2日，上星期四，我好似唔係好舒服呀..所以我冇去打波呀..不過當日傻一有工見，我都有去中環接佢...之後我地去左數碼港行下...哈哈...好多人去睇戲...不過個商場都係咁靜...行左一陣就去返西營盤食心粥館...今日我既身體都係時好時壞..好攰...不過我見到傻一好似好擔心我.....傻瓜...我冇事架

3日，上星期五，我又ok喎..冇咩野....放工去左同我阿哥慶祝生日，去左麗港城食飯....個氣氛都唔錯呀...

4日，上星期六，我要帶隊去參觀drug info centre，今次都好順利，呢次參觀我有兩樣野好開心..第一，今次我真係完全冇準備之下同班老師介紹自己，介紹今日既野，我做workshop既時候都係完成要寫定稿..不過今次又冇...當我介紹既時候，我又好流暢咁講左成分幾鐘既野....我個一刻都覺得:嘩..我冇窒口喎.....第二就係哥利亞聽完個度個guide講完野之後，話我present得好d...yeahyeahyeah>....完左個function之後我打俾傻一，佢又搭緊車返屋企，我就join左佢...返西營盤，我去左食lunch..佢就返屋企放低d野...之後我就送佢去左上環食飯，我就去信德既starbuck飲咖啡等佢....係個度一邊聽歌，一邊睇雜誌，好relax呀..時間好快就過左1個鐘..之後我就出去行下..一行出去我覺得好好好好凍........之後行左一陣傻一又打俾我...我就join返佢..一齊去做gym...我地都有曬燈，做完之後去左sphagetti house 食野....係個度開始好攰...之後傻一又開始唔舒服喇...我地搭車返上環...佢又好似冇咩野喇..之後我地行返去佢屋企...個晚傻一就開始病喇

5日(星期日)，一早我同屋企人就入左大埔家姐度飲茶，個度d烤餅好好食..好正宗...食食下.傻一話佢唔掂..佢要睇醫生...之後我坎既時侯..本來想趕出去睇下佢掂..不過去到一半...佢已經睇完...話想返屋企休息....咁我就都搭車返屋企....好忙呀..本來想瞓..但結果都冇瞓到.....夜晚傻一打黎..好似重係好唔舒服....佢話第二日都唔返工架喇..我就知佢一定好唔掂...好擔心囉...

6日(星期一)，到我喇..我返左工一陣...就開始覺得好浮喇....我之後請左sick leave，去睇醫生...終於都係去左睇..之學食粥就去左睇一睇傻一...之後先返屋企，我去到見到佢好似瘦左咁...好攰咁..好肉痛喇.....睇左一陣..我本來想睇住佢瞓左我先走....不過佢見我係度又瞓唔到..我就走喇..我搭車返屋企既時候都好攰...我都瞓左...一返到屋企..我都瞓喇..

7日(星期二)，本來今日關淑怡出碟..不過結果又冇出到....再等喇...今日係我同傻一7個月既紀念...不過今日冇出黎食飯..因為傻一都係唔係好舒服.....遲d補返喇..

8日(星期三)，今日終於買到shirley既新碟...不過其實冇咩期待..因為所有歌都聽過，冇哂驚喜喇...今日我又思覺失調...我又火氣大喇.....唉.....

9日(星期四)，今日個心好唔舒服...好在最後都雨過天清.....傻一又再睇醫生喇...你要快d好返..

10日(星期五)，返工都ok呀....放工傻一黎左等我放工....之後佢陪我去攞身份證，都唔錯呀..張相..一定好過之前個張...我今次好醒...影左舊個張身份證好多個copy..留念呀...我好後悔當年冇張張兒童證copy呀...之後傻一送我返屋企..我見佢好攰呀...個樣...之後佢又要出返旺角食飯..你要快d好返哂呀.......

今個星期覺得過得好慢........真係好慢...

7個月喇!!

當世界無玫瑰 關淑怡

當世界無玫瑰  處處變枯萎
你亦是絕不可替  仍是我的依歸
當世界無玫瑰  至鳥獸盡逝
我亦願為身邊你留低  同尋人生光輝
同承受風雨季  皆因你長是  我心中一切