今日早上同媽媽落樓下食完早餐, , 塊臉開始有點敏感, 懷疑食完沙嗲牛肉面出事, BUT 都唔算太嚴重, 只是咀角附近紅了一點, 買完餸, 就坐巴士去銅鑼灣做 FACIAL . . .

約了12點做 FACIAL, 上到去, 個職員就浸了杯熱水俾我飲, ANDY 話 小敏遲了來到, 所以我們也要延遲, 她叫我坐係REST ROOM, 飲水和休息下先, 之後就入去換衫。

入房前, ANDY 幫我睇睇皮膚先, 她話我有一點敏感, 所以做香薰 FACIAL, 她話今次 AMY 會幫我做 FACIAL, 開頭我以為是香港人 AMY, 點知又是尼泊爾的 AMY, 超唔想俾佢幫我做。

入到房, 洗完臉, 她就幫我去角質, 呢些去角質的膏狀物體有些幼細的粒粒, 我FEEL 都有D 痛, 同塊臉有D 紅, 我叫AMY 輕力一點, 她問我 <你驚呀！>, 我話因為我塊臉今朝出現敏感, 所以輕力一點, 點知都係好大力, 跟住佢又拿香橙香薰油係咁幫我按犘塊面, 佢按摩的力度真是好大, 做完成個FACIAL, 我整塊臉紅到好厲害, 她就帶我去照鏡, 嘩 . . . 我望見鏡中的自己, 點解塊臉紅得咁厲害, 有D恐佈, 於是 AMY 就帶左我去休息區休息, 她拿了一D LOTION 給我搽, 之後她就出去CALL 另一D 職員, 其他職員睇到我的情況, 就拿左另一枝法國礦物收縮水噴了大量落我塊臉, 我坐了很久, 仍然很紅, 之後職員又再幫我噴第二次的收縮水, 又坐了很久, 終於無咁紅, 可以出得街, 於是就去換衫。

最後買左一枝洗臉奶和 JOIN 左一次試做彩光療程, 之後就去 JOIN 阿三和阿六了。

今日早上仍然掛著 8號仔, 個病好了一點, 個肚亦都無昨天咁痛。11點幾, 8號仔落波, winnie 就打俾我, 問我幾點返到公司好？又問我今日返唔返工？由於昨天她出了街工作, 所以不知道我昨天發生的事情。我建議佢2點先回到公司, 因為太早回到公司, 亦都未必有人開門。

媽媽話我同這間公司的同事的關係好好, 應該返工都幾開心, 我話同熟個d 咪關係好好囉 . . .

由於昨天醫生俾埋今日假紙給我, 所以下午繼續係屋企休息。

中午和 chris & winnie 一齊叫了外賣回公司食, 食完飯, 就去醫師度拿中藥, 拿完回到公司, 去完洗手間就開始飲個杯中藥。飲完中藥後, 隔了一會兒, 我就開始覺得個胃和肚痛了起來, 好不舒服, 於是就去了洗手間, 但點知痾不出來, 隔了一陣, 我就嘔了兩次, 很辛苦, 成杯中藥 + 加應子全部嘔晒出來, 整個洗手間都充滿嘔吐味, 真的很辛苦, 洗了個臉, 就回公司。在門口撞到小英, 她話我塊臉很青, 問我是不是不舒服？接著peggy 和 mandy 都話我塊臉青得很厲害, 連嘴唇都青埋, 問我是不是很辛苦？

原本打算忍痛忍到放工才去睇醫生的, 但最後痛得太厲害, 陳小姐打電話給我, 痛到我連電話都講唔到, 跟住 connie 走埋黎問我頂唔頂得順？係唔係好辛苦？如果辛苦就請假？iris 也很擔心走埋來問我情況 . . . 最後我堅持忍一陣, 看一看會不會好一點, 她們話如果我還是這樣痛下去, 就要告訴她們。最後我典黎典去, 最後痛到叫了出聲, 開始出冷汗, 她們話這樣下去不行, 叫我打電話俾屋企人來接我回家。於是我打電話給爸爸, 爸爸話工作中, 走不開, 爸爸話一陣再打俾我。收線後, angel 話幫我 call 了十字車, 叫我唔好走, 乖乖等十字車來 (傻眼耶 ~ 好似很誇張似的, 没有想過要叫十字車來送我去醫院), 但她們話我好嚴重, 成塊臉都青晒, 連個嘴唇都好青, 好嚇人, 所以她們不准我自行離去, 要有人陪我去看醫生, 她們才放心。於是我也只好等十字車來, 也打了一個電話告訴爸爸 <同事幫我叫了十字車送我去醫院, 叫他不用擔心, 等睇完醫生再打電話給他>等十字車來途中, 老闆拿了個 cool 褥給我躲在桌上, 而其他同事就走過來問我要不要飲水, 我己經痛到出唔到聲, 最後 connie 幫我一一代答。等了半小時, 十字車先來到, peggy 就同老闆講 <我陪埋阿wing 去醫院>, 老闆也批准了。

