雖然好耐都無 update 過呢邊的日記, 不過唔會就此而荒廢的。

這邊的日記以內心感受為主, 係一d 秘密的悄悄話, 所以日記大部份 only for 好友能夠觀看。

這邊會成為我一個星之秘密樂園的 ~

今日放工 join 埋小敏出尖沙咀。原本小敏諗住帶我地去尖沙咀街市的大排檔食 <華園記> 豬排麵, 點知没有開門。我地就改左去新港中心 food court 食 dinner, 我和小敏都幫襯 <韓國屋>, 而 toffee 和 zoie 就 share 日式煎餅 + 小丸子。

今晚上兩堂 misuki 的堂, 由於食得太飽, 所以跳得很辛苦。今堂有些 step 完全跟不上, 有些亂跳的情況出現。今晚播的其中一首歌好熟, 於是跳完問小敏知唔知道, 她亦不知道, 我醒返起個首歌係我之前去韓國旅行, 聽過一首很喜歡的歌, 而且個 mv 都好正, 一直返黎香港都找不到哪首歌, 真是好想知道哪首歌叫咩名耶 ~ 而其他英文歌亦都好好聽, but 可惜唔知邊個唱, 我都好想 down 黎聽 ~ 很喜歡快歌, 感覺讓人聽後很愉快 . . .

跳到第二堂, 己經無力去跳啦 . . . 今堂的舞步很難耶 . . .

上完堂, 沖埋涼, 就各自回家啦 . . .

平時用開的 forwarder 成日都想約我地食飯, 終於約到今日先約得成。這個 forwarder 很好人, 我成日有咩問題, 我都會問佢, 佢亦都好好人好樂意教我。

12:30 我就和 pacino & bosco 一齊行去德福2期 join andy, andy 一早己經去了那間泰國餐廳揾位。我超想食辣嘢, but 可惜我塊臉敏感, 所以還是介口, 食得清淡d, 我就點了雞絲清湯河粉, 而他們都點了 set lunch, 最後 andy 還點多 2款小食。

食飯傾開, 得知 bosco 下星期要入院做手術, 他腰有舊軟骨特左出黎, 所以要磨平, 諗起都好恐佈, but 之後佢話佢去私家醫院做微創手術, 咁都好d。宜家d 手術真先進, 可以用微創手術, 穿兩個孔, 就可以磨平腰部的軟骨, 勁 ~

今日 andy 還俾了幾本坐枱月曆給我們。

食到1:30p.m., oh  ~ 快要遲到了, 而且老闆在公司, 不可以太晚回到公司。

哈哈 ~ 今日好多謝 andy 請我們食飯, 其實我地只是小客仔黎, 但佢都請我地食飯, 真是好多謝佢。 

好耐都没有上來 UPDATE 這個 BLOG 了 ~ 等我回來寫一些在另一個不方便寫的嘢啦 . . .

最近成日俾阿文 (公司倉同事)蝦 . . . 今日同阿文, pacino (我師傅)和 jeremy (我阿頭) 去食 lunch, 由於今日很大風, 行去餐廳個時, 風很大,  吹都頭都亂。

俾人蝦事件一:

入到餐廳後, 阿文: 你整返好你個頭啦 . . . 己經無人追你, 仲要攪到d 仔調轉頭走 . . . 

我: 心入面破口大罵 *&@(#(!+ . . . 

pacino對阿文講: 哇 . . . 咩你咁講嘢架 . . . 

