向幾位姐妹講了公司所發生的大話精 + 勁靚仔事件後, 想繼續上來留言。

等我試一試其他 FUNCTIONS 先 . . .

HEHE, 我會努力補追日記的。 

 今日peggy 終於問太子爺拿了錢買聖誕禮物, 於是太子爺允許負責買禮物的同事, lunch 後買到3:30回公司。

lunch 我, peggy, mandy, sandy, 和kiki一齊去apm, 原本諗住去food court 食, 但peggy 話想食元氣sushi, 最後見元氣唔需要排隊等位, 我們就入了元氣食sushi。

食到2:06分, mandy 先回公司, 而我, sandy, peggy 和kiki就去買禮物, 由於太子爺俾了5000元給我們, 而我們要買18份禮物+ 朱古力給大陸工廠同事, 所以經過一輪商議, 我們決定買20張50元禮券 for 5個人, 20張 50元百佳禮券for 5個人, starbuck 2張儲值禮券 (每張價值200元), 唔記得咩牌子的handcream (價值210元) x 2份, shiseido 兩盒lip gross (價值210元), 兩盒laneige的water sleeping pack mask 套裝, 兩份給小朋友的聖誕禮物, 和幾盒朱古力給工廠同事。最後買完禮物, 發現還有錢剩, peggy 自己加多2元, 叫我幫佢買多500元百佳和惠康現金禮券。

3:40分我和sandy 先回公司, 而peggy 和kiki就等包禮物。由於當日大廈內有christmas party 給全大廈的商戶, 有很多到會食品, 遊戲和抽奬, 我好奇地望下, 點知被太子爺發現我地, 之後佢叫我地拿d 嘢食和飲品, 之後佢還叫sandy 陪佢一齊玩遊戲。而我就拿著所有禮物回公司了。

由於昨晚零晨時份, 開始肚痛, 繼而腸抽筋, 之後就開始嘔吐, 媽媽俾我嚇親, 她話陪我去看急症, 但嘔完2次後, 情況好了一點, 於是我決定等明天早上才去看醫生。

晚上完全没有訓過, 不停的肚痛, 痛到不能入睡。直至早上4點幾, 弟弟起身上班, 我就開始訓著了。睡到早上8點幾, 媽媽叫醒我打電話回公司請假, 接著再訓了一會, 就打俾莊醫生booking 時間去看醫生, 護士叫我12點去到銅纙灣診所。

11點就出門口, 上到診所, 等了一會兒, 醫生話我是感冒而引起的腸抽筋, 記得對上個次腸抽筋就是和幾位姐妹去澳門的哪一次了。醫生開了些藥給我, 就可以離開。

我見一場黎到銅鑼灣, 不如去sogo 看一看有没有我一直要找的紅色格仔頸巾。因為記得有一年同小敏和阿大黎sogo 逛, 見到有一間店有很多頸巾賣的。逛了幾間, 見到有幾條都不錯, 還是逛到最後先決定買哪一條吧！最後係狗仔個間舖見到有紅色格仔頸巾, 於是立即試, 但看見另一條淺藍色的格仔頸巾也不錯, 很難決擇的。最後多謝小敏的意見, 都是買回紅色的頸巾。

小敏話sogo 附近有103過海城巴, 於是找了一會兒, 就找到了103了, 坐左成個鐘先回到家。 

原本晚上約了阿三和阿六去報跳舞course, 但生病了, 還是最消今晚的活動吧!!!

今日入長洲幫阿五和阿六慶祝生日。

早上約了阿三在尖沙咀碼頭等, 之後就一齊坐船過中環了。坐12:30的船入長洲, 去到長洲我們先去醫肚。食完嘢後, 我們行去沙灘, 蕭欣話想風箏與風, 打算出去買風箏。但最後是没有放到, 而是去了踏單車。

我, 阿五和阿六租了兩輪單車, 而阿大, 阿三和蕭欣就租了一架家庭單車。之後我們就踩入欣雨亭, 影了一輪相, 我就和阿大開始我們的任務, 就是出去找壽飽回來。找了很多地方都没有, 最後有個好心的中年男人告訴我們在哪裡可以買到。我們就開始出發了, 踏了很遠的地方, 才找到了我的一直找的東西, 個刻實在太好了。於是我們就趕快回去找她們。

