剛剛做完功課, 就順便上來補追寫返日記啦 . . . 由於太多天没有寫, 所以一直都不想上來補追。

lunch 我, grace 和winnie 去了apm 食kfc, 今日唔算好多人, 好快買到食物和找到位子。食到2點, 去萬寧幫peggy 買埋膠布就回公司, 返到公司己經 2:15分了。

下午小英係大陸回來, 就開始拜神, 隔了一會兒, 就有生果和燒肉食。

今日7點幾先放工, 點知俾一班同事串, 因為我之前未出貨, 每日差不多準時走人, 宜家就俾佢地串點解咁夜走, 又話開心做過我放工, 真是頂 ~ 我都想出貨個時, 可以準時走人, 但是我是一個有責任感的員工, 做晒d 嘢才放工的。

今日 lunch 實在太大雨, 所以不想出外食 lunch, 就叫了外賣回公司食。

6:30 準時走人, 今日好塞車, 所以7:30 先回到學校。今日的英文堂完全都不似上堂, miss 講返佢年輕的嘢, 之後每一位同學就要分享以前小時候的照片, 笑到我死, 眼淚水都標晒出黎, 而今日的功課就是要執返好上一堂作個一篇文。

今晚有一位新同學 tracy, 我覺得佢很熟口面, 後來認得她好似是我弟弟的同學, 但我還是没有跟她打扮呼。回到家, 我問細佬 <這位tracy 是不是他中學時的同學?>, 原來是同一個人黎嫁, 真是好巧。

今日早上10點車回深圳, 12點己經回到家。回到家訓到3:30落樓下美心食下午茶, 點知係美心撞到 connie 和她的老公。食完就回家了, 之後就上網找 <七音符> 電影入面的歌, 終於找到一個網站有晒全碟 <七音符> 電影的 OST, yeah . . . 太好了, 終於 dl 所有的歌。接著就開始做功課了。

晚上睇 <奬門人>, 今晚播他們去馬來西亞玩, 看見他們去的哪個水上樂園幾好玩, 有機會都想去, 好好享受玩水之樂。

今日早上8點半就起左身, 可能平時返工, 起慣左身, 所以就自自然然這段時間醒了起來。梳洗完畢後, 就開始執行李了, 打算之前係公司拿的褲拿到樟木頭的家, 咁我下次回樟木頭就不用帶褲了。之後媽媽都醒了, 我們就一齊食完早餐, 再回家接婆婆一齊回樟木頭了。

我們到了深圳買了 11:30 的火車票回樟木頭。差不多1點就回到樟木頭了, 我們先去買明天回深圳的車票, 再兌錢, 接著就去食<金豪> 食 lunch。食完lunch, 媽媽就話順便去賣 dvd 的舖頭看一看, 在這兒竟然給我見到韓國作家可愛淘的其中一部小說又拍為電影啦 . . . 而兩個男主角都很帥耶 ~ 所以一定要買回家看。

回到家, 媽媽就開始打掃屋企, 媽媽不用我幫我, 所以我就開始看我的電影囉 ~ 這部電影超好看, 這部電影叫做 <七音符>, 入面有很多首韓國歌都好好聽, 電影的內容很好, 而個結局也很好, 總之就是好好好 . . . 超級無敵的好, 今年的書展, 我一定要買這套電影的小說 <我的Do Re Mi 男孩>, 其實上年書展都見到有這一本書, 但是我就買左另一個系列的 <致我的男朋友>, 所以今年我要帶埋這本小說回家哦 ~ 我覺得可愛淘每一部作品的小說都很好看, 值得買回家看。

