今日星加坡舅父和舅母坐早上 9:30的船由澳門出發黎香港, 我們一家人10:30去到中港碼頭, 他們差不多 11點才出來。之後爸爸就車我們去深井食燒餓。我跟這個舅父和舅母不是很熟, 但舅父話我去星加坡個時, 有同我玩過, 但我己經唔記得有這件事了。我們聊了很久, 原來舅父, 舅母, 2 個表哥都好勁, 舅母因為工作的關係, 所以來到澳門出 trip, 她們明天早上就由澳門飛回星加坡。

舅父這次來澳門的來回機票, 只不過是港元 1500元, 真的超便宜耶 ~ 原來他也是坐 jestar, 他告訴我有時星加坡訂 jestar 機票來香港, 來回機票只是星幣 18元, 真的超抵耶 ~ 也問了他一些由星加坡去 kl 的事情, 他話星加坡有很靚的豪華巴士去 kl, 只不過是 3小時就去到 kl, 他話他試過 "才查" 車經 highway 去 kl, 只不過是 2.5小時, 真的很快耶, 他話如果坐火車, 1小時都不用, 就可以到 kl 了 ~ 還以為要坐很久才到。他叫我下次去星加坡可以住他家, 但是和他們不是很熟, 所以到時去星加坡先算啦 . . . haha

食完飯, 我們就帶他們去深水埗食 <松記糖水>, 接著就帶他們去買麻雀, 個老闆一聽到他們的口音就知道他們是星加坡人, 果然勁!!!個老闆話星加坡的麻雀多 4 隻動物的麻雀, 所以香港賣的麻雀就没有個4隻動物, 我叫老闆俾個電視框俾我們, 個老闆只肯幫我們挑個 4隻動物的麻雀而唔收我地錢。最後老闆俾了 4種動物的圖案給我們看, 讓我們自己選鍾意的來挑, 最後我們選了 <貓>, <雞>, <老鼠>, <"琴拒"> . . . 多了這4種動物唔知點打呢？下次過去星加坡真是要同d 親戚打下麻雀, hehe . . .識多一種打法。

之後陪他們去花園街買手信回澳門給舅母的同事, 舅母想買一些地道的食物, 我叫她買老婆餅, 她話澳門見過有得買, 想買另一些地道食物, 我實在想不到有哪些食物方便他們帶回去, 而食物又不會變壞及唔好食。最後弟弟想到花園街好出名的餅店, 於是就帶他們去買。

由於他們買了 4點的船票回澳門, 所以我們在花園街逛到 3:30就回去拿麻雀, 之後爸爸就車他們去中港碼頭了。他們這次來香港, 真的很倉促, 所以没有很多時間帶他們四周圍走走。他們臨走前, 還叫我去星加坡的時候, 記得要早一點打電話給他們。 

今日星加坡舅父打來, 他們到了澳門, 他打算明天坐船過來探我們。

早上和媽媽, 弟弟落樓下食早餐, 之後就陪媽媽去買餸。買完餸, 就陪媽媽去鑽石山廣場逛, 係屈申示買了一樽 body 磨砂膏, 打算今晚磨走腳底的死皮。

下午就打 ndsl 和 訓覺, 這樣就好快過了一天。晚上就做全身摩磨砂, 做完後, 全身都好滑和潤耶, 感覺滿不錯的, 以後都要 keep 住做全身磨砂 ~

今日12:40分, 我就同 Virginia 和 lion 一齊落樓買 mcdonald's 餐, 由於好多個同事要我們三個人幫她們買埋, 所以我們才獲得批准咁早下去買 mcdonald's 餐, 加上大老闆 + 太子爺 + G.M. 去了歐洲出trip, 所以我們呢排食飯早出晚歸也没有問題, 哈哈 . . . 完全作反

買了mcdonald's 餐回到公司先 1:12分, 我們一班人就入左show room 開p, 大家一路食, 一路講開狗經, 她們講把狗拿去結紥的事情, 點知佢地好快轉到講人, 我還以為仲講緊狗, 問了一些狗結紥後的問題？ . . . 之後就引發一輪笑話, 實在太好笑, 好愉快就過了一個 lunch。

