今日早上覺得唔舒服, 一直在煩惱到底今晚去不去上 YOGA 課, 加上今晚 CHRIS 和家慧約左我在上課前去食飯, 又不知道找什麼藉口推掉。

LUNCH 前, 太子爺拿了一些他在加拿大買回來的朱古力給我們食, 那些朱古力很好味, 食完心情也好返 D + 有返 D 精神。今晚上課的事可以考慮考慮 ~

LUNCH 專登飲熱華田, 感覺好很多, 又多返左D精神 + 心情。下午覺得好了點, 還是去和他們食飯 + 返學吧!!!其實之前家慧打算約我清明節出來玩, 但因為今個 4 月要花很多錢, 所以我對她說明如果清明節出來, 哪我今晚就不來食飯。她很想我兩日都出黎同佢玩, 於是最後她叫我今晚一定要出來食飯, 而清明節的活動就取消掉 ~ 所以今晚的飯局是推不掉的 ~ 加上今晚 CHRIS 話有些說話想告訴我, 所以 . . . 要出去食飯 ~

放工我先去 <七喜小廚> 找位, 我們點了3個餸 + 1碟炒面 + 1煲雞粥, 每人都是 50元。我們一直聊一直聊, 聊到 8:45分, CHRIS 叫我們去上學, 買單走人, 但我們正進一深一步話題, 所以家慧話不想去上課, yeah . . . 正合我心意!!!我們決定今晚上演逃學威龍, 不去上課了。

我們聊多了一會兒, 老闆好似趕我地走, 因為好多人等位, 於是我們只好買單, 就去了九龍城機舖打機。今晚玩了好幾款遊戲, 最好玩都莫過於槍戰, 玩完槍 game + 太鼓之達人, 隻手己經好累。玩到 10:30我們就走囉 ~

我們送了 chris 去巴士站, 我和家慧就行去東頭村搭巴士回家了。

由於昨天晚上搽了藥膏在大腿上, 所以今朝起來雙腳没有痛, 只是個 pat pat 痛。

早上9:30起來, 和媽媽落下食完早餐, 買完餸, 就回家了。下午就一直午睡, 很久都没有試過訓了這麼多了。由於下午訓得太多的關係, 所以晚上竟然睡不著, 直到零晨 3 點先訓。

今日起床天氣很好, good ~ 哪今天就可以和同事去踏單車啦 . . .

1點 angel 叫virginia去執showroom, 於是我就幫virginia執showroom, 執到 1:40分先走人, 之後我, peggy, virginia & iris 一齊去了觀塘廣場大快活食完lunch, 先搭車去大圍 join grace & winnie。

在大圍等齊人後, 我們買完防曬油 & 水後, grace 就帶我們去租單車。下午4點我們就開始由大圍出發。一開始的時候, virginia一見到前面有單車 + 落斜+ 過欄 + 上斜就好驚, 她踩下停下, 進度實在太慢了, 於是grace就在她後面擔當魔鬼教練一角, 督促她要不停咁踩, 唔可以停下來, 否則我們實趕不切 7點到大埔交車的。

我們沿著城門河一路踏, 還經過馬場, 看見馬場入面有個牌寫著 600, 再踩前d, 就會再見到 400, 再踩前一點, 就會再見到 200。馬仔經過馬場踏單車, 感覺很奇妙, 尤其是經過 600, 400和200的牌子時。今天踏單車的感覺很好, 很不錯耶 ~

離開了城門河, virginia 有進步了, 她己經不在怕前面太多單車, 而且還識避人了, 以我們現在的進度, 應該趕得切去交車了。

我們踏到去某一個地方, 見到有富豪雪榚車, 於是我們停下來買雪榚食。食完雪榚, 繼續向大埔進發。我們之後踏到去科學園, 就停下來拍照。這個科學園的風景很不錯。



之後我, virginia 和grace 就係度玩跳起, 而peggy 和她的朋友幫我們拍下一些超攪笑的照片。

1. 首笑是三個傻笑的人先 . . .