阿文: 宜家個頭就ok啦 . . .唔駛再整 ~ 

______________________________________________________________________________________________________________

俾人蝦事件二：

食飯唔知講開咩, 我就同阿頭申, 我好慘, 成日都俾阿文蝦 ~

阿文: 因為你太好蝦啦 . . .

pacino 對阿文講: 咁你又唔啱啦 . . . 一個人蝦佢, 應該揾埋我地兩個人, 夾埋三個人一齊蝦佢 ~

我: . . . . (很無奈, 雖然知道 pacino 講笑同玩, 都唔算蝦我的)

______________________________________________________________________________________________________________

阿文把口真是好衰, 唉 . . . 自怪自己轉數慢 (其實因為驚直話直說, 有時無心的說話會傷害到人, 所以我會諗樣點答返人地係最好 (因為預計唔到講左出黎的說話會有什麼後果), 諗左一諗, 轉數慢左, 我又唔想令同事之間的關係變差, 否則我以後的日子我就難過, 好我忍), 哭 . . . 這樣就導緻成日俾人蝦 ~



 

己俾違忘的 BLOG, 好耐没有上過來寫日記了. . .

最近公司太無聊, 由返工上網上到放工, 係 yahoo 係咁睇人地d blog, 由第一篇睇到最近個一篇, 我覺得每一個blog就好似一本故事書咁, 每個人都有唔同的故事, 一篇一篇的看下去。最近主要圍繞睇d 香港女仔嫁去韓國後的生活狀況, 由些blog 友會寫埋佢地同韓國人相識的經過, 之後結婚, 過去韓國生活和工作的事。我好羡慕她們, 我都好想找一個韓國男朋友, 我都好想嫁過去韓國耶 ~

其中一個 blog 友係北京讀書, 識到佢宜家個韓國老公, 而佢同佢老公係以普通話溝通的。之後開始拍拖, 接著就嫁到去韓國, 現在她在韓國的學校教d 年青人學普通話。只要一放假, 佢就和佢老公四周圍去 (韓國國境內)。她很喜歡和佢老公周圍食嘢, 所以佢個 blog 介紹好多嘢食和餐廳, 還介整韓國菜添 ~

另一個 blog 友係日本讀書, 識到佢宜家個韓國老公, 佢地大家係用日文溝通, 而佢同佢老公拍拖 7年, 之後就結婚和定居韓國。

她們現在在韓國學緊韓文, 我從她們的 blog 知道更多韓國的文化, 有邊d 餐廳的食物好味？有邊d 地方好玩？而從她們的blog 看到韓國男人很細心, 一d 好細微的嘢, 佢地會留意到, 而香港的男仔未必會做到, 覺得她們很幸福耶 ~

我都攪不清楚到底我係鐘意韓國的男仔還是韓國呢個地方？hehe ~ 可能兩樣都鐘意吧!!! 

最近係咁睇呢d blog, 好似中晒韓毒咁 . . .

之前一直上不到這個網站, 所以係 yahoo 開左個 blog

http://hk.myblog.yahoo.com/s6-wing

我想日常生活的事件, 全部都會 post 係 yahoo 個 blog 到, 呢到就做我另一個秘密基地吧!!!所有秘密都會在這裡靜俏俏的分享吧!!!

心情不好, 真的好想食 lunch 時, 出去逛一逛, 咁啱 winnie 也想出去食, 所以今日我, winnie, iris 和 grace 一齊去了 apm 食 kfc。

我們差不多 1:30才買到食物, 因為 kfc 真的真的太多人光顧了。我們 4 個人認真夠瘋狂, 叫了超多食物, 因為 iris 話食 kfc 會帶給人一種開心的感覺, 所以我們就叫多d 嘢食, 來個 happy friday 吧!!!


你看我們多瘋狂, 兩張枱都放滿食物。iris 講得無錯, 食完 kfc 真的讓人有一種開心的感覺耶 ~

最後快樂不知時日過, 我們食到 2:15分先知道我們食到過時了, 最後食不下的, 就打包回公司了。回到公司差不多 2:30了。

P.S. 今日我們食 KFC 開 P, 也順便祝 Grace 手術成功 . . .

最近圍繞我身邊發生的事情都是不好的, 煩心的事情也特別多, 唔開心的情緒持續加温, 我需要一個人好好冷靜下, 就讓我做下自閉仔啦 . . . 所以最近這段時間都不要找我, 讓我一個人靜靜的去思考吧!!!