下午 peggy 走去超級市場買了 "哈緊帶 s" 的雪榚杯回來, 她還請了我食一杯雪榚, 真是多謝佢。隔左一陣, connie 又叫我試下 d 麵飽, but 最後被我拒絶了。之後我講緊電話的時候, 小英又遞了己批好皮的蘋果俾我食。係呢間公司做, 咁樣食法, 真是肥死, 所以每個女仔入到呢間公司, 都肥了很多, 我看看自己的肚腩越黎越大, 就黎夏天啦, 一著短袖衫實將肥肥的身型暴露無為的, 我不要耶 ~ 

今日同 Virginia 提前慶祝生日, 我們決定去 apm 食元氣。12:45分我和 peggy 首先去元氣拿位, 我點了一些 sushi 等她們來, 1:15分左右, mandy, virginia, iris, grace, winnie & chris 也來到。我們點了很多 sushi, 食到好飽, 點知到最後買單, 好貴呀!!!睇黎之後 lunch 食飯要慳返 d 先得。

放工準時走人, 先去提錢, 再行去牛頭角巴士站 join 阿六返學校。我們 7點幾回到學校, 我們首先到二樓交學費, 之後阿六就上去四樓找職員蓋印。交完學費差不多 8點, 我們就行返太子 join 阿大和 阿三。去到太子雲南過橋米線餐廳, 己經有位了。我們四個人點了一個特大碗米線 + 一碟菜 + 五隻雞翼。米線來到後, 發覺唔夠食, 於是再叫了一碗米線。點知雞翼來到, 只得三隻, 個職員唔肯換返俾我地, 又唔肯幫我地改單, 態度極為差, 於是阿大同佢理論左一返, d 職員先肯同我地改單 + 換返 d 雞翼俾我地。阿大真是阿大, 果然勁!!!but 最後換回來的雞翼, 卻是加料雞翼 . . .

食完飯, 阿大走先, 而阿三和阿六就陪我去睇錶。我們首先逛潮特, 看中了一隻 seiko 的黑鋼錶, but 要 3980元, 實在太貴了 ~ 還是在看看其他款吧!!!之後逛了一間精品店, 還買了一個超可愛的散紙包, 算是今晚的收獲。逛了整個潮特, 都找不到鍾意的錶款, 之後去了信和逛。

去到信和, 逛了幾間錶行, 其中有間錶行的 le 黑鋼錶很靚, 很合眼緣, 試載上手後, 感覺也不錯, 於是就同佢講價, 佢只可以平 80元給我, 最後我決定回旺中看一看有没有這款黑鋼錶。

回到旺中, 没有這款黑鋼錶, 只好等多一排, 等旺中有貨才買吧!!!

今晚真是辛苦阿三和阿六陪我逛街, 多謝你們哦 ~

由於兩個負責開門的阿姐昨天決定今天請病假, 所以她們交了公司鎖匙給我。今天我的任務就是早一點回公司開門。

下午學校打電話給我, workplace english 開了一班中班, 問我要不要報名？我得價錢合理, 覺得自己的英文又唔好, 要繼續進修下先得, 而阿三和阿六也決定報名, 我們又再次成為同學, 哈哈, 請多多指教。

下午又繼續上網睇人用大機影的相, 有個女仔用大機影花, 拍得很不錯, 我都希望可以用大機拍出一系列美美的照片, 我要努力, 加油哦!!!

今日早上同舊公司的台灣同事 cher 傾了一個上午msn, 她問我 msn photo入面哪個男生是不是我的男友？大家都知道我返工時, 用邊張msn photo . . . 我話我都想佢係我男朋友, 哈哈, 有個咁靚仔的男朋友, 都不知幾錯。她話佢 out 左, 唔識這個台灣明星, 哈哈. . . but 佢好攪笑話是我男朋友 . . .

