阿婆打算入表妹家住一星期。

下午在家睡了一整天, 真的很累。屋企人個個都返夜, 所以今晚只好自己一個落樓下上海舖食晚飯。食完飯, 就趕回家看8點鐘李克勤主持的哪個節目。其實我覺得星期日晚播的節目都很好看, 7點的傑出華人, 我都覺得好好看。之前覺得10點做的茶煲阿四無咁好看, 但最近看了一集, 覺得這套韓劇都幾攪笑, 所以現在都有追這套韓劇。

今日早上太子爺開咪宣佈有無同事有興趣跑渣打馬拉松, 是真的要落場跑個隻, 而不是去加油打氣的哪種參加。没有人理佢, 佢想我們陪佢一齊去參加, 但是没有人想去跑步, 佢還問了二次, 但是都是没有人要參加。

公司不太忙, 同家慧和chris chat 了很久的msn, d 時間就很快過去了。

lunch 叫了外賣, 食完飯後, 就同peggy 一齊去銀行入票。見時間有早, 我們就去apm 的扭蛋舖, peggy 擰了兩隻, 我没有合心水的, 之後就回公司了。

昨晚部ndsl 打到没有電, 而差電器也壞了。今日lunch 打算去觀塘廣場看看有没有差電器賣。

今日lunch 打算去觀塘廣場食, 係大快活撞到 grace, 原本grace 己經排隊拿外賣, 但看見我, 我就叫她一齊食。同佢傾傾下, 唔知點解講開旅行的事, 原來她也去過星加坡, 她話星加坡個邊有個島, 是沙灘來的, 佢話超靚。原來grace 好勁, 識玩衝浪, 睇唔出佢咁文靜, 都會玩呢d。佢還約我夏天一齊去沙灘玩。hehe . . . 我話我只是識玩跳浪, 唔識玩衝浪的。

食完飯, 她就陪我去買 ndsl 差電器。connie食飯前, 也叫我幫她看看ndsl 差電器, 於是順便幫她買了一個。老闆話買兩個平宜一點給我。

呢排都不算太多工作, 所以都可以在公司online。表哥見我成日都用ebuddy, 他己經叫左我幾次用另一個 gizmo 這個程式, 但這個程式要安裝, 我宜家仲用緊我老闆部機, 點可以裝d程式在老闆的電腦裡, 真是想死咩？

其實之前表哥都有問我幾時黎星加坡, 我之前己經告訴他今年新年不來, 佢又問我幾時會再去？呢d嘢我鬼知咩？跟住佢話計劃今年再來香港, 他們真的有錢, 每年都會來香港一次。於是順勢話我黎唔到星加坡, 你來香港探我也一樣, hehe

 今日我, 媽媽, 婆婆和弟弟早上 10點去了黃大仙嘉年華酒家拿位, 隔了一陣, 舅父, 表妹, 表弟也來到。

飲茶的時候, 舅父沉默不作聲, 媽媽很擔心他, 勸他什麼都不要想, 於是媽媽叫他一家去旅行散散心, 但是舅父拒絶了, 於是媽媽話我們一家陪他們一齊去旅行。希望他們不要再不開心了 . . .

而我和表妹表弟一齊打 ndsl, 時間過得好快, 跟住我們就買單離開了。

由於表弟的假期功課還未做過, 所以舅父, 表妹和表弟就回家了。而媽媽, 弟弟下午也要去上班, 於是我們也回家了。

下午回到家, 看完<惡作劇2吻>第三集, <惡作劇2吻>真的很好看耶, 每一集都有KISS的鏡頭, 好羨慕依晨哦 . . . 最衰中視 cut 左六分鐘的床上戲呀！雖然cut 左d片段, 但看見第二輯的惡劇小綜多了笑的表情, 感覺佢同依晨好sweet 哦 . . .

今晚終於補追返所有日記啦. . . yeah

希望新的一年, 身邊的每一個朋友都開開心心, 身體健康。

今日早上10點幾入到表妹家, 表妹和表弟還未起身, 坐了一會兒, 阿婆就叫醒她們起身。她們梳洗完後, 坐左一陣, 表妹話不如中午出街食, 順便行下西田。

於是我們11點幾由表妹家出發行去新城市, 之後表妹提議去 <魚米之家>食lunch, 這裡食lunch 好貴耶, 要40元一個餐。

接著表妹帶我去新幹線逛, 之後就行西田, 打算到西田看一看yoga墊, 找到了一張有貓貓墊的yoga墊, 雖然蠻漂亮的, 但是張墊很薄, 最後還是決定不買了。我們就去西田超市逛了一會兒, 就行返秦石村買餸。

下午4點幾回到表妹家, 由於時間有早, 所以我和表妹一齊打了陣ndsl, 我們玩了 <cooking mama> 的對戰, 點知有點失望, 唔是對戰煮一碟餸出來, 而是對戰邊個打蛋打得快, 真的有點無聊。希望和表妹打下機, 佢心情好返d啦. . .

