今日好多同事都没有帶飯, 所以差不多一點, 就被同事拉左出去食飯, 係呢間公司做左咁耐, 都未試過咁多同事一齊去食飯, 有我, fanny, connie, cher 同 patrick。

係食飯期間, 大家講下公司的嘢, 竟然俾我聽到更多不為人知的事。秘書對我地講, 有次佢俾老闆叫左入房, 老闆對秘書講 "阿 wing 唔做啦 . . . 你知唔知？" 秘書話 "唔知", 老闆就話 "阿 wing 細過, 唔定性, 唔識諗, 平時又唔多出聲講嘢, 怪怪的, jenny 又是咁, 怪人一個, 做嘢唔用腦諗, . . . . " 秘書小姐話老闆講晒唔同人的性格出黎同埋老闆對咁多位同事的 comment.

聽到老闆咁話我, so what ~ I never mind his comment, 反正我唔做, 一切對我黎講都唔重要, 我是怪, 就是因為對住你, 我才變得怪, 對住你梗是唔出聲啦 . . . 有咩同你講啫, 你估你係我 d fd呀！有咩都同你講, 咪傻啦 . . .

阿頭就話, 昨天俾老闆叫左入房, 老闆話以後都唔會接 zara d 單, 因為俾zara 罰左好多錢, 一黎工廠的 quality 唔好, 二黎d 文件出錯, 三黎個客唔肯找數, 好有問題, 攪到俾罰了天文數字, 宜家阿 wing 又唔做, d 嘢你要跟緊 d, 阿頭話言下之意, 佢唔會請多個人回來幫佢, 佢話唔請人回來幫佢, 佢要帶定個睡袋回公司。

仲有聽到太多太多公司的嘢, 估唔到辭職都會聽到咁多公司的嘢回來。

晚上約了阿大, 阿三, 阿五, 阿六和蕭欣去德興打邊爐, 阿三, 阿六和蕭欣講返她們去旅行發生的趣事, 覺得她們這次旅行很好玩哦 . . .  食到11點幾, 就被人叫買單。買單後, 就各自回家了。

今日11點幾, david 俾左張點心紙俾我睇, 問我想食 d 咩, 自己點, 點完再點埋糖水。心諗今餐 farewell食得咁豐富的, 之前其他同事唔做, 一是叫點心, 一是叫糖水, 唔會一次過有兩樣, 睇黎佢對我的離開真的很開心。

david 同 patrick 12點幾, 就落左樓下潮館買點心, 一點就開始 farewell party, 叫了 10幾籠點心, 但就没有糖水。好彩老闆無係咁多人面前問我點解唔做, 一路吹水, 又話揾次拉大隊去台灣食嘢, 又話今年聖誕去酒店食 buffet, 講到間公司之後點好點好, 我心諗咪得個老吹, 由我入黎公司做個刻, 成日都話請公司所有同事一齊去旅行, 咪得個大隻講, 食聖誕buffet 我才不希罕。我離開呢間公司, 前途仲一片光明添呀!!!

到下午4點, david 同 patrick 落樓下滿記買糖水, 又繼續下午的 farewell party, 今次個個都拿 d 糖水回自己位食, 太好了, 唔駛對住老闆。

食完糖水, 老闆叫我入房, 佢叫我履 email, 履完後, 再 send 回給他看。現在辭職後, 身份勁尷尬, 佢要我所有文件 pass 返俾阿頭, email 我又唔會理, 佢叫都我先履, 宜家係公司的日子非常難過。無嘢做, 又要返工, 日日坐係到 chat 下 msn, 上吓網, cut 下廢紙就等放工, 希望快 d 到下星期二啦 . . .

今朝早係公司後一條街見工, 因為係要在辨公時間內 interview, 所以我約了 9點 interview。諗住都應該趕得切返工, 所以就没有請假。

8:50 a.m. 上到個間公司, 點知 in 我個人仲未返工, 等到 9:10分先有人拿 form 俾我填, 填完 form 等左一陣, 一個職員帶我去 meeting room 做份 shipping paper, 没估到會好似考試咁, 真是傻眼, 份 paper 超難, d 問題是什麼來的, 點都未點過, 好幾題係亂撞, 份 paper total 有兩頁, 仲要考我作兩篇文, 做完份 paper 己經 9:27分, 心諗實死啦, 好唔好打返公司講話遲d 返呢？最後没有打電話回公司。in 完後, 看看電話, 見到老闆打過黎, 仲留言俾我。之後立即回電話俾老闆, 被老闆罵到 par 街, 很兇很兇的罵, 之後就立即趕回公司, 回到公司己經 9:50分。

