昨天晚上等媽媽放工回來告訴她, 我打算星期日去染髮一事, 聽媽媽的語氣, 覺得佢好似唔想我去染, 覺得我出 salon 染好似好浪費金錢。但今朝早和她落樓下食早餐個時, 先知佢原來唔是唔想我去染, 我告訴她還在 15/16 唔知好唔好染之際, 她叫我染 highlight 會好過全頭染, 她話 "後生女染 highlight 好 d, 全頭染覺得適合媽媽級多 d", 我話看回之前的照片, 覺得個頭好黑, 影出黎的相唔是咁靚, 媽媽都話我的頭髮太黑了, 有點色會好 d, 聽到佢咁講都好 d, hehe ~ 我要為這次日本之旅準備好一齊,  扮靚 d, 影返一輯靚相返來, 其實每一次去旅行, 我都會好重視, 哈哈 ~ but 我唔會好似 <爆破裂>一樣擺一些爆笑的 post。

食完早餐, 我就出左太子看中醫, 睇完, 逛了一陣花園街就回家了。下午清理一下家中電腦 d 没有用資料, 打下機, 就待晚上去跳舞囉 ~

今晚精神好好, 好過上一次上堂, 所以今堂的跳舞亦多了一些笑容。其實我幾鐘意上呢個 miss d 跳舞堂, 個 miss 幾攪笑, 佢今日扮護衛攔路的, 超攪笑。我覺得呢個 miss 跳舞的舞姿好靚, 好有感情, 覺得 miss 其實個樣都幾靚的, haha ~

今日 lunch 去了 m 記食, 一邊食一邊留意大部份女仔染 highlight 多還是 全頭染, 發現大部份的女仔都是全頭染, 其實我都想全頭染, 但阿三叫我染 highlight, 佢話 highlight 會好 d, 還是在 15/16, 不知選哪一個比較好？星期日就要決定啦 . . . 打算星期日去弄個新形象哦 ~ 最近覺得自己 d 頭髮好似唔知想點咁, 好似個癲婆, d 陰長到去 d 尷尬位, 副眼鏡頂住左, 而 d 髮尾有 d 曲, 總之望落去好似不修邊幅的女生一樣 ~

今日總算不太忙了, 都可以 6:45分放工了。晚上回到家, 補追日記的途中, 與星加坡個表哥聊了一會兒, 通常我不會主動與他聊天, 主要我有嘢問他, 我先會主動找他聊天, 通常都是佢 hi 我先, 點知同佢傾左一陣, 我 d 英文開始退步, 他話 <what do you mean?> 死佢唔明我講咩, 點算好？咁我叫佢加油, 但我又唔知加油個英文點講, 之前見阿大寫過加油英文為 add oil, 點知他打了一句 <yes jia you in english is add oil but that is a direct translation >, 真是有時覺得和他溝通不來哦, 他又不懂看中文, 真是讓我很驚和他們溝通, 因為他們 d 英文真是好勁, 相反顯得我們 d 英文很差勁呀！

今晚發現原來韓國人都有拍 <白色巨塔>, 估唔到 <白色巨塔> 是邊一個國家都咁 hip, 台劇, 日劇, 韓劇都有, hehe . . .唔知遲 d 香港會唔會推出一個港版 <白色巨塔> 呢？

韓劇 <白色巨塔>的官方網頁:
http://www.imbc.com/broad/tv/drama/whitepower/index.html

天氣開始轉涼, 冬天的褸找不到出來, 媽媽也忘記放在哪裡了？於是只好著了一件單薄的長衫 t-shirt 回公司, 早上有點凍, 覺得食一個豐富的早餐都不會很過份, 於是就去了茶餐廳食了一碗沙嗲牛肉火腿麵, 見到個樣後, 己經不太想食, 成層油係碗麵度, 俾左錢當然要食, 點知食食下, 覺得有點辣, 最後覺得佢係在碗麵加入唔知咩牌的沙嗲樽裝醬, 完全是不知所謂, 煮熟 d 牛肉 + 火腿 + 麵, 然後再放入醬料, 真是不知所謂, 仲有佢 d 甜到漏的阿華田, 我只放了 1.5 匙的糖, 己經甜到漏, 唔飲得咁濟, 食了一個不知所謂的早餐, 真的影響我今天的心情呀！

lunch 唔肚餓, 就去食了平價河粉, 食完就去 apm 逛了一會兒, 以前在 apm 樓上返工, 覺得 apm 己經俾我逛齊晒, 無嘢好逛, 但現在反而每日都想去逛, 人呢？真是有個時唔覺有佢係到的重要性, 當遠離左, 就好想去, 可能呢 d 叫犯淺啦 ~

