今日家慧約左我和 chris 出來食飯, 原本今次飯局想見下 chris 的新女友, 但點知 chris 女友公司食飯, 黎唔到今次 meeting, 所以只有我們三個人去食飯。

好開心俾我在觀塘揾到一架巴士去九龍城, 放工就搭巴士過去, 等齊人後, 我們就去了一間杍苗葉的泰國餐廳食飯, d 嘢食有 d 辣, 但d 嘢食都 ok, 今晚超攪笑的, 我們三個上演 "娛樂百分百 - 飛輪海個集", 今次的主持是我和家慧, 而嘉賓就是 chris, 我們單刀直入就問我們的核心問題, chris只好老實從寛一一回答我們的問題, 超爆笑 >"<, 因為家慧想睇今期的 play, 但買唔到, 所以我今次帶了出去給她, 我們還和尊一齊影相添 (我和家慧正在擾嚷, 興奮同尊尊影相中) . . . 呵呵, 超爆笑的, 我同 chris 講我勁鐘意吳尊, 一定要同佢影返張相, 但 chris 竟然講了一句 "吳尊真是好靚仔, 佢也是著格仔衫, 元暢也是著格仔衫, 咁我著返件格仔衫也是同佢地一樣帥 (自戀中)", 當場有隻烏鴉飛過  > . > . > , 家慧即刻串佢, "即使你著咩, 都無佢地咁靚仔嫁啦, 我都唔想傷你自尊 (己經串得好應), 但你真是無得同佢地比囉", 我簡直笑爆, 成晚的飯局我己經笑到不支倒地了, chris 還在死橕, 跟住我同家慧就兩個人聊天, 没有理到 chris, chris 真的太自戀, 太有自信, 太臉皮厚, 但佢今晚真是大了很多歡樂俾我地, 亦都滿足我地想知的嘢, 最後我也被家慧擺埋上枱 >_<" , 不要開玩笑啦, 我會很驚的, 不要拿我開玩笑吧!!!  

之後 raymond 打俾我地, 原本今日 chris 都約埋 raymond 黎食飯, 但因為 raymond ot, 我地食到 9點半, chris 就嚷著要回家, 所以家慧話佢今早就要回家, 好難揾到女朋友, 今次俾佢揾到女友真是偷笑, 在這時, raymond 打俾我地話佢放工了, 於是我們去樂富 join 佢, 陪佢食晚飯, 於是我地三個人由九龍城行去新蒲崗經東頭村再經摩士公園行到樂富中心, 到了樂富己經 10點半, 因為好多餐廳都關門了, 所以我們去了24小時的 m 記, 隔了一會兒, raymond 來到, 買完嘢食, 影完相, chris 就趕著回家, 剩下我們三人聊天, 我們聊到 12點15分就離開了, 跟住我同家慧就從樂富行回家, 好彩我們住得近, 如果要我行回家, 我實不想的, 因為很黑加上很凍, 好彩都有佢陪我行 

原本今日約五妹出來拿手信, 但因為她媽媽今日生日要趕回家, 所以阿大中午就拿 d 手信俾佢, 而晚上我們則照原來計劃去食飯。

原本昨天話送手提電話到我地公司, 但因為個 sales 話船期延誤, 所以今天才送貨, 大約 11點幾, 送貨的人才話我知到了我公司樓下大堂, 準備送貨上來, 真的超開心, 等左咁耐, 終於等到了, 放工後, 我先回家放低部手提電話。4點先出去 join 阿大和阿六。

我們約好4點在旺角 body shop 等, 之後就陪小敏到電腦商場買 usb手指, 接著阿三就黎 join 埋我地, 我地買完, 就去潮特和信和逛, 之後我們決定食素, 阿大就帶我地去了另一間食素的餐廳食, 蕭欣也來 join 埋我地, 食剩個荷葉飯, 個老闆就想吹我地走, 因為出面仲有好多人來排隊, 佢就係咁摶命幫我地裝飯去到我們的飯碗, 最後我們決定點多兩個小菜, 個茄子煲上了一會兒, 老闆又走過來吹我地快 d 食晒佢, 又話凍左唔好味, 佢己經吹左我地幾鑊, 食都食到無隠。