最近身邊為什麼我認識的人都死了, 俾古樹壓死的哪個女生, 她是我家庭醫生的女兒來的, 而另一個就是我中一的班主任也死了。好後悔為什麼我要這麼遲才知道 MISS 死了的事, 害我出席不到她 8月21號的葬禮, 好 down 好 down, 我需要冷靜冷靜 . . .

miss 你好好安息吧!!!我多謝我在中一時, 你特別疼我, 我. . . 好唔捨得你呀!!!

今日放工, 就搭 15號巴士去紅磡黃埔花園 join 雞皮和 carmen。由於我第一個到左黃埔, 所以我就去了 ua 換飛先, 因為之前我阿姐俾了三張免費的 <多啦 a 夢> 電影給我, 當作我的生日禮物, 而 carmen 又係多啦a夢的 fans, 所以找陪我一齊看, 而且我己經很久没有見 carmen 了, 對上哪次見面己經係一年前的事了。

換完電影飛, 她們也來到 ua join 我。我們原本打算去吉野家食下午茶, 點知下午茶 3點才開始, 我們就轉食 kfc 了。我們一邊傾一邊食, carmen 講她在返工時遇到的事, 我們聽完之後, 覺得現在 d 中學生己經唔同我們哪一代, 他們轉數好快, 而且還挑戰老師耶 ~ carmen 話有些學生還想追佢, 聽到我們 . . . but 令我最意想不到的係中學某個同學, 今年 2 月己經生了第二胎, 真是一個幸福的少奶奶呀!!!

食完 kfc, 就去戲院了。入到場, 點知唔係得好多人, 我想大約有 20幾名觀眾吧!!!電影開始了, d 卡通人物唔同左樣, 為一同卡通片同樣的只有大雄的老師了。我覺得整套卡通片有點似 <哈里波特>, 又係魔術, 他們在學校上課, 不是教一樣科目, 而是教魔術。哪部電影係某d位都有爆笑的情節, 全個電影院的觀眾都在笑。

看完電影, 我們去了逛商場, 由於 carmen 想逛 b+ab, 而 b+ab亦做緊 3折, 她話是掃貨的好時候, 我們三個人都選了些衣服試。其實我看中了一件背心長褸, 和一條連身裙。carmen 選了好多衣服試, 雞皮就一個 fitting room 試衫, 而我同carrmen 就係同一個 fitting 試衫, carmen 話俾個sales 笑我地一個 fitting, 其實我試一條連身裙, 所似試得好快, 由於 carmen 見我係 fitting 咁悶, 所以她叫我拿她的衣服試下, 哈哈. . . 超攪笑的, 她話我地唔一定要買, 試下又唔駛錢的, 最後我同佢係 fitting 玩左耐。最後 carmen 買了四件衫+連身裙, 而雞皮也買了一條連身褲, 我就好叻女忍到手, 一件都没有買回家。我們足足係 b+ab 逗留 2個半小時, 真的試衫試都不知時日過。

買完衫出黎, 己經 7點, 由於 carmen 約了人7點去灣仔, 但她依然堅持要逛 2%, 最後我們陪她逛埋 2%, 由於 2% 又做緊特價, 好多衫和裙是3折, 由於d 背心實在超平, 我們每人都買了一件, 即是係屋企粗著都抵, 哈哈。

逛到8點, carmen 就搭巴士過灣仔, 而雞皮就和我一齊坐免費的接駁巴士回土瓜灣, 接著再轉巴士回家, 所以我不喜歡去花埔花園個邊, 因為真的很不方便耶。最後 9點才回到屋企。

早上 7點 morning call, 不願起身, 没有想過跟大陸團都要這麼早起身。7:30落了酒店的酒樓揾導遊, 點知佢都未黎到, 我地一班團友不知坐在哪兒, 最後終於見到導遊了, 佢仲未訓醒, 之後酒樓的職員就帶左我地上一層的宴會廰坐。今朝的早餐認真麻麻, 食了少少, 8點就開始出發。

