今日早上和媽媽落樓下食早餐, 同媽媽講了昨天死八婆 angel 的事, 媽媽話做得不開心, 等去完旅行回來辭職, 但諗諗下, 只要忍多幾個月就有雙糧, 媽媽話去完旅行回來, 再看看公司的情況而決定。但之前同維珍講下出雙糧的問題, 她同我一樣擔心到時老闆找藉口不出雙糧給我們, 又話我地未做夠一年, 所以真是有 d 擔心。我祇依靠筆雙糧新年去星加坡的, 如果我有錢, 我一定會去, 因為我係公司受受埋埋 d 冤屈氣, 要借助旅行發洩出來, 否則我會心理不平衡的。

食完早餐, 就陪媽媽去買餸。整個下午在看碟和睡覺, 實在太無聊啦, 出街又要花錢, 只好乖乖待在家吧!!!

覺得自己蠻厲害的, 睡了這麼多, 晚上很快就入睡了。因為前幾天的工作, 真的讓我做到很累。

火 ~ 火 ~ 火 ~ 火 ~ 火 ~ 火
今日超多工作, 今晚 ot 在預計之內。現在返工, 返得好不開心, 没有人尊重過我, 没有人把我看在眼內, 這份工作對我來講己經没有意思了。為什麼我要這麼說呢？因為我負責跟的客人, d 跟單是唔會直接問我出貨的嘢,  反而直接問我阿姐, 阿姐也不清楚我跟的東西, 阿姐也要問返我？這樣 . . . 你覺得有尊重過我嗎？跟單為何不直接問我, 而直接問我阿姐呢？這樣做下去還有什麼意義啦？不受到尊重, 没有放我在眼內, 只俾人呼呼去去的, 呢 d 我都忍。

最讓我難受的, 就是死八婆 angel (公仔快 d 叉死佢) , 正一死仆街黎嫁, 超殘格, 我真是好火大, 真是要粗口 du 舊佢。晚上 7:58分, 她命令我 "你同我入好晒 mango d  packing list (要在網上打 packing list, 打完之後, 要 save 在我部電腦到, 接著又要 upload 返上網, 總之好鬼煩), 你先好走", 我阿姐都無咁命令過我, 你憑咩命令我呀！d 貨是 11月1號走, 工廠也没有俾 packing 我, 好, 我同你入, 求奇入左 d 資料入去, 頂住檔, 死 mango 個網又耐, 又慢, 打左好耐先入完, 之後再做埋自己手頭上的工作, 都差不多晚上 9點, 因為實在做得很不開心了, 報關留返星期一上班才做, 在走之前, 我好大聲同 angel 講 "angel 你要 packing 我入好晒", 個死八婆唔認我, 當我無到, 正一死仆街黎, 一 d 禮貌都唔識, 竟然佢做到咁絶, 佢以後同我講嘢, 我都當聽唔到, 佢真是讓我好激氣, 於是我就氣湧湧的離開。

搭電梯離開個時, 終於忍不住留下兩條淚, 呢幾日的不開心, 終於一忍而發, 最後在想, 我不可以留著淚離開這幢大廈的, 我要快些抺去淚水和快速收眼淚。

晚上回到家, 食了飯, 休息了一會, 就訓覺了。因為我真的很累, 一大堆的工作 + 唔開心的工作環境 + 死仆街 angel, 還是早點休息下。真的有想唔做, 但是又臨近新年, 我可以挨到嗎？

今日超多嘢做, 做到人都癲左, 做做覺得好頭痛, 可能不夠訓。

lunch去了 m 記食, 好耐都無食過 m 記啦 . . . 覺得超好味的, 食完就過了 apm 幫媽媽看有没有火柴人掛頸電話繩賣。點知去到 apm, 右腳腳班 (做手術個位) 突然痛到我行唔到, 痛到眼淚水都快要出來, 於是慢慢一 拐一拐的走進三聯的文具部, 找不到到火柴人, 於是就停下來看看書, 讓腳休息下, 休息了一會兒, 腳班底己經無咁痛, 看了一陣, 就回公司了。

下午客人要太子爺簽一份 origin declartion, 太子爺改了身份證上的中文名, 份文件没有改過來, 就拿入去俾佢簽了, 點知俾佢發現了, 佢好客氣的叫我改返佢, 未試過會遇到一個咁客氣的老闆, 他說 "真的不好意思, 要麻煩你再 print 多次了", 改好再拿去給他簽名, 他又好客氣的 "唔該晒" . . . 如果換著以前的舊老闆, 文件打錯佢個名, 唔俾佢鬧都算偷笑。

今日己經一整天没有開 msn, 9點己經回到公司工作, 不停係咁做, 無停過, 但最後都是要 ot, 7點幾先走人。

放工後, 回到家, 覺得超累的, 成個人好似靈魂出 "hill" 咁, 真的真的好累, 預計明天要 ot, 實在太多工作等著我完成。

奇待這星期五, 六和日的三日假期, 我要好好在家休息 . . .

