由於明天是小英正日生日, 而她明天又請假了, 所以我們預先同她 celebrate 她的生日。

Peggy 訂了 apm <御泰坊> 食 lunch幫小英celebrate 她的生日, peggy 和小英先到餐廳拿位, 而我, mandy 和 winnie 就隨後到, 我們點了 4 人餐, 很多食物, 最後還有甜品食添, 真是食到很飽呀!!!

昨天看完電影, 和阿玉討論起, 如果明天掛 8 號風球就太好了, 因為今日返到屋企會好夜訓, 如果明天不用返工, 就可以訓晏D 啦 . . .

點知今日朝早起身, 真的掛了 8 號風球, yeah . . . 超開心的, 接著再上床繼續訓覺覺 . . .

今日 connie 就去馬來西亞, 唔知佢上唔上到飛機呢？相信佢今次的旅行實好難忘的, 因為掛8號風球才去旅行, 真的很 special 哦 . . .

由於下午一直看碟, 所以下午 4 點幾才發現原來改掛了 3號風球, 哈哈 . . .扮唔知改掛 3 號風球, 繼續在家休息中 . . . 哈哈

今日試一試 CLICK 入黎, 睇下個網站還是不是正在維修中 . . . 點知一click, ok 了. . . 現在就是要補追日記的時間了。

今日阿玉和雞皮放工幫我 celebrate 我的生日, 所以今日著連身裙回公司, 點知俾公司d 同事話我著得咁靚, 蜜運中的女人是寧瀉不同, 仲話我今日明艷動人, 哈哈. . . 真是笑死左, 再加上次係公司收花, 今次跳入黃河都洗不清哦 . . .

放工後, 約了阿玉和雞皮去 <金太郎> 食 sushi, 食到 8 點幾, 我們就買單走人。經過 body shop 就順便看看有没有脫毛蠟賣, yeah . . . 終於買到脫毛蠟, but 可惜脫毛用個d 紗布竟然斷晒貨, so 買住脫毛蠟先 . . .

買完脫毛蠟差不多 9 點, 於是我們就趕去朗豪坊, 希望趕得切入場睇電影啦 . . . 由於好多人睇 batman, 所以我們只買到第三行的座位, 不過都没有所謂, 我要看 batman . . .

今次 batman 入面的 joker 好恐佈, but 今次的故事內容都ok, 幾好睇, but 最後 hawai 變得仲恐佈過 joker, 攪到我同阿玉都唔夠膽望 hawai。

完場差不多 11:30, 之後就搭車回家了。

p.s. 今日收到一個好靚的 vivienne westwood 的紅色銀包, 好多謝你們, 我很喜歡 . . .其實之前有打算買這個系列的銀包, 哈哈, 你們真知我心意, 而且還是我最喜歡的紅色, 多謝你們哦 . . .

昨天晚上阿三 SEND 了個SMS 俾我, 係 <星加坡的表哥叫她問我, 11月2號要不要跟他去 bintan?>。第二日返工, online 同表哥傾左陣, 又同阿三傾開, 原來表哥也有叫阿三一齊去 bintan。表哥話 556 坡元一個人去 bintan, 他們買 package 去, 包酒店 + 船票 + 早午晚三餐 + 島上玩的所有 game 都不用錢, totoal 玩 5天。

如果我跟他們去的話, 這次旅行應該差不多 5-6千港元。於是問下有d 咩親戚去？他話 total 有8個人去, 但我都不知道有邊 8 個人。如果我去, 咪突左我一個人出黎, 我才不去耶 ~ 加上表哥要我呢兩日內履實他到底要不要跟他去 bintan, 這點對我來講真的有點突然。

返到屋企, 同星加坡姨媽和表哥傾左陣電話, 他們問我要不要跟他們去bintan？係電話再問左d詳細資料, 姨媽話宜家係有 9個人去 bintan, 而不是表哥講 8 個人, 所以他們想找多一個人去, 這樣他們就不會變單丁, 這樣就可以要 5 間雙人房。如果我和阿三一齊去的話, 他們也是單丁一個人出黎。hehe ~ 如果我唔去, 阿三跟他們去, 我會覺得超攪笑的, 阿三都未見過我d 姨媽和表哥, 就跟他們去旅行, 哈哈 ~ 這個配搭又夠攪笑的。