回到去和她們一齊慶祝, 在戶外食壽飽+ 唱生日歌, 今年她們的生日慶祝方法是唔是很 special 呢？hehe . . . 最緊大家開心

還車後, 我們食了點小食, 就去食海鮮餐了。食完晚飯, 我們還去食甜品, 之後就搭船回中環了。 

我是外賣仔2號, 請多多指教。

 早上約了家慧去新蒲崗的工聯會報 yoga。起身後, 就先過家慧屋企, 她借了 <公主小妹>和<放羊的星星>給我看, 再看了看她去旅行的照片。昨天晚上她約我上她屋企, 但因為之前約了阿玉食飯, 所以只有chris 上了她屋企玩, 而chris 買了兩個雪榚糯米糍, 但chris 上佢屋企食得太飽, 所以没有食到雪榚, 而chris吩咐家慧, 我今天上家慧屋企, 叫我食埋d雪榚, 由於早上食了早餐, 所以好飽。加上我唔慣早上食雪榚, 我不停婉拒家慧, 最後家慧竟然開了, 還硬迫我食。我叫她放回雪櫃, 但她不肯, 最後硬迫食了一粒雪榚糯米糍。chris 多謝你粒雪榚糯米糍。

12點就出發, 坐小巴去新蒲崗。入埋會, 報了yoga course, 家慧計過入會會平d, 只要我們報兩個 course, 咁入會費就可以打和返。yeah . . . 1月8號就開班囉~

下午約了幾位明天function 的負責人去買禮物。

今晚約了阿玉食晚飯, 我們去了大家樂食飯。食完後, 我們就逛旺中了, 竟然被我在旺中看見一件褸很不錯, 而這件褸一直都是我想找的 (褸入面有d毛毛), 於是我們就入去看看, 個sales 話可以試下件褸, 於是個sales 就拿了紅色的給我試, 阿玉見我著了後, 很不錯, 於是她也一齊試。但她話紅色不襯佢, 於是她再試其他顏色, 最後我覺得灰色最襯佢。本來我打算考慮買灰色, 但阿玉話覺得紅色襯我多一點, 灰色不太襯我。於是我買了一件紅色的褸, 而她就買了一件灰色的褸。yeah . . . 天氣再凍多一點, 我們就可以著這件褸了。

這件褸很便宜, 而且又是我喜歡的質地, 實在太開心了。

 去完旅行, 回到公司, 發生了一件公司大事件, 超級嚴重 . . .

1. peggy 為了這件事而哭
2. lion 找到某個同事的私人 blog, 仲要大公開
3. sandy 上去哪個同事的私人 blog, 仲要炸爆哪個同事的 blog

真的真的超嚴重, 是因為哪個同事做了一些傷害全公司同事的事, 弄到全公司的同事個個都好氣憤, 所以才會有咁大的反應。

我也擔心這個 blog 給其他同事發現, 親其他同事未發現, 好不好刪左呢個 blog 呢？

呢排屋企個電腦壞左, 所以好耐無上來留言 . . . 加上發生這樣的事件, 己經唔是好想再上來寫囉 . . .

今日阿三終於帶佢男朋友見家長 (阿大和阿二) 啦, 哈哈. . . 開玩笑的啦

阿三約了我們12點在東涌等, 於是我和阿大一齊搭mtr 過東涌。我和阿大先到東涌, 然後等了一會兒, 阿五也到, 由於阿三要遲一點到, 於是我, 阿大和阿五打算去大家樂食早餐, 點知早餐時間己經過去, 開始轉午餐時間和食物牌。於是我們決定去大班買麵飽食。

阿三和她的男朋友, 春兒, 阿三的爸爸媽媽終於來到東涌, 我們就搭巴士入大嶼山了。到了大嶼山, 我們逛了一會兒, 就食lunch 先。食完 lunch 就行上大彿了。上了大彿影了些相, 我們就向大澳出發了。

是大澳還食了蜜牙餅乾, 雞士籐和烤魷魚, 逛了一陣, 就回東通了。



回到東涌, 我們逛 outlet, 逛了一陣, 阿三就走了, 而我, 阿大, 阿五和阿六就去了大家樂食飯, 食到好飽就回家了。

日本之旅 - Day 5

二重橋 - 銀座 - 成田機場

今日要返香港啦. . . 好唔捨得日本, 點解d 時間過得咁快的, 如果能待多幾天就好了。

今朝早在tokyo disneyland 的酒店食完早餐, 就出發, 第一站就是二重橋, 去二重橋的途中經過東京鐵塔, 其實未黎日本前, 我就計劃這次來日本要去看看東京鐵塔和影相留念, 但因為住的酒店又不近市區, 而且很少自由時間, 所以最後也没有去到。但當到了二重橋後, 離遠看見東京鐵塔, 於是影了一張很矇的照片, 雖然去不到, 但遠處見到, 還影了相, 己經好滿足, 只好等下次有機會再去看看吧!!!