己經踏入出貨的旺季了, 好忙, 好多嘢做, 不停係咁 booking, 對提單, 打 invoice, p/l, 己經没有時間開 msn, 我只想在 6:30前完成我的工作, 我真的不想 ot, 所以今日工作效率勁快, 做左好多嘢, 亦都好滿意, 做快 d, 做快 d, 我一定要準時放工。

早上舊公司阿頭打來問我一點東西, 與及講一些舊公司現在處於什麼狀況？宜家舊公司個阿頭咩都要做, reception 又是佢, 會計又是佢, 出街送文件又是佢, 簡直身兼多職, 佢話無嘢做到可以係到 "捉 (咩少少音" 腳址。

lunch 再和舊公司阿頭吹左陣水, 到 2 點繼續打扙了, 我的枱面己經超亂, 阿姐都知我好忙, 佢叫我忙完手頭上的工作, 才幫佢 send email 給客人, 打 invoice, 努力, 加油, 做快 d, 做快 d, 做快 d . . .

晚上, 爸爸話用完哪隻膠布後, 真的無咁痛, 好 work, 咁就真是太好了, 同事真是無介紹錯。

晚上, 同媽媽傾左陣去日本旅行的事, 她看了阿玉去日本旅行的相, 她說日本 d 景好靚哦, 阿玉影個 d 相都好漂亮 . . . 佢己經超奇待快 d 去日本

今日一個早上都在和阿玉玩 msn, 有些事想不通, 好多謝佢, 令我有另一點想法。與她傾到早上11點, 己經開始很忙, 没有再和她再傾了。

lunch 食杯麵, 之後去洗手間倒左杯麵 d 湯, 點知撞到個死人 agnel, 佢好假的關心我, 真是多謝你的假關心啦 . . .

下午己經好多嘢做了, 没有 online msn, 阿姐俾了好多 mango d 出貨文件俾我了, 真是有排做。

晚上爸爸用了之前同事介紹只有日本才賣到的去肌肉痛楚的膠布來用。 

今日下午執返好之前去海洋公園 halloween d 相, 諗住整理好, post 上網, 點知 post 整幾張, 個網話己經超出上載空間, 唉 . . . 睇黎又要找個另一個相簿網 or 開多一個 a/c, 我有諗個這個日記網站的相簿, 但是我唔鐘意佢一版只可以 post得好少相, 如果多相的話, 真的有排翻, 所以暫時不會考慮這個網站的。

今日在點 7-11 Doraemon 的印仔, 還欠 7隻 doraemon <top secret>, <good luck>, <revised>, <smart>, <urgent>, <out>, <private>, <paid>, 集齊埋這 7 隻, 就儲夠一套了, 好想快 d 儲齊晒, 帶佢地返屋企呀！

中午 12:55分諗住等多陣放工, 點知個死人 angel 在12:57分俾兩份寄辨的 invoice 給我, 原本諗住可以準時收工的, 現在只好幫佢打好兩份 sample licence 先可以走得, 真是阻鬼住晒人地收工, 佢次次都是這樣, 人地收工, 才叫人幫佢打 sample licence, 真是激死

放工後, 就回家了。下午睡了一會兒, 食完晚飯, 就去上跳舞課了。

今日真是有點閔, 所以一定上來發洩一下。

lunch, 我和 virginia (公司個 designer) share 了一個飯盒, 因為這個飯盒 + 糖水要成 46元 (是一個餐來的, 一定是一個飯盒 + 老火湯 or 糖水), 實在太貴了。因為昨天公司大部份同事點了這間餐廳的外賣, 覺得很好味, 而且落足材料, 於是我和 virginia 都想試下, 於是我們點了 <盬焗雞飯> + <燕窩海底椰黑糯米>, share 每人為 23元, 因為呢幾日食杯面, 所以一餐食得豐富點, 也不算過份。之後 virginia 同我講了她的秘密, 我們兩個人真的聊了很多, 她真的很慘, 跟了一個不好的阿姐, lunch 時間又唔肯放佢食飯, 原來佢仲慘過我, 唉 . . . 她計劃過完新年就辭職不做了, 而我也在下年的 4月28號將會俾大信封給老闆。為什麼一定是下年的 4月28號呢？因為我今年是 5月28號入去做, 計返一個月前通知, 咁即是 4月28號了。

