30就打電話回去請假, 訓到10點幾, 媽媽就陪我去樂富看平時看開的醫生, 因為公司的醫療咭關係, 看這個醫生10元, 真的很抵 . . . 醫生話我是腸胃炎, 好順利拿了張醫生紙。之後我們就去吉之島食早餐, 食完早餐就食藥了。食完, 我們就在吉之島逛了一會兒回家。

今晚原本要上YOGA, 但唔想去想, 所以告訴家慧不去上課。家慧見我唔想, 她又話唔去。

任性的我, 不想去上班, 不上去上課, 就讓我任性一天吧!!!

 angel 今朝早係到派芒果衫版, 我見很漂亮, 就拿了, 還有熱褲添, 好多同事同話拿條熱褲去沙灘著, 這個主意也不錯。今日大老闆, 太子爺和G.M 都不在公司, 所以我拿了熱褲去公司的更衣室試熱褲, 哈哈 ~ 著了上去感覺雙腳修長了 . . . 下次去旅行, 如果去D 有沙灘的地方, 就可以大派用場了。

中午12:30就離開公司出街食飯, 因為2點要去灣仔政府大樓聽 COURSE, 所以提早出街食飯。去了觀塘廣場食車仔麵, 再去APM 逛了一會兒, 就搭MTR去灣仔了。

2:10分才上到去統計處, 點知等到2:30先開始, 聽到 4點先走得, 之後就立即坐MTR 回公司, 回到公司己經5點, 好多文件等著我處理, 而今晚又約了阿三和阿六逛花園街, 所以想準時走人。

我己經好急啦. . . 點知 peggy 仲要 "訂"我電話, 發我牌氣, 我心想該發牌氣的是我, 我好嬲, 之後大家無計傾, 見到都扮見唔到大家, 無講過任何一句嘢。

放工遲了少少走, 就行得好快去地鐵站join 阿六, 因為驚阿六企係月台到太耐會好凍, 所以快 ~ 快 ~ 快去join 阿六, 係mtr 同阿六講返起peggy 的事時, peggy send 了一個sms同我道歉, 我才無咁氣。

我們到了太子 join 埋阿三, 就開始逛花園街, 今晚個個都有收獲, 我買了一件薄薄的外套 + 一件長衫 t-shirt, 逛到9點幾, 我們就去食飯。阿三原本帶我地去食米線, 但是好多人等位, 而我們又好肚餓, 於是我們就去了椰林閣食晚飯, 坐得舒服d, 傾到11點就各自回家了。

 今日Lunch 約了cher, 之前係公司拿了一些褲俾佢個仔, 由於她的食飯時間是12:30, 大家食飯時間唔就, 於是各自食完, 再見面。

cher 見到我, 問我係唔係整了負離子？我話没有, 她話這個頭髮好似做完負離子一樣, d 頭髮好直, 哈哈 ~ 之後她就要回公司, 我就去了apm 逛了一會兒才回公司上班。

 頭己經没有痛了, 所以不用去看醫生了。

剛剛看完 <惡作劇2吻>, 真的超好看, 如果故事裡的愛情也發生在我身上就好了, 哈哈 ~ 因為好sweet 哦, 越睇惡劇越愛元暢, 他真是帥呆啦 . . .

還是早點睡覺, 保重身體囉 ~

 今日在家中大掃除, 清了很多東西。由於床上太多雜物的關係, 所以媽媽要我在新年前清一清與及換床單。執完床後, 清了一大袋的垃圾, 宜家清理完後, 覺得張床多左d位訓覺。

之後就開始執櫃桶d 嘢, 又清了一大袋 + 一大堆書, 之後我就可以將床上的小說及dvd碟搬到櫃裡面去, 咁我張床又多返d位出黎, 哈哈 ~ 唔知點解今日好有幹勁去大掃除。