之後就去了銀座, 個導遊帶我們行一遍, 還沿途講解哪裡可以找到agnes b, blue label . . . 其他名牌等。最後個導遊帶我們到銀座西武就解散了。

之前導遊話big carmena 專for賣遊戲機的, 而我們逛到西武門口, 商場還未開門, 於是我們決定去big carmena 看看, 看到有很多xbox, ps3, ndsl . . . 的game, 弟弟想在日本買一個手掣, 而媽媽看到ndsl, 她想買多一部, 但看看價錢是貴過香港, 如果買都是回香港買好了。我見到有好多好多的ndsl 套, 有d 都唔錯, 打算買一個回去, 整靚靚我的ndsl, 我買了一個粉紅色的ndsl 套, 因為很喜歡這隻粉紅色, 之前其實是想買部粉紅色的ndsl, 但因為驚好易弄髒, 最後買了黑色, 為了保賞粉紅色的心願, 所以買一個粉紅色的套。

接著就去了西武的agnes b和blue label 的專櫃到看看, agnes b 只有一個櫃, 而且得很少款, 加上我兌yen 又高, 所以變相agnes b 的袋貴左, 而blue label 入面有一個袋很靚, 我和媽媽都很喜歡, 但我叫媽媽不要買住, 等一陣行去有4層樓的blue label 再看看, 可能哪裡還會多款式選擇。

逛完西武後, 我們就四周看看附近的餐廳, 看看有没有什麼好食的, 行過了幾間餐廳, 見到一間d食物很不錯, 而且比其他的便宜。於是我們決定去這間餐廳食飯, 由於午膳時間, 所以門口擠了很多人, 於是我排隊等入去, 而媽媽和弟弟就去買飲品。但我排排下, 覺得不對勁, 於是我就用英文問我身後的日本人, 是不是要買飛後, 才找座位, 然後就會有人送過來, 但個日本人聽唔明, 於是用最簡單的英文, 她還是聽不明白, 於是她突然講普通話, 問我可以說普通話嗎？她終於聽得明我講什麼了, 實在太好, 原來真的是買完飛後, 才找座位, 於是我道謝後, 就去找媽媽。我和媽媽買完飲品, 先才排隊進去, 我和弟弟決定食吉列豬排定食, 最後没有位, 我們要分開來座, 弟弟和媽媽坐在一起, 而我自己一個人座。飯來到後, 我覺得很奇怪, 點解没有汁的, 於是我就淨食吉列豬排+ 飯, 坐在我隔離的日本阿叔好好人, 佢教我點食, 要撈暈d 雞蛋+鼓油, 然後撈在吉列豬排上, 跟著佢個方法去做, d豬排真的好好味哦。

食完飯後, 就去fancl 大樓幫小敏看看她要我幫她買的護膚品, 職員話没有, 於是我買了一拿fancl 套裝回來。

接著去了blue label 大樓看看, 背上剛剛在西武看的哪個blue label, 覺得唔是咁靚, 我看見了其中一個袋, 是之前去富士急見到哪些日本女生背得很靚, 有點想買, 但看到價錢後, 有點猶豫, 我猶豫了很久, 由距離我們的集合時間快到了, 於是媽媽就叫我快點買, 唔好再猶豫了, 如果唔是誤了集合時間, 就麻煩了, 因為要去機場, 所以不能遲到。但我身上己經唔夠yen 去買這個袋, 於是媽媽就借錢俾我, 回來香港才還她。没有想到今次的旅程回買到什麼名牌袋, 亦都没有打算買, 是最後一刻, 竟然俾我買了一個名牌袋回來, 此刻的心情實在太形容啦 ~ 買了個袋後, 覺得之前玩得唔開心, 己經没有所謂, 買了一個名牌袋, 今次的旅程己經值回票價了。我真的很開心耶 ~