放工, 被 peggy 插了一刀, 我覺得好灰呀！點解會咁嫁, 話說 6:35 p.m. 會計阿姐企在門口和 peggy 吹水, 我就出公司門外打手指模離開公司, 當我打手指模途中, 我不知道會計阿姐同 peggy 講了什麼？接著 peggy 話 "你睇我幾乖, 每日放工我都唔是最早的一個 . . . ", peggy 講呢句, 言外之意, 即是話我是每日放工最早走的一個, 總要係我阿姐面前講, 我承認呢排每日最準時收工的是我, 但是我之前也有 ot 到 10點幾, 我做晒 d 嘢當然走啦, 無嘢做留在公司做咩？這點真的讓我有點火 (用了三個公仔符號代表我的心情, 表示我真的真的真的很火), 這間公司不喜歡同事準時收工, 我是鐘意咁樣做, 我才不似某些人咁假, 無嘢做, 仲要留到 7至 8點先走人, 唔鐘意, 炒我呀！笨!!!

這間公司 d 人事真的很複雜, 再加埋今日聽完 virginia 講這間公司的人事, 真的讓我明白不要隨便相信任何一個同事, 這份工作真的讓我做得很不開心, 每日都没有心機工作, 我覺得自己的眼光真是差, 竟然選擇了這間公司。

_______________________________________________________________________

晚上媽媽和弟弟從番禹回來, 媽媽告訴了我一個壞消息, 就是她没有問我, 就借了我在台灣買的海豚頸鍊, 點知在旅行的途中, 不見了我的頸錬, 真的讓我很心痛, 不見了旅行時所買的東西, 好傷心呀！我今日的心情真的很差

我今日很不開心, 這份工作真的讓我越早越不開心。

死 mango 要改 export licence 和 co 上的 consignee name, 因為一路都是會計阿姐出 export licence 和 co 證, 不用我們負責, angel (公司個 merchandiser) 收到客人的一個 email, 是關於這件事, 但因為之前有 d order 己經申請好 d export licence 和 co, 於是 angel 話再幫我們 double confirm with customer, 但 angel 不知道要聯絡誰, 於是 shipping 阿姐叫我將客人個 email address send email 俾 angel, 我 send 了之後, 隔了一會兒, angel 用不好的語氣和態度, 佢把聲音, 我聽到就想打鑊佢, 她真的很欠揍, 我都未試過對一個人咁火 . . .

她說: "你 send 個 email adress 俾我做咩?"

我回答: "是 Connie (shipping 阿姐) 話你想要客人的 email address, 所以她要我 send 俾你"

她說話的語氣態度極差說 "你 send 個 email address 俾我有咩用?", 十萬個頂, 咁你就唔好問我阿姐要客人的 email address, 宜家俾左你, 你就話俾我做咩用?, 真的火火火 . . .

我回答: "係你話要問客人申請好的 export licence 和 co 要怎樣?"

她回答: "咁你查清楚先好走黎同我講嘢?", 我心諗 "我好想同你講嘢嗎?", 我也是迫於無奈, 是阿姐要求我這樣做的

我回答: "呢 d 是 mandy (會計阿姐) 負責, 如果你要查清楚己申請好的 export licence 和 co, 你要問佢, 一路都是 mandy 負責出証 . . . "

她很不友善語氣極差的說: "你唔駛講咁多嘢, 我直接同你阿姐講 . . . ", 你鐘意講就講夠佢, 我唔會阻你, 她真的很欠扁, 忍住忍住忍住 . . .

_____________________________________________________________________

晚上回屋企前, 去了惠康掃日清合味道杯面 ($9.5兩杯), 因為真的很平, 如果唔特價, 要成 5個幾, 還買了百福新出的綠茶口味豆腐花, 同埋大腳板雪榚 . . .