看完電影, 我們就去 <百佳廣場> 個邊的大家樂食飯。食完飯, 行左陣, 就回家了。婆婆話要回家看今晚無線的震災捐款的節目。

沖完涼, 睇左陣電視, 我想在臨走前, 看多一篇這套 <七音符>, 睇完 2點, 接著就去訓覺了。

韓國電影 <七音符> 改編可愛淘的 <我的Do Re Mi 男孩> 小說

演員:  張根錫, 車藝蓮, 鄭義哲

今日是 Virginia 的 last day la . . . 好唔捨得佢, 所以今日一班同事打算 lunch 幫佢farwell。我們book  左1點在陶源飲茶, 原本我們也有叫太子爺和 G.M. 黎飲茶, 但是 G.M. 要回大陸工廠所以没有來到。當我們 17 個人坐在一圍大枱後, 太子爺就打電話來給ANGEL, 話他不來了 . . . 認真 <度>, 連呢餐飲茶都唔想請, 佢唔黎仲好, 因為 Virginia 都唔想佢黎, 我地就飲得開開心心的。買單是 1450元, sandy 話今次飲茶的錢好match 俾人罰遲到的零用錢, 於是我們大家一致決定用遲到零用錢作為這次飲茶的費用。回到公司, 發現遲到的零用錢不能 cover 這次飲茶, 於是每人再要俾多2元 . . . 哈哈, 多謝每人惠顧凍飲加 2元, 但是我地飲的茶點解又無檸檬 + 冰的, 哈哈 . . . 今餐凍飲+2元真是好抵飲。

我地踏單車個班圍內玩開的同事 (我, peggy, grace 和winnie + virginia) 打算今晚一齊去九龍城食泰國菜幫珍珍farwell 的, 但由於之前飲茶以為大家合錢請珍珍, 所以今晚的飯局都打算取消, 但現在飲茶錢是用公司遲到的零用錢, 所以今晚的活動可以繼續進行, 但peggy 又話生飛滋, 唔想去, 所以今晚的飯局只好取消吧!!!只好留待下次一齊出黎玩, 再去食過吧!!!

今日好多嘢做, connie 好忙, 於是幫她打文件, 打到 8點先走人, 反正明天是短週, 也不用上班, 今天做得夜少少也没有所謂。

英文班開學啦 . . . 所以今日lunch 決定出去食, 順便買埋麵包作為今晚的晚餐, 而其他同事則叫了外賣回公司食。lunch 去了觀塘廣場的大家樂食飯, 好耐都没有去大家樂食, 發現多了很多款式, 很不錯耶 ~ 食完飯差不多 1:30, 於是去了地鐵站的美心西餅買了一個吞拿魚包, 之後就去了apm 逛了一會兒, 就回公司了。

6點準時收工走人, 之後就去搭 16號巴士返學校囉 ~ 落車 join 埋小敏就一齊返學校。入到課室, 只得一個同學, 之後我地就開始食麵包, 接著其他同學一一來到。今次的英文班只得 8 個同學, 大部份是 aunt and uncle, 有一個好騎呢的阿叔叫 edith, 班 aunt 和奇呢阿叔聊我們傾計, 傾左一陣, 覺得個騎呢阿叔仲咩樹呀!!!總之超騎呢!!!而 aunt 都無咩嘢, 好正常的。不過一班得咁少學生, 也很不錯, 我們就多左更多機會係課堂上 speak english . . .

今晚 miss 講佢的老公的芠萊王子耶 ~ 哇 . . . envy ing ~ 她老公在芠萊出世, 之後去了馬來西亞生活, 接著又過左去澳洲讀書, 而 miss 就在澳洲讀書識左佢, 之後就跟miss 來香港生活, 我覺得她老公一定好好人, 因為通常都會是個女仔跟個男仔返自己的國家生活, 好少好似佢地咁調轉。我舊公司的台灣同事, 也是在美國讀書識了她老公, 之後就跟他來香港生活。我諗miss 個仔仔一定好靚仔的, 香港 match 芠萊, 哈. . . 我的尊也是在芠萊出世耶, 所以覺得芠萊的人都是靚仔, 呵呵

今晚大約 9:45分就落堂啦 . . . 原本以為阿三and 阿六會出返旺角搭車, + 見咁早放學, 所以打算去兆萬逛逛, 想去看一看衣服, 接著俾阿三和阿六阻止這個決定, 而阿三就陪我在學校附近等車回家。