2. 我和virginia 著地囉, 此時grace 先開始跳起 . . .


3. 我和virginia 著地, grace 先升起 . . .


4. yeah . . . 成功的一張相, 大家的 post 很一致, 一齊升起來囉 . . .


5. 成功著地囉 . . .


6. 我跳起擺了一個 v 字手勢, 而 grace 和virginia 的 post 好攪笑, 仲咩好似條引體上升的蟲咁的. . .


玩完一輪, grace 就話我們要趕路回大埔囉 . . . 之後我們不停咁踩, 踩到去大埔一個公園, 停下來休息了一會, 我們就去還車。當中還發生兩次失散記, 最後都揾得返d 同伴。

我們遲了少少交車, 好彩個老闆無 charge 返我地附加費。之後winnie 帶我們上一個裝修得好靚的街市, 我們上到去圖書館個層找洗手間, 我們一行人, 係洗手間沖完身 (手 + 腳), 就落去街市個大排檔食飯。grace 帶我們去了一家 <三小姐> 的大排檔食海鮮, <三小姐> 令我諗起阿三, 阿三下次我們可以一齊由大圍踏單車入大埔, 再去你的舖頭食飯, 哈哈 . . . 我們叫了 <椒鹽九肚魚>, <豉椒炒蜆>, <半隻雞>, <椒絲通菜>, <xx 壤豆腐>, 6罐可樂 + 6碗白飯, 買單只是每人 54.5, 超抵食。





食完飯, winne 帶我們去超級城逛, 我們 6個六仔, 去了 sasa, 屈申士, 萬寧睇指甲油, 最後每人都買了一枝指甲油。逛完街, 我們又去食甜品。



食完甜品, 我們就行去太和搭車回家了。

今日 lunch 打算去 apm 看看 birkenstock d 拖鞋, 今日iris, virginia和 winnie同我行去 apm 食飯, 我12:50分就行去apm food court 找位, 好快就找到一張四人枱等她們來。等了她們很久, 差不多 1:25分先黎到apm, 我們好快各自去買嘢食, 差不多 2點先食完, 心想實没有時間去睇鞋。點知 iris 都想去 birkenstock 睇波鞋, 於是我們食完飯, 就好快行去睇鞋。試過幾對, 都不合心水, 而且款又不多。當我試密頭鞋的時候, 她們話覺得著呢 d 鞋會影得隻腳好大, 我都覺。之後就試了一隻兩扮紅色的拖鞋, 她們覺得我著這對很好看, 她們話我隻腳很白, 著紅色好好睇。hehe . . . 又是紅色, 己經有紅色頸巾, 紅色褸, 紅色毛巾質地拖鞋, 只是久未有紅色的牛仔褲 . . . 其實我鐘意的顏色都幾廣, 有紫色, 海藍綠色, 紅色, 粉紅色, 黑色, 呢幾款顏色都是 my favourite。

昨天睇了一集 <太極> 覺得蠻好看的, 於是今晚繼續追看 <太極>

今日 winnie 生日 - 生日快樂哦 . . .

我們一班人決定去飲茶。12:50分我同 peggy 首先行去拿位, 之後 chris, iris, grace, virginia 和主角亦都黎到。我們叫了一個六人餐, 還叫了很多點心, 原本 mandy  都黎, 但因為運輸 lunch 來收貨, 所以她最後没有來到。我們點了很多點心都食不晒, 飲到 2:15分先買單走人, 好彩太子爺去左加拿大一星期, 而大老闆不在公司, 我們才可以這樣放肆。