今日放工約了阿大, 阿三和阿六回學校拿回之前考英文公開試的 result, 我 7:15 p.m. 去到學校, 由於她們還未來到, 我只好上去拿先, 第一份 paper <reading + writing + listening> 拿到的成績是 first class of pass, 而第二份 paper <oral> 只拿了 pass, 不過都好開心, 因為兩份都 pass 晒, 還可以向 city & guild 申請文憑, but 要付 350元, 真的是掙錢 ~

之後她們也來到, 拿了後, 我們就去美心食飯, 食完飯, 就過了聯合買了一條四個骨褲就搭巴士回家了。

最近好懶, 不太願上來寫日記 . . .

今日短週, 訓到 11點幾起身, 起身後, 就看同事借我的韓劇 <醜女大翻身>, 看到一半的時候, 媽媽就叫我幫她落街市買攪碎好的豬肉 + 麻油, 好不情願的落去, 因為看緊的 dvd, 都不知道要開掉好還是暫停好, 最後媽媽話選擇暫停再關電視。

下樓後, 媽媽又打黎, 叫我不要去街市買, 去惠康買攪碎豬肉 + 麻油, 於是我就順便買了一些餅乾作早餐, 就趕回家看電影了。這套電影真的很好看, 到最後到忍不到, 哭了出來, 實在太感動了。

下午就無聊的上網, 累了, 就停下來, 打一陣 ndsl, 最後真的悶到, 開始收拾屋企的東西, 收拾完畢後, 就手洗白色 t-shirt 和 su-bella 的袋, 晚上食完晚飯, 就回學校上跳舞課了。今堂某些動作終於隻手可以觸到隻腳, 但某些還是不能, 今日 miss 教左一 d 新的舞步, 好鐘意跳舞, 真是超鐘意跳舞呀！

今日放工約了阿大, 阿五, 阿六和蕭欣幫阿三慶生, 我們今晚去尖沙咀富豪酒店食 buffet。我和阿六先去酒店, 因為我們要將今晚玩遊戲的小便條放在阿三份生日禮物裡, 好彩很快就放晒入去。不久, 阿大, 阿三和阿五也黎到, 我們就出去拿食物, 食了一會兒, 蕭欣也來到。

大約在晚上 9點, 就開始玩我們準備好的遊戲, 送生日禮物, 唱特別版的生日歌, 最後當然是最感動的時刻來臨囉 ~ 就是我地特別為阿三準備的  神秘人 - 小巴 (她和小巴的合照一張), 雖然小巴來不到, 但我知道每一個女朋友都想男朋友幫自己慶生的, 所以就為此準備了, 希望阿三會喜歡我地為她準備的一切啦 . . . 我們只送上小小的心意, 希望你每一個生日也像今天一樣 開心 和 難忘, 最後阿三也感動到落淚了, 別哭了, 我們只想你有個開心的生日, 要笑哦 . . .hehe

没有人工加, 我也没有心情工作, 最近也没有貨出, 現在處於回公司 hea 的狀態, 每日在公司玩 msn, 找人傾計, 只想時間快些過, 快 d 到一年。

早上舊公司阿頭打俾我, 問我一 d mango 走貨的問題?與及有没有收到一個 mango 的 email, 問我是怎樣處理?一一解答完畢後, 就與她聊了一會兒, 問一下舊公司的狀況, 舊公司現在没有單, 阿頭超得閒, 而 patrick 己經没有做了, david 也打算辭職, 如果這樣, 舊公司只剩阿頭和秘書小姐了, 真是有少少感慨, 以前舊公司有 10幾個人, 現在走走下得返2個, 加埋老闆, total 3個人用 4000幾呎的 office, 真的 . . . 現在這間公司好似等倒閉一樣。因為今日舊公司老闆和 david 回大陸, 所以阿頭才夠膽打電話來同我聊天。

下午阿姐有份文件急著要送去 esprit, 而出街做嘢的阿姐上左大陸拿辨下來, 於是我就幫我阿姐送文件出去, 其實我蠻喜歡出街工作, 因為可以出去逛逛, 看看事物。於是就搭 mtr 去到九龍灣, 再轉 mega box d 免費巴士入去, 等車己經用左好多時間, 實在太好了。到了 mega box 就要找一找 esprit 大樓, 找了一會兒, 終於找到了, 就立即放下文件閃人。回到公司差不多 6點了, 就立即打 sample 證, 6:30完成所有工作, 可以下班了。

今日終於發放第4個月糧, 好唔開心, 老闆没有調整我的薪金, 真的有點後悔待在這間公司, 現在真的感到真是浪費自己的時間, 當我收到支票哪一刻, 看見没有調整到, 我即時好絶諗到 <你 2008年4月28日等住接我封辭職信啦 . . .>

一年的時間, 這樣浪費了 ~