11日，上星期六，今日我放假，中午我去左搵嫺姐食lunch..之後佢陪我去買禮物，頂...個pinkbox個女sales真係唔得...又串...我試左一條唔買佢就即刻黑面......點呀...唔俾我要考慮下架...佢依家咁我死都唔會返轉頭買添呀....結果最後去左六福買..又ok價..又靚...之後我去左搵傻一，跟住行左去拎d旅行資料睇...其實都冇咩話好想去..不過都拎左一推野睇..之後我地去左數碼港睇..係車度送左ipod俾佢...佢好似好感動咁....哈哈...係數碼港睇左一陣，不過最後都冇決定....跟住我地又去左旺角行左一陣....食飯....跟住就返屋企喇...
12日，星期日，下晝我去左搵傻一一齊去太古曬燈...好趕..每人曬兩set...好黑...之後我地去左睇「隔著阿媽說愛你」，我之前都睇過好多奧瑪花曼既戲..不過未見過佢做愛情小品既...不過我都係覺得佢唔岩做呢款...打女岩佢d...梅麗史翠普好搶...個ending好sad....不過佢都強調「愛」係一種責任....岩呀..不過最後睇到佢兩個唔能夠係一齊都有d唏噓.....之後我地去左銅鑼灣食麵...之後就返屋企喇
13日，星期一，今日返工好忙...放工去左同阿媽出街食...去左沙爹王食....好耐都冇同阿媽兩個人出街食..以前成日都會...我阿媽最鍾意就係食炒飯....所以今次都有叫..不過個度d珍珠奶茶真係唔得...開粉奶茶.......好難飲
14日，星期二，情人節....放左工去左旅行社問野....問左好多間..都好似冇咩頭緒...不過最後去左東瀛遊..好似有個idea喇...不過最後都未報....之後我地本來想食香辣屋...不過冇位..結果去左「小城故事」，個度d野食都好好食...不過好焗...我又頭痛....喇..食左之後大家都好攰...返屋企喇....係車度送左份禮物同卡俾傻一....hehe
15日，星期三，放左工終於去左報名喇.....4日3夜泰國自由行....yeah..有左決定就好喇....可以一心諗玩咩...之後就去左食印度咖哩...我好鍾意個間野...唔迫..又好味又唔貴...食完之後行左hmv一陣..我地就走喇...今日又好頭痛..一潮濕我就死..傻一話:咁係咪太陽出黎你就會冇事.....HAHAHAHA
16日，星期四，今日好激氣...ms.chan一句話要烚菜...我同李女士講...佢就發左顛.....之後我同佢有嘈...之後我成個下晝都冇睬佢...放工就去打波.....發洩...
17日，星期五....今日好忙...朝早有人黎visit>..下晝又要prepare個美食比賽...放左工又要去開會....頂...去到個八婆甘先叫我寫minutes....個度食野真係唔錯..不過我唔enjoy.......
18日，星期六，終於到美賽喇....好亂囉.......個甘大枝..明明叫佢要撐10分鐘..結果3分鐘就完.....個ms.chan又亂黎..結果我覺得係一個亂字.......我都冇眼睇.......我淨係想快d完.....下晝我去書局買左兩本曼谷書睇....我鍾意well prepared..所以我次次旅行都會買兩三本書睇....再度一個trip plan...係書局度睇左成個鐘..之後就走去接傻一....佢對面開左間新既日本糖果店...我就買左幾款朱古力俾佢.....之後我地去左銅鑼灣食左南記麵..再去旅行社交尾數...嘍住同佢去左三越買禮物俾佢阿爸..之後再去298買墨...之後我送完佢返屋企我都返屋企食飯..今晚食亳豉咸蛋皮蛋瘦肉粥....正!
19日，星期日，朝早飲茶，之後知道可以去中央圖書館攞關淑怡concert飛....我就諗住攞左先...點知撲空...打電話又冇人聽...唯有去搵傻一先.....途中佢先覆我話遲到..之後我又同傻一返去左攞...第3行....ooh.ooh...可能重後過我用信用卡訂.....唉..之後我地去左太古做尖....好少人..我第一次見到佢地annouce叫人走....之後我地去左灣仔食野...間野叫甜甜地...我個炭燒茄子牛扒飯好得...係個度見到一個好似梁詠琪既女士.........不過最後我見證到唔係...食完之後就返屋企喇...
20日，黑色星期一，朝早返去present 個centre..我自己覺得唔錯....下晝發生左一件好勞氣既事...頂你...個ms.chan都重要講話係我冇confirm個評判....佢話:你覺得星期六個function點呀...我:ok呀...佢: 係?有冇野要跟進..我:冇呀..佢:冇?d評判呢?我話係個八婆甘跟..佢話:你唔可以指意哂佢..你自己要跟....佢只係輔助你..點呀....佢輔助我..唔係應該幫我跟d野.?佢咁講..我完全冇野可以再講.....佢見我唔高興..又話:算喇..我依家唔係要搵邊個岩邊個唔岩..好少事者...不過都要learn from experience>..妖..好乞人憎囉.......我跟住問:星期五個minutes應該邊個寫..佢問:你寫有冇困難..我話冇..不過我話甘大枝最後一秒先同我講話要我寫..我以為佢玩者.....佢:「tommy..有時d野...你寫可能用少好多時間...所以咪你做好d囉...如果有d野阿甘做會快d..我都會叫佢做...」呢d咪就係養懶人囉...我都做慢d...扮哂野囉..扮哂野就唔使做...2萬幾一個月....日日返工吹水....今日係呢兩年半我係呢間公司感覺最差既一日，好灰......我聽完個電話d火谷哂上眼度..好紅..係眼火爆個隻..我都未試過咁.........所以依家好攰!!!!
|