下午阿三問我要不要買 birkenstock d 鞋？因為她打算到德國訂鞋, 於是我們幾個下午就一直睇 birkenstock 的網站, 看看有没有心水的鞋款。

晚上第一次看 <太極>, 覺得這一集很好看, 但之前播了很多集都没有看過, 現在差不多到大結局才來看。

睇完電視就繼續上網睇 birkenstock d 鞋, 找了二款的鞋款及花紋最為合心水的。等明天 lunch 再去 birkenstock 再看看。 

今日身體覺得好了點。

今日是 joanne 生日, 所以一班同事 (我, connie, peggy, mandy, sandy, kiki, suki, tweety, angel 和主角) 打算請她去陶源飲茶。我們飲到 2:15分就閃人了。好彩太子爺去了加拿大, 而老闆亦都不在公司, 我們才可這樣放肆。

下午超多嘢做, esprit 要寄 sample, total 打左 30 幾份 sample 證, 真是打到想死。好彩都趕得切放工。

晚上覺得自己身體 ok, 於是就和家慧一齊去上 yoga, 當做到一半的時候, 我己經有點想嘔, 於是忍著忍著, 很隨便去做一些動作, 最後終於忍到落堂。家慧見我唔舒服, 勸我明天如果也是這樣就不要去上班了。多謝你的關心, 我無事的。

今日早上肚痛到醒左, 之後就痾左一次, 痾完後, 就再上床休息多一會, 最後到好肚痛, 決定去樂富看醫生, 好彩這間公司睇醫生有得 claim, 自己只是付幾十元就可以睇醫生。換著以前的我, 肚痛我是不會看醫生, 只食成藥就 ok, 但現在不用花很多錢就可以看到醫生, 當然去看醫生會比較好一點。

由於太耐都没有巴士, 於是就行路落樂富, 等了很久才可以見醫生。醫生話我是腸胃炎 (may be 食左d dirty 食物, may be 有外感而引起的腸胃炎), 仲有喉嚨發炎, 醫生問我要不要假紙？我話不需要啦 . . . 

拿藥時, 護士小姐給了一個紙杯 + 4粒藥丸, 要我當場食晒所有藥丸, 於是我一次過食晒4粒, 覺得自己好叻女呀！haha . . . 從來未試過一次食咁多粒藥丸, 藥丸有大有少的。令我回想起我以前小時候, 看見嫲嫲一次過食 8-9粒藥丸, 覺得她超厲害的。

之後食完藥, 就去左吉之島的 food court 食粥, 食完就坐車回家了。回到家睡了一會兒, 食完午飯, 洗完碗, 就繼續午睡。到晚上精神才好一點。

2008年 3月21日

今日下午等埋細佬就一齊返樟木頭, 今日超多人返大陸, 我們3點過到深圳, 坐 3:40分的火車回樟木頭。到了樟木頭, 先陪細佬去食下午茶, 之後就回家了。晚上去了大家樂食飯。

2008年3月22日

今日早上去了金豪食早餐, 食完早餐, 我們就去逛電腦城, 然後再去小肥羊附近的煤氣公司交煤氣費, 點知此時下很大雨, 我們二個都没有帶雨傘, 好彩一出門口就有面包車, 我們好快跳上面包車就回家了。

1點幾, 由於我們没有雨傘, 所以我們也坐面包車出去食飯, 我們決定找一個地方, 又可以食到飯, 又可以不用四處淋雨找雨傘, 這個地方就是百佳了, 又有大家樂, 這樣就會方便很多了。

這是在大家樂樓下的小朋友嬉水池, 好似好好玩咁, but 太大雨没有小朋友玩


我們買了兩把雨傘, 之後我們決定去 APM 逛逛, 這個商場是新開的。但是我們只逛了幾間商舖, 没有實質行人去。



之後我們經過食街去天和百貨逛, 途中經過一間糖水舖, 這間舖頭是新開張的, 我見很多香港人入去食, 於是我們就決定入去試下, 我點了一碗椰汁黑檽米, 很香很好味, 這間舖頭D 糖水很不錯, 下次可以再黎食。

