尋晚同Leslie用Skype傾電話，傾到2:00AM先訓覺！第一次同佢傾計傾得咁暢快！因為佢手提唔同台，傾電話同SMS都要收錢，

所以平時就算電話聯絡都唔會講好耐。雖然有佢MSN，不過佢唔識睇中文，所以MSN時要用英文溝通，突然間要我轉英文台，

真係頭都大埋　太耐冇開Skpye，都唔記得左個密碼係乜，撞左好耐終於俾我撞中左！以後同Leslie溝通唔洗打英文咁辛苦啦

就係因為同Leslie傾電話，攪到我今朝唔知醒！！（有人唔識睇中文，緊係賴落佢到啦！响到講佢壞話都冇問題∼嘻嘻）

又要急急腳咁行去車站，平時女仔派宣傳單張我唔會拎，不過今日係男仔派，就算幾趕都幫佢拎返張（我係咁大細超嫁啦，哈∼）

响學校附近便利店買麵包同朱古力奶做早餐，食得太多，到左食lunch時間都未肚餓，所以今日冇食便當。

　午餐食忌廉蛋糕，其實係因為個公仔太得意，忍唔住買黎試下！

下晝大西老師堂又要作文， 老師話份作文要今日交，落堂前未作晒的話就要留低作埋佢。平時兩堂時間我一定作唔晒，

不過我答應左Kaku今日放學後即刻返宿舍借張車飛俾佢用，我真係攪盡腦汁，終於趕得切响落堂前作好篇文，太叻啦我 ^O^

本來去藥店淨係買防曬，點知發現藥店每個月o既３號同２０號全店貨品９５折！！咁啱今日係３號，即時買多幾樣野∼

　左：唔想有＜士多啤梨鼻＞就要用佢！　右：日日都要用，冇佢實變非洲黑人！

　左：洗頭水　右：沐浴露（兩樣都未用過，見佢地包裝唔錯所以試下用∼）

班上台灣女仔讚我皮膚好，冇乜暗瘡，日日素顏見人！　雖然我唔識化妝，冇敷mask，不過點都要查少少野護膚o既！

　除左查面之外，仲要用防曬，body lotion，hand cream，eye cream（都唔係好多野啫！）

　晚餐食炸雞，又係炸野，皮膚幾好都死啦！！！！點可以唔用護膚品呢......