第一站 - 順峰山公園

這裡有一個大大的牌坊, 公園的設計都很靚, 與外國的公園没差啦 . . . 影了一輪相, 就上旅遊巴了。



第二站 - 雙皮奶 & 薑汁撞奶

我又想食雙皮奶和薑汁撞奶, 最後我和媽媽決定每樣叫一碗, share 食, 我碗雙皮奶好好味哦, 而媽媽哪碗薑汁撞奶, 我覺得薑味太重, 但媽媽覺得薑味 ok。最後媽媽還買了很多大良崩砂回來。



第三站 - 四海一家食 buffet

終於等到我想食的 buffet 環節了。lucnh buffet 的由 11點開始 至 下午 3:30, 好彩我們都能趕得切 11點去到四海一家。一下車, 門口就站了很多等候的人, 辛苦地從人群行入去真正的餐廳門口, 入到餐廳大堂, 看見很多食物, 又 sushi, 日式鐵板, 中式餸菜, 粥, 粉, 麵, 泰式食物, 意大利pizza, 印度式食物, 最後還有巴西燒烤式食物, 真是有各種唔同地方的食物。



我們很快就找了一個座位坐下, 接著就出去拿東西食。我首先拿 sushi 和大蝦回去食, 點知食了一口 sushi, oh my god ~ 點解舊飯超難食, 佢舊飯淋到一 pat pat, 總之没有咬口, 完全没有口感, 正常 sushi 的飯係一粒粒, 軟硬適中的。如果要我評分, total 有 5 粒星的話, 我俾 5粒星 (唔係好, 係 5粒星差) . . . 好彩我只拿了兩舊sushi, 最後我只叫 sushi 上面的北寄貝和熟蝦。

之後媽媽的朋友拿了巴西燒蠔回來, 而巴西燒蠔每人限排隊拿四隻, 於是我們各自食了一隻, 咬了一口, 很好味耶, 呢個係我食過咁多種食物之中最好味的一款, 接著我又出去拿第二碟回來, 點知她們不吃, 最後我 total 食了三隻蠔, 食到個胃開始有點不舒服, 我才休息一會, 轉攻其他食物。


最後我食了扇貝, pizza, 菜, 薯條和明治雪榚, 之後就食不下去了, 我想我個胃不是太好, 所以食唔到很多東西, but 扇貝, pizza 和雪樣都ok, 可以接受, 又唔可以話唔好味。

食飽飽, 1:30就係大門集合, 去下一個地方。

第四站 - 濠江鉅記餅家

我們每一個團友都想不去這個地方, 但導遊話這個團包這個地方, 如果我們不去的話, 他會俾公司責怪, 他叫我們上去逗留15分鐘就下來, 接著就去下一站, 最後我們都不想為難佢, 哈哈 . . .點可以令靚仔導遊受責呢？我們乖乖上去逗留 15分鐘左右, 就回旅遊巴了。

第五站 - 蜜蜂養殖場

落車後, 我們跟養殖場的職員入休息室聽講解, 沿途有d蜜峰在我耳邊 wee wee wee ~ 嚇死我了。媽媽話蜜峰唔會針人, 因為如果佢針人的話, 佢自己就等於自殺, 因為牠們針人後, 但死亡, 媽媽話牠們没有咁蠢, 所以叫我也不用害怕。



上車時, 發現旅遊巴車頭有頂好型的帽, 開頭以為是司機的, 點知原來是導遊, 團友叫導遊不要帶, 否則就好似明星一樣, 我都覺如果佢帶了這頂帽, 他真的很似明星耶 ~

靚仔導遊帶了帽後, 就會好似這個男仔一樣, 超級帥耶 ~


第六站 - 東蟲草養殖場

我們一班團友都不想去, 但這團又包這個地方, 我們避免難為導遊, 而且亦都是今日的最後一站, 每一個團友都下車, 跟著職員入休息室聽講解。這個職員的講解真的是一首催眠曲, 我們每個團友都昏昏欲睡, 聽完就即刻衝出休息室, 哈哈 . . . 完全没有俾面哪個職員。