回到公司, 阿頭眼有淚光, 對我說話的時候, 聲音都變了, 很像快要哭出來似的, 阿頭話老闆叫你交返晒所有嘢俾我跟。我一直都唔夠膽去添水飲, 到 11點幾, 我才走出去添水飲, 就在這時, 老闆叫會計發一封 email 俾全公司的同事, 告訴所有人 " wing 將會離職, 聽日 lunch 會為佢舉行一個 farewell, 請各位同事不要帶飯", patrick 即刻走去問阿頭, 問我係唔係真是唔做, patrick 你別開玩笑啦, 出得 email 就是唔做啦, 宜家玩咩。

下午阿頭問我離職的原因, 問我係唔係因為揾到新工？又是唔是因為公司政策？我話所有都唔是, 我之前請唔假去旅行, 咁咪辭職去旅行囉, 去完旅行先算。佢即刻話 "宜家公司都唔忙, 你同老闆請假, 佢實俾啦, 駛咩辭職去旅行呢？" 我話我己經俾老闆扣晒我 d 大假, 得返 6小時, 你話我請唔請到呢？, 阿頭話估唔到我會唔做囉, but anyway 我辭職是一個事實囉。

放工立即走人, 點知都撞到其他同事, 所以就一齊搭 mtr 回家。秘書問我點解唔做？我話要去旅行, 所以唔做啦, 秘書話你咁型的, 為左旅行而辭職, 我的離去會為公司帶來新面孔, 這點也不錯呀！跟住我同佢講, 況且我覺得大老闆都想炒我, 佢話佢都知, 係因為我去做第二次手術個時, 秘書話大老闆己經勁想炒我, 但被細老闆阻止了, 因為個時正在出貨當中, 如果炒左我, 趕唔切教人做, 所以只好迫於無奈等我回公司工作。一聽到, 我心想我辭職唔做是正確的, 你想炒我, 我唔會俾呢個機會給你的, 我要豪邁的辭職, yeah . . . 我就是要咁, 好瀟灑地離去。我一聽到我先 fire 佢, 我實在太開心了, 哈哈, 超開心的, 阿頭話即是今年接唔到 zara 的單, 遲一點也會接到, 哪她怎麼辨？我話佢實會請個好勁的人回來幫你手, 叫她不要擔心。

之後秘書話公司的租約去到下年 3月, 之後 apm 會將辨公室由 10幾樓以上改為商場, 老闆正在煩惱搬去邊？加上創紀五期老闆花了很多錢去裝修寫字樓, 宜家話承辦商不在租給我們, 我覺得我辭職實在太合時了, 在你搬前辭職, 你搬去邊都唔關我事, 簡直想偷笑。

聽到多個消息後, 辭職是無錯, 而且選對了時間, 一切都太好了。期待下一份工會俾現在的一份更好, yeah

今日放左工, 關好電腦, 就入老闆房遞辭職信。我對老闆講 "我決定辭職唔做", 老闆回答一句 "好", 你答好咁就得啦 . . . 之後就拿拿臨離開公司了。

我都估到佢唔會留我, 因為今年 zara 將唔會落單俾我地, 只靠 mango 的單去維持公司的運作, 宜家有人唔做, 減輕晒佢 d 負擔, 開心都黎唔切, 點會留我呢？你唔留我, 我都太開心了, 唔駛我同你拖拖拉拉, 一刀了斷, good!!!

今日約左阿大, 阿五入長洲玩, 我們約好 12:15分在尖沙咀碼頭等, 之後就一齊搭船過中環碼頭, 再轉船入長洲。

入到長洲, 差不多1點幾, 船一泊岸, 第一俾到我的感覺是好似去了台灣的淡水碼頭一樣, 真是好似嫁。我地一路逛, 一路食街邊小食 (有大大粒魚蛋, 紅豆餅, 鴨屎籐, 籮筐榚, 白糖榚, 雞蛋仔), 之後去了東灣沙灘, 哪個沙灘的浮台很近個岸, 而且沙灘 D 水好淺, 我提議我們下次可以去個度游水, 目標是游上浮台, hehe, 以一嘗上浮台的滋味 . . . 之後 LOLO 放工入到黎長洲, 我們 join 埋佢後, 就去左食少少東西, 就周圍逛。沿途有單車徑, 阿大話想踏單車, 但因為時間的關係, 所以最後没有踏單車。