醫護人員幫我量心跳, 量血壓, 詢問一一情況後, 才安排我坐上輪椅 (不是一般普通的輪椅)上, 之後再幫我蓋上一張紅色的被, 才推我下樓, 第一次坐這在這椅子上, 感覺好似好誇張似的, 而 peggy 也拿埋杯中藥去醫院, 打算給醫生去檢驗, 她真的很細心耶。

第二次坐上十字車, 第一次躲在十字車床上, 之後醫護人員再幫我量多一次心跳, 血壓, 才開車。隔了一陣, 我就被送到聯合醫院, 下車後, 坐在普通的輪椅上, 而 peggy 就幫我去登記, 我就在分流區等候, 護士話我的情況是中度緊急情況, 需要在這裡等候5小時才可以見到醫生, 問我要不要選擇轉去其他醫院 or 繼續等候？如果我選擇等5小時, 哪我豈不是痛死在醫院, 晚上9點才見到醫生, 實在太耐了, 我等不到這麼久, 所以我選擇離開, 再去睇私家醫生。

peggy 幫我辨理退款手續, 之後她問我要去哪兒睇醫生？我話打算去銅鑼灣睇莊醫生, 我叫她回公司先, 但她不放心我, 她陪我去睇莊醫生, 她話打的過銅鑼灣, 我話不好, 因為好貴, 而且我剛剛躲在十字車上, 情況好一點, 肚也没有咁痛, 都可以坐 mtr 忍到去銅鑼灣, 之後我們就坐的士回觀塘地鐵站, 再轉mtr 去銅鑼灣。

去到北角一站, 我又想吐, 但是我們没有嘔吐袋, 於是 peggy 話轉坐的士去銅鑼灣, 我話不好, 因為我唔想行來行去, 我休息一會兒, 就無事了。之後再坐3個站去到銅鑼灣, 點知莊醫生搬左診所, 而我又不知道在哪兒, 於是打電話問 bovia, 之後peggy 幫我同 bovia 傾電話, bovia 聽到我的情況後, 就話黎接我, 叫我係 mtr 等她, 她帶我們上去診所。

上到診所, bovia幫我同護士講, 我剛剛係急症室出來, 好辛苦, 叫佢快d安排俾我見醫生, 但是我都等左個病人見完醫生, 我才可以進去見醫生。醫生見我行路行得很辛苦的樣子, 問我係唔係好辛苦？最後我要求醫生幫我打枝針止痛和止嘔先。醫生開了兩日假紙給我, 叫我多一點休息。

之後係診所等爸爸黎銅鑼灣接我, 而 bovia和 peggy 陪我坐在診所, 等爸爸來到接我, bovia 都覺得 peggy 好好人, 其實我都不好意思, 要她來陪我看醫生。最後爸爸來到, 我也叫 peggy 上車, 我們車她回九龍, 開頭她婉拒, 但最後我還是成功拉埋佢上車。其間公司同事又打電話俾 peggy, 叫她好快一點回公司, 不然會給老闆扣人工, 她對電話中的同事講 <我不回來公司嫁啦 . . . 扣人工咪扣人工囉> 接著隔了一會兒, peggy 又講 <扣人工重要, 還是同事重要, 如果俾我選, 我緊是選同事啦, 同事有事我唔可以拋下佢唔理, 我做唔到 . . . 扣人口咪又得佢扣囉, 我係都唔返公司嫁啦> (當時是下午5:30, 回到公司, 也夠鐘放工, 所以回公司也没有意思), 但我真的很感動耶 ~ 好多謝佢, 實在不知要如何多謝她才好 ~ 爸爸都話她很好人, 而且也很客氣