食完飯, 我們就過了先逹買手機的裝備, 由於蕭欣識人的關係, 所以可以用便宜一點的價錢買到想買的東西, 我買了一張 mini 1 g sd 咭, 原廠電池, 充電座, 最後我們決定去 cafe 繼續我們的聊天, 我們在 cafe 玩層層叠和聊天, 最後聊到 12點10分, 阿媽一度急 call 我回家, 最後就拿拿臨閃人。

今日我同三妹fax了一些個人資料去訂手提電話, 下午就收到 csl 個 sales 打來, 話會在星期五送貨給我們, 真的太好了, 超奇待 . . . 有新機用啦

因為覺得之前睇西醫, 個病仲未清得晒, 所以今日放工趕去太子睇中醫, 今晚不算太多人, 我比較喜歡在放工後去看中醫, 因為不要排太久。其實覺得 d 痰塞住在喉嚨裡, 很不舒服, 睇西醫食左藥都唔得, 只好睇中醫吧!!!

我, 阿大和阿三約了兩點在九池門口等, 等齊人後, 就入去游水, 我們發現原來冬天也有很多人來游水, 而且游池裡也有很多游泳班在上課, 原本入到室內泳池感覺有 d 涼, 我們仲以為下水後會很凍, 但原來不是, d 水很暖的, 於是我們開開心心的暢游, 游到 4點半, 我們就離開泳池了。

今日收到游水阿 sir 的兩個唔同的 message, 第一個我估佢 send 錯, 第二個則是泳會祝福每一個學員新一年有新的開始, 超攪笑的。

我們三個覺得新一年裡的第一天來游水, 感覺健健康康由新一年的第一天開始帶到落年尾, 所以我們年尾也要來泳池進行一個終結的儀式, 所謂好頭好尾嘛, 同樣接著每年的第一天也要在泳池進行一個健康帶到尾的開始儀式, 哈哈, 認識一班志同道合的 fd真的太好了, 因為大家也是有相同的想法, yeah . . .

因為昨天抵逹樟木頭後, 收到阿大的來電, 所以回來香港第一件事就是打俾阿大, 問下她找我什麼事？講講下, 我就約她明天去游水, 因為回一趟大陸, 肥了很多回來, 所以要去做下運動, 一來又對身體好, 簡直 very good ar, 之後就打埋俾阿三和阿六問佢地有無興趣同我地一齊去游水, 哈哈, 原來阿三都有興趣, 最後我們決定聽日一齊去游水。

今日放工就要即刻走人, 因為要同媽媽和她的朋友一齊上大陸, 但點知都 ot 了半小時, 點知臨走前, 阿頭問我今日下午要不要留在公司 ot?我話我今日不 ot 啦, 因為我今日放工後就要即刻上大陸啦, 好彩佢都没有阻住我, 讓我放工。而我今日亦都很忙, 盡量在放工前趕起 d 文件給老闆。

我三點買完車票, 四點半才有火車上樟木頭, 於是我就一個人去了羅湖商業城逛, 等到有火車為止。

晚上就同媽媽和她的朋友去了一間阿根廷餐廳食飯, 這間餐廳是細佬個同事介紹的, 所以我們今晚去試一試, 這間餐廳的食物真的很好味耶, 我們點了三杯雞, 泰式茄子, 羊肉煲, . . . 仲有好多好多己經不記得菜名了 . . . 食完飯, 就送媽媽和她的朋友去搭車, 而我和弟弟就去睇我們至愛逛的店, 今晚俾我發現我一直在找的日劇小丸子, 真的超開心, 而且還買了幾部韓國電影, 對我來講己經算是不錯的收獲, 因為對上一次, 我什麼都没有買, 因為看不中, 而且也没有想買的。