今日和一班同事叫了外賣回公司食, 我們在講 <四川大地震>的事情, GRACE就講左一件令我覺得很好奇的事情, 唔知道係唔係真是有咁的人存在呢？

內容如下：
有一個外國人叫 John xxxx, 是 204x年代的人, 他坐時光機來到 2001年, 他想來哪個年代看返他以前細過發生的事, 他在 2001年逗留 3 星期就回去他的 204x年代, 他臨走前, 在網上留言講出邊年會發生的世界大事。當中有,

1. 東南亞會發生一場海嘯
2. 中國會發生一場嚴重的大地震, 死的人數會以百萬人口計
3. 2004年後, 就唔會有奧運的出現。

我和 virginia 都覺得很好奇, 一直問 grace 這個 john 是什麼樣貌？我們對這個人很好奇, 坐時光機來到 2001年, 好似叮噹的時光機哦 . . . 如果真是有時光機, 真是幾好, 我想去未來看看我的生活是如何 . . .

食完飯, 同小英講呢件事, 佢話今日報紙新聞都有講這件事, 話哪個人係騙人的, 基本上就没有這麼一回事。

下午同peggy 講左明天想早走半小時, 因為要返學, 所以想早少少走人。我問她要不要跟太子爺講聲？她話不用跟太子爺講, 同佢講就可以了, 真是好 . . . 哈, 可以提早半小時放工, 咁樣第一日返學就不會遲到的。

今日OT到 7點幾先走人, 呢幾日都係 7點幾先走人, 真是好多嘢做哦 . . . 希望以後返學, 可以準時D 走人啦 . . .

剛剛睇完 <銀樓金粉>, 覺得大奶奶打二奶奶, 真是打得好, 二奶奶真是好過份哦, 呢套劇集真的好好看哦 . . .

今晚睇了 <舞動全城 2> 女子組進場, 胡定欣真是跳得好好呀！佢跳的哪種舞步是要成日擺動腰的哪種, 她跳得得自然, 她跳得真是好精采呀！我相信她跳的哪種舞步真是有達致修身的效果呀！我真是好想學跳舞呀！希望完左個英文 course, 有錢報跳舞啦 . . . 之前係ccdc 跳, 我d同事話覺得我跳完真是有瘦左, 哈 . . . 好想繼續再學跳舞哦!!!我d 同事知我想學 funky dance, 她們看見報紙有一間專門教 funky dance 的學校, 而且我看哪個介紹, 係每個月付學費, 都很不錯, 而且是在油麻地, 都算近 . . . 哈, 等完左個英文 course後,  再去看看這一間 funky dance 學校吧!!!

今日早上9點起左身, 我們打算今日早一點去酒樓飲茶, 因為驚今日母親節會很多人, 所以我們 10點就出門口, 去深水埗 <龍寶酒樓>。我們去到酒樓, 等了一會兒, 好快就有位了。由於我們一家人都没有食早餐, 而弟弟也很肚餓, 所以他點了 12款點心, 好多點心哦 . . . 媽媽話他應該分開時間去叫點心, 不要一下子點這麼多點心回來, 不然食不下, 而d點心又凍左。最後太多點心, 我們都食不下, 飲到 12點幾, 我們就買單走人lu . . .

細佬想買對波鞋, 他問我去哪兒買會好一點？我話如果去 <馬拉松> or <運動家>個d 地方買, 我有會員咭有折, 但我d 會員咭放在家裡, 所以我們一齊回家拿會員咭。之後我就陪他去了朗豪坊的 <馬拉松>睇波鞋, 我看見有一對 nike 藍色的波鞋都幾靚, 他也覺得不錯, 於是我就叫他試下, 但試上腳後, 又覺得麻麻地, 之後我們就去了 adidas 專門店看, 我看見有幾對波鞋都很不錯, 於是叫他試一試, 試完後, 他也很喜歡, 最後好快決定去買這一對波鞋, 而職員話買滿 600元有一個袋送, 最後他買多一件 t-shirt, 儲夠 600元, 就送了一會袋給我們。由於細佬話佢生日快到, 所以佢今次買波鞋, 我話資助佢, 當佢的生日禮物。媽媽就問我, 到時我生日會不會屈細佬送返差唔多價錢的生日禮物俾我？細佬就即刻答, 最多我生日哪天請我去 Hong Kong Disneyland, 我覺得都不錯, 可以同mickey mouse 一齊過生日。