最後爸爸車她去西鐵站, 她搭車回元朗, 而爸爸就車我回屋企休息。這樣子我就很快過了一個下午了。

p.s. 中午在公司肚痛的時候, 我真是覺得有一種快要死去的感覺, 這種感覺真的有點恐佈, 但我没有驚, 只是好想佢快d 唔痛。

今日12:40分就去左公司附近的一間中醫睇醫生, 這間中醫之前某幾個同事都有睇開, 而且150元就有三服藥 (還幫你煲好所有藥), 所以幾抵睇, 所以決定去試下睇這個中醫, 希望醫好感冒。

個醫師話我喉嚨發炎, 感冒未清, 開三服藥給我飲, 飲完會好一點。醫師叫我3點上來取中藥。

之後就去左飯堂揾位, 等WINNIE 來。今日食了一個干炒叉燒河, 很好味的。

3點去取藥, 拿完藥後, 點知係附近餐廳撞到老闆, 於是我扮見唔到佢, 好快閃左返公司。

下午6點飲埋第二杯中藥, 己經覺得好飽了。6:30準時關機走人, 趕去巴士站搭車回學校。

今日8:30起左身, 之後9:30才出門口, 因為阿三約了我 10:10分, 又擔心遲到, 所以最後決定坐 mtr 去銅鑼灣 join 佢地, 點知我10點去到銅鑼灣, 她們還没有來到, 最後係 mtr 等到 10:30, 她們才來到, 之後就好快上去做 facial。

上到去, 首先沖涼先, 沖完涼, 就等 andy 幫我地安排按摩和做facial, 由於病病地, 所以成個人覺得好累, 今次又是尼泊爾藉的 amy 幫我通林巴和做 facial。她幫我按到大脾, 我己經覺得好痛, 佢話我水腫得很厲害, 所以才咁痛。按到差不多一半, 另一個職員通知 amy, 她的另一個客人己經來到, 於是amy 話幫我按摩完, 又另一個同事幫我做 facial, 實在太好了, 因為我都唔想 amy 幫我做facial, 因為之前她幫我做過facial, 覺得佢唔係好識做, 做到我塊臉又紅又痛, 所以另一個人同我做facial, 實在太開心了。

nichoal 幫我做facial, 但因為我唔知自己做邊一個facial 類型, 就問了她, 她問我想唔想做美白, 如果想做美白都可以幫我做？我話你幫我安排吧. . . 之後她就幫我做了香薰 facial, 做做下, 都累都訓著了。覺得 nichoal 好好人, 原本我個香薰facial 唔包針清的, 但佢都幫我針左幾下, 她真的很好人。

做完facial 覺得自己塊臉白左, 而且好明顯白左, 真的很不錯。做完 facial 係銅鑼灣逛左陣, 就回家了。 

今日放工就回家看韓劇 <你來自哪顆星>, 睇完電視就去午睡, 半天的假期就這樣過去了。 

唔開心的心情持續中 . . .

WINNIE 見我唔開心, 呢排靜左好多, 唔多出聲講嘢, 問我發生咩事？有咩唔開心話佢知？我就將我呢幾日唔開心的嘢話晒佢知, 好多謝佢, 講晒出來舒服了很多。她也很明白我的感受, 因為她之前也試過這樣子, 講講下, 流了幾滴眼淚, 不過没有給她發現, 她安慰了我一陣, 我心情也好多了, but 之後俾佢發現我哭了, 因為她話我雙眼有d 紅腫, anyway, 都好多謝佢的關心 ~

lunch 我, winnie, angel, chris和iris 去了好味皇食lunch, 傾了好多, 發現原來每一個人都想走, 只是走的時間又不同。

晚上6:45分走人, 我同winnie 先去觀塘廣場食了一些小食, 之後peggy 也過來join 埋我們。食完嘢, 我們就坐車入寶琳站, 由於時間有早, 我們就上了winnie 屋企。她屋企樓下的公園很靚, 而屋企大堂就好似酒店大堂咁, 好鬼靚。winnie 一開門, 佢隻狗 <波波>就好興奮, 好熱情跑出來, 我有一點被嚇到, 因為令我回想起以前小時候的經歷 (小時候, 爸爸帶我們上他老闆的屋企, 他老闆一開門, 隻狗就跑出黎, 係我腳下不停用牠的舌親我, 這個經歷, 令我以後都害怕狗狗), 我躲在門口唔禁入屋, 跟住 winnie 就抱起波波, 我先入到間屋。我坐在係沙發, winnie 放佢隻狗落地, 波波又走埋黎我附近, 但是牠今次無咁興奮, 於是我鼓氣勇氣, 摸下佢, 同佢玩左陣, 牠好攪笑, 牠好乖, 而且牠d毛色好鬼靚, 所以忍唔住手摸下佢, 最後 peggy 抱起牠一齊坐, 牠還在 peggy 腳上打喊路, 好鬼攪笑, 牠一d 都唔似係隻狗, 牠唔會狗吠, 牠會發出貓叫的聲音, 笑死我地。