回家睇了一陣電影, 就陪細佬出去食宵夜, 因為他今晚没有怎麼食東西, 一直在招呼媽媽的朋友, 食完宵夜, 就回家看小丸子了, 看了兩集的小丸子, 覺得真人版小丸子的卡通人物真的好似卡通片的卡通人物, 最後睇到 3 點就上床睡覺了

今日同 fanny ot 到晚上 10 點, 因為真的太多文件要等著處理, 所以今晚心甘情願 ot, 反正過多幾天又有假期了

今日阿三 fax 了兩張買手提電話可以平很多的宣傳單張俾我, 因為她一直知道我很想換電話, 最後我們兩人都決定買 nokia n73, 因為是平市價平一半的價錢, 真的很便宜。食lunch 時, 我就落左 apm 的電器層睇下有 nokia n73哪一隻顏色比較好看。放工的時候, 我打俾阿三再研究手機, 同一時間, chris 亦都打電話俾我, 因為我同阿三講得好投入, 所以也没有轉線, 我同阿三傾完電話後, chris 再打俾我, 原來講下大家的近況與及元旦除夕到哪兒玩, 最後佢終於講到佢的正題, 就是佢找到女朋友了, 佢又講下佢同佢女朋友的相識經過, 女朋友住在哪兒, 在哪兒上班, 最後佢還想約我 1月1日出來食飯, 帶他的女朋友給我看, 但可惜我要返大陸, 所以不能赴約, 只好等下次吧!!!其實我真的有興趣見下他的女朋友, 奇待中 . . .

真的很多謝阿三, 因為有她的介紹, 我才可以買一部咁便宜的手機, 多謝你哦 . . .

今日返工前, 先到樂富睇我的家庭醫生, 我只是對醫生講我個肚好痛, 加上流鼻水, 醫生就好勁可以形容到我肚痛的徵狀 (腸抽筋), 成個人覺得很累, 手腳無力, 略帶頭暈, 基本上醫生講的嘢全中, 超勁的, 最後醫生的結論就是感冒底未清 + 腸胃唔好, 所以開了一天的病假 + 藥俾我。當然我最後都没有用到這張病假紙, 好乖的回公司上班, 如果我唔返工, 老闆實以為我特登請病假想唔返工。我只好今日放工準時走人, 好好回家休息吧!!!

 從未食過甜甜的藥水, 味邊怪怪的

今日也是假期的關係, 所以也不用上班。原本今日約左阿玉和雞皮去冬季美食展, 之後再到雞皮家打邊爐, 但因為昨天真的很肚痛, 加上有 d 感冒, 如果今日仲食埋打邊爐, 我實痾到七彩。為左我的健康著想, 所以推掉了今日的約會, 在家好好養病。今日在家也痾了幾次, 真的很辛苦耶, 只好等明天去看醫生吧!!!

聖誕向澳門出發 Day 2 Schedule: 旅遊塔 - 漁人碼頭 - 新馬路 - 議事亭 - 大三巴 - 鳯記麵家 - 港澳碼頭

今朝早我們10點先落酒店食早餐, 大約 11點就搭車去旅遊塔, 因為塔下面有出前一丁展覽館和忍者展覽館, 我們影相影了一會兒, 就入機舖打機, 蕭欣和阿大一組玩賽馬 game, 而我同阿三則一組玩賽馬 game, 這個 game 真的超攪笑, 要坐在馬上不停搖隻馬, 還要按掣打隻馬, 要隻馬跑快d, 原本一開閘, 我是跑第一, 睇的人的情緒都好高脹, 但當跑都轉彎位的時候, 我由第一跌到第七, 跑完成場馬, 成個人都散晒, 接著蕭欣和阿大玩彈吉他機, 而我和小敏就玩了打鼓機, 最後阿三和阿大打埋打鼓機後就離開旅遊塔。