今個月真是花了很多錢:
1. Chris 的新居人伙禮物
2. 母親節的駛費
3. 細佬的生日禮物
4. agnes b 的手錬
5. 買衫 + 褲
6. 手機 headset

現在只是 5月頭, 還有很多活動都未進行, 哪些活動亦都需要花錢:
7. virginia 的 farewell 飯
8. 爸爸 23號生日的駛費
9. 同事 kiki 的生日食飯
10. 行山
11. 遊船河當日晚上食飯的費用

我還打算今個月去配 con, 但今個月駛了很多錢, 要等月尾先可以去配 con 簽咭數, 咁樣就可以下個月先付咭數。我還有很多東西都要等著買, 首先要配 con, 第二就是買銀包, 第三買一對 converse 的波鞋, 最後先買衫, 真是好多嘢都等著買。原本打算今個月目標要儲 3000元, 但現在咁多駛費, 我想不太可能, 儲到 1000元己經算好好了。8月要交保費, 睇黎我買嘢的計劃, 要推遲了。

晚上舅父和表弟過了我們家食晚飯, 他們食完晚飯, 坐了一會兒, 就走了。

今日原本約了阿大, 阿三, 阿六和蕭欣去踏單車的, 但點知下雨, 最後没有去到踏單車。因為最近手機個 headset 壞左, 所以打算今日去不成踏單車, 順便出旺角買headset 和賴屎褲。

今日好多嘢做, connie 調左假, 變左今日得我一個shipping, 我都不知道她跟的客人今天有貨落, sandy 突然通知我這一批貨一定要今日入倉, 於是好忙咁去安排落貨的事情, 而運輸陳小姐要我等埋工廠裝箱單, 計好晒每一個款的箱數先可以收工, 當時有點灰, 驚去不到踏單車。我等到 12點, 大陸工廠都俾唔到裝箱單我, 陳小姐好好人話 <你去踏單車啦, 我叫大陸工廠傳d 裝箱單俾我, 等我自己計, 之後叫司機送去 forwarder 的貨倉>, 真是太好啦 . . . . 咁我今日不用 ot 啦 . . .

1:15分先離開公司, 之後去長沙灣地鐵站揾 bovia 拿返d嘢, 係長沙灣 mtr join 埋阿大一齊過旺角揾阿六和阿三。之後我們就去了 <pancake cafe> 食lunch, coinnie 打俾我話今日批貨唔落黎, 她問我向 forwarder 拿 late 拿到幾點？與及記不記得 forwarder 的電話, 她想打去cancel 這個late come, 驚到時唔通知forwarder, 會俾佢charge late come 費用, 我只大約記得個電話號碼？她就試下打去。

食完lunch, 我地就去左nokia的專門店買 headset, 之後就去了花園街逛, 阿大和阿三逛了一會兒就走了, 而我和阿六就繼續逛。我好鐘意今年的長衫, 所以要襯今年買多幾件。最後我買到我想要買的賴屎褲 + 背心長衫, 而小敏也買了一件褲 + 一件衫。我們逛到 7點幾就回家了。

chris 之前邀請我們今天晚上去她的新屋, 我們一班同事問她想要什麼的新居人伙禮物？她想要萬寧現金禮券, 所以今日Lunch我們決定去觀塘廣場食車仔面, 順便買埋入伙禮物給chris。由於太多人的關係, 所以我們分開坐兩枱, 我, virginia, winnie和iris坐一枱, 而chris, tweety和lion坐另一枱, 但是兩枱都是拍住一齊坐的。今日lion 又問tweety 的戀愛史, 隠約聽到一點, 聽到我 o 晒咀 . . .

