呢1兩個月facebook經常睇到森川葵o既片，
佢挑戰各種高難度雜技，有d仲1take pass！
開頭係劍球，話個隆好細好難插到入去，
佢1野就插左，又橡根射火柴盒上o既火柴，
佢又1野射到，又堆平衡石頭佢求其擺又得，
拉檯布佢又拉到唔跌酒杯，D達人O晒咀，
搖骰盅仲誇張，佢搖到1條柱其他達人失敗，
超越埋達人，我1路睇1路話有無咁堅呀？
應該佢暗啞底苦練左好耐，不過就算係咁，
能夠做到咁多雜技已經係好神架啦！

近期又挑戰吹番簡泡，都叫做得到，
睇住佢限時內失敗左好多次先做到，
都正常番D，不過佢都有攀唔過o既高牆，
最近挑戰玩棍，佢限時內上唔到最高難度，
失敗左，其實嚴格黎講，佢前面D難度，
我相信佢只係撞手神100次成功1次，
叫佢再黎多次佢都未必做得番果隻，
只係個節目係佢做到1次就叫做過關咁。

佢顏值OK，比起賣樣o既女星黎講係爭D，
但係勝在有才華真係加左唔少分數，
不過每次佢見到達人初表演果陣登大對眼，
個樣真係有少少扣分，同埋佢扮乜野驚訝？
轉個頭佢都做到啦！人地苦練10年o既野，
佢半個鐘就搞掂。

用左部新機差唔多兩個禮拜，可以寫小小用後感，
首先，用電量方面無乜大改進，新機叉滿100%電，
用1日後大約65~70%，用兩日後剩番大約25~30%，
即係頂盡兩日要叉1次電，衣家都每日叉電，
以前d電話明明叉滿電用1個禮拜甚至兩個禮拜，
其實衣家d電話唔係唔得，不過要飛行模式囉，
10年前o既iphone4衣家都兩個禮拜唔洗叉電架，
都係飛機mode，我仲用緊佢黎做通訊鎖，
至於o岩o岩退役o既iphone7都開住飛行做鬧鐘，
都係叉滿電開住佢放置1個星期仲有50%以上。

重點黎啦，暫時仲未試過上上下網出現連線中，
就算有時斷1陣都好快就上番唔洗睇佢轉好耐，
我之所以換機就係接受唔到iphone7果種斷線，
仲要好頻密下，斷左又要睇住佢轉轉轉轉轉。

不得不提下個相機o既味精比iphone7更加強！
以前iphone7影相已經好靚落左好多味精，
iphone12mini影出黎d質感更加有層次，
影近野背景仲有散景，我懷疑係假散景，
純粹software執出黎並唔係鏡頭o既自然光圈，
無估錯其實上1代iphone11已經有咁o既質素。

目前入左o既apps只有whatsapp、kkbox、
8達通、facebook、line、discord、youtube，
我懷疑可以用ios個youtube直接買premium，
而唔洗用信用卡比錢，就係唔想佢綁信用卡！
不過目前個投影機無左火牛，唔想咁快買住，
遲d搞番好投影機，應該經常用佢睇youtube。

講起社交平台，第1時間應該係諗起facebook，
我玩facebook都超過10年，果陣仲係英文介面，
隨左facebook外仲有好多例如ig、twitter等，
甚至其實只要有開line、微訊帳號都附設1個，
同樣地可以響果度貼文貼圖貼影片，無乜分別，
主要都係朋友可以留言、比like呢亙動元素，
唔洗好似發完帖比自己睇或比空氣睇o既感覺，
當然大前題你要有朋友肯回應或比like你啦。

近日就多處見到朋友推廣新o既社交媒體mewe，
有d報導更揚言移民潮、取代facebook等字眼，
其實唔止mewe冒起，美國仲有個parler添，
開mewe帳號係免費，但開fans page要收錢。

計我話乜都係假，最緊要係你個圈子多唔多人，
如果轉會後得小貓34隻，無亙動，有乜意思？
不過呢種多平台o既催勢只會分薄晒社交圈，
總有d人懶得轉會，或者有d人轉左去parler，
1係用晒幾個社交平台，咁咪比以前浪費時間？
以前開1個facebook就睇晒全部朋友o既動向，
衣家睇朋友a朋友b開fb，睇朋友c同d開mewe，
睇朋友e要開parlar，睇朋友f仲要開line添！
此風不可長呀！明明網絡發達將大家拉埋1齊，
衣家反而又將大家各散東西？又係另1種撕裂。

查實用facebook好地地點解突然有呢d風向？
唔多唔少都係同美國大選有關，特朗普輸左，
就賴社交媒體比對家操縱帶風向，或者係o既，
1味講特朗普點衰，對拜登不利消息被屏閉，
呢個人人都上網o既時代，得社交媒體得天下，
而香港年青人普偏係支持特朗普反拜登o既，
所以亦令佢地杯葛欺負侵侵o既兩大網媒巨頭，
facebook同twitter，呢個亦係其他新興平台，
要分臉書1杯羹o既大好時機，你睇朱克伯格，
賺到肚滿腸肥，尤其d廣告費，打跛腳唔洗憂，
要另立平台殺條血路最大關口係市場佔有率，
用家住慣城市根深柢固唔會戊然去鄉郊開荒，
你見啦，line都開左咁多年，都係谷唔起，
但係衣家d用戶對個城管不滿開始離家出走，
朱克伯格o既龍頭霸權會唔會從此衰落呢？