之後我們就搭 2小時的車程回深圳。回到深圳, 導遊一路講解經過的地方, 同埋介紹哪兒食到最好的海鮮等, 時間好快就過去了。終於回到深圳, 各自回家了。

靚仔的導遊再見了 ~

今日早上 5點起身, 第一件事開電視看一看, 到底現在是幾多號風球？YEAH . . . 3號仔, 可以順利出發。

梳洗完後, 大約 5:30 落樓下M 記食早餐, 之後就坐車去九龍塘, 再坐火車去羅湖。今朝早上過關很少人, 所以 7:40分就過到深圳。去到深圳, 就去集合地點揾導遊, 點知導遊話我地係第一個最早到的團友, 於是我們等了一會兒, 媽媽的朋友也來到了。大約 7:40分等齊人, 就上車去南灣接埋其他團友。

今次這團有 48個人, 很多人耶 ~ 其實這次媽媽同朋友去旅行, 因為媽媽和朋友, TOTAL 得3個人, 所以特左佢一個, 佢就找我去陪佢, 其實我真是唔太鍾意返大陸跟團, 但媽媽話這團會去 <四海一家> 食 BUFFET + 住四星級酒店, 而且團費只是 309元, 超抵玩, 所以就做下孝順女, 陪下她去一個短線團吧!!!

重點重點 <今次個導遊超靚仔, 仲要靚過李小鵬, 真的超帥耶 ~ >

第一站 - 食乳鴿

早上 10:30 去到目的地, 早餐都未落格, 就話去食乳鴿, 開頭以為個團包埋, 點知原來不是耶 ~ 邊有咁數呀！要自費食乳鴿, 一隻乳鴿 25 元一隻, 而我, 媽媽和她的朋友只吃了一碗豆腐花, 碗豆腐花都 OK 好味。從自費乳鴿起, 我就開始覺得這團有點怪怪的。



第二站 - 參觀蒙古包

大約 11點幾去到, 之後參觀左一陣, 就入左蒙古包坐, 接著就有個職員拿了 D 馬奶俾我們飲, 我很好奇馬奶都底是什麼味道呢？本著勇死無大礙的精神, 飲了一口, 鹹鹹的, 但唔會有蘇味, 都可以接受, 飲了一口, 我就没有繼續飲第二口了。媽媽話難得有機會飲到馬奶, 要飲晒一整杯, 所以最後到飲了一整杯。

 馬奶

第三站 - 茶寨

去到目的地, 有一位穿了小數民族的姑娘 (拉姑) 帶我們四周參觀, 這位拉姑超攪笑, 她是雲南人, 所以不太懂白話, 她形容我們團友為一隻隻人, 而不是一個個人, 笑死我地一班團友。她講嘢真是地死又風趣, I like it ~


拉姑正在表演足桐舞

第四站 - 食 lunch

有 8 餸一湯, 但是d 餸唔太啱食, 最後只食了一丁點, 接著就出了餐廳門口買了一個小小的菠蘿來食, 超好味耶, 而且每一個都很香很甜耶 ~

同我們一枱的團友, 正一係八婆黎, 唔鍾意同她們同枱食飯, 一上菜, 她們就將菜轉到她們面前, 仲要夾晒d雞脾, 夾雞脾都唔緊要, 仲要每人夾定幾舊肉係佢地個碗到, d 肉都俾佢地夾晒, 最後轉到黎我們個邊, d 雞只剩返d骨多無肉的雞, 而且有兩個女人超八婆, 仲要嘈嘈閉, 真是超難頂。

第五站 - 參觀農業中心

呢個地方超悶, 逛了一會, 就入去休息室聽職員sell d 煲湯材料, 我坐了一會兒, 就和媽媽走出休息室, 到處逛。


在玩道具中 . . .