我們行過見到有個牌指著張家洞, 於是我們諗住去張家洞看看, 點知要行一段山路才到, 到了門口還要等排隊進入, LOLO 話會濕身的關係, 所以最後都没有入去。我們就下山, 之後就搭接駁艇回長洲碼頭。

回到碼頭, 我們就去找今晚食飯的餐廳, 最後我們決定去碼頭旁邊的一間海鮮餐廳食晚飯, 一路望著海景, 一路食海鮮, 簡直人生一大樂事。我們6點就開始點菜 (有螺, 椒鹽賴尿蝦, 清蒸帶子, 士椒炒 xx, 芝士龍蝦伊麵, 腐雨通菜), 食到7點幾, LOLO 話食埋糖水就搭船返中環, 我們坐 8點半的船出中環, 再轉船返尖沙咀, 今晚我們的行程就完結了。

今日真是玩得很開心, 間中去下離島玩, 真是一個不錯的選擇。

今日是清明節, 不用去拜山。之前 3 月份 chris 問我今日去唔去玩 war game？因為我太有興趣, 所以也報名參加這次活動了。

chris 今日約左大家8點半係金雞附近的茶餐廳一齊食早餐, 順便認識下今日一齊玩 war game 的朋友。我同家慧 8:10分己經出到旺角, 於是我們逛了一會, 就去集合地點, 點知去到還未有人, 我們是最早到, 於是我們就入左茶餐廳食早餐, 隔了一會兒, d人開始黎到。

我們食完早餐, 就係金雞廣場門口等旅遊巴接我們入去玩 war game 的地點, 今日玩 war game 總共有 27人, 所以坐滿成架旅遊巴。搭車途中, chris 同我地玩一些遊戲, 答中問題, 仲有一隻勞工手套, 是一隻, 不是一對。佢 d 問題主要是圍要槍同埋佢最近的近況, 點知有題我識答, 但我唔想答, 於是家慧舉起我隻手, 於是無奈拿了一隻勞工手套。因為我唔想答, 是因為覺得拿左隻勞工手套都没有用, 因為只有一隻, 而不是一對。

去到war game 場, 阿 sir 先要我們換上場地提供給我們的幻彩軍裝服。接著他要訂我們中午的飯盒, 同埋講解槍的運用及裝備。跟著我們就要去試槍區試一次槍, 試槍的情景好似電視劇的情景一樣, 超正。試完槍, 阿 sir 就幫我們分組, 分完組就直接入場地玩我們的 war game。

第一個場地 - 車胎戰 x 3場
我們兩組人在這個場地對戰了三次。我個組人再分兩男帶一女衝前去射擊對方。一開始, 我叫 michael 一齊衝上前一個車胎阻擋物, 點知一上前, 就被人射死了。我們規定中一槍, 就要死, 我同 michael 都未開槍, 就俾人殺死, 太快了。阿 sir 話你地兩個咁快死左, 仲問我地仲槍痛唔痛？因為中了面罩, 所以我覺得不太痛, hehe, 第一場槍戰, 我己經覺得超好玩了。

第二個場地 - 迷宮戰 x 1場
今次我個組做守迷宮, raymond part 我, 由於 raymond 企起門口, 好快仲槍身亡, 於是我就走出黎頂佢個位, 點知俾自己友以為我是敵人, 我仲俾阿滔殺死, oh my god . . . 點知阿 sir 興起, 佢也落場幫攻迷宮的隊員。原本阿 sir 話會俾我地兩組調換場地玩, 點知最後也没有。我都好想做攻的哪一對哦 . . .

打完迷宮場, 我們就放 lunch, 由於我們打 war game 的場地係在有叉用 bbq 燒烤場旁邊, 所以我們行返出去食飯地點, 會經過 bbq 場, 沿途的人都會望著我們, 因為我們真的太觸目了, 好似 d 軍隊放 break 咁, 場面超攪笑。

食完 lunch, 影下相, 就再繼續我們的 war game

第三個場地 - 荔枝樹林場地
這個場地很大, 有斜坡, but 呢個場真是好好 feel, 我好鐘意呢個場地。我地 total 打了三場, 第一場我們係山坡上攻下坡的人, 呢局我打到完場。當中阿 sir 企係敵方一些易中彈的位置到, 我見到有人就打, 阿 sir 我也不小心打中, 不知打了阿 sir 幾多槍, 因為係入面就分唔到邊個打邊個, haha, 這一局我打完場, yeah . . .超開心