逛完天和就回家了。晚上我們去了新都粥城食飯, 這間餐廳的食物認真唔得, 打死都唔會再去。食完晚飯, 我就去了hair salon 都洗頭, 個洗頭妹超唔掂, 係咁sale 我用 d package, 我係咁強調我只要洗頭就 ok, 以後我再也不會去這間salon 洗頭。

回到家, 個肚一直痛, 我想是食了新都粥城不乾淨的食物, 我下次都不會去光顧這一間舖頭。

2008年3月23日

今日早上去金豪食早餐, 之後我就去找阿冰幫我畫甲, 10元畫甲, 真的很便宜耶 ~



畫完甲, 就回家。到 1點幾, 我們就去天和幫媽媽買東西, 接著去了茶廰食三文治, 就回家。下午5點幾開始執行李, 6點幾出門口, 細佬話想去大家樂食鐵板餐, 我們食完飯, 就行去搭大巴回深圳了。

今日己經痾了三次, 好彩搭大巴個時, 個肚只是痛了一陣, 忍到回家。明天真的要去看醫生才可以。

今日小英話我d皮膚白左, yeah . . . 好開心, 而且她話我年輕左, 又問我幾多歲？我叫她估下, 她好認真話我同 virginia 差唔多, 應該 21 or 22, yeah . . . 好開心, 年輕左 2-3年, 我話因為我呢排勤返用護膚品洗臉, 所以才白回來。

早上貿易處打電話來, 我之前寄sample 用錯form, 之後我再後補的 form 又有一點問題, 於是她要我下午 2點前上到貿易處補資料。原本小英幫我去, 但她要上大陸, 於是只好自己去。問過 connie 可不可以早一點出去食飯才出去？connie 12:15分就放我飯, 我在好味皇食完 lunch 差不多 1點, 見時間有早, 我可以去太子逛一陣, 於是就搭mtr去太子。

在花園街逛了一會兒, 差不多 2點就行去貿易處, 後補返一些資料後, 就過了旺中看看錶, 錶行老闆娘話我之前在信和睇中的哪一隻手錶, 是一間行拿 le 的牌子炒其他款出的, 而這間行己經禁止出售這款錶, 所以她們不會入貨。聽完老闆娘的說話, 我就覺得如果係假的話, 我就唔太想買了。

 今朝早9點幾就被媽媽叫醒, 要我起身陪她去買米, 我們食完早餐, 就去買餸, 之後去 wellcome 買了一包好細袋的米, 接著就去百佳買兩袋 8公斤的米。今朝早我就搬了兩袋16公斤的米回家, 由於昨晚太晚回家, 再要搬米, 所以覺得很累 ~

下午3:30開始訓晏覺訓到晚上 7:30才起來食飯, 訓完覺, 成個人精神晒, 未試過訓一個咁長的晏覺, 晚上睇完 <最美麗的第7天> 就訓覺了, 點知下午訓得太多, 導致晚上睡不著, 一直聽音樂聽到 1點幾才去訓覺。

今日放工回家, 看完韓劇 <布拉格戀人>, 就和家慧一齊搭 89 巴士入沙田, 之後就轉接駁巴士入白石 bbq 場, 下午 5:30就入到去, chris, chris 的女友 (樹熊) 和 chris 的一班 fd 己經到左, 隔左一陣 raymond 也到了。我, 家慧和 raymond 在附近逛了一會兒, 哪兒的風景不錯, 有沙灘, golf 場, 還有人放風箏 & 踏單車, but 呢個場真是好僻。