晚上一家人去了荷里活廣場的food court 食飯, 食完飯, 就去shopping, but 大家都買唔到嘢, 逛到9點幾, 就回家看茶煲阿四了。

 今日除左返工用電腦外, 放左工己經没有用電腦, 好叻女 ~

放左工, 回家食飯, 見播緊韓劇, 覺得這套劇集也不錯, 看完後才去洗碗。洗完碗, 就開始我的午睡, 睡到食晚飯才醒來。

食完飯, 就看小說, 累了, 就去訓覺。

今日太子爺拿300元請全公司食下午茶, Sandy 話多謝勁靚仔請我地飲下午茶, 太子爺聽到後, 話咁要請多幾餐先得, 超攪笑。

下午6:45分俾太子爺叫左入房開會, 開到7:30, 再做埋少少嘢先走人。

呢排個後尾枕痛, 己經痛左3-4天, 爸爸於是幫我塗了點藥膏在頭, 希望快d 無事。爸爸叫我呢排唔好用咁多電腦, 所以今晚打算休息下, 等個頭無咁痛。

今日帶了帽回公司, 由返工帶到放工。回到公司, 小英, SANDY, CONNIE 問我做咩帶帽？我話頭髮剪得太短, 所以要遮一遮。跟住小英就同我散播呢個消息 . . .

Peggy 話我頂帽太厚, 顯得個頭很大。
維珍話頂帽太厚, but 唔會顯得頭大。
joanne 話帶左頂帽好型。

其實小妹妹今日的打扮是帽 + 格仔恤衫 + 四個骨牛仔褲 + boot, 所以joanne 話我今日的打扮好型。

返工的時候, 同表哥傾左陣, 佢又問我幾時去星加坡？佢問了我很多次, 於是我對佢講我遲d先會來, 之後唔記得左講d 咩, 我話打算花多d 錢買部好大部的相機, 即是好pro 個d, 因為個d機影夜景實好靚, 同埋拿住部大型的相機, 俾人一種好型的感覺。haha . . .由細機玩到大機, 之後我話想拿d錢來買相機, 無錢去星加坡了, 哈哈 . . . he said that "we are looking forward you come to singapore", 我只好話遲點先去星加坡, 如果韓國和星加坡, 我當然對韓國興趣大d啦. . . haha, 我要去韓國看單眼皮的男生, 嘩 . . . 如果有艷遇仲好, 哈哈

回到家, 表哥send 了一些新加坡機場的照片給我看, 嘩 . . .真的很漂亮耶, 攪到有少少心郁想去添, but 諗下好啦. . .我仲未還返去日本旅行的錢給媽媽, 還完先再諗啦 . . .

如果没有departure 的字眼, 還以為是 cinema 添 . . .


這裡好靚 . . . 真的是機場嗎？

今朝早起身, d頭髮飛起晒, 太短了, 弄到d 頭髮飛起晒。開始擔心這個頭髮怎樣去上班呢？因為實在太樣衰啦 . . . 打算不如買一頂帽, 帶著帽去上班。

食完早餐, 媽媽就陪我出花園街買帽, 因為太早的關係, 我上次看中的哪個小販還未開舖, 所以最後去了買飾物的舖頭看帽, 試了幾頂都不錯, 但我鐘意白色, 媽媽覺得白色也不錯, 最後買了回家。其實打算等哪間小販開舖, 但媽媽又要趕著返工, 所以媽媽話買住一頂帽頂住先, 到時見到靚, 再買就好。好彩明天開始凍, 可以帶冷帽, 我想給我一星期的時間, 我的陰會好快長返。

覺得帶上帽後, 個頭没有這麼樣衰 . . .