放工, 回到家食完飯, 我就和家慧一齊搭小巴去上堂。今晚得9個學生, 因為太少人, 所以 miss 走了, 只得阿sir 教我們。我今日遲了去到課室, 所以見唔到miss。今日阿sir 教了我們很多個新動作, 有d很難做, 但有d 就好容易。後半部份, 主要都係企起身做某d動作, 感覺很容易。

放學後, 阿 sir 正準備離開, 我就拉住左阿 sir, 因為今晚我有一個任務, 就是要幫阿三問阿sir 和miss 新一季課程會在哪兒教？同阿sir 傾左一陣, 我話我有d fd 都想跟佢學, 而我和家慧都想跟返佢地學, 阿sir 話我地好俾面佢, 哈哈 . . . 之後仲發現佢同miss 唔是夫妻, 擺了烏龍添, 之後我們就同阿sir 一齊落樓了, 各自回家。

今晚同家慧講了我舊公司的同事以為尊是我的男朋友, 她不停係咁笑, 她話她都想尊做她的男朋友呀？哈哈 . . . 實在太攪笑了。

回到家樓下, 我和家慧在公園聊了一會兒, 才回家。

 大老闆, 太子爺和GM 展開為期10幾日的歐洲之旅, 所以我們今天開始好鬼FREE。

Lunch 我提議食 plazz hut, 大家都贊成, total 11個同事, 我們叫了兩個餐 + 兩條面包。點知d食物黎到, 發現好少食物, 唔夠食添, d 同事就話下午再食下午茶。我們一班人係show room 食, 超開心的, 老闆唔係到, 我地就作反 ~ 哈哈

到3點幾, d 同事開始叫肚餓, sandy 就買了一打蛋 tart 請我們食, 有d 同事唔夠食, 仲叫埋糖水, 勁 ~

呢排我都没有嘢做, 只好上網睇下嘢, 今日俾我找到一個網站, 教人用大機影相的技巧, d 內容好簡單易明, 我睇睇下, 好似明左少少嘢, 好想回家拿部大機試下, 我有一個衝動就是拿著部大機周圍影, 但部機始終都唔是我的。始終都有點避忌, 只好等下次細佬休息, 先同佢一齊入離島 or 其他地方影相。

今日lunch 自己一個去了觀塘廣場食大快活, 因為呢排叫外賣, 食都厭了, 所以出去走走吧!!!食完飯, 還去了apm 扭了一盤小假花裝飾物回公司, 之後還貼在枱上。d 同事還以為這盤盤哉是真的, 哈哈 . . . 當她們知道是假的, 還讚這飾物好可愛 ~



準時放工, join 埋阿六出太子, 她陪我逛了一陣花園街, 就去找埋其他人。原本我們今晚打算到 <pancake> 食飯, 點知每人要叫一個餐, 所以我們最後決定食元綠。

今晚食飯, 主要是阿大, 阿三&阿六俾返d手信給我們, 多謝你們的手信哦 . . . 我很喜歡哪個大頭娃娃, 很可愛, 我最鍾意可愛的東西 ~ 之後她們講她們這次旅行的經歷, 尤其是哪條人妖街, 我和阿五都 get 錯左d 嘢, haha . . . 好攪笑, 下次有機會, 都想去哪裡見識見識。

食完飯, 她們就陪我去旺中睇錶。我想買一隻黑鋼錶, 但款唔多, 最後試了一隻白鋼錶, 但覺得怪怪的, 因為好少見人帶白綱錶, 加上我隻手又白又粗, 如果帶白綱錶, 咁咪顯得我隻手仲粗。我最想最想都是買黑鋼錶, 因為見到人帶黑鋼錶好型, 好想買黑鋼錶耶 ~ 睇唔啱, 之後係旺中逛左一陣, 點知俾我撞到公司的大話精, 我覺得佢應該是見到我, 但我没有去叫佢。之後我們就各自回家了。

今日好早回到公司, 太子爺和小英己在公司研究咖啡機點用, 這部咖啡機可以沖出唔同種類的咖啡, 真是勁!!!可惜我唔飲咖啡, 我飲完就會想嘔+ 頭暈。

早上拿份文件給太子爺簽名, 他問我<你今日係唔係塗左香水？>, 我話 <係!!!>, 他笑笑的話 <呢隻香水好香呀！>, HAHA, 阿三真是無介紹錯。

Lunch 自己一個去了apm 食kfc, 排了20分鐘才買到餐, 食完就係apm 逛了一會兒, 就回公司了。

今日阿姐請了上午假, 有d 擔心佢唔做, 得我一個, 我實攪唔掂。

返到好, 好無精神做嘢, 係咁望住份 guideline, 但是望極都望唔入眼, 唔知遊左去邊。

lunch 和維珍, iris, winnie, chris, grace 和angel 一齊去了金飯碗食煲仔飯, 超好味的, 食完飯, 傾到 2點先回去office。

今日回到公司, 己經有昨天在大陸食春茗的相睇, d同事放係 serve, 咁啱今日帶左手指, 就過埋落去了。

放工準時走人, 原本今日要上yoga, 但因為真的太累, 如果再做yoga真是頂唔順, 還是乖乖的回家休息。好彩工聯會的課程也不算貴, 如果太貴, 付了錢, 又不去上課, 很浪費耶 ~

今日好興奮, 到底發生什麼事？就是要回大陸食春茗啦 . . .