6點都未開始燒, 我, 家慧, raymond, mon, 華華就開始玩起 uno, 玩到 7點, raymond 就要趕回市區食公司春茗。我們大約 7:30先開始燒, 今晚分了兩個爐, total 有 21 個人, 真是好多人 . . . 之後阿南就開始我們這一爐一路燒一路玩 <真心話大冒險> 這個遊戲, 共11 個人, 玩玩下, 開始進入深入的問題, 我選了兩次真心話, 第一條真心話還 ok, but 第二條真心話就超尷尬, 跟住知自己的說話好 hurt 一班男生, d 男生話好傷心 . . . 之後他們話只可以選二次真心話, 第三次一定要大冒險 . . .當我問到阿平選真心話還是大冒險的時候, 他選了大冒險, 於是我弄一些就惡作劇, 叫他問第二枱爐女生的名字, 而哪枱女生是我們不認識, 我選了最靚的哪枱女生俾他去認識, 己經對他算不錯, but 他很害羞, 他話如果唔做會點, 家慧就叫佢露兩點跑兩個圈, 最後他還是選擇了去哪枱女生個度, 他扮玩狗為名, 之後就開始和哪女生交談, 我們一班人就開始起哄, 接著他只問了狗女的名字, 哈哈 . . . 都算他過關啦 . . . 我這個大冒險都算大整估 ~ 哈哈, 如果不整佢, 哪就不算大冒險啦 . . . 覺得這個遊戲超好玩的, 令我聯想起 <流星花園>, 杉菜和朋友玩真心話大冒險, 她們要走去另一枱 show 內衣褲, 這個我設計出來的大冒險, 算是小 case 啦 ~

之後我們就玩左另一個玩法, 抽牌抽到最大就要接受大冒險, 而自己是不可以知道自己的牌, 只是看到別人的牌, and then 就一班人就開始商議一致的大冒險。阿南就提議 <與異性 kiss>, 一班人都 accept, 因為唔想諗建議, 所以我也 accept . . . but 我這個決定真是做錯了。輸的人是阿邦, 之後我們5個女仔就要再抽牌, 抽到最大個隻就要和阿邦一齊接受這個 kiss, 而我們抽牌前, 一班女仔傾好 kiss 是 kiss 在哪一個部份, 我 suggest 手背, 個個女生都 ok, 接著就抽牌了, 我和阿 mon 都抽中了  <2>, but 我隻牌是大過阿 mon, 為什麼偏偏選中我!!!!我同 <2>字咁有緣都唔是咁嫁 . . . 最後俾阿邦錫左手背, 還影埋相添, 我諗係我之前惡作劇阿平, 現在得來的報應!!!

呢個 game 玩得咁激, 阿 mon 和華華都唔玩了, 她們坐了去第二個爐, 剩返我, 家慧和阿柱的女朋友這三個女生, and 再加入了幾個男生一齊玩, 玩多一輪後, 我和家慧都没有事, 而這次只是罰抱著異性 30秒, but 他們還是再玩, 我話這個遊戲對女生不公平, 之後我們就没有玩了。

燒到 10點幾, 我們影完大合照, 就坐的士回馬鐵, 再轉巴士回黃大仙, 阿南提議一齊去食糖水, 於是我們 7個男生 (阿南, 阿平, 阿明, 阿柱, 豬腰, 何生, 阿邦) + 3個女生 (我, 家慧, 阿 mon) 去了九龍城食糖水。食到 1點, 我和家慧就去搭 5c, 點知等左好耐都没有車, 我們就走路回家了。回到家差不多 2點了。



俾人親手手, 仲要俾人影埋相添 ~

今日 lunch, 我, grace, iris 和 winnie 一齊去了好味皇食飯, 我同佢地講香港 12後再没有冬天, 我地幾個都好唔開心, 因為我地幾個都好想有冬天。之後聽 iris講, 宜家唔知邊一個國家己經計劃將 d 水運去月球, 同埋築一個沙漠, 叫做唔知咩咩 <撒哪方洲>, 之後運晒 d 人上月球, 但是d 同事話月球其實得好少氧氣, 佢地講到好似世界未日, 我再想如果真是世界未日, 咁全個地球 d 人死左, 咁死左之後又會去左邊呢？是不是去了宇宙呢？靈魂在宇宙飄下飄下呢？我同阿三講這件事後, 她話我看得卡通片太多了。我覺得宜家 d 人想找地球以外的地方 for 將來居住, 我覺得好似叮噹入面的 22世紀星球, 建一個好先進的國家, 唔通這個叮噹的故事係真的？將來我們會住在星球 . . . 我想香港有冬天, 我唔要一年四季都是夏天, 我不要耶 ~