於是我們就跑去我們的集合地點, 點知没有我們的團友, 我們開始擔心了, 因為我們己經差不多遲到了, 弟弟話我們去錯了條橋, 他話是另一條橋, 於是我們就跑去另一條橋, 在等過馬路的時候, 有個日本阿嬸當左我是日本人, 勁講日本向我問路, 為左表示我是遊客身份, 我用英文+手上的旅遊書, 表示我是遊客, 於是佢勁講日本, 只聽得明這句 "su ye ma 瀉" 唔好意思, 於是其他等過馬路的日本人望著我們, 於是見綠燈就快些過馬路去集合地點了。

上左旅遊車, 望著風景, 因為唔想錯過每一分鐘待在日本的時刻和景物。到了機場, 去到紀念品店, 見到哪隻海豚公仔, 我在這裡磨了很久, 媽媽又借了點錢俾我買了掛機公仔, 很想買哪隻公仔回來, 但媽媽唔俾, 只好帶掛機公仔回來啦~

日本 ~ I'll be back ~

日本之旅 - Day 4

全日Tokyo Disneyland

今日是我玩得最開心的一天, 因為 tokyo disneyland 充滿聖誕氣份氛, 我與一班disneyland 的卡通人物共渡了一個開心的聖誕。

係disneyland total 玩了8個遊戲, 基本上和香港disneyland 的遊戲差不多, 而不同之處就是tokyo disneyland 的是 4D電影, 而香港的只是 3D電影, BUT 我覺得香港disneyland 的3D好睇d, 因為電影的內容有mickey mouse , donald duck, 但tokyo disneyland的4D不是卡通人物, 完全同disneyland 的卡通人物無關。

今日真是玩得好開心, 同左好多個卡通人物影相, 有daisy, winnie the pooh 入面隻小豬和騾仔, 三隻小豬入面的其中兩隻小豬, 兩個唔同裝扮的donald duck, 小飛俠, 兩隻小mouse, 同埋兩隻唔知咩的公仔, 真是同左好多唔同卡通人物影相。

來到tokyo disneyland 入面, 見到有好多好靚的卡通人物的帽, 好多都好靚, 好多都好想買, 但是想到買來後, 只是for disneyland 用到, 平時用唔到, 加上香港的天氣太熱, 唔識合帶這些帽, 只好帶著這些帽來影相。一頂帽要2000幾yen, 兌回港元要160元左右, 真是有點貴。但返到黎香港, 又有d後悔無買到, 因為如果個日買左, 就可以帶住佢影返一d 特別的相, 返到黎香港, 冬天去香港disneyland都啱用的。好多日本人都有買來帶, 我還看見有個日本人帶的哪頂公仔帽, 尊尊都有一頂。如果下次去, 我可能會買回來玩的。有次排排下遊戲, 見到有幾個日本帶住個d 公仔帽, 還以為點解會有隻熊係到出現的, 因為我只見到佢背面, 而且只見到佢個頭, 真是好攪笑嫁。





最後決定買另一個頭飾來玩, 因為哪個頭飾平過香港, 而且還會著燈嫁, 覺得個價錢都ok, 由於個幾日一直俾媽媽壓住, 買得唔多嘢, 所以入到黎disneyland 見到鍾意的, 價錢又ok就買下來了。加上媽媽又唔阻住我買呢d 嘢, 所以今日係disneyland 買到的嘢, 還多過在新宿哪天。其實媽媽都無返對我買d帽, 因為佢都覺得好靚, but 最後我還是選了頭飾。

lunch 去了disneyland 出面的shopping mall 食烏東, 個餐要成950yen, 有天婦雜菜烏東+ 低糖綠茶 + 甜品一杯, 差不多 60幾港元, but 我覺得唔太好味。

食完lunch 就回disneyland, 看了花車巡遊, 之後就去玩其他機動遊戲。臨食晚飯前, 弟弟太餓, 於是他就disneyland 入面的餐廳食了一個pizza 餐, 走個時, 我留低左條頸巾在枱面, 跟住有個日本男人拿著我條頸巾追出來, 真是超多謝佢, 媽媽話佢好好人。

之後再逛了一會兒, 就出去shopping mall 食晚飯, 今晚食意大利粉, 超好味耶, 只是720yen, 平過中午食過餐, 而且又好食, good~

食完飯, 見到supermarket 有好大枝的多多, 於是買了幾枝, 就回disneyland 看晚上的巡遊, 入到樂園, d 日本人己經擺滿晒成條街, 企都無位企, 我們只好站在遠處看巡遊, 接著逛多一會, 看完晚上的煙花就回酒店。