公司其實有 d 好攪笑的事情發生, 笑到我地一班同事死, 話說太子爺個fd (michael) 睇中左 peggy, 而 michael 是太子爺的小學同學 + 前任公司的醫療保險顧問, 有次 michael 話 peggy 話叫佢買雪榚上來公司, 因為 peggy 想食雪榚才買上來公司, 其他同事叫佢買, 佢都唔會買上來哦 . . . 他對 peggy 有意思, 有次還想來等 peggy 放工, 嚇死 peggy。我地成班同事好想 michael 上來公司, 他一上來, 我地就有排笑, 連太子爺都知呢件事, 我地成班同事同太子爺恰好, 今曰太子爺返了大陸, 叫太子爺同 michael 講今日要回大陸, 不在公司, sandy 話保證佢實會上來, 點知 sandy 估中, 佢下午真的上來了, 笑死我地啦 . . . 我地話 peggy 肚餓想食下午茶餐, 於是屈左佢請全公司請下午茶餐, 個個都點了沙律, 我也點了一個沙律來食。食完沙律, 己經覺得好飽, 覺得己經不想食晚餐了。不過呢件太子爺朋友追女事件真的超爆笑囉 ~  

今日早上 9點正就回到公司工作, 因為想早點回去, 多完成一些文件, 哪 ot 都不會 ot 得太夜 ~

lunch 去食了鳳爪排骨煲仔飯,  真的超好味哦, 而且只是 23元, 用了 30分鐘食飯, 食完飯, 我就好快回到公司趕緊打我的 invoice + packing list, 我想 lunch 時間, 我用來逛街, 不如早點回公司完成手頭上的工作, 好讓自己早一點下班。

原本以為今日應該都不會好夜, 點知都要 8點幾先可以下班, 唉 . . . 幾時先走完 mango d 貨呢？己經擔心去日本請假的事情, 公司出貨期間, 係公司最忙的時候, 我竟然請假去旅行, 俾我阿姐知道, 我實死得, 真的有 d 壓力呀!!!點解去旅行都會有壓力的, 真的有點後悔去日本了, 覺得這趟日本之旅是一個有壓力的旅行哦 ~

今日放工, 覺得這個星期過得很慢長, 幾時才到星期六呀？

早上原本打算早點回公司工作, 早上8:50分己經回到公司, 點知公司還是漆黑一片, oh . . . 小英可能出左街做嘢, 可能要等其他人回來才可以開門了。小英的上班時間是早上 8:30, 諗住佢實會在公司, 點知 . . . 等到 9:20分, connie 也回到來, 我們兩個人企在公司門口, 直至 9:30, grace 終於回來開門啦, 真是太好了 . . .

lunch 我, peggy, 維珍, mandy, suki & carmen 去了 apm 吉之島掃了一些熟食回公司, 我們逛到 1:35分才捨得去結帳, 俾完錢, 就拿拿臨回公司食飯, 感覺好似開大食會一樣, 中, 日, 意的食物有有齊, 回到公司, 我們的食飯時間還剩 15分鐘, 要趕快食了。食完 lunch, 個肚還是有點痛, 忍忍忍。

今日己經被文件活埋, 係咁可停打 invoice + packing list, 今晚算早放工, 晚上 8:30可以走人了。回到家己經好累, 人也不是好想郁動 ~ 累累累 ~ 還是早點休息吧!!!

今日中午去了食魚蛋粉, 之後就去了 apm 逛, 我想買一件運動褸, 不知道是不是這樣叫 (運動褸)呢？之前再街上, 看見一些女生著得也不錯, 是 nike, addidas 個 d 運動型的褸, 我目標是想找藍色 + 紅色 的, 之前再街上, 看見有個女生哪件是藍為底色 + 小量紅色 + 一些小襟章 (如 addidas 的 logo 等), 件褸真的很漂亮哦 ~ 我想如果買了一件運動褸, 哪就不易患上感冒了, 看醫生的錢也足夠買一件來著, 想像好似好化算, 又有靚衫著, 又健康, 呵呵 ~ 其實没有一件長袖褸, 現在著的只是中袖褸, 所以天氣轉涼, 穿不夠衣服, 就容易病起上來了。

這個星期己經展開 ot 週了, 超多工作, 工作量大增 + 生病中, 個人超累的。今晚 ot 到大約 9點, 看見大部份同事己經離開得 7788, 自己還在打拼, 錢真的不易賺哦 . . . 只想快些走完這星期要出的貨, 講真, 當聽到要在同一天走晒 20幾個 portion 的貨, 打 invoice + p/l 實打死我, 真的有點壓力, 為什麼要在我生病時走這麼多貨呢？我真是好憎死 mango d 貨, 個客又煩, d 出貨程序