今日太子爺己經開始將某部份同事的電腦轉新機, 我幫 peggy 裝了 msn, 而她亦幫我塗指甲油, 我們在扮演真人版的上班偷懶 game 入面的主角, 哈哈 . . . 超攪笑的, 覺得宜家同班同事的距離拉近左, 我們現在還打算舉辨一些活動, 一齊去玩。

下午就一直上網找行山的路線, 看哪一些路線較識合初學者行, 因為 4月打算和一班姐妹去行山, 所以找定一些資料。在綱上看到, 很久之前行山的某一個地方 (鹽田灣) 條橋己經換一條新的橋, 真的有點想去看看, 好懷念去行山的日子, 好開心的 ~

今日放工後, 我先行去 apm 等 winnie 和 peggy, 等齊人後, 我們就去了 <napoleon>買化妝品, peggy 買了很多化妝品, 而winnie 介紹我用這個牌子的潤唇膏, 個 sales 俾左 d 我塗上唇, 覺得好潤, 我也買了一枝潤唇膏。我付錢的時候, 簽信用咭, WINNIE看見我的簽名, 佢話同我個人一樣, 我話咁即是點呀？我唔明 . . . 佢話一樣 Q, 好攪笑, 俾人讚 Q, 之後 PEGGY 又附和, VIRGINIA 和 Peggy 都覺得我個人很 Q, 又話 Virginia 覺得我講嘢好攪笑, 我諗返起之後在舊公司都俾 supplier 讚我可愛, 但是覺得宜家咁大個人, 仲俾人讚 Q, 覺得怪怪的 ~ BUT 都好開心的, 俾人讚 Q, 咁即是我心境都好年輕, 哇哈哈 ~

之後 WINNIE 就和她男朋友去食飯, 而我和 peggy 就搭小巴出旺角, 她陪我上旺中看看之前睇中的黑綱錶, 哪裡有得賣未？還是没有, 於是我們就去了食粉面。食完面後, 我就陪她去眼鏡 88 配 con, 由於她的眼睛敏感, 所以視光師叫她配 one day con, 最後她配了兩個月的 one day con。之後 peggy 仲好好人, 幫我問個視光師拿個眼鏡盒和眼鏡布, 因為之前 levi's 的眼鏡盒和布都不見了, 所以諗住親 peggy 去配 con, 順便問佢盒個眼鏡盒和布。個視光師都好好人, 佢問我想要咩眼鏡盒, 我話只要裝到幅眼鏡就 ok, 我對呢一方面唔是咁講求, 只要放得下眼鏡的都 ok。

之後我們去逛潮特, 其實我好鍾意 seiko 的黑鋼錶, 於是 peggy 叫我試帶下, 於是我們就走人去商舖試帶, 個 sales 好攪笑咁, 佢叫我唔好買 seiko 的黑鋼錶, 佢話呢隻錶宜家炒價黎, 唔抵買, 睇下另一隻 seiko 平 d 的錶, 佢話個 d 抵買 d, 呢個 sales 好攪笑, 叫客人唔好買貴錶, but我都睇唔啱, but peggy 就買了一隻 seiko 的錶送給她弟弟。

逛到最後, peggy 今晚大豐收, 買了很多東西, 我們之後去逛信和。她覺得我睇中的 LE 黑鋼錶唔靚, 她叫我唔好買個隻, 不如買 AGNES B 個隻黑鋼, 最後我們只是去看錶, 我什麼也没有買到, 她就要回家。於是我自己一個人去了兆萬逛, 因為想買耳環, 個老闆娘都認得我, 佢問我今晚咁晏先黎的？之後同佢傾左一陣, 我亦買了三對耳環, 就搭巴士回家了。