今日早上回到公司, mandy 第一件事就對我講 <今日11點上去啦 . . . >示意我要快d 完成手頭上的工作, 準時出發。10點幾, GM也回來公司了, 我們還以為他一早己經在工廠了。於是他話和我們一齊返大陸, BUT 12點先由公司出發, mandy 不答應, 最後與 gm傾好12點前出發。但最後我們還是 12點出發。

我, connie, 小英和winnie首先行去apm的車站, 之後等埋 mandy, 維珍, grace, angel, peggy 就一齊搭 277x 去粉嶺火車站。我, 維珍和winnie 在巴士上打戰ndsl, 我們玩mario 的奧運game, 我地三個笑得好大聲, haha . . .  阿姐話我地玩到忘晒形, 嚇親其他乘客添。我們首先在粉嶺某個商場食完 lunch 才上大陸, 我們去了食上海嘢, 超好味, d 食物大大碟, 食到好飽。

我們 2:20分就行入粉嶺火車站, 出發去羅湖了!!!未試過咁大班同事一齊過關, 覺得今日勁似學校旅行咁, 好開心。過到關, mandy 話要去洗手間, 小英就帶她去, 而我們就站在羅湖商業城的大巴站等她們回來。回來後, 我們等了一回兒, 就上了惠州的大巴。我, 維珍和winnie 繼續ndsl 大戰, 我們玩了<mario 賽車>, <太鼓之達人>, <右腦之達人>, 好快就到了惠州。

之後工廠的秦經理開了一架 16人印有大陸工廠名的小巴黎接我們。原本秦經理話車我們到酒店先, 但mandy 話我想參觀工廠, 於是秦經理才車我們去工廠。差不多到工廠附近, 我看見馬路旁邊有好大塊工廠的路牌指引牌, 嘩 ~ 真是勁!!!整到間廠好 pro 咁。

入到工廠 d 工人放晒工, 工廠己經無咩工人, 哪時己經是下午 5:30。秦經理帶我們上office 先, 於是見一下大老闆先, 我們就開始參觀, 我們上到車間, 我勁想影相, 個場面好壯觀, 但是佢地又趕著走, 我趕不切來影相。最後一張相也没有影到, 好可惜。

之後有架面包車, 車d 同事去酒店, 公司己經有10個同事擠左上車, 没有位, 我, grace, winnie, angel 只好搭下架車出酒店。去到酒店, 好彩 connie 幫我擺左個位, 否則我就要跟大陸工廠同事坐。因為香港一班同事好有經驗, 如果同大陸同事一齊坐, 他們成日會隊你飲酒。最後 sandy 話坐迫 d, 叫 angel, winnie 和grace 一齊坐埋過黎。

7點先開席, total 有19席。今晚d餸認真 . . . 唔掂, 唔明白點解酒店入面d酒樓都會咁, 最正常和好味只有 <鐵板牛肉>和<炸慢頭>。今晚好多人來我們枱敬酒, 我今晚只飲可樂代紅酒。原本太子爺要幫我斟紅酒, 我話我個杯己經是紅酒 (其實是無氣的可樂, 個樣勁似紅酒) 可以騙得下人, 哈哈。

食到晚上 9點, 工廠同事開 16人小巴車我們回深圳過關。我一個人坐在後排, 架車超 dum, 我一邊聽歌, 一邊睡, 點知司機開得太快, 我撞左去前面張椅, 個時全車都關了燈, 而我就用手提燈看一看, 維珍就在此時望後, 佢就大叫, 好驚呀!!!佢話鬼呀！作死呀！我話是我啦 . . . 佢話我好嚇人, 燈照埋塊面, 勁恐佈 ~ 經過她這一鬧後, 太子爺就開始講開鬼故來, 嚇到小英飛起。但我没有理會, 繼續聽音樂。