之後 virginia 打電話給我們, 她來到將軍澳, 於是我們拿埋羽毛球拍下去接埋佢。我們等齊人, 我, winnie, 和 virginia 先去羽毛球場拿場, 而 peggy 就等埋grace 先來join 我們。原來將軍澳個室內羽毛球場咁靚, 個場入面有好多張好靚好新的藍色椅, 而且還有觀眾席, 我們三個人就開始打, 打左一陣, peggy 和 grace 也來到, 我們輪流打, 我 non-stop 打了半小時, 出了很多汗, 之後我就去了休息, 而她們就打到夠鐘為止。今晚我們只 book 到一小時的羽毛球場, 覺得如果可以打多一小時就好了。

我們打完波, 就去沖涼, 沖完涼, grace 就派她去日本的手信給我們, 收到一個好攪笑的電話繩, 真是好多謝 grace 哦 ~ 之後peggy 就帶我們食上海菜, 我們叫了8餸, 食到超飽, 到最後, 老闆娘話送一碟豆沙鍋餅給我們食, 因為我們食唔晒這 8 碟餸, 所以叫老闆娘不用送給我們了。

傾到10:45分, 我們就各自回家了。今晚出左成身汗, 做左d 運動, 同班朋友一齊癲完, 笑完, 之前唔開心的心情一掃而空, 感覺好了很多。

坐mtr 坐到鑽石山站, winnie 打了一個電話俾我, 問我回到家未？因為她話我今日都好病, 把聲好文, 驚我係回家途中暈左, 所以打電話問我回到家未。真是好多謝她的關心, 我没有事的。

今晚真是玩得好開心, 而且又有禮物收, 哈哈. . . 她們就好想快一點攪下一次的活動, 一齊玩一齊癲。 

今日病情嚴重了, d 感冒菌發晒出黎, 個頭很痛, 所以決定請病假, 好好在家休息, 明天才回公司再戰。

訓到9:30才起身打電話回公司請病假, 之後就和媽媽落樓下食早餐和買餸。接著才去樂富看醫生。

醫生見到我, 問我 <你好返左d 未呀？食左d 藥好唔好d?喉嚨仲有無咁痛？>

我話 <我食完d 藥, 但是昨天開始發晒 d 感冒出黎, 流鼻水, 咳, 頭赤赤咁, 但喉嚨己經唔痛了>

醫生話 <發晒d感冒菌出黎未好囉 ~> 接著醫生叫護士入來幫我探熱, 醫生又幫我量血壓。之後他又話 <你再打多枝針啦 ~ >

我呆左呆 <又要打針呀！>

他話 <因為d菌好厲害, 所以打枝針幫你清下身體入面d 菌, 同埋打針快d 好。>

於是我又入房, 被護士打針, 今次也是打 pat pat, 不過己經没有上次咁痛。

醫生問我 <你係邊到返工？>

我回答 <係觀塘>

醫生話 <咁我俾一天假紙你, 你回家要好好休息了。>

之後就等拿藥, 好彩今次d 藥水係稀, 唔是糊狀的藥水啦 ~ 係診所食完藥, 之後逛左陣吉之島, 就回家訓覺。

全日係咁訓訓訓, 訓左成日, 覺得好了點, 希望快d 好返啦 ~

今日起身頭赤赤的, 整個人很累, 還是決定上班去。

回到公司, 食完早餐, 食埋早後一餐藥。做到早上11點幾的時候, 覺得全身好熱, 頭赤赤到好辛苦, 好似有d 嘢壓住左個頭咁, 又有d缺水, 我己經大量飲水, 飲左幾杯水, 都是這樣, 塊臉超紅, 我的同事也被我嚇親, 於是我好快入洗手間洗臉, 但是也是這樣子, 她們話我可能發燒, 所以才這樣子。

全日不停在灌水, 飲到肚脹脹的, 12點幾的時候, 還在想要不要早退呢？之後去看看醫生, 晚上也不上學了, 但是又想請半日病假好蝕, 而且晚上不上學, miss 實會覺得我驚讀個篇英文文章, 所以才不上學的, 所以最後都打消請病假和不上學的念頭。