而且我覺得去外國沙灘玩, 當然同幾位姐妹去先好玩, 因為我地大家都鍾意影相, 二來我們大家都係傻和癲的, 三來我地會一齊帶花花頭飾影相, 四來我地又會玩跳跳相。

如果我同d 親戚去, 同他們咁樣玩法, 佢地採我都傻呀!!!因為表哥和表弟都唔鍾意影相, 二來佢地更加唔會玩跳跳相, 所以去旅行, 同返d 志同道合的朋友一齊去玩才比較開心。

其實我都有諗過自己一個人坐飛機去某一個地方咁, 跟住 join 一 d 朋友, 好似 yy 帶花花頭飾的哪個fd, 自己一個人坐飛機去墾丁, 之後佢個朋友再來 join 埋佢一齊玩, 其實我係想試下自己一個人搭飛機的滋味, 我會覺得好好玩, 好想體驗下一個人自己出國會係怎樣呢？我相信係一個好難忘的經驗哦 . . .

今日8:30起身, 之後和媽媽落完樓下食早餐和買餸, 之後就回家 search 搭幾多號巴士才去到海洋公園。差不多 9:30才出發, 行落黃大仙搭 mtr, 之後係金鐘再轉巴士入海洋公園。

11點終於來到海洋公園了, 之後就去換免費門票入海洋公園, 估唔到有7-8個都係今日生日的人一齊來到公園玩。俾完身份證d 職員睇, 簽完名, 職員向我講了一句 <生日快樂>, 我們就入閘了。入閘前, 又要俾d 職員睇下張身份證, 才可以進入。

我們首先搭 cable car 上山上面玩, 我們第一站就去了海洋劇場睇海豚。對上個次來看海豚表演, 己經係小學 4 年班的時候, 所以我今次一定要再去看看海豚表演耶 ~ 在咁多種動物之中, 我最喜歡的動物就是海豚, 因為我覺得牠們很可愛, 而且牠們俾我的感覺係自由和開心, 所以我好鍾意海豚和想近距離親親海豚。見到有海豚的 product 就會好鍾意, 今次也不例外, 睇海豚表演前, d職員拿著海豚的 product 來推銷, 我也買了一件海豚的 product。

海豚的表演真是超正, 牠們真的很聰明, 又同d 職員玩捉迷藏, 又跳高頂球, 又唱歌的, 睇到我嘩嘩聲, 牠們真的很棒耶 ~ 真是好想可以好似d 訓練員咁, 同海豚一齊暢泳。hehe . . . 海豚唱歌的時候, 我就當海豚唱生日歌給我聽, 嘩哈哈, 超正, 海豚 - 多謝你陪我過生日和唱生日歌給我聽哦 ~

之後就去了水母館和海洋館, 其間還下了兩場大雨耶 ~ 之後我們就去玩摩天輪。玩完摩天輪己經差不多 2點, 我們就去買 m 記食。

食完 lunch, 我們就去玩滑浪飛船, 玩完飛船, 我和媽媽都只是濕身了一丁點, 原本想去玩埋越礦飛車, 但因為太多人的關係, 而且我又想下山去看看熊猫館, 所以我們決定下山了。我們行返去 cable car 站, 沿途還買了杯冰食。

下山後, 我想去功夫熊猫木人巷, 因為見佢買廣告買得好勁, 所以想去看看到底是什麼東西來的。開頭我還以為是看電影, 之後d 職員就派貼紙給我們貼在身上, 接著等了一會兒, 就放我們進去。進去後, 看見一些佈景同埋道具的東西, 可以給我們影相。之後d 職員就俾左d mission 俾我地, 完成左mission 就有張貼紙, 最後就同熊貓公仔影想添。

開頭我見到隻熊貓公仔的時候, 牠隻腳收埋起來, 接著我見職員好似按左一粒掣, 隻公仔就彈返起身, 我開頭以為這隻公仔是吹氣公仔來的。我企係熊貓隔離影完相, 突然間熊貓隻手疊係我肩上面, 個時我見到有一個職員好似去按掣咁, 我覺得又會勁的, 吹氣公仔都可以疊係我身上, d 人又幫我影一張相, 跟住隻熊貓突然用另一隻手攬住我 (牠係一隻手拍落黎我個胸到 ~ 咁鹹濕的), 太突然, 嚇親我, 點解隻吹氣熊貓公仔可以攬到一個人的？最後才知道這隻熊貓係真人扮嫁 . . .