我們離開旅遊塔後, 就立即趕回酒店 check out, 我地放低左 d 行李在酒店後, 就去隔離的漁人碼頭逛, 逛完漁人碼頭, 我們大約 4點幾落到新馬路, 我們找了一間北京餃子館食我們的 lunch, 食完 lunch 就接著參觀議事亭一帶的建築物 (包括有民政總署, 聖母玫瑰堂), 之後就去下一個景點 "大三巴", 到逹大三巴的時候, 己經開始入黑了, 用數碼相機影大三巴的夜景 + 人, 簡直超高難度, 最後逗留一會兒, 我們就在手信街最後補購我們的手信。買手信時, 其實我覺得個肚開始有點痛, 行多一會兒後, 我真的覺得很痛, 最後只好蹲在地上, 也嚇到她們, 最後我們選了一間很出名的麵店食晚飯, 之後就捧著肚痛的肚子回酒店拿行李回碼頭, 也順利結束我們這次的旅程。

最後真的要向你們講一聲 "抱歉啦", 因為我的肚痛, 令大家也擔心起來, 好像也掃大家興, 我真的很抱歉

聖誕向澳門出發 - Day 1 Schedule : 檀島咖啡室 - 三盞燈 - 晶記餅家 - 二龍喉公園 - 松山市政公園 - 南洋小食 - 禮記雪榚飲冰專家 - 恩尼斯總統前地 – 安德魯餅店 – 十月初五街 – 里期本地帶 (晚餐) - 氹仔 – 官也街 - 回酒店

早上5:15分就起身洗頭, 洗完頭就跑落黃大仙搭地鐵到樂富 join 阿大, 之後在九龍塘 join 埋阿三就向上環出發。等齊人後, 我們就搭早上 7:30的船過大海, 去到澳門碼頭 8:55分, 連澳門旅遊咨詢中心都未開, 於是我地等佢開門, 拿了一些地圖和澳門世遺護照後, 先回酒店 check in 先, 之後就展開我們澳門之旅的行程。

第一站當然要去醫肚啦 . . . 我們到新橋區的檀島咖啡室食早餐, 一早我就很想試這裡的咸牛肉通心粉, 而她們則試了公司通心粉, 我覺得我哪個咸牛肉通心粉還不錯, 湯底是牛尾湯, 但我覺得似羅餸湯多一點。食完早餐, 就過左隔離的三盞燈影相, 之後就去紅街市幫阿媽買埋咸切酥, 跟住就去下一個地點出發, 我地打算行去二龍喉公園, 因為覺得好近, 但是我地唔知個方向啱唔啱, 所以在紅街市一帶徘徊了一會兒, 最後問了幾個路人, 他們都認為很遠, 個個都叫我地搭車去, 於是我地就揾巴士去二龍喉公園啦, 點知揾到巴士, 個司機又話 "前面咪是啦, 行過去都得啦", 成架巴士的乘客都望住我們幾個, 而我則無奈下車, 我覺得澳門 d 巴士司機都幾攪笑, 有生意都唔做, 仲叫我地行過去, 想幫我地慳錢, 真是超攪笑, 其實當時我隻腳址有點痛, 但是司機都唔俾我地上車, 只好行過去啦 . . . 原來行過去真的很近, 我們就搭纜車上松山燈塔, 搭纜車很便宜哦, 車費來回只是 3元, 到了松山市政公園, 我們先去參觀防空洞, 接著就參觀松山燈塔, 哪個燈塔的風景真的很漂亮, 好似去了外國一樣, 在哪裡還可以高處望落整個澳門, 因為哪裡的風景真的美呆了, 所以我們就在哪裡不停影相, 留倩影, 最後我們幾個仲攪笑到玩學人家影拍劇集的封面海報, 在蕭欣的指揮下, 我們不停擺一些人地拍劇集封面海報的  post, 拍下來的相真的同劇集封面海報一樣, 超攪笑, 如果我們出一本澳門遊的書, 我諗哪些相一定可以做封面。玩完一大輪, 就離開公園, 去醫肚, 原本諗住食 d 嘢就去食禮記雪榚磚, 點知我地行錯路, 找了很久才找到禮記, 食完雪榚, 我們就坐的士回酒店拿房。

