為左用PC玩VR仲猶疑買wifi5G好定cable好，
放工經開屋企樓下間電腦舖就問下個店長，
我話我用HGC100M寬頻，5G行到幾多乘功力？
佢話5G行到1000M，我得100M用唔到10份1？
佢又話舊世代wifi最多行到60M，所以轉5G，
都可以去盡100M都係快左。

即係衣家60M無線連VR疾到幾乎無辦法玩到，
轉左5G都只係多40M，唔見得改善得去邊喎？
我估起碼都要行到500M玩VR先會比較順丫？
唉，米啦，都係出旺角買條專用cable穩陣。

如果wifi唔得，再買cable就用多左冤枉錢，
如果cable唔得，再買wifi都無補於事，
最少要買過部新電腦，仲要係高配果隻，
果度肯定超過1皮，短期內都唔會咁搞。

日前我寫左篇VR Chat日誌係Quest2版，
Quest2版係睇唔到好多自製角色模組，
只見到機械人公仔，好奇又玩下PC版，
反正都免費，可惜連Quest2唔夠力run，
只好就咁non VR玩，呢隻唔1定要VR。

都係login番同1個帳號都有新手教學，
入左自己屋企後巡例又入下和風地圖，
1入去，哇！呢度邊度黎？完全認唔到！
PC版靚好多！d建築物有texture！
用Quest2玩對番d位置確認係同1個map，
原來Quest2版幾乎無彩質貼圖，
所以先極簡陋，只係用色塊去建構出黎，
見到有個水池位乾塘o既，PC版有水架，
之前話VRC建模粗糙，要收番呢句野。

仲有好多map係PC版專用，Quest2入唔到，
我忽發奇想諗有無人整RO個中央城呢？
就試下search下ragnarok，哇！真係有！
唔單止普隆拉德，吉芬、裴陽通通都有！
如果用VR玩到真係可以感受行入RO入面！
咁又試下搜尋tales of，都有條村落版圖，
不過我其實唔係好熟tales of系列，
所以無咁大共鳴，只係想體驗穿越異世界，
呢d中世風RPG場景應該可以得嘗所望，
跟住又search下FF7，有人整左神羅大樓，
雖然我都無玩新果隻FF7但有睇人玩，
都認得個場景還原度好足，再試第個map，
有個係艾莉斯個教堂，要5百幾Mb容量，
係目前入過咁多map最大容量，1入去，
真係好痴線，應該接近3A大作級o既場景！
雖然行近少少睇D貼圖解像度唔夠細緻，
但整體都好美觀，由貧民窟行去教堂條路，
沿途d廢置機械零件唔係貼相片係立體架，
又點少得SAO？當然係有人整出黎啦，
佢仲好有心思，1入去係桐人間睡房，
要o禁果個頭罩裝置就出現時空隧道畫面，
模擬番劇中login情景linking start，
先入遊戲世界，進入村落，外面仲有怪，
以為d怪係裝飾品，行埋去會彈番番睡房。

講左同ACG相關o既版圖，講下d齋觀光圖，
由adi製作o既場景都好靚，d野好精細，
用左真實texture物件好迫真，好正，
最初係用Quest2入去，都已經好靚，
點知用PC再入，原來Quest2都係閹割版！
用PC睇更加精美，Quest2版無左好多野，
例如有大營幕播片啦，仲有d衫掛響度，
adi仲好有心機整左個類似博物館o既圖，
收藏好多雕像，有古羅馬有埃及等，
仲有埋耳機可以比你聽該文物相關歷史，
雖然唔知d資料真唔真，但誠意滿分！

仲有唔少有玩味性質o既版圖，
例如有個波動拳，只要做出波手勢，
就可以出到波，蓄力耐d仲有龜波氣功，
有個map係可以好似蜘蛛俠咁利用繩索，
響高樓大下間飛黎飛去，亦跌唔死 XD
有個map可以渣飛機，不過好難控制，
有個map可以渣賽車，有個map打哥爾夫，
有個map可以凌空畫畫，真係好多野玩！

雖然Quest2唔駁電腦都玩到佢平台o既game，
但數量唔夠豐富，而且要信用卡同埋貴，
同1隻game響Oculus Store買同Steam買，
可以爭3至4倍價錢，Oculus賣貴幾倍，
所以駁電腦玩先係主菜。

其實我都唔敢肯定部電腦夠唔夠力run到，
就算唔夠，短期內亦唔會買VR ready PC，
暫時我都無打算要玩d咩野3A級大作，
求其比我玩到VR Chat、3DCM2果d就算啦，
都$19美金買左virtual desktop(簡稱VD)
之前睇教學又要注冊同安裝side quest，
又要簡咩野開發者，手機都要設定開發者，
好Q麻煩，但最近Oculus官方承認左VD啦，
可以唔洗搞咁多野都玩得到。

首先響Quest入面買VD同安裝啦，開著佢，
佢就叫你電腦要去www.vrdesktop.net度，
download個Streamer App安裝響電腦度，
裝完再填番你Oculus個user name，
帶番個Quest2已經望到電腦個營幕啦，
仲未得住，要你去Oculus官網裝埋個軟件，
容量都幾大要5Gb，download都要半粒鐘，
裝埋啦，正式可以響Quest2行Steam VR，
其實全個過程都會有指引，跟住做就得，
唔洗特別去睇教學，好簡單。

首先第1次響PC行o既VR都係VR Chat，
之前亦有試過無VR玩，都叫做OK行到，
但1入VR睇變左低清畫面，起晒渣，
流暢度仍可以接受，再試下入和風map，
出事啦，完全動彈不得，畫面係咁閃！
搞到我要熄左佢，試第隻game都係咁，
未知係電腦唔夠力定係wifi唔夠快？