第二場, 就由我地係下坡攻上坡, 這局好易被人打死, 其實我中了四五槍, 但没有人發覺, 所以一直没有叫死, 當有一場, 被人打得太痛, 成個人震晒, 俾阿 sir 發現, 於是阿 sir 話, 你死左, 快 d 去死人區, haha, 超攪笑的

第三場, 阿 sir 話玩無間道遊戲, 這個 game 超好玩, 玩之前, 阿 sir 會話俾每一個人知自己係唔係要扮演二五仔角色。開頭都是兩組對戰, 但當阿 sir話張 xx 和 xx仁開始工作, 扮演二五仔的人要開始佢的工作, 殺死自己組員同埋敵方, 即是二五仔是自己孤身作戰, 可惜我唔是扮演二五仔角色。這場也是打到完場, 實在太開心, 太好玩了。

第四個場地 - 決戰光明頂
呢局我個組可以守山坡, 實在太好了, 不用一路打, 一路上山, 可以慳回很多力氣, 最後我個組還是被敵方攻陷,於是就完結所有 war game 活動了。

之後換回自己的衣服, 就搭車回旺角。落車後, 同 chris 成班人一齊去左睇槍, 佢地想買一把槍 for 下次玩。之後我, 家慧同 raymond 去左朗豪坊 nanco 玩, 玩左一陣, 就去食晚飯了。 
   
我的組員:

今朝早食完早餐, 就過了家慧屋企, 玩到12點幾, 就回家食 lunch。

下午睇雞皮借我的韓劇, 點知隻碟勁唔掂, 勁打格仔, 同埋斷斷續續, 睇都無心機看下去, 諗住下次還返盒帶俾佢, 於是就去午睡。訓醒後, 就開電腦, 阿玉叫我試下用電腦看雞皮借我的 dvd, 點知用電腦睇就没有打格仔的情況, 於是就繼續追看下去, 睇到7點半, 就同阿婆落樓下食飯, 食完飯睇左陣愚樂 I love you, 就繼續睇韓劇。因為雞皮盒帶仲要借人, 所以佢要我快點睇完還返俾佢。今日好努力看佢盒韓劇, 加上有復活節的假期, 我想很快就可以看完了。

放學後, 同阿三阿六過左朗豪坊的馬拉松, 因為阿六想係旅行前買件游衣, 所以就陪了她去選泳衣。阿三就買了一對波鞋, 而阿六亦都買了一套泳衣。買完都7點幾, 於是阿三就去尖沙咀同佢屋企人食飯, 而我同阿六就去了花園街。因為我要幫媽媽買點東西, 而阿六亦都想去花園街逛。

在花園街, 没有看中要幫媽媽買的東西, 但阿六就買了一條4個骨褲, 一條頸錬, 阿六今晚的收獲認真豐富。之後我們過了始創睇牛仔褲, 我就買了一條牛仔褲, 而阿六就買了牛仔褲 + t-shirt, 睇黎阿六為了下星期二的旅行而作出準備, 同埋她好奇待她的旅行, 別忘記影多 d 靚相返黎俾我們看, 最緊要最緊要的是買多 d 手信回來給我們哦 hehe >"<

買完牛仔褲己經是 10點幾, 於是同阿六去食車仔麵, 當入到茶餐廳個時, 見佢播緊海猿, 仲諗佢今日咁早播的。當望望手錶, 才發現己經 10點幾, 原來 shopping 是可以令人忘卻時間的。

今日出左 bonus 啦 . . .雖然唔多, 但好過没有, 正計劃幾時遞辭職信當中, 復活節前遞還是復活過後遞呢？

宜家公司轉用新 program, 好多嘢都要 setting, 老闆呢幾日都坐在我旁邊弄新 program 的嘢, 所以佢係我旁邊, 只好 msn offline 先, 昨天臨放工前, 要我執好新 program的 packing list format, 今日早上佢不停吹我用新 program run 次打文件, 但一路打一路跟 d fd chat msn, 心想新 program 都唔關我事啦, 我都唔做啦, 仲要我攪咁多嘢, 反而佢就無吹阿頭 run 一次新 program。今日1點, 老闆坐在我旁邊要我陪佢一齊執個 packing list, 頂你唔食飯, 你的事, 但是1點就是我食飯時間, 阻鬼住晒, 跟住佢講到1:35分先話去食飯, 攪到我得返 25分鐘食飯, 又無得補返 d 食飯時間俾我, 十萬個頂。