之後去睇真的熊貓, 睇完之後, 就去兒童樂園玩左陣, 就走人囉 ~

今晚爸爸帶左我們去深水埗一間餐廳食飯。間餐廳炒的小菜好好味呀!!! 食完飯, 就回家看電視了。

最近個胃都很不舒服, 只要食得太多, 個胃抽筋, 同埋覺得 "遠住遠住咁", 終之一句好唔舒服的, 食量也變少, 但是身型己舊還是很大份 & 肥肥的。

由於呢幾日都返學, 約左朋友同事食飯, 所以覺得很累。打算今晚決定唔返學。

Connie 知道我明天請假, 她講了一句 <你做好晒你d 嘢, 你先好走, 你做唔晒, 唔駛只意走呀!!!>, 我對呢句嘢很反感, 我很討厭這句說話。原本打算唔返學係要來休息, 點知現在用來 ot . . . 超無奈的。 

今日好多嘢做, 要快d完成手頭上d 工作, 今晚我要準時放工去我的生日派對才行。

早上大概 10點幾的時候, peggy 打內線俾我 <阿wing, 你出一出黎呀？我有d嘢想問下你呀？>, 平時 peggy 有電腦的問題問我, 她都會打我內線,  找我出去幫她解決電腦上的問題。所以我也以為這次又是電腦的問題。一出去, 我就見到有束花放在她們位子上, 我還想問 <邊位同事咁好的, 有花收>, 我完全無諗過呢束花係給我的。跟住 mandy 還要比我興奮 <阿wing, 束花係你嫁, 快d拆開張咭, 睇下邊個送黎嫁啦 . . .>, 她還要俾我緊張, 我就一直找哪張咭放在哪兒？最後 mandy 指給我看, 張咭收埋在哪兒, 她還叫我快d打開來給大家看。我才不會耶 ~ but 我估到這束花係邊個送黎的 ~ 哈哈, 多謝你們的心思哦, 真的讓我很 suprise。我就拿著束花和咭回到我座位看, 哈 ~ sweet bee ~ 我認得出係邊隻 sweet bee 的字跡哦 ~ but 張咭的信封寫錯左個姓囉 . . . d 同事見到就諗緊束花係唔係俾我呢？因為完全都唔知佢寫咩？未見過呢個英文字母, 所以她們以為這束花係送錯公司哦 ~

之後 angel 就拉著我去影相, 就係咁同d 同事影左一大輪相, 玩玩下, 都無咩心機做嘢添 ~ but 這束花令我間唔中係到傻笑, 可能是太陽花發揮牠的功效哦 ~ 我真的很開心, peggy 還話我今天成日係到笑。

下午個時, 覺得個胃很唔舒服, peggy 俾了一粒胃藥俾我食, 希望好 d 啦 . . .

晚上, 準時走人, 同埋小敏一齊搭 mtr 出旺角 join 埋其他人。由於時間有早, 所以我們係朗豪坊逛了一會兒。逛到 8 點, 就去雅蘭中心 join 埋阿三和蕭欣。今晚我們去食法式越南菜, 可能因為 fusion 菜的關係, 所以覺得d 食物普通, 可能食唔慣 fusion 菜啦 . . .

食食下, 己經覺得很飽, 覺得個胃有d "遠住遠住咁", 所以己經開始停, 唔夠膽再食, 費時個胃又痛, 好似昨天咁, 個胃"遠住遠住"都照食, 攪到最後嘔吐收場, 自己又辛苦, 所以還是不要勉強食下去。我唔係對d 食物無興趣, 而是我個胃真的很不舒服哦 ~ 其實最後的湯河都想食, 但是還是留返肚食蛋榚好了。

最後小敏叫個侍應上蛋榚, 個侍應好大聲講 <係唔係宜家上蛋榚呀？>, 我都聽到, 我真的不知道要俾d 咩反應好？而蕭欣坐到咁遠都聽到個職員上蛋榚, 最後蕭欣同我講 <唔好意思呀!!!俾唔到 suprise 你 . . .  >

上完蛋榚, 影左一輪相, yeah . . . 可以許願耶 (奇待己久), 之後吹蠟燭了, yeah ~ 生日快樂!!! 又大一歲啦 . . .