我們一班同事決定要 6:30準時放工, 但臨放工前, iris 和chris 收到通知, 要上esprit 一趟, 於是我們打算等她們回來, 才一起出發上chris 屋企。我, virginia, winnie, grace, angel, lion 7:35分離開公司, 點知我們在公司樓下撞到 chris和iris, 她們還在折的士, 於是我們決定去 m 記食杯雪榚, 坐一陣先坐巴士去chris 屋企。我們在m記講開整容一事, 我講了幾句, 她們己經笑到碌地, 我d 同事覺得我講嘢好 <爆> <---爆是她們的潮語, 呢排成日俾佢地話我講嘢 <爆>, 佢地真是笑得好大聲, d 人都望住我地啦, 但是我又唔覺我自己講的說話有咁好笑嗎？我們坐到 8點就出發去巴士站, 等了一會兒, 就有 93a 了。

上到巴士, iris 打給virginia, 估不到 iris 和chris 咁早就回到 chris 家, 於是她們在巴士站等我們。我們到了景琳, chris 就話去日本城買麻雀枱, 麻雀和椅子, 買齊晒所有嘢後, 我們就上chris屋企。

我們上到 chris 家己經差不多 9點。chris 的老爺開門給我們, 估不到 chris 的老爺和奶奶也來了, 我還以為只得 chris 的老公。入到屋, 覺得間屋很大, 裝修得很漂亮, 最喜歡她的牆身衣櫃, 真的很漂亮, 她作穿了飯廰的一道牆, 道牆穿了一個洞, 之後她就叫人幫佢度身做了一個牆身衣櫃, 而衣櫃門是一塊防太陽灰色的鏡, 真的很漂亮, 這樣的設計令屋企看落去更大, 更添實用感。

同阿 b 玩左一陣, 就食飯囉 ~ 由於 total 有7個同事, 所以飯枱都坐滿晒人, 而 chris, chris 的老公, chris 的老爺和奶奶都没有位坐, 害我們都不好意思耶。今餐飯好似人地私房菜一樣, 有中式 --<響螺煲花膠湯>, <椒油蝦碌>, <福建炒聖子>和<芥蘭炒蠟腸>, 西式 -- <美式牛仔骨>和<法式讓雞翼>, 日式 -- <炸天婦羅>, 泰式 -- <雞>, 真是超多嘢食, 每樣都好好味, 而我們一路食, chris 的老公一路煮, 真是辛苦晒佢。我們一路食, chris 的老公煮好一碟新餸就會拿出來給我們食, 她老公有時又問我地邊樣餸好味？需不需要再煮多一碟出來給我們食？由於日式天婦羅炸蝦好快沽清, 所以她老公弄了兩碟天婦羅炸蝦給我們食。chris 老公又話如果 d 餸唔夠, 仲又餃子, 拉面同埋 cheese cake 添, 而chris 的奶奶話買了兩條魚都未蒸, 超多餸, 我們己經食都好飽, 所以叫 chris 的老公不用弄餃子, 拉面, 蒸魚, 我怕我們食不下。今晚真是一次過食了5式 (中美法日泰)的餸, 好滿足哦 . . . 而今晚chris 的老公没有食過任何食物下肚, 他只是一直煮給我們食, 真是辛苦他。同時我們也覺得chris 好辛福, 因為她老公不俾她進人 kitchen room, 而 chris 的老公煮嘢食又咁好味, 又鍚佢, 真是羡慕死人。

食完飯, 同阿b 玩左陣, lion, virginia, iris和grace 就迫不及待開始雀局了, 而我, winnie 和 angel 就開始睇 chris的結婚相簿, chris 結婚個日影的相很漂亮, 完全不似chris, 完全好似另一個人一樣, 好靚女, 結婚當日的女人當然係唔同 d。