今曰在家裡睡了很多, 睡到晚上, 開始看看韓劇 <咖啡王子一號店>, 這套韓劇很好看, 劇情很攪笑哦 ~

今日長週要上班, 放工後, 就立即回家休息。

lunch 媽媽弄了冬瓜蚊讓豆腐 port + 菜心, 兩樣都唔食得, 如果唔是會痾死的, 最後選擇不食, 而去訓覺, 一睡就睡到下午 5點, 起身後, 食了幾塊餅乾, 就等食晚飯了。

食完飯, 食完藥, 休息了一會, 就去上跳舞班, 爸爸話我病還去上堂, 我諗住出身汗對身體也好, 於是就好任性去左學校了。

點知上了 15分鐘, 我己經開始覺得不對勁, 我跳了三個動作後, 不停標汗出來, 塊臉紅都不得了, 再跳多幾個動作, 開始感覺體力不肢了。估不到今晚這堂課的舞步咁劇烈和帶勁, 每個動作都很快, 而且每個動作真的讓人有忙不過來的感覺, 可能在生病中, 覺得今晚這堂課真的上到有點辛苦。今晚只做了好少的 yoga 動作, 跳跳下, 真的有點想老師快 d 做 yoga 啦 ~

下課後, 覺得有點暈, 就坐小巴回家了。

終於有時間想來補追日記囉 ~ 今日好有興致上來補追日記, 點解會這樣呢？這排有好多嘢都好想講, 没有和朋友聊天, 在公司我也很靜, 没有太多的嘢講, 儲埋儲埋一大埋嘢, 真是好想找個朋友聊天哦 ~ 就黎發癲啦 . . . 這個星期工作很忙, 只有不停不停的做, 每日連一杯水都飲不到, 還是在生病中, 連飲水的時間都没有, 更何況聊天呢？

今日 lunch 去了大家樂食一哥焗豬排飯, 食完個肚超肚痛, 有想過不如下午請病假去銅鑼灣看看莊醫生吧!!!最後爸爸打了過電話給我, 叫我食一粒必理痛先, 再看看情況決定是否下午請病假。回到公司, 食了粒止痛藥, 隔了一陣, 情況好了點, 個肚没有這麼痛, 還是忍到放工回家才看醫生吧！

放工, 爸爸就車我去樂富看醫生, 醫生話是由感冒菌引起的腸胃炎, 我對醫生說 : "醫生我想打止痛針!!!", 醫生話情況不太嚴重, 不需要打針, 只要食藥和介口就可以了, 醫生吩咐我只可以食"捉" (唔識點打倉頡碼), 魚和豆腐這三種食物。

晚上依醫生的吩咐只吃了一碗 "捉", 個肚真的好了點, 每次食完東西, 個肚都要痛個不停, 今晚只有輕微的痛。 

今日拿文件到太子爺房給他簽名, 他問我 "現在用緊的電腦 ok 嗎？", 我回答 "好, 而且仲快過之前用開個部 . . . hehe", 他笑, 但我唔是有心串佢俾部慢機俾我用, 只是反映下我的意見, feel 到佢好似唔打算幫我整返我之前部電腦, 如果是就真的太好了, 因為佢部機實在太多 fuction, 我舊個部電腦簡直是老爺機, 連小畫家和 update 的程式都没有, 好多都要靠我自己去裝。

下午肚還是痛, 又痾了, 真是連褲頭都鬆了, 腰帶都要鎖定多一格, 唉 . . . 肚痛幾時才醫好, 決定放工回家看中醫, 於是 6:30準時走人。

7:05分回到屋企樓下, 好彩醫師還未走人, 醫師開了一劑藥給我, 叫我飲住先, 如果飲完没有再肚痛, 明天再飲多一次, 就可以了。

由於昨天睡了很多, 情況比昨天好了些, 但肚還是痛, 挨著去上班, 工作依舊多。

下午, 太子爺走到我個位前面問 "你地覺得去日航食聖誕節 buffet 好？還是紅磡海 "日" 酒店食好呢, 仲有就是朗豪坊 . . . 嗯, 不過我覺得日航好似唔錯"

CONNIE 問 "幾多號先？"

太子爺回答 "宜家只有 12月21號有位, 有些連 21號都 FULL 晒, 所以要快 D 訂啦 . . ."