回到深圳,  過完關, 一大班同事一齊搭火車走。我和connie一齊係九龍塘落車, 我們就一齊搭的士回家。回到家, 差不多12點, 沖完涼, 我再追看今晚的 <同事三分親> 和 <最美麗的第七天> 才去睡覺。

今日短週不用返工, 早上和媽媽去了上海舖食早餐, 就陪她去買餸。

下午在看<布拉格戀人>, 真的很好看。看完打了陣機就出去join 阿六, 因為我們今晚要看小豬的演唱會。我們約了5:15分在九龍站等, 之後就在圓方這個商場逛, 但這個商場買的東西都很貴, 最後什麼也没有買到。我們6:30就去地鐵站入面的m 記買餐, 由於m記好細, 我們就拿走去商場入面食。食完後, 我們就行去會場了。

點知這時很大風大雨, 我們打算折回商場的萬寧買雨衣, 點知萬寧無得賣, 只好跑回地鐵站 7仔買, 點知7仔賣晒。最後我們行去會場了。我們經商場, 再過馬路就到會場, 只是需要5分鐘的時間, 但d police 圍住條馬路唔俾我地過, 實在太過份了, 哪時己經 7:40分了, 而這個演唱會是在 7:30舉行, 我們趕不切了。之後 police 要我們搭免費巴士過會對對面, 由於大多人的關係, 我們等了一陣才上到車。落車後, 又要走一大段路才入到會場, 這個場地實在超唔掂, 安排又差。

我們終於到左人口, 有職員在派雨衣, yeah ~ 太好了, 我們不用淋著雨看演唱會了, 入到會場, 己經見到 480元個區好多人己經人左場, 哪時己經8點幾, 個show 開始啦 . . . 好想快d找到座位, 我們四處找, 找了一段時間, 才找到我們的座位, 看不到開幕的少部份, 最衰都是個大會安排 . . .

小豬一開場就跳舞, 佢跳舞真是好型呀!!!冧死人啦 . . . 之後他還坐上雲梯作一個近距離的接觸, 但距離我們都是很遠。

接著他就邊唱邊跳郭富城的 <狂野之城>, 我們一班觀眾一齊跟著唱。

其中一 part, 小豬和鋼琴掉在空中, 他實在太帥啦, 他彈鋼琴, 而我們就一齊大合唱 <自我催眠>, 唱到一半, 他就和我們一齊唱, 個氣氛超好 ~

這個演唱會, 小豬也不忘發揮他的攪笑功力。他邀台下一個fans 上枱一齊唱歌, fans 上到台,

小豬就問 <你幾多歲？>, fans 話 <16> (但佢個樣唔似, 勁多人噓佢)

小豬話 <你16, 我20, haha . . . >

之後小豬就用英文問個 fans <do you know me? haha . . . i know you know me, do you know my song？>, fans 回答 <i know you and your song>

小豬笑著繼續問 <where are you come from?>, 全場的人一齊笑, 之後小豬就和fans 坐在大心心的氣墊sofa 唱 <好朋友> 一曲, 歌唱完後, 他們還抱抱, 全場的人又 v wa 咁叫, 抱抱都唔緊要, 小豬叫個fans 鍚自己, 這下全場的 v wa 聲更大 . . . 看見眼火爆

小豬還唱了 <show time>, <我不會唱歌>, <戀愛達人>, <灰色空間>, <一枝獨秀>, <機器娃娃>, <精舞門>, <幸福獵人>, <幾分> . . .

小豬很關心我們, 叫我們要著住雨衣看他的演唱會, 不然太會擔心我們會感冒。他講他很擔心今日的演唱會, 但他見到我們今日咁支持佢, 佢表示希望在來香港開6場, 7場, 8 場, 9場, 10場, 11場, 12場的演唱會 (咁我實會再去看你的演唱會哦 . . . ), 他又開始攪笑咁講英文 <today are you happy?>, 佢講左一連串的英文, 接著後面的dancer 係到笑, 佢就串 d dancer <你識講英文嗎？你的英文也不見得比我好？> 個dancer 無聲出, 我們一大班觀眾一齊發出笑聲。