我們坐鉛浮列車回去, 接著再轉disneyland 的巴士回酒店。一天的行程就這樣完結, 真的好累, but 玩得好開心。

日本之旅 - Day 3

富士急 - 新宿 - 迪士尼酒店主

今日早上6點就起身 (即是香港時間早上5點), 諗住再浸多一次温泉才去食早餐。今朝早不是很多人來浸温泉, 浸了一會室內, 就走到室外浸, 早上浸温泉的感覺寧舍不同的。在室外的温泉, 望著樹, 湖和日出, 超正的~令人心情愉快, 早上浸温泉真是一級班。真是能體驗早上和晚上浸温泉的感覺。遲了半小時先去食早餐, 要食快d 先得, 之後還要出酒店外影下d 風景相。

離開酒店個時, 日本d職員真是好有心思, 我們成團人準備上旅遊巴中, d 職員己經舉高 <一路平安>的紙牌, 而且他們只著了很薄的衣服來歡送我們, 真的很感動呀！他們在外面站了很久, 因為有些團友又忘記拿行李上車, 又要走下車拿返d 行李, d 日本職員一直都没有離開過, 站著笑著舉高紙牌, 他們的敬業精神真是值得我們學習。當我們架車駛走了, 在遠處還看見他們還企在門外舉高紙牌, 没有離開過, 我們真的真的真的收到你們的衷心祝福的。



旅遊車駛到富士急附近, 在不遠處己經聽到過山車行駛在木做的路軌所發出的聲響, 聽了真的很想玩, 好似好剌激, 但由於時間有限, 所以我們只可以找一些媽媽也可以一齊玩的遊戲。最後的決定就是富士急的鬼屋。排隊個時, 撞到我們個團的團友, 而且又是我細佬的同房團友, 於是我問他們一不一齊玩, 於是我們就一齊排隊。排到1點幾, 我們還未入到鬼屋, 而導遊的集合時間是2點, 我們實趕不及, 我們都不理, 照玩鬼屋。今次富士急的鬼屋和上次蕭欣玩的哪次不一樣, 我玩的鬼屋多了一些遊戲玩, 類似電腦的 <巴哈sa> game, 要拿槍玩的。

終於入到鬼屋的門口, 職員要我們試槍, 門口還有一些避彈衣, 我想著呢d 道具來影相, 細佬的同房團友話想著埋入去玩, 他叫我們一齊陪他一齊著。於是我們著完, 就在門外看介紹短片。看完短片後, 我們一行六人, 就入到去另一間房, 枱面有三把手槍, 我們以為要拿著入去玩, 接著有個日本人走入黎要我們坐下, 指著某個地方, 我們看看, 原來是入去前, 來返張合照。影完後, 我們再要求影多一張, 但個職員不肯, 要我們入去。3個團友先行前面, 而我們3個就行後面。日本d鬼屋做得最好的地方, 就是唔會太多人一齊集中在某一個位, 我們沿途行, 到看不見其他的遊客。弟弟行左手邊, 媽媽在中間, 我在右手邊。點知媽媽行行下, 佢驚到攬實細佬隻手, 放開左我, 得我自己一個人行在最後, 真是超驚的, 得自己一個人, 我覺得仲驚過去海洋公園玩個次。因為得我自己一個人行, 而且還要行在大隊的最後, 好驚後面會有個人拉走我, 行到某些角落的時候, 又驚佢有嘢彈出, 唔夠膽行過去, 我尖叫了左幾次, 媽媽又話我, 唉 . . . 玩鬼屋到要俾人話, 超無奈。最後細佬同房的團友行去後面陪我。媽媽竟然叫我一路行個時攬住細佬同房的男生, 真的有點傻眼, 你拋下我, 還叫我攬住細佬同房男生, 我還是自己一個人行好了。因為只要有人行在我後邊, 我就唔拿咁驚啦 . . . 行到尾段, 有3-4隻日本鬼出來捉我們, 我們要拿槍射向哪些日本鬼, d 日本鬼才會後退, 最後有個日本職員拿著大炮射向他們, d 日本鬼扮死扮得好抵死, 笑死我啦 . . . 佢地扮得好假, 睇黎佢地要去演藝學院培訓一下才來這裡會比較好。最後臨到出口, 我們慢慢行, 估唔到有隻鬼跑出來, 追著我們, 我們就跑了出來了。