隔了一會兒, 小敏話我電話響, 佢就俾返個袋我, 我就一直找找找, 找找下, 俾我看見有份不知名的東西, 係我的生日禮物嗎？拆開來看, 類似一包 m 巾的物體, 唔通你地送我一包 m 巾棉花糖嗎？ . . . 答案是 agnes b 的銀包, 於是我就急不及待睇下銀包的內格, 哈哈. . . 好似參觀示範單位咁 ~ 銀包隻色我好鐘意, 因為真是好特別, 而且我也是想買一個粉紅色 or 紅色的銀包啦, 因為我比較鍾意d 女仔d & 卡娃依d 東西, 而且這個銀包有兩格放照片耶 ~ 一直都想找一個有兩格放相的銀包, 所以我真的鍾意個銀包啦 ~ 但是她們覺得我好似唔係咁鐘意個銀包, 其實唔係啦, 你都知我不嬲講嘢都好鬼慢, 英文 miss 都話我讀英文讀得好慢, 己經俾過 miss 話過我啦, 我諗係我講嘢的習慣啦 ~ 没有不鍾意的意思啦 . . .

食完飯, 影了一輪相, 就各自回家了 . . . 今日真是好多謝大家為我做的一切, 哈哈~很多謝你們陪我癲, 一齊影花花相。

今日放工約了一班同事去食泰國菜, 與及幫我 celebrate my birthday

我們 7 點就拉隊走人, 我, peggy, winnie 和 grace 坐的士過九龍城食泰國菜, 好彩 winnie 之前有打電話來訂位, 這間泰國餐廳很多人來光顧, 所以很快就有位了。

我們點了 <明爐魷魚>, <串燒>, <蓉包>, <生蝦>, <醉雞炒河>, <海鮮炒飯>, <飛天通菜> . . . 這間的食物真的真的超好味, 簡直食不停口, 下次可以再來食哦 . . .

<明爐魷魚>擺得越耐, 就越辣, 我食完這個之後, 我個胃就開始覺得 "遠住遠住"咁, 我又唔夠膽同d 同事講, 我就死忍, 跟住繼續照食, 食了一個酸辣鳯爪後, 我就開始胃抽筋, 我d 同事見我個樣好唔舒服, 就幫我拿了杯暖水給我飲。飲完之後, 我都是没有好轉, 於是我提議出去行一陣, 我從來都没有試過好似今晚咁辛苦, 我超不喜歡這種感覺。最後她們擔心我一個出去行, 會發生什麼事的。於是 grace 就陪我出去逛逛, 行出門口, 我就想嘔了, 之後就企係馬路邊開始嘔起來, total 嘔了兩次, 而  grace 就一路幫我拍背, 嘔了出來, 舒服了很多, 最後grace 走去士多買了一枝水俾我 "浪浪" 口, 我們再行一個圈, 就會去餐廳找她們。

我回到去, 休息了一會兒, 好了一點, 而她們就繼續食, 食到差不多 10點左右走人。今晚真是好多謝一班同事同我食飯。

之後我就同 virginia 一齊行去搭車, 與她傾了很多。我回到家後, winnie 還是唔放心我, 之後她打俾我, 與她聊了一會兒, 就去沖涼了。

由於今日太多工作做, 所以遲了點回到學校。

今晚轉了課室上課, 由於平時坐開的哪個位, 將枱爛了, 所以小敏同阿三坐, 而我就隔左一行坐在她們後面, 而蘇菲就坐在我隔離, 坐在她隔離, 俾我看見一些嘔心的事情。但最令我意想不到的就係文朋兄竟然同我同一天生日, 點解會同個騎呢人同一天生日？oh my god ~

 一直没有時間上來追寫日記, 因為一來又要返學, 二來最近無線播的劇集都很好看, 所以己經很久没有上來寫日記了。

今日上商貿易報關, 點知個網站話我們公司使用它們網站報關的有效日期己經到期, 必需續期, 才能繼續使用。於是下午叫 raymond 幫我揾部新的電腦, 之後叫 mandy 再幫我係新電腦裝返個 tradelink system。由於今日 raymond 今日心情好, 所以他話即刻幫我換埋, yeah ~ 太好了, 我等了很久, 終於可以換到新電腦了。以後我打 sample 證就方便得多了。