拿房後, 我們在房間休息了一會兒就坐的士過路環, 因為我們在路環的里斯本葡國餐廳 book 左 7:30 p.m. 食葡國菜, 路環這個地方 - 是韓劇 "宮" 取景的地方, 是一個很美的地方, 因為時間緊迫的關係, 所以今次過路環只去了宮三個取景的地方, 但己經很滿足, 留待下次去澳門時才去吧!!!我們到逹路環就即刻去買很出名的 "安德魯"葡逹食, 當我吃了一口, 就己經覺得很好味, *O* 真的超好味耶, 食完葡逹就去左附近的十月初五街影相, 之後就去食葡國菜了。

我們今晚食葡國菜的餐廳, 宮也有在此拍攝過, 今晚終於一嚐心願, 來這間餐廳食飯, 真的要多謝我的同伴, 多謝你們哦 . . . 今晚還見到在宮出現過的總廚和安德魯餅店出現過的sales, 我真的很開心和滿足了, 真的很多謝同伴們哦 . . .

食完飯, 就去氹仔買手信, 原本想去試氹仔的豬仔飽和木槺布丁, 但因為我們太晚去的關係, 所以關門了, 為有等下次再來試吧!!!買完手信就回酒店了, 我們今日行了一整天的路真的很累了, 原本我們還打算出外食宵夜, 但大家太累的關係, 都取消掉了。

今晚大家零晨兩點就去睡覺了, 留待精神明天再繼續吧!!!

最衰都是死芒果的貨, 接咩單返黎呀！唔接咪好囉, 老闆都話接埋都唔夠賠本, 咁接黎做咩, 害我現在咁辛苦, 這單死芒果的貨, 己經令我被老闆駡了很多次, 你接左返來, 又賺唔到錢, 芒果d走貨指引又亂, 最後就揾我們來出氣, 咁我地又揾邊個出氣呀！唔通真是要好似莉莉個媽媽咁, 每次將個出氣公仔放落手袋, 一激氣就拿個公仔入厠所打, 雖然我都好想咁做, 但唔得嫁嘛 . . . 只好死忍

今朝早 forwarder 打來, 叫我 d 貨要下午 3點前入倉, 如果唔是就走唔到今晚 11點的飛機, 因為死芒果要我們24號前走左批貨俾佢, 於是一個上午就弄出口証, 香港 co, 入口証俾 forwarder, 最衰就是個老闆要我地一改再改 d出口証, co, 但我地是 tradelink send 左出去, 改唔到, 因為一 d 的問題, 所以只好重新打過一份, 我今日同阿頭一個早上就趕著弄這些文件。

下午 1點半終於弄好出去, 我就和阿頭去吉野家食 lunch (公司數), 一坐低, 阿頭即刻收到公司 call, 話今日出個批貨個間廠有急嘢揾我地, 於是我地又打去俾工廠, 原來阿頭唔記得將 tradelink 的 EDI send 出去俾間廠, EDI 唔 send 俾廠入資料, 咁我地今日就出唔到批貨, 於是我地兩個人用快速時間食飯, 大約食了半小時, 就即刻回公司 send 返 EDI 出去俾間廠, 最後 RECEIVED 返 AK 回來, 咁我批貨就走得了。

今日同香港個forwarder傾開, 佢問我地昨天有無得早放, 我答佢無呀！唔駛 ot己經算偷笑, 準時收工己經算好, 莫講早放, 跟住佢話我地好慘, 因為佢地有得早放, 我一開頭以為做得 forwarder 一定無得早放, 點知原來唔是, 最早放就是佢地啦 . . .