玩完鬼屋, 去看看剛剛入鬼屋前影的相, 我們和團友都有買到哪一張照, 哪時己經2點10分左右, 於是我們拿拿臨去餐廳, 諗住叫意粉外賣, 點知找不到意粉的餐廳, 去了food court 用導遊給我們的餐卷。點知又無外賣, 我們只好快點食完先上車, 没有想過其他團友這麼準時, 是我們6個人最遲上車的。

大約2點半就離開富士急。下一站就是新宿。導遊得1小時給我們逛新宿, 有個團友話去買d納米的陶瓷刀, 媽媽聽到又話想去買, 於是我們跟哪對情侶去買刀。買刀的地方要走好遠, 買完, 只得半小時逛其他地方。之後我們去了 1010大樓逛, 見到一條頸巾, 要成 300港元, 媽媽話貴, 唔好睇, 呢d 地方一睇就知買d 好貴的嘢, 睇黎都無用, 黎完都唔會買, 聽完, 超無奈, 我心想即使無錢逛逛也無仿, 反正一場來到日本。之後經過伊勢down, 我話想入去逛, 媽媽又黑面, 又話呢d地方一睇就知等於香港的尖沙咀, 一睇就知做遊客生意, 睇黎都無用, d 嘢咁貴, 你又錢買咩？ . . . 超無奈, 人地叫伊勢down, 而我的心情就 very down, 又是講到錢, 又是咩都話唔行, 心諗我黎日本做咩呀？超級無奈, 於是就去逛日本藥房。接著就到集合地點等齊人去餐廳食飯。在等待其他團友之時, 見到有好多團又買左 blue label, agnes b 一袋二袋, 心裡不是味兒, 還是看開一點啦 . . . 今次旅行唔好只要會買到任何東西, 心裡有好大個念頭, 我下次一定要再來日本, 而且唔可以再同媽媽黎與及問人借錢來, 一定要靠自己力量來, 下次一定要玩得盡興。

之後就去食鐵皮燒的餐廳, 個導遊話食完飯, 可以先行離去, 繼續shopping, 8:30在歌舞技丁街集合。食完飯, 媽媽問我想去邊, 我話你話事。我此時己經没有心情, 你想行邊你就行, 我跟著你逛就好了。

經過一間機舖, 我離遠看還以為是玩具店, 之後我見到有個日本女人夾了4次公仔, 4次都中, 於是我又想夾, 因為日本d夾公仔, d 職員將d公仔擺得好近個出口位。我見100yen 夾一次公仔都好平, 所以想試下。點知夾唔到, 又俾媽媽大罵我死蠢, 又話我做過冒險樂園連呢d 嘢都唔識, 正一死蠢, 我心諗你咁叻, 你夾呀！佢也夾唔到, 於是我忍唔到口, 我話你話我死蠢, 你自己咪又是, 夾唔到, 跟住佢好大聲又好兇罵我, 叫我收聲, 全場的日本人望著我們, 我超級無奈, 低著頭離開這間舖頭。之後我和媽媽的氣氛都好僵, 再逛了一陣超市就會集合地點。

返到去, 又見到團友買了很多東西, 無奈, 還是上車吧！好快去到迪士尼酒店, 拿完房, 就落樓下影相了。迪士尼d 酒店真是超正, 令我的心情好返一點。

今日維珍問我 "你係唔係修個條眉呢？"

我回答 "係 . . ."

她話 "我留意左你好耐, haha, 無估錯"

我問她 "好明顯嗎？會唔會好怪呀？"

此時正好佢阿姐找她, 於是她没有回答我。

今日著了星期六買的牛仔褲返工, peggy 話條褲好靚, 之後又話我瘦左, 但是我唔覺自己瘦了, 但佢話看上去真的瘦了耶 ~ 如果看上去真的瘦了, 我會很開心的, 但我想是這條牛仔褲顯得我 slim 的效果, 所以我比較鐘意去這間店買牛仔褲。

剛剛我忍不住對細佬開戰, 因為我自己的 luggage (去台灣用的哪個) 借了給他用, 我用小敏的 luggage, 因為我屋企 d 衫没有地方擺, 所以擺了一堆衫在 luggage 上, 點知佢將我堆衫推晒落地下, 跟住我看不過眼, 就話了佢幾句, 細佬没有出聲回應我, 阿爸即刻作調停, 叫我不要再吵下去, 於是阿爸幫我執起地下的衫。我話 "我己經借我個 luggage 俾你用, 仲將我 d 衫推晒落地下", 我個下真的好嬲 ~