第六站 - 澳雪蘆薈養殖中心

呢一站係我最有興趣的一站, 聽完講解點樣種植蘆薈後, 我們就到休息室, 她們有蘆薈雪耳糖水供應, but 要 20元一碗, 由於媽媽叫我午餐無咩點食嘢, 所以叫我食一碗醫下肚。

這一站亦都是我最大的收穫 - 澳雪蘆薈 mask

呢盆就係蘆薈之中, 最值錢的品種

第七站 - 魔術表演

超抵能的木偶表演, 覺得呢個團超騙錢, 這樣也算表演嗎？之後總算有返d 嘢睇啦, 就係睇慣的切人表演 (即是一個人行入箱入面, 跟住個魔術師就係箱切一刀), 最後就黎一個近距離的魔術表演, 而且還要我們的團友一齊上台參加呢個魔術表演。哈哈 . . .尤於我坐第二排路口第一個位, 玩到第三個表演, 個魔術師想叫我上去, 好彩最後閃閃避避, 終於由第一排的阿叔上左去玩。魔術師表演的三個項目, 我覺得超神奇, 點解可以咁厲害的。

我覺得參加呢團咩都搶錢, 連睇個魔術, 都係咁, 到尾聲, 個魔術師話如果大家團友想學的話, 只要付 60元就會交一種剛剛表演過個魔術, 而且仲會附送所需的表演道具。

重點重點又黎啦 . . . <就係第二位靚仔又登場啦 ~ 個魔術師超靚仔, 真的真的很帥, but 都唔夠個導遊靚仔 ~ 嘩哈哈> . . . 哈哈, 遇到d 八婆, 個團點差, 有靚仔望返下, 都抵返囉, 呵呵 ~

第八站 - 四海一家海鮮家

頂 ~ 都唔係真正的四海一家黎的, 係一間酒家的物體, 今次 9 餸 1 湯, 白飯任裝, 今餐的菜都ok, 所以較中午食多左嘢。食完飯, 才 7 點, 之後就坐1小時車回酒店囉。

第九站 - 酒店

坐了一小時的車, 終於來到順德的酒店。

分房的時候, 導遊話佢住 401號房, 有咩可以去找他。有個團友 (40幾歲, 就係和我同枱的其中一個八婆, 未婚), 她叫導遊不用分房給她, 導遊就好奇問 <我唔分房俾你, 咁你訓邊呀？>, 個八婆就好攪笑咁講 <我訓你間房 . . . >, 個導遊即刻耍手擰頭, 話 <唔得, 如果你訓我間房, 咁司機訓邊？>, 八婆就話 <司機咁你要識做啦 . . . 個司機訓地下未得囉 . . . >, 玩左一輪, 我都唔係聽得好清楚, 只聽到個導遊話 <我唔做嫁> 大家都知講咩啦 . . . 呢個八婆連一個 20幾歲的導遊都唔肯放過, haha, but 講下笑, d 時間有好快過。

上到房, yeah . . .超正, 間房好大, 最重要張床超級超級大, 一張床可以訓到 2-3 個人, 真是任我轆。but 個洗手間就有點哪個, 竟然係全透視浴室, 好彩係同媽媽黎啫, 如果同男仔黎, 真是被看光光耶。最後媽媽發現浴室有 window 簾, 點知拉左落黎, 我坐係出面都隠約見到個人。我們真的入住四星酒店嗎？感覺似住汽車酒店一樣, oh my god ~


這一個就是我們的房間, 及透視的浴室了 ~

第十站 - 自由活動

我們 9 點, 就出去逛商場, 我們根據導遊的指示, 順利來到這個大型商場, 而且不只一個商場, 有幾個商場, 而且個商場很大, 很多東西逛, 個商場有點似九龍灣的德福廣場, 而且又乾淨 + 光猛。最後逛了兩個 supermarket, 買了一袋零食就回酒店。

原本媽媽的朋友想食宵夜, 但由於由商場行回酒店, 差不多要半小時, 我己經累到不成人型, 最後媽媽的朋友決定係酒店樓下的餐廳食粥, 點知叫咩無咩？最後都没有食到, 就回房休息了。

第二日行程待續 . . .