自己從事網絡媒體行業，必受呢個催勢牽連，
平時整完1張廣告文宣，只係post去facebook，
再推廣就有1定收視率，如果社交平台分薄左，
就唔止推廣1個平台，仲要推廣埋其他幾個，
變相推廣費用多左，但收視率亦唔見得多左，
會睇o既都係果堆人，只係佢地唔再聚埋1齊。

傳聞蘋果會響出年3月發佈apple glass，
睇左d非官方介紹片，係1種劃時代技術，
個眼鏡採用AR虛擬實景技術，好似SAO咁，
對空氣攤開手就出現介面，督落空氣度，
可以揀野，呢d畫面只有響科幻電影先有，
好難想像幾個月後現實世界可以體驗到！

條片有提及，個眼鏡其實無乜晶片運作，
主要運作o既係你袋響褲袋果部iphone，
所以個眼鏡唔算好貴，幾千蚊有交易，
係o既話真係點都要買番副黎試下啦！
不過就好食機能，CPU要A14或以上先得，
好彩我換左iphone12mini，應該頂得住。

我幻想到好多種玩法，例如用人面識別，
行過條街d路人都會顯示到佢幾多Level，
好似玩緊online game咁，或者番到公司，
見到同事無左半行HP，佢話尋晚開OT！
或者黎個魔法比賽！對方都要有眼鏡，
跟住響你個畫面見到自己好似草薙京咁，
攤開5指掌心出左團火，然後掟出去，
大叫fire ball！對方有帶眼鏡都會睇到，
打中佢度扣HP，其中1方扣晒HP就輸，
真係中2到爆呀！不過好想試下咁玩！
配合埋airpod耳機加埋效果音更迫真！
無帶眼鏡o既人睇唔到特效以為你痴線XD
又或者響街見到d人頭頂上有感嘆號，
可以同佢接任務，或者見垃圾桶有問號，
行埋去探索會獲得虛擬貨幣之類o既野，
你睇！我隨便諗下都有無限可能，
呢樣野1旦普及就好似進入下個世代咁，
有生之年都可以有科幻片咁o既體驗！

其實聽講google glass都出左好耐，
下？有咩？無人講，又無見人帶出街，
呂少話定價太貴要過萬蚊所以唔普及，
但係google果隻有鏡頭，apple果隻無，
咦？米住先，無鏡頭點樣人面識別？
無鏡頭點樣探測到前面垃圾桶有寶物？
無鏡頭點樣scan到你對空氣攤開手？
如果無o既話，以上種種玩法係唔可行！
頂多係響你個畫面show時間日期果d，
亦唔可能用手劃空氣可以操作到介面。

正式帶出街用，由於無home掣，要督個mon開機，
其實全個mon就係home掣，雖然側面都有實體掣，
但盡量唔想用，驚壞，以前iphone4係壞home掣，
iphone7個home掣係裝假狗，其實果個位無掣，
只係用立體震動令你覺得有督左落去o既錯覺，
用左幾年都仲未壞，我係幾buy呢種設計，
iphone12mini係驚袋褲袋隔住塊布都刷到大比肉，
搞到響褲袋著左機，apple shop職員都話會發生，
但佢話有set密碼唔驚，著左機都唔怕亂操作，
嘛，暫時袋左1日亦唔見有響褲袋著機o既情況，
可能我袋果陣盡量將個mon果邊對出咁袋，
避免觸碰到大比肉令佢著機，另1問題係解鎖，
都係o禁密碼unlock，其實佢支援face ID，
亦相當快速認到我個樣，絕對快過我o禁密碼，
但係衣家疫情期間帶住口罩出街認唔到我個樣，
廢左face ID武功，響屋企先唔洗o禁密碼解鎖。

個mon觸控起黎有d唔靈敏，間唔中滑上去無反應，
仲有用手指公滑動係多數唔得，要用食指或中指，
我懷疑係個mon貼太厚影響靈敏度，先醒起，
以前都試過厚mon貼貼唔實搞到部份位置無左判定，
後尾再換塊薄mon貼先至有靈敏o既操作體驗，
不過家下呢塊mon貼係貴野3百幾蚊都咁雞o既？

而最令我期待o既係支援8達通o既功能！
其實由iphone8開始已經有IFC，幾年前o既事，
去地鐵站買張8達通(150蚊)用黎做祭品，
將卡號尾5位數字輸入，手機scan張卡20秒左右，
咁就將張8達通連金額轉移到手機apple pay入面，
然後張實體8達通卡就廢左架啦，其實話轉移，
轉移左又另1個卡號，好似同原本張卡無乜關係。

手機用8達通最正o既就係可以check到幾多餘額，
唔洗估估下或者搵地鐵站check，真係好方便！
平時經常唔記得張8達通淨低幾多錢(亦唔專登記)
試過好多次付款果陣拍卡先知原來入面無錢，
間野唔支援增值又係局住用現金買野找錢袋散紙，
疫情期間唔多想觸摸銀紙(其實無疫情都覺污糟)
衣家就唔洗驚唔記得入錢，隨時都check到有幾錢，
最正係仲可以check埋交易記錄(另download apps)
買過d乜用左幾多錢完全無所遁形。