之後表妹有點累, 於是她就小睡一會, 我就看了她其中一本書, 書名叫 <我的低能之道>, 這本書d內容超爆笑, 笑死我了, 一路看一路笑, 點解會咁白痴的？佢d內容真是好抵死, 而且個作者又是叫<馬仔>, 真是好巧耶~

7點幾終於看完這本書, 而表弟亦去完教會回來, 阿婆就開始教表妹煮餸。

坐到9點幾, 就走人了。

希望表妹堅強d, 唔好再哭了, 今日看見她哭到雙眼超腫的, 希望佢快d無事 ~

舅父家所發生的大事, 實在令我覺得好氣憤!!!!

希望今日充當安慰家, 對表妹有用啦~

媽媽吩咐我, 多d陪下表妹, 得閒要打多d電話俾佢, 關心下佢, 希望佢快d無事啦 ~

昨天晚上得知舅父家發生了大件事 ~ 今日媽媽打俾表妹, 表妹己經哭過不停, 她己經哭了兩天, 真的有點擔心她。明天短週, 打算到她家看看她, 安慰一下她。

原本明天是約了阿六去逛街的, 但實在有點不放心表妹, 只好下次和她再逛街了。

 從大陸回來了, 覺得我又放過聖誕假嗎？好像没有放過假一樣, 今日就要回公司上班了。

peggy 發現我畫甲了, 她話很漂亮, 而且很便宜耶。昨天peggy 的男友送了一部ndsl給她, 但只有一隻game, 於是她今日俾了張咭我, 等我回到家再過一些好玩的game 給她。

現在在努力補追日記中 ~

 今日早上去了金豪食早餐, 之後媽媽就陪我去畫甲, 因為昨天經過一個商場, 他派了一張咭片俾我, 修甲+ 畫甲只是10元, 見這麼便宜, 於是好奇地去試下, 總共有三間舖位, 坐在我旁邊的太太話今朝早己經不算多人, 原來她每次上來, 也會到這間修甲, 她也試過很多間, 覺得這間是修得最好, 聽了後, 總算安心了, 因為聽完佢在其他修甲的經歷, 覺得自己没有進錯地方, 哈哈 ~ 之後有個男生走進來幫我修甲, 男生~ 我心想你得唔得嫁？識唔識修嫁？當佢幫我修完, 再上色的時候, 他再俾一些圖案我選擇要畫什麼在手甲上, 有很多都很靚, 大多數sample, 我在指繪書也看過, 實在花多眼亂,  我叫他幫我襯, 於是他話幫我畫一些簡單的花, 我點頭示好, 於是他就開始畫花了, 畫了一隻手指, 己經覺得好靚, 媽媽也話好漂亮, 媽媽見畫得咁靚, 她也想畫甲, 但可惜她剛剛剪去手指甲, 只好等下次了, 最後他再幫我上其他顏色在朵花上。好快就修好了, 和隔離修甲的阿太聊天, 原來幫我修甲的男生己經有3年經驗, 阿太也讚佢, 於是付錢的時候, 我問了哪個男生叫什麼名字, 下次回來, 再找他幫我畫。媽媽還給他小費。

之後就陪媽媽去salon 焗油, 整左好耐先弄好, 之後就回家, 收拾行李。我們己經買好4點的車票, 收拾好行李才1點, 媽媽話拿埋行李, 出去食lunch, 之後就坐車回香港。我心想駛唔駛咁早出去呀！有成3個小時, 食飯都唔駛食咁耐啦, 駛唔駛咁急呀？我同爸爸堅決反對, 於是最後決定2:15分才出去食lunch。我就親這段時間, 訓一會兒才出去食lunch。

我們去了椰林閣食lunch, 今日的lunch 好好味哦 ~ 食完都是3:06分, 實在太早了, 我話坐到3:40分才行過去搭車, 點知媽媽又話早d去, 於是我們很早去到哪兒等車。

我只感到這次回大陸和上次去日本一樣, 只有很趕, 不是旅行享受, 是一個趕的旅程, 咩都要急, 試問這樣的旅程, 你還會享受嗎？今次的旅程是媽媽罵得爸爸最多, 上次日本之旅就是我, 今次就輪到爸爸, 我覺得没有必要這麼勞氣的, 唔通媽媽更年期, 咩都醋。

回到香港的家差不多7點, 之後等埋弟弟放工, 就出街食飯了。

今日是平安夜 ~ Merry Christmas

lunch 我們一班同事繼續 christmas party 2, 我們很早之前己訂了元氣sushi 和 KFC, 中午12:35分, 我, Sandy 和 Peggy出去apm 拿外賣, 之後kiki再join 埋我地一齊回公司。

差不多1:30先回到公司, 開始我們的christmas party 2, 由很多嘢食, 叫了兩個元氣sushi 拼盤, 一碟大拼盤剌身, 沙津, 還有很多散叫的sushi, 而 kfc 買了一個火雞桶套餐和一個108的9件雞套餐, 仲有薯片添, 真是一個大食會, 好似回到學校一樣咁, 食得好開心耶。

食完, 我們才記得我們未影相, 於是我們就係咁影相, 影影下相, mandy 發現太子爺褲錬未到站, 笑死我地, 因為當時太子爺拿住相機幫我們拍照, 最後他幫我們影完相才去整理, 超爆笑的。他整理好後, 我們就話要一齊擺同一個post 來影相。



大食會期間, lion 問太子爺有無得早放工, 太子爺開頭話要諗下, 之後他俾我們4:30做完手頭上的工作就可以下班了, 實在太開心, 有得早放工。