raymond 幫我換電腦主機時, reception 出面一班同事很嘈, 於是聽到有同事話 chris 收花, 於是 connie 就問今天是什麼日子？為什麼會有花收？接著 angel 好大聲話 <chris 生日, 她老公送了一大束紅玫瑰花黎公司>, 由於raymond 係我個位換緊嘢, 所以我也不便在哪裡, 於是我又跟著出去一齊起哄。

chris 她老公真的很浪漫耶 ~ 每逢情人節, 生日, 結婚紀念日都會送花黎公司, 而且每一次都很大束花, 今次生日她收到了 11 枝紅玫瑰花, 好似花語代表 <一生一世愛你>, 跟住 chris 拿著一大束花, 我們就做攝影記者, 幫她影相, 還叫她坐在 sofa 上, haha ~ 有點似為港姐后冠加勉儀式咁, mandy 還叫我們找一件披肩給 chris, 這樣就似港姐紅色的斗篷一樣, but 仲久一個后冠, 超攪笑的。

玩完, 我們就起哄有人生日, 叫 g.m. 請食下午茶, 最後 raymond 竟然話佢請食下午茶, 真是估唔到。

raymond 一路幫我換電腦, 一路幫我個位吸塵, 因為我個位真的很大塵, 但我没有想到他竟然幫我吸埋塵, 害我都不好意思耶 ~ winnie 也話他 <我搬位個時, 又不見你幫我吸塵, 哼 ~ >, 可能他今日心情好, 所以先會幫我個位吸埋塵。

他幫我裝完, 之後還教我用左一陣 vista, 我就忙住 set up 返 outlook express, yeah ~ 遲一點就可以再set up 埋其他嘢, 姐妹們 ~ 遲 d 見

lunch 我和 winnie 去了 apm food court 食飯, 我們食完飯, 就爭取時間去 shopping, 我之前係 catalog 看中一件 bear bear 的 t-shirt, 所以打算用晒d cash dollar 換件 t-shirt 回來。試了兩件, winnie 覺得某一件適合我多 d, 而這件衫亦都是我睇中左的哪件。

由於今晚不用返學, 所以約了阿大, 阿三, 阿五, 阿六和蕭欣食飯。我和阿六 7點就出到旺角, 之後我就自己一個去了眼鏡88配 con, 而阿大和阿六就去逛旅行社。驗完眼, 視光師話我的近視又加深了, 好唔開心, 我唔想再加深近視了, 這樣下去, 我的近視就邁向 1000度了, 我不要耶 ~ 視光師話我兩隻眼加深的差距很大, 一隻眼加深 50度, 而另一隻就加深 100度 . . . 唉 . . . 我真的不想再加深下去了。如果人工好似加深近視咁就好, 不停係咁加人工, 正 ~ 哈哈 . . . 我配完 con 己經差不多 8點, 就去join 返阿大和阿六, 接著我們就去始創 pizza hurt 揾埋阿五。

我們食完 pizza 就開始食蕭欣d 手信, 最後坐到打烊才離開。之後我們係商場吹水吹左好耐, 最後 11點幾先各自回家。

P.S. 好多謝蕭欣係台灣的手信耶 ~ 還有大口仔八達通貼紙 ~ l like it very much ~ thanks!!! 

今日放左工, 就趕回學校。由於 miss 要去澳洲兩星期, 所以上完今堂, 我們也會放兩星期的假, but 就有4份 past paper 要做, 好多功課做哦 ~

覺得 second level d 英文難左好多, 而自己的英文實在太爛, 所以讀到有點辛苦, 真是好想快d 完左這個 course 呀!!! 

今日約好 Peggy lunch 去飲茶, 為了多謝前幾天我生病了, 她陪我去醫院和看醫生。

我, peggy 和 winnie lunch 去了陶源飲茶, 我們叫了一碟炒粉, 4籠點心, 兩碟小食, 我們一路傾一路食, 傾得好開心。

真是好多謝 peggy 陪我去醫院和看醫生的, 爸爸和媽媽都吩咐過我, 要請她食飯, 因為她真的很好人, 冒著俾老闆扣人工都陪我去看醫生。她陪我去看醫生的時候, 害我都不好意思起來, 所以請她食飯是必然的, 真是好多謝她。覺得黎到呢間公司, 就是俾我遇到d 好好的同事, 真是好開心。  

今日放左學去了旺角逛了一會兒, yeah . . . 我終於買到一把大口仔的長雨傘了。