大家一輪討論, 最後 PEGGY 發了一個 EMAIL 給全公司投票:

12月20號 (星期四) - 紅磡海 "日" 酒店

12月21號 (星期五) - 日航酒店

最後大家都選了日航酒店食 BUFFET, 真的太好了, 之前聽阿三話日航的 BUFFET 很不錯, 而且風景很漂亮。

到下午, 肚痛得很厲害, 又肚痾了一次, 食完藥都這樣痾, 真是辛苦。我覺得這個醫生開給我的藥己經不管效啦 . . .無奈中 . . . 每日都咁樣痾, 個肚腩都細了, 如果痾都瘦左, 咁去日本影出來的相, hehe . . . 實 very good

呢排咀唇  腫左, 昨晚爸爸話我  兩邊腮也有少少腫, oh ~ 點算好, 爸爸話我可能生   "胙腮", 昨晚勁流鼻水, 個肚陰 d 陰 d 痛, 加上又鼻塞, 所以今朝早起身覺得好辛苦。

準備出門口前, 突然肚痛都不行, 還  肚痾添 ~ 於是決定今天不上班啦, 還是好好待在家裡養足精神吧!!!因為前排的工作真的做到有點辛苦, 積積埋埋 d 累, 一次爆發出來。

醫生話我是感冒菌入腸, 而咀唇腫和腮腫了, 是因為 <爆擦> 的緣故, 聽到呢個答案後, 真的令人有傻眼  的感覺, <爆擦> 都會令咀唇和腮腫了嗎？真的很懷疑 ~ 再看看清況先決定下一步要怎樣做啦 ~ 我真是好想快 d  醫好塊臉, 我唔想去到日本都是咁, 影出黎的相, 就 . . . 我不要哦 ~

看完醫生回家, 媽媽又話想去樂富的銀行, 看看日元的兌換情況, 但是我剛剛從樂富看完醫生回來, 現在又要去樂富, 真的有些不想去。問左好多銀行, 現在日元又升值了, HKD 6.8 = 100 YEN, 於是還是等多一排才對吧！現在的 RATE 很高哦 ~

逛到 11點幾先回到家, 回家訓了一陣, 又要食 LUNCH, 食完 LUNCH 就一直訓到 4點幾, 食完這些藥, 真的讓我很困。要快些  好起來, 星期六還要上跳舞班哦 ~ 要盡量爭取睡眠時間先得 ~

今日 lunch 不是太肚餓, 所以只有食杯麵



食飽飽後, 就去了 apm 逛, 其實因為食完飯, 又無咩嘢做, 所以去逛下。點知一去到 APM 就撞到舊公司個秘書 CONNIE, 於是與她一邊聊天一邊逛商場, 聊了很多, 知道她們的近況不是很好, 但是我也是好不到哪裡, 只好奇待日子快些過去吧 !!!

 APM 的 HALLOWEEN 活動

由於忙到連飲水的時間也没有。當放工的時候, 覺得好肚餓, 於是去了觀塘廣場買了一些零食, 很好味的, 之前也没有見過這款零食出過 <朱古力 DONT NUTS> 真的超好味呀！



放工回到黃大仙, 順道經過 CCDC, 於是就回學校拿回張 COUPON, 順便拿了本章程來看, 回到家在想這張 COUPON 用在哪一個 COURSE 好呢？因為好多都好想試, 有  JAZZ FUNK,  L.A. JAZZ,  JAZZ FUSION, 這張 COUPON 有效期到 11月27日, 真是要好好考慮用這張 COUPON 報哪一個 COURSE 了。

今日媽媽和弟弟都休息, 於是媽媽決定今日去西貢 bbq。下午 2 點幾從屋企出發, 沿途都覺得呢排 d 天氣最適合戶外活動, 坐車的時候, 想回以前行山也會經過這些路, 實在太令人回味啦 . . . 突然好想去行山添, 等我問下阿大, 看看她下星期日有没有興趣入西貢行山先。

呢排 d 天氣真是 good, 又有陽光又有少少涼風, 真是好鐘意呢種天氣哦 ~ 今日燒烤食物款式不算多, 媽媽竟然没有買魚蛋, 又没有芝士腸, oh . . . 算啦, 食其他食物, 燒到 6點幾, 就回家了。 

送上今日 bbq 照一張, 好好味的烘麵飽哦

今日和昨天也一樣, 下午看碟和睡覺。

晚上食完晚飯, 差不多 8:20分出門口準備去上堂, 由於放假的關係, 所以我星期四晚把手提話關機到現在, 當我在大廈電梯開返個電話, 落到地下收到一個留言 message, 原來今日 miss 病左, 所以 cancel 了今晚個堂, 她會補回一堂給我們, 好彩没有回到學校才發現這個, 否則就要白行一次了。於是搭返電梯回家了。