食完 lunch, 感覺好了些, 面部的紅己經漸退, 所以没有請病假的決定是正確。

6點關機走人, 點知俾 connie 叫住了, 她叫我找回一套文件出來, 再查下批貨d 總件數是否正確。查完出來後, 她叫我send 埋個email 先好走, 她叫到我部電腦關機了, 於是她就話等她來send, 我就立即趕去巴士站, 搭巴士返學。

回到學校己經 7:30, 回到學校, 才發現我今朝早買的面包竟然留在公司, 忘記放落袋。miss 今晚記得我要再讀多次哪篇文章, 當我讀到一半的時候, miss叫我拿部手機出黎, 於是我就拿出來, 我以為她叫我讀多一次, 再幫我錄音, 之後聽返自己讀得多爛, 點知原來才不是耶 ~ 一班同學又開始起哄, 在記論為什麼要拿手機出來給她？是不是要没收電話等等似的 . . . 原來miss 係想拿我部手機錄音, 但讀的人不是我, 而是miss 讀完整篇文章, 叫我回去好好練習。

原來我部電話最長只可以錄2分鐘, 跟住小敏就拿佢部機俾 miss, miss 錄完之後, 小敏再send 返俾我。點知 edith 就拿佢部手機過黎, 放係我耳仔旁邊, 係到播返 miss 剛剛讀個篇文章, 當時我正在和小敏聽緊小敏部手機錄音的效果, 佢的行為真的有點嚇到我, 咩事呀？第二個文憑兄, 好驚呀!!!接著我耳邊就播著兩篇快慢版 miss 讀的文章。miss 見到 edith 的行為, 叫佢快d坐返好, 又話嚇親我, 我真是有點被她嚇親耶 ~ 我相信佢好有潛力做第二個文憑兄, hehe . . . 佢認真夠騎呢耶 ~ miss 叫佢出去 board (白版 - 即是黑版)寫返d answer 出黎, 他寫錯了, 竟然用手抺去d answer, 他試過幾次也是這樣子, 最後miss 也睇唔過眼, 告知他可以用抺錯擦抺去寫錯的東西, 他才使用抺錯擦, 否則他就一直用手抺去錯字 ~ 認真騎呢 

放學個時, 我們又上演五個女生迫 lift 事件, 而今次我們是7個人迫入細細的 lift 入面, 認真體驗到她們的經歷。

今日是父親節, 而舅父今天要上班, 所以媽媽叫了表妹表弟過來飲茶。我們10點行落黃大仙嘉年華酒樓揾位, 等左1個多小時, 才有位子。我們叫了些點心等表妹來, 但她們真的很漏氣, 12點打去她們屋企, 她們還未出門口。我食完藥覺得很累, 好想她們快d 黎到, 隔左陣, 終於黎到, 她們見到我咁辛苦, 就勸我早點回家休息, 最後都是頂唔順, 自己一個回家繼續訓覺。

下午去了美心食了一個下午茶, 之後媽媽想去逛花園街, 於是陪了她出去逛一會兒。媽媽買了兩件衫, 她亦買了一條連身裙給我。

晚上就好努力做功課。

今日原本和媽媽返大陸, 點知落很大雨, 媽媽話不想回去了, 所以也留在香港了。起身覺得喉嚨很痛, 所以決定去睇醫生。

醫生話我喉嚨發炎, 而且很紅, 還要打針添。之前我腸胃炎看過這個醫生, 腸胃炎令我很辛苦, 我叫他幫我打枝針, 他都不肯幫我打, 因為他認為不嚴重, 所以不會隨便幫病人打針。而今次竟然要打針, 我想我喉嚨發炎應該很嚴重吧!!!

入到另一間房打針, 我伸左隻手出黎, 點知個護士話打 pat pat, oh my god ~ 點解會打 pat pat 嫁  開始有點驚, 因為好耐無打過pat pat, 我記得係小時候打過 pat pat, 之後全部都是打手臂。如果打手臂, 我就不會害怕了, 因為我可以看見佢打落黎個下, 係碼有d心理準備, 但現在打 pat pat, 我看不到她落針個一下, 所以有點驚。打到落肉個時, 痛到飛起, 真是好鬼痛。

這次看醫生只是 200元, 媽媽話好抵, 又打針又有藥食, but 當我拿藥時, 見到枝黃咁咁的藥水打左個突, 為什麼會黃色的藥水, 而且是哪種很溶似糊狀的藥水, 覺得這枝藥水實很難入口。