之前睇巴哈都話玩VD要用5G wifi，
我果部實唔係啦，6年前買o既邊有5G？
明知唔係都試下，慢d都仲可以加減玩，
點知係玩唔到，中途我有望番電腦mon，
電腦show出黎o既畫面好似無乜事，
我懷疑係唔夠力傳送去個Quest度，
始終同平時睇片投影去projector唔同，
睇片夠力可能係早幾秒已將畫面送過去，
但打機係即時反應，無可能先讀。

估計係呢個原因，但亦怕買左wifi後，
先知係部機唔夠力，或者網速都無5G，
我用緊果個係HGC 100M Broadband，
唔知速度去唔去到5G，安全起見買cable，
插線玩肯定速度夠，應該仲可以供埋電，
解決埋Quest2先天續航力低o既硬傷，
咁樣都仲行唔到只能講部機唔夠力o羅，
其實部野都i7，有獨顯Geforce GT730，
都差唔多1皮架啦，唔係咁差姐？

有日屋企電腦photoshop壞左zoom out熱鍵，
明明平時都好地地，無端端ctrl-用唔到，
呢個hotkey算係我幾常用o既快速鍵之1，
但係淨係壞左ctrl-，其他包括zoom in正常，
而且響indesign亦能夠正常運用ctrl-，
我有就呢個問題去adobe客服詢問解決方法，
連佢地都答我唔到。

公司部電腦photoshop就無呢個問題如常使用，
但係早幾日公司果部都突然壞埋個zoom out！
不過有段小插曲，壞前好似有windows更新過，
合理懷疑windows update同photoshop有衝突。

其實illustrator亦同樣發生呢個現象，
證明並非個別例子，只係我比較少用ai，
所以對我影響相對無咁嚴重。

我試過自訂hotkey例如將zoom out改做ctrl[，
呢個原本係圖層優先度向下o既快捷鍵黎，
photoshop我好少用呢下，indesign就用得多，
但係第2日開機後呢個ctrl[居然又無反應！
咁我都將快捷鍵還原番預設值。

最近有解決方案，既然我改變唔到個世界，
就唯有改變我自己o既習慣去迎合個世界，
其實ctrl-仍健在，只係響右邊number pad，
左邊果個用唔到右邊果個如常運作喎，
但係非常唔就手，幾乎要拉到手掌最大值，
先至o禁得到，雖然亦可左右手各o禁1掣，
but右手通常長渣mouse突然放手好唔方便，
都只能習慣啦，似乎個bug遲遲都唔會解決，
illustrator有呢個狀況比photoshop更悠久。

買左Quest2之後目前主力都係玩VR Chat，
嚴格黎講又唔係玩o既，都無乜野好玩，
只係enjoy沉侵響虛疑世界o既感受。

第1次入VR Chat設定自己o既造形後，
會傳送你去到1間好單調o既房，
好似係比你試下移動o既操作之類？
無記錯係有得簡瞬移式或用手制步行？
當然係步行啦，瞬移邊有投入感架？
(之後好似唔覺有得set番瞬移？唔肯定)
然後我就行左入1間有聖誕feel o既房，
開初應該係得我1個人，突然有外人，
佢仲要黑蚊蚊呢響棵深色聖誕樹果度，
想嚇人咩？好在整體個分圍唔驚嚇，
然後亦有幾條友亂入仲講英文，
其實當時初入game想試清楚好多野，
想1個人呢響間房試，所以閃人，
然後先去到間屬於玩家自己o既房間，
每個玩家都係咁o既房，唔會有人亂入。

原來我坐響度移動動作好奇怪，
係長期半跪住咁行路，要企起身玩，
但企耐左容易疲累，可以設定坐住玩，
就算坐低角色會以企響身o既形態行路，
角色o既可做動作比我想像中豐富，
game入面雙手係跟據手把o既位置活動，
所以可以做出舉手揮手伸懶腰等動作，
頭部就根據頭罩活動，側頭搖頭無難度，
就算灣腰烏低身等動作都可以呈現到，
你講野果陣(發出聲音)角色咀吧會張開，
基本呢d動作就已經令角色好生動，
當然下半身腳部動作無辦法完美還完，
網上有影片係腳部綁埋感應裝置，
咁全身動作基本上都90%忠實還原，
係爭在眼睛無得自由合埋或單眼掛？

預設有廿幾款角色造形可以選擇，
外星人、女仔、香蕉、兄貴、刷膠都有，
風格都幾9唔答8，開頭我都簡女生造形，
但1諗到開聲係男人聲就好噁心，
所以我都係簡番舊刷膠比較無遺和感 XD
由於我玩Quest2版無得用其他MOD，
亦睇唔到其他PC版MOD，會變晒機械人，
佢預設果廿幾款就肯定PC/Quest都睇到。

好可惜大部份都係外國(歐美？)玩家，
好少華人玩家，係去1個room叫中文吧，
先聽到普通話，search chinese先搵到，
但人數都係好少，無人陪我玩係悶d。

1直好想玩開放世界自由移動o既game，
但可式通常係槍game打喪屍或者驚嚇，
想單純響虛疑世界散下步欣賞風景姐，
VR Chat的確做到，可惜建模太粗獷，
畫面大約係番番去playstation2年代，
仲要咁簡陋o既模組都要中途load出黎！
睇住個建築物響你面前突然出現咁樣，
的確有d扣分，無計，免費o既仲想點？