今日好多公司都有聖誕 party, 但我地公司不但無, 而且人地玩得最開心的時候, 我就是在公司摶殺, 趕文件出來, 真是好唔開心, 如果人地問我這個聖誕節開心嗎？今日我會回答我好唔開心 >_<
唔開心 >_< 唔開心 >_<, 做到4點, 我決定走人, d 工作留放假後才回來完成吧!!!我唔想好似有一年咁, 我同我阿頭兩個人在公司倒數, 我唔要再公司倒數, 我要走, 關機後, 然後將文件再拿入房俾老闆, 我覺得呢招關機後先交文件給老闆, 真是很掂。可能呢招用得多, 老闆己經醒水, 我正想拿袋走人之際, 佢就走房, 叫我整埋份香港 draft 俾佢, 十萬個頂, 我心諗我宜家打好俾你, 你咪又是星期三才拿去香港工業總商會蓋章, 正一屁忽痕, 佢當時叫我打呢份文件, 我見到佢雙眼是望緊我部電腦, 望咪望, 我係關左機, 咁點呀！我堅決左走, 我就一定要走, 不知哪來的勇氣, 我對佢 say no, 我話我放假返來先打, 佢話咩放假, 不要開玩笑, 咩放假, 駛唔駛我講明是香港特區政府法定聖誕節假期共三天, 真是係到扮傻, 我話香港工業總商會星期三先開, 到時放假回來公司先打, 之後再拿去蓋章。最後佢話咁你放假返來記得呢件事。我當時無諗過佢會唔會講一句 "做唔晒 d 嘢唔好做", 我只知我想走的決心是大過這句說話, 你阻止唔到我。可能我就是咁任性啦 . . . 但當你無心留在這間公司, 所以這心切都覺得不重要吧!!!仲有兩個月, 開始倒數了 . . .

我覺得每一個老闆都是屎忽痕, 明知一d 嘢即刻完作俾佢, 還是要等第二日政府或銀行開門先可以弄, 所以對我來講, 第二日完作工作也是一樣, 反正所有文件都會在哪天交到哪些機構, 到底有没有必要趕著在前一天完成呢？ 

星期二晚 ot,

星期三晚 ot,

星期四晚 ot

前幾晚都要 ot, 反正 ot 都 8點幾9點幾, 我都唔太記得, 其實想寫來寫日記, 但放工都没時間 + 累, 還是放棄, 等有空才上來補寫吧!!!有好多想寫, 好多嘢想講, 但都唔記得晒了

今日冬至, 早放工 (你休想啦 . . .唔駛 ot 都算偷笑, 仲想講早放, 又得準時收工己經好好), 原本今晚都要 ot, 但最後都是做到 7點就離開公司, 因為老闆要鎖門, 而其他同事個個一早就走晒, 於是只好走人啦 . . . 今日是難得一日是最早收工的一天, 回家好好享受吧!!!

呢個星期真的很不開心, 很想快 d到新年, 我要離開, 我要找 <<出口>> <-- 飛輪海第7首砍曲, 今日知道公司今年唔會有聖誕 party, 到會都唔會有, 即是咩都無, 心諗佢賺咁多錢, 連到會都無, 真是 "度", 死啦 . . .我就開始諗, 聖誕連到會咁平的嘢都唔攪, 咁我新年花紅咪無望, 可始擔心起來, 我真的很驚, 我等咁耐是為左 d 咩呀！咪就是筆花紅, 如果佢無花紅俾我, 咁我點算好, 我受咁多氣, 忍左咁耐, 為左 d 咩, 到最後原來咩都無, 我會傷心死的 >_< 我覺得我之前的等待, 而來是白費, 也令我覺得 <守株待兔> 這句成語真的妙極

今日臨放工前, 收到上海工廠的聖誕禮物, 好靚呀！大家估下是 d 咩呢？
 <--- 這是我第一份收到的聖誕禮物, 很靚, 我很喜歡呀!!!