看完醫生, 陪媽媽行左一陣吉之島就回家休息了。由於打針 + 食藥的關係, 整個人都很累, 全日覺得靈魂出 hill 咁, 不停係咁訓訓訓 ~

今日lunch 叫了外賣回公司, 一班同事就一齊坐在 show room 食飯。

我們聊起 grace 今個星期六就出發去日本了, 而 iris 又話佢己經訂左機票去巴里島, 而 angel 又話自己去歐洲, 覺得她們就好, 可以去旅行, 真令人羨慕不己。我問 iris 下一站打算去哪兒？她不知道, 我叫她去蘇梅島,

接著 angel 就話 <不要去耶, 個度之前發生了海嘯, 死左咁多d, d 水有菌耶>

我話 <不會吧 . . . 己經隔左幾年, 咩菌都死晒, 應該無事的>

她接著又話 <你的諗法錯晒, 我男朋友隔左半年, 去了海嘯附近的地方玩潛水。回到香港後, d 皮膚生左一粒粒嘢, 仲要生到全兒都係, 醫左一年都未醫好, 所以千祈唔好去。等多10年以上去就穏陣, d 菌實死晒>

最後大家都敷衍應左一聲。

之後大家的話題就轉左 <楊天命預測>, iris 講原來楊天命算得很準。因為楊天命係上年出版的批命書裡, 批今年4月會發生四川大地震, 而且真的應驗左, 所以現在很多人都找她上年出版的批命書。iris 話書入面講到這次四川大地震的傷亡人數都不算慘重, 最慘重哪次會在農曆8月份, 上海和北京會有<天火之災>, 還會死很多人, 死得多過四川大地震。希望不要再應驗了, 一年死咁多人, 真的很慘耶。

之後話題又轉到天氣, lion 話今年持續三星期每天落雨之多, 而且今年冬的日子係多過舊年, 她話這個是厄爾黎落妹妹的現象, hehe . . . 未聽過厄爾黎落都有妹妹, 她講過 <厄爾黎落妹妹> 的名稱, 但我己經不記得叫什麼名字了。她話厄爾黎落會出持續出現三年, 之後就輪到牠妹妹出現三年, 兩者之間亙相交替出現。angel 就問 <會不會有第三種現象出現呢？>, lion 回答 <不會有第三種了, 除非我地對地球真是做好嚴重的破壞啦 . . .

今日食飯的對話內容, 真令我獲益良多。

早上一回到公司, 首先打電話到工廠, 詢問昨天有問題的貨, 司機開車未？點知10點幾, 司機仲係惠洲關口, 要等報關文件一出, 才可以開車。這樣實趕不及下午2點前送到 forwarder 的貨倉, 於是我就打電話給 forwarder, 希望再次拿到 late come。其實這批貨的截倉日期是昨天下午5點, 我己經拿 late 拿到今日下午 2點, forwarder 話己經俾到最盡, 没有得拿 late come, 所以現在打電話去給她, 好似乞丐向 forwarder 乞d late come 回來, 我都不抱著很大期望, 若果 forwarder 不俾 late come我, 我打算用錢解決這件事。我墾求了很久, 覺得自己做到好卑微, 要人施捨這種感覺不好受, 開頭 forwarder 企硬, 唔肯再俾 late come 我的時候, 我 wee 爛晒面子, 死纏難打, 苦苦哀求, 終於 forwarder 肯俾 late come 我, but 只可以拿到下午5點。總算放下心頭大石。 

今日lunch 和winnie 去了飯堂食 <干炒牛肉炒烏東>, 超好味的, 這裡的炒粉面都很有鑊氣, 而且也很便宜。

我和winnie 什麼都聊, 感覺很好, 由同事的關係升級到好好好朋友, 好開心係哪間公司識到一班志同道合的朋友。

食完飯, winnie 想去萬寧買東西, 於是我們就行了去apm 的萬寧。

下午, 我再打電話問運輸 <昨天有問題的貨, 司機係關口開車未？>, 還是未開車, 3點幾, 運輸又打電話來, 終於係關口開車了。司機很高速公路下來, 希望趕得切入倉, 不用賠飛機。

最後貨入倉後, forwarder 打電話來, 她將我批貨轉左下水船, 因為我2點前入唔到倉, 所以d 散貨貨櫃己經安排好, 没有櫃給我們, 哪我就不理了, 反正我批貨今日入左倉, 個客問起都可以話我地係準時交貨, 而只是船公司安排唔到船俾我們走貨。