放工約了阿玉去睇再造人之戀, 放工佢先去新世紀買飛, 點知好 full, 得第二行的飛, 佢買完先話我知得第二行, 如果我一早知得第二行, 我就會同佢去另一間睇。食完麵, 就去睇 8點場, 個場好細, 所以唔怪得知佢咁 full, 明知阿 rain 多 fans, 就應該俾大場啦 --->氣。入到場, 坐正中間位, 睇睇下己經覺得好頭暈, 加上後面哪個人不停係咁 un, 超 un 超勁, 真是十萬個頂, 於是同個 fd 擰去後面望住佢, 佢唔理, 照 un, 超氣, 加上又要睇字幕, 又要睇佢地個樣, 真是好忙, but 呢套電影真是好好睇, 超攪笑的, 精神病院呢個題材真的不錯, 當中有一些 IIA級位囉, 男的露 PAT PAT, 女的露背。睇完超唔舒服, 原本諗住明天要交的英文功課是唔交唔做, 返到黎屋企休息了一會, 感覺好多, 還是完成埋我的功課, hehe . . . 因為我是乖乖的學生嗎？

 功課終於大功告成了, 太棒了 >"<

p.s. 今日收到阿玉同雞皮的手信, 是之前佢地跟大陸團去上海, 同埋其他城市的手信, 多謝晒啦 . . .

今日上堂簡直一滴汗 >_<"

話說今堂 miss 講我們今晚要回家做的功課 topic (Do you like your job?) 同埋要描述點樣鐘意你的工作, 由於我第一次交的功課 (introduce yourself) 己經提及 I like my job, because . . . . 於是 miss 記得我有寫過, 於是佢就問我係唔係上次交功課個時, 己經寫左, I said yes.  之後以為無嘢, 繼續上堂啦 . . . 點知 miss 叫 wing wing wing . . . . oh >"< 做咩呀！我完全唔知發生緊咩事, 有滴汗出現, 跟住 miss 就話讀出黎, 因為佢之前完全無叫過我讀出黎, 所以我一直不知發生什麼事？之後就拿拿臨拿返份功課出黎, 因為我份 assignment 俾 miss 己了很多, 所以我再想我應該要由哪一段開始讀起, 跟住 miss 見我睇左咁耐, 就話我知啦 . . . 你唔方便講, 你唔想俾人知道你的 secret, 咁你不用讀出黎了。

之後 miss 又問我前途好的英文是咩？真是被考起, 即刻問下阿三, 阿三都不知, 我同 miss 講我唔識, 點知 miss 話係我份功課上寫了這個字, 於是我同阿三再找這個字, 最後找不到, 我講 miss 揾唔到, 於是有個同學話 miss 你寫在係我份 assignment 呀！跟住 miss 就話唔怪得知我無反應, 個樣有滴汗出現。

前途好的英文是 good paid。發覺自己的英文生字真是有限公司, 好多都唔識唔知同唔識讀, 睇黎日常真是要諗多 d, 知多 d, 咁樣英文就會有進步。其實一句句子的組成, 都是由生字一個個組成, 如果唔識哪個生字, 咁樣哪句句子就無法演變出黎, 大家努力, 加油吧!!!

最近有 d 好攪笑的事, 就是每逄我阿頭接到的英文電話都會講 hold on, 接著就會 transfer 俾我聽。唔知是唔是因為我讀緊英文 course 的關係, 所以就 pass d 電話俾我聽。

今朝早終於同阿媽講左我配左幅 con, 所以可以光明正大帶 con 去踏單車, yeah . . . 實在太好了。

之後係九龍塘等埋阿大和阿六就一齊 by 火車去大埔墟 join 阿三和阿五。齊人後, 就搭巴士入大美篤。今次亦都是是旺記租單車, 由於今次是老闆招侍我們, 所以租單車籃唔駛加錢 hehe o^.^o 實在太好了 . . . 我們今次由大美篤踏返出大埔市區, 踏了個幾小時, 但唔覺自己已經踩左咁遠, 同埋 d 時間過得特別快。最正的是有些落斜地方, 唔駛踩, 架車己經係勢咁向前衝, 這種感覺實在太正了, 爽爽爽!!!