P.S. 今晚終於只知我兩個阿姐不和的原因, 因為是和我有關係的 ~

今日我和 grace 去了上樓的飯堂食lunch, 這間飯堂是之前 catherine 帶我去的, 這間飯堂的炒粉面好好味, 所以就帶 grace 去食。

與 grace 傾開, 問她知不知道 angel (grace 的阿姐) face book 寫辭職這件事？原來她一早己經知道, angel 是當面同 grace 講, 而 chris (agnel 和 grace 的阿姐) 都知道這件事, grace 覺得佢好攪笑, 通常唔做都會係唔想俾人知, 而佢就周圍同人講佢想唔做, 而且 grace 話佢講左好耐, but anyway 佢做唔做都唔關我事 ~

食完飯, 就同 grace 去 7仔行左陣先回公司。

晚上回家, 媽媽叫了外賣 pizza, 食完之後, 我就同弟弟拿部 d80試下影相, 當拿起相機後, 我原來唔識教光圈和快門, 而之前在網上學的淺景深, 都影唔到這個效果出來。唉 . . . 原來網上睇人教學和自己拿住部相機個一刻, 完全是兩回事, 在網上看得明怎樣拍攝, 但拿相機個時, 又不知怎樣才拍到哪些效果, 真是要慢慢研究怎樣才可以影一輯靚靚的照片。

玩左一輪, 就趕去上課了。回到課室, 只見3個同學, 好少人哦 . . . 是我太早來到課室, 還是真是咁少人來上課呢？開始上課了一會兒, 家慧都來到, 今晚只有 7 個學生, miss 也没有來, 呢幾堂 miss都没有來, 我想佢己經全權 pass 俾阿 sir 教。今晚阿 sir 過黎推我個身向前, 禁我個上半身到地下, 兩邊腳根斷左咁, 超級無敵痛, 救命呀!!!之後阿 sir 又走過黎, 我同前面個同學坐起來, 怕他又要推我們, 哈哈 ~ 最後阿 sir 都無迫我地做。由於我和家慧做 yoga 的位置是全班最後個一排, 所以阿 sir 做某些動作的時候, 我們看不清楚, 我和她一樣做錯動作。阿 sir 就企起我同佢面前講 "你地兩個聽住我指示去做 . . . ", 此刻我覺得我同家慧好似接受軍人訓練一樣, 超攪笑的 . . . 聽著阿 sir 每一個指示, 而去做出 yoga的動作。

落堂後, 在巴士站撞到阿 sir, 之後經過羽 sushi, 又接到 rita, 今晚放學撞到好多我地識得的人。

呢排都好鬼得閒, 哈哈 . . . 所以可以係 office hour 來補追日記, 一黎可以打發時間, 二來俾人感覺好似有嘢做咁, 哈哈 ~

今日 lunch 同 virginia, grace, winnie, tweety, iris, angel, chris 去好味皇食, 由於唔夠坐, 所以我們分開了兩枱, 我和virginia, grace和winnie 坐一枱, 其他人就坐另一枱。今日 virginia同我講, angle 的 face book 的 info 寫想辭職, 又話佢阿姐追問佢知唔知道呢件事, 又問virginia呢件事係唔係真的？太子爺, gm 都 add 左angel 個 face book, 我地諗如果真是走, 就唔會咁樣做, 通晒天俾人知, 我覺得佢放風話想唔做, 其實是想加人工, 況且angel 都未做夠一年, 我唔信佢唔做。

今日阿三同我講去 kl 的機票, 宜家特價 99 港元, 真是抵到爛。我在想, 如果星期六日, 連多一日紅日假期, 自己請假一天, 咁樣就可以來返一個 4天3夜的 kl 行程, 加上機票咁平, 我想 3-4千元就足夠去這次的旅程。晚上同媽媽講起這件事的時候, 她都話好抵, 她話阿三可以過去多幾次, d 機票咁平, 真是超抵去。