今日短週不用上班。

早上到尖沙咀找YOKO幫我剪頭髮, 剪完後, 我非常唔滿意, 點解D陰咁短, 而且D陰是平陰, 好怪 ~ 而髮尾也是平, 令次剪頭髮真的剪得很短耶 ~ 勁唔開心耶 ~ 剪剪下, YOKO 竟然黑面, 唉 . . . 勁無奈, 剪完個頭都無眼睇 ~ 勁勁勁勁勁樣衰 . . . 我下次都不會找YOKO 幫我剪頭髮。

之後係尖沙咀逛了一陣, 逛到1點30就去尖沙咀碼頭join 家慧和chris。chris 下午2點才來到, 他話很肚餓, 於是我們係尖沙咀碼頭附近的 <麵藏> 食拉麵。chris 知我早上剪完頭髮先join 佢地, 佢第一眼見到我的時候, 佢話我個頭髮唔樣衰, 佢話我似rainie, 因為我個頭和換換愛入面rainie 個頭差不多, 但我d陰還要比rainie 短, 其他的都一樣。唉 . . . 家慧話我可能望唔慣, 所以先覺得個頭唔掂, 但是我真是覺得個頭超唔掂 ~ 勁無奈, 都唔知幾時先可以長返

食完lunch, 我們就係尖沙咀坐船過中環了, 我們今日的目的地是 - 長洲, 又是長洲, 上年己經去左5次, 所以覺得去到悶, 但他們想入, 只好奉陪到底吧 !!!

入到長洲差不多4點, 我和家慧去左m記參加入會, 因為chris 話有好多優惠。之後我們就去食了魚蛋, 豆腐花, 接著我們就去了租單車。



我帶他們去了上次蕭記租單車, 個老闆好好人, 俾左一個電視框俾我們, 我們拿了三部兩輪單車就踏入去雨欣亭, 我們在個亭影下相, 又踏返出蕭記。total 來來回回, 踏入雨欣亭2次。chris 就話想回蕭記換家庭裝單車, 點知個老闆好好人, 我們退了兩部兩輪單車就可以換一部家庭裝單車來踏。chris 和家慧踏家庭裝, 而我就踏兩輪。之後我們交替著踏家庭裝單車。最後我們發現一個很另類踏家庭裝單車的踏法, 超好玩的 !!! 我地原途不停係咁笑, 連其他踏緊家庭裝單車的人都望住我地, 其他車手都覺得我地的踏法很另類, 之後他們也話想試我們這樣的玩法, 他們話估唔到可以咁樣踏法 ~

另類的踏單車方法: 我負責軚盤, 而家慧就負責踏 . . . 實在太好玩了 ~


今次踏單車影了很多照片, 家慧話我和chris不懂拍照, 拿不到她想要的景, 所以我和chris 就做了她的model。

之後我們就去了食海鮮, 很平宜耶 ~ 而且d餸很大碟, ok 好食, 我們叫了 <豉椒炒聖子>, <白灼蝦>, <豉椒蒸黃立倉魚>, <蒜蓉炒芥蘭>, 3碗白飯, 3罐7喜汽水, total 160元, 真是很抵食。食到飽飽, 傾左好耐, 傾到9點, 家慧話想食糖水, 於是我們去了長洲一間很好味的糖水店, 食完個好好味的糖水, 就坐晚上10點的快船回中環了。

10:30就回到中環了, chris 話帶我們去一個秘密花園, 他話哪兒很漂亮。我話秘密花園會不會不准入呢？即使可以入, 可能好多情侶會咩咩, 我地會唔會嘈住人呢？他話真的很漂亮, 最後我們跟了他去哪個秘密花園。chris 真的没有介紹錯, 這個秘密花園真的很漂亮耶, 我們在這裡不停影相, 今日真的拍了很多照片。

我的秘密花園 ~ take 1


我的秘密花園 ~ take 2


我們玩到11:22分就離開秘密花園了, 接著打算回碼頭坐船回尖沙咀, 我們問人怎樣回碼頭？d途人好好人的告訴我們尾班船回尖沙咀是11:30。我們應該趕不切尾班船, 於是我們就搭mtr, 我和家慧係尖沙咀落車, 再轉巴士回家, 而chris就直接搭mtr 回家了。



今日真的玩得超開心, 好似去了旅行一樣, 感覺很好, 如果我的頭髮長返少少, 今日所有的一切都perfect。