市面上有幾隻仿Canon或Nikon鏡頭造型o既杯，捉到攝影發燒友o既情義結。
暫時以Nikon 24-70mm f2.8保溫杯最幾可亂真，變焦環仲可扭動伸縮鏡頭，
連用慣Nikon鏡o既我都覺得質感幾似，我都係潮流特區買左個盛惠198蚊。
不過點解24mm個焦段係伸出反而50mm個焦段先係縮入同埋扭唔到去70mm...
剩係我個杯有問題定係本身個設計有問題？同埋呢d山寨廠多數無版權啦，
值得一讚係佢連牌子名都抄到足，唔會好似某d紙巾盒咁專登串錯字。
同一隻形號仲有平價版，平果幾廿蚊，但係造功粗劣好多，無得zoom out，
印係面o既金色字亦都爛爛地，不過平版包裝盒真係跟足枝鏡原裝盒咁...
另外仲有Canon 24-105 f4，呢個市價約100蚊，質感好膠，內層無不銹鋼。
仲有一枝小小白，滑得滯，似件玩具。
|