最後的一首歌是 <Twinkle>, 他問我們有没有帶白色手套來？只有一部份人帶來了, 他叮嚀明天來看演唱會的朋友一定要帶白色手套來, 如果没有帶, 他就會去我們家找我們。他攪笑的說 <小豬來我家, 我不用去看演唱會囉, 小豬來找我耶, 還可以跟他拍照。到時候就没有一個人來演唱會, 所有人都待在家中等小豬來, haha . . .  開玩笑的啦, 你們明天一定要帶來哦>

之後小豬就教我們跳舞, 他說 <如果不做的人, 會行衰運哦, 而且會衰足一年哦, 要不要做, 你們自己想囉 ~>, 全場的人都跟著做, 没有人想行衰運, 全部人都乖乖的跟著跳舞。我們重覆做了4-5次, 之後他還檢查我們做得正不正確, 最前排有些觀眾做得不對, 他說 <你不懂就要出聲, 我們會再教你做一次, 你上來, 我教你~>, 接著好多人舉手話不識做, 小豬話 <是不是很想上來, 我來教你呢？haha>, 之後小豬檢查完畢, 他最後叮嚀, 一陣他唱這首歌, 唱到 <Twinkle Twinkle Can't you see Need you need you but let you go> 這段, 我們要做回之前他教我們做的動作, 不做又會行衰運囉 ~ haha, 我們就開始和他一齊跳舞了, 全場都超high 起來, 他的演唱會真的很棒, 會讓每一個觀眾都參與在這次演唱會中, 他的show真是一場good show

今晚的演唱會真的讓我很難忘, 大風大雨看演唱會, 與小豬一齊跳舞, 一齊玩, 好似參加跟party 咁, 唯一不足, 就是没有營光棒和太早完場。下次小豬在來香港開演唱會, 我實會去支持你的。面

個show 10點就完了, 時間實在過得太快了, 覺得唱唔夠, 好多人都叫安歌, 大會就重覆3次播完結的話, 最後一個講普通話的女生講這次的演唱會真的完結了。我們才依依不捨的離開。

回到家, 沖完涼, 看了一陣電視才去睡覺。今日真的很累


著粉紅色的衣服就是小豬了

今日真是無嘢做, 我看客人的guideline打發時間時間直到放工, 好彩呢幾日有幾位姐妹陪我 msn, 如果唔是實悶死我啦 . . .

今日下午3點 now 新聞台播肥肥葬禮的安排, 由於老闆和太子爺呢幾日都不在公司, 我們一班同事可以出reception 看電視, 看見欣宜消瘦, 一路哭一路講媽媽的身後事, 看到我和一班同事都哭了, 欣宜真的很慘呀！如果我是你, 我想我也没有這麼堅強。

下午布行發仔會上來公司, 他上來前問我們要食什麼下午茶？他買上來給我們食, 最後我們選了買 1 盒意大利 tomato + 1 盒dont nurt。

我和 connie 都選擇食 tomato, connie想試我件蛋榚, 於是我們兩個 share 黎食, 黎左呢間公司做, 成日都食到 tomato d 蛋榚, 真是肥死囉, 我諗我黎左呢度做, 肥左好多磅 ~ 

 今日早上大廈有舞獅表演, 舞獅會去到每一個單位採青, 最衰唔知道今日有舞獅表演, 如果唔是實帶相機回公司。

早上 P&C 的外國人來了開會, 他們見到有舞獅表演, 他們個個都拿著相機拍照, 對中國人傳統大感興趣, 我也用手機拍了幾張照片。



Lunch 我和winnie 去m記買套餐回公司食, 順便幫其他同事買回去。

放工就立即回家了, 食完晚飯, 就去上課。今日miss 俾了一張 yoga 的進諧班的報名表格給我們, 而夏季的課程亦都開始接受報名了。我想跟返呢個miss學yoga, 但是見進諧班, miss只教下午, 我們要返工, 都返唔到學, 於是我打算yoga 的初級班算了。

今日miss 教了幾個很難的動作, 大部份都要用腰力去做, 做完條腰和手臂都很累。落左堂, 我們就搭小巴回家了。

今日早上 8:38分, 肥姐病逝, 聽到呢個消息很難過, 由細過看著她的電影長大, 最鍾意就是 <富貴迫人>這一套電影了。肥姐走左, 欣宜好慘。我永遠都不會忘記這一個令我值得致敬的藝人