玩到 12點, 我, winnie, angel 就走先, 而她們4個人繼續打麻雀。 

chris 的老公叫了酒店弄甜品的大廚弄了這個cheese cake 給我們食, 這個cheese cake 不會太甜, 真是啱晒我地一班女同事食。

Lunch 我, winnie, iris, grace, virginia, lion, chris 和 tweety 去了<好味皇> 食飯, 我們等了一會兒, 好快就有位了。我地講開最近 <16歲女仔被殺的新聞>, 講講下, tweety 就話講佢男朋友又是這樣子, 在網上msn 識女仔, 識左三日就咩埋, 聽到我地個個都大開眼界。點解佢咁寬宏大量的？俾我就做不到了。之後她繼續講她與她男朋友的事, 我們真是聽到 o 晒咀, 好似電視劇的情節一樣。tweety 和 lion 的戀愛經歷都差不多, 而她們的男朋友都是在1月份生日, 她們話山羊座的男仔正一 PK, 哈 . . . 聽完佢地的戀愛史後, 覺得呢家港男唔係好得, 係唔係真是無晒好的男人呢？

今日超忙, 呢排己經好少係 OFFLICE HRS ONLINE, 今晚 OT 到8點先走人, 回到家, 食完飯, 看完 <銀樓金粉>, 就去沖涼, 沖完涼己經很累, 己經不想開電腦寫日記了。

lunch 我和connie & joanne 去了觀塘廣場食車仔面, 打算食完車仔面, 去買手提電話的免提聽筒, 因為舊的哪個己經壞掉了, 要買一個新的。在觀塘廣場問過賣手提電話的店舖, 他們没有我想買的哪款耳筒, 於是只好去apm 的百老滙找找看。

去到apm, 就去買電器哪層的店舖看看, 點知没有一間有得賣, 他們叫我要去 nokia 的專門店才買到哪款耳筒, 只好等下次出去買。

晚上看了 <亮相> 這個節目, 其中一個參賽者 (號數為 8號), 我覺得他很面善, 之後醒起他負責 <海底歷奇>這個節目, 他是研究海底考古學家, 想不到他也會參加這個節目, 何手信更估他的職業是扮演聖老人, but 他的樣貌又真的有點似聖誕老人。這一個節目遊戲好似幾好玩的, 我自己也在家裡估埋一份, 但真的有一點難度, 因為好難看得出參賽者是做什麼職業的？

之後我就看埋 <舞動全城 2>, 覺得關禮傑和洪天明都跳得好好, 睇到一半, 舊公司個同事打電話給我, 同佢傾了很久, 攪到看不到最後個 part, 而下一星期就會播女藝員的舞動全城版, 只好奇待下一個星期。

今日短週, 早上8點幾被媽媽叫醒了, 之後爸爸就開車帶我們到柴灣拜山, 由於上星期來到, 上山的路封了, 好彩今天没有封路, 很快上到山。爸爸叫我帶路, 但由於我真的太耐没有來拜阿爺, 所以我都不記得在哪一層, 最後由爸爸帶路, 爸爸叫我要記得在哪一層, 下次再來拜阿爺就知在哪一層。

拜完阿爺, 阿爸就車我們去食早餐, 接著就去金鐘拿申請台證的表格, 上到去, 才知今日休息。之後就回家了。

下午我們去了深水埗 <龍寶酒樓> 飲茶。飲完茶, 我們就去了旺角逛, 而我和媽媽都有收鑊, 我們都買了涼鞋, 我們買的涼鞋都很便宜耶 (49元一對涼鞋), 由於媽媽買了兩對, 她話回到家把鞋收起來, 不要讓爸爸發現我們又買鞋, 不然又給爸爸話, haha . . . 超攪笑的, 回到家, 媽媽就幫我收起我的涼鞋, 等要著的時候, 才會回出來著。我想我是遺傳媽媽的因子, 買了東西回家, 都收起來, 不給她發現, 等要著的時候, 就拿出來, 當被問起是什麼時候買回來？就回答 <這是很久以前買回來的 . . . >