我們3點由大埔再踩回大美篤, 回程途中, 阿三發生了點小意外, 休息了一會兒, 大家繼續踏上征途, 向著目標出發。回到大美篤燒烤場, 大家去完 toilet就去了食豆腐花, 之後就還車回沙田食我們的晚飯。

最後我們決定去沙田新城市的元綠食 sushi, 食完飯還是早, 於是我們去西田逛了一會兒, 就過滿記食糖水, 由於好多人的關係, 所以我們買外賣到商場好有情調的公園食。我們一邊食糖水, 一邊講著好有情調的公園另一邊的暗角所發生的事, 簡直笑爆。我們今日做的事真的很特別, 踏完單車, 食完晚飯, 就黎一個好 romantic的地方傾計, 真是特別的一天。最後我們在一個好 romantic 的地方完結我們今天所有的活動。 

由於想星期日踏單車不想帶眼鏡, 所以決定今日帶 con 實習一下環境。於是今日朝早7:30起身, 襯屋企人仲未起身, 就拿拿聲帶完 con 換好衫就出門口, 8:10分就出門口, 返到公司還很早, 就去了大家樂食早餐。

由於第一天帶 con, 所以望嘢唔是咁習慣, 落樓梯個時會覺得暈, 同埋睇近距望的英文字時, d 字會花開咁, 又唔是話唔清楚咁, 只是散開晒, 要集中精神望先會感覺好一點, 於是決定放學後, 去眼鏡 88再 check 下幅 con。

放學後, 同阿三和阿六行返出旺角女人街個邊 d 眼鏡 88 check, 點知 d 職員好敷衍, 最後要過返新世紀先可以 check 到。跟住阿三和阿六就去左朗豪坊, 而我就去左新世紀 check 眼, 個 manger 解釋係眼球暫時調節唔到, 帶多一, 兩個星期, 如果還是没有好轉就要幫我換過另一幅con。Check 完眼, 就搭巴士回家, 親屋企人未放工回家前, 除左幅 con。

由於咳未有好轉, 食完樓下中醫開的中藥亦未見有效, 於是諗住今日放工轉睇阿三介紹的中醫。阿三今日也去看中醫, 所以約好一齊去看。

放工, 阿爸車我去大角咀 join 阿三, 好彩能夠在 7點前趕到去中醫個度, 因為個中醫收 7點。睇完中醫, 個醫師話好多嘢都唔食得, 唔食得生果, 蛋, 醃製的食物, oh . . . 有好多好多嘢都唔可以食, 要介口, 如果唔是就會咳得很厲害, 只好聽話吧!!!

睇完中醫, 阿三就去 join 佢個 fd, 而我同阿爸就去接細佬放工, 之後就回家了。

今次煲的中藥比較複雜, 煲一次中藥, 有兩包藥材, 煲完一包藥材又唔知要隔幾耐先可以落埋第二包, 己經唔記得左要點樣煲, 於是再問下阿三。嘩 . . . 點知煲完出黎 d 藥, 苦過之前飲開的, 只好硬著頭皮飲下去了。希望個病快 d 好, 我唔想再咳下去。

今日終於可以係屋企好好休息, 無落過和出過街, 整日在家睇下韓國電影, 訓下覺, 打下機, 感覺蠻好的, 因為整個3月都没有停過下來, 今日終於有一天停下來, 休息一下, good!!!

下午真的太悶了, 於是同細佬一齊玩 wii, 首先玩 cooking mama, 之後再玩超執刀, wii 的超執刀比 ndsl 的超執刀好玩得多了, 玩到 chapter 2 的第一關, 做的手術己經好難了, 我同我細佬是到研究這一關點樣先可以過關, hehe . . . 最後時間過得太快, 心跳亦跌得很快, 打麻醉藥己經唔可以再拖延病人的死亡, 最後宣告死亡, 之後就没有再打落去, 因為己經打左兩個幾小時, 係時候休息一會兒了。 

放工同小敏一齊出旺角 join 阿三, 食埋 lunch 就行返學校。放學後, 就趕回家樓下看中醫, 因為哪個中醫收7點, 所以要快點回家。

醫師話我 "發燒, 喉嚨發炎, 唔知咩黏膜 (唔記得左叫咩名) 附近的微血管爆左, 所以咳痰出來會有血絲", 佢叫我飲兩劑藥先, 到時先再履診。

晚上在 you tube search 埋 “轉角*遇到愛” 第15和16集, 終於睇晒成套轉角遇到愛了, 這一套台劇真的很好看, 小豬真的做得很好, good!!!